𑌶𑍍𑌰𑍀 𑌹𑌨𑍁𑌮𑌦𑌷𑍍𑌟𑌕𑌮𑍍

𑌶𑍍𑌰𑍀𑌰𑌘𑍁𑌰𑌾𑌜𑌪𑌦𑌾𑌬𑍍𑌜𑌨𑌿𑌕𑍇𑌤𑌨 𑌪𑌂𑌕𑌜𑌲𑍋𑌚𑌨 𑌮𑌂𑌗𑌳𑌰𑌾𑌶𑍇
𑌚𑌂𑌡𑌮𑌹𑌾𑌭𑍁𑌜𑌦𑌂𑌡 𑌸𑍁𑌰𑌾𑌰𑌿𑌵𑌿𑌖𑌂𑌡𑌨𑌪𑌂𑌡𑌿𑌤 𑌪𑌾𑌹𑌿 𑌦𑌯𑌾𑌳𑍋 ।
𑌪𑌾𑌤𑌕𑌿𑌨𑌂 𑌚 𑌸𑌮𑍁𑌦𑍍𑌧𑌰 𑌮𑌾𑌂 𑌮𑌹𑌤𑌾𑌂 𑌹𑌿 𑌸𑌤𑌾𑌮𑌪𑌿 𑌮𑌾𑌨𑌮𑍁𑌦𑌾𑌰𑌂
𑌤𑍍𑌵𑌾𑌂 𑌭𑌜𑌤𑍋 𑌮𑌮 𑌦𑍇𑌹𑌿 𑌦𑌯𑌾𑌘𑌨 𑌹𑍇 𑌹𑌨𑍁𑌮𑌨𑍍 𑌸𑍍𑌵𑌪𑌦𑌾𑌂𑌬𑍁𑌜𑌦𑌾𑌸𑍍𑌯𑌮𑍍 ॥ 1 ॥

𑌸𑌂𑌸𑍃𑌤𑌿𑌤𑌾𑌪𑌮𑌹𑌾𑌨𑌲𑌦𑌗𑍍𑌧𑌤𑌨𑍂𑌰𑍁𑌹𑌮𑌰𑍍𑌮𑌤𑌨𑍋𑌰𑌤𑌿𑌵𑍇𑌲𑌂
𑌪𑍁𑌤𑍍𑌰𑌧𑌨𑌸𑍍𑌵𑌜𑌨𑌾𑌤𑍍𑌮𑌗𑍃𑌹𑌾𑌦𑌿𑌷𑍁 𑌸𑌕𑍍𑌤𑌮𑌤𑍇𑌰𑌤𑌿𑌕𑌿𑌲𑍍𑌬𑌿𑌷𑌮𑍂𑌰𑍍𑌤𑍇𑌃 ।
𑌕𑍇𑌨𑌚𑌿𑌦𑌪𑍍𑌯𑌮𑌲𑍇𑌨 𑌪𑍁𑌰𑌾𑌕𑍃𑌤𑌪𑍁𑌣𑍍𑌯𑌸𑍁𑌪𑍁𑌂𑌜𑌲𑌵𑍇𑌨 𑌵𑌿𑌭𑍋 𑌵𑍈
𑌤𑍍𑌵𑌾𑌂 𑌭𑌜𑌤𑍋 𑌮𑌮 𑌦𑍇𑌹𑌿 𑌦𑌯𑌾𑌘𑌨 𑌹𑍇 𑌹𑌨𑍁𑌮𑌨𑍍 𑌸𑍍𑌵𑌪𑌦𑌾𑌂𑌬𑍁𑌜𑌦𑌾𑌸𑍍𑌯𑌮𑍍 ॥ 2 ॥

