ଶୃଣୁ ନାମାନି ଜପ୍ୟାନି କେତୋ ରଥ ମହାମତେ ।
କେତୁଃ ସ୍ଥୂଲଶିରାଶ୍ଚୈଵ ଶିରୋମାତ୍ରୋ ଧ୍ଵଜାକୃତିଃ ॥ 1 ॥

ନଵଗ୍ରହୟୁତଃ ସିଂହିକାସୁରୀଗର୍ଭସଂଭଵଃ ।
ମହାଭୀତିକରଶ୍ଚିତ୍ରଵର୍ଣୋ ଵୈ ପିଂଗଳାକ୍ଷକଃ ॥ 2 ॥

ସ ଫଲୋଧୂମ୍ରସଂକାଶଃ ତୀକ୍ଷ୍ଣଦଂଷ୍ଟ୍ରୋ ମହୋରଗଃ ।
ରକ୍ତନେତ୍ରଶ୍ଚିତ୍ରକାରୀ ତୀଵ୍ରକୋପୋ ମହାସୁରଃ ॥ 3 ॥

କ୍ରୂରକଂଠଃ କ୍ରୋଧନିଧିଶ୍ଛାୟାଗ୍ରହଵିଶେଷକଃ ।
ଅଂତ୍ୟଗ୍ରହୋ ମହାଶୀର୍ଷୋ ସୂର୍ୟାରିଃ ପୁଷ୍ପଵଦ୍ଗ୍ରହୀ ॥ 4 ॥

ଵରହସ୍ତୋ ଗଦାପାଣିଶ୍ଚିତ୍ରଵସ୍ତ୍ରଧରସ୍ତଥା ।
ଚିତ୍ରଧ୍ଵଜପତାକଶ୍ଚ ଘୋରଶ୍ଚିତ୍ରରଥଃ ଶିଖୀ ॥ 5 ॥

କୁଳୁତ୍ଥଭକ୍ଷକଶ୍ଚୈଵ ଵୈଡୂର୍ୟାଭରଣସ୍ତଥା ।
ଉତ୍ପାତଜନକଃ ଶୁକ୍ରମିତ୍ରଂ ମଂଦସଖସ୍ତଥା ॥ 6 ॥

ଗଦାଧରଃ ନାକପତିଃ ଅଂତର୍ଵେଦୀଶ୍ଵରସ୍ତଥା ।
ଜୈମିନୀଗୋତ୍ରଜଶ୍ଚିତ୍ରଗୁପ୍ତାତ୍ମା ଦକ୍ଷିଣାମୁଖଃ ॥ 7 ॥

ମୁକୁଂଦଵରପାତ୍ରଂ ଚ ମହାସୁରକୁଲୋଦ୍ଭଵଃ ।
ଘନଵର୍ଣୋ ଲଂବଦେହୋ ମୃତ୍ୟୁପୁତ୍ରସ୍ତଥୈଵ ଚ ॥ 8 ॥

ଉତ୍ପାତରୂପଧାରୀ ଚାଽଦୃଶ୍ୟଃ କାଲାଗ୍ନିସନ୍ନିଭଃ ।
ନୃପୀଡୋ ଗ୍ରହକାରୀ ଚ ସର୍ଵୋପଦ୍ରଵକାରକଃ ॥ 9 ॥

