𑌅𑌸𑍍𑌯 𑌶𑍍𑌰𑍀 𑌹𑌨𑍁𑌮𑌤𑍍 𑌕𑌵𑌚𑌸𑍍𑌤𑍋𑌤𑍍𑌰𑌮𑌹𑌾𑌮𑌂𑌤𑍍𑌰𑌸𑍍𑌯 𑌵𑌸𑌿𑌷𑍍𑌠 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 𑌶𑍍𑌰𑍀 𑌹𑌨𑍁𑌮𑌾𑌨𑍍 𑌦𑍇𑌵𑌤𑌾 𑌮𑌾𑌰𑍁𑌤𑌾𑌤𑍍𑌮𑌜 𑌇𑌤𑌿 𑌬𑍀𑌜𑌂 𑌅𑌂𑌜𑌨𑌾𑌸𑍂𑌨𑍁𑌰𑌿𑌤𑌿 𑌶𑌕𑍍𑌤𑌿𑌃 𑌵𑌾𑌯𑍁𑌪𑍁𑌤𑍍𑌰 𑌇𑌤𑌿 𑌕𑍀𑌲𑌕𑌂 𑌹𑌨𑍁𑌮𑌤𑍍𑌪𑍍𑌰𑌸𑌾𑌦 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌉𑌲𑍍𑌲𑌂𑌘𑍍𑌯 𑌸𑌿𑌂𑌧𑍋𑌸𑍍𑌸𑌲𑌿𑌲𑌂 𑌸𑌲𑍀𑌲𑌂
𑌯𑌶𑍍𑌶𑍋𑌕𑌵𑌹𑍍𑌨𑌿𑌂 𑌜𑌨𑌕𑌾𑌤𑍍𑌮𑌜𑌾𑌯𑌾𑌃 ।
𑌆𑌦𑌾𑌯 𑌤𑍇𑌨𑍈𑌵 𑌦𑌦𑌾𑌹 𑌲𑌂𑌕𑌾𑌂
𑌨𑌮𑌾𑌮𑌿 𑌤𑌂 𑌪𑍍𑌰𑌾𑌂𑌜𑌲𑌿𑌰𑌾𑌂𑌜𑌨𑍇𑌯𑌮𑍍 ॥ 1

𑌮𑌨𑍋𑌜𑌵𑌂 𑌮𑌾𑌰𑍁𑌤𑌤𑍁𑌲𑍍𑌯𑌵𑍇𑌗𑌂
𑌜𑌿𑌤𑍇𑌂𑌦𑍍𑌰𑌿𑌯𑌂 𑌬𑍁𑌦𑍍𑌧𑌿𑌮𑌤𑌾𑌂 𑌵𑌰𑌿𑌷𑍍𑌠𑌮𑍍 ।
𑌵𑌾𑌤𑌾𑌤𑍍𑌮𑌜𑌂 𑌵𑌾𑌨𑌰𑌯𑍂𑌥𑌮𑍁𑌖𑍍𑌯𑌂
𑌶𑍍𑌰𑍀𑌰𑌾𑌮𑌦𑍂𑌤𑌂 𑌶𑌿𑌰𑌸𑌾 𑌨𑌮𑌾𑌮𑌿 ॥ 2

