𑌓𑌮𑍍 ॥ 𑌹𑌿𑌰॑𑌣𑍍𑌯𑌵𑌰𑍍𑌣𑌾𑌃॒ 𑌶𑍁𑌚॑𑌯𑌃 𑌪𑌾𑌵॒𑌕𑌾
𑌯𑌾𑌸𑍁॑ 𑌜𑌾॒𑌤𑌃 𑌕॒𑌶𑍍𑌯𑌪𑍋॒ 𑌯𑌾𑌸𑍍𑌵𑌿𑌂𑌦𑍍𑌰𑌃॑ ।
𑌅॒𑌗𑍍𑌨𑌿𑌂-𑌯𑌾𑌁 𑌗𑌰𑍍𑌭॑𑌓 𑌦𑌧𑌿॒𑌰𑍇 𑌵𑌿𑌰𑍂॑𑌪𑌾॒𑌸𑍍𑌤𑌾
𑌨॒ 𑌆𑌪॒𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌂𑌤𑍁 ॥

𑌯𑌾𑌸𑌾॒𑌗𑍍​𑌮𑍍॒ 𑌰𑌾𑌜𑌾॒ 𑌵𑌰𑍁॑𑌣𑍋॒ 𑌯𑌾𑌤𑌿॒ 𑌮𑌧𑍍𑌯𑍇॑
𑌸𑌤𑍍𑌯𑌾𑌨𑍃॒𑌤𑍇 𑌅॑𑌵॒𑌪𑌶𑍍𑌯𑌂॒ 𑌜𑌨𑌾॑𑌨𑌾𑌮𑍍 ।
𑌮॒𑌧𑍁॒𑌶𑍍𑌚𑍁𑌤॒𑌶𑍍𑌶𑍁𑌚॑𑌯𑍋॒ 𑌯𑌾𑌃 𑌪𑌾॑𑌵॒𑌕𑌾𑌸𑍍𑌤𑌾
𑌨॒ 𑌆𑌪॒𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌂𑌤𑍁 ॥

𑌯𑌾𑌸𑌾𑌂᳚ 𑌦𑍇॒𑌵𑌾 𑌦𑌿॒𑌵𑌿 𑌕𑍃॒𑌣𑍍𑌵𑌂𑌤𑌿॑ 𑌭॒𑌕𑍍𑌷𑌂
𑌯𑌾 𑌅𑌂॒𑌤𑌰𑌿॑𑌕𑍍𑌷𑍇 𑌬𑌹𑍁॒𑌧𑌾 𑌭𑌵𑌂॑𑌤𑌿 ।
𑌯𑌾𑌃 𑌪𑍃॑𑌥𑌿॒𑌵𑍀𑌂 𑌪𑌯॑𑌸𑍋𑌂॒𑌦𑌂𑌤𑌿 𑌶𑍁॒𑌕𑍍𑌰𑌾𑌸𑍍𑌤𑌾
𑌨॒ 𑌆𑌪॒𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌂𑌤𑍁 ॥

𑌶𑌿॒𑌵𑍇𑌨॑ 𑌮𑌾॒ 𑌚𑌕𑍍𑌷𑍁॑𑌷𑌾 𑌪𑌶𑍍𑌯𑌤𑌾𑌪𑌶𑍍𑌶𑌿॒𑌵𑌯𑌾॑
𑌤॒𑌨𑍁𑌵𑍋𑌪॑ 𑌸𑍍𑌪𑍃𑌶𑌤॒ 𑌤𑍍𑌵𑌚॑𑌓 𑌮𑍇 ।
𑌸𑌰𑍍𑌵𑌾𑌗𑍍॑𑌓 𑌅॒𑌗𑍍𑌨𑍀𑌗𑍍​𑌮𑍍 𑌰॑𑌪𑍍𑌸𑍁॒𑌷𑌦𑍋॑ 𑌹𑍁𑌵𑍇 𑌵𑍋॒ 𑌮𑌯𑌿॒
𑌵𑌰𑍍𑌚𑍋॒ 𑌬𑌲॒𑌮𑍋𑌜𑍋॒ 𑌨𑌿𑌧॑𑌤𑍍𑌤 ॥

