𑌓𑌂 𑌪𑍂𑌰𑍍𑌣॒𑌮𑌦𑌃॒ 𑌪𑍂𑌰𑍍𑌣॒𑌮𑌿𑌦𑌂॒ 𑌪𑍂𑌰𑍍𑌣𑌾॒𑌤𑍍𑌪𑍂𑌰𑍍𑌣॒𑌮𑍁𑌦॒𑌚𑍍𑌯𑌤𑍇 ।
𑌪𑍂𑌰𑍍𑌣॒𑌸𑍍𑌯 𑌪𑍂𑌰𑍍𑌣॒𑌮𑌾𑌦𑌾॒𑌯 𑌪𑍂𑌰𑍍𑌣॒𑌮𑍇𑌵𑌾𑌵𑌶𑌿॒𑌷𑍍𑌯𑌤𑍇 ॥

𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

𑌓𑌂 𑌈॒𑌶𑌾 𑌵𑌾॒𑌸𑍍𑌯॑𑌮𑌿॒𑌦𑌗𑍍​𑌮𑍍 𑌸𑌰𑍍𑌵𑌂॒-𑌯𑌁𑌤𑍍𑌕𑌿𑌂𑌚॒ 𑌜𑌗॑𑌤𑍍𑌵𑌾𑌂॒ 𑌜𑌗॑𑌤𑍍 ।
𑌤𑍇𑌨॑ 𑌤𑍍𑌯॒𑌕𑍍𑌤𑍇𑌨॑ 𑌭𑍁𑌂𑌜𑍀𑌥𑌾॒ 𑌮𑌾 𑌗𑍃॑𑌧𑌃॒ 𑌕𑌸𑍍𑌯॑𑌸𑍍𑌵𑌿॒𑌦𑍍𑌧𑌨𑌮𑍍᳚ ॥ 1 ॥

𑌕𑍁॒𑌰𑍍𑌵𑌨𑍍𑌨𑍇॒𑌵𑍇𑌹 𑌕𑌰𑍍𑌮𑌾᳚𑌣𑌿 𑌜𑌿𑌜𑍀𑌵𑌿॒𑌷𑍇𑌚𑍍𑌚॒𑌤𑌗𑍍​𑌮𑍍 𑌸𑌮𑌾𑌃᳚ ।
𑌏॒𑌵𑌂 𑌤𑍍𑌵𑌯𑌿॒ 𑌨𑌾𑌨𑍍𑌯𑌥𑍇॒𑌤𑍋᳚𑌽𑌸𑍍𑌤𑌿॒ 𑌨 𑌕𑌰𑍍𑌮॑ 𑌲𑌿𑌪𑍍𑌯𑌤𑍇॑ 𑌨𑌰𑍇᳚ ॥ 2 ॥

𑌅॒𑌸𑍁॒𑌰𑍍𑌯𑌾॒ 𑌨𑌾𑌮॒ 𑌤𑍇 𑌲𑍋॒𑌕𑌾 𑌅𑌂॒𑌧𑍇𑌨॒ 𑌤𑌮॒𑌸𑌾𑌽𑌽𑌵𑍃॑𑌤𑌾𑌃 ।
𑌤𑌾𑌗𑍍​𑌮𑍍𑌸𑍍𑌤𑍇 𑌪𑍍𑌰𑍇𑌤𑍍𑌯𑌾॒𑌭𑌿𑌗॑𑌚𑍍𑌛𑌂𑌤𑌿॒ 𑌯𑍇 𑌕𑍇 𑌚𑌾᳚𑌤𑍍𑌮॒𑌹𑌨𑍋॒ 𑌜𑌨𑌾𑌃᳚ ॥ 3 ॥

𑌅𑌨𑍇᳚𑌜॒𑌦𑍇𑌕𑌂॒ 𑌮𑌨॑𑌸𑍋॒ 𑌜𑌵𑍀᳚𑌯𑍋॒ 𑌨𑍈𑌨॑𑌦𑍍𑌦𑍇॒𑌵𑌾 𑌆᳚𑌪𑍍𑌨𑍁𑌵॒𑌨𑍍𑌪𑍂𑌰𑍍𑌵॒𑌮𑌰𑍍​𑌷॑𑌤𑍍 ।
𑌤𑌦𑍍𑌧𑌾𑌵॑𑌤𑍋॒𑌽𑌨𑍍𑌯𑌾𑌨𑌤𑍍𑌯𑍇᳚𑌤𑌿॒ 𑌤𑌿𑌷𑍍𑌠॒𑌤𑍍𑌤𑌸𑍍𑌮𑌿𑌨𑍍᳚𑌨॒𑌪𑍋 𑌮𑌾᳚𑌤॒𑌰𑌿𑌶𑍍𑌵𑌾᳚ 𑌦𑌧𑌾𑌤𑌿 ॥ 4 ॥

