𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 1

𑌓-𑌮𑍍𑌭॒𑌦𑍍𑌰-𑌙𑍍𑌕𑌰𑍍𑌣𑍇॑𑌭𑌿-𑌶𑍍𑌶𑍃𑌣𑍁॒𑌯𑌾𑌮॑ 𑌦𑍇𑌵𑌾𑌃 । 𑌭॒𑌦𑍍𑌰-𑌮𑍍𑌪॑𑌶𑍍𑌯𑍇𑌮𑌾॒𑌕𑍍𑌷𑌭𑌿॒-𑌰𑍍𑌯𑌜॑𑌤𑍍𑌰𑌾𑌃 । 𑌸𑍍𑌥𑌿॒𑌰𑍈𑌰𑌙𑍍𑌗𑍈᳚𑌸𑍍𑌤𑍁𑌷𑍍𑌟𑍁॒𑌵𑌾𑌗𑍍​𑌮𑍍 𑌸॑𑌸𑍍𑌤॒𑌨𑍂𑌭𑌿𑌃॑ । 𑌵𑍍𑌯𑌶𑍇॑𑌮 𑌦𑍇॒𑌵𑌹𑌿॑𑌤𑌂॒-𑌯𑌁𑌦𑌾𑌯𑍁𑌃॑ । 𑌸𑍍𑌵॒𑌸𑍍𑌤𑌿 𑌨॒ 𑌇𑌨𑍍𑌦𑍍𑌰𑍋॑ 𑌵𑍃॒𑌦𑍍𑌧𑌶𑍍𑌰॑𑌵𑌾𑌃 । 𑌸𑍍𑌵॒𑌸𑍍𑌤𑌿 𑌨𑌃॑ 𑌪𑍂॒𑌷𑌾 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌸𑍍𑌵॒𑌸𑍍𑌤𑌿 𑌨॒𑌸𑍍𑌤𑌾𑌰𑍍𑌕𑍍𑌷𑍍𑌯𑍋॒ 𑌅𑌰𑌿॑𑌷𑍍𑌟𑌨𑍇𑌮𑌿𑌃 । 𑌸𑍍𑌵॒𑌸𑍍𑌤𑌿 𑌨𑍋॒ 𑌬𑍃𑌹॒𑌸𑍍𑌪𑌤𑌿॑-𑌰𑍍𑌦𑌧𑌾𑌤𑍁 ॥
𑌓𑌂 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥

𑌅𑌨𑍁𑌵𑌾𑌕𑌃 1
𑌭॒𑌦𑍍𑌰-𑌙𑍍𑌕𑌰𑍍𑌣𑍇॑𑌭𑌿-𑌶𑍍𑌶𑍃𑌣𑍁॒𑌯𑌾𑌮॑ 𑌦𑍇𑌵𑌾𑌃 । 𑌭॒𑌦𑍍𑌰-𑌮𑍍𑌪॑𑌶𑍍𑌯𑍇𑌮𑌾॒𑌕𑍍𑌷𑌭𑌿॒-𑌰𑍍𑌯𑌜॑𑌤𑍍𑌰𑌾𑌃 । 𑌸𑍍𑌥𑌿॒𑌰𑍈𑌰𑌙𑍍𑌗𑍈᳚𑌸𑍍𑌤𑍁𑌷𑍍𑌟𑍁॒𑌵𑌾𑌗𑍍​𑌮𑍍 𑌸॑𑌸𑍍𑌤॒𑌨𑍂𑌭𑌿𑌃॑ । 𑌵𑍍𑌯𑌶𑍇॑𑌮 𑌦𑍇॒𑌵𑌹𑌿॑𑌤𑌂॒-𑌯𑌁𑌦𑌾𑌯𑍁𑌃॑ । 𑌸𑍍𑌵॒𑌸𑍍𑌤𑌿 𑌨॒ 𑌇𑌨𑍍𑌦𑍍𑌰𑍋॑ 𑌵𑍃॒𑌦𑍍𑌧𑌶𑍍𑌰॑𑌵𑌾𑌃 । 𑌸𑍍𑌵॒𑌸𑍍𑌤𑌿 𑌨𑌃॑ 𑌪𑍂॒𑌷𑌾 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌸𑍍𑌵॒𑌸𑍍𑌤𑌿 𑌨॒𑌸𑍍𑌤𑌾𑌰𑍍𑌕𑍍𑌷𑍍𑌯𑍋॒ 𑌅𑌰𑌿॑𑌷𑍍𑌟𑌨𑍇𑌮𑌿𑌃 । 𑌸𑍍𑌵॒𑌸𑍍𑌤𑌿 𑌨𑍋॒ 𑌬𑍃𑌹॒𑌸𑍍𑌪𑌤𑌿॑-𑌰𑍍𑌦𑌧𑌾𑌤𑍁 । 𑌆𑌪॑𑌮𑌾𑌪𑌾𑌮॒𑌪-𑌸𑍍𑌸𑌰𑍍𑌵𑌾𑌃᳚ । 𑌅॒𑌸𑍍𑌮𑌾-𑌦॒𑌸𑍍𑌮𑌾-𑌦𑌿॒𑌤𑍋-𑌽𑌮𑍁𑌤𑌃॑ ॥ 1 ॥
𑌅॒𑌗𑍍𑌨𑌿𑌰𑍍𑌵𑌾॒𑌯𑍁𑌶𑍍𑌚॒ 𑌸𑍂𑌰𑍍𑌯॑𑌶𑍍𑌚 । 𑌸॒𑌹 𑌸॑𑌞𑍍𑌚-𑌸𑍍𑌕॒𑌰𑌰𑍍𑌧𑌿॑𑌯𑌾 । 𑌵𑌾॒𑌯𑍍𑌵𑌶𑍍𑌵𑌾॑ 𑌰𑌶𑍍𑌮𑌿॒𑌪𑌤॑𑌯𑌃 । 𑌮𑌰𑍀᳚𑌚𑍍𑌯𑌾𑌤𑍍𑌮𑌾𑌨𑍋॒ 𑌅𑌦𑍍𑌰𑍁॑𑌹𑌃 । 𑌦𑍇॒𑌵𑍀-𑌰𑍍𑌭𑍁॑𑌵𑌨॒ 𑌸𑍂𑌵॑𑌰𑍀𑌃 । 𑌪𑍁॒𑌤𑍍𑌰॒𑌵॒𑌤𑍍𑌵𑌾𑌯॑ 𑌮𑍇 𑌸𑍁𑌤 । 𑌮𑌹𑌾𑌨𑌾𑌮𑍍𑌨𑍀-𑌰𑍍𑌮॑𑌹𑌾𑌮𑌾॒𑌨𑌾𑌃 । 𑌮॒𑌹॒𑌸𑍋 𑌮॑𑌹𑌸॒-𑌸𑍍𑌸𑍍𑌵𑌃॑ । 𑌦𑍇॒𑌵𑍀𑌃 𑌪॑𑌰𑍍𑌜𑌨𑍍𑌯॒ 𑌸𑍂𑌵॑𑌰𑍀𑌃 । 𑌪𑍁॒𑌤𑍍𑌰॒𑌵॒𑌤𑍍𑌵𑌾𑌯॑ 𑌮𑍇 𑌸𑍁𑌤 ॥ 2 ॥
𑌅॒𑌪𑌾𑌶𑍍𑌨𑍍𑌯𑍁॑𑌷𑍍𑌣𑌿-𑌮॒𑌪𑌾 𑌰𑌕𑍍𑌷𑌃॑ । 𑌅॒𑌪𑌾𑌶𑍍𑌨𑍍𑌯𑍁॑𑌷𑍍𑌣𑌿-𑌮॒𑌪𑌾 𑌰𑌘᳚𑌮𑍍 । 𑌅𑌪𑌾᳚𑌘𑍍𑌰𑌾॒𑌮𑌪॑ 𑌚𑌾॒𑌵𑌰𑍍𑌤𑌿᳚𑌮𑍍 । 𑌅𑌪॑ 𑌦𑍇॒𑌵𑍀𑌰𑌿॒𑌤𑍋 𑌹𑌿॑𑌤 । 𑌵𑌜𑍍𑌰॑-𑌨𑍍𑌦𑍇॒𑌵𑍀𑌰𑌜𑍀॑𑌤𑌾𑌗𑍍​𑌶𑍍𑌚 । 𑌭𑍁𑌵॑𑌨-𑌨𑍍𑌦𑍇𑌵॒𑌸𑍂𑌵॑𑌰𑍀𑌃 । 𑌆॒𑌦𑌿॒𑌤𑍍𑌯𑌾𑌨𑌦𑌿॑𑌤𑌿-𑌨𑍍𑌦𑍇॒𑌵𑍀𑌮𑍍 । 𑌯𑍋𑌨𑌿॑𑌨𑍋𑌰𑍍𑌧𑍍𑌵-𑌮𑍁॒𑌦𑍀𑌷॑𑌤 । 𑌶𑌿॒𑌵𑌾 𑌨॒-𑌶𑍍𑌶𑌨𑍍𑌤॑𑌮𑌾 𑌭𑌵𑌨𑍍𑌤𑍁 । 𑌦𑌿॒𑌵𑍍𑌯𑌾 𑌆𑌪॒ 𑌓𑌷॑𑌧𑌯𑌃 । 𑌸𑍁॒𑌮𑍃॒𑌡𑍀॒𑌕𑌾 𑌸𑌰॑𑌸𑍍𑌵𑌤𑌿 । 𑌮𑌾 𑌤𑍇॒ 𑌵𑍍𑌯𑍋॑𑌮 𑌸॒𑌨𑍍𑌦𑍃𑌶𑌿॑ ॥ 3 ॥
(𑌅॒𑌮𑍁𑌤𑌃॑ - 𑌸𑍁॒ - 𑌤𑍌𑌷॑𑌧𑌯𑍋॒ 𑌦𑍍𑌵𑍇 𑌚॑ )

𑌅𑌨𑍁𑌵𑌾𑌕𑌃 2
𑌸𑍍𑌮𑍃𑌤𑌿𑌃॑ 𑌪𑍍𑌰॒𑌤𑍍𑌯𑌕𑍍𑌷॑-𑌮𑍈𑌤𑌿॒𑌹𑍍𑌯᳚𑌮𑍍 । 𑌅𑌨𑍁॑𑌮𑌾𑌨-𑌶𑍍𑌚𑌤𑍁𑌷𑍍𑌟॒𑌯𑌮𑍍 । 𑌏॒𑌤𑍈𑌰𑌾𑌦𑌿॑𑌤𑍍𑌯 𑌮𑌣𑍍𑌡𑌲𑌮𑍍 । 𑌸𑌰𑍍𑌵𑍈॑𑌰𑍇𑌵॒ 𑌵𑌿𑌧𑌾᳚𑌸𑍍𑌯𑌤𑍇 । 𑌸𑍂𑌰𑍍𑌯𑍋॒ 𑌮𑌰𑍀॑𑌚𑌿॒𑌮𑌾𑌦॑𑌤𑍍𑌤𑍇 । 𑌸𑌰𑍍𑌵𑌸𑍍𑌮𑌾᳚-𑌦𑍍𑌭𑍁𑌵॑𑌨𑌾𑌦॒𑌧𑌿 । 𑌤𑌸𑍍𑌯𑌾𑌃 𑌪𑌾𑌕 𑌵𑌿॑𑌶𑍇𑌷𑍇॒𑌣 । 𑌸𑍍𑌮𑍃॒𑌤-𑌙𑍍𑌕𑌾॑𑌲 𑌵𑌿॒𑌶𑍇𑌷॑𑌣𑌮𑍍 ॥ 𑌨॒𑌦𑍀𑌵॒ 𑌪𑍍𑌰𑌭॑𑌵𑌾-𑌤𑍍𑌕𑌾॒𑌚𑌿𑌤𑍍 । 𑌅॒𑌕𑍍𑌷𑌯𑍍𑌯𑌾᳚-𑌥𑍍𑌸𑍍𑌯𑌨𑍍𑌦॒𑌤𑍇 𑌯॑𑌥𑌾 ॥ 4 ॥
𑌤𑌾𑌨𑍍𑌨𑌦𑍍𑌯𑍋-𑌽𑌭𑌿 𑌸॑𑌮𑌾𑌯॒𑌨𑍍𑌤𑌿 । 𑌸𑍋॒𑌰𑍁-𑌸𑍍𑌸𑌤𑍀॑ 𑌨 𑌨𑌿॒𑌵𑌰𑍍𑌤॑𑌤𑍇 । 𑌏॒𑌵𑌨𑍍𑌨𑌾॒𑌨𑌾 𑌸॑𑌮𑍁𑌤𑍍𑌥𑌾॒𑌨𑌾𑌃 । 𑌕𑌾॒𑌲𑌾-𑌸𑍍𑌸𑌂॑​𑌵𑌁𑌥𑍍𑌸॒𑌰𑌗𑍍𑌗𑍍​ 𑌶𑍍𑌰𑌿॑𑌤𑌾𑌃 । 𑌅𑌣𑍁𑌶𑌶𑍍𑌚 𑌮॑𑌹𑌶॒𑌶𑍍𑌚 । 𑌸𑌰𑍍𑌵𑍇॑ 𑌸𑌮𑌵॒𑌯𑌨𑍍𑌤𑍍𑌰𑌿॑ 𑌤𑌮𑍍 । 𑌸 𑌤𑍈᳚-𑌸𑍍𑌸॒𑌰𑍍𑌵𑍈-𑌸𑍍𑌸॑𑌮𑌾𑌵𑌿॒𑌷𑍍𑌟𑌃 । 𑌊॒𑌰𑍁-𑌸𑍍𑌸॑𑌨𑍍𑌨 𑌨𑌿॒𑌵𑌰𑍍𑌤॑𑌤𑍇 । 𑌅𑌧𑌿𑌸𑌂​𑌵𑌁𑌥𑍍𑌸॑𑌰𑌂-𑌵𑌿𑌁॒𑌦𑍍𑌯𑌾𑌤𑍍 । 𑌤𑌦𑍇𑌵॑ 𑌲𑌕𑍍𑌷॒𑌣𑍇 ॥ 5 ॥
𑌅𑌣𑍁𑌭𑌿𑌶𑍍𑌚 𑌮॑𑌹𑌦𑍍𑌭𑌿॒𑌶𑍍𑌚 । 𑌸॒𑌮𑌾𑌰𑍂॑𑌢𑌃 𑌪𑍍𑌰॒𑌦𑍃𑌶𑍍𑌯॑𑌤𑍇 । 𑌸𑌂​𑌵𑌁𑌥𑍍𑌸𑌰𑌃 𑌪𑍍𑌰॑𑌤𑍍𑌯𑌕𑍍𑌷𑍇॒𑌣 । 𑌨𑌾॒𑌧𑌿𑌸॑𑌵𑌃 𑌪𑍍𑌰॒𑌦𑍃𑌶𑍍𑌯॑𑌤𑍇 । 𑌪॒𑌟𑌰𑍋॑ 𑌵𑌿𑌕𑍍𑌲𑌿॑𑌧𑌃 𑌪𑌿॒𑌙𑍍𑌗𑌃 । 𑌏॒𑌤-𑌦𑍍𑌵॑𑌰𑍁𑌣॒ 𑌲𑌕𑍍𑌷॑𑌣𑌮𑍍 । 𑌯𑌤𑍍𑌰𑍈𑌤॑-𑌦𑍁𑌪॒𑌦𑍃𑌶𑍍𑌯॑𑌤𑍇 । 𑌸॒𑌹𑌸𑍍𑌰॑-𑌨𑍍𑌤𑌤𑍍𑌰॒ 𑌨𑍀𑌯॑𑌤𑍇 । 𑌏𑌕𑌗𑍍​𑌮𑍍 𑌹𑌿 𑌶𑌿𑌰𑍋 𑌨𑌾॑𑌨𑌾 𑌮𑍁॒𑌖𑍇 । 𑌕𑍃॒𑌥𑍍𑌸𑍍𑌨-𑌨𑍍𑌤॑𑌦𑍃𑌤॒ 𑌲𑌕𑍍𑌷॑𑌣𑌮𑍍 ॥ 6 ॥
𑌉𑌭𑌯𑌤-𑌸𑍍𑌸𑌪𑍍𑌤𑍇᳚𑌨𑍍𑌦𑍍𑌰𑌿𑌯𑌾॒𑌣𑌿 । 𑌜॒𑌲𑍍𑌪𑌿𑌤॑-𑌨𑍍𑌤𑍍𑌵𑍇𑌵॒ 𑌦𑌿𑌹𑍍𑌯॑𑌤𑍇 । 𑌶𑍁𑌕𑍍𑌲𑌕𑍃𑌷𑍍𑌣𑍇 𑌸𑌂​𑌵𑌁॑𑌥𑍍𑌸𑌰॒𑌸𑍍𑌯 । 𑌦𑌕𑍍𑌷𑌿𑌣 𑌵𑌾𑌮॑𑌯𑍋𑌃 𑌪𑌾॒𑌰𑍍​𑌶𑍍𑌵𑌯𑍋𑌃 । 𑌤𑌸𑍍𑌯𑍈॒𑌷𑌾 𑌭𑌵॑𑌤𑌿 ॥ 𑌶𑍁॒𑌕𑍍𑌰-𑌨𑍍𑌤𑍇॑ 𑌅॒𑌨𑍍𑌯𑌦𑍍𑌯॑𑌜॒𑌤-𑌨𑍍𑌤𑍇॑ 𑌅॒𑌨𑍍𑌯𑌤𑍍 । 𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍌𑌰𑌿॑𑌵𑌾𑌸𑌿 । 𑌵𑌿𑌶𑍍𑌵𑌾॒ 𑌹𑌿 𑌮𑌾॒𑌯𑌾 𑌅𑌵॑𑌸𑌿 𑌸𑍍𑌵𑌧𑌾𑌵𑌃 । 𑌭॒𑌦𑍍𑌰𑌾 𑌤𑍇॑ 𑌪𑍂𑌷𑌨𑍍𑌨𑌿॒𑌹 𑌰𑌾॒𑌤𑌿𑌰॒𑌸𑍍𑌤𑍍𑌵𑌿𑌤𑌿॑ । 𑌨𑌾𑌤𑍍𑌰॒ 𑌭𑍁𑌵॑𑌨𑌮𑍍 । 𑌨 𑌪𑍂॒𑌷𑌾 । 𑌨 𑌪॒𑌶𑌵𑌃॑ । 𑌨𑌾𑌦𑌿𑌤𑍍𑌯-𑌸𑍍𑌸𑌂​𑌵𑌁𑌥𑍍𑌸𑌰 𑌏𑌵 𑌪𑍍𑌰𑌤𑍍𑌯𑌕𑍍𑌷𑍇𑌣 𑌪𑍍𑌰𑌿𑌯𑌤॑𑌮𑌂-𑌵𑌿𑌁॒𑌦𑍍𑌯𑌾𑌤𑍍 । 𑌏𑌤𑌦𑍍𑌵𑍈 𑌸𑌂​𑌵𑌁𑌥𑍍𑌸𑌰𑌸𑍍𑌯 𑌪𑍍𑌰𑌿𑌯𑌤॑𑌮𑌗𑍍​𑌮𑍍 𑌰𑍂॒𑌪𑌮𑍍 । 𑌯𑍋-𑌽𑌸𑍍𑌯 𑌮𑌹𑌾𑌨𑌰𑍍𑌥 𑌉𑌤𑍍𑌪𑌥𑍍𑌸𑍍𑌯𑌮𑌾॑𑌨𑍋 𑌭॒𑌵𑌤𑌿 । 𑌇𑌦-𑌮𑍍𑌪𑍁𑌣𑍍𑌯-𑌙𑍍𑌕𑍁॑𑌰𑍁𑌷𑍍𑌵𑍇॒𑌤𑌿 । 𑌤𑌮𑌾𑌹𑌰॑𑌣-𑌨𑍍𑌦॒𑌦𑍍𑌯𑌾𑌤𑍍 ॥ 𑍭 ॥
(𑌯॒𑌥𑌾॒ - 𑌲॒𑌕𑍍𑌷॒𑌣 - 𑌋॑𑌤𑍁॒𑌲𑌕𑍍𑌷॑𑌣𑌂॒ - 𑌭𑍁𑌵॑𑌨𑌗𑍍​𑌮𑍍 𑌸॒𑌪𑍍𑌤 𑌚॑)

𑌅𑌨𑍁𑌵𑌾𑌕𑌃 3
𑌸𑌾॒𑌕॒𑌞𑍍𑌜𑌾𑌨𑌾𑌗𑍍​𑌮𑍍॑ 𑌸॒𑌪𑍍𑌤𑌥॑𑌮𑌾𑌹𑍁-𑌰𑍇𑌕॒𑌜𑌮𑍍 । 𑌷𑌡𑍁॑𑌦𑍍𑌯॒𑌮𑌾 𑌋𑌷॑𑌯𑍋 𑌦𑍇𑌵॒𑌜𑌾 𑌇𑌤𑌿॑ । 𑌤𑍇𑌷𑌾॑𑌮𑌿॒𑌷𑍍𑌟𑌾𑌨𑌿॒ 𑌵𑌿𑌹𑌿॑𑌤𑌾𑌨𑌿 𑌧𑌾𑌮॒𑌶𑌃 । 𑌸𑍍𑌥𑌾॒𑌤𑍍𑌰𑍇 𑌰𑍇॑𑌜𑌨𑍍𑌤𑍇॒ 𑌵𑌿𑌕𑍃॑𑌤𑌾𑌨𑌿 𑌰𑍂𑌪॒𑌶𑌃 । 𑌕𑍋𑌨𑍁॑ 𑌮𑌰𑍍𑌯𑌾॒ 𑌅𑌮𑌿॑𑌥𑌿𑌤𑌃 । 𑌸𑌖𑌾॒ 𑌸𑌖𑌾॑𑌯𑌮𑌬𑍍𑌰𑌵𑍀𑌤𑍍 । 𑌜𑌹𑌾॑𑌕𑍋 𑌅॒𑌸𑍍𑌮𑌦𑍀॑𑌷𑌤𑍇 । 𑌯𑌸𑍍𑌤𑌿॒𑌤𑍍𑌯𑌾𑌜॑ 𑌸𑌖𑌿॒𑌵𑌿𑌦॒𑌗𑍍​𑌮𑍍॒ 𑌸𑌖𑌾॑𑌯𑌮𑍍 । 𑌨 𑌤𑌸𑍍𑌯॑ 𑌵𑌾॒𑌚𑍍𑌯𑌪𑌿॑ 𑌭𑌾॒𑌗𑍋 𑌅॑𑌸𑍍𑌤𑌿 । 𑌯𑌦𑍀𑌗𑍍​𑌮𑍍॑ 𑌶𑍃॒𑌣𑍋𑌤𑍍𑌯॒𑌲𑌕𑌗𑍍​𑌮𑍍॑ 𑌶𑍃𑌣𑍋𑌤𑌿 ॥ 𑍮 ॥
𑌨 𑌹𑌿 𑌪𑍍𑌰॒𑌵𑍇𑌦॑ 𑌸𑍁𑌕𑍃॒𑌤𑌸𑍍𑌯॒ 𑌪𑌨𑍍𑌥𑌾॒𑌮𑌿𑌤𑌿॑ । 𑌋॒𑌤𑍁𑌰𑍍-𑌋॑𑌤𑍁𑌨𑌾 𑌨𑍁॒𑌦𑍍𑌯𑌮𑌾॑𑌨𑌃 । 𑌵𑌿𑌨॑𑌨𑌾𑌦𑌾॒𑌭𑌿𑌧𑌾॑𑌵𑌃 । 𑌷𑌷𑍍𑌟𑌿𑌶𑍍𑌚 𑌤𑍍𑌰𑌿𑌗𑍍​𑌮𑍍𑌶॑𑌕𑌾 𑌵॒𑌲𑍍𑌗𑌾𑌃 । 𑌶𑍁॒𑌕𑍍𑌲𑌕𑍃॑𑌷𑍍𑌣𑍌 𑌚॒ 𑌷𑌾𑌷𑍍𑌟𑌿॑𑌕𑍌 । 𑌸𑌾॒𑌰𑌾॒𑌗॒𑌵॒𑌸𑍍𑌤𑍍𑌰𑍈-𑌰𑍍𑌜॒𑌰𑌦॑𑌕𑍍𑌷𑌃 । 𑌵॒𑌸॒𑌨𑍍𑌤𑍋 𑌵𑌸𑍁॑𑌭𑌿-𑌸𑍍𑌸॒𑌹 । 𑌸𑌂॒​𑌵𑌁॒𑌥𑍍𑌸॒𑌰𑌸𑍍𑌯॑ 𑌸𑌵𑌿॒𑌤𑍁𑌃 । 𑌪𑍍𑌰𑍈॒𑌷॒𑌕𑍃-𑌤𑍍𑌪𑍍𑌰॑𑌥॒𑌮-𑌸𑍍𑌸𑍍𑌮𑍃॑𑌤𑌃 । 𑌅॒𑌮𑍂𑌨𑌾॒𑌦𑌯॑-𑌤𑍇𑌤𑍍𑌯॒𑌨𑍍𑌯𑌾𑌨𑍍 ॥ 𑍯 ॥
𑌅॒𑌮𑍂𑌗𑍍​𑌶𑍍𑌚॑ 𑌪𑌰𑌿॒𑌰𑌕𑍍𑌷॑𑌤𑌃 । 𑌏॒𑌤𑌾 𑌵𑌾॒𑌚𑌃 𑌪𑍍𑌰॑𑌯𑍁𑌜𑍍𑌯॒𑌨𑍍𑌤𑍇 । 𑌯𑌤𑍍𑌰𑍈 𑌤॑𑌦𑍁𑌪॒𑌦𑍃𑌶𑍍𑌯॑𑌤𑍇 ॥ 𑌏॒𑌤𑌦𑍇॒𑌵 𑌵𑌿॑𑌜𑌾𑌨𑍀॒𑌯𑌾𑌤𑍍 । 𑌪𑍍𑌰॒𑌮𑌾𑌣॑-𑌙𑍍𑌕𑌾𑌲॒𑌪𑌰𑍍𑌯॑𑌯𑍇 । 𑌵𑌿॒𑌶𑍇॒𑌷॒𑌣-𑌨𑍍𑌤𑍁॑ 𑌵𑌕𑍍𑌷𑍍𑌯𑌾॒𑌮𑌃 । 𑌋॒𑌤𑍂𑌨𑌾᳚-𑌨𑍍𑌤𑌨𑍍𑌨𑌿॒𑌬𑍋𑌧॑𑌤 ॥ 𑌶𑍁𑌕𑍍𑌲𑌵𑌾𑌸𑌾॑ 𑌰𑍁𑌦𑍍𑌰॒𑌗𑌣𑌃 । 𑌗𑍍𑌰𑍀॒𑌷𑍍𑌮𑍇𑌣𑌾॑𑌵𑌰𑍍𑌤॒𑌤𑍇 𑌸॑𑌹 । 𑌨𑌿॒𑌜𑌹॑-𑌨𑍍𑌪𑍃𑌥𑌿॑𑌵𑍀𑌗𑍍​𑌮𑍍 𑌸॒𑌰𑍍𑌵𑌾𑌮𑍍 ॥ 10 ॥
𑌜𑍍𑌯𑍋॒𑌤𑌿𑌷𑌾᳚ 𑌽𑌪𑍍𑌰𑌤𑌿॒𑌖𑍍𑌯𑍇𑌨॑ 𑌸𑌃 । 𑌵𑌿॒𑌶𑍍𑌵॒𑌰𑍂॒𑌪𑌾𑌣𑌿॑ 𑌵𑌾𑌸𑌾॒𑌗𑍍​𑌮𑍍॒𑌸𑌿 । 𑌆॒𑌦𑌿॒𑌤𑍍𑌯𑌾𑌨𑌾᳚-𑌨𑍍𑌨𑌿॒𑌬𑍋𑌧॑𑌤 । 𑌸𑌂​𑌵𑌁𑌥𑍍𑌸𑌰𑍀𑌣॑-𑌙𑍍𑌕𑌰𑍍𑌮॒𑌫𑌲𑌮𑍍 । 𑌵𑌰𑍍​𑌷𑌾𑌭𑌿-𑌰𑍍𑌦॑𑌦𑌤𑌾॒𑌗𑍍​𑌮𑍍॒ 𑌸𑌹 । 𑌅𑌦𑍁𑌃𑌖𑍋॑ 𑌦𑍁𑌃𑌖 𑌚॑𑌕𑍍𑌷𑍁𑌰𑌿॒𑌵 । 𑌤𑌦𑍍𑌮𑌾॑ 𑌪𑍀𑌤 𑌇𑌵॒ 𑌦𑍃𑌶𑍍𑌯॑𑌤𑍇 । 𑌶𑍀𑌤𑍇𑌨𑌾᳚ 𑌵𑍍𑌯𑌥॑𑌯𑌨𑍍𑌨𑌿॒𑌵 । 𑌰𑍁॒𑌰𑍁𑌦॑𑌕𑍍𑌷 𑌇𑌵॒ 𑌦𑍃𑌶𑍍𑌯॑𑌤𑍇 ॥ 𑌹𑍍𑌲𑌾𑌦𑌯𑌤𑍇᳚ 𑌜𑍍𑌵𑌲॑𑌤𑌶𑍍𑌚𑍈॒𑌵 । 𑌶𑌾॒𑌮𑍍𑌯𑌤॑𑌶𑍍𑌚𑌾𑌸𑍍𑌯॒ 𑌚𑌕𑍍𑌷𑍁॑𑌷𑍀 । 𑌯𑌾𑌵𑍈 𑌪𑍍𑌰𑌜𑌾 𑌭𑍍𑌰॑𑌗𑍍𑌗𑍍​𑌶𑍍𑌯॒𑌨𑍍𑌤𑍇 । 𑌸𑌂​𑌵𑌁𑌥𑍍𑌸𑌰𑌾𑌤𑍍𑌤𑌾 𑌭𑍍𑌰॑𑌗𑍍𑌗𑍍​𑌶𑍍𑌯॒𑌨𑍍𑌤𑍇 ॥ 𑌯𑌾𑌃॒ 𑌪𑍍𑌰𑌤𑌿॑𑌤𑌿𑌷𑍍𑌠॒𑌨𑍍𑌤𑌿 । 𑌸𑌂​𑌵𑌁𑌥𑍍𑌸𑌰𑍇 𑌤𑌾𑌃 𑌪𑍍𑌰𑌤𑌿॑𑌤𑌿𑌷𑍍𑌠॒𑌨𑍍𑌤𑌿 । 𑌵॒𑌰𑍍॒𑌷𑌾𑌭𑍍𑌯॑ 𑌇𑌤𑍍𑌯॒𑌰𑍍𑌥𑌃 ॥ 11 ॥
(𑌶𑍃॒𑌣𑍋॒ - 𑌤𑍍𑌯॒𑌨𑍍𑌯𑌾𑌨𑍍𑌥𑍍 - 𑌸॒𑌰𑍍𑌵𑌾 - 𑌮𑍇॒𑌵 𑌷𑌟𑍍𑌚॑)

𑌅𑌨𑍁𑌵𑌾𑌕𑌃 4
𑌅𑌕𑍍𑌷𑌿॑𑌦𑍁𑌃॒𑌖𑍋𑌤𑍍𑌥𑌿॑𑌤𑌸𑍍𑌯𑍈॒𑌵 । 𑌵𑌿॒𑌪𑍍𑌰𑌸॑𑌨𑍍𑌨𑍇 𑌕॒𑌨𑍀𑌨𑌿॑𑌕𑍇 । 𑌆𑌙𑍍𑌕𑍍𑌤𑍇 𑌚𑌾𑌦𑍍𑌗॑𑌣-𑌨𑍍𑌨𑌾॒𑌸𑍍𑌤𑌿 । 𑌋॒𑌭𑍂𑌣𑌾᳚-𑌨𑍍𑌤𑌨𑍍𑌨𑌿॒𑌬𑍋𑌧॑𑌤 । 𑌕॒𑌨॒𑌕𑌾॒𑌭𑌾𑌨𑌿॑ 𑌵𑌾𑌸𑌾॒𑌗𑍍​𑌮𑍍॒𑌸𑌿 । 𑌅॒𑌹𑌤𑌾॑𑌨𑌿 𑌨𑌿॒𑌬𑍋𑌧॑𑌤 । 𑌅𑌨𑍍𑌨𑌮𑌶𑍍𑌰𑍍𑌨𑍀𑌤॑ 𑌮𑍃𑌜𑍍𑌮𑍀॒𑌤 । 𑌅॒𑌹𑌂-𑌵𑍋𑌁॑ 𑌜𑍀𑌵॒𑌨𑌪𑍍𑌰॑𑌦𑌃 । 𑌏॒𑌤𑌾 𑌵𑌾॒𑌚𑌃 𑌪𑍍𑌰॑𑌯𑍁𑌜𑍍𑌯॒𑌨𑍍𑌤𑍇 । 𑌶॒𑌰𑌦𑍍𑌯॑𑌤𑍍𑌰𑍋𑌪॒ 𑌦𑍃𑌶𑍍𑌯॑𑌤𑍇 ॥ 12 ॥
𑌅𑌭𑌿𑌧𑍂𑌨𑍍𑌵𑌨𑍍𑌤𑍋-𑌽𑌭𑌿𑌘𑍍𑌨॑𑌨𑍍𑌤 𑌇॒𑌵 । 𑌵𑌾॒𑌤𑌵॑𑌨𑍍𑌤𑍋 𑌮॒𑌰𑍁𑌦𑍍𑌗॑𑌣𑌾𑌃 । 𑌅𑌮𑍁𑌤𑍋 𑌜𑍇𑌤𑍁𑌮𑌿𑌷𑍁𑌮𑍁॑𑌖𑌮𑌿॒𑌵 । 𑌸𑌨𑍍𑌨𑌦𑍍𑌧𑌾-𑌸𑍍𑌸𑌹 𑌦॑𑌦𑍃𑌶𑍇॒ 𑌹 । 𑌅𑌪𑌦𑍍𑌧𑍍𑌵𑌸𑍍𑌤𑍈-𑌰𑍍𑌵𑌸𑍍𑌤𑌿𑌵॑𑌰𑍍𑌣𑍈𑌰𑌿॒𑌵 । 𑌵𑌿॒𑌶𑌿॒𑌖𑌾𑌸𑌃॑ 𑌕𑌪॒𑌰𑍍𑌦𑌿𑌨𑌃 ।𑌅𑌕𑍍𑌰𑍁𑌦𑍍𑌧𑌸𑍍𑌯 𑌯𑍋𑌥𑍍𑌸𑍍𑌯॑𑌮𑌾𑌨॒𑌸𑍍𑌯 । 𑌕𑍃॒𑌦𑍍𑌧𑌸𑍍𑌯𑍇॑𑌵॒ 𑌲𑍋𑌹𑌿॑𑌨𑍀 । 𑌹𑍇𑌮𑌤𑌶𑍍𑌚𑌕𑍍𑌷𑍁॑𑌷𑍀 𑌵𑌿॒𑌦𑍍𑌯𑌾𑌤𑍍 । 𑌅॒𑌕𑍍𑌷𑍍𑌣𑌯𑍋𑌃᳚, 𑌕𑍍𑌷𑌿𑌪॒𑌣𑍋𑌰𑌿॑𑌵 ॥ 13 ॥
𑌦𑍁𑌰𑍍𑌭𑌿𑌕𑍍𑌷-𑌨𑍍𑌦𑍇𑌵॑𑌲𑍋𑌕𑍇॒𑌷𑍁 । 𑌮॒𑌨𑍂𑌨𑌾॑𑌮𑍁𑌦॒𑌕-𑌙𑍍𑌗𑍃॑𑌹𑍇 । 𑌏॒𑌤𑌾 𑌵𑌾॒𑌚𑌃 𑌪𑍍𑌰॑𑌵𑌦॒𑌨𑍍𑌤𑍀𑌃 । 𑌵𑍈॒𑌦𑍍𑌯𑍁𑌤𑍋॑ 𑌯𑌾𑌨𑍍𑌤𑌿॒ 𑌶𑍈𑌶𑌿॑𑌰𑍀𑌃 । 𑌤𑌾 𑌅॒𑌗𑍍𑌨𑌿𑌃 𑌪𑌵॑𑌮𑌾𑌨𑌾॒ 𑌅𑌨𑍍𑌵𑍈᳚𑌕𑍍𑌷𑌤 । 𑌇॒𑌹 𑌜𑍀॑𑌵𑌿॒𑌕𑌾𑌮-𑌪॑𑌰𑌿𑌪𑌶𑍍𑌯𑌨𑍍𑌨𑍍 । 𑌤𑌸𑍍𑌯𑍈॒𑌷𑌾 𑌭𑌵॑𑌤𑌿 । 𑌇॒𑌹𑍇𑌹 𑌵॑-𑌸𑍍𑌸𑍍𑌵𑌤॒𑌪𑌸𑌃 । 𑌮𑌰𑍁॑𑌤॒-𑌸𑍍𑌸𑍂𑌰𑍍𑌯॑𑌤𑍍𑌵𑌚𑌃 । 𑌶𑌰𑍍𑌮॑ 𑌸॒𑌪𑍍𑌰𑌥𑌾॒ 𑌆𑌵𑍃॑𑌣𑍇 ॥ 14 ॥
(𑌦𑍃𑌶𑍍𑌯॑𑌤 - 𑌇॒𑌵𑌾 - 𑌵𑍃॑𑌣𑍇)

