𑌅𑌰𑍁𑌣𑌾𑌯 𑌶𑌰𑌣𑍍𑌯𑌾𑌯 𑌕𑌰𑍁𑌣𑌾𑌰𑌸𑌸𑌿𑌂𑌧𑌵𑍇 ।
𑌅𑌸𑌮𑌾𑌨𑌬𑌲𑌾𑌯𑌾𑌽𑌽𑌰𑍍𑌤𑌰𑌕𑍍𑌷𑌕𑌾𑌯 𑌨𑌮𑍋 𑌨𑌮𑌃 ॥ 1 ॥

𑌆𑌦𑌿𑌤𑍍𑌯𑌾𑌯𑌾𑌽𑌽𑌦𑌿𑌭𑍂𑌤𑌾𑌯 𑌅𑌖𑌿𑌲𑌾𑌗𑌮𑌵𑍇𑌦𑌿𑌨𑍇 ।
𑌅𑌚𑍍𑌯𑍁𑌤𑌾𑌯𑌾𑌽𑌖𑌿𑌲𑌜𑍍𑌞𑌾𑌯 𑌅𑌨𑌂𑌤𑌾𑌯 𑌨𑌮𑍋 𑌨𑌮𑌃 ॥ 2 ॥

𑌇𑌨𑌾𑌯 𑌵𑌿𑌶𑍍𑌵𑌰𑍂𑌪𑌾𑌯 𑌇𑌜𑍍𑌯𑌾𑌯𑍈𑌂𑌦𑍍𑌰𑌾𑌯 𑌭𑌾𑌨𑌵𑍇 ।
𑌇𑌂𑌦𑌿𑌰𑌾𑌮𑌂𑌦𑌿𑌰𑌾𑌪𑍍𑌤𑌾𑌯 𑌵𑌂𑌦𑌨𑍀𑌯𑌾𑌯 𑌤𑍇 𑌨𑌮𑌃 ॥ 3 ॥

𑌈𑌶𑌾𑌯 𑌸𑍁𑌪𑍍𑌰𑌸𑌨𑍍𑌨𑌾𑌯 𑌸𑍁𑌶𑍀𑌲𑌾𑌯 𑌸𑍁𑌵𑌰𑍍𑌚𑌸𑍇 ।
𑌵𑌸𑍁𑌪𑍍𑌰𑌦𑌾𑌯 𑌵𑌸𑌵𑍇 𑌵𑌾𑌸𑍁𑌦𑍇𑌵𑌾𑌯 𑌤𑍇 𑌨𑌮𑌃 ॥ 4 ॥

𑌉𑌜𑍍𑌜𑍍𑌵𑌲𑌾𑌯𑍋𑌗𑍍𑌰𑌰𑍂𑌪𑌾𑌯 𑌊𑌰𑍍𑌧𑍍𑌵𑌗𑌾𑌯 𑌵𑌿𑌵𑌸𑍍𑌵𑌤𑍇 ।
𑌉𑌦𑍍𑌯𑌤𑍍𑌕𑌿𑌰𑌣𑌜𑌾𑌲𑌾𑌯 𑌹𑍃𑌷𑍀𑌕𑍇𑌶𑌾𑌯 𑌤𑍇 𑌨𑌮𑌃 ॥ 5 ॥

𑌊𑌰𑍍𑌜𑌸𑍍𑌵𑌲𑌾𑌯 𑌵𑍀𑌰𑌾𑌯 𑌨𑌿𑌰𑍍𑌜𑌰𑌾𑌯 𑌜𑌯𑌾𑌯 𑌚 ।
𑌊𑌰𑍁𑌦𑍍𑌵𑌯𑌾𑌭𑌾𑌵𑌰𑍂𑌪𑌯𑍁𑌕𑍍𑌤𑌸𑌾𑌰𑌥𑌯𑍇 𑌨𑌮𑌃 ॥ 6 ॥

𑌋𑌷𑌿𑌵𑌂𑌦𑍍𑌯𑌾𑌯 𑌰𑍁𑌗𑍍𑌘𑌂𑌤𑍍𑌰𑍇 𑌋𑌕𑍍𑌷𑌚𑌕𑍍𑌰𑌚𑌰𑌾𑌯 𑌚 ।
𑌋𑌜𑍁𑌸𑍍𑌵𑌭𑌾𑌵𑌚𑌿𑌤𑍍𑌤𑌾𑌯 𑌨𑌿𑌤𑍍𑌯𑌸𑍍𑌤𑍁𑌤𑍍𑌯𑌾𑌯 𑌤𑍇 𑌨𑌮𑌃 ॥ 𑍭 ॥

