(𑌕𑍃𑌷𑍍𑌣𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯𑌾𑌰𑌣𑍍𑌯𑌕𑍇 𑌤𑍃𑌤𑍀𑌯 𑌪𑍍𑌰𑌪𑌾𑌠𑌕𑌃)

𑌹𑌰𑌿𑌃 𑌓𑌮𑍍 । 𑌤𑌚𑍍𑌛𑌂॒-𑌯𑍋𑌁𑌰𑌾𑌵𑍃॑𑌣𑍀𑌮𑌹𑍇 । 𑌗𑌾॒𑌤𑍁𑌂-𑌯𑌁॒𑌜𑍍𑌞𑌾𑌯॑ ।
𑌗𑌾॒𑌤𑍁𑌂-𑌯𑌁॒𑌜𑍍𑌞𑌪॑𑌤𑌯𑍇 । 𑌦𑍈𑌵𑍀᳚ 𑌸𑍍𑌵॒𑌸𑍍𑌤𑌿𑌰॑𑌸𑍍𑌤𑍁 𑌨𑌃 ।
𑌸𑍍𑌵॒𑌸𑍍𑌤𑌿𑌰𑍍𑌮𑌾𑌨𑍁॑𑌷𑍇𑌭𑍍𑌯𑌃 । 𑌊॒𑌰𑍍𑌧𑍍𑌵𑌂 𑌜𑌿॑𑌗𑌾𑌤𑍁 𑌭𑍇𑌷॒𑌜𑌮𑍍 ।
𑌶𑌂 𑌨𑍋॑ 𑌅𑌸𑍍𑌤𑍁 𑌦𑍍𑌵𑌿॒𑌪𑌦𑍇᳚ । 𑌶𑌂 𑌚𑌤𑍁॑𑌷𑍍𑌪𑌦𑍇 ॥
𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

𑌓𑌂 𑌚𑌿𑌤𑍍𑌤𑌿॒𑌸𑍍𑌸𑍍𑌰𑍁𑌕𑍍 । 𑌚𑌿॒𑌤𑍍𑌤𑌮𑌾𑌜𑍍𑌯᳚𑌮𑍍 । 𑌵𑌾𑌗𑍍𑌵𑍇𑌦𑌿𑌃॑ । 𑌆𑌧𑍀॑𑌤𑌂 𑌬॒𑌰𑍍​𑌹𑌿𑌃 । 𑌕𑍇𑌤𑍋॑ 𑌅॒𑌗𑍍𑌨𑌿𑌃 । 𑌵𑌿𑌜𑍍𑌞𑌾॑𑌤𑌮॒𑌗𑍍𑌨𑌿𑌃 । 𑌵𑌾𑌕𑍍𑌪॑𑌤𑌿॒𑌰𑍍​𑌹𑍋𑌤𑌾᳚ । 𑌮𑌨॑ 𑌉𑌪𑌵॒𑌕𑍍𑌤𑌾 । 𑌪𑍍𑌰𑌾॒𑌣𑍋 𑌹॒𑌵𑌿𑌃 । 𑌸𑌾𑌮𑌾᳚𑌧𑍍𑌵॒𑌰𑍍𑌯𑍁𑌃 । 𑌵𑌾𑌚॑𑌸𑍍𑌪𑌤𑍇 𑌵𑌿𑌧𑍇 𑌨𑌾𑌮𑌨𑍍𑌨𑍍 । 𑌵𑌿॒𑌧𑍇𑌮॑ 𑌤𑍇॒ 𑌨𑌾𑌮॑ । 𑌵𑌿॒𑌧𑍇𑌸𑍍𑌤𑍍𑌵𑌮॒𑌸𑍍𑌮𑌾𑌕𑌂॒ 𑌨𑌾𑌮॑ । 𑌵𑌾॒𑌚𑌸𑍍𑌪𑌤𑌿॒𑌸𑍍𑌸𑍋𑌮𑌂॑ 𑌪𑌿𑌬𑌤𑍁 । 𑌆𑌽𑌸𑍍𑌮𑌾𑌸𑍁॑ 𑌨𑍃॒𑌮𑍍𑌣𑌂 𑌧𑌾॒𑌤𑍍𑌸𑍍𑌵𑌾𑌹𑌾᳚ ॥ 1 ॥
𑌅॒𑌧𑍍𑌵॒𑌰𑍍𑌯𑍁𑌃 𑌪𑌂𑌚॑ 𑌚 ॥ 1 ॥

𑌪𑍃॒𑌥𑌿॒𑌵𑍀 𑌹𑍋𑌤𑌾᳚ । 𑌦𑍍𑌯𑍌𑌰॑𑌧𑍍𑌵॒𑌰𑍍𑌯𑍁𑌃 । 𑌰𑍁॒𑌦𑍍𑌰𑍋᳚𑌽𑌗𑍍𑌨𑍀𑌤𑍍 । 𑌬𑍃𑌹॒𑌸𑍍𑌪𑌤𑌿॑𑌰𑍁𑌪𑌵॒𑌕𑍍𑌤𑌾 । 𑌵𑌾𑌚॑𑌸𑍍𑌪𑌤𑍇 𑌵𑌾॒𑌚𑍋 𑌵𑍀॒𑌰𑍍𑌯𑍇॑𑌣 । 𑌸𑌂𑌭𑍃॑𑌤𑌤𑌮𑍇॒𑌨𑌾𑌽𑌽𑌯॑𑌕𑍍𑌷𑍍𑌯𑌸𑍇 । 𑌯𑌜॑𑌮𑌾𑌨𑌾𑌯॒ 𑌵𑌾𑌰𑍍𑌯᳚𑌮𑍍 । 𑌆 𑌸𑍁𑌵॒𑌸𑍍𑌕𑌰॑𑌸𑍍𑌮𑍈 । 𑌵𑌾॒𑌚𑌸𑍍𑌪𑌤𑌿॒𑌸𑍍𑌸𑍋𑌮𑌂॑ 𑌪𑌿𑌬𑌤𑌿 । 𑌜॒𑌜𑌨॒𑌦𑌿𑌂𑌦𑍍𑌰॑𑌮𑌿𑌂𑌦𑍍𑌰𑌿॒𑌯𑌾𑌯॒ 𑌸𑍍𑌵𑌾𑌹𑌾᳚ ॥ 2 ॥
𑌪𑍃॒𑌥𑌿॒𑌵𑍀 𑌹𑍋𑌤𑌾॒ 𑌦𑌶॑ ॥ 2 ॥

𑌅॒𑌗𑍍𑌨𑌿𑌰𑍍​𑌹𑍋𑌤𑌾᳚ । 𑌅॒𑌶𑍍𑌵𑌿𑌨𑌾᳚𑌽𑌧𑍍𑌵॒𑌰𑍍𑌯𑍂 । 𑌤𑍍𑌵𑌷𑍍𑌟𑌾॒𑌽𑌗𑍍𑌨𑍀𑌤𑍍 । 𑌮𑌿॒𑌤𑍍𑌰 𑌉॑𑌪𑌵॒𑌕𑍍𑌤𑌾 । 𑌸𑍋𑌮॒𑌸𑍍𑌸𑍋𑌮॑𑌸𑍍𑌯 𑌪𑍁𑌰𑍋॒𑌗𑌾𑌃 । 𑌶𑍁॒𑌕𑍍𑌰𑌸𑍍𑌶𑍁॒𑌕𑍍𑌰𑌸𑍍𑌯॑ 𑌪𑍁𑌰𑍋॒𑌗𑌾𑌃 । 𑌶𑍍𑌰𑌾॒𑌤𑌾𑌸𑍍𑌤॑ 𑌇𑌂𑌦𑍍𑌰॒ 𑌸𑍋𑌮𑌾𑌃᳚ । 𑌵𑌾𑌤𑌾॑𑌪𑍇𑌰𑍍​𑌹𑌵𑌨॒𑌶𑍍𑌰𑍁𑌤॒𑌸𑍍𑌸𑍍𑌵𑌾𑌹𑌾᳚ ॥ 3 ॥
𑌅॒𑌗𑍍𑌨𑌿𑌰𑍍​𑌹𑍋𑌤𑌾॒𑌽𑌷𑍍𑌟𑍌 ॥ 3 ॥

𑌸𑍂𑌰𑍍𑌯𑌂॑ 𑌤𑍇॒ 𑌚𑌕𑍍𑌷𑍁𑌃॑ । 𑌵𑌾𑌤𑌂॑ 𑌪𑍍𑌰𑌾॒𑌣𑌃 । 𑌦𑍍𑌯𑌾𑌂 𑌪𑍃॒𑌷𑍍𑌠𑌮𑍍 । 𑌅𑌂॒𑌤𑌰𑌿॑𑌕𑍍𑌷𑌮𑌾॒𑌤𑍍𑌮𑌾 । 𑌅𑌂𑌗𑍈᳚𑌰𑍍𑌯॒𑌜𑍍𑌞𑌮𑍍 । 𑌪𑍃॒𑌥𑌿॒𑌵𑍀𑌗𑍍​𑌮𑍍 𑌶𑌰𑍀॑𑌰𑍈𑌃 । 𑌵𑌾𑌚॑𑌸𑍍𑌪॒𑌤𑍇𑌽𑌚𑍍𑌛𑌿॑𑌦𑍍𑌰𑌯𑌾 𑌵𑌾॒𑌚𑌾 । 𑌅𑌚𑍍𑌛𑌿॑𑌦𑍍𑌰𑌯𑌾 𑌜𑍁॒𑌹𑍍𑌵𑌾᳚ । 𑌦𑌿॒𑌵𑌿 𑌦𑍇॑𑌵𑌾॒𑌵𑍃𑌧॒𑌗𑍍​𑌮𑍍॒ 𑌹𑍋𑌤𑍍𑌰𑌾॒ 𑌮𑍇𑌰॑𑌯𑌸𑍍𑌵॒ 𑌸𑍍𑌵𑌾𑌹𑌾᳚ ॥ 4 ॥
𑌸𑍂𑌰𑍍𑌯𑌂॑ 𑌤𑍇॒ 𑌨𑌵॑ ॥ 4 ॥

𑌮॒𑌹𑌾𑌹॑𑌵𑌿॒𑌰𑍍​𑌹𑍋𑌤𑌾᳚ । 𑌸॒𑌤𑍍𑌯𑌹॑𑌵𑌿𑌰𑌧𑍍𑌵॒𑌰𑍍𑌯𑍁𑌃 । 𑌅𑌚𑍍𑌯𑍁॑𑌤𑌪𑌾𑌜𑌾 𑌅॒𑌗𑍍𑌨𑍀𑌤𑍍 । 𑌅𑌚𑍍𑌯𑍁॑𑌤𑌮𑌨𑌾 𑌉𑌪𑌵॒𑌕𑍍𑌤𑌾 । 𑌅॒𑌨𑌾॒𑌧𑍃॒𑌷𑍍𑌯𑌶𑍍𑌚𑌾᳚𑌪𑍍𑌰𑌤𑌿𑌧𑍃॒𑌷𑍍𑌯𑌶𑍍𑌚॑ 𑌯॒𑌜𑍍𑌞𑌸𑍍𑌯𑌾॑𑌭𑌿𑌗॒𑌰𑍌 । 𑌅॒𑌯𑌾𑌸𑍍𑌯॑ 𑌉𑌦𑍍𑌗𑌾॒𑌤𑌾 । 𑌵𑌾𑌚॑𑌸𑍍𑌪𑌤𑍇 𑌹𑍃𑌦𑍍𑌵𑌿𑌧𑍇 𑌨𑌾𑌮𑌨𑍍𑌨𑍍 । 𑌵𑌿॒𑌧𑍇𑌮॑ 𑌤𑍇॒ 𑌨𑌾𑌮॑ । 𑌵𑌿॒𑌧𑍇𑌸𑍍𑌤𑍍𑌵𑌮॒𑌸𑍍𑌮𑌾𑌕𑌂॒ 𑌨𑌾𑌮॑ । 𑌵𑌾॒𑌚𑌸𑍍𑌪𑌤𑌿॒𑌸𑍍𑌸𑍋𑌮॑𑌮𑌪𑌾𑌤𑍍 । 𑌮𑌾 𑌦𑍈𑌵𑍍𑌯॒𑌸𑍍𑌤𑌂𑌤𑍁॒𑌶𑍍𑌛𑍇𑌦𑌿॒ 𑌮𑌾 𑌮॑𑌨𑍁॒𑌷𑍍𑌯𑌃॑ । 𑌨𑌮𑍋॑ 𑌦𑌿॒𑌵𑍇 । 𑌨𑌮𑌃॑ 𑌪𑍃𑌥𑌿॒𑌵𑍍𑌯𑍈 𑌸𑍍𑌵𑌾𑌹𑌾᳚ ॥ 5 ॥
𑌅॒𑌪𑌾॒𑌤𑍍𑌤𑍍𑌰𑍀𑌣𑌿॑ 𑌚 ॥ 5 ॥

𑌵𑌾𑌗𑍍𑌘𑍋𑌤𑌾᳚ । 𑌦𑍀॒𑌕𑍍𑌷𑌾 𑌪𑌤𑍍𑌨𑍀᳚ । 𑌵𑌾𑌤𑍋᳚𑌽𑌧𑍍𑌵॒𑌰𑍍𑌯𑍁𑌃 । 𑌆𑌪𑍋॑𑌽𑌭𑌿𑌗॒𑌰𑌃 । 𑌮𑌨𑍋॑ 𑌹॒𑌵𑌿𑌃 । 𑌤𑌪॑𑌸𑌿 𑌜𑍁𑌹𑍋𑌮𑌿 । 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌬𑍍𑌰𑌹𑍍𑌮॑ 𑌸𑍍𑌵𑌯𑌂॒𑌭𑍁 । 𑌬𑍍𑌰𑌹𑍍𑌮॑𑌣𑍇 𑌸𑍍𑌵𑌯𑌂॒𑌭𑍁𑌵𑍇॒ 𑌸𑍍𑌵𑌾𑌹𑌾᳚ ॥ 6 ॥
𑌵𑌾𑌗𑍍𑌘𑍋𑌤𑌾॒ 𑌨𑌵॑ ॥ 6 ॥

𑌬𑍍𑌰𑌾॒𑌹𑍍𑌮॒𑌣 𑌏𑌕॑𑌹𑍋𑌤𑌾 । 𑌸 𑌯॒𑌜𑍍𑌞𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌯॒𑌜𑍍𑌞𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 । 𑌅॒𑌗𑍍𑌨𑌿𑌰𑍍𑌦𑍍𑌵𑌿𑌹𑍋॑𑌤𑌾 । 𑌸 𑌭॒𑌰𑍍𑌤𑌾 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌭॒𑌰𑍍𑌤𑌾 𑌚॑ 𑌮𑍇 𑌭𑍂𑌯𑌾𑌤𑍍 । 𑌪𑍃॒𑌥𑌿॒𑌵𑍀 𑌤𑍍𑌰𑌿𑌹𑍋॑𑌤𑌾 । 𑌸 𑌪𑍍𑌰॑𑌤𑌿॒𑌷𑍍𑌠𑌾 ॥ 𑍭 ॥

𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰॒𑌤𑌿॒𑌷𑍍𑌠𑌾 𑌚॑ 𑌮𑍇 𑌭𑍂𑌯𑌾𑌤𑍍 । 𑌅𑌂॒𑌤𑌰𑌿॑𑌕𑍍𑌷𑌂॒ 𑌚𑌤𑍁॑𑌰𑍍​𑌹𑍋𑌤𑌾 । 𑌸 𑌵𑌿॒𑌷𑍍𑌠𑌾𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌵𑌿॒𑌷𑍍𑌠𑌾𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 । 𑌵𑌾॒𑌯𑍁𑌃 𑌪𑌂𑌚॑𑌹𑍋𑌤𑌾 । 𑌸 𑌪𑍍𑌰𑌾॒𑌣𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰𑌾॒𑌣𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 ॥ 𑍮 ॥

𑌚𑌂॒𑌦𑍍𑌰𑌮𑌾𑌃॒ 𑌷𑌡𑍍𑌢𑍋॑𑌤𑌾 । 𑌸 𑌋॒𑌤𑍂𑌨𑍍𑌕॑𑌲𑍍𑌪𑌯𑌾𑌤𑌿 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌋॒𑌤𑌵॑𑌶𑍍𑌚 𑌮𑍇 𑌕𑌲𑍍𑌪𑌂𑌤𑌾𑌮𑍍 । 𑌅𑌨𑍍𑌨𑌗𑍍​𑌮𑍍॑ 𑌸॒𑌪𑍍𑌤𑌹𑍋॑𑌤𑌾 । 𑌸 𑌪𑍍𑌰𑌾॒𑌣𑌸𑍍𑌯॑ 𑌪𑍍𑌰𑌾॒𑌣𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰𑌾॒𑌣𑌸𑍍𑌯॑ 𑌚 𑌮𑍇 𑌪𑍍𑌰𑌾॒𑌣𑍋 𑌭𑍂॑𑌯𑌾𑌤𑍍 । 𑌦𑍍𑌯𑍌𑌰॒𑌷𑍍𑌟𑌹𑍋॑𑌤𑌾 । 𑌸𑍋॑𑌽𑌨𑌾𑌧𑍃॒𑌷𑍍𑌯𑌃 ॥ 𑍯 ॥

𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌅॒𑌨𑌾॒𑌧𑍃॒𑌷𑍍𑌯𑌶𑍍𑌚॑ 𑌭𑍂𑌯𑌾𑌸𑌮𑍍 । 𑌆॒𑌦𑌿॒𑌤𑍍𑌯𑍋 𑌨𑌵॑𑌹𑍋𑌤𑌾 । 𑌸 𑌤𑍇॑𑌜॒𑌸𑍍𑌵𑍀 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌤𑍇॒𑌜॒𑌸𑍍𑌵𑍀 𑌚॑ 𑌭𑍂𑌯𑌾𑌸𑌮𑍍 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌦𑌶॑𑌹𑍋𑌤𑌾 । 𑌸 𑌇॒𑌦𑌗𑍍​𑌮𑍍 𑌸𑌰𑍍𑌵᳚𑌮𑍍 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾𑌂 𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌸𑌰𑍍𑌵𑌂॑ 𑌚 𑌮𑍇 𑌭𑍂𑌯𑌾𑌤𑍍 ॥ 10 ॥

𑌪𑍍𑌰॒𑌤𑌿॒𑌷𑍍𑌠𑌾 𑌪𑍍𑌰𑌾॒𑌣𑌶𑍍𑌚॑ 𑌮𑍇 𑌭𑍂𑌯𑌾𑌦𑌨𑌾𑌧𑍃॒𑌷𑍍𑌯𑌸𑍍𑌸𑌰𑍍𑌵𑌂 𑌚 𑌮𑍇 𑌭𑍂𑌯𑌾𑌤𑍍 ॥
𑌬𑍍𑌰𑌾॒𑌹𑍍𑌮॒𑌣𑍋 𑌯॒𑌜𑍍𑌞𑍋᳚𑌽𑌗𑍍𑌨𑌿𑌰𑍍𑌭॒𑌰𑍍𑌤𑌾 𑌪𑍃॑𑌥𑌿॒𑌵𑍀 𑌪𑍍𑌰॑𑌤𑌿॒𑌷𑍍𑌠𑌾𑌽𑌂𑌤𑌰𑌿॑𑌕𑍍𑌷𑌂-𑌵𑌿𑌁॒𑌷𑍍𑌠𑌾 𑌵𑌾॒𑌯𑍁𑌃 𑌪𑍍𑌰𑌾॒𑌣𑌶𑍍𑌚𑌂॒𑌦𑍍𑌰𑌮𑌾॑ 𑌸 𑌋॒𑌤𑍂𑌨𑌨𑍍𑌨॒𑌗𑍍​𑌮𑍍॒ 𑌸 𑌪𑍍𑌰𑌾॒𑌣𑌸𑍍𑌯॑ 𑌪𑍍𑌰𑌾॒𑌣𑍋 𑌦𑍍𑌯𑍌𑌰॑𑌨𑌾𑌧𑍃॒𑌷𑍍𑌯 𑌆॑𑌦𑌿॒𑌤𑍍𑌯𑌸𑍍𑌸 𑌤𑍇॑𑌜॒𑌸𑍍𑌵𑍀 𑌪𑍍𑌰॒𑌜𑌾𑌪॑𑌤𑌿𑌃॒ 𑌸 𑌇॒𑌦𑌗𑍍​𑌮𑍍 𑌸𑌰𑍍𑌵॒𑌗𑍍​𑌮𑍍॒ 𑌸𑌰𑍍𑌵𑌂॑ 𑌚 𑌮𑍇 𑌭𑍂𑌯𑌾𑌤𑍍 ॥

𑌅॒𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿𑌃 । 𑌸॒𑌵𑌿॒𑌤𑌾 𑌸𑍍𑌤𑍋𑌮𑍈𑌃᳚ । 𑌇𑌂𑌦𑍍𑌰॑ 𑌉𑌕𑍍𑌥𑌾𑌮॒𑌦𑍈𑌃 । 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑌾॒𑌶𑌿𑌷𑌾᳚ । 𑌅𑌂𑌗𑌿॑𑌰𑌸𑍋॒ 𑌧𑌿𑌷𑍍𑌣𑌿॑𑌯𑍈𑌰॒𑌗𑍍𑌨𑌿𑌭𑌿𑌃॑ । 𑌮॒𑌰𑍁𑌤॑𑌸𑍍𑌸𑌦𑍋𑌹𑌵𑌿𑌰𑍍𑌧𑌾॒𑌨𑌾𑌭𑍍𑌯𑌾᳚𑌮𑍍 । 𑌆𑌪𑌃॒ 𑌪𑍍𑌰𑍋𑌕𑍍𑌷॑𑌣𑍀𑌭𑌿𑌃 । 𑌓𑌷॑𑌧𑌯𑍋 𑌬॒𑌰𑍍​𑌹𑌿𑌷𑌾᳚ । 𑌅𑌦𑌿॑𑌤𑌿॒𑌰𑍍𑌵𑍇𑌦𑍍𑌯𑌾᳚ । 𑌸𑍋𑌮𑍋॑ 𑌦𑍀॒𑌕𑍍𑌷𑌯𑌾᳚ ॥ 11 ॥

𑌤𑍍𑌵𑌷𑍍𑌟𑍇॒𑌧𑍍𑌮𑍇𑌨॑ । 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑍇𑌨॑ । 𑌵𑌸॑𑌵॒ 𑌆𑌜𑍍𑌯𑍇॑𑌨 । 𑌆॒𑌦𑌿॒𑌤𑍍𑌯𑌾 𑌦𑌕𑍍𑌷𑌿॑𑌣𑌾𑌭𑌿𑌃 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌊॒𑌰𑍍𑌜𑌾 । 𑌪𑍂॒𑌷𑌾 𑌸𑍍𑌵॑𑌗𑌾𑌕𑌾॒𑌰𑍇𑌣॑ । 𑌬𑍃𑌹॒𑌸𑍍𑌪𑌤𑌿𑌃॑ 𑌪𑍁𑌰𑍋॒𑌧𑌯𑌾᳚ । 𑌪𑍍𑌰॒𑌜𑌾𑌪॑𑌤𑌿𑌰𑍁𑌦𑍍𑌗𑍀॒𑌥𑍇𑌨॑ । 𑌅𑌂॒𑌤𑌰𑌿॑𑌕𑍍𑌷𑌂 𑌪॒𑌵𑌿𑌤𑍍𑌰𑍇॑𑌣 । 𑌵𑌾॒𑌯𑍁𑌃 𑌪𑌾𑌤𑍍𑌰𑍈𑌃᳚ । 𑌅॒𑌹𑌗𑍍𑌗𑍍‍𑌂 𑌶𑍍𑌰॒𑌦𑍍𑌧𑌯𑌾᳚ ॥ 12 ॥
𑌦𑍀॒𑌕𑍍𑌷𑌯𑌾॒ 𑌪𑌾𑌤𑍍𑌰𑍈॒𑌰𑍇𑌕𑌂॑ 𑌚 ॥ 𑍮 ॥

𑌸𑍇𑌨𑍇𑌂𑌦𑍍𑌰॑𑌸𑍍𑌯 । 𑌧𑍇𑌨𑌾॒ 𑌬𑍃𑌹॒𑌸𑍍𑌪𑌤𑍇𑌃᳚ । 𑌪॒𑌥𑍍𑌯𑌾॑ 𑌪𑍂॒𑌷𑍍𑌣𑌃 । 𑌵𑌾𑌗𑍍𑌵𑌾॒𑌯𑍋𑌃 । 𑌦𑍀॒𑌕𑍍𑌷𑌾 𑌸𑍋𑌮॑𑌸𑍍𑌯 । 𑌪𑍃॒𑌥𑌿॒𑌵𑍍𑌯॑𑌗𑍍𑌨𑍇𑌃 । 𑌵𑌸𑍂॑𑌨𑌾𑌂 𑌗𑌾𑌯॒𑌤𑍍𑌰𑍀 । 𑌰𑍁॒𑌦𑍍𑌰𑌾𑌣𑌾𑌂᳚ 𑌤𑍍𑌰𑌿॒𑌷𑍍𑌟𑍁𑌕𑍍 । 𑌆॒𑌦𑌿॒𑌤𑍍𑌯𑌾𑌨𑌾𑌂॒ 𑌜𑌗॑𑌤𑍀 । 𑌵𑌿𑌷𑍍𑌣𑍋॑𑌰𑌨𑍁॒𑌷𑍍𑌟𑍁𑌕𑍍 ॥ 13 ॥

𑌵𑌰𑍁॑𑌣𑌸𑍍𑌯 𑌵𑌿॒𑌰𑌾𑌟𑍍 । 𑌯॒𑌜𑍍𑌞𑌸𑍍𑌯॑ 𑌪𑌂॒𑌕𑍍𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒𑌰𑌨𑍁॑𑌮𑌤𑌿𑌃 । 𑌮𑌿॒𑌤𑍍𑌰𑌸𑍍𑌯॑ 𑌶𑍍𑌰॒𑌦𑍍𑌧𑌾 । 𑌸॒𑌵𑌿॒𑌤𑍁𑌃 𑌪𑍍𑌰𑌸𑍂॑𑌤𑌿𑌃 । 𑌸𑍂𑌰𑍍𑌯॑𑌸𑍍𑌯॒ 𑌮𑌰𑍀॑𑌚𑌿𑌃 । 𑌚𑌂॒𑌦𑍍𑌰𑌮॑𑌸𑍋 𑌰𑍋𑌹𑌿॒𑌣𑍀 । 𑌋𑌷𑍀॑𑌣𑌾𑌮𑌰𑍁𑌂𑌧॒𑌤𑍀 । 𑌪॒𑌰𑍍𑌜𑌨𑍍𑌯॑𑌸𑍍𑌯 𑌵𑌿॒𑌦𑍍𑌯𑍁𑌤𑍍 । 𑌚𑌤॑𑌸𑍍𑌰𑍋॒ 𑌦𑌿𑌶𑌃॑ । 𑌚𑌤॑𑌸𑍍𑌰𑍋𑌽𑌵𑌾𑌂𑌤𑌰𑌦𑌿॒𑌶𑌾𑌃 । 𑌅𑌹॑𑌶𑍍𑌚॒ 𑌰𑌾𑌤𑍍𑌰𑌿॑𑌶𑍍𑌚 । 𑌕𑍃॒𑌷𑌿𑌶𑍍𑌚॒ 𑌵𑍃𑌷𑍍𑌟𑌿॑𑌶𑍍𑌚 । 𑌤𑍍𑌵𑌿𑌷𑌿॒𑌶𑍍𑌚𑌾𑌪॑𑌚𑌿𑌤𑌿𑌶𑍍𑌚 । 𑌆𑌪॒𑌶𑍍𑌚𑍌𑌷॑𑌧𑌯𑌶𑍍𑌚 । 𑌊𑌰𑍍𑌕𑍍𑌚॑ 𑌸𑍂॒𑌨𑍃𑌤𑌾॑ 𑌚 𑌦𑍇॒𑌵𑌾𑌨𑌾𑌂॒ 𑌪𑌤𑍍𑌨॑𑌯𑌃 ॥ 14 ॥
𑌅॒𑌨𑍁॒𑌷𑍍𑌟𑍁𑌗𑍍𑌦𑌿𑌶॒𑌷𑍍𑌷𑌟𑍍𑌚॑ ॥ 𑍯 ॥

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 । 𑌅॒𑌶𑍍𑌵𑌿𑌨𑍋᳚𑌰𑍍𑌬𑌾॒𑌹𑍁𑌭𑍍𑌯𑌾᳚𑌮𑍍 । 𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾𑌂॒ 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 । 𑌰𑌾𑌜𑌾᳚ 𑌤𑍍𑌵𑌾॒ 𑌵𑌰𑍁॑𑌣𑍋 𑌨𑌯𑌤𑍁 𑌦𑍇𑌵𑌿 𑌦𑌕𑍍𑌷𑌿𑌣𑍇॒𑌽𑌗𑍍𑌨𑌯𑍇॒ 𑌹𑌿𑌰॑𑌣𑍍𑌯𑌮𑍍 । 𑌤𑍇𑌨𑌾॑𑌮𑍃𑌤॒𑌤𑍍𑌵𑌮॑𑌶𑍍𑌯𑌾𑌮𑍍 । 𑌵𑌯𑍋॑ 𑌦𑌾॒𑌤𑍍𑌰𑍇 । 𑌮𑌯𑍋॒ 𑌮𑌹𑍍𑌯॑𑌮𑌸𑍍𑌤𑍁 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 । 𑌕 𑌇॒𑌦𑌂 𑌕𑌸𑍍𑌮𑌾॑ 𑌅𑌦𑌾𑌤𑍍 । 𑌕𑌾𑌮𑌃॒ 𑌕𑌾𑌮𑌾॑𑌯 । 𑌕𑌾𑌮𑍋॑ 𑌦𑌾॒𑌤𑌾 ॥ 15 ॥