𑌅𑌨𑍁𑌵𑌾𑌕𑌮𑍍𑌜𑍍 5
𑌅𑌤𑌿॑ 𑌤𑌾॒𑌮𑍍𑌰𑌾𑌣𑌿॑ 𑌵𑌾𑌸𑌾॒𑌗𑍍​𑌮𑍍॒𑌸𑌿 । 𑌅॒𑌷𑍍𑌟𑌿𑌵॑𑌜𑍍𑌰𑌿 𑌶॒𑌤𑌘𑍍𑌨𑌿॑ 𑌚 । 𑌵𑌿𑌶𑍍𑌵𑍇 𑌦𑍇𑌵𑌾 𑌵𑌿𑌪𑍍𑌰॑𑌹𑌰॒𑌨𑍍𑌤𑌿 । 𑌅॒𑌗𑍍𑌨𑌿𑌜𑌿॑𑌹𑍍𑌵 𑌅॒𑌸𑌶𑍍𑌚॑𑌤 । 𑌨𑍈𑌵 𑌦𑍇𑌵𑍋॑ 𑌨 𑌮॒𑌰𑍍𑌤𑍍𑌯𑌃 । 𑌨 𑌰𑌾𑌜𑌾 𑌵॑𑌰𑍁𑌣𑍋॒ 𑌵𑌿𑌭𑍁𑌃 । 𑌨𑌾𑌗𑍍𑌨𑌿-𑌰𑍍𑌨𑍇𑌨𑍍𑌦𑍍𑌰𑍋 𑌨 𑌪॑𑌵𑌮𑌾॒𑌨𑌃 । 𑌮𑌾॒𑌤𑍃𑌕𑍍𑌕॑𑌚𑍍𑌚 𑌨॒ 𑌵𑌿𑌦𑍍𑌯॑𑌤𑍇 । 𑌦𑌿॒𑌵𑍍𑌯𑌸𑍍𑌯𑍈𑌕𑌾॒ 𑌧𑌨𑍁॑𑌰𑌾𑌰𑍍𑌤𑍍𑌨𑌿𑌃 । 𑌪𑍃॒𑌥𑌿॒𑌵𑍍𑌯𑌾𑌮𑌪॑𑌰𑌾 𑌶𑍍𑌰𑌿॒𑌤𑌾 ॥ 15 ॥
𑌤𑌸𑍍𑌯𑍇𑌨𑍍𑌦𑍍𑌰𑍋 𑌵𑌮𑍍𑌰𑌿॑𑌰𑍂𑌪𑍇॒𑌣 । 𑌧॒𑌨𑍁𑌰𑍍𑌜𑍍𑌯𑌾॑-𑌮𑌛𑌿॒𑌨𑌥𑍍𑌸𑍍𑌵॑𑌯𑌮𑍍 । 𑌤𑌦𑌿॑𑌨𑍍𑌦𑍍𑌰॒𑌧𑌨𑍁॑𑌰𑌿𑌤𑍍𑌯॒𑌜𑍍𑌯𑌮𑍍 । 𑌅॒𑌭𑍍𑌰𑌵॑𑌰𑍍𑌣𑍇𑌷𑍁॒ 𑌚𑌕𑍍𑌷॑𑌤𑍇 । 𑌏𑌤𑌦𑍇𑌵 𑌶𑌂​𑌯𑍋𑌁-𑌰𑍍𑌬𑌾𑌰𑍍​𑌹॑𑌸𑍍𑌪𑌤𑍍𑌯॒𑌸𑍍𑌯 । 𑌏॒𑌤-𑌦𑍍𑌰𑍁॑𑌦𑍍𑌰𑌸𑍍𑌯॒ 𑌧𑌨𑍁𑌃 । 𑌰𑍁॒𑌦𑍍𑌰𑌸𑍍𑌯॑ 𑌤𑍍𑌵𑍇𑌵॒ 𑌧𑌨𑍁॑𑌰𑌾𑌰𑍍𑌤𑍍𑌨𑌿𑌃 । 𑌶𑌿𑌰॒ 𑌉𑌤𑍍𑌪𑌿॑𑌪𑍇𑌷 । 𑌸 𑌪𑍍𑌰॑𑌵॒𑌰𑍍𑌗𑍍𑌯𑍋॑-𑌽𑌭𑌵𑌤𑍍 । 𑌤𑌸𑍍𑌮𑌾॒-𑌦𑍍𑌯-𑌸𑍍𑌸𑌪𑍍𑌰॑𑌵॒𑌰𑍍𑌗𑍍𑌯𑍇𑌣॑ 𑌯॒𑌜𑍍𑌞𑍇𑌨॒ 𑌯𑌜॑𑌤𑍇 । 𑌰𑍁॒𑌦𑍍𑌰𑌸𑍍𑌯॒ 𑌸 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 । 𑌨𑍈𑌨𑌗𑍍​𑌮𑍍॑ 𑌰𑍁॒𑌦𑍍𑌰 𑌆𑌰𑍁॑𑌕𑍋 𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 16 ॥
(𑌶𑍍𑌰𑌿॒𑌤𑌾 - 𑌯𑌜॑𑌤𑍇॒ 𑌤𑍍𑌰𑍀𑌣𑌿॑ 𑌚)

𑌅𑌨𑍁𑌵𑌾𑌕𑌃 6
𑌅॒𑌤𑍍𑌯𑍂॒𑌰𑍍𑌧𑍍𑌵𑌾॒𑌕𑍍𑌷𑍋-𑌽𑌤𑌿॑𑌰𑌶𑍍𑌚𑌾𑌤𑍍 । 𑌶𑌿𑌶𑌿॑𑌰𑌃 𑌪𑍍𑌰॒𑌦𑍃𑌶𑍍𑌯॑𑌤𑍇 । 𑌨𑍈𑌵 𑌰𑍂𑌪-𑌨𑍍𑌨॑ 𑌵𑌾𑌸𑌾॒𑌗𑍍​𑌮𑍍॒𑌸𑌿 । 𑌨 𑌚𑌕𑍍𑌷𑍁𑌃॑ 𑌪𑍍𑌰𑌤𑌿॒𑌦𑍃𑌶𑍍𑌯॑𑌤𑍇 । 𑌅॒𑌨𑍍𑌯𑍋𑌨𑍍𑌯॒-𑌨𑍍𑌤𑍁 𑌨॑ 𑌹𑌿𑌗𑍍𑌗𑍍​𑌸𑍍𑌰𑌾॒𑌤𑌃 । 𑌸॒𑌤 𑌸𑍍𑌤॑-𑌦𑍍𑌦𑍇𑌵॒𑌲𑌕𑍍𑌷॑𑌣𑌮𑍍 । 𑌲𑍋𑌹𑌿𑌤𑍋-𑌽𑌕𑍍𑌷𑍍𑌣𑌿 𑌶𑌾॑𑌰𑌶𑍀॒𑌰𑍍​𑌷𑍍𑌣𑌿𑌃 । 𑌸𑍂॒𑌰𑍍𑌯𑌸𑍍𑌯𑍋॑𑌦𑌯॒𑌨-𑌮𑍍𑌪𑍍𑌰॑𑌤𑌿 । 𑌤𑍍𑌵-𑌙𑍍𑌕𑌰𑍋𑌷𑌿॑ 𑌨𑍍𑌯𑌞𑍍𑌜॒𑌲𑌿𑌕𑌾𑌮𑍍 । 𑌤𑍍𑌵॒-𑌙𑍍𑌕𑌰𑍋॑𑌷𑌿 𑌨𑌿॒𑌜𑌾𑌨𑍁॑𑌕𑌾𑌮𑍍 ॥ 1𑍭 ॥
𑌨𑌿𑌜𑌾𑌨𑍁𑌕𑌾𑌮𑍇᳚ 𑌨𑍍𑌯𑌞𑍍𑌜॒𑌲𑌿𑌕𑌾 । 𑌅𑌮𑍀 𑌵𑌾𑌚-𑌮𑍁𑌪𑌾𑌸॑𑌤𑌾𑌮𑌿॒𑌤𑌿 । 𑌤𑌸𑍍𑌮𑍈 𑌸𑌰𑍍𑌵 𑌋𑌤𑌵𑍋॑ 𑌨𑌮॒𑌨𑍍𑌤𑍇 । 𑌮𑌰𑍍𑌯𑌾𑌦𑌾 𑌕𑌰𑌤𑍍𑌵𑌾-𑌤𑍍𑌪𑍍𑌰॑𑌪𑍁𑌰𑍋॒𑌧𑌾𑌮𑍍 । 𑌬𑍍𑌰𑌾𑌹𑍍𑌮𑌣॑ 𑌆𑌪𑍍𑌨𑍋॒𑌤𑌿 । 𑌯 𑌏॑𑌵𑌂-𑌵𑍇𑌁॒𑌦 । 𑌸 𑌖𑌲𑍁 𑌸𑌂​𑌵𑌁𑌥𑍍𑌸𑌰 𑌏𑌤𑍈-𑌸𑍍𑌸𑍇𑌨𑌾𑌨𑍀॑𑌭𑌿-𑌸𑍍𑌸॒𑌹 । 𑌇𑌨𑍍𑌦𑍍𑌰𑌾𑌯 𑌸𑌰𑍍𑌵𑌾𑌨𑍍-𑌕𑌾𑌮𑌾𑌨॑𑌭𑌿𑌵॒𑌹𑌤𑌿 । 𑌸 𑌦𑍍𑌰॒𑌫𑍍𑌸𑌃 । 𑌤𑌸𑍍𑌯𑍈॒𑌷𑌾 𑌭𑌵॑𑌤𑌿 ॥ 1𑍮 ॥
𑌅𑌵॑ 𑌦𑍍𑌰॒𑌫𑍍𑌸𑍋 𑌅𑌗𑍍​𑌮𑍍॑𑌶॒𑌮𑌤𑍀॑𑌮𑌤𑌿𑌷𑍍𑌠𑌤𑍍 । 𑌇॒𑌯𑌾॒𑌨𑌃 𑌕𑍃॒𑌷𑍍𑌣𑍋 𑌦॒𑌶𑌭𑌿॑-𑌸𑍍𑌸॒𑌹𑌸𑍍𑌰𑍈𑌃᳚ । 𑌆𑌵॒𑌰𑍍𑌤-𑌮𑌿𑌨𑍍𑌦𑍍𑌰॒-𑌶𑍍𑌶𑌚𑍍𑌯𑌾॒ 𑌧𑌮॑𑌨𑍍𑌤𑌮𑍍 । 𑌉𑌪𑌸𑍍𑌨𑍁𑌹𑌿 𑌤-𑌨𑍍𑌨𑍃𑌮𑌣𑌾-𑌮𑌥॑𑌦𑍍𑌰𑌾𑌮𑌿॒𑌤𑌿 । 𑌏𑌤𑌯𑍈 𑌵𑍇𑌨𑍍𑌦𑍍𑌰-𑌸𑍍𑌸𑌲𑌾 𑌵𑍃॑𑌕𑍍𑌯𑌾 𑌸॒𑌹 । 𑌅𑌸𑍁𑌰𑌾-𑌨𑍍𑌪॑𑌰𑌿𑌵𑍃॒𑌶𑍍𑌚𑌤𑌿 । 𑌪𑍃𑌥𑌿॑𑌵𑍍𑌯॒𑌗𑍍​𑌮𑍍॒ 𑌶𑍁𑌮॑𑌤𑍀 । 𑌤𑌾𑌮॒𑌨𑍍𑌵-𑌵॑𑌸𑍍𑌥𑌿𑌤-𑌸𑍍𑌸𑌂​𑌵𑌁𑌥𑍍𑌸॒𑌰𑍋 𑌦𑌿॒𑌵𑌞𑍍𑌚॑ । 𑌨𑍈𑌵𑌂-𑌵𑌿𑌁𑌦𑍁𑌷𑌾-𑌽𑌽𑌚𑌾𑌰𑍍𑌯𑌾᳚-𑌨𑍍𑌤𑍇𑌵𑌾॒𑌸𑌿𑌨𑍌 । 𑌅𑌨𑍍𑌯𑍋𑌨𑍍𑌯𑌸𑍍𑌮𑍈᳚ 𑌦𑍍𑌰𑍁𑌹𑍍𑌯𑌾॒𑌤𑌾𑌮𑍍 । 𑌯𑍋 𑌦𑍍𑌰𑍁॒𑌹𑍍𑌯𑌤𑌿 । 𑌭𑍍𑌰𑌶𑍍𑌯𑌤𑍇 𑌸𑍍𑌵॑𑌰𑍍𑌗𑌾-𑌲𑍍𑌲𑍋॒𑌕𑌾𑌤𑍍 । 𑌇𑌤𑍍𑌯𑍃𑌤𑍁 𑌮॑𑌣𑍍𑌡𑌲𑌾॒𑌨𑌿 । 𑌸𑍂𑌰𑍍𑌯 𑌮𑌣𑍍𑌡𑌲𑌾᳚ 𑌨𑍍𑌯𑌾𑌖𑍍𑌯𑌾॒𑌯𑌿𑌕𑌾𑌃 । 𑌅𑌤 𑌊𑌰𑍍𑌧𑍍𑌵𑌗𑍍​𑌮𑍍𑌸॑𑌨𑌿𑌰𑍍𑌵॒𑌚𑌨𑌾𑌃 ॥ 1𑍯 ॥
(𑌨𑌿॒𑌜𑌾𑌨𑍁॑𑌕𑌾𑌂॒ - 𑌭𑌵॑𑌤𑌿 - 𑌦𑍍𑌰𑍁𑌹𑍍𑌯𑌾॒𑌤𑌾-𑌮𑍍𑌪𑌞𑍍𑌚॑ 𑌚)

𑌅𑌨𑍁𑌵𑌾𑌕𑌃 𑍭
𑌆𑌰𑍋𑌗𑍋 𑌭𑍍𑌰𑌾𑌜𑌃 𑌪𑌟𑌰𑌃॑ 𑌪𑌤॒𑌙𑍍𑌗𑌃 । 𑌸𑍍𑌵𑌰𑍍𑌣𑌰𑍋 𑌜𑍍𑌯𑍋𑌤𑌿𑌷𑍀𑌮𑌾𑌨𑍍॑. 𑌵𑌿𑌭𑌾॒𑌸𑌃 । 𑌤𑍇 𑌅𑌸𑍍𑌮𑍈 𑌸𑌰𑍍𑌵𑍇 𑌦𑌿𑌵𑌮𑌾॑𑌤𑌪॒𑌨𑍍𑌤𑌿 । 𑌊𑌰𑍍𑌜-𑌨𑍍𑌦𑍁𑌹𑌾𑌨𑌾 𑌅𑌨𑌪𑌸𑍍𑌫𑍁𑌰॑𑌨𑍍𑌤 𑌇॒𑌤𑌿 । 𑌕𑌶𑍍𑌯॑𑌪𑍋-𑌽𑌷𑍍𑌟॒𑌮𑌃 । 𑌸 𑌮𑌹𑌾𑌮𑍇𑌰𑍁-𑌨𑍍𑌨॑ 𑌜𑌹𑌾॒𑌤𑌿 । 𑌤𑌸𑍍𑌯𑍈॒𑌷𑌾 𑌭𑌵॑𑌤𑌿 । 𑌯𑌤𑍍𑌤𑍇॒ 𑌶𑌿𑌲𑍍𑌪॑-𑌙𑍍𑌕𑌶𑍍𑌯𑌪 𑌰𑍋𑌚॒𑌨𑌾𑌵॑𑌤𑍍 । 𑌇॒𑌨𑍍𑌦𑍍𑌰𑌿॒𑌯𑌾𑌵॑-𑌤𑍍𑌪𑍁𑌷𑍍𑌕॒𑌲-𑌞𑍍𑌚𑌿॒𑌤𑍍𑌰𑌭𑌾॑𑌨𑍁 । 𑌯𑌸𑍍𑌮𑌿॒-𑌨𑍍𑌥𑍍𑌸𑍂𑌰𑍍𑌯𑌾॒ 𑌅𑌰𑍍𑌪𑌿॑𑌤𑌾-𑌸𑍍𑌸॒𑌪𑍍𑌤 𑌸𑌾॒𑌕𑌮𑍍 ॥ 20 ॥
𑌤𑌸𑍍𑌮𑌿-𑌨𑍍𑌰𑌾𑌜𑌾𑌨-𑌮𑌧𑌿𑌵𑌿𑌶𑍍𑌰𑌯𑍇॑𑌮𑌮𑌿॒𑌤𑌿 । 𑌤𑍇 𑌅𑌸𑍍𑌮𑍈 𑌸𑌰𑍍𑌵𑍇 𑌕𑌶𑍍𑌯𑌪𑌾-𑌜𑍍𑌜𑍍𑌯𑍋𑌤𑌿॑-𑌰𑍍𑌲𑌭॒𑌨𑍍𑌤𑍇 । 𑌤𑌾𑌨𑍍​𑌥𑍍𑌸𑍋𑌮𑌃 𑌕𑌶𑍍𑌯𑌪𑌾𑌦𑌧𑌿॑ 𑌨𑌿𑌰𑍍𑌧॒𑌮𑌤𑌿 । 𑌭𑍍𑌰𑌸𑍍𑌤𑌾 𑌕𑌰𑍍𑌮 𑌕𑍃॑𑌦𑌿𑌵𑍈॒𑌵𑌮𑍍 ॥ 𑌪𑍍𑌰𑌾𑌣𑍋 𑌜𑍀𑌵𑌾𑌨𑍀𑌨𑍍𑌦𑍍𑌰𑌿𑌯॑ 𑌜𑍀𑌵𑌾॒𑌨𑌿 । 𑌸𑌪𑍍𑌤 𑌶𑍀𑌰𑍍​𑌷॑𑌣𑍍𑌯𑌾𑌃 𑌪𑍍𑌰𑌾॒𑌣𑌾𑌃 । 𑌸𑍂𑌰𑍍𑌯𑌾 𑌇॑𑌤𑍍𑌯𑌾𑌚𑌾॒𑌰𑍍𑌯𑌾𑌃 । 𑌅𑌪𑌶𑍍𑌯𑌮𑌹 𑌮𑍇𑌤𑌾𑌨𑍍-𑌥𑍍𑌸𑌪𑍍𑌤 𑌸𑍂᳚𑌰𑍍𑌯𑌾𑌨𑌿॒𑌤𑌿 । 𑌪𑌞𑍍𑌚𑌕𑌰𑍍𑌣𑍋॑ 𑌵𑌾𑌥𑍍𑌸𑍍𑌯𑌾॒𑌯𑌨𑌃 । 𑌸𑌪𑍍𑌤𑌕𑌰𑍍𑌣॑𑌶𑍍𑌚 𑌪𑍍𑌲𑌾॒𑌕𑍍𑌷𑌿𑌃 ॥ 21 ॥
𑌆𑌨𑍁𑌶𑍍𑌰𑌵𑌿𑌕 𑌏𑌵 𑌨𑍌 𑌕𑌶𑍍𑌯॑𑌪 𑌇॒𑌤𑌿 । 𑌉𑌭𑍌॑ 𑌵𑍇𑌦॒𑌯𑌿𑌤𑍇 । 𑌨 𑌹𑌿 𑌶𑍇𑌕𑍁𑌮𑌿𑌵 𑌮𑌹𑌾𑌮𑍇॑𑌰𑍁-𑌙𑍍𑌗॒𑌨𑍍𑌤𑍁𑌮𑍍 । 𑌅𑌪𑌶𑍍𑌯𑌮𑌹𑌮𑍇𑌤-𑌥𑍍𑌸𑍂𑌰𑍍𑌯𑌮𑌣𑍍𑌡𑌲-𑌮𑍍𑌪𑌰𑌿𑌵॑𑌰𑍍𑌤𑌮𑌾॒𑌨𑌮𑍍 । 𑌗𑌾॒𑌰𑍍𑌗𑍍𑌯𑌃 𑌪𑍍𑌰𑌾॑𑌣𑌤𑍍𑌰𑌾॒𑌤𑌃 । 𑌗𑌚𑍍𑌛𑌨𑍍𑌤 𑌮॑𑌹𑌾𑌮𑍇॒𑌰𑍁𑌮𑍍 । 𑌏𑌕॑𑌞𑍍𑌚𑌾𑌜॒𑌹𑌤𑌮𑍍 । 𑌭𑍍𑌰𑌾𑌜𑌪𑌟𑌰 𑌪𑌤॑𑌙𑍍𑌗𑌾 𑌨𑌿॒𑌹𑌨𑍇 । 𑌤𑌿𑌷𑍍𑌠𑌨𑍍𑌨𑌾॑𑌤𑌪॒𑌨𑍍𑌤𑌿 । 𑌤𑌸𑍍𑌮𑌾॑𑌦𑌿॒𑌹 𑌤𑌪𑍍𑌤𑍍𑌰𑌿॑ 𑌤𑌪𑌾𑌃 ॥ 22 ॥
𑌅॒𑌮𑍁𑌤𑍍𑌰𑍇॒𑌤𑌰𑍇 । 𑌤𑌸𑍍𑌮𑌾॑𑌦𑌿॒𑌹𑌾 𑌤𑌪𑍍𑌤𑍍𑌰𑌿॑ 𑌤𑌪𑌾𑌃 । 𑌤𑍇𑌷𑌾॑𑌮𑍇𑌷𑌾॒ 𑌭𑌵॑𑌤𑌿 । 𑌸॒𑌪𑍍𑌤 𑌸𑍂𑌰𑍍𑌯𑌾॒ 𑌦𑌿𑌵॒-𑌮𑌨𑍁॒ 𑌪𑍍𑌰𑌵𑌿॑𑌷𑍍𑌟𑌾𑌃 । 𑌤𑌾𑌨॒𑌨𑍍𑌵𑍇𑌤𑌿॑ 𑌪॒𑌥𑌿𑌭𑌿॑-𑌰𑍍𑌦𑌕𑍍𑌷𑌿॒𑌣𑌾𑌵𑌾𑌨𑍍॑ । 𑌤𑍇 𑌅𑌸𑍍𑌮𑍈 𑌸𑌰𑍍𑌵𑍇 𑌘𑍃𑌤𑌮𑌾॑𑌤𑌪॒𑌨𑍍𑌤𑌿 । 𑌊𑌰𑍍𑌜-𑌨𑍍𑌦𑍁𑌹𑌾𑌨𑌾 𑌅𑌨𑌪𑌸𑍍𑌫𑍁𑌰॑𑌨𑍍𑌤 𑌇॒𑌤𑌿 ॥ 𑌸𑌪𑍍𑌤𑌰𑍍𑌤𑍍𑌵𑌿𑌜-𑌸𑍍𑌸𑍂𑌰𑍍𑌯𑌾 𑌇॑𑌤𑍍𑌯𑌾𑌚𑌾॒𑌰𑍍𑌯𑌾𑌃 । 𑌤𑍇𑌷𑌾॑𑌮𑍇𑌷𑌾॒ 𑌭𑌵॑𑌤𑌿 । 𑌸॒𑌪𑍍𑌤 𑌦𑌿𑌶𑍋॒ 𑌨𑌾𑌨𑌾॑ 𑌸𑍂𑌰𑍍𑌯𑌾𑌃 ॥ 23 ॥
𑌸॒𑌪𑍍𑌤 𑌹𑍋𑌤𑌾॑𑌰 𑌋॒𑌤𑍍𑌵𑌿𑌜𑌃॑ । 𑌦𑍇𑌵𑌾 𑌆𑌦𑌿𑌤𑍍𑌯𑌾॑ 𑌯𑍇 𑌸॒𑌪𑍍𑌤 । 𑌤𑍇𑌭𑌿-𑌸𑍍𑌸𑍋𑌮𑌾𑌭𑍀 𑌰𑌕𑍍𑌷॑𑌣 𑌇॒𑌤𑌿 । 𑌤𑌦॑𑌪𑍍𑌯𑌾𑌮𑍍𑌨𑌾॒𑌯𑌃 । 𑌦𑌿𑌗𑍍𑌭𑍍𑌰𑌾𑌜 𑌋𑌤𑍂᳚𑌨𑍍 𑌕𑌰𑍋॒𑌤𑌿 । 𑌏𑌤॑𑌯𑍈𑌵𑌾॒𑌵𑍃𑌤𑌾 𑌽𑌽𑌸𑌹𑌸𑍍𑌰𑌸𑍂𑌰𑍍𑌯𑌤𑌾𑌯𑌾 𑌇𑌤𑌿 𑌵𑍈॑𑌶𑌮𑍍𑌪𑌾॒𑌯𑌨𑌃 । 𑌤𑌸𑍍𑌯𑍈॒𑌷𑌾 𑌭𑌵॑𑌤𑌿 । 𑌯𑌦𑍍𑌦𑍍𑌯𑌾𑌵॑ 𑌇𑌨𑍍𑌦𑍍𑌰 𑌤𑍇 𑌶॒𑌤𑌗𑍍​𑌮𑍍 𑌶॒𑌤-𑌮𑍍𑌭𑍂𑌮𑍀𑌃᳚ । 𑌉॒𑌤 𑌸𑍍𑌯𑍁𑌃 । 𑌨 𑌤𑍍𑌵𑌾॑ 𑌵𑌜𑍍𑌰𑌿𑌨𑍍​-𑌥𑍍𑌸॒𑌹𑌸𑍍𑌰॒𑌗𑍍​𑌮𑍍॒ 𑌸𑍂𑌰𑍍𑌯𑌾𑌃᳚ । 24 ॥
𑌅𑌨𑍁 𑌨 𑌜𑌾𑌤𑌮𑌷𑍍𑌟 𑌰𑍋𑌦॑𑌸𑍀 𑌇॒𑌤𑌿 । 𑌨𑌾𑌨𑌾 𑌲𑌿𑌙𑍍𑌗𑌤𑍍𑌵𑌾-𑌦𑍃𑌤𑍂𑌨𑌾-𑌨𑍍𑌨𑌾𑌨𑌾॑ 𑌸𑍂𑌰𑍍𑌯॒𑌤𑍍𑌵𑌮𑍍 ॥ 𑌅𑌷𑍍𑌟𑍌 𑌤𑍁 𑌵𑍍𑌯𑌵𑌸𑌿॑𑌤𑌾 𑌇॒𑌤𑌿 । 𑌸𑍂𑌰𑍍𑌯𑌮𑌣𑍍𑌡𑌲𑌾-𑌨𑍍𑌯𑌷𑍍𑌟𑌾॑𑌤 𑌊॒𑌰𑍍𑌧𑍍𑌵𑌮𑍍 । 𑌤𑍇𑌷𑌾॑𑌮𑍇𑌷𑌾॒ 𑌭𑌵॑𑌤𑌿 ॥ 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒-𑌮𑍁𑌦॑𑌗𑌾॒𑌦𑌨𑍀॑𑌕𑌮𑍍 । 𑌚𑌕𑍍𑌷𑍁॑-𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒𑌗𑍍𑌨𑍇𑌃 । 𑌆-𑌽𑌪𑍍𑌰𑌾॒ 𑌦𑍍𑌯𑌾𑌵𑌾॑ 𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌸𑍂𑌰𑍍𑌯 𑌆𑌤𑍍𑌮𑌾 𑌜𑌗𑌤𑌸𑍍𑌤𑌸𑍍𑌥𑍁॑𑌷𑌶𑍍𑌚𑍇॒𑌤𑌿 ॥ 25 ॥
(𑌸𑌾॒𑌕𑌂 - 𑌪𑍍𑌲𑌾॒𑌕𑍍𑌷𑌿 - 𑌸𑍍𑌤𑌪𑍍𑌤𑍍𑌰𑌿॑𑌤𑌪𑌾॒ - 𑌨𑌾𑌨𑌾॑𑌸𑍂𑌰𑍍𑌯𑌾𑌃॒ - 𑌸𑍂𑌰𑍍𑌯𑌾॒ - +𑌨𑌵॑ 𑌚)

𑌅𑌨𑍁𑌵𑌾𑌕𑌃 𑍮
𑌕𑍍𑌵𑍇𑌦𑌮𑌭𑍍𑌰॑-𑌨𑍍𑌨𑌿𑌵𑌿॒𑌶𑌤𑍇 । 𑌕𑍍𑌵𑌾𑌯𑌗𑍍​𑌮𑍍॑ 𑌸𑌂​𑌵𑌁𑌥𑍍𑌸॒𑌰𑍋 𑌮𑌿॑𑌥𑌃 । 𑌕𑍍𑌵𑌾𑌹𑌃 𑌕𑍍𑌵𑍇𑌯-𑌨𑍍𑌦𑍇॑𑌵 𑌰𑌾॒𑌤𑍍𑌰𑍀 । 𑌕𑍍𑌵 𑌮𑌾𑌸𑌾 𑌋॑𑌤𑌵॒-𑌶𑍍𑌶𑍍𑌰𑌿𑌤𑌾𑌃 ॥ 𑌅𑌰𑍍𑌧𑌮𑌾𑌸𑌾॑ 𑌮𑍁𑌹𑍂॒𑌰𑍍𑌤𑌾𑌃 । 𑌨𑌿𑌮𑍇𑌷𑌾𑌸𑍍𑌤𑍁॑𑌟𑌿𑌭𑌿𑌃॒ (𑌨𑌿𑌮𑍇𑌷𑌾𑌸𑍍𑌤𑍍𑌰॑𑌟𑌿𑌭𑌿𑌃॒) 𑌸𑌹 । 𑌕𑍍𑌵𑍇𑌮𑌾 𑌆𑌪𑍋 𑌨𑌿॑𑌵𑌿𑌶॒𑌨𑍍𑌤𑍇 । 𑌯॒𑌦𑍀𑌤𑍋॑ 𑌯𑌾𑌨𑍍𑌤𑌿॒ 𑌸𑌮𑍍𑌪𑍍𑌰॑𑌤𑌿 ॥ 𑌕𑌾𑌲𑌾 𑌅𑌫𑍍𑌸𑍁 𑌨𑌿॑𑌵𑌿𑌶॒𑌨𑍍𑌤𑍇 । 𑌆॒𑌪-𑌸𑍍𑌸𑍂𑌰𑍍𑌯𑍇॑ 𑌸॒𑌮𑌾𑌹𑌿॑𑌤𑌾𑌃 । 26 ।
𑌅𑌭𑍍𑌰𑌾᳚𑌣𑍍𑌯॒𑌪𑌃 𑌪𑍍𑌰॑𑌪𑌦𑍍𑌯॒𑌨𑍍𑌤𑍇 । 𑌵𑌿॒𑌦𑍍𑌯𑍁𑌥𑍍𑌸𑍂𑌰𑍍𑌯𑍇॑ 𑌸॒𑌮𑌾𑌹𑌿॑𑌤𑌾 । 𑌅𑌨𑌵𑌰𑍍𑌣𑍇 𑌇॑𑌮𑍇 𑌭𑍂॒𑌮𑍀 । 𑌇॒𑌯𑌞𑍍𑌚𑌾॑𑌸𑍌 𑌚॒ 𑌰𑍋𑌦॑𑌸𑍀 । 𑌕𑌿𑌗𑍍𑌗𑍍​ 𑌸𑍍𑌵𑌿𑌦𑌤𑍍𑌰𑌾𑌨𑍍𑌤॑𑌰𑌾 𑌭𑍂॒𑌤𑌮𑍍 । 𑌯𑍇॒𑌨𑍇𑌮𑍇 𑌵𑌿॑𑌧𑍃𑌤𑍇॒ 𑌉𑌭𑍇 । 𑌵𑌿॒𑌷𑍍𑌣𑍁𑌨𑌾॑ 𑌵𑌿𑌧𑍃॑𑌤𑍇 𑌭𑍂॒𑌮𑍀 । 𑌇॒𑌤𑌿 𑌵॑𑌥𑍍𑌸𑌸𑍍𑌯॒ 𑌵𑍇𑌦॑𑌨𑌾 । 𑌇𑌰𑌾॑𑌵𑌤𑍀 𑌧𑍇𑌨𑍁॒𑌮𑌤𑍀॒ 𑌹𑌿 𑌭𑍂॒𑌤𑌮𑍍 । 𑌸𑍂॒𑌯॒𑌵॒𑌸𑌿𑌨𑍀॒ 𑌮𑌨𑍁॑𑌷𑍇 𑌦𑌶॒𑌸𑍍𑌯𑍇᳚ । 2𑍭 ।
𑌵𑍍𑌯॑𑌷𑍍𑌟𑌭𑍍𑌨𑌾॒-𑌦𑍍𑌰𑍋𑌦॑𑌸𑍀॒ 𑌵𑌿𑌷𑍍𑌣॑𑌵𑍇॒𑌤𑍇 । 𑌦𑌾॒𑌧𑌰𑍍𑌥॑ 𑌪𑍃𑌥𑌿॒𑌵𑍀-𑌮॒𑌭𑌿𑌤𑍋॑ 𑌮॒𑌯𑍂𑌖𑍈𑌃᳚ । 𑌕𑌿𑌨𑍍𑌤-𑌦𑍍𑌵𑌿𑌷𑍍𑌣𑍋 𑌰𑍍𑌬𑌲॑𑌮𑌾॒𑌹𑍁𑌃 । 𑌕𑌾॒ 𑌦𑍀𑌪𑍍𑌤𑌿𑌃॑ 𑌕𑌿-𑌮𑍍𑌪॒𑌰𑌾𑌯॑𑌣𑌮𑍍 । 𑌏𑌕𑍋॑ 𑌯॒𑌦𑍍𑌧𑌾-𑌰॑𑌯 𑌦𑍍𑌦𑍇॒𑌵𑌃 । 𑌰𑍇॒𑌜𑌤𑍀॑ 𑌰𑍋𑌦॒𑌸𑍀 𑌉॑𑌭𑍇 । 𑌵𑌾𑌤𑌾𑌦𑍍𑌵𑌿𑌷𑍍𑌣𑍋-𑌰𑍍𑌬॑𑌲 𑌮𑌾॒𑌹𑍁𑌃 । 𑌅॒𑌕𑍍𑌷𑌰𑌾᳚-𑌦𑍍𑌦𑍀𑌪𑍍𑌤𑌿॒ 𑌰𑍁𑌚𑍍𑌯॑𑌤𑍇 । 𑌤𑍍𑌰𑌿॒𑌪𑌦𑌾॒𑌦𑍍𑌧𑌾𑌰॑𑌯-𑌦𑍍𑌦𑍇॒𑌵𑌃 । 𑌯𑌦𑍍𑌵𑌿𑌷𑍍𑌣𑍋॑𑌰𑍇𑌕॒-𑌮𑍁𑌤𑍍𑌤॑𑌮𑌮𑍍 ॥ 2𑍮 ॥
𑌅॒𑌗𑍍𑌨𑌯𑍋॑ 𑌵𑌾𑌯॑𑌵𑌶𑍍𑌚𑍈॒𑌵 । 𑌏॒𑌤𑌦॑𑌸𑍍𑌯 𑌪॒𑌰𑌾𑌯॑𑌣𑌮𑍍 । 𑌪𑍃𑌚𑍍𑌛𑌾𑌮𑌿 𑌤𑍍𑌵𑌾 𑌪॑𑌰-𑌮𑍍𑌮𑍃॒𑌤𑍍𑌯𑍁𑌮𑍍 । 𑌅॒𑌵𑌮॑-𑌮𑍍𑌮𑌦𑍍𑌧𑍍𑌯॒𑌮𑌞𑍍𑌚॑𑌤𑍁𑌮𑍍 । 𑌲𑍋॒𑌕𑌞𑍍𑌚॒ 𑌪𑍁𑌣𑍍𑌯॑𑌪𑌾𑌪𑌾॒𑌨𑌾𑌮𑍍 । 𑌏॒𑌤-𑌤𑍍𑌪𑍃॑𑌚𑍍𑌛𑌾𑌮𑌿॒ 𑌸𑌮𑍍𑌪𑍍𑌰॑𑌤𑌿 ॥ 𑌅॒𑌮𑍁𑌮𑌾॑𑌹𑍁𑌃 𑌪॑𑌰-𑌮𑍍𑌮𑍃॒𑌤𑍍𑌯𑍁𑌮𑍍 । 𑌪॒𑌵𑌮𑌾॑𑌨-𑌨𑍍𑌤𑍁॒ 𑌮𑌦𑍍𑌧𑍍𑌯॑𑌮𑌮𑍍 । 𑌅॒𑌗𑍍𑌨𑌿𑌰𑍇॒𑌵𑌾𑌵॑𑌮𑍋 𑌮𑍃॒𑌤𑍍𑌯𑍁𑌃 । 𑌚॒𑌨𑍍𑌦𑍍𑌰𑌮𑌾᳚-𑌶𑍍𑌚𑌤𑍁॒𑌰𑍁𑌚𑍍𑌯॑𑌤𑍇 ॥ 2𑍯 ॥
𑌅॒𑌨𑌾॒𑌭𑍋॒𑌗𑌾𑌃 𑌪॑𑌰-𑌮𑍍𑌮𑍃॒𑌤𑍍𑌯𑍁𑌮𑍍 । 𑌪𑌾॒𑌪𑌾-𑌸𑍍𑌸𑌂॑​𑌯𑌁𑌨𑍍𑌤𑌿॒ 𑌸𑌰𑍍𑌵॑𑌦𑌾 । 𑌆𑌭𑍋𑌗𑌾𑌸𑍍𑌤𑍍𑌵𑍇𑌵॑ 𑌸𑌂​𑌯𑌁॒𑌨𑍍𑌤𑌿 । 𑌯॒𑌤𑍍𑌰 𑌪𑍁॑𑌣𑍍𑌯𑌕𑍃॒𑌤𑍋 𑌜॑𑌨𑌾𑌃 । 𑌤𑌤𑍋॑ 𑌮॒𑌦𑍍𑌧𑍍𑌯𑌮॑𑌮𑌾𑌯॒𑌨𑍍𑌤𑌿 । 𑌚॒𑌤𑍁𑌮॑𑌗𑍍𑌨𑌿𑌞𑍍𑌚॒ 𑌸𑌮𑍍𑌪𑍍𑌰॑𑌤𑌿 । 𑌪𑍃𑌚𑍍𑌛𑌾𑌮𑌿 𑌤𑍍𑌵𑌾॑ 𑌪𑌾𑌪॒𑌕𑍃𑌤𑌃 । 𑌯॒𑌤𑍍𑌰 𑌯𑌾॑𑌤𑌯॒𑌤𑍇 𑌯॑𑌮𑌃 । 𑌤𑍍𑌵𑌨𑍍𑌨𑌸𑍍𑌤--𑌦𑍍𑌬𑍍𑌰𑌹𑍍𑌮॑-𑌨𑍍𑌪𑍍𑌰𑌬𑍍𑌰𑍂॒𑌹𑌿 । 𑌯॒𑌦𑌿 𑌵𑍇᳚𑌤𑍍𑌥𑌾-𑌽𑌸॒𑌤𑍋 𑌗𑍃॑𑌹𑌾𑌨𑍍 ॥ 30 ॥
𑌕॒𑌶𑍍𑌯𑌪𑌾॑ 𑌦𑍁𑌦𑌿॑𑌤𑌾-𑌸𑍍𑌸𑍂॒𑌰𑍍𑌯𑌾𑌃 । 𑌪𑌾॒𑌪𑌾𑌨𑍍𑌨𑌿॑𑌰𑍍𑌘𑍍𑌨𑌨𑍍𑌤𑌿॒ 𑌸𑌰𑍍𑌵॑𑌦𑌾 । 𑌰𑍋𑌦𑌸𑍍𑌯𑍋𑌰𑌨𑍍𑌤॑-𑌰𑍍𑌦𑍇𑌶𑍇॒𑌷𑍁 । 𑌤𑌤𑍍𑌰 𑌨𑍍𑌯𑌸𑍍𑌯𑌨𑍍𑌤𑍇॑ 𑌵𑌾𑌸॒𑌵𑍈𑌃 । 𑌤𑍇 𑌽𑌶𑌰𑍀𑌰𑌾𑌃 𑌪𑍍𑌰॑𑌪𑌦𑍍𑌯॒𑌨𑍍𑌤𑍇 । 𑌯॒𑌥𑌾 𑌽𑌪𑍁॑𑌣𑍍𑌯𑌸𑍍𑌯॒ 𑌕𑌰𑍍𑌮॑𑌣𑌃 । 𑌅𑌪𑌾᳚𑌣𑍍𑌯॒𑌪𑌾𑌦॑ 𑌕𑍇𑌶𑌾॒𑌸𑌃 । 𑌤॒𑌤𑍍𑌰 𑌤𑍇॑-𑌽𑌯𑍋𑌨𑌿॒𑌜𑌾 𑌜॑𑌨𑌾𑌃 । 𑌮𑍃𑌤𑍍𑌵𑌾 𑌪𑍁𑌨𑌰𑍍𑌮𑍃𑌤𑍍𑌯𑍁-𑌮𑌾॑𑌪𑌦𑍍𑌯॒𑌨𑍍𑌤𑍇 । 𑌅॒𑌦𑍍𑌯𑌮𑌾॑𑌨𑌾-𑌸𑍍𑌸𑍍𑌵॒𑌕𑌰𑍍𑌮॑𑌭𑌿𑌃 । 31 ।
𑌆𑌶𑌾𑌤𑌿𑌕𑌾𑌃 𑌕𑍍𑌰𑌿𑌮॑𑌯 𑌇॒𑌵 । 𑌤𑌤𑌃 𑌪𑍂𑌯𑌨𑍍𑌤𑍇॑ 𑌵𑌾𑌸॒𑌵𑍈𑌃 । 𑌅𑌪𑍈॑𑌤-𑌮𑍍𑌮𑍃॒𑌤𑍍𑌯𑍁-𑌞𑍍𑌜॑𑌯𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌸 𑌖𑌲𑍍𑌵𑍈𑌵𑌂॑-𑌵𑌿𑌁𑌦𑍍𑌬𑍍𑌰𑌾॒𑌹𑍍𑌮𑌣𑌃 । 𑌦𑍀॒𑌰𑍍𑌘𑌶𑍍𑌰𑍁॑𑌤𑍍𑌤𑌮𑍋॒ 𑌭𑌵॑𑌤𑌿 । 𑌕𑌶𑍍𑌯॑𑌪॒𑌸𑍍𑌯𑌾𑌤𑌿॑𑌥𑌿॒-𑌸𑍍𑌸𑌿𑌦𑍍𑌧𑌗॑𑌮𑌨॒-𑌸𑍍𑌸𑌿𑌦𑍍𑌧𑌾𑌗॑𑌮𑌨𑌃 । 𑌤𑌸𑍍𑌯𑍈॒𑌷𑌾 𑌭𑌵॑𑌤𑌿 ॥ 𑌆𑌯𑌸𑍍𑌮𑌿𑌨𑍍᳚-𑌥𑍍𑌸॒𑌪𑍍𑌤 𑌵𑌾॑𑌸॒𑌵𑌾𑌃 । 𑌰𑍋𑌹॑𑌨𑍍𑌤𑌿 𑌪𑍂॒𑌰𑍍𑌵𑍍𑌯𑌾॑ 𑌰𑍁𑌹𑌃॑ । 32 ।
𑌋𑌷𑌿॑𑌰𑍍​𑌹 𑌦𑍀𑌰𑍍𑌘॒𑌶𑍍𑌰𑍁𑌤𑍍𑌤॑𑌮𑌃 । 𑌇𑌨𑍍𑌦𑍍𑌰𑌸𑍍𑌯 𑌘𑌰𑍍𑌮𑍋 𑌅𑌤𑌿॑𑌥𑌿𑌰𑌿॒𑌤𑌿 । 𑌕𑌶𑍍𑌯𑌪𑌃 𑌪𑌶𑍍𑌯॑𑌕𑍋 𑌭॒𑌵𑌤𑌿 । 𑌯𑌥𑍍𑌸𑌰𑍍𑌵-𑌮𑍍𑌪𑌰𑌿𑌪𑌶𑍍𑌯𑌤𑍀॑𑌤𑌿 𑌸𑍌॒𑌕𑍍𑌷𑍍𑌮𑍍𑌯𑌾𑌤𑍍 । 𑌅𑌥𑌾𑌗𑍍𑌨𑍇॑𑌰𑌷𑍍𑌟𑌪𑍁॑𑌰𑍁𑌷॒𑌸𑍍𑌯 । 𑌤𑌸𑍍𑌯𑍈॒𑌷𑌾 𑌭𑌵॑𑌤𑌿 । 𑌅𑌗𑍍𑌨𑍇॒ 𑌨𑌯॑ 𑌸𑍁॒𑌪𑌥𑌾॑ 𑌰𑌾॒𑌯𑍇 𑌅॒𑌸𑍍𑌮𑌾𑌨𑍍 । 𑌵𑌿𑌶𑍍𑌵𑌾॑𑌨𑌿 𑌦𑍇𑌵 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌯𑍁॒𑌯𑍋॒𑌦𑍍𑌧𑍍𑌯॑𑌸𑍍𑌮-𑌜𑍍𑌜𑍁॑𑌹𑍁𑌰𑌾॒𑌣𑌮𑍇𑌨𑌃॑ । 𑌭𑍂𑌯𑌿𑌷𑍍𑌠𑌾𑌨𑍍𑌤𑍇 𑌨𑌮 𑌉𑌕𑍍𑌤𑌿𑌂-𑌵𑌿𑌁॑𑌧𑍇𑌮𑍇॒𑌤𑌿 ॥ 33 ॥
(𑌸॒𑌮𑌾𑌹𑌿॑𑌤𑌾 - 𑌦𑌶॒𑌸𑍍𑌯𑍇॑ - 𑌉𑌤𑍍𑌤॑𑌮॒-𑌮𑍁𑌚𑍍𑌯॑𑌤𑍇-𑌗𑍃𑌹𑌾𑌨𑍍-𑌥𑍍𑌸𑍍𑌵॒𑌕𑌰𑍍𑌮॑𑌭𑌿𑌃-𑌪𑍂॒𑌰𑍍𑌵𑍍𑌯𑌾॑ 𑌰𑍁𑌹॑-𑌇॒𑌤𑌿)