𑌤𑌦𑍇᳚𑌜𑌤𑌿॒ 𑌤𑌨𑍍𑌨𑍇𑌜॑𑌤𑌿॒ 𑌤𑌦𑍍𑌦𑍂॒𑌰𑍇 𑌤𑌦𑍍𑌵𑌂॑𑌤𑌿॒𑌕𑍇 ।
𑌤𑌦𑌂॒𑌤𑌰॑𑌸𑍍𑌯॒ 𑌸𑌰𑍍𑌵॑𑌸𑍍𑌯॒ 𑌤𑌦𑍁॒ 𑌸𑌰𑍍𑌵॑𑌸𑍍𑌯𑌾𑌸𑍍𑌯 𑌬𑌾𑌹𑍍𑌯॒𑌤𑌃 ॥ 5 ॥

𑌯𑌸𑍍𑌤𑍁 𑌸𑌰𑍍𑌵𑌾᳚𑌣𑌿 𑌭𑍂॒𑌤𑌾𑌨𑍍𑌯𑌾॒𑌤𑍍𑌮𑌨𑍍𑌯𑍇॒𑌵𑌾𑌨𑍁॒𑌪𑌶𑍍𑌯॑𑌤𑌿 ।
𑌸॒𑌰𑍍𑌵॒𑌭𑍂॒𑌤𑍇𑌷𑍁॑ 𑌚𑌾॒𑌤𑍍𑌮𑌾𑌨𑌂॒ 𑌤𑌤𑍋॒ 𑌨 𑌵𑌿𑌹𑍁॑𑌗𑍁𑌪𑍍𑌸𑌤𑍇 ॥ 6 ॥

𑌯𑌸𑍍𑌮𑌿॒𑌨𑍍𑌸𑌰𑍍𑌵𑌾᳚𑌣𑌿 𑌭𑍂॒𑌤𑌾𑌨𑍍𑌯𑌾॒𑌤𑍍𑌮𑍈𑌵𑌾𑌭𑍂᳚𑌦𑍍𑌵𑌿𑌜𑌾𑌨॒𑌤𑌃 ।
𑌤𑌤𑍍𑌰॒ 𑌕𑍋 𑌮𑍋𑌹𑌃॒ 𑌕𑌃 𑌶𑍋𑌕𑌃॑ 𑌏𑌕॒𑌤𑍍𑌵𑌮॑𑌨𑍁॒𑌪𑌶𑍍𑌯॑𑌤𑌃 ॥ 𑍭 ॥

𑌸 𑌪𑌰𑍍𑌯॑𑌗𑌾𑌚𑍍𑌚𑍁॒𑌕𑍍𑌰𑌮॑𑌕𑌾॒𑌯𑌮॑𑌪𑍍𑌰𑌣॒𑌮॑𑌸𑍍𑌨𑌾𑌵𑌿॒𑌰𑌗𑍍​𑌮𑍍 𑌶𑍁॒𑌦𑍍𑌧𑌮𑌪𑌾᳚𑌪𑌵𑌿𑌦𑍍𑌧𑌮𑍍 ।
𑌕॒𑌵𑌿𑌰𑍍𑌮॑𑌨𑍀॒𑌷𑍀 𑌪॑𑌰𑌿॒𑌭𑍂𑌃 𑌸𑍍𑌵॑𑌯𑌂॒𑌭𑍂-𑌰𑍍𑌯𑌾᳚𑌥𑌾𑌤𑌥𑍍𑌯॒𑌤𑍋𑌽𑌰𑍍𑌥𑌾॒𑌨𑍍
𑌵𑍍𑌯॑𑌦𑌧𑌾𑌚𑍍𑌛𑌾𑌶𑍍𑌵॒𑌤𑍀𑌭𑍍𑌯𑌃॒ 𑌸𑌮𑌾᳚𑌭𑍍𑌯𑌃 ॥ 𑍮 ॥

𑌅𑌂॒𑌧𑌂 𑌤𑌮𑌃॒ 𑌪𑍍𑌰𑌵𑌿॑𑌶𑌂𑌤𑌿॒ 𑌯𑍇𑌽𑌵𑌿॑𑌦𑍍𑌯𑌾𑌮𑍁॒𑌪𑌾𑌸॑𑌤𑍇 ।
𑌤𑌤𑍋॒ 𑌭𑍂𑌯॑ 𑌇𑌵॒ 𑌤𑍇 𑌤𑌮𑍋॒ 𑌯 𑌉॑ 𑌵𑌿॒𑌦𑍍𑌯𑌾𑌯𑌾᳚𑌗𑍍​𑌮𑍍 𑌰॒𑌤𑌾𑌃 ॥ 𑍯 ॥

𑌅॒𑌨𑍍𑌯𑌦𑍇॒𑌵𑌾𑌯𑍁𑌰𑌿॒𑌦𑍍𑌯𑌯𑌾॒𑌽𑌨𑍍𑌯𑌦𑌾᳚𑌹𑍁॒𑌰𑌵𑌿॑𑌦𑍍𑌯𑌯𑌾 ।
𑌇𑌤𑌿॑ 𑌶𑍁𑌶𑍁𑌮॒ 𑌧𑍀𑌰𑌾᳚𑌣𑌾𑌂॒-𑌯𑍇𑌁 𑌨॒𑌸𑍍𑌤𑌦𑍍𑌵𑌿॑𑌚𑌚𑌕𑍍𑌷𑌿॒𑌰𑍇 ॥ 10 ॥

𑌵𑌿॒𑌦𑍍𑌯𑌾𑌂 𑌚𑌾𑌵𑌿॑𑌦𑍍𑌯𑌾𑌂 𑌚॒ 𑌯𑌸𑍍𑌤𑌦𑍍𑌵𑍇𑌦𑍋॒𑌭𑌯॑𑌗𑍍​𑌮𑍍 𑌸॒𑌹 ।
𑌅𑌵𑌿॑𑌦𑍍𑌯𑌯𑌾 𑌮𑍃॒𑌤𑍍𑌯𑍁𑌂 𑌤𑍀॒𑌰𑍍𑌤𑍍𑌵𑌾 𑌵𑌿॒𑌦𑍍𑌯𑌯𑌾𑌽𑌮𑍃𑌤॑𑌮𑌶𑍍𑌨𑍁𑌤𑍇 ॥ 11 ॥

𑌅𑌂॒𑌧𑌂 𑌤𑌮𑌃॒ 𑌪𑍍𑌰𑌵𑌿॑𑌶𑌂𑌤𑌿॒ 𑌯𑍇𑌽𑌸𑌮𑍍᳚𑌭𑍂𑌤𑌿𑌮𑍁॒𑌪𑌾𑌸॑𑌤𑍇 ।
𑌤𑌤𑍋॒ 𑌭𑍂𑌯॑ 𑌇𑌵॒ 𑌤𑍇 𑌤𑌮𑍋॒ 𑌯 𑌉॒ 𑌸𑌂𑌭𑍂᳚𑌤𑍍𑌯𑌾𑌗𑍍​𑌮𑍍 𑌰॒𑌤𑌾𑌃 ॥ 12 ॥

𑌅॒𑌨𑍍𑌯𑌦𑍇॒𑌵𑌾𑌹𑍁𑌃 𑌸𑌮𑍍᳚𑌭॒𑌵𑌾𑌦॒𑌨𑍍𑌯𑌦𑌾᳚𑌹𑍁॒𑌰𑌸𑌮𑍍᳚𑌭𑌵𑌾𑌤𑍍 ।
𑌇𑌤𑌿॑ 𑌶𑍁𑌶𑍍𑌰𑍁𑌮॒ 𑌧𑍀𑌰𑌾᳚𑌣𑌾𑌂॒-𑌯𑍇𑌁 𑌨॒𑌸𑍍𑌤𑌦𑍍𑌵𑌿॑𑌚𑌚𑌕𑍍𑌷𑌿॒𑌰𑍇 ॥ 13 ॥

𑌸𑌂𑌭𑍂᳚𑌤𑌿𑌂 𑌚 𑌵𑌿𑌣𑌾॒𑌶𑌂 𑌚॒ 𑌯𑌸𑍍𑌤𑌦𑍍𑌵𑍇𑌦𑍋॒𑌭𑌯॑𑌗𑍍​𑌮𑍍 𑌸॒𑌹 ।
𑌵𑌿॒𑌨𑌾॒𑌶𑍇𑌨॑ 𑌮𑍃॒𑌤𑍍𑌯𑍁𑌂 𑌤𑍀॒𑌰𑍍𑌤𑍍𑌵𑌾 𑌸𑌂𑌭𑍂᳚𑌤𑍍𑌯𑌾॒𑌽𑌮𑍃𑌤॑𑌮𑌶𑍍𑌨𑍁𑌤𑍇 ॥ 14 ॥

