aruṇāya śaraṇyāya karuṇārasasindhavē ।
asamānabalāyā''rtarakṣakāya namō namaḥ ॥ 1 ॥

ādityāyā''dibhūtāya akhilāgamavēdinē ।
achyutāyā'khilajñāya anantāya namō namaḥ ॥ 2 ॥

ināya viśvarūpāya ijyāyaindrāya bhānavē ।
indirāmandirāptāya vandanīyāya tē namaḥ ॥ 3 ॥

īśāya suprasannāya suśīlāya suvarchasē ।
vasupradāya vasavē vāsudēvāya tē namaḥ ॥ 4 ॥

ujjvalāyōgrarūpāya ūrdhvagāya vivasvatē ।
udyatkiraṇajālāya hṛṣīkēśāya tē namaḥ ॥ 5 ॥

ūrjasvalāya vīrāya nirjarāya jayāya cha ।
ūrudvayābhāvarūpayuktasārathayē namaḥ ॥ 6 ॥

ṛṣivandyāya rugghantrē ṛkṣachakracharāya cha ।
ṛjusvabhāvachittāya nityastutyāya tē namaḥ ॥ 7 ॥

ṝkāramātṛkāvarṇarūpāyōjjvalatējasē ।
ṝkṣādhināthamitrāya puṣkarākṣāya tē namaḥ ॥ 8 ॥

luptadantāya śāntāya kāntidāya ghanāya cha ।
kanatkanakabhūṣāya khadyōtāya namō namaḥ ॥ 9 ॥

lūnitākhiladaityāya satyānandasvarūpiṇē ।
apavargapradāyā''rtaśaraṇyāya namō namaḥ ॥ 10 ॥

ēkākinē bhagavatē sṛṣṭisthityantakāriṇē ।
guṇātmanē ghṛṇibhṛtē bṛhatē brahmaṇē namaḥ ॥ 11 ॥

aiśvaryadāya śarvāya haridaśvāya śaurayē ।
daśadiksamprakāśāya bhaktavaśyāya tē namaḥ ॥ 12 ॥

ōjaskarāya jayinē jagadānandahētavē ।
janmamṛtyujarāvyādhivarjitāya namō namaḥ ॥ 13 ॥

aunnatyapadasañchārarathasthāyātmarūpiṇē ।
kamanīyakarāyā'bjavallabhāya namō namaḥ ॥ 14 ॥

antarbahiḥprakāśāya achintyāyā''tmarūpiṇē ।
achyutāya surēśāya parasmai jyōtiṣē namaḥ ॥ 15 ॥

ahaskarāya ravayē harayē paramātmanē ।
taruṇāya varēṇyāya grahāṇāṃ patayē namaḥ ॥ 16 ॥

ōṃ namō bhāskarāyā''dimadhyāntarahitāya cha ।
saukhyapradāya sakalajagatāṃ patayē namaḥ ॥ 17 ॥

namaḥ sūryāya kavayē namō nārāyaṇāya cha ।
namō namaḥ parēśāya tējōrūpāya tē namaḥ ॥ 18 ॥

ōṃ śrīṃ hiraṇyagarbhāya ōṃ hrīṃ sampatkarāya cha ।
ōṃ aiṃ iṣṭārthadāyā'nuprasannāya namō namaḥ ॥ 19 ॥

śrīmatē śrēyasē bhaktakōṭisaukhyapradāyinē ।
nikhilāgamavēdyāya nityānandāya tē namaḥ ॥ 20 ॥

iti śrī sūrya aṣṭōttaraśatanāma stōtram ।