𑌅𑌨𑍁𑌵𑌾𑌕𑌃 𑍯
𑌅𑌗𑍍𑌨𑌿𑌶𑍍𑌚 𑌜𑌾𑌤॑𑌵𑍇𑌦𑌾॒𑌶𑍍𑌚 । 𑌸𑌹𑍋𑌜𑌾 𑌅॑𑌜𑌿𑌰𑌾॒𑌪𑍍𑌰𑌭𑍁𑌃 । 𑌵𑍈𑌶𑍍𑌵𑌾𑌨𑌰𑍋 𑌨॑𑌰𑍍𑌯𑌾𑌪𑌾॒𑌶𑍍𑌚 । 𑌪॒𑌙𑍍𑌕𑍍𑌤𑌿𑌰𑌾॑𑌧𑌾𑌶𑍍𑌚॒ 𑌸𑌪𑍍𑌤॑𑌮𑌃 । 𑌵𑌿𑌸𑌰𑍍𑌪𑍇𑌵𑌾-𑌽𑌷𑍍𑌟॑𑌮𑍋-𑌽𑌗𑍍𑌨𑍀॒𑌨𑌾𑌮𑍍 । 𑌏𑌤𑍇-𑌽𑌷𑍍𑌟𑍌 𑌵𑌸𑌵𑌃, 𑌕𑍍𑌷𑌿॑𑌤𑌾 𑌇॒𑌤𑌿 । 𑌯𑌥𑌰𑍍𑌤𑍍𑌵𑍇-𑌵𑌾𑌗𑍍𑌨𑍇-𑌰𑌰𑍍𑌚𑌿𑌰𑍍𑌵𑌰𑍍𑌣॑ 𑌵𑌿𑌶𑍇॒𑌷𑌾𑌃 । 𑌨𑍀𑌲𑌾𑌰𑍍𑌚𑌿𑌶𑍍𑌚 𑌪𑍀𑌤𑌕𑌾᳚𑌰𑍍𑌚𑌿𑌶𑍍𑌚𑍇॒𑌤𑌿 । 𑌅𑌥 𑌵𑌾𑌯𑍋-𑌰𑍇𑌕𑌾𑌦𑌶-𑌪𑍁𑌰𑍁𑌷𑌸𑍍𑌯𑍈𑌕𑌾𑌦𑌶॑𑌸𑍍𑌤𑍍𑌰𑍀𑌕॒𑌸𑍍𑌯 । 𑌪𑍍𑌰𑌭𑍍𑌰𑌾𑌜𑌮𑌾𑌨𑌾 𑌵𑍍𑌯॑𑌵𑌦𑌾॒𑌤𑌾𑌃 ॥ 34 ॥
𑌯𑌾𑌶𑍍𑌚 𑌵𑌾𑌸𑍁॑𑌕𑌿 𑌵𑍈॒𑌦𑍍𑌯𑍁𑌤𑌾𑌃 । 𑌰𑌜𑌤𑌾𑌃 𑌪𑌰𑍁॑𑌷𑌾-𑌶𑍍𑌶𑍍𑌯𑌾॒𑌮𑌾𑌃 । 𑌕𑌪𑌿𑌲𑌾 𑌅॑𑌤𑌿𑌲𑍋॒𑌹𑌿𑌤𑌾𑌃 । 𑌊𑌰𑍍𑌧𑍍𑌵𑌾 𑌅𑌵𑌪॑𑌤𑌨𑍍𑌤𑌾॒𑌶𑍍𑌚 । 𑌵𑍈𑌦𑍍𑌯𑍁𑌤 𑌇॑𑌤𑍍𑌯𑍇𑌕𑌾॒𑌦𑌶 । 𑌨𑍈𑌨𑌂-𑌵𑍈𑌁𑌦𑍍𑌯𑍁𑌤𑍋॑ 𑌹𑌿𑌨॒𑌸𑍍𑌤𑌿 । 𑌯 𑌏॑𑌵𑌂-𑌵𑍇𑌁॒𑌦 । 𑌸 𑌹𑍋𑌵𑌾𑌚 𑌵𑍍𑌯𑌾𑌸𑌃 𑌪𑌾॑𑌰𑌾𑌶॒𑌰𑍍𑌯𑌃 । 𑌵𑌿𑌦𑍍𑌯𑍁𑌦𑍍𑌵𑌧𑌮𑍇𑌵𑌾𑌹-𑌮𑍍𑌮𑍃𑌤𑍍𑌯𑍁𑌮𑍈᳚𑌚𑍍𑌛𑌮𑌿॒𑌤𑌿 । 𑌨 𑌤𑍍𑌵𑌕𑌾॑𑌮𑌗𑍍​𑌮𑍍 𑌹॒𑌨𑍍𑌤𑌿 ॥ 35 ॥
𑌯 𑌏॑𑌵𑌂-𑌵𑍇𑌁॒𑌦 । 𑌅𑌥 𑌗॑𑌨𑍍𑌧𑌰𑍍𑌵॒𑌗𑌣𑌾𑌃 । 𑌸𑍍𑌵𑌾𑌨॒ 𑌭𑍍𑌰𑌾𑌟𑍍 । 𑌅𑌙𑍍𑌘𑌾॑𑌰𑌿॒-𑌰𑍍𑌬𑌮𑍍𑌭𑌾॑𑌰𑌿𑌃 । 𑌹𑌸𑍍𑌤॒-𑌸𑍍𑌸𑍁𑌹॑𑌸𑍍𑌤𑌃 । 𑌕𑍃𑌶𑌾॑𑌨𑍁𑌰𑍍​𑌵𑌿॒𑌶𑍍𑌵𑌾𑌵॑𑌸𑍁𑌃 । 𑌮𑍂𑌰𑍍𑌧𑌨𑍍𑌵𑌾𑌨𑍍-𑌥𑍍𑌸𑍂᳚𑌰𑍍𑌯𑌵॒𑌰𑍍𑌚𑌾𑌃 । 𑌕𑍃𑌤𑌿𑌰𑌿𑌤𑍍𑌯𑍇𑌕𑌾𑌦𑌶 𑌗॑𑌨𑍍𑌧𑌰𑍍𑌵॒𑌗𑌣𑌾𑌃 । 𑌦𑍇𑌵𑌾𑌶𑍍𑌚 𑌮॑𑌹𑌾𑌦𑍇॒𑌵𑌾𑌃 । 𑌰𑌶𑍍𑌮𑌯𑌶𑍍𑌚 𑌦𑍇𑌵𑌾॑ 𑌗𑌰॒𑌗𑌿𑌰𑌃 ॥ 36 ॥
𑌨𑍈𑌨-𑌙𑍍𑌗𑌰𑍋॑ 𑌹𑌿𑌨॒𑌸𑍍𑌤𑌿 । 𑌯 𑌏॑𑌵𑌂-𑌵𑍇𑌁॒𑌦 । 𑌗𑍌॒𑌰𑍀 𑌮𑌿॑𑌮𑌾𑌯 𑌸𑌲𑌿॒𑌲𑌾𑌨𑌿॒ 𑌤𑌕𑍍𑌷॑𑌤𑍀 । 𑌏𑌕॑𑌪𑌦𑍀 𑌦𑍍𑌵𑌿॒𑌪𑌦𑍀॒ 𑌸𑌾 𑌚𑌤𑍁॑𑌷𑍍𑌪𑌦𑍀 । 𑌅॒𑌷𑍍𑌟𑌾𑌪॑𑌦𑍀॒ 𑌨𑌵॑𑌪𑌦𑍀 𑌬𑌭𑍂॒𑌵𑍁𑌷𑍀᳚ । 𑌸𑌹𑌸𑍍𑌰𑌾𑌕𑍍𑌷𑌰𑌾 𑌪𑌰𑌮𑍇 𑌵𑍍𑌯𑍋॑𑌮𑌨𑍍𑌨𑌿॒𑌤𑌿 । 𑌵𑌾𑌚𑍋॑ 𑌵𑌿𑌶𑍇॒𑌷𑌣𑌮𑍍 । 𑌅𑌥 𑌨𑌿𑌗𑌦॑𑌵𑍍𑌯𑌾𑌖𑍍𑌯𑌾॒𑌤𑌾𑌃 । 𑌤𑌾𑌨𑌨𑍁𑌕𑍍𑌰॑𑌮𑌿𑌷𑍍𑌯𑌾॒𑌮𑌃 । 𑌵॒𑌰𑌾𑌹𑌵𑌃॑-𑌸𑍍𑌵𑌤॒𑌪𑌸𑌃 ॥ 3𑍭 ॥
𑌵𑌿॒𑌦𑍍𑌯𑍁-𑌨𑍍𑌮॑𑌹𑌸𑍋॒ 𑌧𑍂𑌪॑𑌯𑌃 । 𑌶𑍍𑌵𑌾𑌪𑌯𑍋 𑌗𑍃𑌹𑌮𑍇𑌧𑌾᳚𑌶𑍍𑌚𑍇𑌤𑍍𑌯𑍇॒𑌤𑍇 । 𑌯𑍇॒ 𑌚𑍇𑌮𑍇-𑌽𑌶𑌿॑𑌮𑌿𑌵𑌿॒𑌦𑍍𑌵𑌿𑌷𑌃 । 𑌪𑌰𑍍𑌜𑌨𑍍𑌯𑌾-𑌸𑍍𑌸𑌪𑍍𑌤 𑌪𑍃𑌥𑌿𑌵𑍀𑌮𑌭𑌿𑌵॑𑌰𑍍​𑌷॒𑌨𑍍𑌤𑌿 । 𑌵𑍃𑌷𑍍𑌟𑌿॑𑌭𑌿𑌰𑌿॒𑌤𑌿 । 𑌏𑌤𑌯𑍈𑌵 𑌵𑌿𑌭𑌕𑍍𑌤𑌿 𑌵𑌿॑𑌪𑌰𑍀॒𑌤𑌾𑌃 । 𑌸॒𑌪𑍍𑌤𑌭𑌿॒𑌰𑍍𑌵𑌾𑌤𑍈॑ 𑌰𑍁𑌦𑍀॒𑌰𑌿𑌤𑌾𑌃 । 𑌅𑌮𑍂𑌂-𑌲𑍋𑌁𑌕𑌾-𑌨𑌭𑌿𑌵॑𑌰𑍍​𑌷॒𑌨𑍍𑌤𑌿 । 𑌤𑍇𑌷𑌾॑𑌮𑍇𑌷𑌾॒ 𑌭𑌵॑𑌤𑌿 । 𑌸॒𑌮𑌾॒𑌨-𑌮𑍇॒𑌤𑌦𑍁𑌦॑𑌕𑌮𑍍 ॥ 3𑍮 ॥
𑌉॒𑌚𑍍𑌚𑍈𑌤𑍍𑌯॑𑌵॒ 𑌚𑌾𑌹॑𑌭𑌿𑌃 । 𑌭𑍂𑌮𑌿॑-𑌮𑍍𑌪॒𑌰𑍍𑌜𑌨𑍍𑌯𑌾॒ 𑌜𑌿𑌨𑍍𑌵॑𑌨𑍍𑌤𑌿 । 𑌦𑌿𑌵-𑌞𑍍𑌜𑌿𑌨𑍍𑌵𑌨𑍍-𑌤𑍍𑌯𑌗𑍍𑌨॑𑌯 𑌇॒𑌤𑌿 । 𑌯𑌦𑌕𑍍𑌷॑𑌰-𑌮𑍍𑌭𑍂॒𑌤𑌕𑍃॑𑌤𑌮𑍍 । 𑌵𑌿𑌶𑍍𑌵𑍇॑ 𑌦𑍇𑌵𑌾 𑌉॒𑌪𑌾𑌸॑𑌤𑍇 । 𑌮॒𑌹𑌰𑍍​𑌷𑌿॑𑌮𑌸𑍍𑌯 𑌗𑍋॒𑌪𑍍𑌤𑌾𑌰᳚𑌮𑍍 । 𑌜॒𑌮𑌦॑𑌗𑍍𑌨𑌿॒-𑌮𑌕𑍁॑𑌰𑍍𑌵𑌤 । 𑌜॒𑌮𑌦॑𑌗𑍍𑌨𑌿॒-𑌰𑌾𑌪𑍍𑌯𑌾॑𑌯𑌤𑍇 । 𑌛𑌨𑍍𑌦𑍋॑𑌭𑌿-𑌶𑍍𑌚𑌤𑍁𑌰𑍁𑌤𑍍𑌤॒𑌰𑍈𑌃 । 𑌰𑌾𑌜𑍍𑌞॒-𑌸𑍍𑌸𑍋𑌮॑𑌸𑍍𑌯 𑌤𑍃॒𑌪𑍍𑌤𑌾𑌸𑌃॑ ॥ 3𑍯 ॥
𑌬𑍍𑌰𑌹𑍍𑌮॑𑌣𑌾 𑌵𑍀॒𑌰𑍍𑌯𑌾॑𑌵𑌤𑌾 । 𑌶𑌿॒𑌵𑌾 𑌨𑌃॑ 𑌪𑍍𑌰॒𑌦𑌿𑌶𑍋॒ 𑌦𑌿𑌶𑌃॑ ॥ 𑌤𑌚𑍍𑌛𑌂॒​𑌯𑍋𑌁𑌰𑌾 𑌵𑍃॑𑌣𑍀𑌮𑌹𑍇 । 𑌗𑌾॒𑌤𑍁𑌂-𑌯𑌁॒𑌜𑍍𑌞𑌾𑌯॑ । 𑌗𑌾॒𑌤𑍁𑌂-𑌯𑌁॒𑌜𑍍𑌞𑌪॑𑌤𑌯𑍇 । 𑌦𑍈𑌵𑍀᳚ 𑌸𑍍𑌵॒𑌸𑍍𑌤𑌿𑌰॑𑌸𑍍𑌤𑍁 𑌨𑌃 । 𑌸𑍍𑌵॒𑌸𑍍𑌤𑌿-𑌰𑍍𑌮𑌾𑌨𑍁॑𑌷𑍇𑌭𑍍𑌯𑌃 । 𑌊॒𑌰𑍍𑌧𑍍𑌵-𑌞𑍍𑌜𑌿॑𑌗𑌾𑌤𑍁 𑌭𑍇𑌷॒𑌜𑌮𑍍 । 𑌶𑌨𑍍𑌨𑍋॑ 𑌅𑌸𑍍𑌤𑍁 𑌦𑍍𑌵𑌿॒𑌪𑌦𑍇᳚ । 𑌶𑌞𑍍𑌚𑌤𑍁॑𑌷𑍍𑌪𑌦𑍇 । 𑌸𑍋𑌮𑌪𑌾(3) 𑌅𑌸𑍋𑌮𑌪𑌾(3) 𑌇𑌤𑌿 𑌨𑌿𑌗𑌦॑𑌵𑍍𑌯𑌾𑌖𑍍𑌯𑌾॒𑌤𑌾𑌃 ॥ 40 ॥
(𑌵𑍍𑌯॒𑌵॒𑌦𑌾॒𑌤𑌾 - 𑌹॒𑌨𑍍𑌤𑌿-𑌗॑𑌰॒𑌗𑌿𑌰 - 𑌸𑍍𑌤॒𑌪𑌸 - 𑌉𑌦॑𑌕𑌂 - 𑌤𑍃𑌪𑍍𑌤𑌾𑌸॒ - 𑌶𑍍𑌵𑌤𑍁॑𑌷𑍍𑌪𑌦॒ 𑌏𑌕॑-𑌞𑍍𑌚)

𑌅𑌨𑍁𑌵𑌾𑌕𑌃 10
𑌸॒𑌹॒𑌸𑍍𑌰॒𑌵𑍃𑌦𑌿॑𑌯-𑌮𑍍𑌭𑍂॒𑌮𑌿𑌃 । 𑌪॒𑌰𑌂-𑌵𑍍𑌯𑍋𑌁॑𑌮 𑌸॒𑌹𑌸𑍍𑌰॑𑌵𑍃𑌤𑍍 । 𑌅॒𑌶𑍍𑌵𑌿𑌨𑌾॑ 𑌭𑍁𑌜𑍍𑌯𑍂॑ 𑌨𑌾𑌸॒𑌤𑍍𑌯𑌾 । 𑌵𑌿॒𑌶𑍍𑌵𑌸𑍍𑌯॑ 𑌜𑌗॒𑌤𑌸𑍍𑌪॑𑌤𑍀 ॥ 𑌜𑌾𑌯𑌾 𑌭𑍂𑌮𑌿𑌃 𑌪॑𑌤𑌿𑌰𑍍𑌵𑍍𑌯𑍋॒𑌮 । 𑌮𑌿॒𑌥𑍁𑌨॑𑌨𑍍𑌤𑌾 𑌅॒𑌤𑍁𑌰𑍍𑌯॑𑌥𑍁𑌃 । 𑌪𑍁𑌤𑍍𑌰𑍋 𑌬𑍃𑌹𑌸𑍍𑌪॑𑌤𑍀 𑌰𑍁॒𑌦𑍍𑌰𑌃 । 𑌸॒𑌰𑌮𑌾॑ 𑌇𑌤𑌿॑ 𑌸𑍍𑌤𑍍𑌰𑍀𑌪𑍁॒𑌮𑌮𑍍 ॥ 𑌶𑍁॒𑌕𑍍𑌰𑌂-𑌵𑌾𑌁॑𑌮॒𑌨𑍍𑌯𑌦𑍍𑌯॑𑌜॒𑌤𑌂-𑌵𑌾𑌁॑𑌮॒𑌨𑍍𑌯𑌤𑍍 । 𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍌𑌰𑌿॑𑌵 𑌸𑍍𑌥𑌃 ॥ 41 ॥
𑌵𑌿𑌶𑍍𑌵𑌾॒ 𑌹𑌿 𑌮𑌾॒𑌯𑌾 𑌅𑌵॑𑌥-𑌸𑍍𑌸𑍍𑌵𑌧𑌾𑌵𑌨𑍍𑌤𑍌 । 𑌭॒𑌦𑍍𑌰𑌾 𑌵𑌾᳚-𑌮𑍍𑌪𑍂𑌷𑌣𑌾𑌵𑌿॒𑌹 𑌰𑌾॒𑌤𑌿𑌰॑𑌸𑍍𑌤𑍁 । 𑌵𑌾𑌸𑌾᳚𑌤𑍍𑌯𑍌 𑌚𑌿॒𑌤𑍍𑌰𑍌 𑌜𑌗॑𑌤𑍋 𑌨𑌿॒𑌧𑌾𑌨𑍌᳚ । 𑌦𑍍𑌯𑌾𑌵𑌾॑𑌭𑍂𑌮𑍀 𑌚॒𑌰𑌥॑-𑌸𑍍𑌸॒𑌗𑍍​𑌮𑍍॒ 𑌸𑌖𑌾॑𑌯𑍌 । 𑌤𑌾𑌵॒𑌶𑍍𑌵𑌿𑌨𑌾॑ 𑌰𑌾॒𑌸𑌭𑌾᳚𑌶𑍍𑌵𑌾॒ 𑌹𑌵॑-𑌮𑍍𑌮𑍇 । 𑌶𑍁॒𑌭॒𑌸𑍍𑌪॒𑌤𑍀॒ 𑌆॒𑌗𑌤𑌗𑍍​𑌮𑍍॑ 𑌸𑍂॒𑌰𑍍𑌯𑌯𑌾॑ 𑌸॒𑌹 । 𑌤𑍍𑌯𑍁𑌗𑍍𑌰𑍋॑ 𑌹 𑌭𑍁॒𑌜𑍍𑌯𑍁-𑌮॑𑌶𑍍𑌵𑌿𑌨𑍋𑌦 𑌮𑍇॒𑌘𑍇 । 𑌰॒𑌯𑌿𑌨𑍍𑌨 𑌕𑌶𑍍𑌚𑌿॑-𑌨𑍍𑌮𑌮𑍃॒𑌵𑌾𑌁(2) 𑌅𑌵𑌾॑𑌹𑌾𑌃 । 𑌤𑌮𑍂॑𑌹𑌥𑍁-𑌰𑍍𑌨𑍌॒𑌭𑌿𑌰𑌾᳚𑌤𑍍𑌮॒𑌨𑍍-𑌵𑌤𑍀॑𑌭𑌿𑌃 । 𑌅॒𑌨𑍍𑌤॒𑌰𑌿॒𑌕𑍍𑌷॒ 𑌪𑍍𑌰𑍁𑌡𑍍𑌭𑌿॒𑌰-𑌪𑍋॑𑌦𑌕𑌾𑌭𑌿𑌃 ॥ 42 ॥
𑌤𑌿॒𑌸𑍍𑌰𑌃, 𑌕𑍍𑌷𑌪॒𑌸𑍍𑌤𑍍𑌰𑌿𑌰𑌹𑌾॑ 𑌽𑌤𑌿॒𑌵𑍍𑌰𑌜॑𑌦𑍍𑌭𑌿𑌃 । 𑌨𑌾𑌸॑𑌤𑍍𑌯𑌾 𑌭𑍁॒𑌜𑍍𑌯𑍁𑌮𑍂॑𑌹𑌥𑍁𑌃 𑌪𑌤॒𑌙𑍍𑌗𑍈𑌃 । 𑌸॒𑌮𑍁॒𑌦𑍍𑌰𑌸𑍍𑌯॒ 𑌧𑌨𑍍𑌵॑𑌨𑍍𑌨𑌾॒𑌰𑍍𑌦𑍍𑌰𑌸𑍍𑌯॑ 𑌪𑌾॒𑌰𑍇 । 𑌤𑍍𑌰𑌿॒𑌭𑍀 𑌰𑌥𑍈᳚-𑌶𑍍𑌶॒𑌤𑌪॑𑌦𑍍𑌭𑌿॒-𑌷𑍍𑌷𑌡॑𑌶𑍍𑌵𑍈𑌃 । 𑌸॒𑌵𑌿॒𑌤𑌾𑌰𑌂॒-𑌵𑌿𑌁𑌤॑𑌨𑍍𑌵𑌨𑍍𑌤𑌮𑍍 । 𑌅𑌨𑍁॑𑌬𑌦𑍍𑌧𑍍𑌨𑌾𑌤𑌿 𑌶𑌾𑌮𑍍𑌬॒𑌰𑌃 । 𑌆𑌪𑌪𑍂𑌰𑍍​𑌷𑌂-𑌬॑𑌰𑌶𑍍𑌚𑍈॒𑌵 । 𑌸॒𑌵𑌿𑌤𑌾॑ 𑌽𑌰𑍇𑌪॒𑌸𑍋॑ 𑌽𑌭𑌵𑌤𑍍 । 𑌤𑍍𑌯𑌗𑍍​𑌮𑍍 𑌸𑍁𑌤𑍃𑌪𑍍𑌤𑌂-𑌵𑌿𑌁॑𑌦𑌿𑌤𑍍𑌵𑍈॒𑌵 । 𑌬॒𑌹𑍁𑌸𑍋॑𑌮 𑌗𑌿॒𑌰𑌂-𑌵𑌁॑𑌶𑍀 ॥ 43 ॥
𑌅𑌨𑍍𑌵𑍇𑌤𑌿 𑌤𑍁𑌗𑍍𑌰𑍋 𑌵॑𑌕𑍍𑌰𑌿𑌯𑌾॒𑌨𑍍𑌤𑌮𑍍 । 𑌆𑌯𑌸𑍂𑌯𑌾𑌨𑍍-𑌥𑍍𑌸𑍋𑌮॑𑌤𑍃𑌫𑍍𑌸𑍁॒𑌷𑍁 । 𑌸 𑌸𑌙𑍍𑌗𑍍𑌰𑌾𑌮-𑌸𑍍𑌤𑌮𑍋᳚𑌦𑍍𑌯𑍋-𑌽𑌤𑍍𑌯𑍋॒𑌤𑌃 । 𑌵𑌾𑌚𑍋 𑌗𑌾𑌃 𑌪𑌿॑𑌪𑌾𑌤𑌿॒ 𑌤𑌤𑍍 । 𑌸 𑌤𑌦𑍍𑌗𑍋𑌭𑌿-𑌸𑍍𑌸𑍍𑌤𑌵𑌾᳚ 𑌽𑌤𑍍𑌯𑍇𑌤𑍍𑌯॒𑌨𑍍𑌯𑍇 । 𑌰॒𑌕𑍍𑌷𑌸𑌾॑ 𑌽𑌨𑌨𑍍𑌵𑌿॒𑌤𑌾𑌶𑍍𑌚॑ 𑌯𑍇 । 𑌅॒𑌨𑍍𑌵𑍇𑌤𑌿॒ 𑌪𑌰𑌿॑𑌵𑍃𑌤𑍍𑌤𑍍𑌯𑌾॒-𑌽𑌸𑍍𑌤𑌃 । 𑌏॒𑌵𑌮𑍇॒𑌤𑍌 𑌸𑍍𑌥𑍋॑ 𑌅𑌶𑍍𑌵𑌿𑌨𑌾 । 𑌤𑍇 𑌏॒𑌤𑍇 𑌦𑍍𑌯𑍁𑌃॑ 𑌪𑍃𑌥𑌿॒𑌵𑍍𑌯𑍋𑌃 । 𑌅𑌹॑𑌰𑌹॒-𑌰𑍍𑌗𑌰𑍍𑌭॑𑌨𑍍𑌦𑌧𑌾𑌥𑍇 ॥ 44 ॥
𑌤𑌯𑍋॑ 𑌰𑍇॒𑌤𑍌 𑌵॒𑌥𑍍𑌸𑌾 𑌵॑𑌹𑍋𑌰𑌾॒𑌤𑍍𑌰𑍇 । 𑌪𑍃॒𑌥𑌿॒𑌵𑍍𑌯𑌾 𑌅𑌹𑌃॑ । 𑌦𑌿॒𑌵𑍋 𑌰𑌾𑌤𑍍𑌰𑌿𑌃॑ । 𑌤𑌾 𑌅𑌵𑌿॑𑌸𑍃𑌷𑍍𑌟𑍌 । 𑌦𑌮𑍍𑌪॑𑌤𑍀 𑌏॒𑌵 𑌭॑𑌵𑌤𑌃 ॥ 𑌤𑌯𑍋॑ 𑌰𑍇॒𑌤𑍌 𑌵॒𑌥𑍍𑌸𑍌 । 𑌅॒𑌗𑍍𑌨𑌿𑌶𑍍𑌚𑌾॑-𑌦𑌿॒𑌤𑍍𑌯𑌶𑍍𑌚॑ । 𑌰𑌾॒𑌤𑍍𑌰𑍇𑌰𑍍𑌵॒𑌥𑍍𑌸𑌃 । 𑌶𑍍𑌵𑍇॒𑌤 𑌆॑𑌦𑌿॒𑌤𑍍𑌯𑌃 । 𑌅𑌹𑍍𑌨𑍋॒-𑌽𑌗𑍍𑌨𑌿𑌃 ॥ 45 ॥
𑌤𑌾॒𑌮𑍍𑌰𑍋 𑌅॑𑌰𑍁॒𑌣𑌃 । 𑌤𑌾 𑌅𑌵𑌿॑𑌸𑍃𑌷𑍍𑌟𑍌 । 𑌦𑌮𑍍𑌪॑𑌤𑍀 𑌏॒𑌵 𑌭॑𑌵𑌤𑌃 ॥ 𑌤𑌯𑍋॑ 𑌰𑍇॒𑌤𑍌 𑌵॒𑌥𑍍𑌸𑍌 । 𑌵𑍃॒𑌤𑍍𑌰𑌶𑍍𑌚॑ 𑌵𑍈𑌦𑍍𑌯𑍁॒𑌤𑌶𑍍𑌚॑ । 𑌅॒𑌗𑍍𑌨𑍇𑌰𑍍𑌵𑍃॒𑌤𑍍𑌰𑌃 । 𑌵𑍈॒𑌦𑍍𑌯𑍁𑌤॑ 𑌆𑌦𑌿॒𑌤𑍍𑌯𑌸𑍍𑌯॑ । 𑌤𑌾 𑌅𑌵𑌿॑𑌸𑍃𑌷𑍍𑌟𑍌 । 𑌦𑌮𑍍𑌪॑𑌤𑍀 𑌏॒𑌵 𑌭॑𑌵𑌤𑌃 ॥ 𑌤𑌯𑍋॑ 𑌰𑍇॒𑌤𑍌 𑌵॒𑌥𑍍𑌸𑍌 ॥ 46 ॥
𑌉॒𑌷𑍍𑌮𑌾 𑌚॑ 𑌨𑍀𑌹𑌾॒𑌰𑌶𑍍𑌚॑ । 𑌵𑍃॒𑌤𑍍𑌰𑌸𑍍𑌯𑍋॒𑌷𑍍𑌮𑌾 । 𑌵𑍈॒𑌦𑍍𑌯𑍁॒𑌤𑌸𑍍𑌯॑ 𑌨𑍀𑌹𑌾॒𑌰𑌃 । 𑌤𑍌 𑌤𑌾𑌵𑍇॒𑌵 𑌪𑍍𑌰𑌤𑌿॑𑌪𑌦𑍍𑌯𑍇𑌤𑍇 ॥ 𑌸𑍇𑌯𑌗𑍍​𑌮𑍍 𑌰𑌾𑌤𑍍𑌰𑍀॑ 𑌗॒𑌰𑍍𑌭𑌿𑌣𑍀॑ 𑌪𑍁॒𑌤𑍍𑌰𑍇𑌣॒ 𑌸𑌂​𑌵𑌁॑𑌸𑌤𑌿 । 𑌤𑌸𑍍𑌯𑌾॒ 𑌵𑌾 𑌏॒𑌤𑌦𑍁॒𑌲𑍍𑌬𑌣᳚𑌮𑍍 । 𑌯𑌦𑍍𑌰𑌾𑌤𑍍𑌰𑍌॑ 𑌰॒𑌶𑍍𑌮𑌯𑌃॑ । 𑌯𑌥𑌾॒ 𑌗𑍋𑌰𑍍𑌗॒𑌰𑍍𑌭𑌿𑌣𑍍𑌯𑌾॑ 𑌉॒𑌲𑍍𑌬𑌣᳚𑌮𑍍 । 𑌏॒𑌵𑌮𑍇॒𑌤𑌸𑍍𑌯𑌾॑ 𑌉॒𑌲𑍍𑌬𑌣᳚𑌮𑍍 । 𑌪𑍍𑌰𑌜𑌯𑌿𑌷𑍍𑌣𑍁𑌃 𑌪𑍍𑌰𑌜𑌯𑌾 𑌚 𑌪𑌶𑍁𑌭𑌿॑𑌶𑍍𑌚 𑌭॒𑌵𑌤𑌿 । 𑌯 𑌏॑𑌵𑌂-𑌵𑍇𑌁॒𑌦 । 𑌏𑌤𑌮𑍁𑌦𑍍𑌯𑌨𑍍𑌤-𑌮𑌪𑌿𑌯॑𑌨𑍍𑌤𑌞𑍍𑌚𑍇॒𑌤𑌿 । 𑌆𑌦𑌿𑌤𑍍𑌯𑌃 𑌪𑍁𑌣𑍍𑌯॑𑌸𑍍𑌯 𑌵॒𑌥𑍍𑌸𑌃 । 𑌅𑌥 𑌪𑌵𑌿॑𑌤𑍍𑌰𑌾𑌙𑍍𑌗𑌿॒𑌰𑌸𑌃 ॥ 4𑍭 ॥
(𑌸𑍍𑌥𑍋 - 𑌽𑌪𑍋॑𑌦𑌕𑌾𑌭𑌿--𑌰𑍍 𑌵𑌶𑍀 - 𑌦𑌧𑌾𑌥𑍇 - 𑌅॒𑌗𑍍𑌨𑌿 - 𑌸𑍍𑌤𑌯𑍋॑ 𑌰𑍇॒𑌤𑍌 𑌵॒𑌥𑍍𑌸𑍌 - 𑌭॒𑌵𑌤𑌿 𑌚॒𑌤𑍍𑌵𑌾𑌰𑌿॑ 𑌚)

