ශ්රීක්ෂෝණ්යෞ රමණීයුගං සුරමණීපුත්රෝऽපි වාණීපතිඃ
පෞත්රශ්චංද්රශිරෝමණිඃ ඵණිපතිඃ ශය්යා සුරාඃ සේවකාඃ ।
තාර්ක්ෂ්යෝ යස්ය රථෝ මහශ්ච භවනං බ්රහ්මාංඩමාද්යඃ පුමාන්
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 1 ॥
යත්තේජෝ රවිකෝටිකෝටිකිරණාන් ධික්කෘත්ය ජේජීයතේ
යස්ය ශ්රීවදනාංබුජස්ය සුෂමා රාකේංදුකෝටීරපි ।
සෞංදර්යං ච මනෝභවානපි බහූන් කාංතිශ්ච කාදංබිනීං
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 2 ॥
නානාරත්න කිරීටකුංඩලමුඛෛර්භූෂාගණෛර්භූෂිතඃ
ශ්රීමත්කෞස්තුභරත්න භව්යහෘදයඃ ශ්රීවත්සසල්ලාංඡනඃ ।
විද්යුද්වර්ණසුවර්ණවස්ත්රරුචිරෝ යඃ ශංඛචක්රාදිභිඃ
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 3 ॥
යත්ඵාලේ මෘගනාභිචාරුතිලකෝ නේත්රේऽබ්ජපත්රායතේ
කස්තූරීඝනසාරකේසරමිලච්ඡ්රීගංධසාරෝ ද්රවෛඃ ।
ගංධෛර්ලිප්තතනුඃ සුගංධසුමනෝමාලාධරෝ යඃ ප්රභුඃ
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 4 ॥
ඒතද්දිව්යපදං මමාස්ති භුවි තත්සංපශ්යතේත්යාදරා-
-ද්භක්තේභ්යඃ ස්වකරේණ දර්ශයති යද්දෘෂ්ට්යාऽතිසෞඛ්යං ගතඃ ।
ඒතද්භක්තිමතෝ මහානපි භවාංභෝධිර්නදීති ස්පෘශන්
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 5 ॥
යඃ ස්වාමී සරසස්තටේ විහරතෝ ශ්රීස්වාමිනාම්නඃ සදා
සෞවර්ණාලයමංදිරෝ විධිමුඛෛර්බර්හිර්මුඛෛඃ සේවිතඃ ।
යඃ ශත්රූන් හනයන් නිජානවති ච ශ්රීභූවරාහාත්මකඃ
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 6 ॥
යෝ බ්රහ්මාදිසුරාන් මුනීංශ්ච මනුජාන් බ්රහ්මෝත්සවායාගතාන්
දෘෂ්ට්වා හෘෂ්ටමනා බභූව බහුශස්තෛරර්චිතඃ සංස්තුතඃ ।
තේභ්යෝ යඃ ප්රදදාද්වරාන් බහුවිධාන් ලක්ෂ්මීනිවාසෝ විභුඃ
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 7 ॥
යෝ දේවෝ භුවි වර්තතේ කලියුගේ වෛකුංඨලෝකස්ථිතෝ
භක්තානාං පරිපාලනාය සතතං කාරුණ්යවාරාං නිධිඃ ।
ශ්රීශේෂාඛ්යමහීංධ්රමස්තකමණිර්භක්තෛකචිංතාමණිඃ
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 8 ॥
ශේෂාද්රිප්රභුමංගළාෂ්ටකමිදං තුෂ්ටේන යස්යේශිතුඃ
ප්රීත්යර්ථං රචිතං රමේශචරණද්වංද්වෛකනිෂ්ඨාවතා ।
වෛවාහ්යාදිශුභක්රියාසු පඨිතං යෛඃ සාධු තේෂාමපි
ශ්රීමද්වේංකටභූධරේංද්රරමණඃ කුර්යාද්ධරිර්මංගළම් ॥ 9 ॥
ඉති ශ්රී වේංකටේශ මංගළාෂ්ටකම් ।