𑌕𑌾𑌮𑌃॑ 𑌪𑍍𑌰𑌤𑌿𑌗𑍍𑌰𑌹𑍀॒𑌤𑌾 । 𑌕𑌾𑌮𑌗𑍍​𑌮𑍍॑ 𑌸𑌮𑍁॒𑌦𑍍𑌰𑌮𑌾𑌵𑌿॑𑌶 । 𑌕𑌾𑌮𑍇॑𑌨 𑌤𑍍𑌵𑌾॒ 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 । 𑌕𑌾𑌮𑍈॒𑌤𑌤𑍍𑌤𑍇᳚ । 𑌏॒𑌷𑌾 𑌤𑍇॑ 𑌕𑌾𑌮॒ 𑌦𑌕𑍍𑌷𑌿॑𑌣𑌾 । 𑌉॒𑌤𑍍𑌤𑌾॒𑌨𑌸𑍍𑌤𑍍𑌵𑌾᳚𑌽𑌽𑌂𑌗𑍀𑌰॒𑌸𑌃 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑍁 । 𑌸𑍋𑌮𑌾॑𑌯॒ 𑌵𑌾𑌸𑌃॑ । 𑌰𑍁॒𑌦𑍍𑌰𑌾𑌯॒ 𑌗𑌾𑌮𑍍 । 𑌵𑌰𑍁॑𑌣𑌾॒𑌯𑌾𑌶𑍍𑌵᳚𑌮𑍍 । 𑌪𑍍𑌰॒𑌜𑌾𑌪॑𑌤𑌯𑍇॒ 𑌪𑍁𑌰𑍁॑𑌷𑌮𑍍 ॥ 16 ॥

𑌮𑌨॑𑌵𑍇॒ 𑌤𑌲𑍍𑌪᳚𑌮𑍍 । 𑌤𑍍𑌵𑌷𑍍𑌟𑍍𑌰𑍇॒𑌽𑌜𑌾𑌮𑍍 । 𑌪𑍂॒𑌷𑍍𑌣𑍇𑌽𑌵𑌿᳚𑌮𑍍 । 𑌨𑌿𑌰𑍍​𑌋॑𑌤𑍍𑌯𑌾 𑌅𑌶𑍍𑌵𑌤𑌰𑌗𑌰𑍍𑌦॒𑌭𑍌 । 𑌹𑌿॒𑌮𑌵॑𑌤𑍋 𑌹॒𑌸𑍍𑌤𑌿𑌨᳚𑌮𑍍 । 𑌗𑌂॒𑌧॒𑌰𑍍𑌵𑌾॒𑌪𑍍𑌸॒𑌰𑌾𑌭𑍍𑌯॑𑌸𑍍𑌸𑍍𑌰𑌗𑌲𑌂𑌕𑌰॒𑌣𑍇 । 𑌵𑌿𑌶𑍍𑌵𑍇᳚𑌭𑍍𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌧𑌾॒𑌨𑍍𑌯𑌮𑍍 । 𑌵𑌾॒𑌚𑍇𑌽𑌨𑍍𑌨᳚𑌮𑍍 । 𑌬𑍍𑌰𑌹𑍍𑌮॑𑌣 𑌓𑌦॒𑌨𑌮𑍍 । 𑌸॒𑌮𑍁॒𑌦𑍍𑌰𑌾𑌯𑌾𑌪𑌃॑ ॥ 1𑍭 ॥

𑌉॒𑌤𑍍𑌤𑌾॒𑌨𑌾𑌯𑌾𑌂᳚𑌗𑍀𑌰॒𑌸𑌾𑌯𑌾𑌨𑌃॑ । 𑌵𑍈॒𑌶𑍍𑌵𑌾॒𑌨॒𑌰𑌾𑌯॒ 𑌰𑌥᳚𑌮𑍍 । 𑌵𑍈॒𑌶𑍍𑌵𑌾॒𑌨॒𑌰𑌃 𑌪𑍍𑌰॒𑌤𑍍𑌨𑌥𑌾॒ 𑌨𑌾𑌕॒𑌮𑌾𑌰𑍁॑𑌹𑌤𑍍 । 𑌦𑌿॒𑌵𑌃 𑌪𑍃॒𑌷𑍍𑌠𑌂 𑌭𑌂𑌦॑𑌮𑌾𑌨𑌸𑍍𑌸𑍁॒𑌮𑌨𑍍𑌮॑𑌭𑌿𑌃 । 𑌸 𑌪𑍂᳚𑌰𑍍𑌵॒𑌵𑌜𑍍𑌜॒𑌨𑌯॑𑌜𑍍𑌜𑌂॒𑌤𑌵𑍇॒ 𑌧𑌨᳚𑌮𑍍 । 𑌸॒𑌮𑌾॒𑌨𑌮॑𑌜𑍍𑌮𑌾॒ 𑌪𑌰𑌿॑𑌯𑌾𑌤𑌿॒ 𑌜𑌾𑌗𑍃॑𑌵𑌿𑌃 । 𑌰𑌾𑌜𑌾᳚ 𑌤𑍍𑌵𑌾॒ 𑌵𑌰𑍁॑𑌣𑍋 𑌨𑌯𑌤𑍁 𑌦𑍇𑌵𑌿 𑌦𑌕𑍍𑌷𑌿𑌣𑍇 𑌵𑍈𑌶𑍍𑌵𑌾𑌨॒𑌰𑌾𑌯॒ 𑌰𑌥᳚𑌮𑍍 । 𑌤𑍇𑌨𑌾॑𑌮𑍃𑌤॒𑌤𑍍𑌵𑌮॑𑌶𑍍𑌯𑌾𑌮𑍍 । 𑌵𑌯𑍋॑ 𑌦𑌾॒𑌤𑍍𑌰𑍇 । 𑌮𑌯𑍋॒ 𑌮𑌹𑍍𑌯॑𑌮𑌸𑍍𑌤𑍁 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 ॥ 1𑍮 ॥

𑌕 𑌇॒𑌦𑌂 𑌕𑌸𑍍𑌮𑌾॑ 𑌅𑌦𑌾𑌤𑍍 । 𑌕𑌾𑌮𑌃॒ 𑌕𑌾𑌮𑌾॑𑌯 । 𑌕𑌾𑌮𑍋॑ 𑌦𑌾॒𑌤𑌾 । 𑌕𑌾𑌮𑌃॑ 𑌪𑍍𑌰𑌤𑌿𑌗𑍍𑌰𑌹𑍀॒𑌤𑌾 । 𑌕𑌾𑌮𑌗𑍍​𑌮𑍍॑ 𑌸𑌮𑍁॒𑌦𑍍𑌰𑌮𑌾𑌵𑌿॑𑌶 । 𑌕𑌾𑌮𑍇॑𑌨 𑌤𑍍𑌵𑌾॒ 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 । 𑌕𑌾𑌮𑍈॒𑌤𑌤𑍍𑌤𑍇᳚ । 𑌏॒𑌷𑌾 𑌤𑍇॑ 𑌕𑌾𑌮॒ 𑌦𑌕𑍍𑌷𑌿॑𑌣𑌾 । 𑌉॒𑌤𑍍𑌤𑌾॒𑌨𑌸𑍍𑌤𑍍𑌵𑌾᳚𑌽𑌽𑌂𑌗𑍀𑌰॒𑌸𑌃 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑍁 ॥ 1𑍯 ॥
𑌦𑌾॒𑌤𑌾 𑌪𑍁𑌰𑍁॑𑌷॒𑌮𑌾𑌪𑌃॑ 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 𑌨𑌵॑ 𑌚 ॥ 10 ॥

𑌸𑍁॒𑌵𑌰𑍍𑌣𑌂॑ 𑌘॒𑌰𑍍𑌮𑌂 𑌪𑌰𑌿॑𑌵𑍇𑌦 𑌵𑍇॒𑌨𑌮𑍍 । 𑌇𑌂𑌦𑍍𑌰॑𑌸𑍍𑌯𑌾॒𑌽𑌽𑌤𑍍𑌮𑌾𑌨𑌂॑ 𑌦𑌶॒𑌧𑌾 𑌚𑌰𑌂॑𑌤𑌮𑍍 । 𑌅𑌂॒𑌤𑌸𑍍𑌸॑𑌮𑍁॒𑌦𑍍𑌰𑍇 𑌮𑌨॑𑌸𑌾॒ 𑌚𑌰𑌂॑𑌤𑌮𑍍 । 𑌬𑍍𑌰𑌹𑍍𑌮𑌾𑌽𑌨𑍍𑌵॑𑌵𑌿𑌂𑌦॒𑌦𑍍𑌦𑌶॑𑌹𑍋𑌤𑌾𑌰॒𑌮𑌰𑍍𑌣𑍇᳚ । 𑌅𑌂॒𑌤𑌃 𑌪𑍍𑌰𑌵𑌿॑𑌷𑍍𑌟𑌶𑍍𑌶𑌾॒𑌸𑍍𑌤𑌾 𑌜𑌨𑌾॑𑌨𑌾𑌮𑍍 । 𑌏𑌕॒𑌸𑍍𑌸𑌨𑍍𑌬॑𑌹𑍁॒𑌧𑌾 𑌵𑌿॑𑌚𑌾𑌰𑌃 । 𑌶॒𑌤𑌗𑍍​𑌮𑍍 𑌶𑍁॒𑌕𑍍𑌰𑌾𑌣𑌿॒ 𑌯𑌤𑍍𑌰𑍈𑌕𑌂॒ 𑌭𑌵𑌂॑𑌤𑌿 । 𑌸𑌰𑍍𑌵𑍇॒ 𑌵𑍇𑌦𑌾॒ 𑌯𑌤𑍍𑌰𑍈𑌕𑌂॒ 𑌭𑌵𑌂॑𑌤𑌿 । 𑌸𑌰𑍍𑌵𑍇॒ 𑌹𑍋𑌤𑌾॑𑌰𑍋॒ 𑌯𑌤𑍍𑌰𑍈𑌕𑌂॒ 𑌭𑌵𑌂॑𑌤𑌿 । 𑌸॒ 𑌮𑌾𑌨॑𑌸𑍀𑌨 𑌆॒𑌤𑍍𑌮𑌾 𑌜𑌨𑌾॑𑌨𑌾𑌮𑍍 ॥ 20 ॥

𑌅𑌂॒𑌤𑌃 𑌪𑍍𑌰𑌵𑌿॑𑌷𑍍𑌟𑌶𑍍𑌶𑌾॒𑌸𑍍𑌤𑌾 𑌜𑌨𑌾॑𑌨𑌾॒𑌗𑍍​𑌮𑍍॒ 𑌸𑌰𑍍𑌵𑌾᳚𑌤𑍍𑌮𑌾 । 𑌸𑌰𑍍𑌵𑌾𑌃᳚ 𑌪𑍍𑌰॒𑌜𑌾 𑌯𑌤𑍍𑌰𑍈𑌕𑌂॒ 𑌭𑌵𑌂॑𑌤𑌿 । 𑌚𑌤𑍁॑𑌰𑍍​𑌹𑍋𑌤𑌾𑌰𑍋॒ 𑌯𑌤𑍍𑌰॑ 𑌸𑌂॒𑌪𑌦𑌂॒ 𑌗𑌚𑍍𑌛𑌂॑𑌤𑌿 𑌦𑍇॒𑌵𑍈𑌃 । 𑌸॒ 𑌮𑌾𑌨॑𑌸𑍀𑌨 𑌆॒𑌤𑍍𑌮𑌾 𑌜𑌨𑌾॑𑌨𑌾𑌮𑍍 । 𑌬𑍍𑌰𑌹𑍍𑌮𑍇𑌂𑌦𑍍𑌰॑𑌮॒𑌗𑍍𑌨𑌿𑌂 𑌜𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾𑌮𑍍 । 𑌦𑌿॒𑌵 𑌆॒𑌤𑍍𑌮𑌾𑌨𑌗𑍍​𑌮𑍍॑ 𑌸𑌵𑌿॒𑌤𑌾𑌰𑌂॒ 𑌬𑍃𑌹॒𑌸𑍍𑌪𑌤𑌿᳚𑌮𑍍 । 𑌚𑌤𑍁॑𑌰𑍍​𑌹𑍋𑌤𑌾𑌰𑌂 𑌪𑍍𑌰॒𑌦𑌿𑌶𑍋𑌽𑌨𑍁॑𑌕𑍍𑌲𑍃॒𑌪𑍍𑌤𑌮𑍍 । 𑌵𑌾॒𑌚𑍋 𑌵𑍀॒𑌰𑍍𑌯𑌂॑ 𑌤𑌪॒𑌸𑌾𑌽𑌨𑍍𑌵॑𑌵𑌿𑌂𑌦𑌤𑍍 । 𑌅𑌂॒𑌤𑌃 𑌪𑍍𑌰𑌵𑌿॑𑌷𑍍𑌟𑌂 𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 । 𑌤𑍍𑌵𑌷𑍍𑌟𑌾॑𑌰𑌗𑍍​𑌮𑍍 𑌰𑍂॒𑌪𑌾𑌣𑌿॑ 𑌵𑌿𑌕𑍁॒𑌰𑍍𑌵𑌂𑌤𑌂॑-𑌵𑌿𑌁𑌪॒𑌶𑍍𑌚𑌿𑌮𑍍 ॥ 21 ॥

𑌅॒𑌮𑍃𑌤॑𑌸𑍍𑌯 𑌪𑍍𑌰𑌾॒𑌣𑌂-𑌯𑌁॒𑌜𑍍𑌞𑌮𑍇॒𑌤𑌮𑍍 । 𑌚𑌤𑍁॑𑌰𑍍​𑌹𑍋𑌤𑍃𑌣𑌾𑌮𑌾॒𑌤𑍍𑌮𑌾𑌨𑌂॑ 𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 । 𑌅𑌂॒𑌤𑌃 𑌪𑍍𑌰𑌵𑌿॑𑌷𑍍𑌟𑌂 𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 । 𑌦𑍇॒𑌵𑌾𑌨𑌾𑌂॒ 𑌬𑌂𑌧𑍁॒ 𑌨𑌿𑌹𑌿॑𑌤𑌂॒ 𑌗𑍁𑌹𑌾॑𑌸𑍁 । 𑌅॒𑌮𑍃𑌤𑍇॑𑌨 𑌕𑍍𑌲𑍃॒𑌪𑍍𑌤𑌂-𑌯𑌁॒𑌜𑍍𑌞𑌮𑍇॒𑌤𑌮𑍍 । 𑌚𑌤𑍁॑𑌰𑍍​𑌹𑍋𑌤𑍃𑌣𑌾𑌮𑌾॒𑌤𑍍𑌮𑌾𑌨𑌂॑ 𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 । 𑌶॒𑌤𑌂 𑌨𑌿॒𑌯𑍁𑌤𑌃॒ 𑌪𑌰𑌿॑𑌵𑍇𑌦॒ 𑌵𑌿𑌶𑍍𑌵𑌾॑ 𑌵𑌿॒𑌶𑍍𑌵𑌵𑌾॑𑌰𑌃 । 𑌵𑌿𑌶𑍍𑌵॑𑌮𑌿॒𑌦𑌂-𑌵𑍃𑌁॑𑌣𑌾𑌤𑌿 । 𑌇𑌂𑌦𑍍𑌰॑𑌸𑍍𑌯𑌾॒𑌽𑌽𑌤𑍍𑌮𑌾 𑌨𑌿𑌹𑌿॑𑌤𑌃॒ 𑌪𑌂𑌚॑𑌹𑍋𑌤𑌾 । 𑌅॒𑌮𑍃𑌤𑌂॑ 𑌦𑍇॒𑌵𑌾𑌨𑌾॒𑌮𑌾𑌯𑍁𑌃॑ 𑌪𑍍𑌰॒𑌜𑌾𑌨𑌾᳚𑌮𑍍 ॥ 22 ॥

𑌇𑌂𑌦𑍍𑌰॒𑌗𑍍​𑌮𑍍॒ 𑌰𑌾𑌜𑌾॑𑌨𑌗𑍍​𑌮𑍍 𑌸𑌵𑌿॒𑌤𑌾𑌰॑𑌮𑍇॒𑌤𑌮𑍍 । 𑌵𑌾॒𑌯𑍋𑌰𑌾॒𑌤𑍍𑌮𑌾𑌨𑌂॑ 𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 । 𑌰॒𑌶𑍍𑌮𑌿𑌗𑍍​𑌮𑍍 𑌰॑𑌶𑍍𑌮𑍀॒𑌨𑌾𑌂 𑌮𑌧𑍍𑌯𑍇॒ 𑌤𑌪𑌂॑𑌤𑌮𑍍 । 𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾𑌂᳚𑌤𑌿 । 𑌯 𑌆𑌂᳚𑌡𑌕𑍋॒𑌶𑍇 𑌭𑍁𑌵॑𑌨𑌂 𑌬𑌿॒𑌭𑌰𑍍𑌤𑌿॑ । 𑌅𑌨𑌿॑𑌰𑍍𑌭𑌿𑌣𑍍𑌣॒𑌸𑍍𑌸𑌨𑍍𑌨𑌥॑ 𑌲𑍋॒𑌕𑌾𑌨𑍍 𑌵𑌿॒𑌚𑌷𑍍𑌟𑍇᳚ । 𑌯𑌸𑍍𑌯𑌾𑌂᳚𑌡𑌕𑍋॒𑌶𑌗𑍍​𑌮𑍍 𑌶𑍁𑌷𑍍𑌮॑𑌮𑌾॒𑌹𑍁𑌃 𑌪𑍍𑌰𑌾॒𑌣𑌮𑍁𑌲𑍍𑌬᳚𑌮𑍍 । 𑌤𑍇𑌨॑ 𑌕𑍍𑌲𑍃॒𑌪𑍍𑌤𑍋॑𑌽𑌮𑍃𑌤𑍇॑𑌨𑌾॒𑌹𑌮॑𑌸𑍍𑌮𑌿 । 𑌸𑍁॒𑌵𑌰𑍍𑌣𑌂॒ 𑌕𑍋𑌶॒𑌗𑍍​𑌮𑍍॒ 𑌰𑌜॑𑌸𑌾॒ 𑌪𑌰𑍀॑𑌵𑍃𑌤𑌮𑍍 । 𑌦𑍇॒𑌵𑌾𑌨𑌾𑌂᳚-𑌵𑌁𑌸𑍁॒𑌧𑌾𑌨𑍀𑌂᳚-𑌵𑌿𑌁॒𑌰𑌾𑌜᳚𑌮𑍍 ॥ 23 ॥

𑌅॒𑌮𑍃𑌤॑𑌸𑍍𑌯 𑌪𑍂॒𑌰𑍍𑌣𑌾𑌂 𑌤𑌾𑌮𑍁॑ 𑌕॒𑌲𑌾𑌂-𑌵𑌿𑌁𑌚॑𑌕𑍍𑌷𑌤𑍇 । 𑌪𑌾𑌦॒𑌗𑍍​𑌮𑍍॒ 𑌷𑌡𑍍𑌢𑍋॑𑌤𑍁॒𑌰𑍍𑌨 𑌕𑌿𑌲𑌾॑𑌽𑌽𑌵𑌿𑌵𑌿𑌤𑍍𑌸𑍇 । 𑌯𑍇𑌨॒𑌰𑍍𑌤𑌵𑌃॑ 𑌪𑌂𑌚॒𑌧𑍋𑌤 𑌕𑍍𑌲𑍃॒𑌪𑍍𑌤𑌾𑌃 । 𑌉॒𑌤 𑌵𑌾॑ 𑌷॒𑌡𑍍𑌧𑌾 𑌮𑌨॒𑌸𑍋𑌤 𑌕𑍍𑌲𑍃॒𑌪𑍍𑌤𑌾𑌃 । 𑌤𑌗𑍍​𑌮𑍍 𑌷𑌡𑍍𑌢𑍋॑𑌤𑌾𑌰𑌮𑍃॒𑌤𑍁𑌭𑌿𑌃॒ 𑌕𑌲𑍍𑌪॑𑌮𑌾𑌨𑌮𑍍 । 𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾𑌂᳚𑌤𑌿 । 𑌅𑌂॒𑌤𑌃 𑌪𑍍𑌰𑌵𑌿॑𑌷𑍍𑌟𑌂 𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 । 𑌅𑌂॒𑌤𑌶𑍍𑌚𑌂॒𑌦𑍍𑌰𑌮॑𑌸𑌿॒ 𑌮𑌨॑𑌸𑌾॒ 𑌚𑌰𑌂॑𑌤𑌮𑍍 । 𑌸॒𑌹𑍈𑌵 𑌸𑌂𑌤𑌂॒ 𑌨 𑌵𑌿𑌜𑌾॑𑌨𑌂𑌤𑌿 𑌦𑍇॒𑌵𑌾𑌃 । 𑌇𑌂𑌦𑍍𑌰॑𑌸𑍍𑌯𑌾॒𑌽𑌽𑌤𑍍𑌮𑌾𑌨𑌗𑍍​𑌮𑍍॑ 𑌶𑌤॒𑌧𑌾 𑌚𑌰𑌂॑𑌤𑌮𑍍 ॥ 24 ॥

𑌇𑌂𑌦𑍍𑌰𑍋॒ 𑌰𑌾𑌜𑌾॒ 𑌜𑌗॑𑌤𑍋॒ 𑌯 𑌈𑌶𑍇᳚ । 𑌸॒𑌪𑍍𑌤𑌹𑍋॑𑌤𑌾 𑌸𑌪𑍍𑌤॒𑌧𑌾 𑌵𑌿𑌕𑍍𑌲𑍃॑𑌪𑍍𑌤𑌃 । 𑌪𑌰𑍇॑𑌣॒ 𑌤𑌂𑌤𑍁𑌂॑ 𑌪𑌰𑌿𑌷𑌿॒𑌚𑍍𑌯𑌮𑌾॑𑌨𑌮𑍍 । 𑌅𑌂॒𑌤𑌰𑌾॑𑌦𑌿॒𑌤𑍍𑌯𑍇 𑌮𑌨॑𑌸𑌾॒ 𑌚𑌰𑌂॑𑌤𑌮𑍍 । 𑌦𑍇॒𑌵𑌾𑌨𑌾॒𑌗𑍍​𑌮𑍍॒ 𑌹𑍃𑌦॑𑌯𑌂॒ 𑌬𑍍𑌰𑌹𑍍𑌮𑌾𑌽𑌨𑍍𑌵॑𑌵𑌿𑌂𑌦𑌤𑍍 । 𑌬𑍍𑌰𑌹𑍍𑌮𑍈॒𑌤𑌦𑍍𑌬𑍍𑌰𑌹𑍍𑌮॑𑌣॒ 𑌉𑌜𑍍𑌜॑𑌭𑌾𑌰 । 𑌅॒𑌰𑍍𑌕𑌗𑍍𑌗𑍍‍𑌂 𑌶𑍍𑌚𑍋𑌤𑌂॑𑌤𑌗𑍍​𑌮𑍍 𑌸𑌰𑌿॒𑌰𑌸𑍍𑌯॒ 𑌮𑌧𑍍𑌯𑍇᳚ । 𑌆 𑌯𑌸𑍍𑌮𑌿𑌂॑𑌥𑍍​𑌸॒𑌪𑍍𑌤 𑌪𑍇𑌰॑𑌵𑌃 । 𑌮𑍇𑌹𑌂॑𑌤𑌿 𑌬𑌹𑍁॒𑌲𑌾𑌗𑍍​𑌮𑍍 𑌶𑍍𑌰𑌿𑌯᳚𑌮𑍍 । 𑌬॒𑌹𑍍𑌵॒𑌶𑍍𑌵𑌾𑌮𑌿𑌂॑𑌦𑍍𑌰॒ 𑌗𑍋𑌮॑𑌤𑍀𑌮𑍍 ॥ 25 ॥

𑌅𑌚𑍍𑌯𑍁॑𑌤𑌾𑌂 𑌬𑌹𑍁॒𑌲𑌾𑌗𑍍​𑌮𑍍 𑌶𑍍𑌰𑌿𑌯᳚𑌮𑍍 । 𑌸 𑌹𑌰𑌿॑𑌰𑍍𑌵𑌸𑍁॒𑌵𑌿𑌤𑍍𑌤॑𑌮𑌃 । 𑌪𑍇॒𑌰𑍁𑌰𑌿𑌂𑌦𑍍𑌰𑌾॑𑌯 𑌪𑌿𑌨𑍍𑌵𑌤𑍇 । 𑌬॒𑌹𑍍𑌵॒𑌶𑍍𑌵𑌾𑌮𑌿𑌂॑𑌦𑍍𑌰॒ 𑌗𑍋𑌮॑𑌤𑍀𑌮𑍍 । 𑌅𑌚𑍍𑌯𑍁॑𑌤𑌾𑌂 𑌬𑌹𑍁॒𑌲𑌾𑌗𑍍​𑌮𑍍 𑌶𑍍𑌰𑌿𑌯᳚𑌮𑍍 । 𑌮𑌹𑍍𑌯॒𑌮𑌿𑌂𑌦𑍍𑌰𑍋॒ 𑌨𑌿𑌯॑𑌚𑍍𑌛𑌤𑍁 । 𑌶॒𑌤𑌗𑍍​𑌮𑍍 𑌶॒𑌤𑌾 𑌅॑𑌸𑍍𑌯 𑌯𑍁॒𑌕𑍍𑌤𑌾 𑌹𑌰𑍀॑𑌣𑌾𑌮𑍍 । 𑌅॒𑌰𑍍𑌵𑌾𑌙𑌾 𑌯𑌾॑𑌤𑍁॒ 𑌵𑌸𑍁॑𑌭𑍀 𑌰॒𑌶𑍍𑌮𑌿𑌰𑌿𑌂𑌦𑍍𑌰𑌃॑ । 𑌪𑍍𑌰𑌮𑌗𑍍​𑌮𑍍‍𑌹॑ 𑌮𑌾𑌣𑍋 𑌬𑌹𑍁॒𑌲𑌾𑌗𑍍​𑌮𑍍 𑌶𑍍𑌰𑌿𑌯᳚𑌮𑍍 । 𑌰॒𑌶𑍍𑌮𑌿𑌰𑌿𑌂𑌦𑍍𑌰॑𑌸𑍍𑌸𑌵𑌿॒𑌤𑌾 𑌮𑍇॒ 𑌨𑌿𑌯॑𑌚𑍍𑌛𑌤𑍁 ॥ 26 ॥

𑌘𑍃॒𑌤𑌂 𑌤𑍇𑌜𑍋॒ 𑌮𑌧𑍁॑𑌮𑌦𑌿𑌂𑌦𑍍𑌰𑌿॒𑌯𑌮𑍍 । 𑌮𑌯𑍍𑌯॒𑌯𑌮॒𑌗𑍍𑌨𑌿𑌰𑍍𑌦॑𑌧𑌾𑌤𑍁 । 𑌹𑌰𑌿𑌃॑ 𑌪𑌤॒𑌙𑍍𑌗𑌃 𑌪॑𑌟॒𑌰𑍀 𑌸𑍁॑𑌪॒𑌰𑍍𑌣𑌃 । 𑌦𑌿॒𑌵𑌿॒𑌕𑍍𑌷𑌯𑍋॒ 𑌨𑌭॑𑌸𑌾॒ 𑌯 𑌏𑌤𑌿॑ । 𑌸 𑌨॒ 𑌇𑌂𑌦𑍍𑌰𑌃॑ 𑌕𑌾𑌮𑌵॒𑌰𑌂 𑌦॑𑌦𑌾𑌤𑍁 । 𑌪𑌂𑌚𑌾॑𑌰𑌂 𑌚॒𑌕𑍍𑌰𑌂 𑌪𑌰𑌿॑𑌵𑌰𑍍𑌤𑌤𑍇 𑌪𑍃॒𑌥𑍁 । 𑌹𑌿𑌰॑𑌣𑍍𑌯𑌜𑍍𑌯𑍋𑌤𑌿𑌸𑍍𑌸𑌰𑌿॒𑌰𑌸𑍍𑌯॒ 𑌮𑌧𑍍𑌯𑍇᳚ । 𑌅𑌜॑𑌸𑍍𑌰𑌂॒ 𑌜𑍍𑌯𑍋𑌤𑌿॒𑌰𑍍𑌨𑌭॑𑌸𑌾॒ 𑌸𑌰𑍍𑌪॑𑌦𑍇𑌤𑌿 । 𑌸 𑌨॒ 𑌇𑌂𑌦𑍍𑌰𑌃॑ 𑌕𑌾𑌮𑌵॒𑌰𑌂 𑌦॑𑌦𑌾𑌤𑍁 । 𑌸॒𑌪𑍍𑌤 𑌯𑍁𑌂॑𑌜𑌂𑌤𑌿॒ 𑌰𑌥॒𑌮𑍇𑌕॑𑌚𑌕𑍍𑌰𑌮𑍍 ॥ 2𑍭 ॥

𑌏𑌕𑍋॒ 𑌅𑌶𑍍𑌵𑍋॑ 𑌵𑌹𑌤𑌿 𑌸𑌪𑍍𑌤𑌨𑌾॒𑌮𑌾 । 𑌤𑍍𑌰𑌿॒𑌨𑌾𑌭𑌿॑ 𑌚॒𑌕𑍍𑌰𑌮॒𑌜𑌰॒𑌮𑌨॑𑌰𑍍𑌵𑌮𑍍 । 𑌯𑍇𑌨𑍇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌤𑌸𑍍𑌥𑍁𑌃 । 𑌭॒𑌦𑍍𑌰𑌂 𑌪𑌶𑍍𑌯𑌂॑𑌤॒ 𑌉𑌪॑𑌸𑍇𑌦𑍁॒𑌰𑌗𑍍𑌰𑍇᳚ । 𑌤𑌪𑍋॑ 𑌦𑍀॒𑌕𑍍𑌷𑌾𑌮𑍃𑌷॑𑌯𑌸𑍍𑌸𑍁𑌵॒𑌰𑍍𑌵𑌿𑌦𑌃॑ । 𑌤𑌤𑌃॑ 𑌕𑍍𑌷॒𑌤𑍍𑌤𑍍𑌰𑌂 𑌬𑌲॒𑌮𑍋𑌜॑𑌶𑍍𑌚 𑌜𑌾॒𑌤𑌮𑍍 । 𑌤𑌦॒𑌸𑍍𑌮𑍈 𑌦𑍇॒𑌵𑌾 𑌅॒𑌭𑌿𑌸𑌂 𑌨॑𑌮𑌂𑌤𑍁 । 𑌶𑍍𑌵𑍇॒𑌤𑌗𑍍​𑌮𑍍 𑌰॒𑌶𑍍𑌮𑌿𑌂 𑌬𑍋॑𑌭𑍁॒𑌜𑍍𑌯𑌮𑌾॑𑌨𑌮𑍍 । 𑌅॒𑌪𑌾𑌂 𑌨𑍇॒𑌤𑌾𑌰𑌂॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌮𑍍 । 𑌇𑌂𑌦𑍍𑌰𑌂॒ 𑌨𑌿𑌚𑌿॑𑌕𑍍𑌯𑍁𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥ 2𑍮 ॥