𑌅𑌨𑍁𑌵𑌾𑌕𑌃 11
𑌪॒𑌵𑌿𑌤𑍍𑌰॑𑌵𑌨𑍍𑌤𑌃॒ 𑌪𑌰𑌿॒𑌵𑌾𑌜॒𑌮𑌾𑌸॑𑌤𑍇 । 𑌪𑌿॒𑌤𑍈𑌷𑌾᳚-𑌮𑍍𑌪𑍍𑌰॒𑌤𑍍𑌨𑍋 𑌅॒𑌭𑌿𑌰॑𑌕𑍍𑌷𑌤𑌿 𑌵𑍍𑌰॒𑌤𑌮𑍍 । 𑌮॒𑌹𑌸𑍍𑌸॑𑌮𑍁॒𑌦𑍍𑌰𑌂-𑌵𑌁𑌰𑍁॑𑌣 𑌸𑍍𑌤𑌿॒𑌰𑍋𑌦॑𑌧𑍇 । 𑌧𑍀𑌰𑌾॑ 𑌇𑌚𑍍𑌛𑍇𑌕𑍁॒𑌰𑍍​𑌦𑍍𑌧𑌰𑍁॑𑌣𑍇𑌷𑍍𑌵𑌾॒𑌰𑌭᳚𑌮𑍍 । 𑌪॒𑌵𑌿𑌤𑍍𑌰॑-𑌨𑍍𑌤𑍇॒ 𑌵𑌿𑌤॑𑌤॒-𑌮𑍍𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑍇᳚ । 𑌪𑍍𑌰𑌭𑍁॒𑌰𑍍𑌗𑌾𑌤𑍍𑌰𑌾॑𑌣𑌿॒ 𑌪𑌰𑍍𑌯𑍇॑𑌷𑌿 𑌵𑌿॒𑌶𑍍𑌵𑌤𑌃॑ । 𑌅𑌤॑𑌪𑍍𑌤𑌤𑌨𑍂॒-𑌰𑍍𑌨 𑌤𑌦𑌾॒𑌮𑍋 𑌅॑𑌶𑍍𑌨𑍁𑌤𑍇 । 𑌶𑍃॒𑌤𑌾𑌸॒ 𑌇𑌦𑍍𑌵𑌹॑𑌨𑍍-𑌤॒𑌸𑍍𑌤-𑌥𑍍𑌸𑌮𑌾॑𑌶𑌤 । 𑌬𑍍𑌰॒𑌹𑍍𑌮𑌾 𑌦𑍇॒𑌵𑌾𑌨𑌾᳚𑌮𑍍 । 𑌅𑌸॑𑌤-𑌸𑍍𑌸॒𑌦𑍍𑌯𑍇 𑌤𑌤॑𑌕𑍍𑌷𑍁𑌃 ॥ 4𑍮 ॥
𑌋𑌷॑𑌯-𑌸𑍍𑌸॒𑌪𑍍𑌤𑌾𑌤𑍍𑌰𑌿॑𑌶𑍍𑌚॒ 𑌯𑌤𑍍 । 𑌸𑌰𑍍𑌵𑍇-𑌽𑌤𑍍𑌰𑌯𑍋 𑌅॑𑌗𑌸𑍍𑌤𑍍𑌯॒𑌶𑍍𑌚 । 𑌨𑌕𑍍𑌷॑𑌤𑍍𑌰𑍈॒-𑌶𑍍𑌶𑌙𑍍𑌕𑍃॑𑌤𑍋 𑌽𑌵𑌸𑌨𑍍𑌨𑍍 । 𑌅𑌥॑ 𑌸𑌵𑌿𑌤𑍁॒-𑌶𑍍𑌶𑍍𑌯𑌾𑌵𑌾𑌶𑍍𑌵॒𑌸𑍍𑌯𑌾 𑌽𑌵𑌰𑍍𑌤𑌿॑𑌕𑌾𑌮𑌸𑍍𑌯 । 𑌅॒𑌮𑍀 𑌯 𑌋𑌕𑍍𑌷𑌾॒ 𑌨𑌿𑌹𑌿॑𑌤𑌾 𑌸 𑌉॒𑌚𑍍𑌚𑌾 । 𑌨𑌕𑍍𑌤॒-𑌨𑍍𑌦𑌦𑍃॑𑌶𑍍𑌰𑍇॒ 𑌕𑍁𑌹॑𑌚𑌿॒𑌦𑍍𑌦𑌿𑌵𑍇॑𑌯𑍁𑌃 । 𑌅𑌦॑𑌬𑍍𑌧𑌾𑌨𑌿॒ 𑌵𑌰𑍁॑𑌣𑌸𑍍𑌯 𑌵𑍍𑌰॒𑌤𑌾𑌨𑌿॑ । 𑌵𑌿॒𑌚𑌾॒𑌕𑌶॑-𑌚𑍍𑌚॒𑌨𑍍𑌦𑍍𑌰𑌮𑌾॒ 𑌨𑌕𑍍𑌷॑𑌤𑍍𑌰𑌮𑍇𑌤𑌿 । 𑌤-𑌥𑍍𑌸॑𑌵𑌿॒𑌤𑍁-𑌰𑍍𑌵𑌰𑍇᳚𑌣𑍍𑌯𑌮𑍍 । 𑌭𑌰𑍍𑌗𑍋॑ 𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 ॥ 4𑍯 ।
𑌧𑌿𑌯𑍋॒ 𑌯𑍋 𑌨𑌃॑ 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥ 𑌤𑌥𑍍𑌸॑𑌵𑌿॒𑌤𑍁-𑌰𑍍𑌵𑍃॑𑌣𑍀𑌮𑌹𑍇 । 𑌵॒𑌯-𑌨𑍍𑌦𑍇॒𑌵𑌸𑍍𑌯॒ 𑌭𑍋𑌜॑𑌨𑌮𑍍 । 𑌶𑍍𑌰𑍇𑌷𑍍𑌠𑌗𑍍​𑌮𑍍॑ 𑌸𑌰𑍍𑌵॒𑌧𑌾𑌤॑𑌮𑌮𑍍 । 𑌤𑍁𑌰॒-𑌮𑍍𑌭𑌗॑𑌸𑍍𑌯 𑌧𑍀𑌮𑌹𑌿 । 𑌅𑌪𑌾॑𑌗𑍂𑌹𑌤 𑌸𑌵𑌿𑌤𑌾॒ 𑌤𑍃𑌭𑍀𑌨𑍍॑ । 𑌸𑌰𑍍𑌵𑌾᳚-𑌨𑍍𑌦𑌿॒𑌵𑍋 𑌅𑌨𑍍𑌧॑𑌸𑌃 । 𑌨𑌕𑍍𑌤॑𑌨𑍍𑌤;॒𑌤𑌾𑌨𑍍𑌯॑𑌭𑌵-𑌨𑍍𑌦𑍃॒𑌶𑍇 । 𑌅𑌸𑍍𑌥𑍍𑌯॒𑌸𑍍𑌥𑍍𑌨𑌾 𑌸𑌮𑍍𑌭॑𑌵𑌿𑌷𑍍𑌯𑌾𑌮𑌃 ॥ 𑌨𑌾𑌮॒ 𑌨𑌾𑌮𑍈॒𑌵 𑌨𑌾॒𑌮 𑌮𑍇᳚ ॥ 50 ॥
𑌨𑌪𑍁𑌗𑍍​𑌮𑍍𑌸॑𑌕॒-𑌮𑍍𑌪𑍁𑌮𑌾॒𑌗𑍍॒𑌸𑍍𑌤𑍍𑌰𑍍𑌯॑𑌸𑍍𑌮𑌿 । 𑌸𑍍𑌥𑌾𑌵॑𑌰𑍋-𑌽𑌸𑍍𑌮𑍍𑌯𑌥॒ 𑌜𑌙𑍍𑌗॑𑌮𑌃 । 𑌯॒𑌜𑍇-𑌽𑌯𑌕𑍍𑌷𑌿॒ 𑌯𑌷𑍍𑌟𑌾॒𑌹𑍇 𑌚॑ । 𑌮𑌯𑌾॑ 𑌭𑍂॒𑌤𑌾𑌨𑍍𑌯॑𑌯𑌕𑍍𑌷𑌤 । 𑌪॒𑌶𑌵𑍋॑ 𑌮𑌮॑ 𑌭𑍂𑌤𑌾॒𑌨𑌿 । 𑌅𑌨𑍂𑌬𑌨𑍍𑌧𑍍𑌯𑍋 𑌽𑌸𑍍𑌮𑍍𑌯॑𑌹𑌂-𑌵𑌿𑌁॒𑌭𑍁𑌃 । 𑌸𑍍𑌤𑍍𑌰𑌿𑌯॑-𑌸𑍍𑌸॒𑌤𑍀𑌃 । 𑌤𑌾 𑌉॑ 𑌮𑍇 𑌪𑍁॒𑌗𑍍​𑌮𑍍॒𑌸 𑌆॑𑌹𑍁𑌃 । 𑌪𑌶𑍍𑌯॑𑌦𑌕𑍍𑌷॒𑌣𑍍𑌵𑌾𑌨𑍍𑌨-𑌵𑌿𑌚𑍇॑𑌤𑌦॒𑌨𑍍𑌧𑌃 । 𑌕॒𑌵𑌿𑌰𑍍𑌯𑌃 𑌪𑍁॒𑌤𑍍𑌰-𑌸𑍍𑌸 𑌇॒𑌮𑌾 𑌚𑌿॑𑌕𑍇𑌤 ॥ 51 ॥
𑌯𑌸𑍍𑌤𑌾 𑌵𑌿॑𑌜𑌾॒𑌨𑌾-𑌥𑍍𑌸॑𑌵𑌿॒𑌤𑍁𑌃 𑌪𑌿॒𑌤𑌾-𑌽𑌸॑𑌤𑍍 । 𑌅॒𑌨𑍍𑌧𑍋 𑌮𑌣𑌿𑌮॑𑌵𑌿𑌨𑍍𑌦𑌤𑍍 । 𑌤𑌮॑𑌨𑌙𑍍𑌗𑍁𑌲𑌿॒-𑌰𑌾𑌵॑𑌯𑌤𑍍 । 𑌅॒𑌗𑍍𑌰𑍀॒𑌵𑌃 𑌪𑍍𑌰𑌤𑍍𑌯॑𑌮𑍁𑌞𑍍𑌚𑌤𑍍 । 𑌤𑌮𑌜𑌿॑𑌹𑍍𑌵 𑌅॒𑌸𑌶𑍍𑌚॑𑌤 । 𑌊𑌰𑍍𑌧𑍍𑌵𑌮𑍂𑌲-𑌮॑𑌵𑌾𑌕𑍍𑌛𑌾॒𑌖𑌮𑍍 । 𑌵𑍃॒𑌕𑍍𑌷𑌂-𑌯𑌾𑌁॑ 𑌵𑍇𑌦॒ 𑌸𑌮𑍍𑌪𑍍𑌰॑𑌤𑌿 । 𑌨 𑌸 𑌜𑌾𑌤𑍁 𑌜𑌨॑-𑌶𑍍𑌶𑍍𑌰𑌦𑍍𑌦॒𑌦𑍍𑌧𑍍𑌯𑌾𑌤𑍍 । 𑌮𑍃॒𑌤𑍍𑌯𑍁𑌰𑍍𑌮𑌾॑ 𑌮𑌾𑌰॒𑌯𑌾𑌦𑌿॑𑌤𑌿𑌃 । 𑌹𑌸𑌿𑌤𑌗𑍍​𑌮𑍍 𑌰𑍁𑌦𑌿॑𑌤𑌙𑍍𑌗𑍀॒𑌤𑌮𑍍 ॥ 52 ॥
𑌵𑍀𑌣𑌾॑ 𑌪𑌣 𑌵॒𑌲𑌾𑌸𑌿॑𑌤𑌮𑍍 । 𑌮𑍃॒𑌤𑌞𑍍𑌜𑍀॒𑌵𑌞𑍍𑌚॑ 𑌯𑌤𑍍𑌕𑌿॒𑌞𑍍𑌚𑌿𑌤𑍍 । 𑌅॒𑌙𑍍𑌗𑌾𑌨𑌿॑ 𑌸𑍍𑌨𑍇𑌵॒ 𑌵𑌿𑌦𑍍𑌧𑌿॑ 𑌤𑌤𑍍 । 𑌅𑌤𑍃॑𑌷𑍍𑌯॒𑌗𑍍𑌗𑍍॒𑌸𑍍𑌤𑍃𑌷𑍍𑌯॑ 𑌧𑍍𑌯𑌾𑌯𑌤𑍍 । 𑌅॒𑌸𑍍𑌮𑌾𑌜𑍍𑌜𑌾॒𑌤𑌾 𑌮𑍇॑ 𑌮𑌿𑌥𑍂॒ 𑌚𑌰𑌨𑍍𑌨𑍍॑ । 𑌪𑍁𑌤𑍍𑌰𑍋 𑌨𑌿𑌰𑍍-𑌋𑌤𑍍𑌯𑌾॑ 𑌵𑍈𑌦𑍇॒𑌹𑌃 । 𑌅॒𑌚𑍇𑌤𑌾॑ 𑌯𑌶𑍍𑌚॒ 𑌚𑍇𑌤॑𑌨𑌃 । 𑌸॒ 𑌤-𑌮𑍍𑌮𑌣𑌿𑌮॑𑌵𑌿𑌨𑍍𑌦𑌤𑍍 । 𑌸𑍋॑-𑌽𑌨𑌙𑍍𑌗𑍁𑌲𑌿॒𑌰𑌾𑌵॑𑌯𑌤𑍍 । 𑌸𑍋॒-𑌽𑌗𑍍𑌰𑍀॒𑌵𑌃 𑌪𑍍𑌰𑌤𑍍𑌯॑𑌮𑍁𑌨𑍍𑌚𑌤𑍍 ॥ 53 ।
𑌸𑍋-𑌽𑌜𑌿॑𑌹𑍍𑌵𑍋 𑌅॒𑌸𑌶𑍍𑌚॑𑌤 । 𑌨𑍈𑌤𑌮𑍃𑌷𑌿𑌂-𑌵𑌿𑌁𑌦𑌿𑌤𑍍𑌵𑌾 𑌨𑌗॑𑌰-𑌮𑍍𑌪𑍍𑌰॒𑌵𑌿𑌶𑍇𑌤𑍍 । 𑌯॑𑌦𑌿 𑌪𑍍𑌰॒𑌵𑌿𑌶𑍇𑌤𑍍 । 𑌮𑌿॒𑌥𑍌 𑌚𑌰𑌿॑𑌤𑍍𑌵𑌾 𑌪𑍍𑌰॒𑌵𑌿𑌶𑍇𑌤𑍍 । 𑌤𑌥𑍍𑌸𑌮𑍍𑌭𑌵॑𑌸𑍍𑌯 𑌵𑍍𑌰॒𑌤𑌮𑍍 । 𑌆॒ 𑌤𑌮॑𑌗𑍍𑌨𑍇 𑌰॒𑌥𑌨𑍍𑌤𑌿॑𑌷𑍍𑌠 । 𑌏𑌕𑌾᳚𑌶𑍍𑌵𑌮𑍇𑌕॒ 𑌯𑍋𑌜॑𑌨𑌮𑍍 । 𑌏𑌕𑌚𑌕𑍍𑌰॑-𑌮𑍇𑌕॒𑌧𑍁𑌰𑌮𑍍 । 𑌵𑌾॒𑌤 𑌧𑍍𑌰𑌾॑𑌜𑌿 𑌗॒𑌤𑌿𑌂-𑌵𑌿𑌁॑𑌭𑍋 । 𑌨॒ 𑌰𑌿॒𑌷𑍍𑌯𑌤𑌿॑ 𑌨 𑌵𑍍𑌯॒𑌥𑌤𑍇 ॥ 54 ॥
𑌨𑌾॒𑌸𑍍𑌯𑌾𑌕𑍍𑌷𑍋॑ 𑌯𑌾𑌤𑍁॒ 𑌸𑌜𑍍𑌜॑𑌤𑌿 । 𑌯𑌚𑍍𑌛𑍍𑌵𑍇𑌤𑌾᳚-𑌨𑍍𑌰𑍋𑌹𑌿॑𑌤𑌾𑌗𑍍​𑌶𑍍𑌚𑌾॒𑌗𑍍𑌨𑍇𑌃 । 𑌰॒𑌥𑍇 𑌯𑍁॑𑌕𑍍𑌤𑍍𑌵𑌾-𑌽𑌧𑌿॒𑌤𑌿𑌷𑍍𑌠॑𑌤𑌿 । 𑌏𑌕𑌯𑌾 𑌚 𑌦𑌶𑌭𑌿𑌶𑍍𑌚॑ 𑌸𑍍𑌵𑌭𑍂॒𑌤𑍇 । 𑌦𑍍𑌵𑌾𑌭𑍍𑌯𑌾 𑌮𑌿𑌷𑍍𑌟𑌯𑍇 𑌵𑌿𑌗𑍍​𑌮𑍍॑𑌶𑌤𑍍𑌯𑌾॒ 𑌚 । 𑌤𑌿𑌸𑍃𑌭𑌿𑌶𑍍𑌚 𑌵𑌹𑌸𑍇 𑌤𑍍𑌰𑌿𑌗𑍍​𑌮𑍍॑𑌶𑌤𑌾॒ 𑌚 । 𑌨𑌿𑌯𑍁𑌦𑍍𑌭𑌿-𑌰𑍍𑌵𑌾𑌯𑌵𑌿𑌹 𑌤𑌾॑ 𑌵𑌿𑌮𑍁॒𑌞𑍍𑌚 ॥ 55 ॥
(𑌤𑌤॑𑌕𑍍𑌷𑍁--𑌰𑍍 𑌧𑍀𑌮𑌹𑌿 - 𑌨𑌾॒𑌮 𑌮𑍇॑ - 𑌚𑌿𑌕𑍇𑌤 - 𑌗𑍀॒𑌤𑌂 - 𑌪𑍍𑌰𑌤𑍍𑌯॑𑌮𑍁𑌞𑍍𑌚-𑌦𑍍- 𑌵𑍍𑌯॒𑌥𑌤𑍇 - +𑌸॒𑌪𑍍𑌤 𑌚॑)

𑌅𑌨𑍁𑌵𑌾𑌕𑌃 12
𑌆𑌤॑𑌨𑍁𑌷𑍍𑌵॒ 𑌪𑍍𑌰𑌤॑𑌨𑍁𑌷𑍍𑌵 । 𑌉॒𑌦𑍍𑌧𑌮𑌾𑌧॑𑌮॒ 𑌸𑌨𑍍𑌧॑𑌮 । 𑌆𑌦𑌿𑌤𑍍𑌯𑍇 𑌚𑌨𑍍𑌦𑍍𑌰॑𑌵𑌰𑍍𑌣𑌾॒𑌨𑌾𑌮𑍍 । 𑌗𑌰𑍍𑌭॒ 𑌮𑌾 𑌧𑍇॑𑌹𑌿॒ 𑌯𑌃 𑌪𑍁𑌮𑌾𑌨𑍍॑ । 𑌇॒𑌤-𑌸𑍍𑌸𑌿॒𑌕𑍍𑌤𑌗𑍍​𑌮𑍍 𑌸𑍂𑌰𑍍𑌯॑𑌗𑌤𑌮𑍍 । 𑌚॒𑌨𑍍𑌦𑍍𑌰𑌮॑𑌸𑍇॒ 𑌰𑌸॑𑌙𑍍𑌕𑍃𑌧𑌿 । 𑌵𑌾𑌰𑌾𑌦-𑌞𑍍𑌜𑌨॑𑌯𑌾-𑌗𑍍𑌰𑍇॒-𑌽𑌗𑍍𑌨𑌿𑌮𑍍 । 𑌯 𑌏𑌕𑍋॑ 𑌰𑍁𑌦𑍍𑌰॒ 𑌉𑌚𑍍𑌯॑𑌤𑍇 । 𑌅॒𑌸॒-𑌙𑍍𑌖𑍍𑌯𑌾॒𑌤𑌾-𑌸𑍍𑌸॑𑌹𑌸𑍍𑌰𑌾॒𑌣𑌿 । 𑌸𑍍𑌮॒𑌰𑍍𑌯𑌤𑍇॑ 𑌨 𑌚॒ 𑌦𑍃𑌶𑍍𑌯॑𑌤𑍇 ॥ 56 ॥
𑌏॒𑌵𑌮𑍇॒𑌤𑌨𑍍𑌨𑌿॑𑌬𑍋𑌧𑌤 । 𑌆 𑌮॒𑌨𑍍𑌦𑍍𑌰𑍈-𑌰𑌿॑𑌨𑍍𑌦𑍍𑌰॒ 𑌹𑌰𑌿॑𑌭𑌿𑌃 । 𑌯𑌾॒ 𑌹𑌿 𑌮॒𑌯𑍂𑌰॑-𑌰𑍋𑌮𑌭𑌿𑌃 । 𑌮𑌾𑌤𑍍𑌵𑌾 𑌕𑍇𑌚𑌿𑌨𑍍𑌨𑌿𑌯𑍇 𑌮𑍁𑌰𑌿॑𑌨𑍍𑌨 𑌪𑌾॒𑌶𑌿𑌨𑌃 । 𑌦॒𑌧॒𑌨𑍍𑌵𑍇𑌵॒ 𑌤𑌾 𑌇॑𑌹𑌿 । 𑌮𑌾 𑌮॒𑌨𑍍𑌦𑍍𑌰𑍈-𑌰𑌿॑𑌨𑍍𑌦𑍍𑌰॒ 𑌹𑌰𑌿॑𑌭𑌿𑌃 । 𑌯𑌾॒𑌮𑌿 𑌮॒𑌯𑍂𑌰॑ 𑌰𑍋𑌮𑌭𑌿𑌃 । 𑌮𑌾 𑌮𑌾 𑌕𑍇𑌚𑌿𑌨𑍍𑌨𑌿𑌯𑍇 𑌮𑍁𑌰𑌿॑𑌨𑍍𑌨 𑌪𑌾॒𑌶𑌿𑌨𑌃 । 𑌨𑌿॒𑌧॒𑌨𑍍𑌵𑍇𑌵॒ 𑌤𑌾𑌁(2) 𑌇॑𑌮𑌿 । 𑌅𑌣𑍁𑌭𑌿𑌶𑍍𑌚 𑌮॑𑌹𑌦𑍍𑌭𑌿॒𑌶𑍍𑌚 ॥ 5𑍭 ॥
𑌨𑌿॒𑌘𑍃𑌷𑍍𑌵𑍈॑ 𑌰𑌸॒𑌮𑌾𑌯𑍁॑𑌤𑍈𑌃 । 𑌕𑌾𑌲𑍈𑌰𑍍-𑌹𑌰𑌿𑌤𑍍𑌵॑𑌮𑌾𑌪॒𑌨𑍍𑌨𑍈𑌃 । 𑌇𑌨𑍍𑌦𑍍𑌰𑌾𑌯𑌾॑𑌹𑌿 𑌸॒𑌹𑌸𑍍𑌰॑ 𑌯𑍁𑌕𑍍 । 𑌅॒𑌗𑍍𑌨𑌿-𑌰𑍍𑌵𑌿॒𑌭𑍍𑌰𑌾𑌷𑍍𑌟𑌿॑ 𑌵𑌸𑌨𑌃 । 𑌵𑌾॒𑌯𑍁-𑌶𑍍𑌶𑍍𑌵𑍇𑌤॑𑌸𑌿𑌕𑌦𑍍𑌰𑍁॒𑌕𑌃 । 𑌸𑌂॒​𑌵𑌁॒𑌥𑍍𑌸॒𑌰𑍋 𑌵𑌿॑𑌷𑍂॒ 𑌵𑌰𑍍𑌣𑍈𑌃᳚ । 𑌨𑌿𑌤𑍍𑌯𑌾॒𑌸𑍍𑌤𑍇 𑌽𑌨𑍁𑌚॑𑌰𑌾𑌸𑍍𑌤॒𑌵 । 𑌸𑍁𑌬𑍍𑌰𑌹𑍍𑌮𑌣𑍍𑌯𑍋𑌗𑍍​𑌮𑍍 𑌸𑍁𑌬𑍍𑌰𑌹𑍍𑌮𑌣𑍍𑌯𑍋𑌗𑍍​𑌮𑍍 𑌸𑍁॑𑌬𑍍𑌰𑌹𑍍𑌮॒𑌣𑍍𑌯𑍋𑌮𑍍 । 𑌇𑌨𑍍𑌦𑍍𑌰𑌾𑌗𑌚𑍍𑌛 𑌹𑌰𑌿𑌵 𑌆𑌗𑌚𑍍𑌛 𑌮𑍇॑𑌧𑌾𑌤𑌿॒𑌥𑍇𑌃 । 𑌮𑍇𑌷 𑌵𑍃𑌷𑌣𑌶𑍍𑌵॑𑌸𑍍𑌯 𑌮𑍇॒𑌨𑍇 ॥ 5𑍮 ॥
𑌗𑍌𑌰𑌾𑌵𑌸𑍍𑌕𑌨𑍍𑌦𑌿𑌨𑍍𑌨-𑌹𑌲𑍍𑌯𑌾॑𑌯𑍈 𑌜𑌾॒𑌰 । 𑌕𑍌𑌶𑌿𑌕-𑌬𑍍𑌰𑌾𑌹𑍍𑌮𑌣 𑌗𑍌𑌤𑌮॑𑌬𑍍𑌰𑍁𑌵𑌾॒𑌣 । 𑌅॒𑌰𑍁॒𑌣𑌾𑌶𑍍𑌵𑌾॑ 𑌇॒𑌹𑌾𑌗॑𑌤𑌾𑌃 । 𑌵𑌸॑𑌵𑌃 𑌪𑍃𑌥𑌿𑌵𑌿॒ 𑌕𑍍𑌷𑌿𑌤𑌃॑ । 𑌅॒𑌷𑍍𑌟𑍌 𑌦𑌿॒𑌗𑍍𑌵𑌾𑌸॑𑌸𑍋॒ 𑌽𑌗𑍍𑌨𑌯𑌃॑ । 𑌅𑌗𑍍𑌨𑌿𑌶𑍍𑌚 𑌜𑌾𑌤𑌵𑍇𑌦𑌾᳚𑌶𑍍𑌚𑍇𑌤𑍍𑌯𑍇॒𑌤𑍇 । 𑌤𑌾𑌮𑍍𑌰𑌾𑌶𑍍𑌵𑌾᳚-𑌸𑍍𑌤𑌾𑌮𑍍𑌰॒𑌰𑌥𑌾𑌃 । 𑌤𑌾𑌮𑍍𑌰𑌵𑌰𑍍𑌣𑌾᳚ 𑌸𑍍𑌤𑌥𑌾॒-𑌽𑌸𑌿𑌤𑌾𑌃 । 𑌦𑌣𑍍𑌡𑌹𑌸𑍍𑌤𑌾𑌃᳚ 𑌖𑌾𑌦॒𑌗𑍍𑌦𑌤𑌃 । 𑌇𑌤𑍋 𑌰𑍁𑌦𑍍𑌰𑌾𑌃᳚ 𑌪𑌰𑌾॒𑌙𑍍𑌗𑌤𑌾𑌃 । 5𑍯 ।
𑌉𑌕𑍍𑌤𑌗𑍍𑌗𑍍​ 𑌸𑍍𑌥𑌾𑌨-𑌮𑍍𑌪𑍍𑌰𑌮𑌾𑌣𑌞𑍍𑌚॑ 𑌪𑍁𑌰॒ 𑌇𑌤 । 𑌬𑍃𑌹॒𑌸𑍍𑌪𑌤𑌿॑𑌶𑍍𑌚 𑌸𑌵𑌿॒𑌤𑌾 𑌚॑ । 𑌵𑌿॒𑌶𑍍𑌵𑌰𑍂॑𑌪𑍈-𑌰𑌿॒𑌹𑌾𑌗॑𑌤𑌾𑌮𑍍 । 𑌰𑌥𑍇॑𑌨𑍋𑌦𑌕॒𑌵𑌰𑍍𑌤𑍍𑌮॑𑌨𑌾 । 𑌅॒𑌫𑍍𑌸𑍁𑌷𑌾॑ 𑌇𑌤𑌿॒ 𑌤𑌦𑍍𑌦𑍍𑌵॑𑌯𑍋𑌃 । 𑌉𑌕𑍍𑌤𑍋 𑌵𑍇𑌷𑍋॑ 𑌵𑌾𑌸𑌾॒𑌗𑍍​𑌮𑍍॒𑌸𑌿 𑌚 । 𑌕𑌾𑌲𑌾𑌵𑌯𑌵𑌾𑌨𑌾-𑌮𑌿𑌤𑌃॑ 𑌪𑍍𑌰𑌤𑍀॒𑌜𑍍𑌯𑌾 । 𑌵𑌾𑌸𑌾𑌤𑍍𑌯𑌾॑ 𑌇𑌤𑍍𑌯॒𑌶𑍍𑌵𑌿𑌨𑍋𑌃 । 𑌕𑍋-𑌽𑌨𑍍𑌤𑌰𑌿𑌕𑍍𑌷𑍇 𑌶𑌬𑍍𑌦𑌙𑍍𑌕॑𑌰𑍋𑌤𑍀॒𑌤𑌿 । 𑌵𑌾𑌸𑌿𑌷𑍍𑌠 𑌰𑍌𑌹𑌿𑌣𑍋 𑌮𑍀𑌮𑌾𑌗𑍍​𑌮𑍍॑𑌸𑌾-𑌞𑍍𑌚॒𑌕𑍍𑌰𑍇 । 𑌤𑌸𑍍𑌯𑍈॒𑌷𑌾 𑌭𑌵॑𑌤𑌿 ॥ 𑌵𑌾॒𑌶𑍍𑌰𑍇𑌵॑ 𑌵𑌿॒𑌦𑍍𑌯𑍁𑌦𑌿𑌤𑌿॑ ॥ 𑌬𑍍𑌰𑌹𑍍𑌮॑𑌣 𑌉॒𑌦𑌰॑𑌣𑌮𑌸𑌿 । 𑌬𑍍𑌰𑌹𑍍𑌮॑𑌣 𑌉𑌦𑍀॒𑌰𑌣॑𑌮𑌸𑌿 ।𑌬𑍍𑌰𑌹𑍍𑌮॑𑌣 𑌆॒𑌸𑍍𑌤𑌰॑𑌣𑌮𑌸𑌿 । 𑌬𑍍𑌰𑌹𑍍𑌮॑𑌣 𑌉𑌪॒𑌸𑍍𑌤𑌰॑𑌣𑌮𑌸𑌿 ॥ 60 ॥
(𑌦𑍃𑌶𑍍𑌯॑𑌤𑍇॒ - 𑌚 - 𑌮𑍇॒𑌨𑍇 - 𑌪॑𑌰𑌾॒-𑌙𑍍𑌗𑌤𑌾 - 𑌶𑍍𑌚॒𑌕𑍍𑌰𑍇 𑌷𑌟𑍍 𑌚॑)