𑌉𑌦𑍍𑌯𑌦𑌾𑌦𑌿𑌤𑍍𑌯𑌸𑌂𑌕𑌾𑌶𑌂 𑌉𑌦𑌾𑌰𑌭𑍁𑌜𑌵𑌿𑌕𑍍𑌰𑌮𑌮𑍍 ।
𑌕𑌂𑌦𑌰𑍍𑌪𑌕𑍋𑌟𑌿𑌲𑌾𑌵𑌣𑍍𑌯𑌂 𑌸𑌰𑍍𑌵𑌵𑌿𑌦𑍍𑌯𑌾𑌵𑌿𑌶𑌾𑌰𑌦𑌮𑍍 ॥ 3

𑌶𑍍𑌰𑍀𑌰𑌾𑌮𑌹𑍃𑌦𑌯𑌾𑌨𑌂𑌦𑌂 𑌭𑌕𑍍𑌤𑌕𑌲𑍍𑌪𑌮𑌹𑍀𑌰𑍁𑌹𑌮𑍍 ।
𑌅𑌭𑌯𑌂 𑌵𑌰𑌦𑌂 𑌦𑍋𑌰𑍍𑌭𑍍𑌯𑌾𑌂 𑌕𑌲𑌯𑍇 𑌮𑌾𑌰𑍁𑌤𑌾𑌤𑍍𑌮𑌜𑌮𑍍 ॥ 4

𑌶𑍍𑌰𑍀𑌰𑌾𑌮 𑌰𑌾𑌮 𑌰𑌾𑌮𑍇𑌤𑌿 𑌰𑌮𑍇 𑌰𑌾𑌮𑍇 𑌮𑌨𑍋𑌰𑌮𑍇 ।
𑌸𑌹𑌸𑍍𑌰𑌨𑌾𑌮 𑌤𑌤𑍍𑌤𑍁𑌲𑍍𑌯𑌂 𑌰𑌾𑌮𑌨𑌾𑌮 𑌵𑌰𑌾𑌨𑌨𑍇 ॥ 5

𑌪𑌾𑌦𑍌 𑌵𑌾𑌯𑍁𑌸𑍁𑌤𑌃 𑌪𑌾𑌤𑍁 𑌰𑌾𑌮𑌦𑍂𑌤𑌸𑍍𑌤𑌦𑌂𑌗𑍁𑌳𑍀𑌃 ।
𑌗𑍁𑌲𑍍𑌫𑍌 𑌹𑌰𑍀𑌶𑍍𑌵𑌰𑌃 𑌪𑌾𑌤𑍁 𑌜𑌂𑌘𑍇 𑌚𑌾𑌰𑍍𑌣𑌵𑌲𑌂𑌘𑌨𑌃 ॥ 6

𑌜𑌾𑌨𑍁𑌨𑍀 𑌮𑌾𑌰𑍁𑌤𑌿𑌃 𑌪𑌾𑌤𑍁 𑌊𑌰𑍂 𑌪𑌾𑌤𑍍𑌵𑌸𑍁𑌰𑌾𑌂𑌤𑌕𑌃 ।
𑌗𑍁𑌹𑍍𑌯𑌂 𑌵𑌜𑍍𑌰𑌤𑌨𑍁𑌃 𑌪𑌾𑌤𑍁 𑌜𑌘𑌨𑌂 𑌤𑍁 𑌜𑌗𑌦𑍍𑌧𑌿𑌤𑌃 ॥ 𑍭

𑌆𑌂𑌜𑌨𑍇𑌯𑌃 𑌕𑌟𑌿𑌂 𑌪𑌾𑌤𑍁 𑌨𑌾𑌭𑌿𑌂 𑌸𑍌𑌮𑌿𑌤𑍍𑌰𑌿𑌜𑍀𑌵𑌨𑌃 ।
𑌉𑌦𑌰𑌂 𑌪𑌾𑌤𑍁 𑌹𑍃𑌦𑍍𑌗𑍇𑌹𑍀 𑌹𑍃𑌦𑌯𑌂 𑌚 𑌮𑌹𑌾𑌬𑌲𑌃 ॥ 𑍮

𑌵𑌕𑍍𑌷𑍋 𑌵𑌾𑌲𑌾𑌯𑍁𑌧𑌃 𑌪𑌾𑌤𑍁 𑌸𑍍𑌤𑌨𑍌 𑌚𑌾𑌽𑌮𑌿𑌤𑌵𑌿𑌕𑍍𑌰𑌮𑌃 ।
𑌪𑌾𑌰𑍍𑌶𑍍𑌵𑍌 𑌜𑌿𑌤𑍇𑌂𑌦𑍍𑌰𑌿𑌯𑌃 𑌪𑌾𑌤𑍁 𑌬𑌾𑌹𑍂 𑌸𑍁𑌗𑍍𑌰𑍀𑌵𑌮𑌂𑌤𑍍𑌰𑌕𑍃𑌤𑍍 ॥ 𑍯

