𑌹𑌿𑌰॑𑌣𑍍𑌯𑌶𑍃𑌂𑌗𑌂॒-𑌵𑌁𑌰𑍁॑𑌣𑌂॒ 𑌪𑍍𑌰𑌪॑𑌦𑍍𑌯𑍇 𑌤𑍀॒𑌰𑍍𑌥𑌂 𑌮𑍇॑ 𑌦𑍇𑌹𑌿॒ 𑌯𑌾𑌚𑌿॑𑌤𑌃 ।
𑌯॒𑌨𑍍𑌮𑌯𑌾॑ 𑌭𑍁॒𑌕𑍍𑌤𑌮॒𑌸𑌾𑌧𑍂॑𑌨𑌾𑌂 𑌪𑌾॒𑌪𑍇𑌭𑍍𑌯॑𑌶𑍍𑌚 𑌪𑍍𑌰॒𑌤𑌿𑌗𑍍𑌰॑𑌹𑌃 ।
𑌯𑌨𑍍𑌮𑍇॒ 𑌮𑌨॑𑌸𑌾 𑌵𑌾॒𑌚𑌾॒ 𑌕॒𑌰𑍍𑌮॒𑌣𑌾 𑌵𑌾 𑌦𑍁॑𑌷𑍍𑌕𑍃𑌤𑌂॒ 𑌕𑍃𑌤𑌮𑍍 ।
𑌤𑌨𑍍𑌨॒ 𑌇𑌂𑌦𑍍𑌰𑍋॒ 𑌵𑌰𑍁॑𑌣𑍋॒ 𑌬𑍃𑌹॒𑌸𑍍𑌪𑌤𑌿𑌃॑ 𑌸𑌵𑌿॒𑌤𑌾 𑌚॑ 𑌪𑍁𑌨𑌂𑌤𑍁॒ 𑌪𑍁𑌨𑌃॑ 𑌪𑍁𑌨𑌃 ।
𑌨𑌮𑍋॒𑌽𑌗𑍍𑌨𑌯𑍇᳚𑌽𑌪𑍍𑌸𑍁॒𑌮𑌤𑍇॒ 𑌨𑌮॒ 𑌇𑌂𑌦𑍍𑌰𑌾॑𑌯॒ 𑌨𑌮𑍋॒ 𑌵𑌰𑍁॑𑌣𑌾𑌯॒ 𑌨𑌮𑍋 𑌵𑌾𑌰𑍁𑌣𑍍𑌯𑍈॑ 𑌨𑌮𑍋॒𑌽𑌦𑍍𑌭𑍍𑌯𑌃 ॥

𑌯𑌦॒𑌪𑌾𑌂 𑌕𑍍𑌰𑍂॒𑌰𑌂-𑌯𑌁𑌦॑𑌮𑍇॒𑌧𑍍𑌯𑌂-𑌯𑌁𑌦॑𑌶𑌾𑌂॒𑌤𑌂 𑌤𑌦𑌪॑𑌗𑌚𑍍𑌛𑌤𑌾𑌤𑍍 ।
𑌅॒𑌤𑍍𑌯𑌾॒𑌶॒𑌨𑌾𑌦॑𑌤𑍀-𑌪𑌾॒𑌨𑌾॒-𑌦𑍍𑌯॒𑌚𑍍𑌚 𑌉॒𑌗𑍍𑌰𑌾𑌤𑍍𑌪𑍍𑌰॑𑌤𑌿॒𑌗𑍍𑌰𑌹𑌾᳚𑌤𑍍 ।
𑌤𑌨𑍍𑌨𑍋॒ 𑌵𑌰𑍁॑𑌣𑍋 𑌰𑌾॒𑌜𑌾॒ 𑌪𑌾॒𑌣𑌿𑌨𑌾᳚ 𑌹𑍍𑌯𑌵॒𑌮𑌰𑍍​𑌶𑌤𑍁 ।
𑌸𑍋॑𑌽𑌹𑌮॑𑌪𑌾॒𑌪𑍋 𑌵𑌿॒𑌰𑌜𑍋॒ 𑌨𑌿𑌰𑍍𑌮𑍁॒𑌕𑍍𑌤𑍋 𑌮𑍁॑𑌕𑍍𑌤𑌕𑌿॒𑌲𑍍𑌬𑌿𑌷𑌃॑ ।
𑌨𑌾𑌕॑𑌸𑍍𑌯 𑌪𑍃॒𑌷𑍍𑌠-𑌮𑌾𑌰𑍁॑𑌹𑍍𑌯॒ 𑌗𑌚𑍍𑌛𑍇॒𑌦𑍍 𑌬𑍍𑌰𑌹𑍍𑌮॑𑌸𑌲𑍋॒𑌕𑌤𑌾𑌮𑍍 ।
𑌯𑌶𑍍𑌚𑌾॒𑌪𑍍𑌸𑍁 𑌵𑌰𑍁॑𑌣॒𑌸𑍍𑌸 𑌪𑍁॒𑌨𑌾𑌤𑍍𑌵॑𑌘𑌮𑌰𑍍​𑌷॒𑌣𑌃 ।
𑌇॒𑌮𑌂 𑌮𑍇॑ 𑌗𑌂𑌗𑍇 𑌯𑌮𑍁𑌨𑍇 𑌸𑌰𑌸𑍍𑌵𑌤𑌿॒ 𑌶𑍁𑌤𑍁॑𑌦𑍍𑌰𑌿॒-𑌸𑍍𑌤𑍋𑌮𑌗𑍍​𑌮𑍍॑ 𑌸𑌚𑌤𑌾॒ 𑌪𑌰𑍁॒𑌷𑍍𑌣𑌿𑌯𑌾 ।
𑌅॒𑌸𑌿॒𑌕𑍍𑌨𑌿॒𑌯𑌾 𑌮॑𑌰𑍁𑌦𑍍𑌵𑍃𑌧𑍇 𑌵𑌿॒𑌤𑌸𑍍𑌤॒𑌯𑌾𑌽𑌽𑌰𑍍𑌜𑍀॑𑌕𑍀𑌯𑍇 𑌶𑍃𑌣𑍁॒𑌹𑍍𑌯𑌾 𑌸𑍁॒𑌷𑍋𑌮॑𑌯𑌾 ।
𑌋॒𑌤𑌂 𑌚॑ 𑌸॒𑌤𑍍𑌯𑌂 𑌚𑌾॒𑌭𑍀᳚𑌦𑍍𑌧𑌾॒-𑌤𑍍𑌤𑌪॒𑌸𑍋𑌽𑌧𑍍𑌯॑𑌜𑌾𑌯𑌤 ।
𑌤𑌤𑍋॒ 𑌰𑌾𑌤𑍍𑌰𑌿॑𑌰𑌜𑌾𑌯𑌤॒ 𑌤𑌤॑-𑌸𑍍𑌸𑌮𑍁॒𑌦𑍍𑌰𑍋 𑌅॑𑌰𑍍𑌣॒𑌵𑌃 ॥

𑌸॒𑌮𑍁॒𑌦𑍍𑌰𑌾𑌦॑𑌰𑍍𑌣॒𑌵𑌾 𑌦𑌧𑌿॑ 𑌸𑌂​𑌵𑌁𑌥𑍍𑌸॒𑌰𑍋 𑌅॑𑌜𑌾𑌯𑌤 ।
𑌅॒𑌹𑍋॒𑌰𑌾॒𑌤𑍍𑌰𑌾𑌣𑌿॑ 𑌵𑌿॒𑌦𑌧॒𑌦𑍍𑌵𑌿𑌶𑍍𑌵॑𑌸𑍍𑌯 𑌮𑌿𑌷॒𑌤𑍋 𑌵॒𑌶𑍀 ।
𑌸𑍂॒𑌰𑍍𑌯𑌾॒𑌚𑌂॒𑌦𑍍𑌰॒𑌮𑌸𑍌॑ 𑌧𑌾॒𑌤𑌾 𑌯॑𑌥𑌾 𑌪𑍂॒𑌰𑍍𑌵𑌮॑𑌕𑌲𑍍𑌪𑌯𑌤𑍍 ।
𑌦𑌿𑌵𑌂॑ 𑌚 𑌪𑍃𑌥𑌿॒𑌵𑍀𑌂 𑌚𑌾𑌂॒𑌤𑌰𑌿॑𑌕𑍍𑌷॒-𑌮𑌥𑍋॒ 𑌸𑍁𑌵𑌃॑ ।
𑌯𑌤𑍍𑌪𑍃॑𑌥𑌿॒𑌵𑍍𑌯𑌾𑌗𑍍​𑌮𑍍 𑌰𑌜𑌃॑ 𑌸𑍍𑌵॒𑌮𑌾𑌂𑌤𑌰𑌿॑𑌕𑍍𑌷𑍇 𑌵𑌿॒𑌰𑍋𑌦॑𑌸𑍀 ।
𑌇॒𑌮𑌾𑌗𑍍𑌗𑍍​𑌮𑍍 𑌸𑍍𑌤𑌦𑌾॒𑌪𑍋 𑌵॑𑌰𑍁𑌣𑌃 𑌪𑍁॒𑌨𑌾𑌤𑍍𑌵॑𑌘𑌮𑌰𑍍​𑌷॒𑌣𑌃 ।
𑌪𑍁॒𑌨𑌂𑌤𑍁॒ 𑌵𑌸॑𑌵𑌃 𑌪𑍁॒𑌨𑌾𑌤𑍁॒ 𑌵𑌰𑍁॑𑌣𑌃 𑌪𑍁॒𑌨𑌾𑌤𑍍𑌵॑𑌘𑌮𑌰𑍍​𑌷॒𑌣𑌃 ।
𑌏॒𑌷 𑌭𑍂॒𑌤𑌸𑍍𑌯॑ 𑌮॒𑌧𑍍𑌯𑍇 𑌭𑍁𑌵॑𑌨𑌸𑍍𑌯 𑌗𑍋॒𑌪𑍍𑌤𑌾 ।
𑌏॒𑌷 𑌪𑍁॒𑌣𑍍𑌯𑌕𑍃॑𑌤𑌾𑌂-𑌲𑍋𑌁॒𑌕𑌾॒𑌨𑍇॒𑌷 𑌮𑍃॒𑌤𑍍𑌯𑍋𑌰𑍍 𑌹𑌿॑𑌰॒𑌣𑍍𑌮𑌯𑌮𑍍᳚ ।
𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌰𑍍 𑌹𑌿॑𑌰॒𑌣𑍍𑌮𑌯॒𑌗𑍍​𑌮𑍍॒ 𑌸𑌗𑍍𑌗𑍍​𑌮𑍍 𑌶𑍍𑌰𑌿॑𑌤॒𑌗𑍍​𑌮𑍍॒ 𑌸𑍁𑌵𑌃॑ ॥

𑌸𑌨॒-𑌸𑍍𑌸𑍁𑌵॒-𑌸𑍍𑌸𑌗𑍍​𑌮𑍍𑌶𑌿॑𑌶𑌾𑌧𑌿 ।
𑌆𑌰𑍍𑌦𑍍𑌰𑌂॒ 𑌜𑍍𑌵𑌲॑𑌤𑌿॒ 𑌜𑍍𑌯𑍋𑌤𑌿॑𑌰॒𑌹𑌮॑𑌸𑍍𑌮𑌿 ।
𑌜𑍍𑌯𑍋𑌤𑌿॒𑌰𑍍𑌜𑍍𑌵𑌲॑𑌤𑌿॒ 𑌬𑍍𑌰𑌹𑍍𑌮𑌾॒𑌹𑌮॑𑌸𑍍𑌮𑌿 ।
𑌯𑍋॑𑌽𑌹𑌮॑𑌸𑍍𑌮𑌿॒ 𑌬𑍍𑌰𑌹𑍍𑌮𑌾॒𑌹𑌮॑𑌸𑍍𑌮𑌿 ।
𑌅॒𑌹𑌮॑𑌸𑍍𑌮𑌿॒ 𑌬𑍍𑌰𑌹𑍍𑌮𑌾॒𑌹𑌮॑𑌸𑍍𑌮𑌿 ।
𑌅॒𑌹𑌮𑍇॒𑌵𑌾𑌹𑌂 𑌮𑌾𑌂 𑌜𑍁॑𑌹𑍋𑌮𑌿॒ 𑌸𑍍𑌵𑌾𑌹𑌾᳚ ।
𑌅॒𑌕𑌾॒𑌰𑍍𑌯॒𑌕𑌾॒𑌰𑍍𑌯॑𑌵𑌕𑍀॒𑌰𑍍𑌣𑍀𑌸𑍍𑌤𑍇॒𑌨𑍋 𑌭𑍍𑌰𑍂॑𑌣॒𑌹𑌾 𑌗𑍁॑𑌰𑍁𑌤॒𑌲𑍍𑌪𑌗𑌃 ।
𑌵𑌰𑍁॑𑌣𑍋॒𑌽𑌪𑌾𑌮॑𑌘𑌮𑌰𑍍​𑌷॒𑌣-𑌸𑍍𑌤𑌸𑍍𑌮𑌾᳚𑌤𑍍 𑌪𑌾॒𑌪𑌾𑌤𑍍 𑌪𑍍𑌰𑌮𑍁॑𑌚𑍍𑌯𑌤𑍇 ।
𑌰॒𑌜𑍋𑌭𑍂𑌮𑌿॑-𑌸𑍍𑌤𑍍𑌵॒𑌮𑌾𑌗𑍍​𑌮𑍍 𑌰𑍋𑌦॑𑌯𑌸𑍍𑌵॒ 𑌪𑍍𑌰𑌵॑𑌦𑌂𑌤𑌿॒ 𑌧𑍀𑌰𑌾𑌃᳚ ।
𑌆𑌕𑍍𑌰𑌾𑌂᳚𑌥𑍍​𑌸𑌮𑍁॒𑌦𑍍𑌰𑌃 𑌪𑍍𑌰॑𑌥॒𑌮𑍇 𑌵𑌿𑌧॑𑌰𑍍𑌮𑌂𑌜॒𑌨𑌯॑𑌨𑍍 𑌪𑍍𑌰॒𑌜𑌾 𑌭𑍁𑌵॑𑌨𑌸𑍍𑌯॒ 𑌰𑌾𑌜𑌾᳚ ।
𑌵𑍃𑌷𑌾॑ 𑌪॒𑌵𑌿𑌤𑍍𑌰𑍇॒ 𑌅𑌧𑌿॒𑌸𑌾𑌨𑍋॒ 𑌅𑌵𑍍𑌯𑍇॑ 𑌬𑍃॒𑌹𑌤𑍍𑌸𑍋𑌮𑍋॑ 𑌵𑌾𑌵𑍃𑌧𑍇 𑌸𑍁𑌵𑌾॒𑌨 𑌇𑌂𑌦𑍁𑌃॑ ॥