ଚିତ୍ରପ୍ରସୂତୋ ହ୍ୟନଲଃ ସର୍ଵଵ୍ୟାଧିଵିନାଶକଃ ।
ଅପସଵ୍ୟପ୍ରଚାରୀ ଚ ନଵମେ ପାପଦାୟକଃ ॥ 10 ॥

ପଂଚମେ ଶୋକଦଶ୍ଚୋପରାଗଖେଚର ଏଵ ଚ ।
ଅତିପୁରୁଷକର୍ମା ଚ ତୁରୀୟେ (ତୁ) ସୁଖପ୍ରଦଃ ॥ 11 ॥

ତୃତୀୟେ ଵୈରଦଃ ପାପଗ୍ରହଶ୍ଚ ସ୍ଫୋଟକାରକଃ ।
ପ୍ରାଣନାଥଃ ପଂଚମେ ତୁ ଶ୍ରମକାରକ ଏଵ ଚ ॥ 12 ॥

ଦ୍ଵିତୀୟେଽସ୍ଫୁଟଵାଗ୍ଦାତା ଵିଷାକୁଲିତଵକ୍ତ୍ରକଃ ।
କାମରୂପୀ ସିଂହଦଂତଃ ସତ୍ୟେପ୍ୟନୃତଵାନପି ॥ 13 ॥

ଚତୁର୍ଥେ ମାତୃନାଶଶ୍ଚ ନଵମେ ପିତୃନାଶକଃ ।
ଅଂତ୍ୟେ ଵୈରପ୍ରଦଶ୍ଚୈଵ ସୁତାନଂଦନବଂଧକଃ ॥ 14 ॥

ସର୍ପାକ୍ଷିଜାତୋଽନଂଗଶ୍ଚ କର୍ମରାଶ୍ୟୁଦ୍ଭଵସ୍ତଥା ।
ଉପାଂତେ କୀର୍ତିଦଶ୍ଚୈଵ ସପ୍ତମେ କଲହପ୍ରଦଃ ॥ 15 ॥

ଅଷ୍ଟମେ ଵ୍ୟାଧିକର୍ତା ଚ ଧନେ ବହୁସୁଖପ୍ରଦଃ ।
ଜନନେ ରୋଗଦଶ୍ଚୋର୍ଧ୍ଵମୂର୍ଧଜୋ ଗ୍ରହନାୟକଃ ॥ 16 ॥

ପାପଦୃଷ୍ଟିଃ ଖେଚରଶ୍ଚ ଶାଂଭଵୋଽଶେଷପୂଜିତଃ ।
ଶାଶ୍ଵତଶ୍ଚ ନଟଶ୍ଚୈଵ ଶୁଭାଽଶୁଭଫଲପ୍ରଦଃ ॥ 17 ॥

ଧୂମ୍ରଶ୍ଚୈଵ ସୁଧାପାୟୀ ହ୍ୟଜିତୋ ଭକ୍ତଵତ୍ସଲଃ ।
ସିଂହାସନଃ କେତୁମୂର୍ତୀ ରଵୀଂଦୁଦ୍ୟୁତିନାଶକଃ ॥ 18 ॥

ଅମରଃ ପୀଡକୋଽମର୍ତ୍ୟୋ ଵିଷ୍ଣୁଦୃଷ୍ଟୋଽସୁରେଶ୍ଵରଃ ।
ଭକ୍ତରକ୍ଷୋଽଥ ଵୈଚିତ୍ର୍ୟକପଟସ୍ୟଂଦନସ୍ତଥା ॥ 19 ॥

ଵିଚିତ୍ରଫଲଦାୟୀ ଚ ଭକ୍ତାଭୀଷ୍ଟଫଲପ୍ରଦଃ ।
ଏତତ୍କେତୁଗ୍ରହସ୍ୟୋକ୍ତଂ ନାମ୍ନାମଷ୍ଟୋତ୍ତରଂ ଶତମ୍ ॥ 20 ॥

ୟୋ ଭକ୍ତ୍ୟେଦଂ ଜପେତ୍କେତୁର୍ନାମ୍ନାମଷ୍ଟୋତ୍ତରଂ ଶତମ୍ ।
ସ ତୁ କେତୋଃ ପ୍ରସାଦେନ ସର୍ଵାଭୀଷ୍ଟଂ ସମାପ୍ନୁୟାତ୍ ॥ 21 ॥

ଇତି ଶ୍ରୀ କେତୁ ଅଷ୍ଟୋତ୍ତରଶତନାମ ସ୍ତୋତ୍ରମ୍ ।