𑍠𑌕𑌾𑌰𑌮𑌾𑌤𑍃𑌕𑌾𑌵𑌰𑍍𑌣𑌰𑍂𑌪𑌾𑌯𑍋𑌜𑍍𑌜𑍍𑌵𑌲𑌤𑍇𑌜𑌸𑍇 ।
𑍠𑌕𑍍𑌷𑌾𑌧𑌿𑌨𑌾𑌥𑌮𑌿𑌤𑍍𑌰𑌾𑌯 𑌪𑍁𑌷𑍍𑌕𑌰𑌾𑌕𑍍𑌷𑌾𑌯 𑌤𑍇 𑌨𑌮𑌃 ॥ 𑍮 ॥

𑌲𑍁𑌪𑍍𑌤𑌦𑌂𑌤𑌾𑌯 𑌶𑌾𑌂𑌤𑌾𑌯 𑌕𑌾𑌂𑌤𑌿𑌦𑌾𑌯 𑌘𑌨𑌾𑌯 𑌚 ।
𑌕𑌨𑌤𑍍𑌕𑌨𑌕𑌭𑍂𑌷𑌾𑌯 𑌖𑌦𑍍𑌯𑍋𑌤𑌾𑌯 𑌨𑌮𑍋 𑌨𑌮𑌃 ॥ 𑍯 ॥

𑌲𑍂𑌨𑌿𑌤𑌾𑌖𑌿𑌲𑌦𑍈𑌤𑍍𑌯𑌾𑌯 𑌸𑌤𑍍𑌯𑌾𑌨𑌂𑌦𑌸𑍍𑌵𑌰𑍂𑌪𑌿𑌣𑍇 ।
𑌅𑌪𑌵𑌰𑍍𑌗𑌪𑍍𑌰𑌦𑌾𑌯𑌾𑌽𑌽𑌰𑍍𑌤𑌶𑌰𑌣𑍍𑌯𑌾𑌯 𑌨𑌮𑍋 𑌨𑌮𑌃 ॥ 10 ॥

𑌏𑌕𑌾𑌕𑌿𑌨𑍇 𑌭𑌗𑌵𑌤𑍇 𑌸𑍃𑌷𑍍𑌟𑌿𑌸𑍍𑌥𑌿𑌤𑍍𑌯𑌂𑌤𑌕𑌾𑌰𑌿𑌣𑍇 ।
𑌗𑍁𑌣𑌾𑌤𑍍𑌮𑌨𑍇 𑌘𑍃𑌣𑌿𑌭𑍃𑌤𑍇 𑌬𑍃𑌹𑌤𑍇 𑌬𑍍𑌰𑌹𑍍𑌮𑌣𑍇 𑌨𑌮𑌃 ॥ 11 ॥