𑌸𑌂𑌸𑍃𑌤𑌿𑌕𑍂𑌪𑌮𑌨𑌲𑍍𑌪𑌮𑌘𑍋𑌰𑌨𑌿𑌦𑌾𑌘𑌨𑌿𑌦𑌾𑌨𑌮𑌜𑌸𑍍𑌰𑌮𑌶𑍇𑌷𑌂
𑌪𑍍𑌰𑌾𑌪𑍍𑌯 𑌸𑍁𑌦𑍁𑌃𑌖𑌸𑌹𑌸𑍍𑌰𑌭𑍁𑌜𑌂𑌗𑌵𑌿𑌷𑍈𑌕𑌸𑌮𑌾𑌕𑍁𑌲𑌸𑌰𑍍𑌵𑌤𑌨𑍋𑌰𑍍𑌮𑍇 ।
𑌘𑍋𑌰𑌮𑌹𑌾𑌕𑍃𑌪𑌣𑌾𑌪𑌦𑌮𑍇𑌵 𑌗𑌤𑌸𑍍𑌯 𑌹𑌰𑍇 𑌪𑌤𑌿𑌤𑌸𑍍𑌯 𑌭𑌵𑌾𑌬𑍍𑌧𑍌
𑌤𑍍𑌵𑌾𑌂 𑌭𑌜𑌤𑍋 𑌮𑌮 𑌦𑍇𑌹𑌿 𑌦𑌯𑌾𑌘𑌨 𑌹𑍇 𑌹𑌨𑍁𑌮𑌨𑍍 𑌸𑍍𑌵𑌪𑌦𑌾𑌂𑌬𑍁𑌜𑌦𑌾𑌸𑍍𑌯𑌮𑍍 ॥ 3 ॥

𑌸𑌂𑌸𑍃𑌤𑌿𑌸𑌿𑌂𑌧𑍁𑌵𑌿𑌶𑌾𑌲𑌕𑌰𑌾𑌲𑌮𑌹𑌾𑌬𑌲𑌕𑌾𑌲𑌝𑌷𑌗𑍍𑌰𑌸𑌨𑌾𑌰𑍍𑌤𑌂
𑌵𑍍𑌯𑌗𑍍𑌰𑌸𑌮𑌗𑍍𑌰𑌧𑌿𑌯𑌂 𑌕𑍃𑌪𑌣𑌂 𑌚 𑌮𑌹𑌾𑌮𑌦𑌨𑌕𑍍𑌰𑌸𑍁𑌚𑌕𑍍𑌰𑌹𑍃𑌤𑌾𑌸𑍁𑌮𑍍 ।
𑌕𑌾𑌲𑌮𑌹𑌾𑌰𑌸𑌨𑍋𑌰𑍍𑌮𑌿𑌨𑌿𑌪𑍀𑌡𑌿𑌤𑌮𑍁𑌦𑍍𑌧𑌰 𑌦𑍀𑌨𑌮𑌨𑌨𑍍𑌯𑌗𑌤𑌿𑌂 𑌮𑌾𑌂
𑌤𑍍𑌵𑌾𑌂 𑌭𑌜𑌤𑍋 𑌮𑌮 𑌦𑍇𑌹𑌿 𑌦𑌯𑌾𑌘𑌨 𑌹𑍇 𑌹𑌨𑍁𑌮𑌨𑍍 𑌸𑍍𑌵𑌪𑌦𑌾𑌂𑌬𑍁𑌜𑌦𑌾𑌸𑍍𑌯𑌮𑍍 ॥ 4 ॥

𑌸𑌂𑌸𑍃𑌤𑌿𑌘𑍋𑌰𑌮𑌹𑌾𑌗𑌹𑌨𑍇 𑌚𑌰𑌤𑍋 𑌮𑌣𑌿𑌰𑌂𑌜𑌿𑌤𑌪𑍁𑌣𑍍𑌯𑌸𑍁𑌮𑍂𑌰𑍍𑌤𑍇𑌃
𑌮𑌨𑍍𑌮𑌥𑌭𑍀𑌕𑌰𑌘𑍋𑌰𑌮𑌹𑍋𑌗𑍍𑌰𑌮𑍃𑌗𑌪𑍍𑌰𑌵𑌰𑌾𑌰𑍍𑌦𑌿𑌤𑌗𑌾𑌤𑍍𑌰𑌸𑍁𑌸𑌂𑌧𑍇𑌃 ।
𑌮𑌤𑍍𑌸𑌰𑌤𑌾𑌪𑌵𑌿𑌶𑍇𑌷𑌨𑌿𑌪𑍀𑌡𑌿𑌤𑌬𑌾𑌹𑍍𑌯𑌮𑌤𑍇𑌶𑍍𑌚 𑌕𑌥𑌂 𑌚𑌿𑌦𑌮𑍇𑌯𑌂
𑌤𑍍𑌵𑌾𑌂 𑌭𑌜𑌤𑍋 𑌮𑌮 𑌦𑍇𑌹𑌿 𑌦𑌯𑌾𑌘𑌨 𑌹𑍇 𑌹𑌨𑍁𑌮𑌨𑍍 𑌸𑍍𑌵𑌪𑌦𑌾𑌂𑌬𑍁𑌜𑌦𑌾𑌸𑍍𑌯𑌮𑍍 ॥ 5 ॥

