॥ শ্রীশংকরাচার্যস্তবঃ ॥
শ্রীশংকরাচার্যবর্য়ং সর্বলোকৈকবংদ্য়ং ভজে দেশিকেংদ্রম্
ধর্মপ্রচারেঽতিদক্ষং যোগিগোবিংদপাদাপ্তসন্য়াসদীক্ষম্ ।
দুর্বাদিগর্বাপনোদং পদ্মপাদাদিশিষ্য়ালিসংসেব্যপাদম্ ॥1॥
(শ্রীশংকরাচার্যবর্য়ং)
শংকাদ্রিদংভোলিলীলং কিংকরাশেষশিষ্য়ালি সংত্রাণশীলম্ ।
বালার্কনীকাশচেলং বোধিতাশেষবেদাংত গূঢার্থজালম্ ॥2॥
(শ্রীশংকরাচার্যবর্য়ং)
রুদ্রাক্ষমালাবিভূষং চংদ্রমৌলীশ্বরারাধনাবাপ্ততোষম্ ।
বিদ্রাবিতাশেষদোষং ভদ্রপূগপ্রদং ভক্তলোকস্য় নিত্যম্ ॥3॥
(শ্রীশংকরাচার্যবর্য়ং)
পাপাটবীচিত্রভানুং জ্ঞানদীপেন হার্দং তমো বারয়ংতম্ ।
দ্বৈপাযনপ্রীতিভাজং সর্বতাপাপহামোঘবোধপ্রদং তম্ ॥4॥
(শ্রীশংকরাচার্যবর্য়ং)
রাজাধিরাজাভিপূজ্য়ং রম্যশৃংগাদ্রিবাসৈকলোলং যতীড্যম্ ।
রাকেংদুসংকাশবক্ত্রং রত্নগর্ভেভবক্ত্রাংঘ্রিপূজানুরক্তম্ ॥5॥
(শ্রীশংকরাচার্যবর্য়ং)
শ্রীভারতীতীর্থগীতং শংকরার্যস্তবং যঃ পঠেদ্ভক্তিয়ুক্তঃ ।
সোঽবাপ্নুয়াত্সর্বমিষ্টং শংকরাচার্যবর্যপ্রসাদেন তূর্ণম্ ॥6॥
(শ্রীশংকরাচার্যবর্য়ং)