𑌐𑌶𑍍𑌵𑌰𑍍𑌯𑌦𑌾𑌯 𑌶𑌰𑍍𑌵𑌾𑌯 𑌹𑌰𑌿𑌦𑌶𑍍𑌵𑌾𑌯 𑌶𑍌𑌰𑌯𑍇 ।
𑌦𑌶𑌦𑌿𑌕𑍍𑌸𑌂𑌪𑍍𑌰𑌕𑌾𑌶𑌾𑌯 𑌭𑌕𑍍𑌤𑌵𑌶𑍍𑌯𑌾𑌯 𑌤𑍇 𑌨𑌮𑌃 ॥ 12 ॥

𑌓𑌜𑌸𑍍𑌕𑌰𑌾𑌯 𑌜𑌯𑌿𑌨𑍇 𑌜𑌗𑌦𑌾𑌨𑌂𑌦𑌹𑍇𑌤𑌵𑍇 ।
𑌜𑌨𑍍𑌮𑌮𑍃𑌤𑍍𑌯𑍁𑌜𑌰𑌾𑌵𑍍𑌯𑌾𑌧𑌿𑌵𑌰𑍍𑌜𑌿𑌤𑌾𑌯 𑌨𑌮𑍋 𑌨𑌮𑌃 ॥ 13 ॥

𑌔𑌨𑍍𑌨𑌤𑍍𑌯𑌪𑌦𑌸𑌂𑌚𑌾𑌰𑌰𑌥𑌸𑍍𑌥𑌾𑌯𑌾𑌤𑍍𑌮𑌰𑍂𑌪𑌿𑌣𑍇 ।
𑌕𑌮𑌨𑍀𑌯𑌕𑌰𑌾𑌯𑌾𑌽𑌬𑍍𑌜𑌵𑌲𑍍𑌲𑌭𑌾𑌯 𑌨𑌮𑍋 𑌨𑌮𑌃 ॥ 14 ॥

𑌅𑌂𑌤𑌰𑍍𑌬𑌹𑌿𑌃𑌪𑍍𑌰𑌕𑌾𑌶𑌾𑌯 𑌅𑌚𑌿𑌂𑌤𑍍𑌯𑌾𑌯𑌾𑌽𑌽𑌤𑍍𑌮𑌰𑍂𑌪𑌿𑌣𑍇 ।
𑌅𑌚𑍍𑌯𑍁𑌤𑌾𑌯 𑌸𑍁𑌰𑍇𑌶𑌾𑌯 𑌪𑌰𑌸𑍍𑌮𑍈 𑌜𑍍𑌯𑍋𑌤𑌿𑌷𑍇 𑌨𑌮𑌃 ॥ 15 ॥

𑌅𑌹𑌸𑍍𑌕𑌰𑌾𑌯 𑌰𑌵𑌯𑍇 𑌹𑌰𑌯𑍇 𑌪𑌰𑌮𑌾𑌤𑍍𑌮𑌨𑍇 ।
𑌤𑌰𑍁𑌣𑌾𑌯 𑌵𑌰𑍇𑌣𑍍𑌯𑌾𑌯 𑌗𑍍𑌰𑌹𑌾𑌣𑌾𑌂 𑌪𑌤𑌯𑍇 𑌨𑌮𑌃 ॥ 16 ॥

𑌓𑌂 𑌨𑌮𑍋 𑌭𑌾𑌸𑍍𑌕𑌰𑌾𑌯𑌾𑌽𑌽𑌦𑌿𑌮𑌧𑍍𑌯𑌾𑌂𑌤𑌰𑌹𑌿𑌤𑌾𑌯 𑌚 ।
𑌸𑍌𑌖𑍍𑌯𑌪𑍍𑌰𑌦𑌾𑌯 𑌸𑌕𑌲𑌜𑌗𑌤𑌾𑌂 𑌪𑌤𑌯𑍇 𑌨𑌮𑌃 ॥ 1𑍭 ॥

𑌨𑌮𑌃 𑌸𑍂𑌰𑍍𑌯𑌾𑌯 𑌕𑌵𑌯𑍇 𑌨𑌮𑍋 𑌨𑌾𑌰𑌾𑌯𑌣𑌾𑌯 𑌚 ।
𑌨𑌮𑍋 𑌨𑌮𑌃 𑌪𑌰𑍇𑌶𑌾𑌯 𑌤𑍇𑌜𑍋𑌰𑍂𑌪𑌾𑌯 𑌤𑍇 𑌨𑌮𑌃 ॥ 1𑍮 ॥

𑌓𑌂 𑌶𑍍𑌰𑍀𑌂 𑌹𑌿𑌰𑌣𑍍𑌯𑌗𑌰𑍍𑌭𑌾𑌯 𑌓𑌂 𑌹𑍍𑌰𑍀𑌂 𑌸𑌂𑌪𑌤𑍍𑌕𑌰𑌾𑌯 𑌚 ।
𑌓𑌂 𑌐𑌂 𑌇𑌷𑍍𑌟𑌾𑌰𑍍𑌥𑌦𑌾𑌯𑌾𑌽𑌨𑍁𑌪𑍍𑌰𑌸𑌨𑍍𑌨𑌾𑌯 𑌨𑌮𑍋 𑌨𑌮𑌃 ॥ 1𑍯 ॥

𑌶𑍍𑌰𑍀𑌮𑌤𑍇 𑌶𑍍𑌰𑍇𑌯𑌸𑍇 𑌭𑌕𑍍𑌤𑌕𑍋𑌟𑌿𑌸𑍌𑌖𑍍𑌯𑌪𑍍𑌰𑌦𑌾𑌯𑌿𑌨𑍇 ।
𑌨𑌿𑌖𑌿𑌲𑌾𑌗𑌮𑌵𑍇𑌦𑍍𑌯𑌾𑌯 𑌨𑌿𑌤𑍍𑌯𑌾𑌨𑌂𑌦𑌾𑌯 𑌤𑍇 𑌨𑌮𑌃 ॥ 20 ॥

𑌇𑌤𑌿 𑌶𑍍𑌰𑍀 𑌸𑍂𑌰𑍍𑌯 𑌅𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।