॥ 𑌦𑍍𑌵𑌿𑌤𑍀𑌯 𑌮𑍁𑌂𑌡𑌕𑍇 𑌪𑍍𑌰𑌥𑌮𑌃 𑌖𑌂𑌡𑌃 ॥

𑌤𑌦𑍇𑌤𑌤𑍍 𑌸𑌤𑍍𑌯𑌂
𑌯𑌥𑌾 𑌸𑍁𑌦𑍀𑌪𑍍𑌤𑌾𑌤𑍍 𑌪𑌾𑌵𑌕𑌾𑌦𑍍𑌵𑌿𑌸𑍍𑌫𑍁𑌲𑌿𑌂𑌗𑌾𑌃
𑌸𑌹𑌸𑍍𑌰𑌶𑌃 𑌪𑍍𑌰𑌭𑌵𑌂𑌤𑍇 𑌸𑌰𑍂𑌪𑌾𑌃 ।
𑌤𑌥𑌾𑌽𑌕𑍍𑌷𑌰𑌾𑌦𑍍𑌵𑌿𑌵𑌿𑌧𑌾𑌃 𑌸𑍋𑌮𑍍𑌯 𑌭𑌾𑌵𑌾𑌃
𑌪𑍍𑌰𑌜𑌾𑌯𑌂𑌤𑍇 𑌤𑌤𑍍𑌰 𑌚𑍈𑌵𑌾𑌪𑌿 𑌯𑌂𑌤𑌿 ॥ 1॥

𑌦𑌿𑌵𑍍𑌯𑍋 𑌹𑍍𑌯𑌮𑍂𑌰𑍍𑌤𑌃 𑌪𑍁𑌰𑍁𑌷𑌃 𑌸 𑌬𑌾𑌹𑍍𑌯𑌾𑌭𑍍𑌯𑌂𑌤𑌰𑍋 𑌹𑍍𑌯𑌜𑌃 ।
𑌅𑌪𑍍𑌰𑌾𑌣𑍋 𑌹𑍍𑌯𑌮𑌨𑌾𑌃 𑌶𑍁𑌭𑍍𑌰𑍋 𑌹𑍍𑌯𑌕𑍍𑌷𑌰𑌾𑌤𑍍 𑌪𑌰𑌤𑌃 𑌪𑌰𑌃 ॥ 2॥

𑌏𑌤𑌸𑍍𑌮𑌾𑌜𑍍𑌜𑌾𑌯𑌤𑍇 𑌪𑍍𑌰𑌾𑌣𑍋 𑌮𑌨𑌃 𑌸𑌰𑍍𑌵𑍇𑌂𑌦𑍍𑌰𑌿𑌯𑌾𑌣𑌿 𑌚 ।
𑌖𑌂-𑌵𑌾𑌁𑌯𑍁𑌰𑍍𑌜𑍍𑌯𑍋𑌤𑌿𑌰𑌾𑌪𑌃 𑌪𑍃𑌥𑌿𑌵𑍀 𑌵𑌿𑌶𑍍𑌵𑌸𑍍𑌯 𑌧𑌾𑌰𑌿𑌣𑍀 ॥ 3॥

𑌅𑌗𑍍𑌨𑍀𑌰𑍍𑌮𑍂𑌰𑍍𑌧𑌾 𑌚𑌕𑍍𑌷𑍁𑌷𑍀 𑌚𑌂𑌦𑍍𑌰𑌸𑍂𑌰𑍍𑌯𑍌
𑌦𑌿𑌶𑌃 𑌶𑍍𑌰𑍋𑌤𑍍𑌰𑍇 𑌵𑌾𑌗𑍍 𑌵𑌿𑌵𑍃𑌤𑌾𑌶𑍍𑌚 𑌵𑍇𑌦𑌾𑌃 ।
𑌵𑌾𑌯𑍁𑌃 𑌪𑍍𑌰𑌾𑌣𑍋 𑌹𑍃𑌦𑌯𑌂-𑌵𑌿𑌁𑌶𑍍𑌵𑌮𑌸𑍍𑌯 𑌪𑌦𑍍𑌭𑍍𑌯𑌾𑌂
𑌪𑍃𑌥𑌿𑌵𑍀 𑌹𑍍𑌯𑍇𑌷 𑌸𑌰𑍍𑌵𑌭𑍂𑌤𑌾𑌂𑌤𑌰𑌾𑌤𑍍𑌮𑌾 ॥ 4॥

𑌤𑌸𑍍𑌮𑌾𑌦𑌗𑍍𑌨𑌿𑌃 𑌸𑌮𑌿𑌧𑍋 𑌯𑌸𑍍𑌯 𑌸𑍂𑌰𑍍𑌯𑌃
𑌸𑍋𑌮𑌾𑌤𑍍 𑌪𑌰𑍍𑌜𑌨𑍍𑌯 𑌓𑌷𑌧𑌯𑌃 𑌪𑍃𑌥𑌿𑌵𑍍𑌯𑌾𑌮𑍍 ।
𑌪𑍁𑌮𑌾𑌨𑍍 𑌰𑍇𑌤𑌃 𑌸𑌿𑌂𑌚𑌤𑌿 𑌯𑍋𑌷𑌿𑌤𑌾𑌯𑌾𑌂
𑌬𑌹𑍍𑌵𑍀𑌃 𑌪𑍍𑌰𑌜𑌾𑌃 𑌪𑍁𑌰𑍁𑌷𑌾𑌤𑍍 𑌸𑌂𑌪𑍍𑌰𑌸𑍂𑌤𑌾𑌃 ॥ 5॥

𑌤𑌸𑍍𑌮𑌾𑌦𑍃𑌚𑌃 𑌸𑌾𑌮 𑌯𑌜𑍂𑌂𑌷𑌿 𑌦𑍀𑌕𑍍𑌷𑌾
𑌯𑌜𑍍𑌞𑌾𑌶𑍍𑌚 𑌸𑌰𑍍𑌵𑍇 𑌕𑍍𑌰𑌤𑌵𑍋 𑌦𑌕𑍍𑌷𑌿𑌣𑌾𑌶𑍍𑌚 ।
𑌸𑌂​𑌵𑌁𑌤𑍍𑌸𑌰𑌶𑍍𑌚 𑌯𑌜𑌮𑌾𑌨𑌶𑍍𑌚 𑌲𑍋𑌕𑌾𑌃
𑌸𑍋𑌮𑍋 𑌯𑌤𑍍𑌰 𑌪𑌵𑌤𑍇 𑌯𑌤𑍍𑌰 𑌸𑍂𑌰𑍍𑌯𑌃 ॥ 6॥

𑌤𑌸𑍍𑌮𑌾𑌚𑍍𑌚 𑌦𑍇𑌵𑌾 𑌬𑌹𑍁𑌧𑌾 𑌸𑌂𑌪𑍍𑌰𑌸𑍂𑌤𑌾𑌃
𑌸𑌾𑌧𑍍𑌯𑌾 𑌮𑌨𑍁𑌷𑍍𑌯𑌾𑌃 𑌪𑌶𑌵𑍋 𑌵𑌯𑌾𑌂𑌸𑌿 ।
𑌪𑍍𑌰𑌾𑌣𑌾𑌪𑌾𑌨𑍌 𑌵𑍍𑌰𑍀𑌹𑌿𑌯𑌵𑍌 𑌤𑌪𑌶𑍍𑌚
𑌶𑍍𑌰𑌦𑍍𑌧𑌾 𑌸𑌤𑍍𑌯𑌂 𑌬𑍍𑌰𑌹𑍍𑌮𑌚𑌰𑍍𑌯𑌂-𑌵𑌿𑌁𑌧𑌿𑌶𑍍𑌚 ॥ 𑍭॥

𑌸𑌪𑍍𑌤 𑌪𑍍𑌰𑌾𑌣𑌾𑌃 𑌪𑍍𑌰𑌭𑌵𑌂𑌤𑌿 𑌤𑌸𑍍𑌮𑌾𑌤𑍍
𑌸𑌪𑍍𑌤𑌾𑌰𑍍𑌚𑌿𑌷𑌃 𑌸𑌮𑌿𑌧𑌃 𑌸𑌪𑍍𑌤 𑌹𑍋𑌮𑌾𑌃 ।
𑌸𑌪𑍍𑌤 𑌇𑌮𑍇 𑌲𑍋𑌕𑌾 𑌯𑍇𑌷𑍁 𑌚𑌰𑌂𑌤𑌿 𑌪𑍍𑌰𑌾𑌣𑌾
𑌗𑍁𑌹𑌾𑌶𑌯𑌾 𑌨𑌿𑌹𑌿𑌤𑌾𑌃 𑌸𑌪𑍍𑌤 𑌸𑌪𑍍𑌤 ॥ 𑍮॥

𑌅𑌤𑌃 𑌸𑌮𑍁𑌦𑍍𑌰𑌾 𑌗𑌿𑌰𑌯𑌶𑍍𑌚 𑌸𑌰𑍍𑌵𑍇𑌽𑌸𑍍𑌮𑌾𑌤𑍍
𑌸𑍍𑌯𑌂𑌦𑌂𑌤𑍇 𑌸𑌿𑌂𑌧𑌵𑌃 𑌸𑌰𑍍𑌵𑌰𑍂𑌪𑌾𑌃 ।
𑌅𑌤𑌶𑍍𑌚 𑌸𑌰𑍍𑌵𑌾 𑌓𑌷𑌧𑌯𑍋 𑌰𑌸𑌶𑍍𑌚
𑌯𑍇𑌨𑍈𑌷 𑌭𑍂𑌤𑍈𑌸𑍍𑌤𑌿𑌷𑍍𑌠𑌤𑍇 𑌹𑍍𑌯𑌂𑌤𑌰𑌾𑌤𑍍𑌮𑌾 ॥ 𑍯॥

𑌪𑍁𑌰𑍁𑌷 𑌏𑌵𑍇𑌦𑌂-𑌵𑌿𑌁𑌶𑍍𑌵𑌂 𑌕𑌰𑍍𑌮 𑌤𑌪𑍋 𑌬𑍍𑌰𑌹𑍍𑌮 𑌪𑌰𑌾𑌮𑍃𑌤𑌮𑍍 ।
𑌏𑌤𑌦𑍍𑌯𑍋 𑌵𑍇𑌦 𑌨𑌿𑌹𑌿𑌤𑌂 𑌗𑍁𑌹𑌾𑌯𑌾𑌂
𑌸𑍋𑌽𑌵𑌿𑌦𑍍𑌯𑌾𑌗𑍍𑌰𑌂𑌥𑌿𑌂-𑌵𑌿𑌁𑌕𑌿𑌰𑌤𑍀𑌹 𑌸𑍋𑌮𑍍𑌯 ॥ 10॥

॥ 𑌇𑌤𑌿 𑌮𑍁𑌂𑌡𑌕𑍋𑌪𑌨𑌿𑌷𑌦𑌿 𑌦𑍍𑌵𑌿𑌤𑍀𑌯𑌮𑍁𑌂𑌡𑌕𑍇 𑌪𑍍𑌰𑌥𑌮𑌃 𑌖𑌂𑌡𑌃 ॥