𑌸𑌂𑌸𑍃𑌤𑌿𑌵𑍃𑌕𑍍𑌷𑌮𑌨𑍇𑌕𑌶𑌤𑌾𑌘𑌨𑌿𑌦𑌾𑌨𑌮𑌨𑌂𑌤𑌵𑌿𑌕𑌰𑍍𑌮𑌸𑍁𑌶𑌾𑌖𑌂
𑌦𑍁𑌃𑌖𑌫𑌲𑌂 𑌕𑌰𑌣𑌾𑌦𑌿𑌪𑌲𑌾𑌶𑌮𑌨𑌂𑌗𑌸𑍁𑌪𑍁𑌷𑍍𑌪𑌮𑌚𑌿𑌂𑌤𑍍𑌯𑌸𑍁𑌮𑍂𑌲𑌮𑍍 ।
𑌤𑌂 𑌹𑍍𑌯𑌧𑌿𑌰𑍁𑌹𑍍𑌯 𑌹𑌰𑍇 𑌪𑌤𑌿𑌤𑌂 𑌶𑌰𑌣𑌾𑌗𑌤𑌮𑍇𑌵 𑌵𑌿𑌮𑍋𑌚𑌯 𑌮𑍂𑌢𑌂
𑌤𑍍𑌵𑌾𑌂 𑌭𑌜𑌤𑍋 𑌮𑌮 𑌦𑍇𑌹𑌿 𑌦𑌯𑌾𑌘𑌨 𑌹𑍇 𑌹𑌨𑍁𑌮𑌨𑍍 𑌸𑍍𑌵𑌪𑌦𑌾𑌂𑌬𑍁𑌜𑌦𑌾𑌸𑍍𑌯𑌮𑍍 ॥ 6 ॥

𑌸𑌂𑌸𑍃𑌤𑌿𑌪𑌨𑍍𑌨𑌗𑌵𑌕𑍍𑌤𑍍𑌰𑌭𑌯𑌂𑌕𑌰𑌦𑌂𑌷𑍍𑌟𑍍𑌰𑌮𑌹𑌾𑌵𑌿𑌷𑌦𑌗𑍍𑌧𑌶𑌰𑍀𑌰𑌂
𑌪𑍍𑌰𑌾𑌣𑌵𑌿𑌨𑌿𑌰𑍍𑌗𑌮𑌭𑍀𑌤𑌿𑌸𑌮𑌾𑌕𑍁𑌲𑌮𑌂𑌦𑌮𑌨𑌾𑌥𑌮𑌤𑍀𑌵 𑌵𑌿𑌷𑌣𑍍𑌣𑌮𑍍 ।
𑌮𑍋𑌹𑌮𑌹𑌾𑌕𑍁𑌹𑌰𑍇 𑌪𑌤𑌿𑌤𑌂 𑌦𑌯𑌯𑍋𑌦𑍍𑌧𑌰 𑌮𑌾𑌮𑌜𑌿𑌤𑍇𑌂𑌦𑍍𑌰𑌿𑌯𑌕𑌾𑌮𑌂
𑌤𑍍𑌵𑌾𑌂 𑌭𑌜𑌤𑍋 𑌮𑌮 𑌦𑍇𑌹𑌿 𑌦𑌯𑌾𑌘𑌨 𑌹𑍇 𑌹𑌨𑍁𑌮𑌨𑍍 𑌸𑍍𑌵𑌪𑌦𑌾𑌂𑌬𑍁𑌜𑌦𑌾𑌸𑍍𑌯𑌮𑍍 ॥ 𑍭 ॥