𑌹𑌿॒𑌰॒𑌣𑍍𑌮𑌯𑍇᳚𑌨॒ 𑌪𑌾𑌤𑍍𑌰𑍇᳚𑌣 𑌸॒𑌤𑍍𑌯𑌸𑍍𑌯𑌾𑌪𑌿॑𑌹𑌿𑌤𑌂॒ 𑌮𑍁𑌖𑌮𑍍᳚ ।
𑌤𑌤𑍍𑌵𑌂 𑌪𑍂᳚𑌷॒𑌨𑍍𑌨𑌪𑌾𑌵𑍃॑𑌣𑍁 𑌸॒𑌤𑍍𑌯𑌧᳚𑌰𑍍𑌮𑌾𑌯 𑌦𑍃॒𑌷𑍍𑌟𑌯𑍇᳚ ॥ 15 ॥

𑌪𑍂𑌷॑𑌨𑍍𑌨𑍇𑌕𑌰𑍍​𑌷𑍇 𑌯𑌮 𑌸𑍂𑌰𑍍𑌯॒ 𑌪𑍍𑌰𑌾𑌜𑌾᳚𑌪𑌤𑍍𑌯॒ 𑌵𑍍𑌯𑍂᳚𑌹 𑌰॒𑌶𑍍𑌮𑍀𑌨𑍍
𑌸𑌮𑍂᳚𑌹॒ 𑌤𑍇𑌜𑍋॒ 𑌯𑌤𑍍𑌤𑍇᳚ 𑌰𑍂॒𑌪𑌂 𑌕𑌲𑍍𑌯𑌾᳚𑌣𑌤𑌮𑌂॒ 𑌤𑌤𑍍𑌤𑍇᳚ 𑌪𑌶𑍍𑌯𑌾𑌮𑌿 ।
𑌯𑍋॒𑌽𑌸𑌾𑌵॒𑌸𑍌 𑌪𑍁𑌰𑍁॑𑌷𑌃॒ 𑌸𑍋॒𑌽𑌹𑌮॑𑌸𑍍𑌮𑌿 ॥ 16 ॥

𑌵𑌾॒𑌯𑍁𑌰𑌨𑌿॑𑌲𑌮॒𑌮𑍃𑌤॒𑌮𑌥𑍇𑌦𑌂 𑌭𑌸𑍍𑌮𑌾𑌂᳚𑌤॒𑌗𑍍​𑌮𑍍॒ 𑌶𑌰𑍀॑𑌰𑌮𑍍 ।
𑌓𑌂 3 𑌕𑍍𑌰𑌤𑍋॒ 𑌸𑍍𑌮𑌰॑ 𑌕𑍃॒𑌤𑌗𑍍​𑌮𑍍 𑌸𑍍𑌮॑𑌰॒ 𑌕𑍍𑌰𑌤𑍋॒ 𑌸𑍍𑌮𑌰॑ 𑌕𑍃॒𑌤𑌗𑍍​𑌮𑍍 𑌸𑍍𑌮॑𑌰 ॥ 1𑍭 ॥

𑌅𑌗𑍍𑌨𑍇॒ 𑌨𑌯॑ 𑌸𑍁॒𑌪𑌥𑌾᳚ 𑌰𑌾॒𑌯𑍇 𑌅॒𑌸𑍍𑌮𑌾𑌨𑍍 𑌵𑌿𑌶𑍍𑌵𑌾॑𑌨𑌿 𑌦𑍇𑌵 𑌵॒𑌯𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 ।
𑌯𑍁॒𑌯𑍋॒𑌧𑍍𑌯॒𑌸𑍍𑌮𑌜𑍍𑌜𑍁॑𑌹𑍁𑌰𑌾॒𑌣𑌮𑍇𑌨𑍋॒ 𑌭𑍂𑌯𑌿॑𑌷𑍍𑌟𑌾𑌂 𑌤𑍇॒ 𑌨𑌮॑𑌉𑌕𑍍𑌤𑌿𑌂-𑌵𑌿𑌁𑌧𑍇𑌮 ॥ 1𑍮 ॥

𑌓𑌂 𑌪𑍂𑌰𑍍𑌣॒𑌮𑌦𑌃॒ 𑌪𑍂𑌰𑍍𑌣॒𑌮𑌿𑌦𑌂॒ 𑌪𑍂𑌰𑍍𑌣𑌾॒𑌤𑍍𑌪𑍂𑌰𑍍𑌣॒𑌮𑍁𑌦॒𑌚𑍍𑌯𑌤𑍇 ।
𑌪𑍂𑌰𑍍𑌣॒𑌸𑍍𑌯 𑌪𑍂𑌰𑍍𑌣॒𑌮𑌾𑌦𑌾॒𑌯 𑌪𑍂𑌰𑍍𑌣॒𑌮𑍇𑌵𑌾𑌵𑌶𑌿॒𑌷𑍍𑌯𑌤𑍇 ॥

𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