𑌪𑌵॑𑌮𑌾𑌨॒𑌸𑍍𑌸𑍁𑌵॒𑌰𑍍𑌜𑌨𑌃॑ । 𑌪॒𑌵𑌿𑌤𑍍𑌰𑍇॑𑌣॒ 𑌵𑌿𑌚॑𑌰𑍍​𑌷𑌣𑌿𑌃 ।
𑌯𑌃 𑌪𑍋𑌤𑌾॒ 𑌸 𑌪𑍁॑𑌨𑌾𑌤𑍁 𑌮𑌾 । 𑌪𑍁॒𑌨𑌂𑌤𑍁॑ 𑌮𑌾 𑌦𑍇𑌵𑌜॒𑌨𑌾𑌃 ।
𑌪𑍁॒𑌨𑌂𑌤𑍁॒ 𑌮𑌨॑𑌵𑍋 𑌧𑌿॒𑌯𑌾 । 𑌪𑍁॒𑌨𑌂𑌤𑍁॒ 𑌵𑌿𑌶𑍍𑌵॑ 𑌆॒𑌯𑌵𑌃॑ ।
𑌜𑌾𑌤॑𑌵𑍇𑌦𑌃 𑌪॒𑌵𑌿𑌤𑍍𑌰॑𑌵𑌤𑍍 । 𑌪॒𑌵𑌿𑌤𑍍𑌰𑍇॑𑌣 𑌪𑍁𑌨𑌾𑌹𑌿 𑌮𑌾 ।
𑌶𑍁॒𑌕𑍍𑌰𑍇𑌣॑ 𑌦𑍇𑌵॒𑌦𑍀𑌦𑍍𑌯॑𑌤𑍍 । 𑌅𑌗𑍍𑌨𑍇॒ 𑌕𑍍𑌰𑌤𑍍𑌵𑌾॒ 𑌕𑍍𑌰𑌤𑍂॒𑌗𑍍​𑌮𑍍॒ 𑌰𑌨𑍁॑ ।
𑌯𑌤𑍍𑌤𑍇॑ 𑌪॒𑌵𑌿𑌤𑍍𑌰॑𑌮॒𑌰𑍍𑌚𑌿𑌷𑌿॑ । 𑌅𑌗𑍍𑌨𑍇॒ 𑌵𑌿𑌤॑𑌤𑌮𑌂𑌤॒𑌰𑌾 ।
𑌬𑍍𑌰𑌹𑍍𑌮॒ 𑌤𑍇𑌨॑ 𑌪𑍁𑌨𑍀𑌮𑌹𑍇 । 𑌉॒𑌭𑌾𑌭𑍍𑌯𑌾𑌂᳚ 𑌦𑍇𑌵𑌸𑌵𑌿𑌤𑌃 ।
𑌪॒𑌵𑌿𑌤𑍍𑌰𑍇॑𑌣 𑌸॒𑌵𑍇𑌨॑ 𑌚 । 𑌇॒𑌦𑌂 𑌬𑍍𑌰𑌹𑍍𑌮॑ 𑌪𑍁𑌨𑍀𑌮𑌹𑍇 ।
𑌵𑍈॒𑌶𑍍𑌵॒𑌦𑍇॒𑌵𑍀 𑌪𑍁॑𑌨॒𑌤𑍀 𑌦𑍇॒𑌵𑍍𑌯𑌾𑌗𑌾᳚𑌤𑍍 ।
𑌯𑌸𑍍𑌯𑍈॑ 𑌬॒𑌹𑍍𑌵𑍀𑌸𑍍𑌤॒𑌨𑍁𑌵𑍋॑ 𑌵𑍀॒𑌤𑌪𑍃॑𑌷𑍍𑌠𑌾𑌃 ।
𑌤𑌯𑌾॒ 𑌮𑌦𑌂॑𑌤𑌃 𑌸𑌧॒𑌮𑌾𑌦𑍍𑌯𑍇॑𑌷𑍁 ।
𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ।
𑌵𑍈॒𑌶𑍍𑌵𑌾॒𑌨॒𑌰𑍋 𑌰॒𑌶𑍍𑌮𑌿𑌭𑌿॑𑌰𑍍𑌮𑌾 𑌪𑍁𑌨𑌾𑌤𑍁 ।
𑌵𑌾𑌤𑌃॑ 𑌪𑍍𑌰𑌾॒𑌣𑍇𑌨𑍇॑𑌷𑌿॒𑌰𑍋 𑌮॑𑌯𑍋॒ 𑌭𑍂𑌃 ।
𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌪𑌯॑𑌸𑌾॒ 𑌪𑌯𑍋॑𑌭𑌿𑌃 ।
𑌋॒𑌤𑌾𑌵॑𑌰𑍀 𑌯॒𑌜𑍍𑌞𑌿𑌯𑍇॑ 𑌮𑌾 𑌪𑍁𑌨𑍀𑌤𑌾𑌮𑍍 ॥

