Amba Pancharatnam - Grantha | Vaidika Vignanam

𑌅𑌂𑌬𑌾𑌶𑌂𑌬𑌰𑌵𑍈𑌰𑌿𑌤𑌾𑌤𑌭𑌗𑌿𑌨𑍀 𑌶𑍍𑌰𑍀𑌚𑌂𑌦𑍍𑌰𑌬𑌿𑌂𑌬𑌾𑌨𑌨𑌾
𑌬𑌿𑌂𑌬𑍋𑌷𑍍𑌠𑍀 𑌸𑍍𑌮𑌿𑌤𑌭𑌾𑌷𑌿𑌣𑍀 𑌶𑍁𑌭𑌕𑌰𑍀 𑌕𑌾𑌦𑌂𑌬𑌵𑌾𑌟𑍍𑌯𑌾𑌶𑍍𑌰𑌿𑌤𑌾 ।
𑌹𑍍𑌰𑍀𑌂𑌕𑌾𑌰𑌾𑌕𑍍𑌷𑌰𑌮𑌂𑌤𑍍𑌰𑌮𑌧𑍍𑌯𑌸𑍁𑌭𑌗𑌾 𑌶𑍍𑌰𑍋𑌣𑍀𑌨𑌿𑌤𑌂𑌬𑌾𑌂𑌕𑌿𑌤𑌾
𑌮𑌾𑌮𑌂𑌬𑌾𑌪𑍁𑌰𑌵𑌾𑌸𑌿𑌨𑍀 𑌭𑌗𑌵𑌤𑍀 𑌹𑍇𑌰𑌂𑌬𑌮𑌾𑌤𑌾𑌵𑌤𑍁 ॥ 1 ॥

𑌕𑌲𑍍𑌯𑌾𑌣𑍀 𑌕𑌮𑌨𑍀𑌯𑌸𑍁𑌂𑌦𑌰𑌵𑌪𑍁𑌃 𑌕𑌾𑌤𑍍𑌯𑌾𑌯𑌨𑍀 𑌕𑌾𑌲𑌿𑌕𑌾
𑌕𑌾𑌲𑌾 𑌶𑍍𑌯𑌾𑌮𑌲𑌮𑍇𑌚𑌕𑌦𑍍𑌯𑍁𑌤𑌿𑌮𑌤𑍀 𑌕𑌾𑌦𑌿𑌤𑍍𑌰𑌿𑌪𑌂𑌚𑌾𑌕𑍍𑌷𑌰𑍀 ।
𑌕𑌾𑌮𑌾𑌕𑍍𑌷𑍀 𑌕𑌰𑍁𑌣𑌾𑌨𑌿𑌧𑌿𑌃 𑌕𑌲𑌿𑌮𑌲𑌾𑌰𑌣𑍍𑌯𑌾𑌤𑌿𑌦𑌾𑌵𑌾𑌨𑌲𑌾
𑌮𑌾𑌮𑌂𑌬𑌾𑌪𑍁𑌰𑌵𑌾𑌸𑌿𑌨𑍀 𑌭𑌗𑌵𑌤𑍀 𑌹𑍇𑌰𑌂𑌬𑌮𑌾𑌤𑌾𑌵𑌤𑍁 ॥ 2 ॥

𑌕𑌾𑌂𑌚𑍀𑌕𑌂𑌕𑌣𑌹𑌾𑌰𑌕𑍁𑌂𑌡𑌲𑌵𑌤𑍀 𑌕𑍋𑌟𑍀𑌕𑌿𑌰𑍀𑌟𑌾𑌨𑍍𑌵𑌿𑌤𑌾
𑌕𑌂𑌦𑌰𑍍𑌪𑌦𑍍𑌯𑍁𑌤𑌿𑌕𑍋𑌟𑌿𑌕𑍋𑌟𑌿𑌸𑌦𑌨𑌾 𑌪𑍀𑌯𑍂𑌷𑌕𑍁𑌂𑌭𑌸𑍍𑌤𑌨𑌾 ।
𑌕𑍌𑌸𑍁𑌂𑌭𑌾𑌰𑍁𑌣𑌕𑌾𑌂𑌚𑌨𑌾𑌂𑌬𑌰𑌵𑍃𑌤𑌾 𑌕𑍈𑌲𑌾𑌸𑌵𑌾𑌸𑌪𑍍𑌰𑌿𑌯𑌾
𑌮𑌾𑌮𑌂𑌬𑌾𑌪𑍁𑌰𑌵𑌾𑌸𑌿𑌨𑍀 𑌭𑌗𑌵𑌤𑍀 𑌹𑍇𑌰𑌂𑌬𑌮𑌾𑌤𑌾𑌵𑌤𑍁 ॥ 3 ॥

