𑌉𑌦𑍍𑌯𑌦𑍍𑌭𑌾𑌨𑍁𑌸𑌹𑌸𑍍𑌰𑌕𑍋𑌟𑌿𑌸𑌦𑍃𑌶𑌾𑌂 𑌕𑍇𑌯𑍂𑌰𑌹𑌾𑌰𑍋𑌜𑍍𑌜𑍍𑌵𑌲𑌾𑌂
𑌬𑌿𑌂𑌬𑍋𑌷𑍍𑌠𑍀𑌂 𑌸𑍍𑌮𑌿𑌤𑌦𑌂𑌤𑌪𑌂𑌕𑍍𑌤𑌿𑌰𑍁𑌚𑌿𑌰𑌾𑌂 𑌪𑍀𑌤𑌾𑌂𑌬𑌰𑌾𑌲𑌂𑌕𑍃𑌤𑌾𑌮𑍍 ।
𑌵𑌿𑌷𑍍𑌣𑍁𑌬𑍍𑌰𑌹𑍍𑌮𑌸𑍁𑌰𑍇𑌂𑌦𑍍𑌰𑌸𑍇𑌵𑌿𑌤𑌪𑌦𑌾𑌂 𑌤𑌤𑍍𑌤𑍍𑌵𑌸𑍍𑌵𑌰𑍂𑌪𑌾𑌂 𑌶𑌿𑌵𑌾𑌂
𑌮𑍀𑌨𑌾𑌕𑍍𑌷𑍀𑌂 𑌪𑍍𑌰𑌣𑌤𑍋𑌽𑌸𑍍𑌮𑌿 𑌸𑌂𑌤𑌤𑌮𑌹𑌂 𑌕𑌾𑌰𑍁𑌣𑍍𑌯𑌵𑌾𑌰𑌾𑌂𑌨𑌿𑌧𑌿𑌮𑍍 ॥ 1 ॥
𑌮𑍁𑌕𑍍𑌤𑌾𑌹𑌾𑌰𑌲𑌸𑌤𑍍𑌕𑌿𑌰𑍀𑌟𑌰𑍁𑌚𑌿𑌰𑌾𑌂 𑌪𑍂𑌰𑍍𑌣𑍇𑌂𑌦𑍁𑌵𑌕𑍍𑌤𑍍𑌰𑌪𑍍𑌰𑌭𑌾𑌂
𑌶𑌿𑌂𑌜𑌨𑍍𑌨𑍂𑌪𑍁𑌰𑌕𑌿𑌂𑌕𑌿𑌣𑍀𑌮𑌣𑌿𑌧𑌰𑌾𑌂 𑌪𑌦𑍍𑌮𑌪𑍍𑌰𑌭𑌾𑌭𑌾𑌸𑍁𑌰𑌾𑌮𑍍 ।
𑌸𑌰𑍍𑌵𑌾𑌭𑍀𑌷𑍍𑌟𑌫𑌲𑌪𑍍𑌰𑌦𑌾𑌂 𑌗𑌿𑌰𑌿𑌸𑍁𑌤𑌾𑌂 𑌵𑌾𑌣𑍀𑌰𑌮𑌾𑌸𑍇𑌵𑌿𑌤𑌾𑌂
𑌮𑍀𑌨𑌾𑌕𑍍𑌷𑍀𑌂 𑌪𑍍𑌰𑌣𑌤𑍋𑌽𑌸𑍍𑌮𑌿 𑌸𑌂𑌤𑌤𑌮𑌹𑌂 𑌕𑌾𑌰𑍁𑌣𑍍𑌯𑌵𑌾𑌰𑌾𑌂𑌨𑌿𑌧𑌿𑌮𑍍 ॥ 2 ॥
𑌶𑍍𑌰𑍀𑌵𑌿𑌦𑍍𑌯𑌾𑌂 𑌶𑌿𑌵𑌵𑌾𑌮𑌭𑌾𑌗𑌨𑌿𑌲𑌯𑌾𑌂 𑌹𑍍𑌰𑍀𑌂𑌕𑌾𑌰𑌮𑌂𑌤𑍍𑌰𑍋𑌜𑍍𑌜𑍍𑌵𑌲𑌾𑌂
𑌶𑍍𑌰𑍀𑌚𑌕𑍍𑌰𑌾𑌂𑌕𑌿𑌤𑌬𑌿𑌂𑌦𑍁𑌮𑌧𑍍𑌯𑌵𑌸𑌤𑌿𑌂 𑌶𑍍𑌰𑍀𑌮𑌤𑍍𑌸𑌭𑌾𑌨𑌾𑌯𑌕𑍀𑌮𑍍 ।