𑌅𑌨𑍁𑌵𑌾𑌕𑌃 13 [𑌅𑌪॑𑌕𑍍𑌰𑌾𑌮𑌤 𑌗𑌰𑍍𑌭𑌿॒𑌣𑍍𑌯𑌃॑ ]
𑌅॒𑌷𑍍𑌟𑌯𑍋॑𑌨𑍀-𑌮॒𑌷𑍍𑌟𑌪𑍁॑𑌤𑍍𑌰𑌾𑌮𑍍 । 𑌅॒𑌷𑍍𑌟𑌪॑𑌤𑍍𑌨𑍀-𑌮𑌿॒𑌮𑌾-𑌮𑍍𑌮𑌹𑍀᳚𑌮𑍍 । 𑌅॒𑌹𑌂-𑌵𑍇𑌁𑌦॒ 𑌨 𑌮𑍇॑ 𑌮𑍃𑌤𑍍𑌯𑍁𑌃 । 𑌨 𑌚𑌾𑌮𑍃॑𑌤𑍍𑌯𑍁𑌰॒𑌘𑌾𑌹॑𑌰𑌤𑍍 । 𑌅॒𑌷𑍍𑌟𑌯𑍋᳚𑌨𑍍𑌯॒𑌷𑍍𑌟 𑌪𑍁॑𑌤𑍍𑌰𑌮𑍍 । 𑌅॒𑌷𑍍𑌟𑌪॑𑌦𑌿॒𑌦-𑌮॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌅॒𑌹𑌂-𑌵𑍇𑌁𑌦॒ 𑌨 𑌮𑍇॑ 𑌮𑍃𑌤𑍍𑌯𑍁𑌃 । 𑌨 𑌚𑌾𑌮𑍃॑𑌤𑍍𑌯𑍁𑌰॒𑌘𑌾𑌹॑𑌰𑌤𑍍 । 𑌅॒𑌷𑍍𑌟𑌯𑍋॑𑌨𑍀-𑌮॒𑌷𑍍𑌟𑌪𑍁॑𑌤𑍍𑌰𑌾𑌮𑍍 । 𑌅॒𑌷𑍍𑌟𑌪॑𑌤𑍍𑌨𑍀-𑌮॒𑌮𑍂𑌨𑍍𑌦𑌿𑌵᳚𑌮𑍍 ॥ 61 ॥
𑌅॒𑌹𑌂-𑌵𑍇𑌁𑌦॒ 𑌨 𑌮𑍇॑ 𑌮𑍃𑌤𑍍𑌯𑍁𑌃 । 𑌨 𑌚𑌾𑌮𑍃॑𑌤𑍍𑌯𑍁𑌰॒𑌘𑌾𑌹॑𑌰𑌤𑍍 । 𑌸𑍁॒𑌤𑍍𑌰𑌾𑌮𑌾॑𑌣-𑌮𑍍𑌮॒𑌹𑍀𑌮𑍂॒𑌷𑍁 । 𑌅𑌦𑌿॑𑌤𑌿॒𑌰𑍍𑌦𑍍𑌯𑍌-𑌰𑌦𑌿॑𑌤𑌿-𑌰॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌅𑌦𑌿॑𑌤𑌿 𑌰𑍍𑌮𑌾॒𑌤𑌾 𑌸 𑌪𑌿॒𑌤𑌾 𑌸 𑌪𑍁॒𑌤𑍍𑌰𑌃 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌅𑌦𑌿॑𑌤𑌿𑌃॒ 𑌪𑌞𑍍𑌚॒ 𑌜𑌨𑌾𑌃᳚ । 𑌅𑌦𑌿॑𑌤𑌿-𑌰𑍍𑌜𑌾॒𑌤-𑌮𑌦𑌿॑𑌤𑌿॒-𑌰𑍍𑌜𑌨𑌿॑𑌤𑍍𑌵𑌮𑍍 । 𑌅॒𑌷𑍍𑌟𑍌 𑌪𑍁॒𑌤𑍍𑌰𑌾𑌸𑍋॒ 𑌅𑌦𑌿॑𑌤𑍇𑌃 । 𑌯𑍇 𑌜𑌾॒𑌤𑌾 𑌸𑍍𑌤॒𑌨𑍍𑌵𑌃॑ 𑌪𑌰𑌿॑ । 𑌦𑍇॒𑌵𑌾𑌁 (2) 𑌉𑌪॑𑌪𑍍𑌰𑍈-𑌥𑍍𑌸॒𑌪𑍍𑌤𑌭𑌿𑌃॑ ॥ 62 ॥
𑌪॒𑌰𑌾॒ 𑌮𑌾॒𑌰𑍍𑌤𑌾॒𑌣𑍍𑌡𑌮𑌾𑌸𑍍𑌯॑𑌤𑍍 । 𑌸॒𑌪𑍍𑌤𑌭𑌿𑌃॑ 𑌪𑍁॒𑌤𑍍𑌰𑍈-𑌰𑌦𑌿॑𑌤𑌿𑌃 । 𑌉𑌪॒ 𑌪𑍍𑌰𑍈-𑌤𑍍𑌪𑍂॒𑌰𑍍𑌵𑍍𑌯𑌂॑-𑌯𑍁𑌁𑌗᳚𑌮𑍍 । 𑌪𑍍𑌰॒𑌜𑌾𑌯𑍈॑ 𑌮𑍃॒𑌤𑍍𑌯𑌵𑍇 𑌤॑𑌤𑍍 । 𑌪॒𑌰𑌾॒ 𑌮𑌾॒𑌰𑍍𑌤𑌾॒𑌣𑍍𑌡-𑌮𑌾𑌭॑𑌰॒𑌦𑌿𑌤𑌿॑ । 𑌤𑌾𑌨𑌨𑍁𑌕𑍍𑌰॑𑌮𑌿𑌷𑍍𑌯𑌾॒𑌮𑌃 । 𑌮𑌿॒𑌤𑍍𑌰𑌶𑍍𑌚॒ 𑌵𑌰𑍁॑𑌣𑌶𑍍𑌚 । 𑌧𑌾॒𑌤𑌾 𑌚𑌾᳚𑌰𑍍𑌯॒𑌮𑌾 𑌚॑ । 𑌅𑌗𑍍​𑌮𑍍𑌶॑𑌶𑍍𑌚॒ 𑌭𑌗॑𑌶𑍍𑌚 । 𑌇𑌨𑍍𑌦𑍍𑌰𑌶𑍍𑌚 𑌵𑌿𑌵𑌸𑍍𑌵𑌾𑌗𑍍॑𑌶𑍍𑌚𑍇𑌤𑍍𑌯𑍇॒𑌤𑍇 । 𑌹𑌿॒𑌰॒𑌣𑍍𑌯॒𑌗॒𑌰𑍍𑌭𑍋 𑌹॒𑌗𑍍​𑌮𑍍॒𑌸𑌸𑍍𑌶𑍁॑𑌚𑌿॒𑌷𑌤𑍍 । 𑌬𑍍𑌰𑌹𑍍𑌮॑ 𑌜𑌜𑍍𑌞𑌾॒𑌨-𑌨𑍍𑌤𑌦𑌿-𑌤𑍍𑌪॒𑌦𑌮𑌿𑌤𑌿॑ । 𑌗॒𑌰𑍍𑌭𑌃 𑌪𑍍𑌰𑌾॑𑌜𑌾𑌪॒𑌤𑍍𑌯𑌃 । 𑌅𑌥॒ 𑌪𑍁𑌰𑍁॑𑌷-𑌸𑍍𑌸॒𑌪𑍍𑌤𑌪𑍁𑌰𑍁॑𑌷𑌃 ॥ 63 ॥
[ 𑌯॒𑌥𑌾॒𑌸𑍍𑌥𑌾॒𑌨-𑌙𑍍𑌗॑𑌰𑍍𑌭𑌿॒𑌣𑍍𑌯𑌃॑ ]
(𑌅॒𑌮𑍂-𑌨𑍍𑌦𑌿𑌵𑌗𑍍​𑌮𑍍॑ - 𑌸॒𑌪𑍍𑌤𑌭𑌿॑ - 𑌰𑍇॒𑌤𑍇 𑌚॒𑌤𑍍𑌵𑌾𑌰𑌿॑ 𑌚)

𑌅𑌨𑍁𑌵𑌾𑌕𑌃 14
𑌯𑍋-𑌽𑌸𑍌॑ 𑌤॒𑌪𑌨𑍍𑌨𑍁॒𑌦𑍇𑌤𑌿॑ । 𑌸 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑌾𑌨𑌾॒𑌦𑌾𑌯𑍋॒𑌦𑍇𑌤𑌿॑ । 𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑌾𑌨𑌾॒𑌦𑌾𑌯𑍋𑌦॑𑌗𑌾𑌃 । 𑌅॒𑌸𑍌 𑌯𑍋᳚ 𑌽𑌸𑍍𑌤॒𑌮𑍇𑌤𑌿॑ । 𑌸 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑌾𑌨𑌾॒𑌦𑌾𑌯𑌾॒𑌸𑍍𑌤𑌮𑍇𑌤𑌿॑ । 𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑌾𑌨𑌾॒𑌦𑌾𑌯𑌾 𑌸𑍍𑌤॑𑌙𑍍𑌗𑌾𑌃 । 𑌅॒𑌸𑍌 𑌯 𑌆॒𑌪𑍂𑌰𑍍𑌯॑𑌤𑌿 । 𑌸 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈 𑌰𑌾॒𑌪𑍂𑌰𑍍𑌯॑𑌤𑌿 । 64 ।
𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑍈-𑌰𑌾॒𑌪𑍂𑌰𑌿॑𑌷𑍍𑌠𑌾𑌃 । 𑌅॒𑌸𑍌 𑌯𑍋॑-𑌽𑌪॒𑌕𑍍𑌷𑍀𑌯॑𑌤𑌿 । 𑌸 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈-𑌰𑌪॑𑌕𑍍𑌷𑍀𑌯𑌤𑌿 । 𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑍈-𑌰𑌪॑𑌕𑍍𑌷𑍇𑌷𑍍𑌠𑌾𑌃 । 𑌅॒𑌮𑍂𑌨𑌿॒ 𑌨𑌕𑍍𑌷॑𑌤𑍍𑌰𑌾𑌣𑌿 । 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑌰𑍍𑌪𑌨𑍍𑌤𑌿॒ 𑌚𑍋𑌥𑍍𑌸॑𑌰𑍍𑌪𑌨𑍍𑌤𑌿 𑌚 । 𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑍃𑌪𑌤॒ 𑌮𑍋𑌥𑍍𑌸𑍃॑𑌪𑌤 ॥ 65 ॥
𑌇॒𑌮𑍇 𑌮𑌾𑌸𑌾᳚-𑌶𑍍𑌚𑌾𑌰𑍍𑌧𑌮𑌾॒𑌸𑌾𑌶𑍍𑌚॑ । 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑌰𑍍𑌪𑌨𑍍𑌤𑌿॒ 𑌚𑍋𑌥𑍍𑌸॑𑌰𑍍𑌪𑌨𑍍𑌤𑌿 𑌚 । 𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑍃𑌪𑌤॒ 𑌮𑍋𑌥𑍍𑌸𑍃॑𑌪𑌤 । 𑌇॒𑌮 𑌋॒𑌤𑌵𑌃॑ । 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑌰𑍍𑌪𑌨𑍍𑌤𑌿॒ 𑌚𑍋𑌥𑍍𑌸॑𑌰𑍍𑌪𑌨𑍍𑌤𑌿 𑌚 । 𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑍃𑌪𑌤॒ 𑌮𑍋𑌥𑍍𑌸𑍃॑𑌪𑌤 । 𑌅॒𑌯𑌗𑍍​𑌮𑍍 𑌸𑌂॑​𑌵𑌁𑌥𑍍𑌸॒𑌰𑌃 । 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑌰𑍍𑌪𑌤𑌿॒ 𑌚𑍋𑌥𑍍𑌸॑𑌰𑍍𑌪𑌤𑌿 𑌚 ॥ 66 ॥
𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑍃𑌪॒ 𑌮𑍋𑌥𑍍𑌸𑍃॑𑌪 । 𑌇॒𑌦𑌮𑌹𑌃॑ । 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈-𑌰𑌪॑ 𑌪𑍍𑌰𑌸𑌰𑍍𑌪𑌤𑌿॒ 𑌚𑍋𑌥𑍍𑌸॑𑌰𑍍𑌪𑌤𑌿 𑌚 । 𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑍃𑌪॒ 𑌮𑍋𑌥𑍍𑌸𑍃॑𑌪 । 𑌇॒𑌯𑌗𑍍​𑌮𑍍 𑌰𑌾𑌤𑍍𑌰𑌿𑌃॑ । 𑌸𑌰𑍍𑌵𑍇॑𑌷𑌾-𑌮𑍍𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈-𑌰𑌪॑ 𑌪𑍍𑌰𑌸𑌰𑍍𑌪𑌤𑌿॒ 𑌚𑍋𑌥𑍍𑌸॑𑌰𑍍𑌪𑌤𑌿 𑌚 । 𑌮𑌾 𑌮𑍇᳚ 𑌪𑍍𑌰॒𑌜𑌾𑌯𑌾॒ 𑌮𑌾 𑌪॑𑌶𑍂॒𑌨𑌾𑌮𑍍 । 𑌮𑌾 𑌮𑌮॑ 𑌪𑍍𑌰𑌾॒𑌣𑍈𑌰𑌪॑ 𑌪𑍍𑌰𑌸𑍃𑌪॒ 𑌮𑍋𑌥𑍍𑌸𑍃॑𑌪 । 𑌔-𑌮𑍍𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵𑌃॑ । 𑌏𑌤𑌦𑍍𑌵𑍋 𑌮𑌿𑌥𑍁𑌨-𑌮𑍍𑌮𑌾 𑌨𑍋 𑌮𑌿𑌥𑍁॑𑌨𑌗𑍍​𑌮𑍍 𑌰𑍀॒𑌢𑍍𑌵𑌮𑍍 ॥ 6𑍭 ॥
(𑌪𑍍𑌰𑌾॒𑌣𑍈𑌰𑌾॒𑌪𑍂𑌰𑍍𑌯॑𑌤𑌿॒-𑌮𑍋𑌥𑍍𑌸𑍃॑𑌪𑌤॒-𑌚𑍋𑌥𑍍𑌸॑𑌰𑍍𑌪𑌤𑌿 𑌚॒ - 𑌮𑍋𑌥𑍍𑌸𑍃॑𑌪॒ 𑌦𑍍𑌵𑍇 𑌚॑)

𑌅𑌨𑍁𑌵𑌾𑌕𑌃 15
𑌅𑌥𑌾𑌦𑌿𑌤𑍍𑌯𑌸𑍍𑌯𑌾𑌷𑍍𑌟 𑌪𑍁॑𑌰𑍁𑌷॒𑌸𑍍𑌯 । 𑌵𑌸𑍂𑌨𑌾 𑌮𑌾𑌦𑌿𑌤𑍍𑌯𑌾𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌰𑍁𑌦𑍍𑌰𑌾𑌣𑌾-𑌮𑌾𑌦𑌿𑌤𑍍𑌯𑌾𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌆𑌦𑌿𑌤𑍍𑌯𑌾𑌨𑌾-𑌮𑌾𑌦𑌿𑌤𑍍𑌯𑌾𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌸𑌤𑌾𑌗𑍍​𑌮𑍍॑𑌸𑌤𑍍𑌯𑌾॒𑌨𑌾𑌮𑍍 । 𑌆𑌦𑌿𑌤𑍍𑌯𑌾𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌅𑌭𑌿𑌧𑍂𑌨𑍍𑌵𑌤𑌾॑-𑌮𑌭𑌿॒𑌘𑍍𑌨𑌤𑌾𑌮𑍍 । 𑌵𑌾𑌤𑌵॑𑌤𑌾-𑌮𑍍𑌮॒𑌰𑍁𑌤𑌾𑌮𑍍 । 𑌆𑌦𑌿𑌤𑍍𑌯𑌾𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌋𑌭𑍂𑌣𑌾-𑌮𑌾𑌦𑌿𑌤𑍍𑌯𑌾𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌵𑌿𑌶𑍍𑌵𑍇𑌷𑌾᳚-𑌨𑍍𑌦𑍇𑌵𑌾॒𑌨𑌾𑌮𑍍 । 𑌆𑌦𑌿𑌤𑍍𑌯𑌾𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌸𑌂​𑌵𑌁𑌥𑍍𑌸𑌰॑𑌸𑍍𑌯 𑌸॒𑌵𑌿𑌤𑍁𑌃 । 𑌆𑌦𑌿𑌤𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌔-𑌮𑍍𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵𑌃॑ । 𑌰𑌶𑍍𑌮𑌯𑍋 𑌵𑍋 𑌮𑌿𑌥𑍁𑌨-𑌮𑍍𑌮𑌾 𑌨𑍋 𑌮𑌿𑌥𑍁॑𑌨𑌗𑍍​𑌮𑍍 𑌰𑍀॒𑌢𑍍𑌵𑌮𑍍 ॥ 6𑍮 ॥
(𑌋𑌭𑍂𑌣𑌾𑌮𑌾𑌦𑌿𑌤𑍍𑌯𑌾𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 𑌷𑌟𑍍𑌚॑)

𑌅𑌨𑍁𑌵𑌾𑌕𑌃 16
𑌆𑌰𑍋𑌗𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌭𑍍𑌰𑌾𑌜𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌪𑌟𑌰𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌪𑌤𑌙𑍍𑌗𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌸𑍍𑌵𑌰𑍍𑌣𑌰𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌜𑍍𑌯𑍋𑌤𑌿𑌷𑍀𑌮𑌤𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌵𑌿𑌭𑌾𑌸𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌕𑌶𑍍𑌯𑌪𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 । 𑌔-𑌮𑍍𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵𑌃॑ । 𑌆𑌪𑍋 𑌵𑍋 𑌮𑌿𑌥𑍁𑌨-𑌮𑍍𑌮𑌾 𑌨𑍋 𑌮𑌿𑌥𑍁॑𑌨𑌗𑍍​𑌮𑍍 𑌰𑍀॒𑌢𑍍𑌵𑌮𑍍 ॥ 6𑍯 ॥
(𑌆𑌰𑍋𑌗𑌸𑍍𑌯 𑌦𑌶॑)

𑌅𑌨𑍁𑌵𑌾𑌕𑌃 1𑍭
𑌅𑌥 𑌵𑌾𑌯𑍋-𑌰𑍇𑌕𑌾𑌦𑌶-𑌪𑍁𑌰𑍁𑌷𑌸𑍍𑌯𑍈𑌕𑌾𑌦𑌶॑-𑌸𑍍𑌤𑍍𑌰𑍀𑌕॒𑌸𑍍𑌯 ।
𑌪𑍍𑌰𑌭𑍍𑌰𑌾𑌜𑌮𑌾𑌨𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌵𑍍𑌯𑌵𑌦𑌾𑌤𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌵𑌾𑌸𑍁𑌕𑌿𑌵𑍈𑌦𑍍𑌯𑍁𑌤𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌰𑌜𑌤𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌪𑌰𑍁𑌷𑌾𑌣𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌶𑍍𑌯𑌾𑌮𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌕𑌪𑌿𑌲𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌅𑌤𑌿𑌲𑍋𑌹𑌿𑌤𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌊𑌰𑍍𑌧𑍍𑌵𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ॥ 𑍭0 ॥
𑌅𑌵𑌪𑌤𑌨𑍍𑌤𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌵𑍈𑌦𑍍𑌯𑍁𑌤𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌪𑍍𑌰𑌭𑍍𑌰𑌾𑌜𑌮𑌾𑌨𑍀𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌵𑍍𑌯𑌵𑌦𑌾𑌤𑍀𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌵𑌾𑌸𑍁𑌕𑌿𑌵𑍈𑌦𑍍𑌯𑍁𑌤𑍀𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌰𑌜𑌤𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌪𑌰𑍁𑌷𑌾𑌣𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌶𑍍𑌯𑌾𑌮𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌕𑌪𑌿𑌲𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌅𑌤𑌿𑌲𑍋𑌹𑌿𑌤𑍀𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌊𑌰𑍍𑌧𑍍𑌵𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌅𑌵𑌪𑌤𑌨𑍍𑌤𑍀𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌵𑍈𑌦𑍍𑌯𑍁𑌤𑍀𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌔-𑌮𑍍𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵𑌃॑ ।
𑌰𑍂𑌪𑌾𑌣𑌿 𑌵𑍋 𑌮𑌿𑌥𑍁𑌨-𑌮𑍍𑌮𑌾 𑌨𑍋 𑌮𑌿𑌥𑍁॑𑌨𑌗𑍍​𑌮𑍍 𑌰𑍀॒𑌢𑍍𑌵𑌮𑍍 ॥ 𑍭1 ॥
(𑌊𑌰𑍍𑌧𑍍𑌵𑌾𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒ - 𑌨𑍍𑌯𑌤𑌿𑌲𑍋𑌹𑌿𑌤𑍀𑌨𑌾𑌗𑍍​𑌮𑍍 𑌰𑍁𑌦𑍍𑌰𑌾𑌣𑍀𑌨𑌾𑌗𑍍​ 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 𑌪𑌞𑍍𑌚॑ 𑌚)

𑌅𑌨𑍁𑌵𑌾𑌕𑌃 1𑍮
𑌅𑌥𑌾𑌗𑍍𑌨𑍇॑𑌰𑌷𑍍𑌟 𑌪𑍁॑𑌰𑍁𑌷॒𑌸𑍍𑌯 ॥ 𑌅𑌗𑍍𑌨𑍇𑌃 𑌪𑍂𑌰𑍍𑌵-𑌦𑌿𑌶𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌜𑌾𑌤𑌵𑍇𑌦𑌸 𑌉𑌪𑌦𑌿𑌶𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌸𑌹𑍋𑌜𑌸𑍋 𑌦𑌕𑍍𑌷𑌿𑌣-𑌦𑌿𑌶𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌅𑌜𑌿𑌰𑌾𑌪𑍍𑌰𑌭𑌵 𑌉𑌪𑌦𑌿𑌶𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌵𑍈𑌶𑍍𑌵𑌾𑌨𑌰𑌸𑍍𑌯𑌾𑌪𑌰𑌦𑌿𑌶𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌨𑌰𑍍𑌯𑌾𑌪𑌸 𑌉𑌪𑌦𑌿𑌶𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌪𑌙𑍍𑌕𑍍𑌤𑌿𑌰𑌾𑌧𑌸 𑌉𑌦𑌗𑍍​𑌦𑌿𑌶𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌵𑌿𑌸𑌰𑍍𑌪𑌿𑌣 𑌉𑌪𑌦𑌿𑌶𑍍𑌯𑌸𑍍𑌯 𑌸𑍍𑌥𑌾𑌨𑍇 𑌸𑍍𑌵𑌤𑍇𑌜॑𑌸𑌾 𑌭𑌾॒𑌨𑌿 ।
𑌔-𑌮𑍍𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵𑌃॑ ।
𑌦𑌿𑌶𑍋 𑌵𑍋 𑌮𑌿𑌥𑍁𑌨-𑌮𑍍𑌮𑌾 𑌨𑍋 𑌮𑌿𑌥𑍁॑𑌨𑌗𑍍​𑌮𑍍 𑌰𑍀॒𑌢𑍍𑌵𑌮𑍍 ॥ 𑍭2 ॥
(𑌸𑍍𑌵॑𑌰𑍇𑌕॑-𑌞𑍍𑌚)

𑌅𑌨𑍁𑌵𑌾𑌕𑌃 1𑍯
𑌦𑌕𑍍𑌷𑌿𑌣𑌪𑍂𑌰𑍍𑌵-𑌸𑍍𑌯𑌾𑌨𑍍𑌦𑌿𑌶𑌿 𑌵𑌿𑌸॑𑌰𑍍𑌪𑍀 𑌨॒𑌰𑌕𑌃 । 𑌤𑌸𑍍𑌮𑌾𑌨𑍍𑌨𑌃 𑌪॑𑌰𑌿𑌪𑌾॒𑌹𑌿 । 𑌦𑌕𑍍𑌷𑌿𑌣𑌾-𑌪𑌰𑌸𑍍𑌯𑌾-𑌨𑍍𑌦𑌿𑌶𑍍𑌯 𑌵𑌿𑌸॑𑌰𑍍𑌪𑍀 𑌨॒𑌰𑌕𑌃 । 𑌤𑌸𑍍𑌮𑌾𑌨𑍍𑌨𑌃 𑌪॑𑌰𑌿𑌪𑌾॒𑌹𑌿 । 𑌉𑌤𑍍𑌤𑌰-𑌪𑍂𑌰𑍍𑌵𑌸𑍍𑌯𑌾-𑌨𑍍𑌦𑌿𑌶𑌿 𑌵𑌿𑌷𑌾॑𑌦𑍀 𑌨॒𑌰𑌕𑌃 । 𑌤𑌸𑍍𑌮𑌾𑌨𑍍𑌨𑌃 𑌪॑𑌰𑌿𑌪𑌾॒𑌹𑌿 । 𑌉𑌤𑍍𑌤𑌰𑌾-𑌪𑌰𑌸𑍍𑌯𑌾-𑌨𑍍𑌦𑌿𑌶𑍍𑌯 𑌵𑌿𑌷𑌾॑𑌦𑍀 𑌨॒𑌰𑌕𑌃 । 𑌤𑌸𑍍𑌮𑌾𑌨𑍍𑌨𑌃 𑌪॑𑌰𑌿𑌪𑌾॒𑌹𑌿 । 𑌆 𑌯𑌸𑍍𑌮𑌿𑌨𑍍𑌥𑍍​𑌸𑌪𑍍𑌤 𑌵𑌾𑌸𑌵𑌾 𑌇𑌨𑍍𑌦𑍍𑌰𑌿𑌯𑌾𑌣𑌿 𑌶𑌤𑌕𑍍𑌰𑌤॑ 𑌵𑌿𑌤𑍍𑌯𑍇॒𑌤𑍇 ॥ 𑍭3 ॥
(𑌦𑌕𑍍𑌷𑌿𑌣𑌪𑍂𑌰𑍍𑌵𑌸𑍍𑌯𑌾-𑌨𑍍𑌨𑌵॑)

𑌅𑌨𑍁𑌵𑌾𑌕𑌃 20
𑌇॒𑌨𑍍𑌦𑍍𑌰॒ 𑌘𑍋॒𑌷𑌾 𑌵𑍋॒ 𑌵𑌸𑍁॑𑌭𑌿𑌃 𑌪𑍁॒𑌰𑌸𑍍𑌤𑌾॒-𑌦𑍁𑌪॑𑌦𑌧𑌤𑌾𑌮𑍍 ।
𑌮𑌨𑍋॑𑌜𑌵𑌸𑍋 𑌵𑌃 𑌪𑌿॒𑌤𑍃𑌭𑌿॑-𑌰𑍍𑌦𑌕𑍍𑌷𑌿𑌣॒𑌤 𑌉𑌪॑𑌦𑌧𑌤𑌾𑌮𑍍 ।
𑌪𑍍𑌰𑌚𑍇॑𑌤𑌾 𑌵𑍋 𑌰𑍁॒𑌦𑍍𑌰𑍈𑌃 𑌪॒𑌶𑍍𑌚𑌾-𑌦𑍁𑌪॑𑌦𑌧𑌤𑌾𑌮𑍍 ।
𑌵𑌿॒𑌶𑍍𑌵𑌕॑𑌰𑍍𑌮𑌾 𑌵 𑌆𑌦𑌿॒𑌤𑍍𑌯𑍈-𑌰𑍁॑𑌤𑍍𑌤𑌰॒𑌤 𑌉𑌪॑𑌦𑌧𑌤𑌾𑌮𑍍 ।
𑌤𑍍𑌵𑌷𑍍𑌟𑌾॑ 𑌵𑍋 𑌰𑍂॒𑌪𑍈-𑌰𑍁॒𑌪𑌰𑌿॑𑌷𑍍𑌟𑌾॒-𑌦𑍁𑌪॑𑌦𑌧𑌤𑌾𑌮𑍍 । 𑌸𑍍
𑌅𑌞𑍍𑌜𑍍𑌞𑌾𑌨𑌂-𑌵𑌃 𑌁𑌪॑𑌶𑍍𑌚𑌾𑌦𑌿॒𑌤𑌿 । 𑌆॒𑌦𑌿॒𑌤𑍍𑌯-𑌸𑍍𑌸𑌰𑍍𑌵𑍋॒-𑌽𑌗𑍍𑌨𑌿𑌃 𑌪𑍃॑𑌥𑌿॒𑌵𑍍𑌯𑌾𑌮𑍍 । 𑌵𑌾॒𑌯𑍁𑌰॒𑌨𑍍𑌤𑌰𑌿॑𑌕𑍍𑌷𑍇 । 𑌸𑍂𑌰𑍍𑌯𑍋॑ 𑌦𑌿॒𑌵𑌿 । 𑌚॒𑌨𑍍𑌦𑍍𑌰𑌮𑌾॑ 𑌦𑌿॒𑌕𑍍𑌷𑍁 । 𑌨𑌕𑍍𑌷॑𑌤𑍍𑌰𑌾𑌣𑌿॒ 𑌸𑍍𑌵𑌲𑍋॒𑌕𑍇 । 𑌏॒𑌵𑌾 𑌹𑍍𑌯𑍇॑𑌵 । 𑌏॒𑌵𑌾 𑌹𑍍𑌯॑𑌗𑍍𑌨𑍇 । 𑌏॒𑌵𑌾 𑌹𑌿 𑌵𑌾॑𑌯𑍋 । 𑌏॒𑌵𑌾 𑌹𑍀᳚𑌨𑍍𑌦𑍍𑌰 । 𑌏॒𑌵𑌾 𑌹𑌿 𑌪𑍂॑𑌷𑌨𑍍𑌨𑍍 । 𑌏॒𑌵𑌾 𑌹𑌿 𑌦𑍇॑𑌵𑌾𑌃 ॥ 𑍭4 ॥
(𑌦𑌿॒𑌕𑍍𑌷𑍁 𑌸॒𑌪𑍍𑌤 𑌚॑)

𑌅𑌨𑍁𑌵𑌾𑌕𑌃 21
𑌆𑌪॑𑌮𑌾𑌪𑌾𑌮॒𑌪-𑌸𑍍𑌸𑌰𑍍𑌵𑌾𑌃᳚ । 𑌅॒𑌸𑍍𑌮𑌾-𑌦॒𑌸𑍍𑌮𑌾𑌦𑌿॒𑌤𑍋-𑌽𑌮𑍁𑌤𑌃॑ । 𑌅॒𑌗𑍍𑌨𑌿𑌰𑍍𑌵𑌾॒𑌯𑍁𑌶𑍍𑌚॒ 𑌸𑍂𑌰𑍍𑌯॑𑌶𑍍𑌚 । 𑌸॒𑌹 𑌸॑𑌞𑍍𑌚𑌸𑍍𑌕॒𑌰𑌰𑍍𑌧𑌿॑𑌯𑌾 । 𑌵𑌾॒𑌯𑍍𑌵𑌶𑍍𑌵𑌾॑ 𑌰𑌶𑍍𑌮𑌿॒ 𑌪𑌤॑𑌯𑌃 । 𑌮𑌰𑍀᳚𑌚𑍍𑌯𑌾𑌤𑍍𑌮𑌾𑌨𑍋॒ 𑌅𑌦𑍍𑌰𑍁॑𑌹𑌃 । 𑌦𑍇॒𑌵𑍀 𑌰𑍍𑌭𑍁॑𑌵𑌨॒ 𑌸𑍂𑌵॑𑌰𑍀𑌃 । 𑌪𑍁॒𑌤𑍍𑌰॒𑌵॒𑌵𑌾𑌯॑ 𑌮𑍇 𑌸𑍁𑌤 । 𑌮𑌹𑌾𑌨𑌾𑌮𑍍𑌨𑍀-𑌰𑍍𑌮॑𑌹𑌾𑌮𑌾॒𑌨𑌾𑌃 । 𑌮॒𑌹॒𑌸𑍋 𑌮॑𑌹𑌸॒𑌸𑍍𑌸𑍍𑌵𑌃॑ ॥ 𑍭5 ॥
𑌦𑍇॒𑌵𑍀𑌃 𑌪॑𑌰𑍍𑌜𑌨𑍍𑌯॒ 𑌸𑍂𑌵॑𑌰𑍀𑌃 । 𑌪𑍁॒𑌤𑍍𑌰॒𑌵॒𑌵𑌾𑌯॑ 𑌮𑍇 𑌸𑍁𑌤 । 𑌅॒𑌪𑌾𑌶𑍍𑌨𑍍𑌯𑍁॑𑌷𑍍𑌣𑌿-𑌮॒𑌪𑌾 𑌰𑌕𑍍𑌷𑌃॑ । 𑌅॒𑌪𑌾𑌶𑍍𑌨𑍍𑌯𑍁॑𑌷𑍍𑌣𑌿-𑌮॒𑌪𑌾 𑌰𑌘᳚𑌮𑍍 । 𑌅𑌪𑌾᳚𑌘𑍍𑌰𑌾॒𑌮𑌪॑ 𑌚𑌾॒𑌵𑌰𑍍𑌤𑌿᳚𑌮𑍍 । 𑌅𑌪॑ 𑌦𑍇॒𑌵𑍀𑌰𑌿॒𑌤𑍋 𑌹𑌿॑𑌤 । 𑌵𑌜𑍍𑌰॑-𑌨𑍍𑌦𑍇॒𑌵𑍀𑌰𑌜𑍀॑𑌤𑌾𑌗𑍍​𑌶𑍍𑌚 । 𑌭𑍁𑌵॑𑌨-𑌨𑍍𑌦𑍇𑌵॒ 𑌸𑍂𑌵॑𑌰𑍀𑌃 । 𑌆॒𑌦𑌿॒𑌤𑍍𑌯𑌾𑌨𑌦𑌿॑𑌤𑌿-𑌨𑍍𑌦𑍇॒𑌵𑍀𑌮𑍍 । 𑌯𑍋𑌨𑌿॑𑌨𑍋𑌰𑍍𑌧𑍍𑌵-𑌮𑍁॒𑌦𑍀𑌷॑𑌤 ॥ 𑍭6 ॥
𑌭॒𑌦𑍍𑌰-𑌙𑍍𑌕𑌰𑍍𑌣𑍇॑𑌭𑌿-𑌶𑍍𑌶𑍃𑌣𑍁॒𑌯𑌾𑌮॑ 𑌦𑍇𑌵𑌾𑌃 । 𑌭॒𑌦𑍍𑌰-𑌮𑍍𑌪॑𑌶𑍍𑌯𑍇𑌮𑌾॒𑌕𑍍𑌷𑌭𑌿॒-𑌰𑍍𑌯𑌜॑𑌤𑍍𑌰𑌾𑌃 । 𑌸𑍍𑌥𑌿॒𑌰𑍈𑌰𑌙𑍍𑌗𑍈᳚ 𑌸𑍍𑌤𑍁𑌷𑍍𑌟𑍁॒𑌵𑌾𑌗𑍍​𑌮𑍍 𑌸॑𑌸𑍍𑌤॒𑌨𑍂𑌭𑌿𑌃॑ । 𑌵𑍍𑌯𑌶𑍇॑𑌮 𑌦𑍇॒𑌵𑌹𑌿॑𑌤𑌂॒-𑌯𑌁𑌦𑌾𑌯𑍁𑌃॑ । 𑌸𑍍𑌵॒𑌸𑍍𑌤𑌿 𑌨॒ 𑌇𑌨𑍍𑌦𑍍𑌰𑍋॑ 𑌵𑍃॒𑌦𑍍𑌧𑌶𑍍𑌰॑𑌵𑌾𑌃 । 𑌸𑍍𑌵॒𑌸𑍍𑌤𑌿 𑌨𑌃॑ 𑌪𑍂॒𑌷𑌾 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌸𑍍𑌵॒𑌸𑍍𑌤𑌿 𑌨॒𑌸𑍍𑌤𑌾𑌰𑍍𑌕𑍍𑌷𑍍𑌯𑍋॒ 𑌅𑌰𑌿॑𑌷𑍍𑌟𑌨𑍇𑌮𑌿𑌃 । 𑌸𑍍𑌵॒𑌸𑍍𑌤𑌿 𑌨𑍋॒ 𑌬𑍃𑌹॒𑌸𑍍𑌪𑌤𑌿॑-𑌰𑍍𑌦𑌧𑌾𑌤𑍁 । 𑌕𑍇॒𑌤𑌵𑍋॒ 𑌅𑌰𑍁॑𑌣𑌾𑌸𑌶𑍍𑌚 । 𑌋॒𑌷॒𑌯𑍋 𑌵𑌾𑌤॑𑌰𑌶॒𑌨𑌾𑌃। 𑌪𑍍𑌰॒𑌤𑌿॒𑌷𑍍𑌠𑌾𑌗𑍍​𑌮𑍍 𑌶॒𑌤𑌧𑌾॑ 𑌹𑌿 । 𑌸॒𑌮𑌾𑌹𑌿॑𑌤𑌾𑌸𑍋 𑌸𑌹𑌸𑍍𑌰॒𑌧𑌾𑌯॑𑌸𑌮𑍍 ॥ 𑌶𑌿॒𑌵𑌾 𑌨॒-𑌶𑍍𑌶𑌨𑍍𑌤॑𑌮𑌾 𑌭𑌵𑌨𑍍𑌤𑍁 । 𑌦𑌿॒𑌵𑍍𑌯𑌾 𑌆𑌪॒ 𑌓𑌷॑𑌧𑌯𑌃 ॥ 𑌸𑍁॒𑌮𑍃॒𑌡𑍀॒𑌕𑌾 𑌸𑌰॑𑌸𑍍𑌵𑌤𑌿 । 𑌮𑌾𑌤𑍇॒ 𑌵𑍍𑌯𑍋॑𑌮 𑌸॒𑌨𑍍𑌦𑍃𑌶𑌿॑ ॥ 𑍭𑍭 ॥
(𑌸𑍍𑌵॑ - 𑌰𑍁॒𑌦𑍀𑌷॑𑌤॒ - 𑌵𑌾𑌤॑𑌰𑌶॒𑌨𑌾-𑌷𑍍𑌷𑌟𑍍𑌚॑)

𑌅𑌨𑍁𑌵𑌾𑌕𑌃 22
𑌯𑍋॑-𑌽𑌪𑌾-𑌮𑍍𑌪𑍁𑌷𑍍𑌪𑌂॒-𑌵𑍇𑌁𑌦॑ । 𑌪𑍁𑌷𑍍𑌪॑𑌵𑌾-𑌨𑍍𑌪𑍍𑌰॒𑌜𑌾𑌵𑌾᳚-𑌨𑍍𑌪𑌶𑍁॒𑌮𑌾-𑌨𑍍𑌭॑𑌵𑌤𑌿 । 𑌚॒𑌨𑍍𑌦𑍍𑌰𑌮𑌾॒ 𑌵𑌾 𑌅॒𑌪𑌾-𑌮𑍍𑌪𑍁𑌷𑍍𑌪᳚𑌮𑍍 । 𑌪𑍁𑌷𑍍𑌪॑𑌵𑌾-𑌨𑍍𑌪𑍍𑌰॒𑌜𑌾𑌵𑌾᳚-𑌨𑍍𑌪𑌶𑍁॒𑌮𑌾-𑌨𑍍𑌭॑𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌯𑍋॑-𑌽𑌪𑌾𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌅॒𑌗𑍍𑌨𑌿𑌰𑍍𑌵𑌾 𑌅॒𑌪𑌾𑌮𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯𑍋᳚-𑌽𑌗𑍍𑌨𑍇𑌰𑌾॒𑌯𑌤॑𑌨𑌂॒-𑌵𑍇𑌁𑌦॑ ॥ 𑍭𑍮 ॥
𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌆𑌪𑍋॒ 𑌵𑌾 𑌅॒𑌗𑍍𑌨𑍇𑌰𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌯𑍋॑-𑌽𑌪𑌾𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌵𑌾॒𑌯𑍁𑌰𑍍𑌵𑌾 𑌅॒𑌪𑌾𑌮𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯𑍋 𑌵𑌾॒𑌯𑍋𑌰𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 ॥ 𑍭𑍯 ॥
𑌆𑌪𑍋॒ 𑌵𑍈 𑌵𑌾॒𑌯𑍋𑌰𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌯𑍋॑-𑌽𑌪𑌾𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌅॒𑌸𑍌 𑌵𑍈 𑌤𑌪॑𑌨𑍍𑌨॒𑌪𑌾-𑌮𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯𑍋॑-𑌽𑌮𑍁𑌷𑍍𑌯॒-𑌤𑌪॑𑌤 𑌆॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌆𑌪𑍋॒𑌵𑌾 𑌅॒𑌮𑍁𑌷𑍍𑌯॒-𑌤𑌪॑𑌤 𑌆॒𑌯𑌤॑𑌨𑌮𑍍 ॥ 𑍮0 ॥
𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌯𑍋॑-𑌽𑌪𑌾𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌚॒𑌨𑍍𑌦𑍍𑌰𑌮𑌾॒ 𑌵𑌾 𑌅॒𑌪𑌾𑌮𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯𑌶𑍍𑌚॒𑌨𑍍𑌦𑍍𑌰𑌮॑𑌸 𑌆॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌆𑌪𑍋॒ 𑌵𑍈 𑌚॒𑌨𑍍𑌦𑍍𑌰𑌮॑𑌸 𑌆॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 ॥ 𑍮1 ॥
𑌯 𑌏॒𑌵𑌂-𑌵𑍇𑌁𑌦॑ ॥ 𑌯𑍋॑-𑌽𑌪𑌾𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌨𑌕𑍍𑌷॑𑌤𑍍𑌰𑌾𑌣𑌿॒ 𑌵𑌾 𑌅॒𑌪𑌾𑌮𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯𑍋 𑌨𑌕𑍍𑌷॑𑌤𑍍𑌰𑌾𑌣𑌾-𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌆𑌪𑍋॒ 𑌵𑍈 𑌨𑌕𑍍𑌷॑𑌤𑍍𑌰𑌾𑌣𑌾-𑌮𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑍮2 ॥
𑌯𑍋॑-𑌽𑌪𑌾𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌪॒𑌰𑍍𑌜𑌨𑍍𑌯𑍋॒ 𑌵𑌾 𑌅॒𑌪𑌾𑌮𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯𑌃 𑌪॒𑌰𑍍𑌜𑌨𑍍𑌯॑-𑌸𑍍𑌯𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌆𑌪𑍋॒ 𑌵𑍈 𑌪॒𑌰𑍍𑌜𑌨𑍍𑌯॑-𑌸𑍍𑌯𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌯𑍋॑-𑌽𑌪𑌾𑌮𑌾॒𑌯𑌤॑𑌨𑌂॒-𑌵𑍇𑌁𑌦॑ ॥ 𑍮3 ॥
𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌸𑌂॒​𑌵𑌁॒𑌥𑍍𑌸॒𑌰𑍋 𑌵𑌾 𑌅॒𑌪𑌾𑌮𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯-𑌸𑍍𑌸𑌂॑​𑌵𑌁𑌥𑍍𑌸॒𑌰-𑌸𑍍𑌯𑌾॒𑌯𑌤॑𑌨𑌂॒-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌆𑌪𑍋॒ 𑌵𑍈 𑌸𑌂॑​𑌵𑌁𑌥𑍍𑌸॒𑌰-𑌸𑍍𑌯𑌾॒𑌯𑌤॑𑌨𑌮𑍍 । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌯𑍋᳚-𑌽𑌫𑍍𑌸𑍁 𑌨𑌾𑌵॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑌾𑌂॒-𑌵𑍇𑌁𑌦॑ । 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 । 𑍮4 ।
𑌇॒𑌮𑍇 𑌵𑍈 𑌲𑍋॒𑌕𑌾 𑌅॒𑌫𑍍𑌸𑍁 𑌪𑍍𑌰𑌤𑌿॑𑌷𑍍𑌠𑌿𑌤𑌾𑌃 । 𑌤𑌦𑍇॒𑌷𑌾-𑌽𑌭𑍍𑌯𑌨𑍂᳚𑌕𑍍𑌤𑌾 ।
𑌅॒𑌪𑌾𑌗𑍍​𑌮𑍍 𑌰𑌸॒𑌮𑍁𑌦॑𑌯𑌗𑍍​𑌮𑍍𑌸𑌨𑍍𑌨𑍍 । 𑌸𑍂𑌰𑍍𑌯𑍇॑ 𑌶𑍁॒𑌕𑍍𑌰𑌗𑍍​𑌮𑍍 𑌸॒𑌮𑌾𑌭𑍃॑𑌤𑌮𑍍 । 𑌅॒𑌪𑌾𑌗𑍍​𑌮𑍍 𑌰𑌸॑𑌸𑍍𑌯॒ 𑌯𑍋 𑌰𑌸𑌃॑ । 𑌤𑌂-𑌵𑍋𑌁॑ 𑌗𑍃𑌹𑍍𑌣𑌾-𑌮𑍍𑌯𑍁𑌤𑍍𑌤॒𑌮𑌮𑌿𑌤𑌿॑ । 𑌇॒𑌮𑍇 𑌵𑍈 𑌲𑍋॒𑌕𑌾 𑌅॒𑌪𑌾𑌗𑍍​𑌮𑍍 𑌰𑌸𑌃॑ । 𑌤𑍇॑-𑌽𑌮𑍁𑌷𑍍𑌮𑌿॑-𑌨𑍍𑌨𑌾𑌦𑌿॒𑌤𑍍𑌯𑍇 𑌸॒𑌮𑌾𑌭॑𑌤𑌾𑌃 । 𑌜𑌾॒𑌨𑍁॒𑌦॒𑌘𑍍𑌨𑍀-𑌮𑍁॑𑌤𑍍𑌤𑌰-𑌵𑍇॒𑌦𑍀𑌙𑍍𑌖𑌾॒𑌤𑍍𑌵𑌾 । 𑌅॒𑌪𑌾-𑌮𑍍𑌪𑍂॑𑌰𑌯𑌿॒𑌤𑍍𑌵𑌾 𑌗𑍁॑𑌲𑍍𑌫𑌦॒𑌘𑍍𑌨𑌮𑍍 ॥ 𑍮5 ।
𑌪𑍁𑌷𑍍𑌕𑌰𑌪𑌰𑍍𑌣𑍈𑌃 𑌪𑍁𑌷𑍍𑌕𑌰𑌦𑌣𑍍𑌡𑍈𑌃 𑌪𑍁𑌷𑍍𑌕𑌰𑍈𑌶𑍍𑌚॑ 𑌸𑌗𑍍𑌗𑍍​𑌸𑍍𑌤𑍀॒𑌰𑍍𑌯 । 𑌤𑌸𑍍𑌮𑌿॑𑌨𑍍. 𑌵𑌿𑌹𑌾॒𑌯𑌸𑍇 । 𑌅॒𑌗𑍍𑌨𑌿-𑌮𑍍𑌪𑍍𑌰॒𑌣𑍀𑌯𑍋॑𑌪-𑌸𑌮𑌾॒𑌧𑌾𑌯॑ । 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌕𑌸𑍍𑌮𑌾᳚-𑌤𑍍𑌪𑍍𑌰𑌣𑍀॒𑌤𑍇-𑌽𑌯-𑌮॒𑌗𑍍𑌨𑌿𑌶𑍍𑌚𑍀॒𑌯𑌤𑍇᳚ । 𑌸𑌾𑌪𑍍𑌪𑍍𑌰॑𑌣𑍀॒𑌤𑍇-𑌽𑌯𑌮॒𑌫𑍍𑌸𑍁 𑌹𑍍𑌯𑌯॑𑌞𑍍𑌚𑍀॒𑌯𑌤𑍇᳚ । 𑌅॒𑌸𑍌 𑌭𑍁𑌵॑𑌨𑍇॒-𑌽𑌪𑍍𑌯-𑌨𑌾॑𑌹𑌿𑌤𑌾𑌗𑍍𑌨𑌿-𑌰𑍇॒𑌤𑌾𑌃 । 𑌤𑌮॒𑌭𑌿𑌤॑ 𑌏॒𑌤𑌾 𑌅॒𑌭𑍀𑌷𑍍𑌟॑𑌕𑌾॒ 𑌉𑌪॑𑌦𑌧𑌾𑌤𑌿 । 𑌅॒𑌗𑍍𑌨𑌿॒𑌹𑍋॒𑌤𑍍𑌰𑍇 𑌦॑𑌰𑍍​𑌶𑌪𑍂𑌰𑍍𑌣-𑌮𑌾॒𑌸𑌯𑍋𑌃᳚ । 𑌪॒𑌶𑍁॒𑌬॒𑌨𑍍𑌧𑍇 𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑍇𑌷𑍁॑ ॥ 𑍮6 ॥
𑌅𑌥𑍋॑ 𑌆𑌹𑍁𑌃 । 𑌸𑌰𑍍𑌵𑍇॑𑌷𑍁 𑌯𑌜𑍍𑌞𑌕𑍍𑌰॒𑌤𑍁𑌷𑍍𑌵𑌿𑌤𑌿॑ । 𑌏॒𑌤𑌦𑍍𑌧॑ 𑌸𑍍𑌮॒ 𑌵𑌾 𑌆॑𑌹𑍁-𑌶𑍍𑌶𑌣𑍍𑌡𑌿॒𑌲𑌾𑌃 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌸॒𑌤𑍍𑌰𑌿॒𑌯-𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌸𑌂॒​𑌵𑌁॒𑌥𑍍𑌸॒𑌰-𑌮𑍍𑌪𑍍𑌰॒𑌤𑍍𑌯𑌕𑍍𑌷𑍇॑𑌣 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌸𑌾॒𑌵𑌿॒𑌤𑍍𑌰-𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌅॒𑌮𑍁𑌮𑌾॑𑌦𑌿॒𑌤𑍍𑌯-𑌮𑍍𑌪𑍍𑌰॒𑌤𑍍𑌯𑌕𑍍𑌷𑍇॑𑌣 ॥ 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 ॥ 𑍮𑍭 ।
𑌨𑌾॒𑌚𑌿॒𑌕𑍇॒𑌤-𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌪𑍍𑌰𑌾॒𑌣𑌾-𑌨𑍍𑌪𑍍𑌰॒𑌤𑍍𑌯𑌕𑍍𑌷𑍇॑𑌣 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌚𑌾॒𑌤𑍁॒𑌰𑍍॒𑌹𑍋॒𑌤𑍍𑌰𑌿॒𑌯-𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌬𑍍𑌰𑌹𑍍𑌮॑ 𑌪𑍍𑌰॒𑌤𑍍𑌯𑌕𑍍𑌷𑍇॑𑌣 ॥ 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌵𑍈॒𑌶𑍍𑌵॒𑌸𑍃॒𑌜-𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌶𑌰𑍀॑𑌰-𑌮𑍍𑌪𑍍𑌰॒𑌤𑍍𑌯𑌕𑍍𑌷𑍇॑𑌣 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌉॒𑌪𑌾॒𑌨𑍁॒𑌵𑌾॒𑌕𑍍𑌯॑𑌮𑌾॒𑌶𑍁-𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 ॥ 𑍮𑍮 ॥
𑌇॒𑌮𑌾𑌨𑍍 𑌁𑌲𑍋॒𑌕𑌾-𑌨𑍍𑌪𑍍𑌰॒𑌤𑍍𑌯𑌕𑍍𑌷𑍇॑𑌣 ॥ 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌇॒𑌮𑌮𑌾॑𑌰𑍁𑌣-𑌕𑍇𑌤𑍁𑌕-𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨 𑌇𑌤𑌿॑ । 𑌯 𑌏॒𑌵𑌾𑌸𑍌 । 𑌇॒𑌤𑌶𑍍𑌚𑌾॒-𑌮𑍁𑌤॑𑌶𑍍𑌚𑌾-𑌵𑍍𑌯𑌤𑍀𑌪𑌾॒𑌤𑍀 । 𑌤𑌮𑌿𑌤𑌿॑ ॥ 𑌯𑍋᳚-𑌽𑌗𑍍𑌨𑍇𑌰𑍍𑌮𑌿॑𑌥𑍂॒𑌯𑌾 𑌵𑍇𑌦॑ । 𑌮𑌿॒𑌥𑍁॒𑌨॒𑌵𑌾-𑌨𑍍𑌭॑𑌵𑌤𑌿 । 𑌆𑌪𑍋॒ 𑌵𑌾 𑌅॒𑌗𑍍𑌨𑍇𑌰𑍍𑌮𑌿॑𑌥𑍂॒𑌯𑌾𑌃 । 𑌮𑌿॒𑌥𑍁॒𑌨॒𑌵𑌾-𑌨𑍍𑌭॑𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑍮𑍯 ॥
(𑌵𑍇𑌦॑ - 𑌭𑌵 - 𑌤𑍍𑌯𑌾॒𑌯𑌤॑𑌨𑌂 - 𑌭𑌵𑌤𑌿॒ - 𑌵𑍇𑌦॒ - 𑌵𑍇𑌦॑ - 𑌤𑌿𑌷𑍍𑌠𑌤𑌿 - 𑌗𑍁𑌲𑍍𑌫𑌦॒𑌘𑍍𑌨𑌂 - 𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑍇 - 𑌷𑍍𑌵॒𑌮𑍁𑌮𑌾॑𑌦𑌿॒𑌤𑍍𑌯-𑌮𑍍𑌪𑍍𑌰॒𑌤𑍍𑌯𑌕𑍍𑌷𑍇॑𑌣॒ 𑌕𑌮॒𑌗𑍍𑌨𑌿-𑌞𑍍𑌚𑌿॑𑌨𑍁𑌤 - 𑌉𑌪𑌾𑌨𑍁𑌵𑌾॒𑌕𑍍𑌯॑𑌮𑌾॒𑌶𑍁𑌮॒𑌗𑍍𑌨𑌿-𑌞𑍍𑌚𑌿॑𑌨𑍍𑌵𑌾॒𑌨𑍋 - 𑌮𑌿॑𑌥𑍂॒𑌯𑌾 𑌮𑌿॑𑌥𑍁𑌨॒𑌵𑌾-𑌨𑍍𑌭॑𑌵॒𑌤𑍍𑌯𑍇𑌕॑-𑌞𑍍𑌚)

𑌅𑌨𑍁𑌵𑌾𑌕𑌃 23
𑌆𑌪𑍋॒ 𑌵𑌾 𑌇॒𑌦𑌮𑌾॑𑌸𑌨𑍍-𑌥𑍍𑌸𑌲𑌿॒𑌲𑌮𑍇॒𑌵 । 𑌸 𑌪𑍍𑌰॒𑌜𑌾𑌪॑𑌤𑌿॒𑌰𑍇𑌕𑌃॑ 𑌪𑍁𑌷𑍍𑌕𑌰𑌪॒𑌰𑍍𑌣𑍇 𑌸𑌮॑𑌭𑌵𑌤𑍍 । 𑌤𑌸𑍍𑌯𑌾𑌨𑍍𑌤॒-𑌰𑍍𑌮𑌨॑𑌸𑌿 𑌕𑌾𑌮॒-𑌸𑍍𑌸𑌮॑𑌵𑌰𑍍𑌤𑌤 । 𑌇॒𑌦𑌗𑍍​𑌮𑍍 𑌸𑍃॑𑌜𑍇𑌯॒𑌮𑌿𑌤𑌿॑ । 𑌤𑌸𑍍𑌮𑌾॒𑌦𑍍𑌯-𑌤𑍍𑌪𑍁𑌰𑍁॑𑌷𑍋॒ 𑌮𑌨॑𑌸𑌾-𑌽𑌭𑌿॒𑌗𑌚𑍍𑌛॑𑌤𑌿 । 𑌤𑌦𑍍𑌵𑌾॒𑌚𑌾 𑌵॑𑌦𑌤𑌿 । 𑌤𑌤𑍍𑌕𑌰𑍍𑌮॑𑌣𑌾 𑌕𑌰𑍋𑌤𑌿 । 𑌤𑌦𑍇॒𑌷𑌾 𑌽𑌭𑍍𑌯𑌨𑍂᳚𑌕𑍍𑌤𑌾 । 𑌕𑌾𑌮॒𑌸𑍍𑌤𑌦𑌗𑍍𑌰𑍇॒ 𑌸𑌮॑𑌵𑌰𑍍𑌤॒𑌤𑌾𑌧𑌿॑ । 𑌮𑌨॑𑌸𑍋॒ 𑌰𑍇𑌤𑌃॑ 𑌪𑍍𑌰𑌥॒𑌮𑌂-𑌯𑌁𑌦𑌾𑌸𑍀᳚𑌤𑍍 ॥ 𑍯0 ॥
𑌸॒𑌤𑍋 𑌬𑌨𑍍𑌧𑍁॒𑌮𑌸॑𑌤𑌿॒ 𑌨𑌿𑌰॑𑌵𑌿𑌨𑍍𑌦𑌨𑍍𑌨𑍍 । 𑌹𑍃॒𑌦𑌿 𑌪𑍍𑌰॒𑌤𑍀𑌷𑍍𑌯𑌾॑ 𑌕॒𑌵𑌯𑍋॑ 𑌮𑌨𑍀॒𑌷𑍇𑌤𑌿॑ । 𑌉𑌪𑍈॑𑌨॒𑌨𑍍𑌤𑌦𑍁𑌪॑𑌨𑌮𑌤𑌿 । 𑌯-𑌤𑍍𑌕𑌾॑𑌮𑍋॒ 𑌭𑌵॑𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌤𑌪॑𑌸𑍍𑌤॒𑌪𑍍𑌤𑍍𑌵𑌾 । 𑌶𑌰𑍀॑𑌰𑌮𑌧𑍂𑌨𑍁𑌤 । 𑌤𑌸𑍍𑌯॒ 𑌯-𑌨𑍍𑌮𑌾॒𑌗𑍍​𑌮𑍍॒𑌸𑌮𑌾𑌸𑍀᳚𑌤𑍍 । 𑌤𑌤𑍋॑-𑌽𑌰𑍁॒𑌣𑌾𑌃 𑌕𑍇॒𑌤𑌵𑍋॒ 𑌵𑌾𑌤॑𑌰𑌶॒𑌨𑌾 𑌋𑌷॑𑌯॒ 𑌉𑌦॑𑌤𑌿𑌷𑍍𑌠𑌨𑍍𑌨𑍍 ॥ 𑍯1 ॥
𑌯𑍇 𑌨𑌖𑌾𑌃᳚ । 𑌤𑍇 𑌵𑍈॑𑌖𑌾𑌨॒𑌸𑌾𑌃 । 𑌯𑍇 𑌵𑌾𑌲𑌾𑌃᳚ । 𑌤𑍇 𑌵𑌾॑𑌲𑌖𑌿॒𑌲𑍍𑌯𑌾𑌃 । 𑌯𑍋 𑌰𑌸𑌃॑ । 𑌸𑍋॑-𑌽𑌪𑌾𑌮𑍍 । 𑌅॒𑌨𑍍𑌤॒𑌰॒𑌤𑌃 𑌕𑍂॒𑌰𑍍𑌮-𑌮𑍍𑌭𑍂॒𑌤𑌗𑍍​𑌮𑍍 𑌸𑌰𑍍𑌪॑𑌨𑍍𑌤𑌮𑍍 । 𑌤𑌮॑𑌬𑍍𑌰𑌵𑍀𑌤𑍍 । 𑌮𑌮॒ 𑌵𑍈 𑌤𑍍𑌵𑌂-𑌮𑌾॒𑌗𑍍​𑌮𑍍॒𑌸𑌾 । 𑌸𑌮॑𑌭𑍂𑌤𑍍 ॥ 𑍯2 ॥
𑌨𑍇𑌤𑍍𑌯॑𑌬𑍍𑌰𑌵𑍀𑌤𑍍 । 𑌪𑍂𑌰𑍍𑌵॑𑌮𑍇॒𑌵𑌾𑌹-𑌮𑌿॒𑌹𑌾𑌸॒𑌮𑌿𑌤𑌿॑ । 𑌤𑌤𑍍𑌪𑍁𑌰𑍁॑𑌷𑌸𑍍𑌯 𑌪𑍁𑌰𑍁𑌷॒𑌤𑍍𑌵𑌮𑍍 । 𑌸 𑌸॒𑌹𑌸𑍍𑌰॑𑌶𑍀𑌰𑍍​𑌷𑌾॒ 𑌪𑍁𑌰𑍁॑𑌷𑌃 । 𑌸॒𑌹॒𑌸𑍍𑌰𑌾॒𑌕𑍍𑌷-𑌸𑍍𑌸॒𑌹𑌸𑍍𑌰॑𑌪𑌾𑌤𑍍 । 𑌭𑍂॒𑌤𑍍𑌵𑍋𑌦॑𑌤𑌿𑌷𑍍𑌠𑌤𑍍 । 𑌤𑌮॑𑌬𑍍𑌰𑌵𑍀𑌤𑍍 । 𑌤𑍍𑌵𑌂-𑌵𑍈𑌁 𑌪𑍂𑌰𑍍𑌵𑌗𑍍​𑌮𑍍॑ 𑌸𑌮॑𑌭𑍂𑌃 । 𑌤𑍍𑌵𑌮𑌿॒𑌦-𑌮𑍍𑌪𑍂𑌰𑍍𑌵𑌃॑ 𑌕𑍁𑌰𑍁॒𑌷𑍍𑌵𑍇𑌤𑌿॑ । 𑌸 𑌇॒𑌤 𑌆॒𑌦𑌾𑌯𑌾𑌪𑌃॑ ॥ 𑍯3 ॥
𑌅॒𑌞𑍍𑌜॒𑌲𑌿𑌨𑌾॑ 𑌪𑍁॒𑌰𑌸𑍍𑌤𑌾॑-𑌦𑍁॒𑌪𑌾𑌦॑𑌧𑌾𑌤𑍍 । 𑌏॒𑌵𑌾 𑌹𑍍𑌯𑍇॒𑌵𑍇𑌤𑌿॑ । 𑌤𑌤॑ 𑌆𑌦𑌿॒𑌤𑍍𑌯 𑌉𑌦॑𑌤𑌿𑌷𑍍𑌠𑌤𑍍 । 𑌸𑌾 𑌪𑍍𑌰𑌾𑌚𑍀॒ 𑌦𑌿𑌕𑍍 । 𑌅𑌥𑌾॑𑌰𑍁॒𑌣𑌃 𑌕𑍇॒𑌤𑍁-𑌰𑍍𑌦॑𑌕𑍍𑌷𑌿𑌣॒𑌤 𑌉॒𑌪𑌾𑌦॑𑌧𑌾𑌤𑍍 । 𑌏॒𑌵𑌾 𑌹𑍍𑌯𑌗𑍍𑌨॒ 𑌇𑌤𑌿॑ । 𑌤𑌤𑍋॒ 𑌵𑌾 𑌅॒𑌗𑍍𑌨𑌿𑌰𑍁𑌦॑𑌤𑌿𑌷𑍍𑌠𑌤𑍍 । 𑌸𑌾 𑌦॑𑌕𑍍𑌷𑌿॒𑌣𑌾 𑌦𑌿𑌕𑍍 । 𑌅𑌥𑌾॑𑌰𑍁॒𑌣𑌃 𑌕𑍇॒𑌤𑍁𑌃 𑌪॒𑌶𑍍𑌚𑌾𑌦𑍁॒𑌪𑌾𑌦॑𑌧𑌾𑌤𑍍 । 𑌏॒𑌵𑌾 𑌹𑌿 𑌵𑌾𑌯𑍋॒ 𑌇𑌤𑌿॑ ॥ 𑍯4 ॥
𑌤𑌤𑍋॑ 𑌵𑌾॒𑌯𑍁𑌰𑍁𑌦॑𑌤𑌿𑌷𑍍𑌠𑌤𑍍 । 𑌸𑌾 𑌪𑍍𑌰॒𑌤𑍀𑌚𑍀॒ 𑌦𑌿𑌕𑍍 । 𑌅𑌥𑌾॑𑌰𑍁॒𑌣𑌃 𑌕𑍇॒𑌤𑍁-𑌰𑍁॑𑌤𑍍𑌤𑌰॒𑌤 𑌉॒𑌪𑌾𑌦॑𑌧𑌾𑌤𑍍 । 𑌏॒𑌵𑌾 𑌹𑍀𑌨𑍍𑌦𑍍𑌰𑍇𑌤𑌿॑ । 𑌤𑌤𑍋॒ 𑌵𑌾 𑌇𑌨𑍍𑌦𑍍𑌰॒ 𑌉𑌦॑𑌤𑌿𑌷𑍍𑌠𑌤𑍍 । 𑌸𑍋𑌦𑍀॑𑌚𑍀॒ 𑌦𑌿𑌕𑍍 । 𑌅𑌥𑌾॑𑌰𑍁॒𑌣𑌃 𑌕𑍇॒𑌤𑍁-𑌰𑍍𑌮𑌦𑍍𑌧𑍍𑌯॑ 𑌉॒𑌪𑌾𑌦॑𑌧𑌾𑌤𑍍 । 𑌏॒𑌵𑌾 𑌹𑌿 𑌪𑍂𑌷॒𑌨𑍍𑌨𑌿𑌤𑌿॑ । 𑌤𑌤𑍋॒ 𑌵𑍈 𑌪𑍂॒𑌷𑍋𑌦॑𑌤𑌿𑌷𑍍𑌠𑌤𑍍 । 𑌸𑍇𑌯𑌨𑍍𑌦𑌿𑌕𑍍 । 𑍯5 ।
𑌅𑌥𑌾॑𑌰𑍁॒𑌣𑌃 𑌕𑍇॒𑌤𑍁𑌰𑍁॒𑌪𑌰𑌿॑𑌷𑍍𑌟𑌾-𑌦𑍁॒𑌪𑌾𑌦॑𑌧𑌾𑌤𑍍 । 𑌏॒𑌵𑌾 𑌹𑌿 𑌦𑍇𑌵𑌾॒ 𑌇𑌤𑌿॑ । 𑌤𑌤𑍋॑ 𑌦𑍇𑌵 𑌮𑌨𑍁॒𑌷𑍍𑌯𑌾𑌃 𑌪𑌿॒𑌤𑌰𑌃॑ । 𑌗॒𑌨𑍍𑌧॒𑌰𑍍𑌵𑌾॒-𑌫𑍍𑌸॒𑌰𑌸॒ 𑌶𑍍𑌚𑍋𑌦॑-𑌤𑌿𑌷𑍍𑌠𑌨𑍍𑌨𑍍 । 𑌸𑍋𑌰𑍍𑌧𑍍𑌵𑌾 𑌦𑌿𑌕𑍍 । 𑌯𑌾 𑌵𑌿॒𑌪𑍍𑌰𑍁𑌷𑍋॑ 𑌵𑌿॒𑌪𑌰𑌾॑𑌪𑌤𑌨𑍍𑌨𑍍 । 𑌤𑌾𑌭𑍍𑌯𑍋-𑌽𑌸𑍁॑𑌰𑌾॒ 𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌪𑌿𑌶𑌾॒𑌚𑌾𑌶𑍍𑌚𑍋-𑌦॑𑌤𑌿𑌷𑍍𑌠𑌨𑍍𑌨𑍍 । 𑌤𑌸𑍍𑌮𑌾॒𑌤𑍍𑌤𑍇 𑌪𑌰𑌾॑𑌭𑌵𑌨𑍍𑌨𑍍 । 𑌵𑌿॒𑌪𑍍𑌰𑍁𑌡𑍍𑌭𑍍𑌯𑍋॒ 𑌹𑌿 𑌤𑍇 𑌸𑌮॑𑌭𑌵𑌨𑍍𑌨𑍍 । 𑌤𑌦𑍇॒𑌷𑌾-𑌽𑌭𑍍𑌯𑌨𑍂᳚𑌕𑍍𑌤𑌾 ॥ 𑍯6 ॥
𑌆𑌪𑍋॑ 𑌹॒ 𑌯-𑌦𑍍𑌬𑍃॑𑌹॒𑌤𑍀-𑌰𑍍𑌗𑌰𑍍𑌭॒𑌮𑌾𑌯𑌨𑍍𑌨𑍍॑ । 𑌦𑌕𑍍𑌷॒-𑌨𑍍𑌦𑌧𑌾॑𑌨𑌾 𑌜॒𑌨𑌯॑𑌨𑍍𑌤𑍀-𑌸𑍍𑌸𑍍𑌵𑌯॒𑌮𑍍𑌭𑍁𑌮𑍍 । 𑌤𑌤॑ 𑌇॒𑌮𑍇-𑌽𑌦𑍍𑌧𑍍𑌯-𑌸𑍃॑𑌜𑍍𑌯𑌨𑍍𑌤॒ 𑌸𑌰𑍍𑌗𑌾𑌃᳚ । 𑌅𑌦𑍍𑌭𑍍𑌯𑍋॒ 𑌵𑌾 𑌇॒𑌦𑌗𑍍​𑌮𑍍 𑌸𑌮॑𑌭𑍂𑌤𑍍 । 𑌤𑌸𑍍𑌮𑌾॑𑌦𑌿॒𑌦𑌗𑍍​𑌮𑍍 𑌸𑌰𑍍𑌵॒-𑌮𑍍𑌬𑍍𑌰𑌹𑍍𑌮॑ 𑌸𑍍𑌵𑌯॒𑌭𑍍𑌵𑌿𑌨𑍍𑌤𑌿॑ । 𑌤𑌸𑍍𑌮𑌾॑𑌦𑌿॒𑌦𑌗𑍍​𑌮𑍍 𑌸𑌰𑍍𑌵॒𑌗𑍍​𑌮𑍍॒ 𑌶𑌿𑌥𑌿॑𑌲-𑌮𑌿॒𑌵𑌾 𑌧𑍍𑌰𑍁𑌵॑-𑌮𑌿𑌵𑌾𑌭𑌵𑌤𑍍 । 𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌵𑌾𑌵 𑌤𑌤𑍍 । 𑌆॒𑌤𑍍𑌮𑌨𑌾॒-𑌽𑌽𑌤𑍍𑌮𑌾𑌨𑌂॑-𑌵𑌿𑌁॒𑌧𑌾𑌯॑ । 𑌤𑌦𑍇॒𑌵𑌾𑌨𑍁॒ 𑌪𑍍𑌰𑌾𑌵𑌿॑𑌶𑌤𑍍 ॥ 𑌤𑌦𑍇॒𑌷𑌾-𑌽𑌭𑍍𑌯𑌨𑍂᳚𑌕𑍍𑌤𑌾 ॥ 𑍯𑍭 ॥
𑌵𑌿॒𑌧𑌾𑌯॑ 𑌲𑍋॒𑌕𑌾𑌨𑍍. 𑌵𑌿॒𑌧𑌾𑌯॑ 𑌭𑍂॒𑌤𑌾𑌨𑌿॑ । 𑌵𑌿॒𑌧𑌾𑌯॒ 𑌸𑌰𑍍𑌵𑌾𑌃᳚ 𑌪𑍍𑌰॒𑌦𑌿𑌶𑍋॒ 𑌦𑌿𑌶॑𑌶𑍍𑌚 । 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯॑ । 𑌆॒𑌤𑍍𑌮𑌨𑌾॒-𑌽𑌽𑌤𑍍𑌮𑌾-𑌨॑𑌮॒𑌭𑌿-𑌸𑌂​𑌵𑌿𑌁॑𑌵𑍇॒𑌶𑍇𑌤𑌿॑ । 𑌸𑌰𑍍𑌵॑𑌮𑍇॒𑌵𑍇𑌦𑌮𑌾॒𑌪𑍍𑌤𑍍𑌵𑌾 । 𑌸𑌰𑍍𑌵॑-𑌮𑌵॒𑌰𑍁𑌦𑍍𑌧𑍍𑌯॑ । 𑌤𑌦𑍇॒𑌵𑌾𑌨𑍁॒ 𑌪𑍍𑌰𑌵𑌿॑𑌶𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑍯𑍮 ॥
(𑌆𑌸𑍀॑ - 𑌦𑌤𑌿𑌷𑍍𑌠𑌨𑍍 - 𑌨𑌭𑍂॒ - 𑌦𑌪𑍋॒ - 𑌵𑌾𑌯𑍋॒ 𑌇𑌤𑌿 - 𑌸𑍇𑌯-𑌨𑍍𑌦𑌿𑌗॒ - 𑌭𑍍𑌯𑌨𑍂᳚𑌕𑍍𑌤𑌾॒ - 𑌽𑌭𑍍𑌯𑌨𑍂᳚𑌕𑍍𑌤𑌾॒ -+-𑌽𑌷𑍍𑌟𑍌 𑌚॑)

𑌅𑌨𑍁𑌵𑌾𑌕𑌃 24
𑌚𑌤𑍁॑𑌷𑍍𑌟𑌯𑍍𑌯॒ 𑌆𑌪𑍋॑ 𑌗𑍃𑌹𑍍𑌣𑌾𑌤𑌿 । 𑌚॒𑌤𑍍𑌵𑌾𑌰𑌿॒ 𑌵𑌾 𑌅॒𑌪𑌾𑌗𑍍​𑌮𑍍 𑌰𑍂॒𑌪𑌾𑌣𑌿॑ । 𑌮𑍇𑌘𑍋॑ 𑌵𑌿॒𑌦𑍍𑌯𑍁𑌤𑍍 । 𑌸𑍍𑌤॒𑌨॒𑌯𑌿॒𑌤𑍍𑌨𑍁-𑌰𑍍𑌵𑍃॒𑌷𑍍𑌟𑌿𑌃 । 𑌤𑌾𑌨𑍍𑌯𑍇॒𑌵𑌾 𑌵॑𑌰𑍁𑌨𑍍𑌧𑍇 । 𑌆॒𑌤𑌪॑𑌤𑌿॒ 𑌵𑌰𑍍​𑌷𑍍𑌯𑌾॑ 𑌗𑍃𑌹𑍍𑌣𑌾𑌤𑌿 । 𑌤𑌾𑌃 𑌪𑍁॒𑌰𑌸𑍍𑌤𑌾॒-𑌦𑍁𑌪॑𑌦𑌧𑌾𑌤𑌿 । 𑌏॒𑌤𑌾 𑌵𑍈 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍍𑌯𑌾 𑌆𑌪𑌃॑ । 𑌮𑍁॒𑌖॒𑌤 𑌏॒𑌵 𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌮𑌵॑𑌰𑍁𑌨𑍍𑌧𑍇 । 𑌤𑌸𑍍𑌮𑌾᳚-𑌨𑍍𑌮𑍁𑌖॒𑌤𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌿𑌤॑𑌰𑌃 ॥ 𑍯𑍯 ॥
𑌕𑍂𑌪𑍍𑌯𑌾॑ 𑌗𑍃𑌹𑍍𑌣𑌾𑌤𑌿 । 𑌤𑌾 𑌦॑𑌕𑍍𑌷𑌿𑌣॒𑌤 𑌉𑌪॑𑌦𑌧𑌾𑌤𑌿 । 𑌏॒𑌤𑌾 𑌵𑍈 𑌤𑍇॑𑌜॒𑌸𑍍𑌵𑌿𑌨𑍀॒𑌰𑌾𑌪𑌃॑ । 𑌤𑍇𑌜॑ 𑌏॒𑌵𑌾𑌸𑍍𑌯॑ 𑌦𑌕𑍍𑌷𑌿𑌣॒𑌤𑍋 𑌦॑𑌧𑌾𑌤𑌿 । 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॒𑌣𑍋𑌰𑍍𑌧॑ 𑌽𑌸𑍍𑌤𑍇𑌜॒𑌸𑍍𑌵𑌿𑌤॑𑌰𑌃 । 𑌸𑍍𑌥𑌾॒𑌵॒𑌰𑌾 𑌗𑍃॑𑌹𑍍𑌣𑌾𑌤𑌿 । 𑌤𑌾𑌃 𑌪॒𑌶𑍍𑌚𑌾𑌦𑍁𑌪॑𑌦𑌧𑌾𑌤𑌿 । 𑌪𑍍𑌰𑌤𑌿॑𑌷𑍍𑌠𑌿𑌤𑌾॒ 𑌵𑍈 𑌸𑍍𑌥𑌾॑𑌵॒𑌰𑌾𑌃 । 𑌪॒𑌶𑍍𑌚𑌾𑌦𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌵𑌹॑𑌨𑍍𑌤𑍀-𑌰𑍍𑌗𑍃𑌹𑍍𑌣𑌾𑌤𑌿 ॥ 100 ॥
𑌤𑌾 𑌉॑𑌤𑍍𑌤𑌰॒𑌤 𑌉𑌪॑𑌦𑌧𑌾𑌤𑌿 । 𑌓𑌜॑𑌸𑌾॒ 𑌵𑌾 𑌏॒𑌤𑌾 𑌵𑌹॑𑌨𑍍𑌤𑍀𑌰𑌿॒𑌵𑍋-𑌦𑍍𑌗॑𑌤𑍀𑌰𑌿॒𑌵 𑌆𑌕𑍂𑌜॑𑌤𑍀𑌰𑌿॒𑌵 𑌧𑌾𑌵॑𑌨𑍍𑌤𑍀𑌃 । 𑌓𑌜॑ 𑌏॒𑌵𑌾𑌸𑍍𑌯𑍋᳚𑌤𑍍𑌤𑌰॒𑌤𑍋 𑌦॑𑌧𑌾𑌤𑌿 । 𑌤𑌸𑍍𑌮𑌾॒𑌦𑍁𑌤𑍍𑌤॒𑌰𑍋-𑌽𑌦𑍍𑌧॑ 𑌓𑌜॒𑌸𑍍𑌵𑌿𑌤॑𑌰𑌃 ॥ 𑌸॒𑌭𑌾𑌂॒𑌰𑍍𑌯𑌾 𑌗𑍃॑𑌹𑍍𑌣𑌾𑌤𑌿 । 𑌤𑌾 𑌮𑌦𑍍𑌧𑍍𑌯॒ 𑌉𑌪॑𑌦𑌧𑌾𑌤𑌿 । 𑌇॒𑌯𑌂-𑌵𑍈𑌁 𑌸॑𑌭𑌾𑌂॒𑌰𑍍𑌯𑌾𑌃 । 𑌅॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌪॒𑌲𑍍𑌵॒𑌲𑍍𑌯𑌾 𑌗𑍃॑𑌹𑍍𑌣𑌾𑌤𑌿 । 𑌤𑌾 𑌉॒𑌪𑌰𑌿॑𑌷𑍍𑌟𑌾-𑌦𑍁॒𑌪𑌾𑌦॑𑌧𑌾𑌤𑌿 ॥ 101 ।
𑌅॒𑌸𑍌 𑌵𑍈 𑌪॑𑌲𑍍𑌵॒𑌲𑍍𑌯𑌾𑌃 । 𑌅॒𑌮𑍁𑌷𑍍𑌯𑌾॑𑌮𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌦𑌿॒𑌕𑍍𑌷𑍂𑌪॑𑌦𑌧𑌾𑌤𑌿 । 𑌦𑌿॒𑌕𑍍𑌷𑍁 𑌵𑌾 𑌆𑌪𑌃॑ । 𑌅𑌨𑍍𑌨𑌂॒-𑌵𑌾𑌁 𑌆𑌪𑌃॑ । 𑌅॒𑌦𑍍𑌭𑍍𑌯𑍋 𑌵𑌾 𑌅𑌨𑍍𑌨॑𑌞𑍍𑌜𑌾𑌯𑌤𑍇 । 𑌯𑌦𑍇॒𑌵𑌾𑌦𑍍𑌭𑍍𑌯𑍋-𑌽𑌨𑍍𑌨॒-𑌞𑍍𑌜𑌾𑌯॑𑌤𑍇 । 𑌤𑌦𑌵॑𑌰𑍁𑌨𑍍𑌧𑍇 । 𑌤𑌂-𑌵𑌾𑌁 𑌏॒𑌤𑌮॑𑌰𑍁॒𑌣𑌾𑌃 𑌕𑍇॒𑌤𑌵𑍋॒ 𑌵𑌾𑌤॑𑌰𑌶॒𑌨𑌾 𑌋𑌷॑𑌯𑍋-𑌽𑌚𑌿𑌨𑍍𑌵𑌨𑍍𑌨𑍍 । 𑌤𑌸𑍍𑌮𑌾॑-𑌦𑌾𑌰𑍁𑌣 𑌕𑍇॒𑌤𑍁𑌕𑌃॑ ॥𑌤𑌦𑍇॒𑌷𑌾-𑌽𑌭𑍍𑌯𑌨𑍂᳚𑌕𑍍𑌤𑌾 ॥ 𑌕𑍇॒𑌤𑌵𑍋॒ 𑌅𑌰𑍁॑𑌣𑌾𑌸𑌶𑍍𑌚 । 𑌋॒𑌷॒𑌯𑍋 𑌵𑌾𑌤॑𑌰𑌶॒𑌨𑌾𑌃 । 𑌪𑍍𑌰॒𑌤𑌿॒𑌷𑍍𑌠𑌾𑌗𑍍​𑌮𑍍 𑌶॒𑌤𑌧𑌾॑ 𑌹𑌿 । 𑌸॒𑌮𑌾𑌹𑌿॑𑌤𑌾𑌸𑍋 𑌸𑌹𑌸𑍍𑌰॒𑌧𑌾𑌯॑𑌸॒𑌮𑌿𑌤𑌿॑ । 𑌶॒𑌤𑌶॑𑌶𑍍𑌚𑍈॒𑌵 𑌽𑌸॒𑌹𑌸𑍍𑌰॑𑌶𑌶𑍍𑌚॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌯 𑌏॒𑌤𑌮॒𑌗𑍍𑌨𑌿𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑𑌚𑍈𑌨𑌮𑍇॒𑌵𑌂-𑌵𑍇𑌁𑌦॑ ॥ 102 ॥
(𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑌿𑌤॑𑌰𑍋॒ - 𑌵𑌹॑𑌨𑍍𑌤𑍀-𑌰𑍍𑌗𑍃𑌹𑍍𑌣𑌾𑌤𑌿॒ - 𑌤𑌾 𑌉॒𑌪𑌰𑌿॑𑌷𑍍𑌟𑌾𑌦𑍁॒𑌪𑌾𑌦॑𑌧𑌾 - 𑌤𑍍𑌯𑌾𑌰𑍁𑌣𑌕𑍇॒𑌤𑍁𑌕𑍋॒-𑌽𑌷𑍍𑌟𑍌 𑌚॑)

