𑌪𑍍𑌰𑌾𑌤𑌃 𑌸𑍍𑌮𑌰𑌾𑌮𑌿 𑌲𑌲𑌿𑌤𑌾 𑌵𑌦𑌨𑌾𑌰𑌵𑌿𑌂𑌦𑌂
𑌬𑌿𑌂𑌬𑌾𑌧𑌰𑌂 𑌪𑍃𑌥𑍁𑌲 𑌮𑍌𑌕𑍍𑌤𑌿𑌕 𑌶𑍋𑌭𑌿𑌨𑌾𑌸𑌮𑍍 ।
𑌆𑌕𑌰𑍍𑌣𑌦𑍀𑌰𑍍𑌘𑌨𑌯𑌨𑌂 𑌮𑌣𑌿𑌕𑍁𑌂𑌡𑌲𑌾𑌢𑍍𑌯𑌂
𑌮𑌂𑌦𑌸𑍍𑌮𑌿𑌤𑌂 𑌮𑍃𑌗𑌮𑌦𑍋𑌜𑍍𑌜𑍍𑌵𑌲 𑌫𑌾𑌲𑌦𑍇𑌶𑌮𑍍 ॥ 1 ॥
𑌪𑍍𑌰𑌾𑌤𑌰𑍍𑌭𑌜𑌾𑌮𑌿 𑌲𑌲𑌿𑌤𑌾 𑌭𑍁𑌜𑌕𑌲𑍍𑌪𑌵𑌲𑍍𑌲𑍀𑌂
𑌰𑌕𑍍𑌤𑌾𑌂𑌗𑍁𑌳𑍀𑌯 𑌲𑌸𑌦𑌂𑌗𑍁𑌳𑌿 𑌪𑌲𑍍𑌲𑌵𑌾𑌢𑍍𑌯𑌾𑌮𑍍 ।
𑌮𑌾𑌣𑌿𑌕𑍍𑌯 𑌹𑍇𑌮𑌵𑌲𑌯𑌾𑌂𑌗𑌦 𑌶𑍋𑌭𑌮𑌾𑌨𑌾𑌂
𑌪𑍁𑌂𑌡𑍍𑌰𑍇𑌕𑍍𑌷𑍁𑌚𑌾𑌪 𑌕𑍁𑌸𑍁𑌮𑍇𑌷𑍁 𑌸𑍃𑌣𑍀𑌰𑍍𑌦𑌧𑌾𑌨𑌾𑌮𑍍 ॥ 2 ॥
𑌪𑍍𑌰𑌾𑌤𑌰𑍍𑌨𑌮𑌾𑌮𑌿 𑌲𑌲𑌿𑌤𑌾 𑌚𑌰𑌣𑌾𑌰𑌵𑌿𑌂𑌦𑌂
𑌭𑌕𑍍𑌤𑍇𑌷𑍍𑌟 𑌦𑌾𑌨𑌨𑌿𑌰𑌤𑌂 𑌭𑌵𑌸𑌿𑌂𑌧𑍁𑌪𑍋𑌤𑌮𑍍 ।
𑌪𑌦𑍍𑌮𑌾𑌸𑌨𑌾𑌦𑌿 𑌸𑍁𑌰𑌨𑌾𑌯𑌕 𑌪𑍂𑌜𑌨𑍀𑌯𑌂
𑌪𑌦𑍍𑌮𑌾𑌂𑌕𑍁𑌶𑌧𑍍𑌵𑌜 𑌸𑍁𑌦𑌰𑍍𑌶𑌨 𑌲𑌾𑌂𑌛𑌨𑌾𑌢𑍍𑌯𑌮𑍍 ॥ 3 ॥
𑌪𑍍𑌰𑌾𑌤𑌃 𑌸𑍍𑌤𑍁𑌵𑍇 𑌪𑌰𑌶𑌿𑌵𑌾𑌂 𑌲𑌲𑌿𑌤𑌾𑌂 𑌭𑌵𑌾𑌨𑍀𑌂
𑌤𑍍𑌰𑌯𑍍𑌯𑌂𑌤𑌵𑍇𑌦𑍍𑌯 𑌵𑌿𑌭𑌵𑌾𑌂 𑌕𑌰𑍁𑌣𑌾𑌨𑌵𑌦𑍍𑌯𑌾𑌮𑍍 ।
𑌵𑌿𑌶𑍍𑌵𑌸𑍍𑌯 𑌸𑍃𑌷𑍍𑌟𑌵𑌿𑌲𑌯 𑌸𑍍𑌥𑌿𑌤𑌿𑌹𑍇𑌤𑍁𑌭𑍂𑌤𑌾𑌂
𑌵𑌿𑌦𑍍𑌯𑍇𑌶𑍍𑌵𑌰𑍀𑌂 𑌨𑌿𑌗𑌮𑌵𑌾𑌙𑍍𑌮𑌮𑌨𑌸𑌾𑌤𑌿𑌦𑍂𑌰𑌾𑌮𑍍 ॥ 4 ॥
𑌪𑍍𑌰𑌾𑌤𑌰𑍍𑌵𑌦𑌾𑌮𑌿 𑌲𑌲𑌿𑌤𑍇 𑌤𑌵 𑌪𑍁𑌣𑍍𑌯𑌨𑌾𑌮
𑌕𑌾𑌮𑍇𑌶𑍍𑌵𑌰𑍀𑌤𑌿 𑌕𑌮𑌲𑍇𑌤𑌿 𑌮𑌹𑍇𑌶𑍍𑌵𑌰𑍀𑌤𑌿 ।
𑌶𑍍𑌰𑍀𑌶𑌾𑌂𑌭𑌵𑍀𑌤𑌿 𑌜𑌗𑌤𑌾𑌂 𑌜𑌨𑌨𑍀 𑌪𑌰𑍇𑌤𑌿
𑌵𑌾𑌗𑍍𑌦𑍇𑌵𑌤𑍇𑌤𑌿 𑌵𑌚𑌸𑌾 𑌤𑍍𑌰𑌿𑌪𑍁𑌰𑍇𑌶𑍍𑌵𑌰𑍀𑌤𑌿 ॥ 5 ॥
𑌯𑌃 𑌶𑍍𑌲𑍋𑌕𑌪𑌂𑌚𑌕𑌮𑌿𑌦𑌂 𑌲𑌲𑌿𑌤𑌾𑌂𑌬𑌿𑌕𑌾𑌯𑌾𑌃
𑌸𑍌𑌭𑌾𑌗𑍍𑌯𑌦𑌂 𑌸𑍁𑌲𑌲𑌿𑌤𑌂 𑌪𑌠𑌤𑌿 𑌪𑍍𑌰𑌭𑌾𑌤𑍇 ।
𑌤𑌸𑍍𑌮𑍈 𑌦𑌦𑌾𑌤𑌿 𑌲𑌲𑌿𑌤𑌾 𑌝𑌟𑌿𑌤𑌿 𑌪𑍍𑌰𑌸𑌨𑍍𑌨𑌾
𑌵𑌿𑌦𑍍𑌯𑌾𑌂 𑌶𑍍𑌰𑌿𑌯𑌂 𑌵𑌿𑌮𑌲𑌸𑍌𑌖𑍍𑌯𑌮𑌨𑌂𑌤𑌕𑍀𑌰𑍍𑌤𑌿𑌮𑍍 ॥