𑌶𑍍𑌰𑍀𑌮𑌤𑍍𑌷𑌣𑍍𑌮𑍁𑌖𑌵𑌿𑌘𑍍𑌨𑌰𑌾𑌜𑌜𑌨𑌨𑍀𑌂 𑌶𑍍𑌰𑍀𑌮𑌜𑍍𑌜𑌗𑌨𑍍𑌮𑍋𑌹𑌿𑌨𑍀𑌂
𑌮𑍀𑌨𑌾𑌕𑍍𑌷𑍀𑌂 𑌪𑍍𑌰𑌣𑌤𑍋𑌽𑌸𑍍𑌮𑌿 𑌸𑌂𑌤𑌤𑌮𑌹𑌂 𑌕𑌾𑌰𑍁𑌣𑍍𑌯𑌵𑌾𑌰𑌾𑌂𑌨𑌿𑌧𑌿𑌮𑍍 ॥ 3 ॥
𑌶𑍍𑌰𑍀𑌮𑌤𑍍𑌸𑍁𑌂𑌦𑌰𑌨𑌾𑌯𑌿𑌕𑌾𑌂 𑌭𑌯𑌹𑌰𑌾𑌂 𑌜𑍍𑌞𑌾𑌨𑌪𑍍𑌰𑌦𑌾𑌂 𑌨𑌿𑌰𑍍𑌮𑌲𑌾𑌂
𑌶𑍍𑌯𑌾𑌮𑌾𑌭𑌾𑌂 𑌕𑌮𑌲𑌾𑌸𑌨𑌾𑌰𑍍𑌚𑌿𑌤𑌪𑌦𑌾𑌂 𑌨𑌾𑌰𑌾𑌯𑌣𑌸𑍍𑌯𑌾𑌨𑍁𑌜𑌾𑌮𑍍 ।
𑌵𑍀𑌣𑌾𑌵𑍇𑌣𑍁𑌮𑍃𑌦𑌂𑌗𑌵𑌾𑌦𑍍𑌯𑌰𑌸𑌿𑌕𑌾𑌂 𑌨𑌾𑌨𑌾𑌵𑌿𑌧𑌾𑌮𑌂𑌬𑌿𑌕𑌾𑌂
𑌮𑍀𑌨𑌾𑌕𑍍𑌷𑍀𑌂 𑌪𑍍𑌰𑌣𑌤𑍋𑌽𑌸𑍍𑌮𑌿 𑌸𑌂𑌤𑌤𑌮𑌹𑌂 𑌕𑌾𑌰𑍁𑌣𑍍𑌯𑌵𑌾𑌰𑌾𑌂𑌨𑌿𑌧𑌿𑌮𑍍 ॥ 4 ॥
𑌨𑌾𑌨𑌾𑌯𑍋𑌗𑌿𑌮𑍁𑌨𑍀𑌂𑌦𑍍𑌰𑌹𑍃𑌤𑍍𑌸𑍁𑌵𑌸𑌤𑍀𑌂 𑌨𑌾𑌨𑌾𑌰𑍍𑌥𑌸𑌿𑌦𑍍𑌧𑌿𑌪𑍍𑌰𑌦𑌾𑌂
𑌨𑌾𑌨𑌾𑌪𑍁𑌷𑍍𑌪𑌵𑌿𑌰𑌾𑌜𑌿𑌤𑌾𑌂𑌘𑍍𑌰𑌿𑌯𑍁𑌗𑌳𑌾𑌂 𑌨𑌾𑌰𑌾𑌯𑌣𑍇𑌨𑌾𑌰𑍍𑌚𑌿𑌤𑌾𑌮𑍍 ।
𑌨𑌾𑌦𑌬𑍍𑌰𑌹𑍍𑌮𑌮𑌯𑍀𑌂 𑌪𑌰𑌾𑌤𑍍𑌪𑌰𑌤𑌰𑌾𑌂 𑌨𑌾𑌨𑌾𑌰𑍍𑌥𑌤𑌤𑍍𑌵𑌾𑌤𑍍𑌮𑌿𑌕𑌾𑌂
𑌮𑍀𑌨𑌾𑌕𑍍𑌷𑍀𑌂 𑌪𑍍𑌰𑌣𑌤𑍋𑌽𑌸𑍍𑌮𑌿 𑌸𑌂𑌤𑌤𑌮𑌹𑌂 𑌕𑌾𑌰𑍁𑌣𑍍𑌯𑌵𑌾𑌰𑌾𑌂𑌨𑌿𑌧𑌿𑌮𑍍 ॥ 5 ॥