𑌰𑍋𑌹𑌿॑𑌣𑍀𑌃 𑌪𑌿𑌂𑌗॒𑌲𑌾 𑌏𑌕॑𑌰𑍂𑌪𑌾𑌃 । 𑌕𑍍𑌷𑌰𑌂॑𑌤𑍀𑌃 𑌪𑌿𑌂𑌗॒𑌲𑌾 𑌏𑌕॑𑌰𑍂𑌪𑌾𑌃 । 𑌶॒𑌤𑌗𑍍​𑌮𑍍 𑌸॒𑌹𑌸𑍍𑌰𑌾॑𑌣𑌿 𑌪𑍍𑌰॒𑌯𑍁𑌤𑌾॑𑌨𑌿॒ 𑌨𑌾𑌵𑍍𑌯𑌾॑𑌨𑌾𑌮𑍍 । 𑌅॒𑌯𑌂-𑌯𑌁𑌶𑍍𑌶𑍍𑌵𑍇॒𑌤𑍋 𑌰॒𑌶𑍍𑌮𑌿𑌃 । 𑌪𑌰𑌿॒ 𑌸𑌰𑍍𑌵॑𑌮𑌿॒𑌦𑌂 𑌜𑌗॑𑌤𑍍 । 𑌪𑍍𑌰॒𑌜𑌾𑌂 𑌪॒𑌶𑍂𑌂𑌧𑌨𑌾॑𑌨𑌿 । 𑌅॒𑌸𑍍𑌮𑌾𑌕𑌂॑ 𑌦𑌦𑌾𑌤𑍁 । 𑌶𑍍𑌵𑍇॒𑌤𑍋 𑌰॒𑌶𑍍𑌮𑌿𑌃 𑌪𑌰𑌿॒ 𑌸𑌰𑍍𑌵𑌂॑ 𑌬𑌭𑍂𑌵 । 𑌸𑍁𑌵॒𑌨𑍍𑌮𑌹𑍍𑌯𑌂॑ 𑌪॒𑌶𑍂𑌨𑍍 𑌵𑌿॒𑌶𑍍𑌵𑌰𑍂॑𑌪𑌾𑌨𑍍 । 𑌪॒𑌤॒𑌙𑍍𑌗𑌮॒𑌕𑍍𑌤𑌮𑌸𑍁॑𑌰𑌸𑍍𑌯 𑌮𑌾॒𑌯𑌯𑌾᳚ ॥ 2𑍯 ॥

𑌹𑍃॒𑌦𑌾 𑌪॑𑌶𑍍𑌯𑌂𑌤𑌿॒ 𑌮𑌨॑𑌸𑌾 𑌮𑌨𑍀॒𑌷𑌿𑌣𑌃॑ । 𑌸॒𑌮𑍁॒𑌦𑍍𑌰𑍇 𑌅𑌂॒𑌤𑌃 𑌕॒𑌵𑌯𑍋॒ 𑌵𑌿𑌚॑𑌕𑍍𑌷𑌤𑍇 । 𑌮𑌰𑍀॑𑌚𑍀𑌨𑌾𑌂 𑌪॒𑌦𑌮𑌿॑𑌚𑍍𑌛𑌂𑌤𑌿 𑌵𑍇॒𑌧𑌸𑌃॑ । 𑌪॒𑌤॒𑌙𑍍𑌗𑍋 𑌵𑌾𑌚𑌂॒ 𑌮𑌨॑𑌸𑌾 𑌬𑌿𑌭𑌰𑍍𑌤𑌿 । 𑌤𑌾𑌂 𑌗𑌂॑𑌧॒𑌰𑍍𑌵𑍋॑𑌽𑌵𑌦॒𑌦𑍍𑌗𑌰𑍍𑌭𑍇॑ 𑌅𑌂॒𑌤𑌃 । 𑌤𑌾𑌂 𑌦𑍍𑌯𑍋𑌤॑𑌮𑌾𑌨𑌾𑌗𑍍​𑌮𑍍 𑌸𑍍𑌵॒𑌰𑍍𑌯𑌂॑ 𑌮𑌨𑍀॒𑌷𑌾𑌮𑍍 । 𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾𑌂᳚𑌤𑌿 । 𑌯𑍇 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒𑌸𑍍𑌸𑌂𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌅॒𑌗𑍍𑌨𑌿𑌸𑍍𑌤𑌾𑌗𑍍​𑌮𑍍 𑌅𑌗𑍍𑌰𑍇॒ 𑌪𑍍𑌰𑌮𑍁॑𑌮𑍋𑌕𑍍𑌤𑍁 𑌦𑍇॒𑌵𑌃 ॥ 30 ॥

𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂​𑌵𑌿𑌁𑌦𑌾॒𑌨𑌃 । 𑌵𑍀॒𑌤𑌗𑍍𑌗𑍍‍𑌂 𑌸𑍍𑌤𑍁॑𑌕𑍇 𑌸𑍍𑌤𑍁𑌕𑍇 । 𑌯𑍁॒𑌵𑌮॒𑌸𑍍𑌮𑌾𑌸𑍁॒ 𑌨𑌿𑌯॑𑌚𑍍𑌛𑌤𑌮𑍍 । 𑌪𑍍𑌰 𑌪𑍍𑌰॑ 𑌯॒𑌜𑍍𑌞𑌪॑𑌤𑌿𑌂 𑌤𑌿𑌰 । 𑌯𑍇 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒𑌸𑍍𑌸𑌂𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌤𑍇𑌷𑌾𑌗𑍍​𑌮𑍍॑ 𑌸𑌪𑍍𑌤𑌾॒𑌨𑌾𑌮𑌿॒𑌹 𑌰𑌂𑌤𑌿॑𑌰𑌸𑍍𑌤𑍁 । 𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॑𑌯 । 𑌯 𑌆॑𑌰॒𑌣𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒𑌸𑍍𑌸𑌂𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌵𑌾॒𑌯𑍁𑌸𑍍𑌤𑌾𑌗𑍍​𑌮𑍍 𑌅𑌗𑍍𑌰𑍇॒ 𑌪𑍍𑌰𑌮𑍁॑𑌮𑍋𑌕𑍍𑌤𑍁 𑌦𑍇॒𑌵𑌃 । 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂​𑌵𑌿𑌁𑌦𑌾॒𑌨𑌃 । 𑌇𑌡𑌾॑𑌯𑍈 𑌸𑍃॒𑌪𑍍𑌤𑌂 𑌘𑍃॒𑌤𑌵॑𑌚𑍍𑌚𑌰𑌾𑌚॒𑌰𑌮𑍍 । 𑌦𑍇॒𑌵𑌾 𑌅𑌨𑍍𑌵॑𑌵𑌿𑌂𑌦॒𑌨𑍍𑌗𑍁𑌹𑌾॑ 𑌹𑌿॒𑌤𑌮𑍍 । 𑌯 𑌆॑𑌰॒𑌣𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒𑌸𑍍𑌸𑌂𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌤𑍇𑌷𑌾𑌗𑍍​𑌮𑍍॑ 𑌸𑌪𑍍𑌤𑌾॒𑌨𑌾𑌮𑌿॒𑌹 𑌰𑌂𑌤𑌿॑𑌰𑌸𑍍𑌤𑍁 । 𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॑𑌯 ॥ 31 ॥

𑌆॒𑌤𑍍𑌮𑌾 𑌜𑌨𑌾॑𑌨𑌾𑌂-𑌵𑌿𑌁𑌕𑍁॒𑌰𑍍𑌵𑌂𑌤𑌂॑-𑌵𑌿𑌁𑌪॒𑌶𑍍𑌚𑌿𑌂 𑌪𑍍𑌰॒𑌜𑌾𑌨𑌾𑌂᳚-𑌵𑌁𑌸𑍁॒𑌧𑌾𑌨𑍀𑌂᳚-𑌵𑌿𑌁॒𑌰𑌾𑌜𑌂॒ 𑌚𑌰𑌂॑𑌤𑌂॒ 𑌗𑍋𑌮॑𑌤𑍀𑌂 𑌮𑍇॒ 𑌨𑌿𑌯॑𑌚𑍍𑌛॒𑌤𑍍𑌵𑍇𑌕॑𑌚𑌕𑍍𑌰𑌂॒-𑌵𑍍𑌯𑍋𑌁॑𑌮𑌨𑍍𑌮𑌾॒𑌯𑌯𑌾॑ 𑌦𑍇॒𑌵 𑌏𑌕॑𑌰𑍂𑌪𑌾 𑌅॒𑌷𑍍𑌟𑍌 𑌚॑ ॥ 11 ॥

𑌸॒𑌹𑌸𑍍𑌰॑𑌶𑍀𑌰𑍍​𑌷𑌾॒ 𑌪𑍁𑌰𑍁॑𑌷𑌃 । 𑌸॒𑌹॒𑌸𑍍𑌰𑌾॒𑌕𑍍𑌷𑌸𑍍𑌸॒𑌹𑌸𑍍𑌰॑𑌪𑌾𑌤𑍍 ।
𑌸 𑌭𑍂𑌮𑌿𑌂॑-𑌵𑌿𑌁॒𑌶𑍍𑌵𑌤𑍋॑ 𑌵𑍃॒𑌤𑍍𑌵𑌾 । 𑌅𑌤𑍍𑌯॑𑌤𑌿𑌷𑍍𑌠𑌦𑍍𑌦𑌶𑌾𑌂𑌗𑍁॒𑌲𑌮𑍍 ।
𑌪𑍁𑌰𑍁॑𑌷 𑌏॒𑌵𑍇𑌦𑌗𑍍​𑌮𑍍 𑌸𑌰𑍍𑌵᳚𑌮𑍍 । 𑌯𑌦𑍍𑌭𑍂॒𑌤𑌂-𑌯𑌁𑌚𑍍𑌚॒ 𑌭𑌵𑍍𑌯᳚𑌮𑍍 ।
𑌉॒𑌤𑌾𑌮𑍃॑𑌤॒𑌤𑍍𑌵𑌸𑍍𑌯𑍇𑌶𑌾॑𑌨𑌃 । 𑌯𑌦𑌨𑍍𑌨𑍇॑𑌨𑌾𑌤𑌿॒𑌰𑍋𑌹॑𑌤𑌿 । 𑌏॒𑌤𑌾𑌵𑌾॑𑌨𑌸𑍍𑌯 𑌮𑌹𑌿॒𑌮𑌾 । 𑌅𑌤𑍋॒ 𑌜𑍍𑌯𑌾𑌯𑌾𑌗𑍍​𑌮𑍍॑𑌶𑍍𑌚॒ 𑌪𑍂𑌰𑍁॑𑌷𑌃 ॥ 32,33 ॥

𑌪𑌾𑌦𑍋᳚𑌽𑌸𑍍𑌯॒ 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ । 𑌤𑍍𑌰𑌿॒𑌪𑌾𑌦॑𑌸𑍍𑌯𑌾॒𑌮𑍃𑌤𑌂॑ 𑌦𑌿॒𑌵𑌿 ।
𑌤𑍍𑌰𑌿॒𑌪𑌾𑌦𑍂॒𑌰𑍍𑌧𑍍𑌵 𑌉𑌦𑍈॒𑌤𑍍𑌪𑍁𑌰𑍁॑𑌷𑌃 । 𑌪𑌾𑌦𑍋᳚𑌽𑌸𑍍𑌯𑍇॒𑌹𑌾𑌭॑𑌵𑌾॒𑌤𑍍𑌪𑍁𑌨𑌃॑ ।
𑌤𑌤𑍋॒ 𑌵𑌿𑌷𑍍𑌵॒𑌙𑍍𑌵𑍍𑌯॑𑌕𑍍𑌰𑌾𑌮𑌤𑍍 । 𑌸𑌾॒𑌶॒𑌨𑌾॒𑌨॒𑌶॒𑌨𑍇 𑌅॒𑌭𑌿 ।
𑌤𑌸𑍍𑌮𑌾᳚𑌦𑍍𑌵𑌿॒𑌰𑌾𑌡॑𑌜𑌾𑌯𑌤 । 𑌵𑌿॒𑌰𑌾𑌜𑍋॒ 𑌅𑌧𑌿॒ 𑌪𑍂𑌰𑍁॑𑌷𑌃 । 𑌸 𑌜𑌾॒𑌤𑍋 𑌅𑌤𑍍𑌯॑𑌰𑌿𑌚𑍍𑌯𑌤 । 𑌪॒𑌶𑍍𑌚𑌾𑌦𑍍𑌭𑍂𑌮𑌿॒𑌮𑌥𑍋॑ 𑌪𑍁॒𑌰𑌃 ॥ 34,35 ॥

𑌯𑌤𑍍𑌪𑍁𑌰𑍁॑𑌷𑍇𑌣 𑌹॒𑌵𑌿𑌷𑌾᳚ । 𑌦𑍇॒𑌵𑌾 𑌯॒𑌜𑍍𑌞𑌮𑌤॑𑌨𑍍𑌵𑌤 ।
𑌵॒𑌸𑌂॒𑌤𑍋 𑌅॑𑌸𑍍𑌯𑌾𑌽𑌽𑌸𑍀॒𑌦𑌾𑌜𑍍𑌯᳚𑌮𑍍 । 𑌗𑍍𑌰𑍀॒𑌷𑍍𑌮 𑌇॒𑌧𑍍𑌮𑌶𑍍𑌶॒𑌰𑌦𑍍𑌧॒𑌵𑌿𑌃 ।
𑌸॒𑌪𑍍𑌤𑌾𑌸𑍍𑌯𑌾॑𑌽𑌽𑌸𑌨𑍍𑌪𑌰𑌿॒𑌧𑌯𑌃॑ । 𑌤𑍍𑌰𑌿𑌸𑍍𑌸॒𑌪𑍍𑌤 𑌸॒𑌮𑌿𑌧𑌃॑ 𑌕𑍃॒𑌤𑌾𑌃 ।
𑌦𑍇॒𑌵𑌾 𑌯𑌦𑍍𑌯॒𑌜𑍍𑌞𑌂 𑌤॑𑌨𑍍𑌵𑌾॒𑌨𑌾𑌃 । 𑌅𑌬॑𑌧𑍍𑌨॒𑌨𑍍𑌪𑍁𑌰𑍁॑𑌷𑌂 𑌪॒𑌶𑍁𑌮𑍍 ।
𑌤𑌂-𑌯𑌁॒𑌜𑍍𑌞𑌂 𑌬॒𑌰𑍍​𑌹𑌿𑌷𑌿॒ 𑌪𑍍𑌰𑍌𑌕𑍍𑌷𑌨𑍍॑ । 𑌪𑍁𑌰𑍁॑𑌷𑌂 𑌜𑌾॒𑌤𑌮॑𑌗𑍍𑌰॒𑌤𑌃 ॥ 34,35 ॥

𑌤𑍇𑌨॑ 𑌦𑍇॒𑌵𑌾 𑌅𑌯॑𑌜𑌂𑌤 । 𑌸𑌾॒𑌧𑍍𑌯𑌾 𑌋𑌷॑𑌯𑌶𑍍𑌚॒ 𑌯𑍇 ।
𑌤𑌸𑍍𑌮𑌾᳚𑌦𑍍𑌯॒𑌜𑍍𑌞𑌾𑌥𑍍𑌸॑𑌰𑍍𑌵॒𑌹𑍁𑌤𑌃॑ । 𑌸𑌂𑌭𑍃॑𑌤𑌂 𑌪𑍃𑌷𑌦𑌾॒𑌜𑍍𑌯𑌮𑍍 ।
𑌪॒𑌶𑍂𑌗𑍍‍𑌸𑍍𑌤𑌾𑌗𑍍‍𑌶𑍍𑌚॑𑌕𑍍𑌰𑍇 𑌵𑌾𑌯॒𑌵𑍍𑌯𑌾𑌨𑍍॑ । 𑌆॒𑌰॒𑌣𑍍𑌯𑌾𑌨𑍍𑌗𑍍𑌰𑌾॒𑌮𑍍𑌯𑌾𑌶𑍍𑌚॒ 𑌯𑍇 ।
𑌤𑌸𑍍𑌮𑌾᳚𑌦𑍍𑌯॒𑌜𑍍𑌞𑌾𑌥𑍍𑌸॑𑌰𑍍𑌵॒𑌹𑍁𑌤𑌃॑ । 𑌋𑌚॒𑌸𑍍𑌸𑌾𑌮𑌾॑𑌨𑌿 𑌜𑌜𑍍𑌞𑌿𑌰𑍇 ।
𑌛𑌂𑌦𑌾𑌗𑍍​𑌮𑍍॑𑌸𑌿 𑌜𑌜𑍍𑌞𑌿𑌰𑍇॒ 𑌤𑌸𑍍𑌮𑌾᳚𑌤𑍍 । 𑌯𑌜𑍁॒𑌸𑍍𑌤𑌸𑍍𑌮𑌾॑𑌦𑌜𑌾𑌯𑌤 ॥ 35,36 ॥

𑌤𑌸𑍍𑌮𑌾॒𑌦𑌶𑍍𑌵𑌾॑ 𑌅𑌜𑌾𑌯𑌂𑌤 । 𑌯𑍇 𑌕𑍇 𑌚𑍋॑𑌭॒𑌯𑌾𑌦॑𑌤𑌃 ।
𑌗𑌾𑌵𑍋॑ 𑌹 𑌜𑌜𑍍𑌞𑌿𑌰𑍇॒ 𑌤𑌸𑍍𑌮𑌾᳚𑌤𑍍 । 𑌤𑌸𑍍𑌮𑌾᳚𑌜𑍍𑌜𑌾॒𑌤𑌾 𑌅॑𑌜𑌾॒𑌵𑌯𑌃॑ ।
𑌯𑌤𑍍𑌪𑍁𑌰𑍁॑𑌷𑌂॒-𑌵𑍍𑌯𑌁॑𑌦𑌧𑍁𑌃 । 𑌕॒𑌤𑌿॒𑌧𑌾 𑌵𑍍𑌯॑𑌕𑌲𑍍𑌪𑌯𑌨𑍍𑌨𑍍 ।
𑌮𑍁𑌖𑌂॒ 𑌕𑌿𑌮॑𑌸𑍍𑌯॒ 𑌕𑍌 𑌬𑌾॒𑌹𑍂 । 𑌕𑌾 𑌵𑍂॒𑌰𑍂 𑌪𑌾𑌦𑌾॑𑌵𑍁𑌚𑍍𑌯𑍇𑌤𑍇 ।
𑌬𑍍𑌰𑌾॒𑌹𑍍𑌮॒𑌣𑍋᳚𑌽𑌸𑍍𑌯॒ 𑌮𑍁𑌖॑𑌮𑌾𑌸𑍀𑌤𑍍 । 𑌬𑌾॒𑌹𑍂 𑌰𑌾॑𑌜॒𑌨𑍍𑌯𑌃॑ 𑌕𑍃॒𑌤𑌃 ॥ 36,3𑍭 ॥

𑌊॒𑌰𑍂 𑌤𑌦॑𑌸𑍍𑌯॒ 𑌯𑌦𑍍𑌵𑍈𑌶𑍍𑌯𑌃॑ । 𑌪॒𑌦𑍍𑌭𑍍𑌯𑌾𑌗𑍍​𑌮𑍍 𑌶𑍂॒𑌦𑍍𑌰𑍋 𑌅॑𑌜𑌾𑌯𑌤 ।
𑌚𑌂॒𑌦𑍍𑌰𑌮𑌾॒ 𑌮𑌨॑𑌸𑍋 𑌜𑌾॒𑌤𑌃 । 𑌚𑌕𑍍𑌷𑍋॒𑌸𑍍𑌸𑍂𑌰𑍍𑌯𑍋॑ 𑌅𑌜𑌾𑌯𑌤 ।
𑌮𑍁𑌖𑌾॒𑌦𑌿𑌂𑌦𑍍𑌰॑𑌶𑍍𑌚𑌾॒𑌗𑍍𑌨𑌿𑌶𑍍𑌚॑ । 𑌪𑍍𑌰𑌾॒𑌣𑌾𑌦𑍍𑌵𑌾॒𑌯𑍁𑌰॑𑌜𑌾𑌯𑌤 ।
𑌨𑌾𑌭𑍍𑌯𑌾॑ 𑌆𑌸𑍀𑌦𑌂॒𑌤𑌰𑌿॑𑌕𑍍𑌷𑌮𑍍 । 𑌶𑍀॒𑌰𑍍​𑌷𑍍𑌣𑍋 𑌦𑍍𑌯𑍌𑌸𑍍𑌸𑌮॑𑌵𑌰𑍍𑌤𑌤 ।
𑌪॒𑌦𑍍𑌭𑍍𑌯𑌾𑌂 𑌭𑍂𑌮𑌿॒𑌰𑍍𑌦𑌿𑌶𑌃॒ 𑌶𑍍𑌰𑍋𑌤𑍍𑌰𑌾᳚𑌤𑍍 ।
𑌤𑌥𑌾॑ 𑌲𑍋॒𑌕𑌾𑌗𑍍​𑌮𑍍 𑌅॑𑌕𑌲𑍍𑌪𑌯𑌨𑍍𑌨𑍍 ॥ 3𑍭,3𑍮 ॥

𑌵𑍇𑌦𑌾॒𑌹𑌮𑍇॒𑌤𑌂 𑌪𑍁𑌰𑍁॑𑌷𑌂 𑌮॒𑌹𑌾𑌂𑌤᳚𑌮𑍍 ।
𑌆॒𑌦𑌿॒𑌤𑍍𑌯𑌵॑𑌰𑍍𑌣𑌂॒ 𑌤𑌮॑𑌸॒𑌸𑍍𑌤𑍁 𑌪𑌾॒𑌰𑍇 ।
𑌸𑌰𑍍𑌵𑌾॑𑌣𑌿 𑌰𑍂॒𑌪𑌾𑌣𑌿॑ 𑌵𑌿॒𑌚𑌿𑌤𑍍𑌯॒ 𑌧𑍀𑌰𑌃॑ ।
𑌨𑌾𑌮𑌾॑𑌨𑌿 𑌕𑍃॒𑌤𑍍𑌵𑌾𑌽𑌭𑌿॒𑌵𑌦॒𑌨𑍍 𑌯𑌦𑌾𑌸𑍍𑌤𑍇᳚ ।
𑌧𑌾॒𑌤𑌾 𑌪𑍁॒𑌰𑌸𑍍𑌤𑌾॒𑌦𑍍𑌯𑌮𑍁॑𑌦𑌾𑌜॒𑌹𑌾𑌰॑ ।
𑌶॒𑌕𑍍𑌰𑌃 𑌪𑍍𑌰𑌵𑌿॒𑌦𑍍𑌵𑌾𑌨𑍍𑌪𑍍𑌰॒𑌦𑌿𑌶॒𑌶𑍍𑌚𑌤॑𑌸𑍍𑌰𑌃 ।
𑌤𑌮𑍇॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌮𑍃𑌤॑ 𑌇॒𑌹 𑌭॑𑌵𑌤𑌿 ।
𑌨𑌾𑌨𑍍𑌯𑌃 𑌪𑌂𑌥𑌾॒ 𑌅𑌯॑𑌨𑌾𑌯 𑌵𑌿𑌦𑍍𑌯𑌤𑍇 ।
𑌯॒𑌜𑍍𑌞𑍇𑌨॑ 𑌯॒𑌜𑍍𑌞𑌮॑𑌯𑌜𑌂𑌤 𑌦𑍇॒𑌵𑌾𑌃 ।
𑌤𑌾𑌨𑌿॒ 𑌧𑌰𑍍𑌮𑌾॑𑌣𑌿 𑌪𑍍𑌰𑌥॒𑌮𑌾𑌨𑍍𑌯𑌾॑𑌸𑌨𑍍𑌨𑍍 ।
𑌤𑍇 𑌹॒ 𑌨𑌾𑌕𑌂॑ 𑌮𑌹𑌿॒𑌮𑌾𑌨॑𑌸𑍍𑌸𑌚𑌂𑌤𑍇 ।
𑌯𑌤𑍍𑌰॒ 𑌪𑍂𑌰𑍍𑌵𑍇॑ 𑌸𑌾॒𑌧𑍍𑌯𑌾𑌸𑍍𑌸𑌂𑌤𑌿॑ 𑌦𑍇॒𑌵𑌾𑌃 ॥ 3𑍮,3𑍯 ॥

𑌪𑍁𑌰𑍁॑𑌷𑌃 𑌪𑍁॒𑌰𑍋᳚𑌽𑌗𑍍𑌰॒𑌤𑍋॑𑌽𑌜𑌾𑌯𑌤 𑌕𑍃॒𑌤𑍋॑𑌽𑌕𑌲𑍍𑌪𑌯𑌨𑍍𑌨𑌾𑌸𑌂॒𑌦𑍍𑌵𑍇 𑌚॑ ॥ 12 ॥
𑌜𑍍𑌯𑌾𑌯𑌾॒𑌨𑌧𑌿॒ 𑌪𑍂𑌰𑍁॑𑌷𑌃 । 𑌅𑌨𑍍𑌯𑌤𑍍𑌰॒ 𑌪𑍁𑌰𑍁॑𑌷𑌃 ॥

𑌅॒𑌦𑍍𑌭𑍍𑌯𑌸𑍍𑌸𑌂𑌭𑍂॑𑌤𑌃 𑌪𑍃𑌥𑌿॒𑌵𑍍𑌯𑍈 𑌰𑌸𑌾᳚𑌚𑍍𑌚 ।
𑌵𑌿॒𑌶𑍍𑌵𑌕॑𑌰𑍍𑌮𑌣॒𑌸𑍍𑌸𑌮॑𑌵𑌰𑍍𑌤॒𑌤𑌾𑌧𑌿॑ ।
𑌤𑌸𑍍𑌯॒ 𑌤𑍍𑌵𑌷𑍍𑌟𑌾॑ 𑌵𑌿॒𑌦𑌧॑𑌦𑍍𑌰𑍂॒𑌪𑌮𑍇॑𑌤𑌿 ।
𑌤𑌤𑍍𑌪𑍁𑌰𑍁॑𑌷𑌸𑍍𑌯॒ 𑌵𑌿𑌶𑍍𑌵॒𑌮𑌾𑌜𑌾॑𑌨॒𑌮𑌗𑍍𑌰𑍇᳚ ।
𑌵𑍇𑌦𑌾॒𑌹𑌮𑍇॒𑌤𑌂 𑌪𑍁𑌰𑍁॑𑌷𑌂 𑌮॒𑌹𑌾𑌂𑌤᳚𑌮𑍍 ।
𑌆॒𑌦𑌿॒𑌤𑍍𑌯𑌵॑𑌰𑍍𑌣𑌂॒ 𑌤𑌮॑𑌸𑌃॒ 𑌪𑌰॑𑌸𑍍𑌤𑌾𑌤𑍍 ।
𑌤𑌮𑍇॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌮𑍃𑌤॑ 𑌇॒𑌹 𑌭॑𑌵𑌤𑌿 ।
𑌨𑌾𑌨𑍍𑌯𑌃 𑌪𑌂𑌥𑌾॑ 𑌵𑌿𑌦𑍍𑌯॒𑌤𑍇𑌽𑌯॑𑌨𑌾𑌯 ।
𑌪𑍍𑌰॒𑌜𑌾𑌪॑𑌤𑌿𑌶𑍍𑌚𑌰𑌤𑌿॒ 𑌗𑌰𑍍𑌭𑍇॑ 𑌅𑌂॒𑌤𑌃 ।
𑌅॒𑌜𑌾𑌯॑𑌮𑌾𑌨𑍋 𑌬𑌹𑍁॒𑌧𑌾 𑌵𑌿𑌜𑌾॑𑌯𑌤𑍇 ॥ 3𑍯,40 ॥

𑌤𑌸𑍍𑌯॒ 𑌧𑍀𑌰𑌾𑌃॒ 𑌪𑌰𑌿॑𑌜𑌾𑌨𑌂𑌤𑌿॒ 𑌯𑍋𑌨𑌿᳚𑌮𑍍 । 𑌮𑌰𑍀॑𑌚𑍀𑌨𑌾𑌂 𑌪॒𑌦𑌮𑌿॑𑌚𑍍𑌛𑌂𑌤𑌿 𑌵𑍇॒𑌧𑌸𑌃॑ । 𑌯𑍋 𑌦𑍇॒𑌵𑍇𑌭𑍍𑌯॒ 𑌆𑌤॑𑌪𑌤𑌿 । 𑌯𑍋 𑌦𑍇॒𑌵𑌾𑌨𑌾𑌂᳚ 𑌪𑍁॒𑌰𑍋𑌹𑌿॑𑌤𑌃 ।
𑌪𑍂𑌰𑍍𑌵𑍋॒ 𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌜𑌾॒𑌤𑌃 । 𑌨𑌮𑍋॑ 𑌰𑍁॒𑌚𑌾𑌯॒ 𑌬𑍍𑌰𑌾𑌹𑍍𑌮॑𑌯𑍇 । 𑌰𑍁𑌚𑌂॑ 𑌬𑍍𑌰𑌾॒𑌹𑍍𑌮𑌂 𑌜॒𑌨𑌯𑌂॑𑌤𑌃 । 𑌦𑍇॒𑌵𑌾 𑌅𑌗𑍍𑌰𑍇॒ 𑌤𑌦॑𑌬𑍍𑌰𑍁𑌵𑌨𑍍𑌨𑍍 । 𑌯𑌸𑍍𑌤𑍍𑌵𑍈॒𑌵𑌂 𑌬𑍍𑌰𑌾᳚𑌹𑍍𑌮॒𑌣𑍋 𑌵𑌿॒𑌦𑍍𑌯𑌾𑌤𑍍 । 𑌤𑌸𑍍𑌯॑ 𑌦𑍇॒𑌵𑌾 𑌅𑌸॒𑌨𑍍𑌵𑌶𑍇᳚ । 𑌹𑍍𑌰𑍀𑌶𑍍𑌚॑ 𑌤𑍇 𑌲॒𑌕𑍍𑌷𑍍𑌮𑍀𑌶𑍍𑌚॒ 𑌪𑌤𑍍𑌨𑍍𑌯𑍌᳚ । 𑌅॒𑌹𑍋॒𑌰𑌾॒𑌤𑍍𑌰𑍇 𑌪𑌾॒𑌰𑍍​𑌶𑍍𑌵𑍇 । 𑌨𑌕𑍍𑌷॑𑌤𑍍𑌰𑌾𑌣𑌿 𑌰𑍂॒𑌪𑌮𑍍 । 𑌅॒𑌶𑍍𑌵𑌿𑌨𑍌॒ 𑌵𑍍𑌯𑌾𑌤𑍍𑌤᳚𑌮𑍍 । 𑌇॒𑌷𑍍𑌟𑌂 𑌮॑𑌨𑌿𑌷𑌾𑌣 । 𑌅॒𑌮𑍁𑌂 𑌮॑𑌨𑌿𑌷𑌾𑌣 । 𑌸𑌰𑍍𑌵𑌂॑ 𑌮𑌨𑌿𑌷𑌾𑌣 ॥ 40,41 ॥
𑌜𑌾॒𑌯॒𑌤𑍇॒ 𑌵𑌶𑍇॑ 𑌸॒𑌪𑍍𑌤 𑌚॑ ॥ 13 ॥

𑌭॒𑌰𑍍𑌤𑌾 𑌸𑌨𑍍𑌭𑍍𑌰𑌿॒𑌯𑌮𑌾॑𑌣𑍋 𑌬𑌿𑌭𑌰𑍍𑌤𑌿 । 𑌏𑌕𑍋॑ 𑌦𑍇॒𑌵𑍋 𑌬॑𑌹𑍁॒𑌧𑌾 𑌨𑌿𑌵𑌿॑𑌷𑍍𑌟𑌃 । 𑌯॒𑌦𑌾 𑌭𑌾॒𑌰𑌂 𑌤𑌂॒𑌦𑍍𑌰𑌯॑𑌤𑍇॒ 𑌸 𑌭𑌰𑍍𑌤𑍁᳚𑌮𑍍 । 𑌨𑌿॒𑌧𑌾𑌯॑ 𑌭𑌾॒𑌰𑌂 𑌪𑍁𑌨॒𑌰𑌸𑍍𑌤॑𑌮𑍇𑌤𑌿 । 𑌤𑌮𑍇॒𑌵 𑌮𑍃॒𑌤𑍍𑌯𑍁𑌮॒𑌮𑍃𑌤𑌂॒ 𑌤𑌮𑌾॑𑌹𑍁𑌃 । 𑌤𑌂 𑌭॒𑌰𑍍𑌤𑌾𑌰𑌂॒ 𑌤𑌮𑍁॑ 𑌗𑍋॒𑌪𑍍𑌤𑌾𑌰॑𑌮𑌾𑌹𑍁𑌃 । 𑌸 𑌭𑍃॒𑌤𑍋 𑌭𑍍𑌰𑌿॒𑌯𑌮𑌾॑𑌣𑍋 𑌬𑌿𑌭𑌰𑍍𑌤𑌿 । 𑌯 𑌏॑𑌨𑌂॒-𑌵𑍇𑌁𑌦॑ 𑌸॒𑌤𑍍𑌯𑍇𑌨॒ 𑌭𑌰𑍍𑌤𑍁᳚𑌮𑍍 । 𑌸॒𑌦𑍍𑌯𑍋 𑌜𑌾॒𑌤𑌮𑍁॒𑌤 𑌜॑𑌹𑌾𑌤𑍍𑌯𑍇॒𑌷𑌃 । 𑌉॒𑌤𑍋 𑌜𑌰𑌂॑𑌤𑌂॒ 𑌨 𑌜॑𑌹𑌾॒𑌤𑍍𑌯𑍇𑌕᳚𑌮𑍍 ॥ 41,42 ॥

𑌉॒𑌤𑍋 𑌬॒𑌹𑍂𑌨𑍇𑌕॒𑌮𑌹॑𑌰𑍍𑌜𑌹𑌾𑌰 । 𑌅𑌤𑌂॑𑌦𑍍𑌰𑍋 𑌦𑍇॒𑌵𑌸𑍍𑌸𑌦॑𑌮𑍇॒𑌵 𑌪𑍍𑌰𑌾𑌰𑍍𑌥𑌃॑ । 𑌯𑌸𑍍𑌤𑌦𑍍𑌵𑍇𑌦॒ 𑌯𑌤॑ 𑌆𑌬॒𑌭𑍂𑌵॑ । 𑌸𑌂॒𑌧𑌾𑌂 𑌚॒ 𑌯𑌾𑌗𑍍​𑌮𑍍 𑌸𑌂॑𑌦॒𑌧𑍇 𑌬𑍍𑌰𑌹𑍍𑌮॑𑌣𑍈॒𑌷𑌃 । 𑌰𑌮॑𑌤𑍇॒ 𑌤𑌸𑍍𑌮𑌿᳚𑌨𑍍𑌨𑍁॒𑌤 𑌜𑍀॒𑌰𑍍𑌣𑍇 𑌶𑌯𑌾॑𑌨𑍇 । 𑌨𑍈𑌨𑌂॑ 𑌜𑌹𑌾॒𑌤𑍍𑌯𑌹॑𑌸𑍍𑌸𑍁 𑌪𑍂॒𑌰𑍍𑌵𑍍𑌯𑍇𑌷𑍁॑ । 𑌤𑍍𑌵𑌾𑌮𑌾𑌪𑍋॒ 𑌅𑌨𑍁॒ 𑌸𑌰𑍍𑌵𑌾᳚𑌶𑍍𑌚𑌰𑌂𑌤𑌿 𑌜𑌾𑌨॒𑌤𑍀𑌃 । 𑌵॒𑌥𑍍𑌸𑌂 𑌪𑌯॑𑌸𑌾 𑌪𑍁𑌨𑌾॒𑌨𑌾𑌃 । 𑌤𑍍𑌵𑌮॒𑌗𑍍𑌨𑌿𑌗𑍍​𑌮𑍍 𑌹॑𑌵𑍍𑌯॒𑌵𑌾𑌹॒𑌗𑍍​𑌮𑍍॒ 𑌸𑌮𑌿𑌂॑𑌥𑍍​𑌸𑍇 । 𑌤𑍍𑌵𑌂 𑌭॒𑌰𑍍𑌤𑌾 𑌮𑌾॑𑌤॒𑌰𑌿𑌶𑍍𑌵𑌾᳚ 𑌪𑍍𑌰॒𑌜𑌾𑌨𑌾᳚𑌮𑍍 ॥ 42,43 ॥

𑌤𑍍𑌵𑌂-𑌯𑌁॒𑌜𑍍𑌞𑌸𑍍𑌤𑍍𑌵𑌮𑍁॑𑌵𑍇॒𑌵𑌾𑌸𑌿॒ 𑌸𑍋𑌮𑌃॑ । 𑌤𑌵॑ 𑌦𑍇॒𑌵𑌾 𑌹𑌵॒𑌮𑌾𑌯𑌂॑𑌤𑌿॒ 𑌸𑌰𑍍𑌵𑍇᳚ । 𑌤𑍍𑌵𑌮𑍇𑌕𑍋॑𑌽𑌸𑌿 𑌬॒𑌹𑍂𑌨𑌨𑍁॒𑌪𑍍𑌰𑌵𑌿॑𑌷𑍍𑌟𑌃 । 𑌨𑌮॑𑌸𑍍𑌤𑍇 𑌅𑌸𑍍𑌤𑍁 𑌸𑍁॒𑌹𑌵𑍋॑ 𑌮 𑌏𑌧𑌿 । 𑌨𑌮𑍋॑ 𑌵𑌾𑌮𑌸𑍍𑌤𑍁 𑌶𑍃𑌣𑍁॒𑌤𑌗𑍍​𑌮𑍍 𑌹𑌵𑌂॑ 𑌮𑍇 । 𑌪𑍍𑌰𑌾𑌣𑌾॑𑌪𑌾𑌨𑌾𑌵𑌜𑌿॒𑌰𑌗𑍍​𑌮𑍍 𑌸𑌂॒𑌚𑌰𑌂॑𑌤𑍌 । 𑌹𑍍𑌵𑌯𑌾॑𑌮𑌿 𑌵𑌾𑌂॒ 𑌬𑍍𑌰𑌹𑍍𑌮॑𑌣𑌾 𑌤𑍂॒𑌰𑍍𑌤𑌮𑍇𑌤᳚𑌮𑍍 । 𑌯𑍋 𑌮𑌾𑌂 𑌦𑍍𑌵𑍇𑌷𑍍𑌟𑌿॒ 𑌤𑌂 𑌜॑𑌹𑌿𑌤𑌂-𑌯𑍁𑌁𑌵𑌾𑌨𑌾 । 𑌪𑍍𑌰𑌾𑌣𑌾॑𑌪𑌾𑌨𑍌 𑌸𑌂​𑌵𑌿𑌁𑌦𑌾॒𑌨𑍌 𑌜॑𑌹𑌿𑌤𑌮𑍍 । 𑌅॒𑌮𑍁𑌷𑍍𑌯𑌾𑌸𑍁॑𑌨𑌾॒ 𑌮𑌾 𑌸𑌂𑌗॑𑌸𑌾𑌥𑌾𑌮𑍍 ॥ 43 ॥

𑌤𑌂 𑌮𑍇॑ 𑌦𑍇𑌵𑌾॒ 𑌬𑍍𑌰𑌹𑍍𑌮॑𑌣𑌾 𑌸𑌂​𑌵𑌿𑌁𑌦𑌾॒𑌨𑍌 । 𑌵॒𑌧𑌾𑌯॑ 𑌦𑌤𑍍𑌤𑌂॒ 𑌤𑌮॒𑌹𑌗𑍍​𑌮𑍍 𑌹॑𑌨𑌾𑌮𑌿 । 𑌅𑌸॑𑌜𑍍𑌜𑌜𑌾𑌨 𑌸॒𑌤 𑌆𑌬॑𑌭𑍂𑌵 । 𑌯𑌂-𑌯𑌁𑌂॑ 𑌜॒𑌜𑌾𑌨॒ 𑌸 𑌉॑ 𑌗𑍋॒𑌪𑍋 𑌅॑𑌸𑍍𑌯 । 𑌯॒𑌦𑌾 𑌭𑌾॒𑌰𑌂 𑌤𑌂॒𑌦𑍍𑌰𑌯॑𑌤𑍇॒ 𑌸 𑌭𑌰𑍍𑌤𑍁᳚𑌮𑍍 । 𑌪॒𑌰𑌾𑌸𑍍𑌯॑ 𑌭𑌾॒𑌰𑌂 𑌪𑍁𑌨॒𑌰𑌸𑍍𑌤॑𑌮𑍇𑌤𑌿 । 𑌤𑌦𑍍𑌵𑍈 𑌤𑍍𑌵𑌂 𑌪𑍍𑌰𑌾॒𑌣𑍋 𑌅॑𑌭𑌵𑌃 । 𑌮॒𑌹𑌾𑌨𑍍𑌭𑍋𑌗𑌃॑ 𑌪𑍍𑌰॒𑌜𑌾𑌪॑𑌤𑍇𑌃 । 𑌭𑍁𑌜𑌃॑ 𑌕𑌰𑌿॒𑌷𑍍𑌯𑌮𑌾॑𑌣𑌃 । 𑌯𑌦𑍍𑌦𑍇॒𑌵𑌾𑌨𑍍𑌪𑍍𑌰𑌾𑌣॑𑌯𑍋॒ 𑌨𑌵॑ ॥ 44 ॥
𑌏𑌕𑌂॑ 𑌪𑍍𑌰॒𑌜𑌾𑌨𑌾𑌂᳚ 𑌗𑌸𑌾𑌥𑌾𑌂॒ 𑌨𑌵॑ ॥ 14 ॥

𑌹𑌰𑌿॒𑌗𑍍​𑌮𑍍॒ 𑌹𑌰𑌂॑𑌤॒𑌮𑌨𑍁॑𑌯𑌂𑌤𑌿 𑌦𑍇॒𑌵𑌾𑌃 । 𑌵𑌿𑌶𑍍𑌵॒𑌸𑍍𑌯𑍇𑌶𑌾॑𑌨𑌂-𑌵𑍃𑌁𑌷॒𑌭𑌂 𑌮॑𑌤𑍀॒𑌨𑌾𑌮𑍍 । 𑌬𑍍𑌰𑌹𑍍𑌮॒ 𑌸𑌰𑍂॑𑌪॒𑌮𑌨𑍁॑𑌮𑍇॒𑌦𑌮𑌾𑌗𑌾᳚𑌤𑍍 । 𑌅𑌯॑𑌨𑌂॒ 𑌮𑌾 𑌵𑌿𑌵॑𑌧𑍀॒𑌰𑍍𑌵𑌿𑌕𑍍𑌰॑𑌮𑌸𑍍𑌵 । 𑌮𑌾 𑌛𑌿॑𑌦𑍋 𑌮𑍃𑌤𑍍𑌯𑍋॒ 𑌮𑌾 𑌵॑𑌧𑍀𑌃 । 𑌮𑌾 𑌮𑍇॒ 𑌬𑌲𑌂॒-𑌵𑌿𑌁𑌵𑍃॑𑌹𑍋॒ 𑌮𑌾 𑌪𑍍𑌰𑌮𑍋॑𑌷𑍀𑌃 । 𑌪𑍍𑌰॒𑌜𑌾𑌂 𑌮𑌾 𑌮𑍇॑ 𑌰𑍀𑌰𑌿𑌷॒ 𑌆𑌯𑍁॑𑌰𑍁𑌗𑍍𑌰 । 𑌨𑍃॒𑌚𑌕𑍍𑌷॑𑌸𑌂 𑌤𑍍𑌵𑌾 𑌹॒𑌵𑌿𑌷𑌾॑ 𑌵𑌿𑌧𑍇𑌮 । 𑌸॒𑌦𑍍𑌯𑌶𑍍𑌚॑𑌕𑌮𑌾॒𑌨𑌾𑌯॑ । 𑌪𑍍𑌰॒𑌵𑍇॒𑌪𑌾॒𑌨𑌾𑌯॑ 𑌮𑍃॒𑌤𑍍𑌯𑌵𑍇᳚ ॥ 45 ॥

𑌪𑍍𑌰𑌾𑌸𑍍𑌮𑌾॒ 𑌆𑌶𑌾॑ 𑌅𑌶𑍃𑌣𑍍𑌵𑌨𑍍𑌨𑍍 । 𑌕𑌾𑌮𑍇॑𑌨𑌾𑌜𑌨𑌯॒𑌨𑍍𑌪𑍁𑌨𑌃॑ । 𑌕𑌾𑌮𑍇॑𑌨 𑌮𑍇॒ 𑌕𑌾𑌮॒ 𑌆𑌗𑌾᳚𑌤𑍍 । 𑌹𑍃𑌦॑𑌯𑌾॒𑌦𑍍𑌧𑍃𑌦॑𑌯𑌂 𑌮𑍃॒𑌤𑍍𑌯𑍋𑌃 । 𑌯𑌦॒𑌮𑍀𑌷𑌾॑𑌮॒𑌦𑌃 𑌪𑍍𑌰𑌿॒𑌯𑌮𑍍 । 𑌤𑌦𑍈𑌤𑍂𑌪॒𑌮𑌾𑌮॒𑌭𑌿 । 𑌪𑌰𑌂॑ 𑌮𑍃𑌤𑍍𑌯𑍋॒ 𑌅𑌨𑍁॒ 𑌪𑌰𑍇॑𑌹𑌿॒ 𑌪𑌂𑌥𑌾᳚𑌮𑍍 । 𑌯𑌸𑍍𑌤𑍇॒ 𑌸𑍍𑌵 𑌇𑌤॑𑌰𑍋 𑌦𑍇𑌵॒𑌯𑌾𑌨𑌾᳚𑌤𑍍 । 𑌚𑌕𑍍𑌷𑍁॑𑌷𑍍𑌮𑌤𑍇 𑌶𑍃𑌣𑍍𑌵॒𑌤𑍇 𑌤𑍇᳚ 𑌬𑍍𑌰𑌵𑍀𑌮𑌿 । 𑌮𑌾 𑌨𑌃॑ 𑌪𑍍𑌰॒𑌜𑌾𑌗𑍍​𑌮𑍍 𑌰𑍀॑𑌰𑌿𑌷𑍋॒ 𑌮𑍋𑌤 𑌵𑍀॒𑌰𑌾𑌨𑍍 । 𑌪𑍍𑌰 𑌪𑍂॒𑌰𑍍𑌵𑍍𑌯𑌂 𑌮𑌨॑𑌸𑌾॒ 𑌵𑌂𑌦॑𑌮𑌾𑌨𑌃 । 𑌨𑌾𑌧॑𑌮𑌾𑌨𑍋 𑌵𑍃𑌷॒𑌭𑌂 𑌚॑𑌰𑍍​𑌷𑌣𑍀॒𑌨𑌾𑌮𑍍 । 𑌯𑌃 𑌪𑍍𑌰॒𑌜𑌾𑌨𑌾॑𑌮𑍇𑌕॒𑌰𑌾𑌣𑍍𑌮𑌾𑌨𑍁॑𑌷𑍀𑌣𑌾𑌮𑍍 । 𑌮𑍃॒𑌤𑍍𑌯𑍁𑌂-𑌯𑌁॑𑌜𑍇 𑌪𑍍𑌰𑌥𑌮॒𑌜𑌾𑌮𑍃॒𑌤𑌸𑍍𑌯॑ ॥ 46 ॥
𑌮𑍃॒𑌤𑍍𑌯𑌵𑍇॑ 𑌵𑍀॒𑌰𑌾𑌗𑍍​𑌮𑍍𑌶𑍍𑌚॒𑌤𑍍𑌵𑌾𑌰𑌿॑ 𑌚 ॥ 15 ॥

𑌤॒𑌰𑌣𑌿॑𑌰𑍍𑌵𑌿॒𑌶𑍍𑌵𑌦॑𑌰𑍍​𑌶𑌤𑍋 𑌜𑍍𑌯𑍋𑌤𑌿॒𑌷𑍍𑌕𑍃𑌦॑𑌸𑌿 𑌸𑍂𑌰𑍍𑌯 । 𑌵𑌿𑌶𑍍𑌵॒𑌮𑌾 𑌭𑌾॑𑌸𑌿 𑌰𑍋𑌚॒𑌨𑌮𑍍 । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋𑌽𑌸𑌿॒ 𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤 𑌏॒𑌷 𑌤𑍇॒ 𑌯𑍋𑌨𑌿॒𑌸𑍍𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤𑍇 ॥ 4𑍭 ॥ 16 ॥

𑌆𑌪𑍍𑌯𑌾॑𑌯𑌸𑍍𑌵 𑌮𑌦𑌿𑌂𑌤𑌮॒ 𑌸𑍋𑌮॒ 𑌵𑌿𑌶𑍍𑌵𑌾॑𑌭𑌿𑌰𑍂॒𑌤𑌿𑌭𑌿𑌃॑ । 𑌭𑌵𑌾॑ 𑌨𑌸𑍍𑌸॒𑌪𑍍𑌰𑌥॑𑌸𑍍𑌤𑌮𑌃 ॥ (4𑍮) ॥ 1𑍭 ॥

𑌈॒𑌯𑍁𑌷𑍍𑌟𑍇 𑌯𑍇 𑌪𑍂𑌰𑍍𑌵॑𑌤𑌰𑌾॒𑌮𑌪॑𑌶𑍍𑌯𑌨𑍍 𑌵𑍍𑌯𑍁॒𑌚𑍍𑌛𑌂𑌤𑍀॑𑌮𑍁॒𑌷𑌸𑌂॒ 𑌮𑌰𑍍𑌤𑍍𑌯𑌾॑𑌸𑌃 । 𑌅॒𑌸𑍍𑌮𑌾𑌭𑌿॑𑌰𑍂॒ 𑌨𑍁 𑌪𑍍𑌰॑𑌤𑌿॒𑌚𑌕𑍍𑌷𑍍𑌯𑌾॑𑌽𑌭𑍂॒𑌦𑍋 𑌤𑍇 𑌯𑌂॑𑌤𑌿॒ 𑌯𑍇 𑌅॑𑌪॒𑌰𑍀𑌷𑍁॒ 𑌪𑌶𑍍𑌯𑌾𑌨𑍍॑ ॥ 4𑍯 ॥ 1𑍮 ॥

𑌜𑍍𑌯𑍋𑌤𑌿॑𑌷𑍍𑌮𑌤𑍀𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿 𑌜𑍍𑌯𑍋𑌤𑌿॒𑌷𑍍𑌕𑍃𑌤𑌂॑ 𑌤𑍍𑌵𑌾 𑌸𑌾𑌦𑌯𑌾𑌮𑌿 𑌜𑍍𑌯𑍋𑌤𑌿॒𑌰𑍍𑌵𑌿𑌦𑌂॑ 𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌭𑌾𑌸𑍍𑌵॑𑌤𑍀𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌜𑍍𑌵𑌲𑌂॑𑌤𑍀𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿 𑌮𑌲𑍍𑌮𑌲𑌾॒𑌭𑌵𑌂॑𑌤𑍀𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌦𑍀𑌪𑍍𑌯॑𑌮𑌾𑌨𑌾𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌰𑍋𑌚॑𑌮𑌾𑌨𑌾𑌂 𑌤𑍍𑌵𑌾 𑌸𑌾𑌦𑌯𑌾॒𑌮𑍍𑌯𑌜॑𑌸𑍍𑌰𑌾𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿 𑌬𑍃॒𑌹𑌜𑍍𑌜𑍍𑌯𑍋॑𑌤𑌿𑌷𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿 𑌬𑍋॒𑌧𑌯𑌂॑𑌤𑍀𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌜𑌾𑌗𑍍𑌰॑𑌤𑍀𑌂 𑌤𑍍𑌵𑌾 𑌸𑌾𑌦𑌯𑌾𑌮𑌿 ॥ 50 ॥ 1𑍯 ॥

𑌪𑍍𑌰॒𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑𑌽𑌽𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌵𑌿𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌸𑌂​𑌯𑌾𑌁॒𑌸𑌾𑌯॒ 𑌸𑍍𑌵𑌾𑌹𑍋᳚𑌦𑍍𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑𑌽𑌵𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌶𑍁॒𑌚𑍇 𑌸𑍍𑌵𑌾𑌹𑌾॒ 𑌶𑍋𑌕𑌾॑𑌯॒ 𑌸𑍍𑌵𑌾𑌹𑌾॑ 𑌤𑌪𑍍𑌯॒𑌤𑍍𑌵𑍈 𑌸𑍍𑌵𑌾𑌹𑌾॒ 𑌤𑌪॑𑌤𑍇॒ 𑌸𑍍𑌵𑌾𑌹𑌾᳚ 𑌬𑍍𑌰𑌹𑍍𑌮𑌹॒𑌤𑍍𑌯𑌾𑌯𑍈॒ 𑌸𑍍𑌵𑌾𑌹𑌾॒ 𑌸𑌰𑍍𑌵॑𑌸𑍍𑌮𑍈॒ 𑌸𑍍𑌵𑌾𑌹𑌾᳚ ॥ 51 ॥ 20 ॥

𑌚𑌿॒𑌤𑍍𑌤𑌗𑍍​𑌮𑍍 𑌸𑌂॑𑌤𑌾॒𑌨𑍇𑌨॑ 𑌭॒𑌵𑌂-𑌯𑌁॒𑌕𑍍𑌨𑌾 𑌰𑍁॒𑌦𑍍𑌰𑌂 𑌤𑌨𑌿॑𑌮𑍍𑌨𑌾 𑌪𑌶𑍁॒𑌪𑌤𑌿𑌗𑍍𑌗𑍍​𑌮𑍍॑ 𑌸𑍍𑌥𑍂𑌲𑌹𑍃𑌦॒𑌯𑍇𑌨𑌾॒𑌗𑍍𑌨𑌿𑌗𑍍​𑌮𑍍 𑌹𑍃𑌦॑𑌯𑍇𑌨 𑌰𑍁॒𑌦𑍍𑌰𑌂-𑌲𑍋𑌁𑌹𑌿॑𑌤𑍇𑌨 𑌶॒𑌰𑍍𑌵𑌂 𑌮𑌤॑𑌸𑍍𑌨𑌾𑌭𑍍𑌯𑌾𑌂 𑌮𑌹𑌾𑌦𑍇॒𑌵𑌮𑌂॒𑌤𑌃 𑌪𑌾᳚𑌰𑍍​𑌶𑍍𑌵𑍇𑌨𑍌𑌷𑌿𑌷𑍍𑌠॒𑌹𑌨𑌗𑍍​𑌮𑍍॑ 𑌶𑌿𑌂𑌗𑍀𑌨𑌿𑌕𑍋॒𑌶𑍍𑌯𑌾᳚𑌭𑍍𑌯𑌾𑌮𑍍 ॥ 52 ॥ 21 ॥

𑌚𑌿॒𑌤𑍍𑌤𑌿𑌃॑ 𑌪𑍃𑌥𑌿॒𑌵𑍍𑌯॑𑌗𑍍𑌨𑌿॒𑌸𑍍𑌸𑍂𑌰𑍍𑌯𑌂॑ 𑌤𑍇॒ 𑌚𑌕𑍍𑌷𑍁॑𑌰𑍍𑌮॒𑌹𑌾𑌹॑𑌵𑌿॒𑌰𑍍​𑌹𑍋𑌤𑌾॒ 𑌵𑌾𑌗𑍍𑌘𑍋𑌤𑌾᳚ 𑌬𑍍𑌰𑌾𑌹𑍍𑌮॒𑌣 𑌏𑌕॑𑌹𑍋𑌤𑌾॒𑌽𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿॒𑌸𑍍𑌸𑍇𑌨𑍇𑌂𑌦𑍍𑌰॑𑌸𑍍𑌯 𑌦𑍇॒𑌵𑌸𑍍𑌯॑ 𑌸𑍁॒𑌵𑌰𑍍𑌣𑌂॑ 𑌘॒𑌰𑍍𑌮𑌗𑍍​𑌮𑍍 𑌸॒𑌹𑌸𑍍𑌰॑𑌶𑍀𑌰𑍍​𑌷𑌾॒𑌽𑌦𑍍𑌭𑍍𑌯𑍋 𑌭॒𑌰𑍍𑌤𑌾 𑌹𑌰𑌿𑌂॑ 𑌤॒𑌰𑌣𑌿॒𑌰𑌾𑌪𑍍𑌯𑌾॑𑌯𑌸𑍍𑌵𑍇॒𑌯𑍁𑌷𑍍𑌟𑍇 𑌯𑍇 𑌜𑍍𑌯𑍋𑌤𑌿॑𑌷𑍍𑌮𑌤𑍀𑌂 𑌪𑍍𑌰𑌯𑌾॒𑌸𑌾𑌯॑ 𑌚𑌿॒𑌤𑍍𑌤𑌮𑍇𑌕॑𑌵𑌿𑌗𑍍​𑌮𑍍𑌶𑌤𑌿𑌃 ॥ 21 ॥

𑌚𑌿𑌤𑍍𑌤𑌿॑𑌰॒𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿𑌰𑌂॒𑌤𑌃 𑌪𑍍𑌰𑌵𑌿॑𑌷𑍍𑌟𑌃 𑌪𑍍𑌰॒𑌜𑌾𑌪॑𑌤𑌿𑌰𑍍𑌭॒𑌰𑍍𑌤𑌾𑌸𑌨𑍍𑌪𑍍𑌰𑌯𑌾॒𑌸𑌾𑌯॒ 𑌦𑍍𑌵𑌿𑌪𑌂॑𑌚𑌾॒𑌶𑌤𑍍 ॥ 52 ॥

𑌚𑌿𑌤𑍍𑌤𑌿॑𑌰॒𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿𑌰𑌂॒𑌤𑌃 𑌪𑍍𑌰𑌵𑌿॑𑌷𑍍𑌟𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂​𑌵𑌿𑌁𑌦𑌾॒𑌨𑌸𑍍𑌤𑌸𑍍𑌯॒ 𑌧𑍀𑌰𑌾॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀𑌂॒ 𑌤𑍍𑌰𑌿𑌪𑌂॑𑌚𑌾॒𑌶𑌤𑍍 ॥ 53 ॥

𑌤𑌚𑍍𑌛𑌂॒-𑌯𑍋𑌁𑌰𑌾𑌵𑍃॑𑌣𑍀𑌮𑌹𑍇 । 𑌗𑌾॒𑌤𑍁𑌂-𑌯𑌁॒𑌜𑍍𑌞𑌾𑌯॑ ।
𑌗𑌾॒𑌤𑍁𑌂-𑌯𑌁॒𑌜𑍍𑌞𑌪॑𑌤𑌯𑍇 । 𑌦𑍈𑌵𑍀᳚ 𑌸𑍍𑌵॒𑌸𑍍𑌤𑌿𑌰॑𑌸𑍍𑌤𑍁 𑌨𑌃 ।
𑌸𑍍𑌵॒𑌸𑍍𑌤𑌿𑌰𑍍𑌮𑌾𑌨𑍁॑𑌷𑍇𑌭𑍍𑌯𑌃 । 𑌊॒𑌰𑍍𑌧𑍍𑌵𑌂 𑌜𑌿॑𑌗𑌾𑌤𑍁 𑌭𑍇𑌷॒𑌜𑌮𑍍 ।
𑌶𑌂 𑌨𑍋॑ 𑌅𑌸𑍍𑌤𑍁 𑌦𑍍𑌵𑌿॒𑌪𑌦𑍇᳚ । 𑌶𑌂 𑌚𑌤𑍁॑𑌷𑍍𑌪𑌦𑍇 ॥
𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