𑌯𑌾 𑌸𑌾 𑌶𑍁𑌂𑌭𑌨𑌿𑌶𑍁𑌂𑌭𑌦𑍈𑌤𑍍𑌯𑌶𑌮𑌨𑍀 𑌯𑌾 𑌰𑌕𑍍𑌤𑌬𑍀𑌜𑌾𑌶𑌨𑍀
𑌯𑌾 𑌶𑍍𑌰𑍀 𑌵𑌿𑌷𑍍𑌣𑍁𑌸𑌰𑍋𑌜𑌨𑍇𑌤𑍍𑌰𑌭𑌵𑌨𑌾 𑌯𑌾 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌽𑌽𑌸𑌨𑍀 ।
𑌯𑌾 𑌦𑍇𑌵𑍀 𑌮𑌧𑍁𑌕𑍈𑌟𑌭𑌾𑌸𑍁𑌰𑌰𑌿𑌪𑍁𑌰𑍍𑌯𑌾 𑌮𑌾𑌹𑌿𑌷𑌧𑍍𑌵𑌂𑌸𑌿𑌨𑍀
𑌮𑌾𑌮𑌂𑌬𑌾𑌪𑍁𑌰𑌵𑌾𑌸𑌿𑌨𑍀 𑌭𑌗𑌵𑌤𑍀 𑌹𑍇𑌰𑌂𑌬𑌮𑌾𑌤𑌾𑌵𑌤𑍁 ॥ 4 ॥

𑌶𑍍𑌰𑍀𑌵𑌿𑌦𑍍𑌯𑌾 𑌪𑌰𑌦𑍇𑌵𑌤𑌾𑌽𑌽𑌦𑌿𑌜𑌨𑌨𑍀 𑌦𑍁𑌰𑍍𑌗𑌾 𑌜𑌯𑌾 𑌚𑌂𑌡𑌿𑌕𑌾
𑌬𑌾𑌲𑌾 𑌶𑍍𑌰𑍀𑌤𑍍𑌰𑌿𑌪𑍁𑌰𑍇𑌶𑍍𑌵𑌰𑍀 𑌶𑌿𑌵𑌸𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ।
𑌶𑍍𑌰𑍀𑌰𑌾𑌜𑍍𑌞𑍀 𑌶𑌿𑌵𑌦𑍂𑌤𑌿𑌕𑌾 𑌶𑍍𑌰𑍁𑌤𑌿𑌨𑍁𑌤𑌾 𑌶𑍃𑌂𑌗𑌾𑌰𑌚𑍂𑌡𑌾𑌮𑌣𑌿𑌃
𑌮𑌾𑌮𑌂𑌬𑌾𑌪𑍁𑌰𑌵𑌾𑌸𑌿𑌨𑍀 𑌭𑌗𑌵𑌤𑍀 𑌹𑍇𑌰𑌂𑌬𑌮𑌾𑌤𑌾𑌵𑌤𑍁 ॥ 5 ॥

𑌅𑌂𑌬𑌾𑌪𑌂𑌚𑌕𑌮𑌦𑍍𑌭𑍁𑌤𑌂 𑌪𑌠𑌤𑌿 𑌚𑍇𑌦𑍍𑌯𑍋 𑌵𑌾 𑌪𑍍𑌰𑌭𑌾𑌤𑍇𑌽𑌨𑌿𑌶𑌂
𑌦𑌿𑌵𑍍𑌯𑍈𑌶𑍍𑌵𑌰𑍍𑌯𑌶𑌤𑌾𑌯𑍁𑌰𑍁𑌤𑍍𑌤𑌮𑌮𑌤𑌿𑌂 𑌵𑌿𑌦𑍍𑌯𑌾𑌂 𑌶𑍍𑌰𑌿𑌯𑌂 𑌶𑌾𑌶𑍍𑌵𑌤𑌮𑍍 ।
𑌲𑌬𑍍𑌧𑍍𑌵𑌾 𑌭𑍂𑌮𑌿𑌤𑌲𑍇 𑌸𑍍𑌵𑌧𑌰𑍍𑌮𑌨𑌿𑌰𑌤𑌾𑌂 𑌶𑍍𑌰𑍀𑌸𑍁𑌂𑌦𑌰𑍀𑌂 𑌭𑌾𑌮𑌿𑌨𑍀𑌂
𑌅𑌂𑌤𑍇 𑌸𑍍𑌵𑌰𑍍𑌗𑌫𑌲𑌂 𑌲𑌭𑍇𑌤𑍍𑌸 𑌵𑌿𑌬𑍁𑌧𑍈𑌃 𑌸𑌂𑌸𑍍𑌤𑍂𑌯𑌮𑌾𑌨𑍋 𑌨𑌰𑌃 ॥ 6 ॥

𑌇𑌤𑌿 𑌶𑍍𑌰𑍀 𑌅𑌂𑌬𑌾 𑌪𑌂𑌚𑌰𑌤𑍍𑌨 𑌸𑍍𑌤𑍋𑌤𑍍𑌰𑌮𑍍 ।

Browse Related Categories: