𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 - 𑌅𑌷𑍍𑌟𑌕𑌂 3, 𑌪𑍍𑌰𑌶𑍍𑌨𑌃 1,
𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 - 𑌕𑌾𑌂𑌡 3, 𑌪𑍍𑌰𑌪𑌾𑌠𑌕𑌃 5, 𑌅𑌨𑍁𑌵𑌾𑌕𑌂 1

𑌨𑌕𑍍𑌷𑌤𑍍𑌰𑌂 - 𑌕𑍃𑌤𑍍𑌤𑌿𑌕𑌾, 𑌦𑍇𑌵𑌤𑌾 - 𑌅𑌗𑍍𑌨𑌿𑌃
𑌓𑌂 𑌅॒𑌗𑍍𑌨𑌿𑌰𑍍𑌨𑌃॑ 𑌪𑌾𑌤𑍁॒ 𑌕𑍃𑌤𑍍𑌤𑌿॑𑌕𑌾𑌃 । 𑌨𑌕𑍍𑌷॑𑌤𑍍𑌰𑌂 𑌦𑍇॒𑌵𑌮𑌿𑌂॑𑌦𑍍𑌰𑌿॒𑌯𑌮𑍍 ।
𑌇॒𑌦𑌮𑌾॑𑌸𑌾𑌂-𑌵𑌿𑌁𑌚𑌕𑍍𑌷॒𑌣𑌮𑍍 । 𑌹॒𑌵𑌿𑌰𑌾॒𑌸𑌂 𑌜𑍁॑𑌹𑍋𑌤𑌨 ।
𑌯𑌸𑍍𑌯॒ 𑌭𑌾𑌂𑌤𑌿॑ 𑌰॒𑌶𑍍𑌮𑌯𑍋॒ 𑌯𑌸𑍍𑌯॑ 𑌕𑍇॒𑌤𑌵𑌃॑ । 𑌯𑌸𑍍𑌯𑍇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌸𑌰𑍍𑌵𑌾᳚ ।
𑌸 𑌕𑍃𑌤𑍍𑌤𑌿॑𑌕𑌾𑌭𑌿-𑌰॒𑌭𑌿𑌸𑌂॒​𑌵𑌁𑌸𑌾॑𑌨𑌃 । 𑌅॒𑌗𑍍𑌨𑌿𑌰𑍍𑌨𑍋॑ 𑌦𑍇॒𑌵𑌸𑍍𑌸𑍁॑𑌵𑌿॒𑌤𑍇 𑌦॑𑌧𑌾𑌤𑍁 ॥ 1

𑌨𑌕𑍍𑌷𑌤𑍍𑌰𑌂 - 𑌰𑍋𑌹𑌿𑌣𑍀, 𑌦𑍇𑌵𑌤𑌾 - 𑌪𑍍𑌰𑌜𑌾𑌪𑌤𑌿𑌃
𑌪𑍍𑌰॒𑌜𑌾𑌪॑𑌤𑍇 𑌰𑍋𑌹𑌿॒𑌣𑍀𑌵𑍇॑𑌤𑍁॒ 𑌪𑌤𑍍𑌨𑍀᳚ । 𑌵𑌿॒𑌶𑍍𑌵𑌰𑍂॑𑌪𑌾 𑌬𑍃𑌹॒𑌤𑍀 𑌚𑌿॒𑌤𑍍𑌰𑌭𑌾॑𑌨𑍁𑌃 ।
𑌸𑌾 𑌨𑍋॑ 𑌯॒𑌜𑍍𑌞𑌸𑍍𑌯॑ 𑌸𑍁𑌵𑌿॒𑌤𑍇 𑌦॑𑌧𑌾𑌤𑍁 । 𑌯𑌥𑌾॒ 𑌜𑍀𑌵𑍇॑𑌮 𑌶॒𑌰𑌦॒𑌸𑍍𑌸𑌵𑍀॑𑌰𑌾𑌃 ।
𑌰𑍋॒𑌹𑌿॒𑌣𑍀 𑌦𑍇॒𑌵𑍍𑌯𑍁𑌦॑𑌗𑌾𑌤𑍍𑌪𑍁॒𑌰𑌸𑍍𑌤𑌾᳚𑌤𑍍 । 𑌵𑌿𑌶𑍍𑌵𑌾॑ 𑌰𑍂॒𑌪𑌾𑌣𑌿॑ 𑌪𑍍𑌰𑌤𑌿॒𑌮𑍋𑌦॑𑌮𑌾𑌨𑌾 ।
𑌪𑍍𑌰॒𑌜𑌾𑌪॑𑌤𑌿𑌗𑍍​𑌮𑍍 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑍀 । 𑌪𑍍𑌰𑌿॒𑌯𑌾 𑌦𑍇॒𑌵𑌾𑌨𑌾॒-𑌮𑍁𑌪॑𑌯𑌾𑌤𑍁 𑌯॒𑌜𑍍𑌞𑌮𑍍 ॥ 2

𑌨𑌕𑍍𑌷𑌤𑍍𑌰𑌂 - 𑌮𑍃𑌗𑌶𑍀𑌰𑍍​𑌷𑌃, 𑌦𑍇𑌵𑌤𑌾 - 𑌸𑍋𑌮𑌃
𑌸𑍋𑌮𑍋॒ 𑌰𑌾𑌜𑌾॑ 𑌮𑍃𑌗𑌶𑍀॒𑌰𑍍॒𑌷𑍇𑌣॒ 𑌆𑌗𑌨𑍍𑌨𑍍॑ । 𑌶𑌿॒𑌵𑌂 𑌨𑌕𑍍𑌷॑𑌤𑍍𑌰𑌂 𑌪𑍍𑌰𑌿॒𑌯𑌮॑𑌸𑍍𑌯॒ 𑌧𑌾𑌮॑ ।
𑌆॒𑌪𑍍𑌯𑌾𑌯॑𑌮𑌾𑌨𑍋 𑌬𑌹𑍁॒𑌧𑌾 𑌜𑌨𑍇॑𑌷𑍁 । 𑌰𑍇𑌤𑌃॑ 𑌪𑍍𑌰॒𑌜𑌾𑌂-𑌯𑌁𑌜॑𑌮𑌾𑌨𑍇 𑌦𑌧𑌾𑌤𑍁 ।
𑌯𑌤𑍍𑌤𑍇॒ 𑌨𑌕𑍍𑌷॑𑌤𑍍𑌰𑌂 𑌮𑍃𑌗𑌶𑍀॒𑌰𑍍॒𑌷𑌮𑌸𑍍𑌤𑌿॑ । 𑌪𑍍𑌰𑌿॒𑌯𑌗𑍍​𑌮𑍍 𑌰𑌾॑𑌜𑌨𑍍 𑌪𑍍𑌰𑌿॒𑌯𑌤॑𑌮𑌂 𑌪𑍍𑌰𑌿॒𑌯𑌾𑌣𑌾᳚𑌮𑍍 ।
𑌤𑌸𑍍𑌮𑍈॑ 𑌤𑍇 𑌸𑍋𑌮 𑌹॒𑌵𑌿𑌷𑌾॑ 𑌵𑌿𑌧𑍇𑌮 । 𑌶𑌨𑍍𑌨॑ 𑌏𑌧𑌿 𑌦𑍍𑌵𑌿॒𑌪𑌦𑍇॒ 𑌶𑌂𑌚𑌤𑍁॑𑌷𑍍𑌪𑌦𑍇 ॥ 3

𑌨𑌕𑍍𑌷𑌤𑍍𑌰𑌂 - 𑌆𑌰𑍍𑌦𑍍𑌰𑌾, 𑌦𑍇𑌵𑌤𑌾 - 𑌰𑍁𑌦𑍍𑌰𑌃
𑌆॒𑌰𑍍𑌦𑍍𑌰𑌯𑌾॑ 𑌰𑍁॒𑌦𑍍𑌰𑌃 𑌪𑍍𑌰𑌥॑𑌮𑌾 𑌨 𑌏𑌤𑌿 । 𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌾𑌨𑌾𑌂॒ 𑌪𑌤𑌿॑𑌰𑌘𑍍𑌨𑌿॒𑌯𑌾𑌨𑌾᳚𑌮𑍍 ।
𑌨𑌕𑍍𑌷॑𑌤𑍍𑌰𑌮𑌸𑍍𑌯 𑌹॒𑌵𑌿𑌷𑌾॑ 𑌵𑌿𑌧𑍇𑌮 । 𑌮𑌾 𑌨𑌃॑ 𑌪𑍍𑌰॒𑌜𑌾𑌗𑍍​𑌮𑍍 𑌰𑍀॑𑌰𑌿𑌷॒𑌨𑍍𑌮𑍋𑌤 𑌵𑍀॒𑌰𑌾𑌨𑍍 ।
𑌹𑍇॒𑌤𑍀 𑌰𑍁॒𑌦𑍍𑌰𑌸𑍍𑌯॒ 𑌪𑌰𑌿॑𑌣𑍋 𑌵𑍃𑌣𑌕𑍍𑌤𑍁 । 𑌆॒𑌰𑍍𑌦𑍍𑌰𑌾 𑌨𑌕𑍍𑌷॑𑌤𑍍𑌰𑌂 𑌜𑍁𑌷𑌤𑌾𑌗𑍍​𑌮𑍍 𑌹॒𑌵𑌿𑌰𑍍𑌨𑌃॑ ।
𑌪𑍍𑌰॒𑌮𑍁𑌂॒𑌚𑌮𑌾॑𑌨𑍌 𑌦𑍁𑌰𑌿॒𑌤𑌾𑌨𑌿॒ 𑌵𑌿𑌶𑍍𑌵𑌾᳚ । 𑌅𑌪𑌾॒𑌘𑌶𑌗𑍍​𑌮𑍍॑ 𑌸𑌨𑍍𑌨𑍁-𑌦𑌤𑌾॒𑌮𑌰𑌾॑𑌤𑌿𑌮𑍍 ॥ 4

𑌨𑌕𑍍𑌷𑌤𑍍𑌰𑌂 - 𑌪𑍁𑌨𑌰𑍍𑌵𑌸𑍁, 𑌦𑍇𑌵𑌤𑌾 - 𑌅𑌦𑌿𑌤𑌿𑌃
𑌪𑍁𑌨॑𑌰𑍍𑌨𑍋 𑌦𑍇॒𑌵𑍍𑌯𑌦𑌿॑𑌤𑌿-𑌸𑍍𑌪𑍃𑌣𑍋𑌤𑍁 । 𑌪𑍁𑌨॑𑌰𑍍𑌵𑌸𑍂 𑌨𑌃॒ 𑌪𑍁𑌨॒𑌰𑍇𑌤𑌾𑌂᳚-𑌯𑌁॒𑌜𑍍𑌞𑌮𑍍 ।
𑌪𑍁𑌨॑𑌰𑍍𑌨𑍋 𑌦𑍇॒𑌵𑌾 𑌅॒𑌭𑌿𑌯𑌂॑𑌤𑍁॒ 𑌸𑌰𑍍𑌵𑍇᳚ । 𑌪𑍁𑌨𑌃॑ 𑌪𑍁𑌨𑌰𑍍𑌵𑍋 𑌹॒𑌵𑌿𑌷𑌾॑ 𑌯𑌜𑌾𑌮𑌃 ।
𑌏॒𑌵𑌾 𑌨 𑌦𑍇॒𑌵𑍍𑌯-𑌦𑌿॑𑌤𑌿𑌰𑌨॒𑌰𑍍𑌵𑌾 । 𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍍𑌰𑍀 𑌜𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾 ।
𑌪𑍁𑌨॑𑌰𑍍𑌵𑌸𑍂 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑍀 । 𑌪𑍍𑌰𑌿॒𑌯𑌂 𑌦𑍇॒𑌵𑌾𑌨𑌾॒-𑌮𑌪𑍍𑌯𑍇॑𑌤𑍁॒ 𑌪𑌾𑌥𑌃॑ ॥ 5

𑌨𑌕𑍍𑌷𑌤𑍍𑌰𑌂 - 𑌪𑍁𑌷𑍍𑌯𑌃, 𑌦𑍇𑌵𑌤𑌾 - 𑌬𑍃𑌹𑌸𑍍𑌪𑌤𑌿𑌃
𑌬𑍃𑌹॒𑌸𑍍𑌪𑌤𑌿𑌃॑ 𑌪𑍍𑌰𑌥॒𑌮𑌂𑌜𑌾𑌯॑𑌮𑌾𑌨𑌃 । 𑌤𑌿॒𑌷𑍍𑌯𑌂॑ 𑌨𑌕𑍍𑌷॑𑌤𑍍𑌰𑌮॒𑌭𑌿 𑌸𑌂𑌬॑𑌭𑍂𑌵 ।
𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌾𑌨𑌾𑌂॒ 𑌪𑍃𑌤॑𑌨𑌾𑌸𑍁 𑌜𑌿॒𑌷𑍍𑌣𑍁𑌃 । 𑌦𑌿॒𑌶𑍋𑌽𑌨𑍁॒ 𑌸𑌰𑍍𑌵𑌾॒ 𑌅𑌭॑𑌯𑌨𑍍𑌨𑍋 𑌅𑌸𑍍𑌤𑍁 ।
𑌤𑌿॒𑌷𑍍𑌯𑌃॑ 𑌪𑍁॒𑌰𑌸𑍍𑌤𑌾॑𑌦𑍁॒𑌤 𑌮॑𑌧𑍍𑌯॒𑌤𑍋 𑌨𑌃॑ । 𑌬𑍃𑌹॒𑌸𑍍𑌪𑌤𑌿॑𑌰𑍍𑌨𑌃॒ 𑌪𑌰𑌿॑𑌪𑌾𑌤𑍁 𑌪॒𑌶𑍍𑌚𑌾𑌤𑍍 ।
𑌬𑌾𑌧𑍇॑ 𑌤𑌾𑌂॒𑌦𑍍𑌵𑍇𑌷𑍋॒ 𑌅𑌭॑𑌯𑌂 𑌕𑍃𑌣𑍁𑌤𑌾𑌮𑍍 । 𑌸𑍁॒𑌵𑍀𑌰𑍍𑌯॑𑌸𑍍𑌯॒ 𑌪𑌤॑𑌯𑌸𑍍𑌯𑌾𑌮 ॥ 6

𑌨𑌕𑍍𑌷𑌤𑍍𑌰𑌂 -𑌆𑌶𑍍𑌰𑍇𑌷𑌂, 𑌦𑍇𑌵𑌤𑌾 - 𑌸𑌰𑍍𑌪𑌾𑌃
𑌇॒𑌦𑌗𑍍​𑌮𑍍 𑌸॒𑌰𑍍𑌪𑍇𑌭𑍍𑌯𑍋॑ 𑌹॒𑌵𑌿𑌰॑𑌸𑍍𑌤𑍁॒ 𑌜𑍁𑌷𑍍𑌟᳚𑌮𑍍 । 𑌆॒𑌶𑍍𑌰𑍇॒𑌷𑌾 𑌯𑍇𑌷𑌾॑𑌮𑌨𑍁॒𑌯𑌂𑌤𑌿॒ 𑌚𑍇𑌤𑌃॑ ।
𑌯𑍇 𑌅𑌂॒𑌤𑌰𑌿॑𑌕𑍍𑌷𑌂 𑌪𑍃𑌥𑌿॒𑌵𑍀𑌂-𑌕𑍍𑌷𑌿॒𑌯𑌂𑌤𑌿॑ । 𑌤𑍇𑌨॑ 𑌸𑍍𑌸॒𑌰𑍍𑌪𑌾𑌸𑍋॒ 𑌹𑌵॒𑌮𑌾𑌗॑𑌮𑌿𑌷𑍍𑌠𑌾𑌃 ।
𑌯𑍇 𑌰𑍋॑𑌚॒𑌨𑍇 𑌸𑍂𑌰𑍍𑌯॒𑌸𑍍𑌯𑌾𑌪𑌿॑ 𑌸॒𑌰𑍍𑌪𑌾𑌃 । 𑌯𑍇 𑌦𑌿𑌵𑌂॑ 𑌦𑍇॒𑌵𑍀-𑌮𑌨𑍁॑𑌸𑌂॒𑌚𑌰𑌂॑𑌤𑌿 ।
𑌯𑍇𑌷𑌾॑𑌮𑌾𑌶𑍍𑌰𑍇॒𑌷𑌾 𑌅॑𑌨𑍁॒𑌯𑌂𑌤𑌿॒ 𑌕𑌾𑌮᳚𑌮𑍍 । 𑌤𑍇𑌭𑍍𑌯॑-𑌸𑍍𑌸॒𑌰𑍍𑌪𑍇𑌭𑍍𑌯𑍋॒ 𑌮𑌧𑍁॑-𑌮𑌜𑍍𑌜𑍁𑌹𑍋𑌮𑌿 ॥ 𑍭

𑌨𑌕𑍍𑌷𑌤𑍍𑌰𑌂 - 𑌮𑌘𑌾, 𑌦𑍇𑌵𑌤𑌾 - 𑌪𑌿𑌤𑌰𑌃
𑌉𑌪॑𑌹𑍂𑌤𑌾𑌃 𑌪𑌿॒𑌤𑌰𑍋॒ 𑌯𑍇 𑌮॒𑌘𑌾𑌸𑍁॑ । 𑌮𑌨𑍋॑𑌜𑌵𑌸-𑌸𑍍𑌸𑍁॒𑌕𑍃𑌤॑-𑌸𑍍𑌸𑍁𑌕𑍃॒𑌤𑍍𑌯𑌾𑌃 ।
𑌤𑍇 𑌨𑍋॒ 𑌨𑌕𑍍𑌷॑𑌤𑍍𑌰𑍇॒ 𑌹𑌵॒𑌮𑌾𑌗॑𑌮𑌿𑌷𑍍𑌠𑌾𑌃 । 𑌸𑍍𑌵॒𑌧𑌾𑌭𑌿॑𑌰𑍍𑌯॒𑌜𑍍𑌞𑌂 𑌪𑍍𑌰𑌯॑𑌤𑌂 𑌜𑍁𑌷𑌂𑌤𑌾𑌮𑍍 ।
𑌯𑍇 𑌅॑𑌗𑍍𑌨𑌿𑌦॒𑌗𑍍𑌧𑌾 𑌯𑍇𑌽𑌨॑𑌗𑍍𑌨𑌿-𑌦𑌗𑍍𑌧𑌾𑌃 । 𑌯𑍇॑𑌽𑌮𑍁𑌲𑍍𑌲𑍋॒𑌕𑌂 𑌪𑌿॒𑌤𑌰𑌃॑, 𑌕𑍍𑌷𑌿॒𑌯𑌂𑌤𑌿॑ ।
𑌯𑌾𑌗𑍍𑌗𑍍​𑌶𑍍𑌚॑ 𑌵𑌿॒𑌦𑍍𑌮𑌯𑌾𑌗𑍍​𑌮𑍍 𑌉॑ 𑌚॒ 𑌨 𑌪𑍍𑌰॑𑌵𑌿॒𑌦𑍍𑌮 । 𑌮॒𑌘𑌾𑌸𑍁॑ 𑌯॒𑌜𑍍𑌞𑌗𑍍​𑌮𑍍 𑌸𑍁𑌕𑍃॑𑌤𑌂 𑌜𑍁𑌷𑌂𑌤𑌾𑌮𑍍 ॥ 𑍮

𑌨𑌕𑍍𑌷𑌤𑍍𑌰𑌂 - 𑌪𑍂𑌰𑍍𑌵𑌫𑌲𑍍𑌗𑍁𑌨𑍀, 𑌦𑍇𑌵𑌤𑌾 - 𑌅𑌰𑍍𑌯𑌮𑌾
𑌗𑌵𑌾𑌂॒ 𑌪𑌤𑌿𑌃॒ 𑌫𑌲𑍍𑌗𑍁॑𑌨𑍀-𑌨𑌾𑌮𑌸𑌿॒ 𑌤𑍍𑌵𑌮𑍍 । 𑌤𑌦॑𑌰𑍍𑌯𑌮𑌨𑍍𑌵𑌰𑍁𑌣 𑌮𑌿𑌤𑍍𑌰॒ 𑌚𑌾𑌰𑍁॑ ।
𑌤𑌂 𑌤𑍍𑌵𑌾॑ 𑌵॒𑌯𑌗𑍍​𑌮𑍍 𑌸॑𑌨𑌿॒𑌤𑌾𑌰𑌗𑍍​𑌮𑍍॑ 𑌸𑌨𑍀॒𑌨𑌾𑌮𑍍 । 𑌜𑍀॒𑌵𑌾 𑌜𑍀𑌵𑌂॑𑌤॒𑌮𑍁𑌪॒ 𑌸𑌂​𑌵𑌿𑌁॑𑌶𑍇𑌮 ।
𑌯𑍇𑌨𑍇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌸𑌂𑌜𑌿॑𑌤𑌾 । 𑌯𑌸𑍍𑌯॑ 𑌦𑍇॒𑌵𑌾 𑌅॑𑌨𑍁𑌸𑌂॒​𑌯𑌂𑌁𑌤𑌿॒ 𑌚𑍇𑌤𑌃॑ ।
𑌅॒𑌰𑍍𑌯॒𑌮𑌾 𑌰𑌾𑌜𑌾॒𑌽𑌜𑌰॒𑌸𑍍𑌤𑍁 𑌵𑌿॑𑌷𑍍𑌮𑌾𑌨𑍍 । 𑌫𑌲𑍍𑌗𑍁॑𑌨𑍀𑌨𑌾-𑌮𑍃𑌷॒𑌭𑍋 𑌰𑍋॑𑌰𑌵𑍀𑌤𑌿 ॥ 𑍯

𑌨𑌕𑍍𑌷𑌤𑍍𑌰𑌂 - 𑌉𑌤𑍍𑌤𑌰 𑌫𑌲𑍍𑌗𑍁𑌨𑍀, 𑌦𑍇𑌵𑌤𑌾 - 𑌭𑌗𑌃
𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌾𑌨𑌾𑌂᳚ 𑌭𑌗𑌵𑍋 𑌭𑌗𑌾𑌸𑌿 । 𑌤𑌤𑍍𑌤𑍍𑌵𑌾॑ 𑌵𑌿𑌦𑍁𑌃॒ 𑌫𑌲𑍍𑌗𑍁॑𑌨𑍀॒-𑌸𑍍𑌤𑌸𑍍𑌯॑ 𑌵𑌿𑌤𑍍𑌤𑌾𑌤𑍍 ।
𑌅॒𑌸𑍍𑌮𑌭𑍍𑌯𑌂॑-𑌕𑍍𑌷॒𑌤𑍍𑌰𑌮॒𑌜𑌰𑌗𑍍​𑌮𑍍॑ 𑌸𑍁॒𑌵𑍀𑌰𑍍𑌯᳚𑌮𑍍 । 𑌗𑍋𑌮॒𑌦𑌶𑍍𑌵॑-𑌵॒𑌦𑍁𑌪॒𑌸𑌨𑍍𑌨𑍁॑-𑌦𑍇॒𑌹 ।
𑌭𑌗𑍋॑𑌹 𑌦𑌾॒𑌤𑌾 𑌭𑌗॒ 𑌇𑌤𑍍𑌪𑍍𑌰॑𑌦𑌾॒𑌤𑌾 । 𑌭𑌗𑍋॑ 𑌦𑍇॒𑌵𑍀𑌃 𑌫𑌲𑍍𑌗𑍁॑𑌨𑍀॒-𑌰𑌾𑌵𑌿॑𑌵𑍇𑌶 ।
𑌭𑌗॒𑌸𑍍𑌯𑍇𑌤𑍍𑌤𑌂 𑌪𑍍𑌰॑𑌸॒𑌵𑌂 𑌗॑𑌮𑍇𑌮 । 𑌯𑌤𑍍𑌰॑ 𑌦𑍇॒𑌵𑍈-𑌸𑍍𑌸॑𑌧॒𑌮𑌾𑌦𑌂॑ 𑌮𑌦𑍇𑌮 ॥ 10

𑌨𑌕𑍍𑌷𑌤𑍍𑌰𑌂 - 𑌹𑌸𑍍𑌤𑌃, 𑌦𑍇𑌵𑌤𑌾 - 𑌸𑌵𑌿𑌤𑌾
𑌆𑌯𑌾॑𑌤𑍁 𑌦𑍇॒𑌵-𑌸𑍍𑌸॑𑌵𑌿॒𑌤𑍋 𑌪॑𑌯𑌾𑌤𑍁 । 𑌹𑌿॒𑌰॒𑌣𑍍𑌯𑌯𑍇॑𑌨 𑌸𑍁॒𑌵𑍃𑌤𑌾॒ 𑌰𑌥𑍇॑𑌨 ।
𑌵𑌹॒𑌨॒, 𑌹𑌸𑍍𑌤𑌗𑍍​𑌮𑍍॑ 𑌸𑍁॒𑌭𑌗𑌂॑-𑌵𑌿𑌁𑌦𑍍𑌮॒𑌨𑌾𑌪॑𑌸𑌮𑍍 । 𑌪𑍍𑌰॒𑌯𑌚𑍍𑌛𑌂॑𑌤𑌂॒ 𑌪𑌪𑍁॑𑌰𑌿𑌂॒ 𑌪𑍁𑌣𑍍𑌯॒𑌮𑌚𑍍𑌛॑ ।
𑌹𑌸𑍍𑌤𑌃॒ 𑌪𑍍𑌰𑌯॑𑌚𑍍𑌛 𑌤𑍍𑌵॒𑌮𑍃𑌤𑌂॒-𑌵𑌁𑌸𑍀॑𑌯𑌃 । 𑌦𑌕𑍍𑌷𑌿॑𑌣𑍇𑌨॒ 𑌪𑍍𑌰𑌤𑌿॑𑌗𑍃𑌭𑍍𑌣𑍀𑌮 𑌏𑌨𑌤𑍍 ।
𑌦𑌾॒𑌤𑌾𑌰॑-𑌮॒𑌦𑍍𑌯 𑌸॑𑌵𑌿॒𑌤𑌾 𑌵𑌿॑𑌦𑍇𑌯 । 𑌯𑍋 𑌨𑍋॒ 𑌹𑌸𑍍𑌤𑌾॑𑌯 𑌪𑍍𑌰𑌸𑍁॒𑌵𑌾𑌤𑌿॑ 𑌯॒𑌜𑍍𑌞𑌮𑍍 ॥ 11

𑌨𑌕𑍍𑌷𑌤𑍍𑌰𑌂 - 𑌚𑌿𑌤𑍍𑌰𑌾, 𑌦𑍇𑌵𑌤𑌾 - 𑌤𑍍𑌵𑌷𑍍𑌟𑌾
𑌤𑍍𑌵𑌷𑍍𑌟𑌾॒ 𑌨𑌕𑍍𑌷॑𑌤𑍍𑌰-𑌮॒𑌭𑍍𑌯𑍇॑𑌤𑌿 𑌚𑌿॒𑌤𑍍𑌰𑌾𑌮𑍍 । 𑌸𑍁॒𑌭𑌗𑍍​𑌮𑍍 𑌸॑𑌸𑌂​𑌯𑍁𑌁𑌵॒𑌤𑌿𑌗𑍍​𑌮𑍍 𑌰𑍋𑌚॑𑌮𑌾𑌨𑌾𑌮𑍍 ।
𑌨𑌿॒𑌵𑍇॒𑌶𑌯॑-𑌨𑍍𑌨॒𑌮𑍃𑌤𑌾॒-𑌨𑍍𑌮𑌰𑍍𑌤𑍍𑌯𑌾𑌗𑍍𑌗𑍍॑𑌶𑍍𑌚 । 𑌰𑍂॒𑌪𑌾𑌣𑌿॑ 𑌪𑌿॒𑌗𑍍​𑌮𑍍॒𑌶𑌨𑍍 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ ।
𑌤𑌨𑍍𑌨॒𑌸𑍍𑌤𑍍𑌵𑌷𑍍𑌟𑌾॒ 𑌤𑌦𑍁॑ 𑌚𑌿॒𑌤𑍍𑌰𑌾 𑌵𑌿𑌚॑𑌷𑍍𑌟𑌾𑌮𑍍 । 𑌤𑌨𑍍𑌨𑌕𑍍𑌷॑𑌤𑍍𑌰𑌂 𑌭𑍂𑌰𑌿॒𑌦𑌾 𑌅॑𑌸𑍍𑌤𑍁॒ 𑌮𑌹𑍍𑌯᳚𑌮𑍍 ।
𑌤𑌨𑍍𑌨𑌃॑ 𑌪𑍍𑌰॒𑌜𑌾𑌂-𑌵𑍀𑌁॒𑌰𑌵॑𑌤𑍀𑌗𑍍​𑌮𑍍 𑌸𑌨𑍋𑌤𑍁 । 𑌗𑍋𑌭𑌿॑𑌰𑍍𑌨𑍋॒ 𑌅𑌶𑍍𑌵𑍈॒-𑌸𑍍𑌸𑌮॑𑌨𑌕𑍍𑌤𑍁 𑌯॒𑌜𑍍𑌞𑌮𑍍 ॥ 12

𑌨𑌕𑍍𑌷𑌤𑍍𑌰𑌂 - 𑌸𑍍𑌵𑌾𑌤𑍀, 𑌦𑍇𑌵𑌤𑌾 - 𑌵𑌾𑌯𑍁𑌃
𑌵𑌾॒𑌯𑍁-𑌰𑍍𑌨𑌕𑍍𑌷॑𑌤𑍍𑌰-𑌮॒𑌭𑍍𑌯𑍇॑𑌤𑌿॒ 𑌨𑌿𑌷𑍍𑌟𑍍𑌯𑌾᳚𑌮𑍍 । 𑌤𑌿॒𑌗𑍍𑌮𑌶𑍃𑌂॑𑌗𑍋 𑌵𑍃𑌷॒𑌭𑍋 𑌰𑍋𑌰𑍁॑𑌵𑌾𑌣𑌃 ।
𑌸॒𑌮𑍀॒𑌰𑌯॒𑌨𑍍 𑌭𑍁𑌵॑𑌨𑌾 𑌮𑌾𑌤॒𑌰𑌿𑌶𑍍𑌵𑌾᳚ । 𑌅𑌪॒ 𑌦𑍍𑌵𑍇𑌷𑌾𑌗𑍍​𑌮𑍍॑𑌸𑌿 𑌨𑍁𑌦𑌤𑌾॒𑌮𑌰𑌾॑𑌤𑍀𑌃 ।
𑌤𑌨𑍍𑌨𑍋॑ 𑌵𑌾॒𑌯𑌸𑍍𑌤𑌦𑍁॒ 𑌨𑌿𑌷𑍍𑌟𑍍𑌯𑌾॑ 𑌶𑍃𑌣𑍋𑌤𑍁 । 𑌤𑌨𑍍𑌨𑌕𑍍𑌷॑𑌤𑍍𑌰𑌂 𑌭𑍂𑌰𑌿॒𑌦𑌾 𑌅॑𑌸𑍍𑌤𑍁॒ 𑌮𑌹𑍍𑌯᳚𑌮𑍍 ।
𑌤𑌨𑍍𑌨𑍋॑ 𑌦𑍇॒𑌵𑌾𑌸𑍋॒ 𑌅𑌨𑍁॑ 𑌜𑌾𑌨𑌂𑌤𑍁॒ 𑌕𑌾𑌮᳚𑌮𑍍 । 𑌯𑌥𑌾॒ 𑌤𑌰𑍇॑𑌮 𑌦𑍁𑌰𑌿॒𑌤𑌾𑌨𑌿॒ 𑌵𑌿𑌶𑍍𑌵𑌾᳚ ॥ 13

𑌨𑌕𑍍𑌷𑌤𑍍𑌰𑌂 - 𑌵𑌿𑌶𑌾𑌖𑌾, 𑌦𑍇𑌵𑌤𑌾 - 𑌇𑌂𑌦𑍍𑌰𑌾𑌗𑍍𑌨𑍀
𑌦𑍂॒𑌰𑌮॒𑌸𑍍𑌮𑌚𑍍𑌛𑌤𑍍𑌰॑𑌵𑍋 𑌯𑌂𑌤𑍁 𑌭𑍀॒𑌤𑌾𑌃 । 𑌤𑌦𑌿𑌂॑𑌦𑍍𑌰𑌾॒𑌗𑍍𑌨𑍀 𑌕𑍃॑𑌣𑍁𑌤𑌾𑌂॒ 𑌤𑌦𑍍𑌵𑌿𑌶𑌾॑𑌖𑍇 ।
𑌤𑌨𑍍𑌨𑍋॑ 𑌦𑍇॒𑌵𑌾 𑌅𑌨𑍁॑𑌮𑌦𑌂𑌤𑍁 𑌯॒𑌜𑍍𑌞𑌮𑍍 । 𑌪॒𑌶𑍍𑌚𑌾𑌤𑍍 𑌪𑍁॒𑌰𑌸𑍍𑌤𑌾॒-𑌦𑌭॑𑌯𑌨𑍍𑌨𑍋 𑌅𑌸𑍍𑌤𑍁 ।
𑌨𑌕𑍍𑌷॑𑌤𑍍𑌰𑌾𑌣𑌾॒-𑌮𑌧𑌿॑𑌪𑌤𑍍𑌨𑍀॒ 𑌵𑌿𑌶𑌾॑𑌖𑍇 । 𑌶𑍍𑌰𑍇𑌷𑍍𑌠𑌾॑-𑌵𑌿𑌂𑌦𑍍𑌰𑌾॒𑌗𑍍𑌨𑍀 𑌭𑍁𑌵॑𑌨𑌸𑍍𑌯 𑌗𑍋॒𑌪𑍌 ।
𑌵𑌿𑌷𑍂॑𑌚॒-𑌶𑍍𑌶𑌤𑍍𑌰𑍂॑𑌨𑌪॒𑌬𑌾𑌧॑𑌮𑌾𑌨𑍌 । 𑌅𑌪॒𑌕𑍍𑌷𑍁𑌧॑-𑌨𑍍𑌨𑍁𑌦𑌤𑌾॒𑌮𑌰𑌾॑𑌤𑌿𑌮𑍍 ॥ 14

𑌪𑍌𑌰𑍍𑌣𑌮𑌾𑌸𑌿
𑌪𑍂॒𑌰𑍍𑌣𑌾 𑌪॒𑌶𑍍𑌚𑌾𑌦𑍁॒𑌤 𑌪𑍂॒𑌰𑍍𑌣𑌾 𑌪𑍁॒𑌰𑌸𑍍𑌤𑌾᳚𑌤𑍍 । 𑌉𑌨𑍍𑌮॑𑌧𑍍𑌯॒𑌤𑌃 𑌪𑍌᳚𑌰𑍍𑌣𑌮𑌾॒𑌸𑍀 𑌜𑌿॑𑌗𑌾𑌯 ।
𑌤𑌸𑍍𑌯𑌾𑌂᳚ 𑌦𑍇॒𑌵𑌾 𑌅𑌧𑌿॑ 𑌸𑌂॒-𑌵𑌁𑌸𑌂॑𑌤𑌃 । 𑌉॒𑌤𑍍𑌤॒𑌮𑍇 𑌨𑌾𑌕॑ 𑌇॒𑌹 𑌮𑌾॑𑌦𑌯𑌂𑌤𑌾𑌮𑍍 ।
𑌪𑍃॒𑌥𑍍𑌵𑍀 𑌸𑍁॒𑌵𑌰𑍍𑌚𑌾॑ 𑌯𑍁𑌵॒𑌤𑌿-𑌸𑍍𑌸॒𑌜𑍋𑌷𑌾𑌃᳚ । 𑌪𑍌॒𑌰𑍍𑌣॒𑌮𑌾॒𑌸𑍍𑌯𑍁𑌦॑𑌗𑌾॒-𑌚𑍍𑌛𑍋𑌭॑𑌮𑌾𑌨𑌾 ।
𑌆॒𑌪𑍍𑌯𑌾॒𑌯𑌯𑌂॑𑌤𑍀 𑌦𑍁𑌰𑌿॒𑌤𑌾𑌨𑌿॒ 𑌵𑌿𑌶𑍍𑌵𑌾᳚ । 𑌉॒𑌰𑍁𑌂 𑌦𑍁𑌹𑌾𑌂॒-𑌯𑌁𑌜॑𑌮𑌾𑌨𑌾𑌯 𑌯॒𑌜𑍍𑌞𑌮𑍍 ॥ 15

𑌨𑌕𑍍𑌷𑌤𑍍𑌰𑌂 - 𑌅𑌨𑍂𑌰𑌾𑌧𑌾, 𑌦𑍇𑌵𑌤𑌾 - 𑌮𑌿𑌤𑍍𑌰𑌃
𑌋॒𑌦𑍍𑌧𑍍𑌯𑌾𑌸𑍍𑌮॑ 𑌹॒𑌵𑍍𑌯𑍈-𑌰𑍍𑌨𑌮॑𑌸𑍋𑌪॒-𑌸𑌦𑍍𑌯॑ । 𑌮𑌿॒𑌤𑍍𑌰𑌂 𑌦𑍇॒𑌵𑌂 𑌮𑌿॑𑌤𑍍𑌰॒𑌧𑍇𑌯॑𑌨𑍍𑌨𑍋 𑌅𑌸𑍍𑌤𑍁 ।
𑌅॒𑌨𑍂॒𑌰𑌾॒𑌧𑌾𑌨𑍍, 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑌃 । 𑌶॒𑌤𑌂 𑌜𑍀॑𑌵𑍇𑌮 𑌶॒𑌰𑌦॒-𑌸𑍍𑌸𑌵𑍀॑𑌰𑌾𑌃 ।
𑌚𑌿॒𑌤𑍍𑌰𑌂-𑌨𑌕𑍍𑌷॑𑌤𑍍𑌰॒-𑌮𑍁𑌦॑𑌗𑌾-𑌤𑍍𑌪𑍁॒𑌰𑌸𑍍𑌤𑌾᳚𑌤𑍍 । 𑌅॒𑌨𑍂॒𑌰𑌾॒𑌧𑌾 𑌸॒ 𑌇𑌤𑌿॒ 𑌯𑌦𑍍𑌵𑌦𑌂॑𑌤𑌿 ।
𑌤𑌨𑍍𑌮𑌿॒𑌤𑍍𑌰 𑌏॑𑌤𑌿 𑌪॒𑌥𑌿𑌭𑌿॑-𑌰𑍍𑌦𑍇𑌵॒𑌯𑌾𑌨𑍈𑌃᳚ । 𑌹𑌿॒𑌰॒𑌣𑍍𑌯𑌯𑍈॒-𑌰𑍍𑌵𑌿𑌤॑𑌤𑍈-𑌰𑌂॒𑌤𑌰𑌿॑𑌕𑍍𑌷𑍇 ॥ 16

𑌨𑌕𑍍𑌷𑌤𑍍𑌰𑌂 - 𑌜𑍍𑌯𑍇𑌷𑍍𑌠𑌾, 𑌦𑍇𑌵𑌤𑌾 - 𑌇𑌂𑌦𑍍𑌰𑌃
𑌇𑌂𑌦𑍍𑌰𑍋᳚ 𑌜𑍍𑌯𑍇॒𑌷𑍍𑌠𑌾 𑌮𑌨𑍁॒ 𑌨𑌕𑍍𑌷॑𑌤𑍍𑌰𑌮𑍇𑌤𑌿 । 𑌯𑌸𑍍𑌮𑌿॑𑌨𑍍 𑌵𑍃॒𑌤𑍍𑌰𑌂-𑌵𑍃𑌁॑𑌤𑍍𑌰॒ 𑌤𑍂𑌰𑍍𑌯𑍇॑ 𑌤॒𑌤𑌾𑌰॑ ।
𑌤𑌸𑍍𑌮𑌿॑𑌨𑍍𑌵॒𑌯-𑌮॒𑌮𑍃𑌤𑌂॒ 𑌦𑍁𑌹𑌾॑𑌨𑌾𑌃 । 𑌕𑍍𑌷𑍁𑌧𑌂॑𑌤𑌰𑍇𑌮॒ 𑌦𑍁𑌰𑌿॑𑌤𑌿𑌂॒ 𑌦𑍁𑌰𑌿॑𑌷𑍍𑌟𑌿𑌮𑍍 ।
𑌪𑍁॒𑌰𑌂॒𑌦॒𑌰𑌾𑌯॑ 𑌵𑍃𑌷॒𑌭𑌾𑌯॑ 𑌧𑍃॒𑌷𑍍𑌣𑌵𑍇᳚ । 𑌅𑌷𑌾॑𑌢𑌾𑌯॒ 𑌸𑌹॑𑌮𑌾𑌨𑌾𑌯 𑌮𑍀॒𑌢𑍁𑌷𑍇᳚ ।
𑌇𑌂𑌦𑍍𑌰𑌾॑𑌯 𑌜𑍍𑌯𑍇॒𑌷𑍍𑌠𑌾 𑌮𑌧𑍁॑𑌮॒𑌦𑍍𑌦𑍁𑌹𑌾॑𑌨𑌾 । 𑌉॒𑌰𑍁𑌂 𑌕𑍃॑𑌣𑍋𑌤𑍁॒ 𑌯𑌜॑𑌮𑌾𑌨𑌾𑌯 𑌲𑍋॒𑌕𑌮𑍍 ॥ 1𑍭

𑌨𑌕𑍍𑌷𑌤𑍍𑌰𑌂 - 𑌮𑍂𑌲𑌂, 𑌦𑍇𑌵𑌤𑌾 - 𑌪𑍍𑌰𑌜𑌾𑌪𑌤𑌿𑌃
𑌮𑍂𑌲𑌂॑ 𑌪𑍍𑌰॒𑌜𑌾𑌂-𑌵𑍀𑌁॒𑌰𑌵॑𑌤𑍀𑌂-𑌵𑌿𑌁𑌦𑍇𑌯 । 𑌪𑌰𑌾᳚𑌚𑍍𑌯𑍇𑌤𑍁॒ 𑌨𑌿𑌰𑍍​𑌋॑𑌤𑌿𑌃 𑌪𑌰𑌾॒𑌚𑌾 ।
𑌗𑍋𑌭𑌿॒-𑌰𑍍𑌨𑌕𑍍𑌷॑𑌤𑍍𑌰𑌂 𑌪॒𑌶𑍁𑌭𑌿॒-𑌸𑍍𑌸𑌮॑𑌕𑍍𑌤𑌮𑍍 । 𑌅𑌹॑-𑌰𑍍𑌭𑍂𑌯𑌾॒-𑌦𑍍𑌯𑌜॑𑌮𑌾𑌨𑌾𑌯॒ 𑌮𑌹𑍍𑌯᳚𑌮𑍍 ।
𑌅𑌹॑𑌰𑍍𑌨𑍋 𑌅॒𑌦𑍍𑌯 𑌸𑍁॑𑌵𑌿॒𑌤𑍇 𑌦॑𑌧𑌾𑌤𑍁 । 𑌮𑍂𑌲𑌂॒ 𑌨𑌕𑍍𑌷॑𑌤𑍍𑌰॒𑌮𑌿𑌤𑌿॒ 𑌯𑌦𑍍𑌵𑌦𑌂॑𑌤𑌿 ।
𑌪𑌰𑌾॑𑌚𑍀𑌂-𑌵𑌾𑌁॒𑌚𑌾 𑌨𑌿𑌰𑍍​𑌋॑𑌤𑌿𑌂 𑌨𑍁𑌦𑌾𑌮𑌿 । 𑌶𑌿॒𑌵𑌂 𑌪𑍍𑌰॒𑌜𑌾𑌯𑍈॑ 𑌶𑌿॒𑌵𑌮॑𑌸𑍍𑌤𑍁॒ 𑌮𑌹𑍍𑌯᳚𑌮𑍍 ॥ 1𑍮

𑌨𑌕𑍍𑌷𑌤𑍍𑌰𑌂 - 𑌪𑍂𑌰𑍍𑌵𑌾𑌷𑌾𑌢𑌾, 𑌦𑍇𑌵𑌤𑌾 - 𑌆𑌪𑌃
𑌯𑌾 𑌦𑌿॒𑌵𑍍𑌯𑌾 𑌆𑌪𑌃॒ 𑌪𑌯॑𑌸𑌾 𑌸𑌂𑌬𑌭𑍂॒𑌵𑍁𑌃 । 𑌯𑌾 𑌅𑌂॒𑌤𑌰𑌿॑𑌕𑍍𑌷 𑌉॒𑌤 𑌪𑌾𑌰𑍍𑌥𑌿॑𑌵𑍀॒𑌰𑍍𑌯𑌾𑌃 ।
𑌯𑌾𑌸𑌾॑𑌮𑌷𑌾॒𑌢𑌾 𑌅॑𑌨𑍁॒𑌯𑌂𑌤𑌿॒ 𑌕𑌾𑌮᳚𑌮𑍍 । 𑌤𑌾 𑌨॒ 𑌆𑌪𑌃॒ 𑌶𑌗𑍍𑌗𑍍​ 𑌸𑍍𑌯𑍋॒𑌨𑌾 𑌭॑𑌵𑌂𑌤𑍁 ।
𑌯𑌾𑌶𑍍𑌚॒ 𑌕𑍂𑌪𑍍𑌯𑌾॒ 𑌯𑌾𑌶𑍍𑌚॑ 𑌨𑌾॒𑌦𑍍𑌯𑌾᳚-𑌸𑍍𑌸𑌮𑍁॒𑌦𑍍𑌰𑌿𑌯𑌾𑌃᳚ । 𑌯𑌾𑌶𑍍𑌚॑ 𑌵𑍈𑌶𑌂॒𑌤𑍀𑌰𑍁॒𑌤 𑌪𑍍𑌰𑌾॑𑌸॒𑌚𑍀𑌰𑍍𑌯𑌾𑌃 ।
𑌯𑌾𑌸𑌾॑𑌮𑌷𑌾॒𑌢𑌾 𑌮𑌧𑍁॑ 𑌭॒𑌕𑍍𑌷𑌯𑌂॑𑌤𑌿 । 𑌤𑌾 𑌨॒ 𑌆𑌪𑌃॒ 𑌶𑌗𑍍𑌗𑍍​ 𑌸𑍍𑌯𑍋॒𑌨𑌾 𑌭॑𑌵𑌂𑌤𑍁 ॥ 1𑍯

𑌨𑌕𑍍𑌷𑌤𑍍𑌰𑌂 - 𑌉𑌤𑍍𑌤𑌰𑌾𑌷𑌾𑌢𑌾, 𑌦𑍇𑌵𑌤𑌾 - 𑌵𑌿𑌶𑍍𑌵𑍇𑌦𑍇𑌵𑌃
𑌤𑌨𑍍𑌨𑍋॒ 𑌵𑌿𑌶𑍍𑌵𑍇॒ 𑌉𑌪॑ 𑌶𑍃𑌣𑍍𑌵𑌂𑌤𑍁 𑌦𑍇॒𑌵𑌾𑌃 । 𑌤𑌦॑𑌷𑌾॒𑌢𑌾 𑌅॒𑌭𑌿𑌸𑌂​𑌯𑌁𑌂॑𑌤𑍁 𑌯॒𑌜𑍍𑌞𑌮𑍍 ।
𑌤𑌨𑍍𑌨𑌕𑍍𑌷॑𑌤𑍍𑌰𑌂 𑌪𑍍𑌰𑌥𑌤𑌾𑌂 𑌪॒𑌶𑍁𑌭𑍍𑌯𑌃॑ । 𑌕𑍃॒𑌷𑌿-𑌰𑍍𑌵𑍃॒𑌷𑍍𑌟𑌿-𑌰𑍍𑌯𑌜॑𑌮𑌾𑌨𑌾𑌯 𑌕𑌲𑍍𑌪𑌤𑌾𑌮𑍍 ।
𑌶𑍁॒𑌭𑍍𑌰𑌾𑌃 𑌕॒𑌨𑍍𑌯𑌾॑ 𑌯𑍁𑌵॒𑌤𑌯॑-𑌸𑍍𑌸𑍁॒𑌪𑍇𑌶॑𑌸𑌃 । 𑌕॒𑌰𑍍𑌮॒𑌕𑍃𑌤॑-𑌸𑍍𑌸𑍁॒𑌕𑍃𑌤𑍋॑ 𑌵𑍀॒𑌰𑍍𑌯𑌾॑𑌵𑌤𑍀𑌃 ।
𑌵𑌿𑌶𑍍𑌵𑌾᳚𑌨𑍍 𑌦𑍇॒𑌵𑌾𑌨𑍍, 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑍀𑌃 ।
𑌅॒𑌷𑌾॒𑌢𑌾𑌃 𑌕𑌾𑌮॒ 𑌮𑍁𑌪॑𑌯𑌾𑌂𑌤𑍁 𑌯॒𑌜𑍍𑌞𑌮𑍍 ॥ 20

𑌨𑌕𑍍𑌷𑌤𑍍𑌰𑌂 - 𑌅𑌭𑌿𑌜𑌿𑌤𑍍, 𑌦𑍇𑌵𑌤𑌾 - 𑌬𑍍𑌰𑌹𑍍𑌮𑌾
𑌯𑌸𑍍𑌮𑌿॒𑌨𑍍 𑌬𑍍𑌰𑌹𑍍𑌮𑌾॒𑌭𑍍𑌯𑌜॑𑌯॒𑌥𑍍 𑌸𑌰𑍍𑌵॑𑌮𑍇॒𑌤𑌤𑍍 । 𑌅॒𑌮𑍁𑌂𑌚॑ 𑌲𑍋॒𑌕 𑌮𑌿॒𑌦𑌮𑍂॑𑌚॒ 𑌸𑌰𑍍𑌵᳚𑌮𑍍 ।
𑌤𑌨𑍍𑌨𑍋॒ 𑌨𑌕𑍍𑌷॑𑌤𑍍𑌰-𑌮𑌭𑌿॒𑌜𑌿-𑌦𑍍𑌵𑌿॒𑌜𑌿𑌤𑍍𑌯॑ । 𑌶𑍍𑌰𑌿𑌯𑌂॑ 𑌦𑌧𑌾॒𑌤𑍍𑌵-𑌹𑍃॑𑌣𑍀𑌯𑌮𑌾𑌨𑌮𑍍 ।
𑌉॒𑌭𑍌 𑌲𑍋॒𑌕𑍌 𑌬𑍍𑌰𑌹𑍍𑌮॑𑌣𑌾॒ 𑌸𑌂𑌜𑌿॑𑌤𑍇॒𑌮𑍌 । 𑌤𑌨𑍍𑌨𑍋॒ 𑌨𑌕𑍍𑌷॑𑌤𑍍𑌰-𑌮𑌭𑌿॒𑌜𑌿-𑌦𑍍𑌵𑌿𑌚॑𑌷𑍍𑌟𑌾𑌮𑍍 ।
𑌤𑌸𑍍𑌮𑌿॑𑌨𑍍 𑌵॒𑌯𑌂 𑌪𑍃𑌤॑𑌨𑌾॒ 𑌸𑍍𑌸𑌂𑌜॑𑌯𑍇𑌮 । 𑌤𑌨𑍍𑌨𑍋॑ 𑌦𑍇॒𑌵𑌾𑌸𑍋॒ 𑌅𑌨𑍁॑𑌜𑌾𑌨𑌂𑌤𑍁॒ 𑌕𑌾𑌮᳚𑌮𑍍 ॥ 21

𑌨𑌕𑍍𑌷𑌤𑍍𑌰𑌂 - 𑌶𑍍𑌰𑌵𑌣𑌂, 𑌦𑍇𑌵𑌤𑌾 - 𑌵𑌿𑌷𑍍𑌣𑍁𑌃
𑌶𑍃॒𑌣𑍍𑌵𑌂𑌤𑌿॑ 𑌶𑍍𑌰𑍋॒𑌣𑌾-𑌮॒𑌮𑍃𑌤॑𑌸𑍍𑌯 𑌗𑍋॒𑌪𑌾𑌮𑍍 । 𑌪𑍁𑌣𑍍𑌯𑌾॑𑌮𑌸𑍍𑌯𑌾॒ 𑌉𑌪॑𑌶𑍃𑌣𑍋𑌮𑌿॒ 𑌵𑌾𑌚᳚𑌮𑍍 ।
𑌮॒𑌹𑍀𑌂 𑌦𑍇॒𑌵𑍀𑌂-𑌵𑌿𑌁𑌷𑍍𑌣𑍁॑𑌪𑌤𑍍𑌨𑍀 𑌮𑌜𑍂॒𑌰𑍍𑌯𑌾𑌮𑍍 । 𑌪𑍍𑌰॒𑌤𑍀𑌚𑍀॑ 𑌮𑍇𑌨𑌾𑌗𑍍​𑌮𑍍 𑌹॒𑌵𑌿𑌷𑌾॑ 𑌯𑌜𑌾𑌮𑌃 ।
𑌤𑍍𑌰𑍇॒𑌧𑌾 𑌵𑌿𑌷𑍍𑌣𑍁॑-𑌰𑍁𑌰𑍁𑌗𑌾॒𑌯𑍋 𑌵𑌿𑌚॑𑌕𑍍𑌰𑌮𑍇 । 𑌮॒𑌹𑍀𑌂 𑌦𑌿𑌵𑌂॑ 𑌪𑍃𑌥𑌿॒𑌵𑍀-𑌮𑌂॒𑌤𑌰𑌿॑𑌕𑍍𑌷𑌮𑍍 ।
𑌤𑌚𑍍𑌛𑍍𑌰𑍋॒𑌣𑍈𑌤𑌿॒ 𑌶𑍍𑌰𑌵॑-𑌇॒𑌚𑍍𑌛𑌮𑌾॑𑌨𑌾 । 𑌪𑍁𑌣𑍍𑌯॒𑌗𑍍𑌗𑍍॒ 𑌶𑍍𑌲𑍋𑌕𑌂॒-𑌯𑌁𑌜॑𑌮𑌾𑌨𑌾𑌯 𑌕𑍃𑌣𑍍𑌵॒𑌤𑍀 ॥ 22

𑌨𑌕𑍍𑌷𑌤𑍍𑌰𑌂 - 𑌶𑍍𑌰𑌵𑌿𑌷𑍍𑌟𑌾, 𑌦𑍇𑌵𑌤𑌾 - 𑌵𑌸𑌵𑌃
𑌅॒𑌷𑍍𑌟𑍌 𑌦𑍇॒𑌵𑌾 𑌵𑌸॑𑌵𑌸𑍍𑌸𑍋॒𑌮𑍍𑌯𑌾𑌸𑌃॑ । 𑌚𑌤॑𑌸𑍍𑌰𑍋 𑌦𑍇॒𑌵𑍀 𑌰॒𑌜𑌰𑌾𑌃॒ 𑌶𑍍𑌰𑌵𑌿॑𑌷𑍍𑌠𑌾𑌃 ।
𑌤𑍇 𑌯॒𑌜𑍍𑌞𑌂 𑌪𑌾𑌂᳚𑌤𑍁॒ 𑌰𑌜॑𑌸𑌃 𑌪॒𑌰𑌸𑍍𑌤𑌾᳚𑌤𑍍 । 𑌸𑌂॒​𑌵𑌁॒𑌥𑍍𑌸॒𑌰𑍀𑌣॑-𑌮॒𑌮𑍃𑌤𑌗𑍍𑌗𑍍॑ 𑌸𑍍𑌵॒𑌸𑍍𑌤𑌿 ।
𑌯॒𑌜𑍍𑌞𑌂 𑌨𑌃॑ 𑌪𑌾𑌂𑌤𑍁॒ 𑌵𑌸॑𑌵𑌃 𑌪𑍁॒𑌰𑌸𑍍𑌤𑌾᳚𑌤𑍍 । 𑌦॒𑌕𑍍𑌷𑌿॒𑌣॒𑌤𑍋॑-𑌽𑌭𑌿𑌯𑌂॑𑌤𑍁॒ 𑌶𑍍𑌰𑌵𑌿॑𑌷𑍍𑌠𑌾𑌃 ।
𑌪𑍁𑌣𑍍𑌯॒𑌨𑍍𑌨𑌕𑍍𑌷॑𑌤𑍍𑌰𑌮॒𑌭𑌿 𑌸𑌂​𑌵𑌿𑌁॑𑌶𑌾𑌮 । 𑌮𑌾 𑌨𑍋॒ 𑌅𑌰𑌾॑𑌤𑌿-𑌰॒𑌘𑌶॒𑌗𑍍​𑌮𑍍॒ 𑌸𑌾𑌗𑌨𑍍𑌨𑍍॑ ॥ 23

𑌨𑌕𑍍𑌷𑌤𑍍𑌰𑌂 - 𑌶𑌤𑌭𑌿𑌷𑌕𑍍, 𑌦𑍇𑌵𑌤𑌾 - 𑌵𑌰𑍁𑌣𑌃
𑌕𑍍𑌷॒𑌤𑍍𑌰𑌸𑍍𑌯॒ 𑌰𑌾𑌜𑌾॒ 𑌵𑌰𑍁॑𑌣𑍋𑌽𑌧𑌿𑌰𑌾॒𑌜𑌃 । 𑌨𑌕𑍍𑌷॑𑌤𑍍𑌰𑌾𑌣𑌾𑌗𑍍​𑌮𑍍 𑌶॒𑌤𑌭𑌿॑𑌷॒𑌗𑍍 𑌵𑌸𑌿॑𑌷𑍍𑌠𑌃 ।
𑌤𑍌 𑌦𑍇॒𑌵𑍇𑌭𑍍𑌯𑌃॑ 𑌕𑍃𑌣𑍁𑌤𑍋 𑌦𑍀॒𑌰𑍍𑌘𑌮𑌾𑌯𑌃॑ । 𑌶॒𑌤𑌗𑍍​𑌮𑍍 𑌸॒𑌹𑌸𑍍𑌰𑌾॑ 𑌭𑍇𑌷॒𑌜𑌾𑌨𑌿॑ 𑌧𑌤𑍍𑌤𑌃 ।
𑌯॒𑌜𑍍𑌞𑌨𑍍𑌨𑍋॒ 𑌰𑌾𑌜𑌾॒ 𑌵𑌰𑍁॑𑌣॒ 𑌉𑌪॑𑌯𑌾𑌤𑍁 । 𑌤𑌨𑍍𑌨𑍋॒ 𑌵𑌿𑌶𑍍𑌵𑍇॑ 𑌅॒𑌭𑌿𑌸𑌂​𑌯𑌁𑌂॑𑌤𑍁 𑌦𑍇॒𑌵𑌾𑌃 ।
𑌤𑌨𑍍𑌨𑍋॒ 𑌨𑌕𑍍𑌷॑𑌤𑍍𑌰𑌗𑍍​𑌮𑍍 𑌶॒𑌤𑌭𑌿॑𑌷𑌗𑍍 𑌜𑍁𑌷𑌾॒𑌣𑌮𑍍 । 𑌦𑍀॒𑌰𑍍𑌘𑌮𑌾𑌯𑍁𑌃॒ 𑌪𑍍𑌰𑌤𑌿॑𑌰-𑌦𑍍𑌭𑍇𑌷॒𑌜𑌾𑌨𑌿॑ ॥ 24

𑌨𑌕𑍍𑌷𑌤𑍍𑌰𑌂 - 𑌪𑍂𑌰𑍍𑌵𑌪𑍍𑌰𑍋𑌷𑍍𑌠𑌪𑌦𑌾, 𑌦𑍇𑌵𑌤𑌾 - 𑌅𑌜𑌯𑍇𑌕𑌪𑌾𑌦𑌃
𑌅॒𑌜 𑌏𑌕॑𑌪𑌾॒- 𑌦𑍁𑌦॑𑌗𑌾𑌤𑍍 𑌪𑍁॒𑌰𑌸𑍍𑌤𑌾᳚𑌤𑍍 । 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ 𑌪𑍍𑌰𑌤𑌿॒ 𑌮𑍋𑌦॑𑌮𑌾𑌨𑌃 ।
𑌤𑌸𑍍𑌯॑ 𑌦𑍇॒𑌵𑌾𑌃 𑌪𑍍𑌰॑𑌸॒𑌵𑌂-𑌯𑌁𑌂॑𑌤𑌿॒ 𑌸𑌰𑍍𑌵𑍇᳚ । 𑌪𑍍𑌰𑍋॒𑌷𑍍𑌠॒𑌪॒𑌦𑌾𑌸𑍋॑ 𑌅॒𑌮𑍃𑌤॑𑌸𑍍𑌯 𑌗𑍋॒𑌪𑌾𑌃 ।
𑌵𑌿॒𑌭𑍍𑌰𑌾𑌜॑𑌮𑌾𑌨-𑌸𑍍𑌸𑌮𑌿𑌧𑌾॒𑌨 𑌉॒𑌗𑍍𑌰𑌃 । 𑌆𑌽𑌂𑌤𑌰𑌿॑𑌕𑍍𑌷-𑌮𑌰𑍁𑌹॒𑌦-𑌦𑍍𑌗𑌂॒𑌦𑍍𑌯𑌾𑌮𑍍 ।
𑌤𑌗𑍍​𑌮𑍍 𑌸𑍂𑌰𑍍𑌯𑌂॑ 𑌦𑍇॒𑌵-𑌮॒𑌜𑌮𑍇𑌕॑𑌪𑌾𑌦𑌮𑍍 । 𑌪𑍍𑌰𑍋॒𑌷𑍍𑌠॒𑌪॒𑌦𑌾𑌸𑍋॒ 𑌅𑌨𑍁॑𑌯𑌂𑌤𑌿॒ 𑌸𑌰𑍍𑌵𑍇᳚ ॥ 25

𑌨𑌕𑍍𑌷𑌤𑍍𑌰𑌂 - 𑌉𑌤𑍍𑌤𑌰𑌪𑍍𑌰𑍋𑌷𑍍𑌠𑌪𑌦𑌾, 𑌦𑍇𑌵𑌤𑌾 - 𑌅𑌹𑌿𑌰𑍍𑌬𑍁𑌦𑍍𑌧𑍍𑌨𑌿𑌯𑌃
𑌅𑌹𑌿॑-𑌰𑍍𑌬𑍁॒𑌦𑍍𑌧𑍍𑌨𑌿𑌯𑌃॒ 𑌪𑍍𑌰𑌥॑𑌮𑌾𑌨 𑌏𑌤𑌿 । 𑌶𑍍𑌰𑍇𑌷𑍍𑌠𑍋॑ 𑌦𑍇॒𑌵𑌾𑌨𑌾॑𑌮𑍁॒𑌤 𑌮𑌾𑌨𑍁॑𑌷𑌾𑌣𑌾𑌮𑍍 ।
𑌤𑌂 𑌬𑍍𑌰𑌾᳚𑌹𑍍𑌮॒𑌣𑌾-𑌸𑍍𑌸𑍋॑𑌮॒𑌪𑌾-𑌸𑍍𑌸𑍋॒𑌮𑍍𑌯𑌾𑌸𑌃॑ । 𑌪𑍍𑌰𑍋॒𑌷𑍍𑌠॒𑌪॒𑌦𑌾𑌸𑍋॑ 𑌅॒𑌭𑌿𑌰॑𑌕𑍍𑌷𑌂𑌤𑌿॒ 𑌸𑌰𑍍𑌵𑍇᳚ ।
𑌚॒𑌤𑍍𑌵𑌾𑌰॒ 𑌏𑌕॑𑌮॒𑌭𑌿 𑌕𑌰𑍍𑌮॑ 𑌦𑍇॒𑌵𑌾𑌃 । 𑌪𑍍𑌰𑍋॒𑌷𑍍𑌠॒𑌪॒𑌦𑌾𑌸॒ 𑌇𑌤𑌿॒ 𑌯𑌾𑌨𑍍, 𑌵𑌦𑌂॑𑌤𑌿 ।
𑌤𑍇 𑌬𑍁॒𑌦𑍍𑌧𑌨𑌿𑌯𑌂॑ 𑌪𑌰𑌿॒𑌷𑌦𑍍𑌯𑌗𑍍𑌗𑍍॑ 𑌸𑍍𑌤𑍁॒𑌵𑌂𑌤𑌃॑ । 𑌅𑌹𑌿𑌗𑍍​𑌮𑍍॑ 𑌰𑌕𑍍𑌷𑌂𑌤𑌿॒ 𑌨𑌮॑𑌸𑍋𑌪॒ 𑌸𑌦𑍍𑌯॑ ॥ 26

𑌨𑌕𑍍𑌷𑌤𑍍𑌰𑌂 - 𑌰𑍇𑌵𑌤𑍀, 𑌦𑍇𑌵𑌤𑌾 - 𑌪𑍂𑌷𑌾
𑌪𑍂॒𑌷𑌾 𑌰𑍇॒𑌵𑌤𑍍𑌯𑌨𑍍𑌵𑍇॑𑌤𑌿॒ 𑌪𑌂𑌥𑌾᳚𑌮𑍍 । 𑌪𑍁॒𑌷𑍍𑌟𑌿॒𑌪𑌤𑍀॑ 𑌪𑌶𑍁॒𑌪𑌾 𑌵𑌾𑌜॑𑌬𑌸𑍍𑌤𑍍𑌯𑍌 ।
𑌇॒𑌮𑌾𑌨𑌿॑ 𑌹॒𑌵𑍍𑌯𑌾 𑌪𑍍𑌰𑌯॑𑌤𑌾 𑌜𑍁𑌷𑌾॒𑌣𑌾 । 𑌸𑍁॒𑌗𑍈𑌰𑍍𑌨𑍋॒ 𑌯𑌾𑌨𑍈॒𑌰𑍁𑌪॑𑌯𑌾𑌤𑌾𑌂-𑌯𑌁॒𑌜𑍍𑌞𑌮𑍍 ।
𑌕𑍍𑌷𑍁॒𑌦𑍍𑌰𑌾𑌨𑍍 𑌪॒𑌶𑍂𑌨𑍍 𑌰॑𑌕𑍍𑌷𑌤𑍁 𑌰𑍇॒𑌵𑌤𑍀॑ 𑌨𑌃 । 𑌗𑌾𑌵𑍋॑ 𑌨𑍋॒ 𑌅𑌶𑍍𑌵𑌾॒𑌗𑍍​𑌮𑍍॒ 𑌅𑌨𑍍𑌵𑍇॑𑌤𑍁 𑌪𑍂॒𑌷𑌾 ।
𑌅𑌨𑍍𑌨॒𑌗𑍍​𑌮𑍍॒ 𑌰𑌕𑍍𑌷𑌂॑𑌤𑍌 𑌬𑌹𑍁॒𑌧𑌾 𑌵𑌿𑌰𑍂॑𑌪𑌮𑍍 । 𑌵𑌾𑌜𑌗𑍍​𑌮𑍍॑ 𑌸𑌨𑍁𑌤𑌾𑌂॒-𑌯𑌁𑌜॑𑌮𑌾𑌨𑌾𑌯 𑌯॒𑌜𑍍𑌞𑌮𑍍 ॥ 2𑍭

𑌨𑌕𑍍𑌷𑌤𑍍𑌰𑌂 - 𑌅𑌶𑍍𑌵𑌿𑌨𑍀, 𑌦𑍇𑌵𑌤𑌾 - 𑌅𑌶𑍍𑌵𑌿𑌨𑍀 𑌦𑍇𑌵
𑌤𑌦॒𑌶𑍍𑌵𑌿𑌨𑌾॑-𑌵𑌶𑍍𑌵॒𑌯𑍁𑌜𑍋-𑌪॑𑌯𑌾𑌤𑌾𑌮𑍍 । 𑌶𑍁𑌭𑌂॒𑌗𑌮𑌿॑𑌷𑍍𑌠𑍌 𑌸𑍁॒𑌯𑌮𑍇॑𑌭𑌿॒𑌰𑌶𑍍𑌵𑍈𑌃᳚ ।
𑌸𑍍𑌵𑌨𑍍𑌨𑌕𑍍𑌷॑𑌤𑍍𑌰𑌗𑍍​𑌮𑍍 𑌹॒𑌵𑌿𑌷𑌾॒ 𑌯𑌜𑌂॑𑌤𑍌 । 𑌮𑌦𑍍𑌧𑍍𑌵𑌾॒-𑌸𑌂𑌪𑍃॑𑌕𑍍𑌤𑍌॒ 𑌯𑌜𑍁॑𑌷𑌾॒ 𑌸𑌮॑𑌕𑍍𑌤𑍌 ।
𑌯𑍌 𑌦𑍇॒𑌵𑌾𑌨𑌾𑌂᳚ 𑌭𑌿॒𑌷𑌜𑍌॑ 𑌹𑌵𑍍𑌯𑌵𑌾॒𑌹𑍌 । 𑌵𑌿𑌶𑍍𑌵॑𑌸𑍍𑌯 𑌦𑍂॒𑌤𑌾-𑌵॒𑌮𑍃𑌤॑𑌸𑍍𑌯 𑌗𑍋॒𑌪𑍌 ।
𑌤𑍌 𑌨𑌕𑍍𑌷॑𑌤𑍍𑌰𑌂-𑌜𑍁𑌜𑍁𑌷𑌾॒𑌣𑍋-𑌪॑𑌯𑌾𑌤𑌾𑌮𑍍 । 𑌨𑌮𑍋॒𑌽𑌶𑍍𑌵𑌿𑌭𑍍𑌯𑌾𑌂᳚ 𑌕𑍃𑌣𑍁𑌮𑍋-𑌽𑌶𑍍𑌵॒𑌗𑍍𑌯𑍁𑌭𑍍𑌯𑌾᳚𑌮𑍍 ॥ 2𑍮

𑌨𑌕𑍍𑌷𑌤𑍍𑌰𑌂 - 𑌅𑌪𑌭𑌰𑌣𑍀, 𑌦𑍇𑌵𑌤𑌾 - 𑌯𑌮𑌃
𑌅𑌪॑ 𑌪𑌾॒𑌪𑍍𑌮𑌾𑌨𑌂॒ 𑌭𑌰॑𑌣𑍀-𑌰𑍍𑌭𑌰𑌂𑌤𑍁 । 𑌤𑌦𑍍𑌯॒𑌮𑍋 𑌰𑌾𑌜𑌾॒ 𑌭𑌗॑𑌵𑌾॒𑌨𑍍॒, 𑌵𑌿𑌚॑𑌷𑍍𑌟𑌾𑌮𑍍 ।
𑌲𑍋॒𑌕𑌸𑍍𑌯॒ 𑌰𑌾𑌜𑌾॑ 𑌮𑌹॒𑌤𑍋 𑌮॒𑌹𑌾𑌨𑍍, 𑌹𑌿 । 𑌸𑍁॒𑌗𑌨𑍍𑌨𑌃॒ 𑌪𑌂𑌥𑌾॒𑌮𑌭॑𑌯𑌂 𑌕𑍃𑌣𑍋𑌤𑍁 ।
𑌯𑌸𑍍𑌮𑌿॒-𑌨𑍍𑌨𑌕𑍍𑌷॑𑌤𑍍𑌰𑍇 𑌯॒𑌮 𑌏𑌤𑌿॒ 𑌰𑌾𑌜𑌾᳚ । 𑌯𑌸𑍍𑌮𑌿॑𑌨𑍍𑌨𑍇𑌨-𑌮॒𑌭𑍍𑌯𑌷𑌿𑌂॑𑌚𑌂𑌤 𑌦𑍇॒𑌵𑌾𑌃 ।
𑌤𑌦॑𑌸𑍍𑌯 𑌚𑌿॒𑌤𑍍𑌰𑌗𑍍​𑌮𑍍 𑌹॒𑌵𑌿𑌷𑌾॑ 𑌯𑌜𑌾𑌮 । 𑌅𑌪॑ 𑌪𑌾॒𑌪𑍍𑌮𑌾𑌨𑌂॒ 𑌭𑌰॑𑌣𑍀-𑌰𑍍𑌭𑌰𑌂𑌤𑍁 ॥ 2𑍯

𑌅𑌮𑌾𑌵𑌾𑌸𑌿
𑌨𑌿॒𑌵𑍇𑌶॑𑌨𑍀 𑌸𑌂॒𑌗𑌮॑𑌨𑍀॒ 𑌵𑌸𑍂॑𑌨𑌾𑌂॒-𑌵𑌿𑌁𑌶𑍍𑌵𑌾॑ 𑌰𑍂॒𑌪𑌾𑌣𑌿॒ 𑌵𑌸𑍂᳚𑌨𑍍𑌯𑌾-𑌵𑍇॒𑌶𑌯𑌂॑𑌤𑍀 ।
𑌸॒𑌹॒𑌸𑍍𑌰॒-𑌪𑍋॒𑌷𑌗𑍍​𑌮𑍍 𑌸𑍁॒𑌭𑌗𑌾॒ 𑌰𑌰𑌾॑𑌣𑌾॒ 𑌸𑌾 𑌨॒ 𑌆𑌗॒𑌨𑍍 𑌵𑌰𑍍𑌚॑𑌸𑌾 𑌸𑌂​𑌵𑌿𑌁𑌦𑌾॒𑌨𑌾 ।
𑌯𑌤𑍍𑌤𑍇॑ 𑌦𑍇॒𑌵𑌾 𑌅𑌦॑𑌧𑍁-𑌰𑍍𑌭𑌾𑌗॒𑌧𑍇𑌯॒-𑌮𑌮𑌾॑𑌵𑌾𑌸𑍍𑌯𑍇 𑌸𑌂॒​𑌵𑌁𑌸𑌂॑𑌤𑍋 𑌮𑌹𑌿॒𑌤𑍍𑌵𑌾 ।
𑌸𑌾 𑌨𑍋॑ 𑌯॒𑌜𑍍𑌞𑌂 𑌪𑌿॑𑌪𑍃𑌹𑌿 𑌵𑌿𑌶𑍍𑌵𑌵𑌾𑌰𑍇 𑌰॒𑌯𑌿𑌨𑍍𑌨𑍋॑ 𑌧𑍇𑌹𑌿 𑌸𑍁𑌭𑌗𑍇 𑌸𑍁॒𑌵𑍀𑌰᳚𑌮𑍍 ॥ 30

𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

31-40: Optional for Additional Chanting

𑌚𑌂𑌦𑍍𑌰𑌮𑌾
𑌨𑌵𑍋॑ 𑌨𑌵𑍋 𑌭𑌵𑌤𑌿॒ 𑌜𑌾𑌯॑𑌮𑌾॒𑌨𑍋𑌽𑌹𑍍𑌨𑌾𑌂᳚ 𑌕𑍇॒𑌤𑍁-𑌰𑍁॒𑌷𑌸𑌾॑ 𑌮𑍇॒𑌤𑍍𑌯𑌗𑍍𑌰𑍇᳚ ।
𑌭𑌾॒𑌗𑌂 𑌦𑍇॒𑌵𑍇𑌭𑍍𑌯𑍋॒ 𑌵𑌿𑌦॑𑌧𑌾𑌤𑍍𑌯𑌾॒𑌯𑌨𑍍 𑌪𑍍𑌰𑌚𑌂॒𑌦𑍍𑌰𑌮𑌾᳚𑌸𑍍𑌤𑌿𑌰𑌿𑌤𑌿 𑌦𑍀॒𑌰𑍍𑌘𑌮𑌾𑌯𑍁𑌃॑ ॥
𑌯𑌮𑌾॑𑌦𑌿॒𑌤𑍍𑌯𑌾 𑌅॒𑌗𑍍​𑌮𑍍॒𑌶𑍁𑌮𑌾᳚𑌪𑍍𑌯𑌾॒𑌯𑌯𑌂॑𑌤𑌿॒ 𑌯𑌮𑌕𑍍𑌷𑌿॑𑌤॒-𑌮𑌕𑍍𑌷𑌿॑𑌤𑌯𑌃॒ 𑌪𑌿𑌬𑌂॑𑌤𑌿 ।
𑌤𑍇𑌨॑ 𑌨𑍋॒ 𑌰𑌾𑌜𑌾॒ 𑌵𑌰𑍁॑𑌣𑍋॒ 𑌬𑍃𑌹॒𑌸𑍍𑌪𑌤𑌿॒ 𑌰𑌾𑌪𑍍𑌯𑌾॑𑌯𑌯𑌂𑌤𑍁॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 ॥ 31

𑌅𑌹𑍋 𑌰𑌾𑌤𑍍𑌰
𑌯𑍇 𑌵𑌿𑌰𑍂॑𑌪𑍇॒ 𑌸𑌮॑𑌨𑌸𑌾 𑌸𑌂​𑌵𑍍𑌯𑌁𑌯𑌂॑𑌤𑍀 । 𑌸॒𑌮𑌾॒𑌨𑌂 𑌤𑌂𑌤𑍁𑌂॑ 𑌪𑌰𑌿𑌤𑌾-𑌤॒𑌨𑌾𑌤𑍇᳚ ।
𑌵𑌿॒𑌭𑍂 𑌪𑍍𑌰॒𑌭𑍂 𑌅॑𑌨𑍁॒𑌭𑍂 𑌵𑌿॒𑌶𑍍𑌵𑌤𑍋॑ 𑌹𑍁𑌵𑍇 । 𑌤𑍇 𑌨𑍋॒ 𑌨𑌕𑍍𑌷॑𑌤𑍍𑌰𑍇॒ 𑌹𑌵॒𑌮𑌾𑌗॑-𑌮𑍇𑌤𑌮𑍍 ।
𑌵॒𑌯𑌂 𑌦𑍇॒𑌵𑍀 𑌬𑍍𑌰𑌹𑍍𑌮॑𑌣𑌾 𑌸𑌂​𑌵𑌿𑌁𑌦𑌾॒𑌨𑌾𑌃 । 𑌸𑍁॒𑌰𑌤𑍍𑌨𑌾॑𑌸𑍋 𑌦𑍇॒𑌵𑌵𑍀॑𑌤𑌿𑌂॒ 𑌦𑌧𑌾॑𑌨𑌾𑌃 ।
𑌅॒𑌹𑍋॒𑌰𑌾॒𑌤𑍍𑌰𑍇 𑌹॒𑌵𑌿𑌷𑌾॑ 𑌵॒𑌰𑍍𑌧𑌯𑌂॑𑌤𑌃 । 𑌅𑌤𑌿॑ 𑌪𑌾॒𑌪𑍍𑌮𑌾𑌨॒-𑌮𑌤𑌿॑𑌮𑍁𑌕𑍍𑌤𑍍𑌯𑌾 𑌗𑌮𑍇𑌮 ॥ 32

𑌉𑌷𑌾
𑌪𑍍𑌰𑌤𑍍𑌯𑍁॑𑌵 𑌦𑍃𑌶𑍍𑌯𑌾𑌯॒𑌤𑍀 । 𑌵𑍍𑌯𑍁॒𑌚𑍍𑌛𑌂𑌤𑍀॑ 𑌦𑍁𑌹𑌿॒𑌤𑌾 𑌦𑌿॒𑌵𑌃 ।
𑌅॒𑌪𑍋 𑌮॒𑌹𑍀 𑌵𑍃॑𑌣𑍁𑌤𑍇॒ 𑌚𑌕𑍍𑌷𑍁॑𑌷𑌾 । 𑌤𑌮𑍋॒ 𑌜𑍍𑌯𑍋𑌤𑌿॑𑌷𑍍​𑌕𑍃𑌣𑍋𑌤𑌿 𑌸𑍂॒𑌨𑌰𑍀᳚ ।
𑌉𑌦𑍁॒ 𑌸𑍍𑌤𑍍𑌰𑌿𑌯𑌾᳚𑌸𑍍𑌸𑌚𑌤𑍇॒ 𑌸𑍂𑌰𑍍𑌯𑌃॑ । 𑌸 𑌚𑌾॑ 𑌉॒𑌦𑍍𑌯𑌨𑍍𑌨𑌕𑍍𑌷॑𑌤𑍍𑌰 𑌮𑌰𑍍𑌚𑌿॒𑌮𑌤𑍍 ।
𑌤 𑌵𑍇𑌦𑍁॑𑌷𑍋॒ 𑌵𑍍𑌯𑍁𑌷𑌿॒ 𑌸𑍂𑌰𑍍𑌯॑𑌸𑍍𑌯 𑌚 । 𑌸𑌂𑌭॒𑌕𑍍𑌤𑍇𑌨॑ 𑌗𑌮𑍇𑌮𑌹𑌿 ॥ 33

𑌨𑌕𑍍𑌷𑌤𑍍𑌰𑌃
𑌤𑌨𑍍𑌨𑍋॒ 𑌨𑌕𑍍𑌷॑𑌤𑍍𑌰 𑌮𑌰𑍍𑌚𑌿॒𑌮𑌤𑍍 । 𑌭𑌾॒𑌨𑍁॒𑌮𑌤𑍍𑌤𑍇𑌜॑ 𑌉॒𑌚𑍍𑌛𑌰॑𑌤𑍍 ।
𑌉𑌪॑𑌯॒𑌜𑍍𑌞-𑌮𑌿॒𑌹𑌾𑌗॑𑌮𑌤𑍍 । 𑌪𑍍𑌰𑌨𑌕𑍍𑌷॑𑌤𑍍𑌰𑌾𑌯 𑌦𑍇॒𑌵𑌾𑌯॑ । 𑌇𑌂𑌦𑍍𑌰𑌾॒𑌯𑍇𑌂𑌦𑍁𑌗𑍍​𑌮𑍍॑ 𑌹𑌵𑌾𑌮𑌹𑍇 ।
𑌸 𑌨॑ 𑌸𑍍𑌸𑌵𑌿॒𑌤𑌾 𑌸𑍁॑𑌵𑌥𑍍𑌸॒𑌨𑌿𑌮𑍍 । 𑌪𑍁॒𑌷𑍍𑌟𑌿॒𑌦𑌾𑌂-𑌵𑍀𑌁॒𑌰𑌵॑𑌤𑍍𑌤𑌮𑌮𑍍 ॥ 34

𑌸𑍂𑌰𑍍𑌯𑌃
𑌉𑌦𑍁॒𑌤𑍍𑌯𑌂 𑌜𑌾॒𑌤𑌵𑍇॑𑌦𑌸𑌂 𑌦𑍇॒𑌵𑌂-𑌵𑌁॑𑌹𑌂𑌤𑌿 𑌕𑍇॒𑌤𑌵𑌃॑ । 𑌦𑍃॒𑌶𑍇 𑌵𑌿𑌶𑍍𑌵𑌾॑𑌯॒ 𑌸𑍂𑌰𑍍𑌯᳚𑌮𑍍 ।
𑌚𑌿॒𑌤𑍍𑌰𑌂 𑌦𑍇॒𑌵𑌾𑌨𑌾॒ 𑌮𑍁𑌦॑𑌗𑌾॒𑌦𑌨𑍀॑𑌕𑌂॒ 𑌚𑌕𑍍𑌷𑍁॑-𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒𑌗𑍍𑌨𑍇𑌃 ।
𑌆𑌽𑌪𑍍𑌰𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅𑌂॒𑌤𑌰𑌿॑𑌕𑍍𑌷॒𑌗𑍍​𑌮𑍍॒ 𑌸𑍂𑌰𑍍𑌯॑ 𑌆॒𑌤𑍍𑌮𑌾 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॑𑌶𑍍𑌚 ॥ 35

𑌅𑌦𑌿𑌤𑌿𑌃
𑌅𑌦𑌿॑𑌤𑌿𑌰𑍍𑌨 𑌉𑌰𑍁𑌷𑍍𑌯॒-𑌤𑍍𑌵𑌦𑌿॑𑌤𑌿𑌃॒ 𑌶𑌰𑍍𑌮॑ 𑌯𑌚𑍍𑌛𑌤𑍁 । 𑌅𑌦𑌿॑𑌤𑌿𑌃 𑌪𑌾॒𑌤𑍍𑌵𑌗𑍍​𑌮𑍍 𑌹॑𑌸𑌃।
𑌮॒𑌹𑍀𑌮𑍂॒𑌷𑍁 𑌮𑌾॒𑌤𑌰𑌗𑍍​𑌮𑍍॑ 𑌸𑍁𑌵𑍍𑌰॒𑌤𑌾𑌨𑌾॑-𑌮𑍃॒𑌤𑌸𑍍𑌯॒ 𑌪𑌤𑍍𑌨𑍀॒ 𑌮𑌵॑𑌸𑍇 𑌹𑍁𑌵𑍇𑌮 ।
𑌤𑍁॒𑌵𑌿॒𑌕𑍍𑌷॒𑌤𑍍𑌰𑌾-𑌮॒𑌜𑌰𑌂॑𑌤𑍀 𑌮𑍁𑌰𑍂॒𑌚𑍀𑌗𑍍​𑌮𑍍 𑌸𑍁॒𑌶𑌰𑍍𑌮𑌾॑𑌣॒-𑌮𑌦𑌿॑𑌤𑌿𑌗𑍍​𑌮𑍍 𑌸𑍁॒𑌪𑍍𑌰𑌣𑍀॑𑌤𑌿𑌮𑍍 ॥ 36

𑌵𑌿𑌷𑍍𑌣𑍁𑌃
𑌇॒𑌦𑌂-𑌵𑌿𑌁𑌷𑍍𑌣𑍁॒-𑌰𑍍𑌵𑌿𑌚॑𑌕𑍍𑌰𑌮𑍇 𑌤𑍍𑌰𑍇॒𑌧𑌾 𑌨𑌿𑌦॑𑌧𑍇 𑌪॒𑌦𑌮𑍍 । 𑌸𑌮𑍂॑𑌢𑌮𑌸𑍍𑌯 𑌪𑌾𑌗𑍍​𑌮𑍍 𑌸𑍁॒𑌰𑍇 ।
𑌪𑍍𑌰𑌤𑌦𑍍𑌵𑌿𑌷𑍍𑌣𑍁॑ 𑌸𑍍𑌤𑌵𑌤𑍇 𑌵𑍀॒𑌰𑍍𑌯𑌾॑𑌯 । 𑌮𑍃॒𑌗𑍋 𑌨 𑌭𑍀॒𑌮𑌃 𑌕𑍁॑𑌚॒𑌰𑍋 𑌗𑌿॑𑌰𑌿॒𑌷𑍍𑌠𑌾𑌃 ।
𑌯𑌸𑍍𑌯𑍋॒𑌰𑍁𑌷𑍁॑ 𑌤𑍍𑌰𑌿॒𑌷𑍁 𑌵𑌿॒𑌕𑍍𑌰𑌮॑𑌣𑍇𑌷𑍁 । 𑌅𑌧𑌿॑𑌕𑍍𑌷𑌿॒𑌯𑌂𑌤𑌿॒ 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ ॥ 3𑍭

𑌅𑌗𑍍𑌨𑌿𑌃
𑌅॒𑌗𑍍𑌨𑌿-𑌰𑍍𑌮𑍂॒𑌦𑍍​𑌰𑍍𑌧𑌾 𑌦𑌿॒𑌵𑌃 𑌕॒𑌕𑍁𑌤𑍍𑌪𑌤𑌿𑌃॑ 𑌪𑍃𑌥𑌿॒𑌵𑍍𑌯𑌾 𑌅॒𑌯𑌮𑍍 ।
𑌅॒𑌪𑌾𑌗𑍍​𑌮𑍍 𑌰𑍇𑌤𑌾𑌗𑍍​𑌮𑍍॑𑌸𑌿 𑌜𑌿𑌨𑍍𑌵𑌤𑌿 ।
𑌭𑍁𑌵𑍋॑ 𑌯॒𑌜𑍍𑌞𑌸𑍍𑌯॒ 𑌰𑌜॑𑌸𑌶𑍍𑌚 𑌨𑍇॒𑌤𑌾 𑌯𑌤𑍍𑌰𑌾॑ 𑌨𑌿॒𑌯𑍁𑌦𑍍𑌭𑌿𑌃॒ 𑌸𑌚॑𑌸𑍇 𑌶𑌿॒𑌵𑌾𑌭𑌿𑌃॑ ।
𑌦𑌿॒𑌵𑌿 𑌮𑍂॒𑌦𑍍​𑌰𑍍𑌧𑌾𑌨𑌂॑ 𑌦𑌧𑌿𑌷𑍇 𑌸𑍁𑌵॒𑌰𑍍॒𑌷𑌾𑌂 𑌜𑌿॒𑌹𑍍𑌵𑌾𑌮॑𑌗𑍍𑌨𑍇 𑌚𑌕𑍃𑌷𑍇 𑌹𑌵𑍍𑌯॒𑌵𑌾𑌹𑌂᳚ ॥ 3𑍮

𑌅𑌨𑍁𑌮𑌤𑍀
𑌅𑌨𑍁॑𑌨𑍋॒𑌽𑌦𑍍𑌯𑌾𑌨𑍁॑𑌮𑌤𑌿-𑌰𑍍𑌯॒𑌜𑍍𑌞𑌂 𑌦𑍇॒𑌵𑍇𑌷𑍁॑ 𑌮𑌨𑍍𑌯𑌤𑌾𑌮𑍍 ।
𑌅॒𑌗𑍍𑌨𑌿𑌶𑍍𑌚॑ 𑌹𑌵𑍍𑌯॒𑌵𑌾𑌹॑𑌨𑍋॒ 𑌭𑌵॑𑌤𑌾𑌂 𑌦𑌾॒𑌶𑍁𑌷𑍇॒ 𑌮𑌯𑌃॑ ।
𑌅𑌨𑍍𑌵𑌿𑌦॑𑌨𑍁𑌮𑌤𑍇॒ 𑌤𑍍𑌵𑌂 𑌮𑌨𑍍𑌯𑌾॑𑌸𑍈॒ 𑌶𑌂𑌚॑ 𑌨𑌃 𑌕𑍃𑌧𑌿 ।
𑌕𑍍𑌰𑌤𑍍𑌵𑍇॒ 𑌦𑌕𑍍𑌷𑌾॑𑌯 𑌨𑍋 𑌹𑌿𑌨𑍁॒ 𑌪𑍍𑌰𑌣॒ 𑌆𑌯𑍂𑌗𑍍​𑌮𑍍॑𑌷𑌿 𑌤𑌾𑌰𑌿𑌷𑌃 ॥ 3𑍯

𑌹𑌵𑍍𑌯𑌵𑌾𑌹𑌃 (𑌅𑌗𑍍𑌨𑌿𑌃)
𑌹॒𑌵𑍍𑌯॒𑌵𑌾𑌹॑𑌮𑌭𑌿-𑌮𑌾𑌤𑌿॒𑌷𑌾𑌹᳚𑌮𑍍 । 𑌰॒𑌕𑍍𑌷𑍋॒𑌹𑌣𑌂॒ 𑌪𑍃𑌤॑𑌨𑌾𑌸𑍁 𑌜𑌿॒𑌷𑍍𑌣𑍁𑌮𑍍 ।
𑌜𑍍𑌯𑍋𑌤𑌿॑𑌷𑍍𑌮𑌂𑌤𑌂॒ 𑌦𑍀𑌦𑍍𑌯॑𑌤𑌂॒ 𑌪𑍁𑌰𑌂॑𑌧𑌿𑌮𑍍 । 𑌅॒𑌗𑍍𑌨𑌿𑌗𑍍𑌗𑍍​ 𑌸𑍍𑌵𑌿॑𑌷𑍍𑌟॒ 𑌕𑍃𑌤॒𑌮𑌾𑌹𑍁॑𑌵𑍇𑌮 ।
𑌸𑍍𑌵𑌿॑𑌷𑍍𑌟 𑌮𑌗𑍍𑌨𑍇 𑌅॒𑌭𑌿𑌤𑌤𑍍 𑌪𑍃॑𑌣𑌾𑌹𑌿 । 𑌵𑌿𑌶𑍍𑌵𑌾॑ 𑌦𑍇𑌵॒ 𑌪𑍃𑌤॑𑌨𑌾 𑌅॒𑌭𑌿𑌷𑍍𑌯 ।
𑌉॒𑌰𑍁𑌨𑍍𑌨𑌃॒ 𑌪𑌂𑌥𑌾𑌂᳚ 𑌪𑍍𑌰𑌦𑌿॒𑌶𑌨𑍍 𑌵𑌿𑌭𑌾॑𑌹𑌿 । 𑌜𑍍𑌯𑍋𑌤𑌿॑𑌷𑍍𑌮𑌦𑍍𑌧𑍇𑌹𑍍𑌯॒ 𑌜𑌰॑𑌨𑍍𑌨॒ 𑌆𑌯𑍁𑌃॑ ॥ 40

𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