𑌅𑌨𑍁𑌵𑌾𑌕𑌃 25
𑌜𑌾॒𑌨𑍁॒𑌦॒𑌘𑍍𑌨𑍀-𑌮𑍁॑𑌤𑍍𑌤𑌰𑌵𑍇॒𑌦𑍀𑌙𑍍𑌖𑌾॒𑌤𑍍𑌵𑌾 । 𑌅॒𑌪𑌾-𑌮𑍍𑌪𑍂॑𑌰𑌯𑌤𑌿 । 𑌅॒𑌪𑌾𑌗𑍍​𑌮𑍍 𑌸॑𑌰𑍍𑌵॒𑌤𑍍𑌵𑌾𑌯॑ । 𑌪𑍁॒𑌷𑍍𑌕॒𑌰॒𑌪॒𑌰𑍍𑌣𑌗𑍍​𑌮𑍍 𑌰𑍁॒𑌕𑍍𑌮-𑌮𑍍𑌪𑍁𑌰𑍁॑𑌷॒-𑌮𑌿𑌤𑍍𑌯𑍁𑌪॑𑌦𑌧𑌾𑌤𑌿 । 𑌤𑌪𑍋॒ 𑌵𑍈 𑌪𑍁॑𑌷𑍍𑌕𑌰𑌪॒𑌰𑍍𑌣𑌮𑍍 । 𑌸॒𑌤𑍍𑌯𑌗𑍍​𑌮𑍍 𑌰𑍁॒𑌕𑍍𑌮𑌃 । 𑌅॒𑌮𑍃𑌤॒-𑌮𑍍𑌪𑍁𑌰𑍁॑𑌷𑌃 । 𑌏॒𑌤𑌾𑌵॒𑌦𑍍𑌵𑌾 𑌵𑌾᳚𑌸𑍍𑌤𑌿 । 𑌯𑌾𑌵॑𑌦𑍇॒𑌤𑌤𑍍 । 𑌯𑌾𑌵॑𑌦𑍇॒𑌵𑌾𑌸𑍍𑌤𑌿॑ ॥ 103 ॥
𑌤𑌦𑌵॑𑌰𑍁𑌨𑍍𑌧𑍇 । 𑌕𑍂॒𑌰𑍍𑌮𑌮𑍁𑌪॑𑌦𑌧𑌾𑌤𑌿 । 𑌅॒𑌪𑌾𑌮𑍇॒𑌵 𑌮𑍇𑌧॒𑌮𑌵॑𑌰𑍁𑌨𑍍𑌧𑍇 । 𑌅𑌥𑍋᳚ 𑌸𑍍𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 । 𑌆𑌪॑𑌮𑌾𑌪𑌾𑌮॒𑌪-𑌸𑍍𑌸𑌰𑍍𑌵𑌾𑌃᳚ । 𑌅॒𑌸𑍍𑌮𑌾𑌦॒𑌸𑍍𑌮𑌾 𑌦𑌿॒𑌤𑍋-𑌽𑌮𑍁𑌤𑌃॑ । 𑌅॒𑌗𑍍𑌨𑌿𑌰𑍍𑌵𑌾॒𑌯𑍁𑌶𑍍𑌚॒ 𑌸𑍂𑌰𑍍𑌯॑𑌶𑍍𑌚 । 𑌸॒𑌹 𑌸॑𑌞𑍍𑌚𑌸𑍍𑌕॒𑌰𑌰𑍍𑌧𑌿॑𑌯𑌾॒ 𑌇𑌤𑌿॑ । 𑌵𑌾॒𑌯𑍍𑌵𑌶𑍍𑌵॑ 𑌰𑌶𑍍𑌮𑌿॒𑌪𑌤॑𑌯𑌃 । 𑌲𑍋॒𑌕-𑌮𑍍𑌪𑍃॑𑌣𑌚𑍍𑌛𑌿॒𑌦𑍍𑌰-𑌮𑍍𑌪𑍃॑𑌣 ॥ 104 ॥
𑌯𑌾𑌸𑍍𑌤𑌿॒𑌸𑍍𑌰𑌃 𑌪॑𑌰𑌮॒𑌜𑌾𑌃 । 𑌇॒𑌨𑍍𑌦𑍍𑌰॒𑌘𑍋॒𑌷𑌾 𑌵𑍋॒ 𑌵𑌸𑍁॑𑌭𑌿𑌰𑍇॒𑌵𑌾 𑌹𑍍𑌯𑍇॒𑌵𑍇𑌤𑌿॑ । 𑌪𑌞𑍍𑌚॒ 𑌚𑌿𑌤॑𑌯॒ 𑌉𑌪॑𑌦𑌧𑌾𑌤𑌿 । 𑌪𑌾𑌙𑍍𑌕𑍍𑌤॒-𑌽𑌗𑍍𑌨𑌿𑌃 । 𑌯𑌾𑌵𑌾॑𑌨𑍇॒𑌵𑌾𑌗𑍍𑌨𑌿𑌃 । 𑌤𑌞𑍍𑌚𑌿॑𑌨𑍁𑌤𑍇 । 𑌲𑍋॒𑌕-𑌮𑍍𑌪𑍃॑𑌣𑌯𑌾 𑌦𑍍𑌵𑌿॒𑌤𑍀𑌯𑌾॒-𑌮𑍁𑌪॑𑌦𑌧𑌾𑌤𑌿 । 𑌪𑌞𑍍𑌚॑𑌪𑌦𑌾॒ 𑌵𑍈 𑌵𑌿॒𑌰𑌾𑌟𑍍 । 𑌤𑌸𑍍𑌯𑌾॒ 𑌵𑌾 𑌇॒𑌯-𑌮𑍍𑌪𑌾𑌦𑌃॑ । 𑌅॒𑌨𑍍𑌤𑌰𑌿॑𑌕𑍍𑌷॒-𑌮𑍍𑌪𑌾𑌦𑌃॑ । 𑌦𑍍𑌯𑍌𑌃 𑌪𑌾𑌦𑌃॑ । 𑌦𑌿𑌶𑌃॒ 𑌪𑌾𑌦𑌃॑ । 𑌪॒𑌰𑍋𑌰॑𑌜𑌾𑌃॒ 𑌪𑌾𑌦𑌃॑ । 𑌵𑌿॒𑌰𑌾𑌜𑍍𑌯𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌯 𑌏॒𑌤𑌮॒𑌗𑍍𑌨𑌿𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑𑌚𑍈𑌨𑌮𑍇॒𑌵𑌂-𑌵𑍇𑌁𑌦॑ ॥ 105 ॥
(𑌅𑌸𑍍𑌤𑌿॑ - 𑌪𑍃𑌣𑌾॒ - 𑌨𑍍𑌤𑌰𑌿॑𑌕𑍍𑌷॒-𑌮𑍍𑌪𑌾𑌦॒-𑌷𑍍𑌷𑌟𑍍𑌚॑)

𑌅𑌨𑍁𑌵𑌾𑌕𑌃 26
𑌅॒𑌗𑍍𑌨𑌿-𑌮𑍍𑌪𑍍𑌰॒𑌣𑍀𑌯𑍋॑𑌪-𑌸𑌮𑌾॒𑌧𑌾𑌯॑ । 𑌤𑌮॒𑌭𑌿𑌤॑ 𑌏॒𑌤𑌾 𑌅॒𑌭𑍀𑌷𑍍𑌟॑𑌕𑌾॒ 𑌉𑌪॑𑌦𑌧𑌾𑌤𑌿 । 𑌅॒𑌗𑍍𑌨𑌿॒𑌹𑍋॒𑌤𑍍𑌰𑍇 𑌦॑𑌰𑍍​𑌶𑌪𑍂𑌰𑍍𑌣-𑌮𑌾॒𑌸𑌯𑍋𑌃᳚ । 𑌪॒𑌶𑍁॒𑌬॒𑌨𑍍𑌧𑍇 𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑍇𑌷𑍁॑ । 𑌅𑌥𑍋॑ 𑌆𑌹𑍁𑌃 । 𑌸𑌰𑍍𑌵𑍇॑𑌷𑍁 𑌯𑌜𑍍𑌞𑌕𑍍𑌰॒𑌤𑍁𑌷𑍍𑌵𑌿𑌤𑌿॑ । 𑌅𑌥॑ 𑌹𑌸𑍍𑌮𑌾 𑌹𑌾𑌰𑍁॒𑌣-𑌸𑍍𑌸𑍍𑌵𑌾॑𑌯॒𑌮𑍍𑌭𑍁𑌵𑌃॑ । 𑌸𑌾॒𑌵𑌿॒𑌤𑍍𑌰-𑌸𑍍𑌸𑌰𑍍𑌵𑍋॒-𑌽𑌗𑍍𑌨𑌿-𑌰𑌿𑌤𑍍𑌯𑌨॑𑌨𑍁𑌷𑌙𑍍𑌗-𑌮𑍍𑌮𑌨𑍍𑌯𑌾𑌮𑌹𑍇 । 𑌨𑌾𑌨𑌾॒ 𑌵𑌾 𑌏॒𑌤𑍇𑌷𑌾𑌂᳚-𑌵𑍀𑌁॒𑌰𑍍𑌯𑌾॑𑌣𑌿 ॥ 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 ॥ 106 ॥
𑌸॒𑌤𑍍𑌰𑌿॒𑌯 𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌸𑌾॒𑌵𑌿॒𑌤𑍍𑌰 𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌨𑌾॒𑌚𑌿॒𑌕𑍇॒𑌤 𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌚𑌾॒𑌤𑍁॒𑌰𑍍॒ 𑌹𑍋॒𑌤𑍍𑌰𑌿॒𑌯-𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌵𑍈॒𑌶𑍍𑌵॒𑌸𑍃॒𑌜 𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 ॥ 10𑍭 ॥
𑌉॒𑌪𑌾॒𑌨𑍁॒𑌵𑌾॒𑌕𑍍𑌯॑-𑌮𑌾॒𑌶𑍁 𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨𑌃 । 𑌕𑌮॒𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌇॒𑌮𑌮𑌾॑𑌰𑍁𑌣-𑌕𑍇𑌤𑍁𑌕 𑌮॒𑌗𑍍𑌨𑌿𑌞𑍍𑌚𑌿॑𑌨𑍍𑌵𑌾॒𑌨 𑌇𑌤𑌿॑ ॥ 𑌵𑍃𑌷𑌾॒ 𑌵𑌾 𑌅॒𑌗𑍍𑌨𑌿𑌃 । 𑌵𑍃𑌷𑌾॑𑌣𑍌॒ 𑌸𑌗𑍍𑌗𑍍​𑌸𑍍𑌫𑌾॑𑌲𑌯𑍇𑌤𑍍 । 𑌹॒𑌨𑍍𑌯𑍇𑌤𑌾᳚𑌸𑍍𑌯 𑌯॒𑌜𑍍𑌞𑌃 । 𑌤𑌸𑍍𑌮𑌾॒𑌨𑍍𑌨𑌾𑌨𑍁॒𑌷𑌜𑍍𑌯𑌃॑ ॥ 𑌸𑍋𑌤𑍍𑌤॑𑌰𑌵𑍇॒𑌦𑌿𑌷𑍁॑ 𑌕𑍍𑌰॒𑌤𑍁𑌷𑍁॑ 𑌚𑌿𑌨𑍍𑌵𑍀𑌤 । 𑌉॒𑌤𑍍𑌤॒𑌰॒𑌵𑍇॒𑌦𑍍𑌯𑌾𑌗𑍍​ 𑌹𑍍𑌯॑𑌗𑍍𑌨𑌿𑌶𑍍𑌚𑍀॒𑌯𑌤𑍇᳚ ॥ 𑌪𑍍𑌰॒𑌜𑌾𑌕𑌾॑𑌮𑌶𑍍𑌚𑌿𑌨𑍍𑌵𑍀𑌤 । 10𑍮 ।
𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌵𑌾 𑌏॒𑌷𑍋᳚-𑌽𑌗𑍍𑌨𑌿𑌃 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑌾𑌃 𑌪𑍍𑌰॒𑌜𑌾𑌃 । 𑌪𑍍𑌰॒𑌜𑌾𑌵𑌾᳚-𑌨𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌪॒𑌶𑍁𑌕𑌾॑𑌮𑌶𑍍𑌚𑌿𑌨𑍍𑌵𑍀𑌤 । 𑌸॒𑌞𑍍𑌜𑍍𑌞𑌾𑌨𑌂॒-𑌵𑌾𑌁 𑌏॒𑌤-𑌤𑍍𑌪॑𑌶𑍂॒𑌨𑌾𑌮𑍍 । 𑌯𑌦𑌾𑌪𑌃॑ । 𑌪॒𑌶𑍂॒𑌨𑌾𑌮𑍇॒𑌵 𑌸॒𑌜𑍍𑌞𑌾𑌨𑍍𑌨𑍇॒ 𑌽𑌗𑍍𑌨𑌿𑌞𑍍𑌚𑌿॑𑌨𑍁𑌤𑍇 । 𑌪॒𑌶𑍁॒𑌮𑌾-𑌨𑍍𑌭॑𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 10𑍯 ॥
𑌵𑍃𑌷𑍍𑌟𑌿॑𑌕𑌾𑌮𑌶𑍍𑌚𑌿𑌨𑍍𑌵𑍀𑌤 । 𑌆𑌪𑍋॒ 𑌵𑍈 𑌵𑍃𑌷𑍍𑌟𑌿𑌃॑ । 𑌪॒𑌰𑍍𑌜𑌨𑍍𑌯𑍋॒ 𑌵𑌰𑍍​𑌷𑍁॑𑌕𑍋 𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌆॒𑌮॒𑌯𑌾॒𑌵𑍀 𑌚𑌿॑𑌨𑍍𑌵𑍀𑌤 । 𑌆𑌪𑍋॒ 𑌵𑍈 𑌭𑍇॑𑌷॒𑌜𑌮𑍍 । 𑌭𑍇॒𑌷॒𑌜-𑌮𑍇॒𑌵𑌾𑌸𑍍𑌮𑍈॑ 𑌕𑌰𑍋𑌤𑌿 । 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 । 𑌅॒𑌭𑌿॒𑌚𑌰𑌗𑍍𑌗𑍍॑ 𑌶𑍍𑌚𑌿𑌨𑍍𑌵𑍀𑌤 । 𑌵𑌜𑍍𑌰𑍋॒ 𑌵𑌾 𑌆𑌪𑌃॑ ॥ 110 ॥
𑌵𑌜𑍍𑌰॑𑌮𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑍇𑌭𑍍𑌯𑌃॒ 𑌪𑍍𑌰𑌹॑𑌰𑌤𑌿 । 𑌸𑍍𑌤𑍃॒𑌣𑍁॒𑌤 𑌏॑𑌨𑌮𑍍 । 𑌤𑍇𑌜॑𑌸𑍍𑌕𑌾𑌮𑍋॒ 𑌯𑌶॑𑌸𑍍𑌕𑌾𑌮𑌃 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑌕𑌾॑𑌮-𑌸𑍍𑌸𑍍𑌵॒𑌰𑍍𑌗𑌕𑌾॑𑌮𑌶𑍍𑌚𑌿𑌨𑍍𑌵𑍀𑌤 । 𑌏॒𑌤𑌾 𑌵॒𑌦𑍍𑌵𑌾 𑌵𑌾᳚𑌸𑍍𑌤𑌿 । 𑌯𑌾𑌵॑𑌦𑍇॒𑌤𑌤𑍍 । 𑌯𑌾𑌵॑𑌦𑍇॒𑌵𑌾𑌸𑍍𑌤𑌿॑ । 𑌤𑌦𑌵॑𑌰𑍁𑌨𑍍𑌧𑍇 । 𑌤𑌸𑍍𑌯𑍈॒ 𑌤𑌦𑍍𑌵𑍍𑌰॒𑌤𑌮𑍍 । 𑌵𑌰𑍍​𑌷॑𑌤𑌿॒ 𑌨 𑌧𑌾॑𑌵𑍇𑌤𑍍 ॥ 111 ॥
𑌅॒𑌮𑍃𑌤𑌂॒-𑌵𑌾𑌁 𑌆𑌪𑌃॑ । 𑌅॒𑌮𑍃𑌤॒𑌸𑍍𑌯𑌾-𑌨॑𑌨𑍍𑌤𑌰𑌿𑌤𑍍𑌯𑍈 ॥ 𑌨𑌾𑌫𑍍𑌸𑍁-𑌮𑍂𑌤𑍍𑌰॑𑌪𑍁𑌰𑍀॒𑌷𑌙𑍍𑌕𑍁॑𑌰𑍍𑌯𑌾𑌤𑍍 । 𑌨 𑌨𑌿𑌷𑍍𑌠𑍀॑𑌵𑍇𑌤𑍍 । 𑌨 𑌵𑌿॒𑌵𑌸॑𑌨-𑌸𑍍𑌸𑍍𑌨𑌾𑌯𑌾𑌤𑍍 । 𑌗𑍁𑌹𑍍𑌯𑍋॒ 𑌵𑌾 𑌏॒𑌷𑍋᳚-𑌽𑌗𑍍𑌨𑌿𑌃 । 𑌏॒𑌤𑌸𑍍𑌯𑌾॒𑌗𑍍𑌨𑍇 𑌰𑌨॑𑌤𑌿 𑌦𑌾𑌹𑌾𑌯 ॥ 𑌨 𑌪𑍁॑𑌷𑍍𑌕𑌰𑌪॒𑌰𑍍𑌣𑌾𑌨𑌿॒ 𑌹𑌿𑌰॑𑌣𑍍𑌯𑌂॒-𑌵𑌾𑌁-𑌽𑌧𑌿॒𑌤𑌿𑌷𑍍𑌠𑍇᳚𑌤𑍍 । 𑌏॒𑌤𑌸𑍍𑌯𑌾॒𑌗𑍍𑌨𑍇-𑌰𑌨॑𑌭𑍍𑌯𑌾𑌰𑍋𑌹𑌾𑌯 ॥ 𑌨 𑌕𑍂𑌰𑍍𑌮॒𑌸𑍍𑌯𑌾𑌶𑍍𑌞𑍀॑𑌯𑌾𑌤𑍍 । 𑌨𑍋𑌦॒𑌕𑌸𑍍𑌯𑌾॒-𑌘𑌾𑌤𑍁॑𑌕𑌾॒𑌨𑍍𑌯𑍇𑌨॑-𑌮𑍋𑌦॒𑌕𑌾𑌨𑌿॑ 𑌭𑌵𑌨𑍍𑌤𑌿 । 𑌅॒𑌘𑌾𑌤𑍁॑𑌕𑌾॒ 𑌆𑌪𑌃॑ । 𑌯 𑌏॒𑌤𑌮॒𑌗𑍍𑌨𑌿𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑𑌚𑍈𑌨𑌮𑍇॒𑌵𑌂-𑌵𑍇𑌁𑌦॑ ॥ 112 ॥
(𑌚𑌿॒𑌨𑍁॒𑌤𑍇॒ - 𑌚𑌿॒𑌨𑍁॒𑌤𑍇॒ - 𑌪𑍍𑌰॒𑌜𑌾𑌕𑌾॑𑌮𑌶𑍍𑌚𑌿𑌨𑍍𑌵𑍀𑌤॒-𑌯 𑌏॒𑌵𑌂-𑌵𑍇𑌁𑌦𑌾-𑌪𑍋॑-𑌧𑌾𑌵𑍇॒-𑌦𑌶𑍍𑌞𑍀॑𑌯𑌾𑌚𑍍𑌚॒𑌤𑍍𑌵𑌾𑌰𑌿॑ 𑌚)

𑌅𑌨𑍁𑌵𑌾𑌕𑌃 2𑍭
𑌇॒𑌮𑌾 𑌨𑍁॑𑌕॒-𑌮𑍍𑌭𑍁𑌵॑𑌨𑌾 𑌸𑍀𑌷𑌧𑍇𑌮 । 𑌇𑌨𑍍𑌦𑍍𑌰॑𑌶𑍍𑌚॒ 𑌵𑌿𑌶𑍍𑌵𑍇॑𑌚 𑌦𑍇॒𑌵𑌾𑌃 । 𑌯॒𑌜𑍍𑌞𑌞𑍍𑌚॑ 𑌨𑌸𑍍𑌤॒𑌨𑍍𑌵𑌞𑍍𑌚॑ 𑌪𑍍𑌰॒𑌜𑌾𑌞𑍍𑌚॑ । 𑌆॒𑌦𑌿॒𑌤𑍍𑌯𑍈𑌰𑌿𑌨𑍍𑌦॑-𑌸𑍍𑌸॒𑌹 𑌸𑍀॑𑌷𑌧𑌾𑌤𑍁 । 𑌆॒𑌦𑌿॒𑌤𑍍𑌯𑍈𑌰𑌿𑌨𑍍𑌦𑍍𑌰॒-𑌸𑍍𑌸𑌗॑𑌣𑍋-𑌮॒𑌰𑍁𑌦𑍍𑌭𑌿𑌃॑ । 𑌅॒𑌸𑍍𑌮𑌾𑌕॑-𑌮𑍍𑌭𑍂𑌤𑍍𑌵𑌵𑌿॒𑌤𑌾 𑌤॒𑌨𑍂𑌨𑌾᳚𑌮𑍍 ॥ 𑌆𑌪𑍍𑌲॑𑌵𑌸𑍍𑌵॒ 𑌪𑍍𑌰𑌪𑍍𑌲॑𑌵𑌸𑍍𑌵 । 𑌆॒𑌣𑍍𑌡𑍀 𑌭॑𑌵 𑌜॒ 𑌮𑌾 𑌮𑍁॒𑌹𑍁𑌃 । 𑌸𑍁𑌖𑌾𑌦𑍀𑌨𑍍𑌦𑍁𑌃॑ 𑌖𑌨𑌿॒𑌧𑌨𑌾𑌮𑍍 । 𑌪𑍍𑌰𑌤𑌿॑𑌮𑍁𑌞𑍍𑌚𑌸𑍍𑌵॒ 𑌸𑍍𑌵𑌾-𑌮𑍍𑌪𑍁॒𑌰𑌮𑍍 ॥ 113 ॥
𑌮𑌰𑍀॑𑌚𑌯-𑌸𑍍𑌸𑍍𑌵𑌾𑌯𑌮𑍍𑌭𑍁॒𑌵𑌾𑌃 । 𑌯𑍇 𑌶॑𑌰𑍀॒𑌰𑌾𑌣𑍍𑌯॑ 𑌕𑌲𑍍𑌪𑌯𑌨𑍍𑌨𑍍 । 𑌤𑍇 𑌤𑍇॑ 𑌦𑍇॒𑌹𑌙𑍍𑌕॑𑌲𑍍𑌪𑌯𑌨𑍍𑌤𑍁 । 𑌮𑌾 𑌚॑ 𑌤𑍇॒ 𑌖𑍍𑌯𑌾 𑌸𑍍𑌮॑ 𑌤𑍀𑌰𑌿𑌷𑌤𑍍 । 𑌉𑌤𑍍𑌤𑌿॑𑌷𑍍𑌠𑌤॒ 𑌮𑌾 𑌸𑍍𑌵॑𑌪𑍍𑌤 । 𑌅॒𑌗𑍍𑌨𑌿-𑌮𑌿॑𑌚𑍍𑌛𑌦𑍍𑌧𑍍𑌵॒-𑌮𑍍𑌭𑌾𑌰॑𑌤𑌾𑌃 । 𑌰𑌾𑌜𑍍𑌞॒-𑌸𑍍𑌸𑍋𑌮॑𑌸𑍍𑌯 𑌤𑍃॒𑌪𑍍𑌤𑌾𑌸𑌃॑ । 𑌸𑍂𑌰𑍍𑌯𑍇॑𑌣 𑌸॒𑌯𑍁𑌜𑍋॑𑌷𑌸𑌃 ॥ 𑌯𑍁𑌵𑌾॑ 𑌸𑍁॒𑌵𑌾𑌸𑌾𑌃᳚ । 𑌅॒𑌷𑍍𑌟𑌾𑌚॑𑌕𑍍𑌰𑌾॒ 𑌨𑌵॑𑌦𑍍𑌵𑌾𑌰𑌾 ॥ 114 ॥
𑌦𑍇॒𑌵𑌾𑌨𑌾॒-𑌮𑍍𑌪𑍂𑌰॑𑌯𑍋॒𑌦𑍍𑌧𑍍𑌯𑌾 । 𑌤𑌸𑍍𑌯𑌾𑌗𑍍​𑌮𑍍॑ 𑌹𑌿𑌰𑌣𑍍𑌮॑𑌯𑌃 𑌕𑍋॒𑌶𑌃 । 𑌸𑍍𑌵॒𑌰𑍍𑌗𑍋 𑌲𑍋॒𑌕𑍋 𑌜𑍍𑌯𑍋𑌤𑌿॒𑌷𑌾 𑌽𑌽𑌵𑍃॑𑌤𑌃 । 𑌯𑍋 𑌵𑍈 𑌤𑌾᳚-𑌮𑍍𑌬𑍍𑌰𑌹𑍍𑌮॑𑌣𑍋 𑌵𑍇॒𑌦 । 𑌅॒𑌮𑍃𑌤𑍇॑𑌨𑌾𑌵𑍃॒𑌤𑌾-𑌮𑍍𑌪𑍁॑𑌰𑍀𑌮𑍍 । 𑌤𑌸𑍍𑌮𑍈᳚ 𑌬𑍍𑌰𑌹𑍍𑌮 𑌚॑ 𑌬𑍍𑌰𑌹𑍍𑌮𑌾॒ 𑌚 । 𑌆॒𑌯𑍁𑌃 𑌕𑍀𑌰𑍍𑌤𑌿॑-𑌮𑍍𑌪𑍍𑌰॒𑌜𑌾𑌨𑍍𑌦॑𑌦𑍁𑌃 ॥ 𑌵𑌿॒𑌭𑍍𑌰𑌾𑌜॑𑌮𑌾𑌨𑌾॒𑌗𑍍​𑌮𑍍॒ 𑌹𑌰𑌿॑𑌣𑍀𑌮𑍍 । 𑌯॒𑌶𑌸𑌾॑ 𑌸𑌮𑍍𑌪॒𑌰𑍀𑌵𑍃॑𑌤𑌾𑌮𑍍 । 𑌪𑍁𑌰𑌗𑍍​𑌮𑍍॑ 𑌹𑌿𑌰𑌣𑍍𑌮॑𑌯𑍀-𑌮𑍍𑌬𑍍𑌰॒𑌹𑍍𑌮𑌾 ॥ 115 ॥
𑌵𑌿॒𑌵𑍇𑌶𑌾॑𑌪॒𑌰𑌾𑌜𑌿॑𑌤𑌾 ॥ 𑌪𑌰𑌾𑌙𑍍𑌗𑍇𑌤𑍍𑌯॑ (𑌪𑌰𑌾𑌂𑌅𑌤𑍍𑌯॑) 𑌜𑍍𑌯𑌾𑌮॒𑌯𑍀 । 𑌪𑌰𑌾𑌙𑍍𑌗𑍇𑌤𑍍𑌯॑ (𑌪𑌰𑌾𑌂𑌅𑌤𑍍𑌯॑) 𑌨𑌾𑌶॒𑌕𑍀 । 𑌇॒𑌹 𑌚𑌾॑𑌮𑍁𑌤𑍍𑌰॑ 𑌚𑌾𑌨𑍍𑌵𑍇॒𑌤𑌿 । 𑌵𑌿॒𑌦𑍍𑌵𑌾-𑌨𑍍𑌦𑍇॑𑌵𑌾𑌸𑍁॒𑌰𑌾𑌨𑍁॑𑌭॒𑌯𑌾𑌨𑍍 । 𑌯𑌤𑍍𑌕𑍁॑𑌮𑌾॒𑌰𑍀 𑌮॒𑌨𑍍𑌦𑍍𑌰𑌯॑𑌤𑍇 । 𑌯॒𑌦𑍍𑌯𑍋॒𑌷𑌿𑌦𑍍𑌯-𑌤𑍍𑌪॑𑌤𑌿॒𑌵𑍍𑌰𑌤𑌾᳚ । 𑌅𑌰𑌿॑𑌷𑍍𑌟𑌂॒-𑌯𑌁𑌤𑍍𑌕𑌿𑌞𑍍𑌚॑ 𑌕𑍍𑌰𑌿॒𑌯𑌤𑍇᳚ । 𑌅॒𑌗𑍍𑌨𑌿-𑌸𑍍𑌤𑌦𑌨𑍁॑ 𑌵𑍇𑌧𑌤𑌿 । 𑌅॒𑌶𑍃𑌤𑌾॑𑌸-𑌶𑍍𑌶𑍃॑𑌤𑌾𑌸॒𑌶𑍍𑌚 ॥ 116 ॥
𑌯॒𑌜𑍍𑌵𑌾𑌨𑍋॒ 𑌯𑍇-𑌽𑌪𑍍𑌯॑𑌯॒𑌜𑍍𑌵𑌨𑌃॑ । 𑌸𑍍𑌵॑𑌰𑍍𑌯𑌨𑍍𑌤𑍋॒ 𑌨𑌾𑌪𑍇᳚𑌕𑍍𑌷𑌨𑍍𑌤𑍇 । 𑌇𑌨𑍍𑌦𑍍𑌰॑-𑌮॒𑌗𑍍𑌨𑌿𑌞𑍍𑌚॑ 𑌯𑍇 𑌵𑌿॒𑌦𑍁𑌃 । 𑌸𑌿𑌕॑𑌤𑌾 𑌇𑌵 𑌸𑌂॒​𑌯𑌁𑌨𑍍𑌤𑌿॑ । 𑌰॒𑌶𑍍𑌮𑌿𑌭𑌿𑌃॑-𑌸𑌮𑍁॒𑌦𑍀𑌰𑌿॑𑌤𑌾𑌃 । 𑌅॒𑌸𑍍𑌮𑌾-𑌲𑍍𑌲𑍋॒𑌕𑌾𑌦॑-𑌮𑍁𑌷𑍍𑌮𑌾॒𑌚𑍍𑌚 । 𑌋॒𑌷𑌿𑌭𑌿॑-𑌰𑌦𑌾𑌤𑍍-𑌪𑍃॒𑌶𑍍𑌨𑌿𑌭𑌿𑌃॑ । 𑌅𑌪𑍇॑𑌤॒ 𑌵𑍀𑌤॒ 𑌵𑌿 𑌚॑ 𑌸𑌰𑍍𑌪॒𑌤𑌾𑌤𑌃॑ । 𑌯𑍇-𑌽𑌤𑍍𑌰॒ 𑌸𑍍𑌥 𑌪𑍁॑𑌰𑌾॒𑌣𑌾 𑌯𑍇 𑌚॒ 𑌨𑍂𑌤॑𑌨𑌾𑌃 । 𑌅𑌹𑍋॑𑌭𑌿-𑌰॒𑌦𑍍𑌭𑌿-𑌰॒𑌕𑍍𑌤𑍁𑌭𑌿॒-𑌰𑍍𑌵𑍍𑌯॑𑌕𑍍𑌤𑌮𑍍 ॥ 11𑍭 ॥
𑌯॒𑌮𑍋 𑌦॑𑌦𑌾𑌤𑍍𑌵-𑌵॒𑌸𑌾𑌨॑𑌮𑌸𑍍𑌮𑍈 । 𑌨𑍃 𑌮𑍁॑𑌣𑌨𑍍𑌤𑍁 𑌨𑍃 𑌪𑌾॒𑌤𑍍𑌵𑌰𑍍𑌯𑌃॑ । 𑌅॒𑌕𑍃॒𑌷𑍍𑌟𑌾 𑌯𑍇 𑌚॒ 𑌕𑍃𑌷𑍍𑌟॑𑌜𑌾𑌃 । 𑌕𑍁॒𑌮𑌾𑌰𑍀॑𑌷𑍁 𑌕॒𑌨𑍀𑌨𑍀॑𑌷𑍁 । 𑌜𑌾॒𑌰𑌿𑌣𑍀॑𑌷𑍁 𑌚॒ 𑌯𑍇 𑌹𑌿॒𑌤𑌾𑌃 । 𑌰𑍇𑌤𑌃॑ 𑌪𑍀𑌤𑌾॒ 𑌆𑌣𑍍𑌡॑𑌪𑍀𑌤𑌾𑌃 । 𑌅𑌙𑍍𑌗𑌾॑𑌰𑍇𑌷𑍁 𑌚॒ 𑌯𑍇 𑌹𑍁॒𑌤𑌾𑌃 । 𑌉॒𑌭𑌯𑌾᳚-𑌨𑍍𑌪𑍁𑌤𑍍𑌰॑ 𑌪𑍌𑌤𑍍𑌰॒𑌕𑌾𑌨𑍍 । 𑌯𑍁॒𑌵𑍇॒-𑌽𑌹𑌂-𑌯𑌁॒𑌮𑌰𑌾𑌜॑𑌗𑌾𑌨𑍍 । 𑌶॒𑌤𑌮𑌿𑌨𑍍𑌨𑍁 𑌶॒𑌰𑌦𑌃॑ । 𑌅𑌦𑍋॒ 𑌯𑌦𑍍𑌬𑍍𑌰𑌹𑍍𑌮॑ 𑌵𑌿𑌲॒𑌬𑌮𑍍 । 𑌪𑌿॒𑌤𑍃॒𑌣𑌾𑌞𑍍𑌚॑ 𑌯॒𑌮𑌸𑍍𑌯॑ 𑌚 । 𑌵𑌰𑍁॑𑌣॒-𑌸𑍍𑌯𑌾𑌶𑍍𑌵𑌿॑𑌨𑍋-𑌰॒𑌗𑍍𑌨𑍇𑌃 । 𑌮॒𑌰𑍁𑌤𑌾᳚𑌞𑍍𑌚 𑌵𑌿॒𑌹𑌾𑌯॑𑌸𑌾𑌮𑍍 । 𑌕𑌾॒𑌮॒𑌪𑍍𑌰॒𑌯𑌵॑𑌣-𑌮𑍍𑌮𑍇 𑌅𑌸𑍍𑌤𑍁 । 𑌸 𑌹𑍍𑌯𑍇॑𑌵𑌾𑌸𑍍𑌮𑌿॑ 𑌸॒𑌨𑌾𑌤॑𑌨𑌃 । 𑌇𑌤𑌿 𑌨𑌾𑌕𑍋 𑌬𑍍𑌰𑌹𑍍𑌮𑌿𑌶𑍍𑌰𑌵𑍋॑ 𑌰𑌾𑌯𑍋॒ 𑌧𑌨𑌮𑍍 । 𑌪𑍁॒𑌤𑍍𑌰𑌾𑌨𑌾𑌪𑍋॑ 𑌦𑍇॒𑌵𑍀𑌰𑌿॒𑌹𑌾𑌹𑌿॑𑌤𑌾 ॥ 11𑍮 ॥
(𑌪𑍁॒𑌰𑌂 - 𑌨𑌵॑𑌦𑍍𑌵𑌾𑌰𑌾 - 𑌬𑍍𑌰॒𑌹𑍍𑌮𑌾 - 𑌚 - 𑌵𑍍𑌯॑𑌕𑍍𑌤𑌗𑍍​𑌮𑍍 - 𑌶॒𑌰𑌦𑍋॒-𑌽𑌷𑍍𑌟𑍌 𑌚॑)