𑌇𑌂𑌦𑍍𑌰𑌿𑌯𑌨𑌾𑌮𑌕𑌚𑍋𑌰𑌗𑌣𑍈𑌰𑍍𑌹𑍃𑌤𑌤𑌤𑍍𑌤𑍍𑌵𑌵𑌿𑌵𑍇𑌕𑌮𑌹𑌾𑌧𑌨𑌰𑌾𑌶𑌿𑌂
𑌸𑌂𑌸𑍃𑌤𑌿𑌜𑌾𑌲𑌨𑌿𑌪𑌾𑌤𑌿𑌤𑌮𑍇𑌵 𑌮𑌹𑌾𑌬𑌲𑌿𑌭𑌿𑌶𑍍𑌚 𑌵𑌿𑌖𑌂𑌡𑌿𑌤𑌕𑌾𑌯𑌮𑍍 ।
𑌤𑍍𑌵𑌤𑍍𑌪𑌦𑌪𑌦𑍍𑌮𑌮𑌨𑍁𑌤𑍍𑌤𑌮𑌮𑌾𑌶𑍍𑌰𑌿𑌤𑌮𑌾𑌶𑍁 𑌕𑌪𑍀𑌶𑍍𑌵𑌰 𑌪𑌾𑌹𑌿 𑌕𑍃𑌪𑌾𑌳𑍋
𑌤𑍍𑌵𑌾𑌂 𑌭𑌜𑌤𑍋 𑌮𑌮 𑌦𑍇𑌹𑌿 𑌦𑌯𑌾𑌘𑌨 𑌹𑍇 𑌹𑌨𑍁𑌮𑌨𑍍 𑌸𑍍𑌵𑌪𑌦𑌾𑌂𑌬𑍁𑌜𑌦𑌾𑌸𑍍𑌯𑌮𑍍 ॥ 𑍮 ॥

𑌬𑍍𑌰𑌹𑍍𑌮𑌮𑌰𑍁𑌦𑍍𑌗𑌣𑌰𑍁𑌦𑍍𑌰𑌮𑌹𑍇𑌂𑌦𑍍𑌰𑌕𑌿𑌰𑍀𑌟𑌸𑍁𑌕𑍋𑌟𑌿𑌲𑌸𑌤𑍍𑌪𑌦𑌪𑍀𑌠𑌂
𑌦𑌾𑌶𑌰𑌥𑌿𑌂 𑌜𑌪𑌤𑌿 𑌕𑍍𑌷𑌿𑌤𑌿𑌮𑌂𑌡𑌲 𑌏𑌷 𑌨𑌿𑌧𑌾𑌯 𑌸𑌦𑍈𑌵 𑌹𑍃𑌦𑌬𑍍𑌜𑍇 ।
𑌤𑌸𑍍𑌯 𑌹𑌨𑍂𑌮𑌤 𑌏𑌵 𑌶𑌿𑌵𑌂𑌕𑌰𑌮𑌷𑍍𑌟𑌕𑌮𑍇𑌤𑌦𑌨𑌿𑌷𑍍𑌟𑌹𑌰𑌂 𑌵𑍈
𑌯𑌃 𑌸𑌤𑌤𑌂 𑌹𑌿 𑌪𑌠𑍇𑌤𑍍𑌸 𑌨𑌰𑍋 𑌲𑌭𑌤𑍇𑌽𑌚𑍍𑌯𑍁𑌤𑌰𑌾𑌮𑌪𑌦𑌾𑌬𑍍𑌜𑌨𑌿𑌵𑌾𑌸𑌮𑍍 ॥ 𑍯 ॥

𑌇𑌤𑌿 𑌶𑍍𑌰𑍀 𑌮𑌧𑍁𑌸𑍂𑌦𑌨𑌾𑌶𑍍𑌰𑌮 𑌶𑌿𑌷𑍍𑌯𑌾𑌽𑌚𑍍𑌯𑍁𑌤𑌵𑌿𑌰𑌚𑌿𑌤𑌂 𑌶𑍍𑌰𑍀𑌮𑌦𑍍𑌦𑌨𑍁𑌮𑌦𑌷𑍍𑌟𑌕𑌮𑍍 ।

Browse Related Categories: