śrīdēvyuvācha-
bhagavan dēvadēvēśa sarvajña tripurāntaka ।
prāptē kaliyugē ghōrē mahābhūtaiḥ samāvṛtē ॥ 1

mahāvyādhi mahāvyāḻa ghōrarājaiḥ samāvṛtē ।
duḥsvapnaśōkasantāpaiḥ durvinītaiḥ samāvṛtē ॥ 2

svadharmaviratēmārgē pravṛttē hṛdi sarvadā ।
tēṣāṃ siddhiṃ cha muktiṃ cha tvaṃ mē brūhi vṛṣadvaja ॥ 3

īśvara uvācha-
śṛṇu dēvi mahābhāgē sarvakaḻyāṇakāraṇē ।
mahāśāstuścha dēvēśi kavachaṃ puṇyavardhanam ॥ 4

agnistambha jalastambha sēnāstambha vidhāyakam ।
mahābhūtapraśamanaṃ mahāvyādhinivāraṇam ॥ 5

mahājñānapradaṃ puṇyaṃ viśēṣāt kalitāpaham ।
sarvarakṣōttamaṃ puṃsāṃ āyurārōgyavardhanam ॥ 6

kimatō bahunōktēna yaṃ yaṃ kāmayatē dvijaḥ ।
taṃ tamāpnōtyasandēhō mahāśāstuḥ prasādanāt ॥ 7

kavachasya ṛṣirbrahmā gāyatrīḥ Chanda uchyatē ।
dēvatā śrīmahāśāstā dēvō hariharātmajaḥ ॥ 8

ṣaḍaṅgamācharēdbhaktyā mātrayā jātiyuktayā ।
dhyānamasya pravakṣyāmi śṛṇuṣvāvahitā priyē ॥ 9

asya śrī mahāśāstuḥ kavachamantrasya । brahmā ṛṣiḥ । gāyatrīḥ Chandaḥ । mahāśāstā dēvatā । hrāṃ bījam । hrīṃ śaktiḥ । hrūṃ kīlakam । śrī mahāśāstuḥ prasāda siddhyarthē japē viniyōgaḥ ॥

hrāṃ ityādi ṣaḍaṅganyāsaḥ ॥

dhyānam-
tējōmaṇḍalamadhyagaṃ trinayanaṃ divyāmbarālaṅkṛtaṃ
dēvaṃ puṣpaśarēkṣukārmuka lasanmāṇikyapātrā'bhayam ।
bibhrāṇaṃ karapaṅkajaiḥ madagaja skandhādhirūḍhaṃ vibhuṃ
śāstāraṃ śaraṇaṃ bhajāmi satataṃ trailōkya sammōhanam ॥

mahāśāstā śiraḥ pātu phālaṃ hariharātmajaḥ ।
kāmarūpī dṛśaṃ pātu sarvajñō mē śrutiṃ sadā ॥ 1

ghrāṇaṃ pātu kṛpādhyakṣaḥ mukhaṃ gaurīpriyaḥ sadā ।
vēdādhyāyī cha mē jihvāṃ pātu mē chibukaṃ guruḥ ॥ 2

kaṇṭhaṃ pātu viśuddhātmā skandhau pātu surārchitaḥ ।
bāhū pātu virūpākṣaḥ karau tu kamalāpriyaḥ ॥ 3

bhūtādhipō mē hṛdayaṃ madhyaṃ pātu mahābalaḥ ।
nābhiṃ pātu mahāvīraḥ kamalākṣō'vatu kaṭim ॥ 4

sanīpaṃ pātu viśvēśaḥ guhyaṃ guhyārthavitsadā ।
ūrū pātu gajārūḍhaḥ vajradhārī cha jānunī ॥ 5

jaṅghē pātvaṅkuśadharaḥ pādau pātu mahāmatiḥ ।
sarvāṅgaṃ pātu mē nityaṃ mahāmāyāviśāradaḥ ॥ 6

itīdaṃ kavachaṃ puṇyaṃ sarvāghaughanikṛntanam ।
mahāvyādhipraśamanaṃ mahāpātakanāśanam ॥ 7

jñānavairāgyadaṃ divyamaṇimādivibhūṣitam ।
āyurārōgyajananaṃ mahāvaśyakaraṃ param ॥ 8

yaṃ yaṃ kāmayatē kāmaṃ taṃ tamāpnōtyasaṃśayaḥ ।
trisandhyaṃ yaḥ paṭhēdvidvān sa yāti paramāṃ gatim ॥

iti śrī mahāśāstā anugraha kavacham ।