බ්රහ්මවිෂ්ණුමහේශා ඌචුඃ ।
අජං නිර්විකල්පං නිරාකාරමේකං
නිරානංදමද්වෛතමානංදපූර්ණම් ।
පරං නිර්ගුණං නිර්විශේෂං නිරීහං
පරබ්රහ්මරූපං ගණේශං භජේම ॥ 1 ॥

ගුණාතීතමාද්යං චිදානංදරූපං
චිදාභාසකං සර්වගං ජ්ඤානගම්යම් ।
මුනිධ්යේයමාකාශරූපං පරේශං
පරබ්රහ්මරූපං ගණේශං භජේම ॥ 2 ॥

ජගත්කාරණං කාරණජ්ඤානරූපං
සුරාදිං සුඛාදිං යුගාදිං ගණේශම් ।
ජගද්ව්යාපිනං විශ්වවංද්යං සුරේශං
පරබ්රහ්මරූපං ගණේශං භජේම ॥ 3 ॥

රජෝයෝගතෝ බ්රහ්මරූපං ශ්රුතිජ්ඤං
සදා කාර්යසක්තං හෘදාචිංත්යරූපම් ।
ජගත්කාරකං සර්වවිද්යානිධානං
පරබ්රහ්මරූපං ගණේශං නතාස්මඃ ॥ 4 ॥

සදා සත්ත්වයෝගං මුදා ක්රීඩමානං
සුරාරීන්හරංතං ජගත්පාලයංතම් ।
අනේකාවතාරං නිජජ්ඤානහාරං
සදා විෂ්ණුරූපං ගණේශං නමාමඃ ॥ 5 ॥

තමෝයෝගිනං රුද්රරූපං ත්රිනේත්රං
ජගද්ධාරකං තාරකං ජ්ඤානහේතුම් ।
අනේකාගමෛඃ ස්වං ජනං බෝධයංතං
සදා ශර්වරූපං ගණේශං නමාමඃ ॥ 6 ॥

තමස්තෝමහාරං ජනාජ්ඤානහාරං
ත්රයීවේදසාරං පරබ්රහ්මපාරම් ।
මුනිජ්ඤානකාරං විදූරේවිකාරං
සදා බ්රහ්මරූපං ගණේශං නමාමඃ ॥ 7 ॥

නිජෛරෝෂධීස්තර්පයංතං කරෝද්යෛඃ
සරෞඝාන්කලාභිඃ සුධාස්රාවිණීභිඃ ।
දිනේශාංශු සංතාපහාරං ද්විජේශං
ශශාංකස්වරූපං ගණේශං නමාමඃ ॥ 8 ॥

ප්රකාශස්වරූපං නභෝවායුරූපං
විකාරාදිහේතුං කලාකාලභූතම් ।
අනේකක්රියානේකශක්තිස්වරූපං
සදා ශක්තිරූපං ගණේශං නමාමඃ ॥ 9 ॥

ප්රධානස්වරූපං මහත්තත්ත්වරූපං
ධරාවාරිරූපං දිගීශාදිරූපම් ।
අසත්සත්ස්වරූපං ජගද්ධේතුභූතං
සදා විශ්වරූපං ගණේශං නතාස්මඃ ॥ 10 ॥

ත්වදීයේ මනඃ ස්ථාපයේදංඝ්රියුග්මේ
ජනෝ විඝ්නසංඝාන්න පීඩාං ලභේත ।
ලසත්සූර්යබිංබේ විශාලේ ස්ථිතෝऽයං
ජනෝධ්වාංත පීඩාං කථං වා ලභේත ॥ 11 ॥

වයං භ්රාමිතාඃ සර්වථාऽජ්ඤානයෝගා-
-දලබ්ධා තවාංඝ්රිං බහූන්වර්ෂපූගාන් ।
ඉදානීමවාප්තාස්තවෛව ප්රසාදා-
-ත්ප්රපන්නාන්සදා පාහි විශ්වංභරාද්ය ॥ 12 ॥

ගණේශ උවාච ।
ඉදං යඃ පඨේත්ප්රාතරුත්ථාය ධීමාන්
ත්රිසංධ්යං සදා භක්තියුක්තෝ විශුද්ධඃ ।
සපුත්රාන් ශ්රියං සර්වකාමාන් ලභේත
පරබ්රහ්මරූපෝ භවේදංතකාලේ ॥ 13 ॥

ඉති ගණේශපුරාණේ උපාසනාඛංඩේ ත්රයෝදශෝऽධ්යායේ ශ්රීගණපතිස්තවඃ ।