𑌬𑍃॒𑌹𑌦𑍍𑌭𑌿𑌃॑ 𑌸𑌵𑌿𑌤॒𑌸𑍍𑌤𑍃𑌭𑌿𑌃॑ । 𑌵𑌰𑍍‍𑌷𑌿॑𑌷𑍍𑌠𑍈𑌰𑍍𑌦𑍇𑌵॒𑌮𑌨𑍍𑌮॑𑌭𑌿𑌃 । 𑌅𑌗𑍍𑌨𑍇॒ 𑌦𑌕𑍍𑌷𑍈𑌃᳚ 𑌪𑍁𑌨𑌾𑌹𑌿 𑌮𑌾 । 𑌯𑍇𑌨॑ 𑌦𑍇॒𑌵𑌾 𑌅𑌪𑍁॑𑌨𑌤 । 𑌯𑍇𑌨𑌾𑌪𑍋॑ 𑌦𑌿॒𑌵𑍍𑌯𑌂𑌕𑌶𑌃॑ । 𑌤𑍇𑌨॑ 𑌦𑌿॒𑌵𑍍𑌯𑍇𑌨॒ 𑌬𑍍𑌰𑌹𑍍𑌮॑𑌣𑌾 । 𑌇॒𑌦𑌂 𑌬𑍍𑌰𑌹𑍍𑌮॑ 𑌪𑍁𑌨𑍀𑌮𑌹𑍇 । 𑌯𑌃 𑌪𑌾॑𑌵𑌮𑌾॒𑌨𑍀𑌰॒𑌦𑍍𑌧𑍍𑌯𑍇𑌤𑌿॑ । 𑌋𑌷𑌿॑𑌭𑌿॒𑌸𑍍𑌸𑌂𑌭𑍃॑𑌤॒𑌗𑍍​𑌮𑍍॒ 𑌰𑌸𑌮𑍍᳚ । 𑌸𑌰𑍍𑌵॒𑌗𑍍​𑌮𑍍॒ 𑌸 𑌪𑍂॒𑌤𑌮॑𑌶𑍍𑌨𑌾𑌤𑌿 । 𑌸𑍍𑌵॒𑌦𑌿॒𑌤𑌂 𑌮𑌾॑𑌤॒𑌰𑌿𑌶𑍍𑌵॑𑌨𑌾 । 𑌪𑌾॒𑌵॒𑌮𑌾॒𑌨𑍀𑌰𑍍𑌯𑍋 𑌅॒𑌧𑍍𑌯𑍇𑌤𑌿॑ । 𑌋𑌷𑌿॑𑌭𑌿॒𑌸𑍍𑌸𑌂𑌭𑍃॑𑌤॒𑌗𑍍​𑌮𑍍॒ 𑌰𑌸𑌮𑍍᳚ । 𑌤𑌸𑍍𑌮𑍈॒ 𑌸𑌰॑𑌸𑍍𑌵𑌤𑍀 𑌦𑍁𑌹𑍇 । 𑌕𑍍𑌷𑍀॒𑌰𑌗𑍍​𑌮𑍍 𑌸॒𑌰𑍍𑌪𑌿𑌰𑍍𑌮𑌧𑍂॑𑌦॒𑌕𑌮𑍍 ॥

𑌪𑌾॒𑌵॒𑌮𑌾॒𑌨𑍀𑌸𑍍𑌸𑍍𑌵॒𑌸𑍍𑌤𑍍𑌯𑌯॑𑌨𑍀𑌃 । 𑌸𑍁॒𑌦𑍁𑌘𑌾॒𑌹𑌿 𑌪𑌯॑𑌸𑍍𑌵𑌤𑍀𑌃 । 𑌋𑌷𑌿॑𑌭𑌿॒𑌸𑍍𑌸𑌂𑌭𑍃॑𑌤𑍋॒ 𑌰𑌸𑌃॑ । 𑌬𑍍𑌰𑌾॒𑌹𑍍𑌮॒𑌣𑍇𑌷𑍍𑌵॒𑌮𑍃𑌤𑌗𑍍॑𑌓 𑌹𑌿॒𑌤𑌮𑍍 । 𑌪𑌾॒𑌵॒𑌮𑌾॒𑌨𑍀𑌰𑍍𑌦𑌿॑𑌶𑌂𑌤𑍁 𑌨𑌃 । 𑌇॒𑌮𑌂-𑌲𑍋𑌁॒𑌕𑌮𑌥𑍋॑ 𑌅॒𑌮𑍁𑌮𑍍 । 𑌕𑌾𑌮𑌾॒𑌨𑍍‍𑌥𑍍𑌸𑌮॑𑌰𑍍𑌧𑌯𑌂𑌤𑍁 𑌨𑌃 । 𑌦𑍇॒𑌵𑍀‍𑌰𑍍𑌦𑍇॒𑌵𑍈𑌃 𑌸॒𑌮𑌾𑌭𑍃॑𑌤𑌾𑌃 । 𑌪𑌾॒𑌵॒𑌮𑌾॒𑌨𑍀𑌸𑍍𑌸𑍍𑌵॒𑌸𑍍𑌤𑍍𑌯𑌯॑𑌨𑍀𑌃 । 𑌸𑍁॒𑌦𑍁𑌘𑌾॒𑌹𑌿 𑌘𑍃॑𑌤॒𑌶𑍍𑌚𑍁𑌤𑌃॑ । 𑌋𑌷𑌿॑𑌭𑌿𑌃॒ 𑌸𑌂𑌭𑍃॑𑌤𑍋॒ 𑌰𑌸𑌃॑ । 𑌬𑍍𑌰𑌾॒𑌹𑍍𑌮॒𑌣𑍇𑌷𑍍𑌵॒𑌮𑍃𑌤𑌗𑍍॑𑌓 𑌹𑌿॒𑌤𑌮𑍍 । 𑌯𑍇𑌨॑ 𑌦𑍇॒𑌵𑌾𑌃 𑌪॒𑌵𑌿𑌤𑍍𑌰𑍇॑𑌣 । 𑌆॒𑌤𑍍𑌮𑌾𑌨𑌂॑ 𑌪𑍁॒𑌨𑌤𑍇॒ 𑌸𑌦𑌾᳚ । 𑌤𑍇𑌨॑ 𑌸॒𑌹𑌸𑍍𑌰॑𑌧𑌾𑌰𑍇𑌣 । 𑌪𑌾॒𑌵॒𑌮𑌾॒𑌨𑍍𑌯𑌃 𑌪𑍁॑𑌨𑌂𑌤𑍁 𑌮𑌾 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑌂 𑌪॒𑌵𑌿𑌤𑍍𑌰𑌮𑍍᳚ । 𑌶॒𑌤𑍋𑌦𑍍𑌯𑌾॑𑌮𑌗𑍍​𑌮𑍍 𑌹𑌿𑌰॒𑌣𑍍𑌮𑌯𑌮𑍍᳚ । 𑌤𑍇𑌨॑ 𑌬𑍍𑌰𑌹𑍍𑌮॒ 𑌵𑌿𑌦𑍋॑ 𑌵॒𑌯𑌮𑍍 । 𑌪𑍂॒𑌤𑌂 𑌬𑍍𑌰𑌹𑍍𑌮॑ 𑌪𑍁𑌨𑍀𑌮𑌹𑍇 । 𑌇𑌂𑌦𑍍𑌰॑𑌸𑍍𑌸𑍁𑌨𑍀॒𑌤𑍀 𑌸॒𑌹𑌮𑌾॑ 𑌪𑍁𑌨𑌾𑌤𑍁 । 𑌸𑍋𑌮॑𑌸𑍍𑌸𑍍𑌵॒𑌸𑍍𑌤𑍍𑌯𑌾 𑌵॑𑌰𑍁𑌣𑌸𑍍𑌸॒𑌮𑍀𑌚𑍍𑌯𑌾᳚ । 𑌯॒𑌮𑍋 𑌰𑌾𑌜𑌾᳚ 𑌪𑍍𑌰𑌮𑍃॒𑌣𑌾𑌭𑌿𑌃॑ 𑌪𑍁𑌨𑌾𑌤𑍁 𑌮𑌾 । 𑌜𑌾॒𑌤𑌵𑍇॑𑌦𑌾 𑌮𑍋॒𑌰𑍍𑌜𑌯𑌂॑𑌤𑍍𑌯𑌾 𑌪𑍁𑌨𑌾𑌤𑍁 । 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ ॥

𑌓𑌂 𑌤𑌚𑍍𑌛𑌂॒-𑌯𑍋𑌁𑌰𑌾𑌵𑍃॑𑌣𑍀𑌮𑌹𑍇 । 𑌗𑌾॒𑌤𑍁𑌂-𑌯𑌁॒𑌜𑍍𑌞𑌾𑌯॑ । 𑌗𑌾॒𑌤𑍁𑌂-𑌯𑌁॒𑌜𑍍𑌞𑌪॑𑌤𑌯𑍇 ।
𑌦𑍈𑌵𑍀᳚𑌸𑍍𑌸𑍍𑌵॒𑌸𑍍𑌤𑌿𑌰॑𑌸𑍍𑌤𑍁 𑌨𑌃 । 𑌸𑍍𑌵॒𑌸𑍍𑌤𑌿𑌰𑍍𑌮𑌾𑌨𑍁॑𑌷𑍇𑌭𑍍𑌯𑌃 । 𑌊॒𑌰𑍍𑌧𑍍𑌵𑌂 𑌜𑌿॑𑌗𑌾𑌤𑍁 𑌭𑍇𑌷॒𑌜𑌮𑍍 । 𑌶𑌨𑍍𑌨𑍋॑ 𑌅𑌸𑍍𑌤𑍁 𑌦𑍍𑌵𑌿॒𑌪𑌦𑍇᳚ । 𑌶𑌂 𑌚𑌤𑍁॑𑌷𑍍𑌪𑌦𑍇 ॥
𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