𑌅𑌨𑍁𑌵𑌾𑌕𑌃 2𑍮
𑌵𑌿𑌶𑍀᳚𑌰𑍍​𑌷𑍍𑌣𑍀॒-𑌙𑍍𑌗𑍃𑌦𑍍𑌧𑍍𑌰॑-𑌶𑍀𑌰𑍍​𑌷𑍍𑌣𑍀𑌞𑍍𑌚 । 𑌅𑌪𑍇𑌤𑍋॑ 𑌨𑌿𑌰𑍍-𑌋॒𑌤𑌿𑌗𑍍​𑌮𑍍 𑌹॑𑌥𑌃 । 𑌪𑌰𑌿𑌬𑌾𑌧𑌗𑍍𑌗𑍍​ 𑌶𑍍𑌵𑍇॑𑌤𑌕𑍁॒𑌕𑍍𑌷𑌮𑍍 । 𑌨𑌿॒𑌜𑌙𑍍𑌘𑌗𑍍​𑌮𑍍॑ 𑌶𑌬॒𑌲𑍋𑌦॑𑌰𑌮𑍍 । 𑌸॒ 𑌤𑌾𑌨𑍍. 𑌵𑌾॒𑌚𑍍𑌯𑌾𑌯॑𑌯𑌾 𑌸॒𑌹 । 𑌅𑌗𑍍𑌨𑍇॒ 𑌨𑌾𑌶॑𑌯 𑌸॒𑌨𑍍𑌦𑍃𑌶𑌃॑ । 𑌈॒𑌰𑍍​𑌷𑍍𑌯𑌾॒𑌸𑍂॒𑌯𑍇 𑌬𑍁॑𑌭𑍁॒𑌕𑍍𑌷𑌾𑌮𑍍 । 𑌮॒𑌨𑍍𑌯𑍁-𑌙𑍍𑌕𑍃॒𑌤𑍍𑌯𑌾-𑌞𑍍𑌚॑ 𑌦𑍀𑌧𑌿𑌰𑍇 । 𑌰𑌥𑍇॑𑌨 𑌕𑌿𑌗𑍍​𑌮𑍍𑌶𑍁॒𑌕𑌾𑌵॑𑌤𑌾 । 𑌅𑌗𑍍𑌨𑍇॒ 𑌨𑌾𑌶॑𑌯 𑌸॒𑌨𑍍𑌦𑍃𑌶𑌃॑ ॥ 11𑍯 ॥
(𑌵𑌿𑌶𑍀᳚𑌰𑍍​𑌷𑍍𑌣𑍀॒-𑌨𑍍𑌦𑌶॑)

𑌅𑌨𑍁𑌵𑌾𑌕𑌃 2𑍯
𑌪॒𑌰𑍍𑌜𑌨𑍍𑌯𑌾॑𑌯॒ 𑌪𑍍𑌰𑌗𑌾॑𑌯𑌤 । 𑌦𑌿॒𑌵𑌸𑍍𑌪𑍁॒𑌤𑍍𑌰𑌾𑌯॑ 𑌮𑍀॒𑌢𑍁𑌷𑍇᳚ । 𑌸 𑌨𑍋॑ 𑌯॒𑌵𑌸॑𑌮𑌿𑌚𑍍𑌛𑌤𑍁 । 𑌇॒𑌦𑌂-𑌵𑌁𑌚𑌃॑ 𑌪॒𑌰𑍍𑌜𑌨𑍍𑌯𑌾॑𑌯 𑌸𑍍𑌵॒𑌰𑌾𑌜𑍇᳚ । 𑌹𑍃॒𑌦𑍋 𑌅॒𑌸𑍍𑌤𑍍𑌵𑌨𑍍𑌤॑𑌰॒𑌨𑍍𑌤-𑌦𑍍𑌯𑍁॑𑌯𑍋𑌤 । 𑌮॒𑌯𑍋॒𑌭𑍂𑌰𑍍𑌵𑌾𑌤𑍋॑ 𑌵𑌿॒𑌶𑍍𑌵𑌕𑍃॑𑌷𑍍𑌟𑌯-𑌸𑍍𑌸𑌨𑍍𑌤𑍍𑌵॒𑌸𑍍𑌮𑍇 । 𑌸𑍁॒𑌪𑌿॒𑌪𑍍𑌪॒𑌲𑌾 𑌓𑌷॑𑌧𑍀-𑌰𑍍𑌦𑍇॒𑌵𑌗𑍋॑𑌪𑌾𑌃 । 𑌯𑍋 𑌗𑌰𑍍𑌭॒-𑌮𑍋𑌷॑𑌧𑍀𑌨𑌾𑌮𑍍 । 𑌗𑌵𑌾᳚𑌙𑍍𑌕𑍃॒𑌣𑍋𑌤𑍍𑌯𑌰𑍍𑌵॑𑌤𑌾𑌮𑍍 । 𑌪॒𑌰𑍍𑌜𑌨𑍍𑌯𑌃॑ 𑌪𑍁𑌰𑍁॒𑌷𑍀𑌣𑌾᳚𑌮𑍍 ॥ 120 ॥
(𑌪॒𑌰𑍍𑌜𑌨𑍍𑌯𑌾॑𑌯॒ 𑌦𑌶॑)

𑌅𑌨𑍁𑌵𑌾𑌕𑌃 30
𑌪𑍁𑌨॑𑌰𑍍𑌮𑌾𑌮𑍈𑌤𑍍𑌵𑌿𑌨𑍍𑌦𑍍𑌰𑌿॒𑌯𑌮𑍍 । 𑌪𑍁𑌨॒𑌰𑌾𑌯𑍁𑌃॒ 𑌪𑍁𑌨॒𑌰𑍍𑌭𑌗𑌃॑ । 𑌪𑍁𑌨॒-𑌰𑍍𑌬𑍍𑌰𑌾𑌹𑍍𑌮॑𑌣-𑌮𑍈𑌤𑍁 𑌮𑌾 । 𑌪𑍁𑌨॒-𑌰𑍍𑌦𑍍𑌰𑌵𑌿॑𑌣 𑌮𑍈𑌤𑍁 𑌮𑌾 । 𑌯𑌨𑍍𑌮𑍇॒-𑌽𑌦𑍍𑌯 𑌰𑍇𑌤𑌃॑ 𑌪𑍃𑌥𑌿॒𑌵𑍀𑌮𑌸𑍍𑌕𑌾𑌨𑍍॑ । 𑌯𑌦𑍋𑌷॑𑌧𑍀𑌰॒𑌪𑍍𑌯𑌸॑𑌰॒-𑌦𑍍𑌯𑌦𑌾𑌪𑌃॑ । 𑌇॒𑌦𑌨𑍍𑌤-𑌤𑍍𑌪𑍁𑌨॒𑌰𑌾𑌦॑𑌦𑍇 । 𑌦𑍀॒𑌰𑍍𑌘𑌾॒𑌯𑍁॒𑌤𑍍𑌵𑌾𑌯॒ 𑌵𑌰𑍍𑌚॑𑌸𑍇 । 𑌯𑌨𑍍𑌮𑍇॒ 𑌰𑍇𑌤𑌃॒ 𑌪𑍍𑌰𑌸𑌿॑𑌚𑍍𑌯𑌤𑍇 । 𑌯𑌨𑍍𑌮॒ 𑌆𑌜𑌾॑𑌯𑌤𑍇॒ 𑌪𑍁𑌨𑌃॑ । 𑌤𑍇𑌨॑ 𑌮𑌾𑌮॒𑌮𑍃𑌤॑-𑌙𑍍𑌕𑍁𑌰𑍁 । 𑌤𑍇𑌨॑ 𑌸𑍁𑌪𑍍𑌰॒𑌜𑌸॑𑌙𑍍𑌕𑍁𑌰𑍁 ॥ 121 ॥
(𑌪𑍁𑌨॒𑌰𑍍𑌦𑍍𑌵𑍇 𑌚॑)

𑌅𑌨𑍁𑌵𑌾𑌕𑌃 31
𑌅॒𑌦𑍍𑌭𑌯-𑌸𑍍𑌤𑌿𑌰𑍋॒𑌧𑌾 𑌜𑌾॑𑌯𑌤 । 𑌤𑌵॑ 𑌵𑍈𑌶𑍍𑌰𑌵॒𑌣-𑌸𑍍𑌸॑𑌦𑌾 । 𑌤𑌿𑌰𑍋॑ 𑌧𑍇𑌹𑌿 𑌸𑌪॒𑌤𑍍𑌨𑌾𑌨𑍍𑌨𑌃॑ । 𑌯𑍇 𑌅𑌪𑍋॒-𑌽𑌶𑍍𑌨𑌨𑍍𑌤𑌿॑ 𑌕𑍇𑌚॒𑌨 । 𑌤𑍍𑌵𑌾॒𑌷𑍍𑌟𑍍𑌰𑍀-𑌮𑍍𑌮𑌾॒𑌯𑌾𑌂-𑌵𑌁᳚𑌶𑍍𑌰𑌵॒𑌣𑌃 । 𑌰𑌥𑌗𑍍​𑌮𑍍॑ 𑌸𑌹𑌸𑍍𑌰॒ 𑌵𑌨𑍍𑌧𑍁॑𑌰𑌮𑍍 । 𑌪𑍁॒𑌰𑍁॒𑌶𑍍𑌚॒𑌕𑍍𑌰𑌗𑍍​𑌮𑍍 𑌸𑌹॑𑌸𑍍𑌰𑌾𑌶𑍍𑌵𑌮𑍍 । 𑌆𑌸𑍍𑌥𑌾॒ 𑌯𑌾𑌯𑌾॑𑌹𑌿 𑌨𑍋 𑌬॒𑌲𑌿𑌮𑍍 । 𑌯𑌸𑍍𑌮𑍈॑ 𑌭𑍂॒𑌤𑌾𑌨𑌿॑ 𑌬॒𑌲𑌿𑌮𑌾𑌵॑𑌹𑌨𑍍𑌤𑌿 । 𑌧𑌨॒𑌙𑍍𑌗𑌾𑌵𑍋॒ 𑌹𑌸𑍍𑌤𑌿॒ 𑌹𑌿𑌰॑𑌣𑍍𑌯॒𑌮𑌶𑍍𑌵𑌾𑌨𑍍॑ ॥ 122 ॥
𑌅𑌸𑌾॑𑌮 𑌸𑍁𑌮॒𑌤𑍌 𑌯॒𑌜𑍍𑌞𑌿𑌯॑𑌸𑍍𑌯 । 𑌶𑍍𑌰𑌿𑌯॒-𑌮𑍍𑌬𑌿𑌭𑍍𑌰॒𑌤𑍋 𑌽𑌨𑍍𑌨॑𑌮𑍁𑌖𑍀𑌂-𑌵𑌿𑌁॒𑌰𑌾𑌜᳚𑌮𑍍 । 𑌸𑍁॒𑌦॒𑌰𑍍॒𑌶॒𑌨𑍇 𑌚॑ 𑌕𑍍𑌰𑍌॒𑌞𑍍𑌚𑍇 𑌚॑ । 𑌮𑍈॒𑌨𑌾॒𑌗𑍇 𑌚॑ 𑌮॒𑌹𑌾𑌗𑌿॑𑌰𑍌 । 𑌶॒𑌤𑌦𑍍𑌵𑌾॒𑌟𑍍𑌟𑌰॑𑌗𑌮॒𑌨𑍍𑌤𑌾 (𑌸॒𑌤𑌦𑍍𑌵𑌾॒𑌟𑍍𑌟𑌰॑𑌗𑌮॒𑌨𑍍𑌤𑌾) । 𑌸॒𑌗𑍍​𑌮𑍍॒𑌹𑌾𑌰𑍍𑌯॒-𑌨𑍍𑌨𑌗॑𑌰॒-𑌨𑍍𑌤𑌵॑ । 𑌇𑌤𑌿 𑌮𑌨𑍍𑌤𑍍𑌰𑌾𑌃᳚ । 𑌕𑌲𑍍𑌪𑍋॑-𑌽𑌤 𑌊॒𑌰𑍍𑌧𑍍𑌵𑌮𑍍 ॥ 𑌯𑌦𑌿॒ 𑌬𑌲𑌿॒𑌗𑍍​𑌮𑍍॒ 𑌹𑌰𑍇᳚𑌤𑍍 । 𑌹𑌿॒𑌰॒𑌣𑍍𑌯॒𑌨𑌾॒𑌭𑌯𑍇॑ 𑌵𑌿𑌤𑍁॒𑌦𑌯𑍇॑ 𑌕𑍌𑌬𑍇॒𑌰𑌾𑌯𑌾॒𑌯-𑌮𑍍𑌬॑𑌲𑌿𑌃 ॥ 123 ॥
𑌸𑌰𑍍𑌵𑌭𑍂𑌤𑌾𑌧𑌿𑌪𑌤𑌯𑍇 𑌨॑𑌮 𑌇॒𑌤𑌿 । 𑌅𑌥 𑌬𑌲𑌿𑌗𑍍​𑌮𑍍 𑌹𑍃𑌤𑍍𑌵𑍋𑌪॑𑌤𑌿𑌷𑍍𑌠𑍇॒𑌤 । 𑌕𑍍𑌷॒𑌤𑍍𑌰-𑌙𑍍𑌕𑍍𑌷॒𑌤𑍍𑌰𑌂-𑌵𑍈𑌁᳚𑌶𑍍𑌰𑌵॒𑌣𑌃 । 𑌬𑍍𑌰𑌾𑌹𑍍𑌮𑌣𑌾॑ 𑌵𑌯॒𑌗𑍍𑌗𑍍॒ 𑌸𑍍𑌮𑌃 । 𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌮𑌾 𑌮𑌾॑ 𑌹𑌿𑌗𑍍​𑌮𑍍𑌸𑍀𑌃 । 𑌅𑌸𑍍𑌮𑌾-𑌤𑍍𑌪𑍍𑌰𑌵𑌿𑌶𑍍𑌯𑌾𑌨𑍍𑌨॑𑌮𑌦𑍍𑌧𑍀॒𑌤𑌿 । 𑌅𑌥 𑌤𑌮𑌗𑍍𑌨𑌿-𑌮𑌾॑𑌦𑌧𑍀॒𑌤 । 𑌯𑌸𑍍𑌮𑌿𑌨𑍍𑌨𑍇 𑌤𑌤𑍍𑌕𑌰𑍍𑌮 𑌪𑍍𑌰॑𑌯𑍁𑌞𑍍𑌜𑍀॒𑌤 । 𑌤𑌿॒𑌰𑍋𑌧𑌾॒ 𑌭𑍂𑌃 । 𑌤𑌿॒𑌰𑍋𑌧𑌾॒ 𑌭𑍁𑌵𑌃॑ ॥ 124 ॥
𑌤𑌿॒𑌰𑍋𑌧𑌾॒-𑌸𑍍𑌸𑍍𑌵𑌃॑ । 𑌤𑌿॒𑌰𑍋𑌧𑌾॒ 𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵𑌃॑ । 𑌸𑌰𑍍𑌵𑍇𑌷𑌾𑌂-𑌲𑍋𑌁𑌕𑌾𑌨𑌾-𑌮𑌾𑌧𑌿𑌪𑌤𑍍𑌯𑍇॑ 𑌸𑍀𑌦𑍇॒𑌤𑌿 । 𑌅𑌥 𑌤𑌮𑌗𑍍𑌨𑌿॑-𑌮𑌿𑌨𑍍𑌧𑍀॒𑌤 । 𑌯𑌸𑍍𑌮𑌿𑌨𑍍𑌨𑍇 𑌤𑌤𑍍𑌕𑌰𑍍𑌮 𑌪𑍍𑌰॑𑌯𑍁𑌞𑍍𑌜𑍀॒𑌤 । 𑌤𑌿॒𑌰𑍋𑌧𑌾॒ 𑌭𑍂-𑌸𑍍𑌸𑍍𑌵𑌾𑌹𑌾᳚ । 𑌤𑌿॒𑌰𑍋𑌧𑌾॒ 𑌭𑍁𑌵॒-𑌸𑍍𑌸𑍍𑌵𑌾𑌹𑌾᳚ । 𑌤𑌿॒𑌰𑍋𑌧𑌾॒-𑌸𑍍𑌸𑍍𑌵॑-𑌸𑍍𑌸𑍍𑌵𑌾𑌹𑌾᳚ । 𑌤𑌿॒𑌰𑍋𑌧𑌾॒ 𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵॑𑌸𑍍𑌸𑍍𑌵𑌾𑌹𑌾᳚ । 𑌯𑌸𑍍𑌮𑌿𑌨𑍍𑌨𑌸𑍍𑌯 𑌕𑌾𑌲𑍇 𑌸𑌰𑍍𑌵𑌾 𑌆𑌹𑍁𑌤𑍀𑌰𑍍-𑌹𑍁𑌤𑌾॑ 𑌭𑌵𑍇॒𑌯𑍁𑌃 ॥ 125 ॥
𑌅𑌪𑌿 𑌬𑍍𑌰𑌾𑌹𑍍𑌮𑌣॑𑌮𑍁𑌖𑍀॒𑌨𑌾𑌃 । 𑌤𑌸𑍍𑌮𑌿𑌨𑍍𑌨𑌹𑍍𑌨𑌃 𑌕𑌾𑌲𑍇 𑌪𑍍𑌰॑𑌯𑍁𑌞𑍍𑌜𑍀॒𑌤 । 𑌪𑌰॑-𑌸𑍍𑌸𑍁॒𑌪𑍍𑌤𑌜॑𑌨𑌾𑌦𑍍𑌵𑍇॒𑌪𑌿 । 𑌮𑌾 𑌸𑍍𑌮 𑌪𑍍𑌰𑌮𑌾𑌦𑍍𑌯𑌨𑍍𑌤॑ 𑌮𑌾𑌦𑍍𑌧𑍍𑌯𑌾॒𑌪𑌯𑍇𑌤𑍍 । 𑌸𑌰𑍍𑌵𑌾𑌰𑍍𑌥𑌾᳚-𑌸𑍍𑌸𑌿𑌦𑍍𑌧𑍍𑌯॒𑌨𑍍𑌤𑍇 । 𑌯 𑌏॑𑌵𑌂-𑌵𑍇𑌁॒𑌦 । 𑌕𑍍𑌷𑍁𑌦𑍍𑌧𑍍𑌯-𑌨𑍍𑌨𑌿𑌦॑𑌮𑌜𑌾॒𑌨𑌤𑌾𑌮𑍍 । 𑌸𑌰𑍍𑌵𑌾𑌰𑍍𑌥𑌾 𑌨॑ 𑌸𑌿𑌦𑍍𑌧𑍍𑌯॒𑌨𑍍𑌤𑍇 । 𑌯𑌸𑍍𑌤𑍇॑ 𑌵𑌿॒𑌘𑌾𑌤𑍁॑𑌕𑍋 𑌭𑍍𑌰𑌾॒𑌤𑌾 । 𑌮𑌮𑌾𑌨𑍍𑌤𑌰𑍍-𑌹𑍃॑𑌦𑌯𑍇॒ 𑌶𑍍𑌰𑌿𑌤𑌃 ॥ 126 ॥
𑌤𑌸𑍍𑌮𑌾॑ 𑌇॒𑌮𑌮𑌗𑍍𑌰॒ 𑌪𑌿𑌣𑍍𑌡॑𑌞𑍍𑌜𑍁𑌹𑍋𑌮𑌿 । 𑌸 𑌮𑍇᳚-𑌽𑌰𑍍𑌥𑌾॒-𑌨𑍍𑌮𑌾 𑌵𑌿𑌵॑𑌧𑍀𑌤𑍍 । 𑌮𑌯𑌿॒ 𑌸𑍍𑌵𑌾𑌹𑌾᳚ ॥ 𑌰𑌾॒𑌜𑌾॒𑌧𑌿॒𑌰𑌾॒𑌜𑌾𑌯॑ 𑌪𑍍𑌰𑌸𑌹𑍍𑌯 𑌸𑌾॒𑌹𑌿𑌨𑍇᳚ । 𑌨𑌮𑍋॑ 𑌵॒𑌯𑌂-𑌵𑍈𑌁᳚𑌶𑍍𑌰𑌵॒𑌣𑌾𑌯॑ 𑌕𑍁𑌰𑍍𑌮𑌹𑍇 । 𑌸 𑌮𑍇॒ 𑌕𑌾𑌮𑌾॒𑌨𑍍 𑌕𑌾𑌮॒ 𑌕𑌾𑌮𑌾॑𑌯॒ 𑌮𑌹𑍍𑌯᳚𑌮𑍍 । 𑌕𑌾॒𑌮𑍇॒𑌶𑍍𑌵॒𑌰𑍋 𑌵𑍈᳚𑌶𑍍𑌰𑌵॒𑌣𑍋 𑌦॑𑌦𑌾𑌤𑍁 । 𑌕𑍁॒𑌬𑍇॒𑌰𑌾𑌯॑ 𑌵𑍈𑌶𑍍𑌰𑌵॒𑌣𑌾𑌯॑ । 𑌮॒𑌹𑌾॒𑌰𑌾॒𑌜𑌾𑌯॒ 𑌨𑌮𑌃॑ । 𑌕𑍇॒𑌤𑌵𑍋॒ 𑌅𑌰𑍁॑𑌣𑌾𑌸𑌶𑍍𑌚 । 𑌋॒𑌷॒𑌯𑍋 𑌵𑌾𑌤॑𑌰𑌶॒𑌨𑌾𑌃 । 𑌪𑍍𑌰॒𑌤𑌿॒𑌷𑍍𑌠𑌾𑌗𑍍​𑌮𑍍 𑌶॒𑌤𑌧𑌾॑ 𑌹𑌿 । 𑌸॒𑌮𑌾𑌹𑌿॑𑌤𑌾𑌸𑍋 𑌸𑌹𑌸𑍍𑌰॒𑌧𑌾𑌯॑𑌸𑌮𑍍 । 𑌶𑌿॒𑌵𑌾 𑌨॒-𑌶𑍍𑌶𑌨𑍍𑌤॑𑌮𑌾 𑌭𑌵𑌨𑍍𑌤𑍁 । 𑌦𑌿॒𑌵𑍍𑌯𑌾 𑌆𑌪॒ 𑌓𑌷॑𑌧𑌯𑌃 । 𑌸𑍁॒𑌮𑍃॒𑌡𑍀॒𑌕𑌾 𑌸𑌰॑𑌸𑍍𑌵𑌤𑌿 । 𑌮𑌾 𑌤𑍇॒ 𑌵𑍍𑌯𑍋॑𑌮 𑌸॒𑌨𑍍𑌦𑍃𑌶𑌿॑ ॥ 12𑍭 ॥
(𑌅𑌶𑍍𑌵𑌾᳚𑌨𑍍-𑌬𑌲𑌿॒-𑌰𑍍𑌭𑍁𑌵𑍋॑ - 𑌭𑌵𑍇॒𑌯𑍁𑌃 - 𑌶𑍍𑌰𑌿𑌤 - 𑌶𑍍𑌚॑ 𑌸॒𑌪𑍍𑌤 𑌚॑)

𑌅𑌨𑍁𑌵𑌾𑌕𑌃 32
𑌸𑌂​𑌵𑌁𑌥𑍍𑌸𑌰𑌮𑍇𑌤॑-𑌦𑍍𑌵𑍍𑌰𑌤॒𑌞𑍍𑌚𑌰𑍇𑌤𑍍 । 𑌦𑍍𑌵𑍌॑ 𑌵𑌾 𑌮𑌾॒𑌸𑍌 । 𑌨𑌿𑌯𑌮-𑌸𑍍𑌸॑𑌮𑌾𑌸𑍇॒𑌨 । 𑌤𑌸𑍍𑌮𑌿-𑌨𑍍𑌨𑌿𑌯𑌮॑ 𑌵𑌿𑌶𑍇॒𑌷𑌾𑌃 । 𑌤𑍍𑌰𑌿𑌷𑌵𑌣-𑌮𑍁𑌦𑌕𑍋॑𑌪𑌸𑍍𑌪॒𑌰𑍍॒𑌶𑍀 । 𑌚𑌤𑍁𑌰𑍍𑌥 𑌕𑌾𑌲𑌪𑌾𑌨॑𑌭𑌕𑍍𑌤॒-𑌸𑍍𑌸𑍍𑌯𑌾𑌤𑍍 । 𑌅𑌹𑌰𑌹𑌰𑍍𑌵𑌾 𑌭𑍈𑌕𑍍𑌷॑𑌮𑌶𑍍𑌨॒𑌯𑌾𑌤𑍍 । 𑌔𑌦𑍁𑌮𑍍𑌬𑌰𑍀𑌭𑌿-𑌸𑍍𑌸𑌮𑌿𑌦𑍍𑌭𑌿-𑌰𑌗𑍍𑌨𑌿॑-𑌮𑍍𑌪𑌰𑌿॒𑌚𑌰𑍇𑌤𑍍 । 𑌪𑍁𑌨𑌰𑍍𑌮𑌾 𑌮𑍈𑌤𑍍𑌵𑌿𑌨𑍍𑌦𑍍𑌰𑌿𑌯-𑌮𑌿𑌤𑍍𑌯𑍇𑌤𑍇𑌨𑌾-𑌽𑌨𑍁॑𑌵𑌾𑌕𑍇॒𑌨 । 𑌉𑌦𑍍𑌧𑍃𑌤 𑌪𑌰𑌿𑌪𑍂𑌤𑌾𑌭𑌿𑌰𑌦𑍍𑌭𑌿𑌃 𑌕𑌾𑌰𑍍𑌯॑-𑌙𑍍𑌕𑍁𑌰𑍍𑌵𑍀॒𑌤 ॥ 12𑍮 ॥
𑌅॑𑌸𑌞𑍍𑌚॒𑌯𑌵𑌾𑌨𑍍 । 𑌅𑌗𑍍𑌨𑌯𑍇 𑌵𑌾𑌯𑌵𑍇॑ 𑌸𑍂𑌰𑍍𑌯𑌾॒𑌯 । 𑌬𑍍𑌰𑌹𑍍𑌮𑌣𑍇 𑌪𑍍𑌰॑𑌜𑌾𑌪॒𑌤𑌯𑍇 । 𑌚𑌨𑍍𑌦𑍍𑌰𑌮𑌸𑍇 𑌨॑𑌕𑍍𑌷𑌤𑍍𑌰𑍇॒𑌭𑍍𑌯𑌃 । 𑌋𑌤𑍁𑌭𑍍𑌯-𑌸𑍍𑌸𑌂​𑌵𑌁॑𑌥𑍍𑌸𑌰𑌾॒𑌯 । 𑌵𑌰𑍁𑌣𑌾-𑌯𑌾𑌰𑍁𑌣𑌾𑌯𑍇𑌤𑌿 𑌵𑍍𑌰॑𑌤𑌹𑍋॒𑌮𑌾𑌃 । 𑌪𑍍𑌰॒𑌵॒𑌰𑍍𑌗𑍍𑌯𑌵॑𑌦𑌾𑌦𑍇॒𑌶𑌃 । 𑌅𑌰𑍁𑌣𑌾𑌃 𑌕𑌾᳚𑌣𑍍𑌡 𑌋॒𑌷𑌯𑌃 ॥ 𑌅𑌰𑌣𑍍𑌯𑍇॑-𑌽𑌧𑍀𑌯𑍀॒𑌰𑌨𑍍𑌨𑍍 । 𑌭𑌦𑍍𑌰𑌙𑍍𑌕𑌰𑍍𑌣𑍇𑌭𑌿𑌰𑌿𑌤𑌿 𑌦𑍍𑌵𑍇॑ 𑌜𑌪𑌿॒𑌤𑍍𑌵𑌾 ॥ 12𑍯 ॥
𑌮𑌹𑌾𑌨𑌾𑌮𑍍𑌨𑍀𑌭𑌿-𑌰𑍁𑌦𑌕𑌗𑍍​𑌮𑍍 𑌸𑌗𑍍𑌗𑍍॑𑌸𑍍𑌪॒𑌰𑍍​𑌶𑍍𑌯 । 𑌤𑌮𑌾𑌚𑌾᳚𑌰𑍍𑌯𑍋 𑌦॒𑌦𑍍𑌯𑌾𑌤𑍍 । 𑌶𑌿𑌵𑌾𑌨-𑌶𑍍𑌶𑌨𑍍𑌤𑌮𑍇-𑌤𑍍𑌯𑍋𑌷𑌧𑍀॑𑌰𑌾𑌲॒𑌭𑌤𑍇 । 𑌸𑍁𑌮𑍃𑌡𑍀𑌕𑍇॑𑌤𑌿 𑌭𑍂॒𑌮𑌿𑌮𑍍 । 𑌏𑌵𑌮॑𑌪𑌵॒𑌰𑍍𑌗𑍇 । 𑌧𑍇॑𑌨𑍁-𑌰𑍍𑌦॒𑌕𑍍𑌷𑌿𑌣𑌾 । 𑌕𑌗𑍍​𑌮𑍍 𑌸𑌂​𑌵𑌾𑌁𑌸॑𑌶𑍍𑌚 𑌕𑍍𑌷𑍌॒𑌮𑌮𑍍 । 𑌅𑌨𑍍𑌯॑𑌦𑍍𑌵𑌾 𑌶𑍁॒𑌕𑍍𑌲𑌮𑍍 । 𑌯॑𑌥𑌾 𑌶॒𑌕𑍍𑌤𑌿 𑌵𑌾 । 𑌏𑌵𑌗𑍍𑌗𑍍​ 𑌸𑍍𑌵𑌾𑌦𑍍𑌧𑍍𑌯𑌾𑌯॑ 𑌧𑌰𑍍𑌮𑍇॒𑌣 । 𑌅𑌰𑌣𑍍𑌯𑍇॑-𑌽𑌧𑍀𑌯𑍀॒𑌤 । 𑌤𑌪𑌸𑍍𑌵𑍀 𑌪𑍁𑌣𑍍𑌯𑍋 𑌭𑌵𑌤𑌿 𑌤𑌪𑌸𑍍𑌵𑍀 𑌪𑍁॑𑌣𑍍𑌯𑍋 𑌭॒𑌵𑌤𑌿 ॥ 130 ॥
(𑌕𑍁॒𑌰𑍍𑌵𑍀॒𑌤 - 𑌜॑𑌪𑌿॒𑌤𑍍𑌵𑌾 - 𑌸𑍍𑌵𑌾𑌦𑍍𑌧𑍍𑌯𑌾𑌯॑𑌧𑌰𑍍𑌮𑍇॒𑌣 𑌦𑍍𑌵𑍇 𑌚॑)

𑌅𑌨𑍁𑌵𑌾𑌕𑌾𑌨𑌿
(𑌭॒𑌦𑍍𑌰𑌗𑍍𑌗𑍍​ - 𑌸𑍍𑌮𑍃𑌤𑌿𑌃॑ - 𑌸𑌾𑌕॒𑌜𑌾𑌨𑍍𑌨𑌾॒ - 𑌮𑌕𑍍𑌷𑍍𑌯- 𑌤𑌿॑𑌤𑌾॒𑌮𑍍𑌰𑌾 - 𑌣𑍍𑌯॑𑌤𑍍𑌯𑍁𑌰𑍍𑌧𑍍𑌵𑌾॒𑌕𑍍𑌷 - 𑌆𑌰𑍋𑌗𑌃 - 𑌕𑍍𑌵𑍇𑌦 - 𑌮𑌗𑍍𑌨𑌿𑌶𑍍𑌚 - 𑌸॑𑌹𑌸𑍍𑌰॒𑌵𑍃𑌤𑍍 - 𑌪॒𑌵𑌿𑌤𑍍𑌰॑𑌵𑌨𑍍𑌤॒ -𑌆𑌤॑𑌨𑍁𑌷𑍍𑌵𑌾॒ -𑌷𑍍𑌟𑌯𑍋॑𑌨𑍀𑌂॒ - 𑌁𑌯𑍋-𑌽𑌸𑌾॒ - 𑌵𑌥𑌾𑌦𑌿𑌤𑍍𑌯 - 𑌸𑍍𑌯𑌾𑌰𑍋𑌗-𑌸𑍍𑌯𑌾𑌥 𑌵𑌾𑌯𑍋- 𑌰𑌥𑌾𑌗𑍍𑌨𑍇॒--𑌰𑍍 𑌦𑌕𑍍𑌷𑌿𑌣𑌪𑍂𑌰𑍍𑌵𑌸𑍍𑌯𑌾 - 𑌮𑌿॑𑌨𑍍𑌦𑍍𑌰𑌘𑍋॒𑌷𑌾 𑌵॒-𑌆𑌪॑𑌮𑌾𑌪𑌾𑌂॒​𑌯𑍋𑌁॑-𑌽𑌪𑌾 - 𑌮𑌾𑌪𑍋॒ 𑌵𑍈 - 𑌚𑌤𑍁॑𑌷𑍍𑌟𑌯𑍍𑌯𑍋 - 𑌜𑌾𑌨𑍁𑌦॒𑌘𑍍𑌨𑍀 - 𑌮॒𑌗𑍍𑌨𑌿-𑌮𑍍𑌪𑍍𑌰॒𑌣𑍀𑌯𑍇॒ - 𑌮𑌾 𑌨𑍁॑ 𑌕𑌂॒ - 𑌁𑌵𑌿𑌶𑍀᳚𑌰𑍍​𑌷𑍍𑌣𑍀𑌂 - 𑌪॒𑌰𑍍𑌜𑌨𑍍𑌯𑌾॑𑌯॒ - 𑌪𑍁𑌨॑ - 𑌰॒𑌦𑍍𑌭𑍍𑌯𑌃 -𑌸𑌂​𑌵𑌁𑌥𑍍𑌸𑌰-𑌨𑍍𑌦𑍍𑌵𑌾𑌤𑍍𑌰𑌿𑌗𑍍​𑌮𑍍॑𑌶𑌤𑍍)

(𑌭𑌦𑍍𑌰𑌂 - 𑌤𑌪𑌸𑍍𑌵𑍀 𑌪𑍁𑌣𑍍𑌯𑍋 𑌭𑌵𑌤𑌿 𑌤𑌪𑌸𑍍𑌵𑍀 𑌪𑍁॑𑌣𑍍𑌯𑍋 𑌭॒𑌵𑌤𑌿)

॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌪𑍍𑌰𑌥𑌮𑌃 𑌪𑍍𑌰𑌪𑌾𑌠𑌕𑌃 (𑌅𑌰𑍁𑌣𑌪𑍍𑌰𑌶𑍍𑌨𑌃) 𑌸𑌮𑌾𑌪𑍍𑌤𑌃 ॥