𑌕𑌰𑌾𑌵𑌕𑍍𑌷 𑌜𑌯𑍀 𑌪𑌾𑌤𑍁 𑌹𑌨𑍁𑌮𑌾𑌂𑌶𑍍𑌚 𑌤𑌦𑌂𑌗𑍁𑌳𑍀𑌃 ।
𑌪𑍃𑌷𑍍𑌠𑌂 𑌭𑌵𑌿𑌷𑍍𑌯𑌦𑍍𑌰𑍍𑌬𑌹𑍍𑌮𑌾 𑌚 𑌸𑍍𑌕𑌂𑌧𑍌 𑌮𑌤𑌿 𑌮𑌤𑌾𑌂 𑌵𑌰𑌃 ॥ 10

𑌕𑌂𑌠𑌂 𑌪𑌾𑌤𑍁 𑌕𑌪𑌿𑌶𑍍𑌰𑍇𑌷𑍍𑌠𑍋 𑌮𑍁𑌖𑌂 𑌰𑌾𑌵𑌣𑌦𑌰𑍍𑌪𑌹𑌾 ।
𑌵𑌕𑍍𑌤𑍍𑌰𑌂 𑌚 𑌵𑌕𑍍𑌤𑍃𑌪𑍍𑌰𑌵𑌣𑍋 𑌨𑍇𑌤𑍍𑌰𑍇 𑌦𑍇𑌵𑌗𑌣𑌸𑍍𑌤𑍁𑌤𑌃 ॥ 11

𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌸𑌨𑍍𑌮𑌾𑌨𑌕𑌰𑍋 𑌭𑍍𑌰𑍁𑌵𑍌 𑌮𑍇 𑌪𑌾𑌤𑍁 𑌸𑌰𑍍𑌵𑌦𑌾 ।
𑌕𑌾𑌮𑌰𑍂𑌪𑌃 𑌕𑌪𑍋𑌲𑍇 𑌮𑍇 𑌫𑌾𑌲𑌂 𑌵𑌜𑍍𑌰𑌨𑌖𑍋𑌽𑌵𑌤𑍁 ॥ 12

𑌶𑌿𑌰𑍋 𑌮𑍇 𑌪𑌾𑌤𑍁 𑌸𑌤𑌤𑌂 𑌜𑌾𑌨𑌕𑍀𑌶𑍋𑌕𑌨𑌾𑌶𑌨𑌃 ।
𑌶𑍍𑌰𑍀𑌰𑌾𑌮𑌭𑌕𑍍𑌤𑌪𑍍𑌰𑌵𑌰𑌃 𑌪𑌾𑌤𑍁 𑌸𑌰𑍍𑌵𑌕𑌳𑍇𑌬𑌰𑌮𑍍 ॥ 13

𑌮𑌾𑌮𑌹𑍍𑌨𑌿 𑌪𑌾𑌤𑍁 𑌸𑌰𑍍𑌵𑌜𑍍𑌞𑌃 𑌪𑌾𑌤𑍁 𑌰𑌾𑌤𑍍𑌰𑍌 𑌮𑌹𑌾𑌯𑌶𑌾𑌃 ।
𑌵𑌿𑌵𑌸𑍍𑌵𑌦𑌂𑌤𑍇𑌵𑌾𑌸𑍀 𑌚 𑌸𑌂𑌧𑍍𑌯𑌯𑍋𑌃 𑌪𑌾𑌤𑍁 𑌸𑌰𑍍𑌵𑌦𑌾 ॥ 14

𑌬𑍍𑌰𑌹𑍍𑌮𑌾𑌦𑌿𑌦𑍇𑌵𑌤𑌾𑌦𑌤𑍍𑌤𑌵𑌰𑌃 𑌪𑌾𑌤𑍁 𑌨𑌿𑌰𑌂𑌤𑌰𑌮𑍍 ।
𑌯 𑌇𑌦𑌂 𑌕𑌵𑌚𑌂 𑌨𑌿𑌤𑍍𑌯𑌂 𑌪𑌠𑍇𑌚𑍍𑌚 𑌶𑍃𑌣𑍁𑌯𑌾𑌨𑍍𑌨𑌰𑌃 ॥ 15

𑌦𑍀𑌰𑍍𑌘𑌮𑌾𑌯𑍁𑌰𑌵𑌾𑌪𑍍𑌨𑍋𑌤𑌿 𑌬𑌲𑌂 𑌦𑍃𑌷𑍍𑌟𑌿𑌂 𑌚 𑌵𑌿𑌂𑌦𑌤𑌿 ।
𑌪𑌾𑌦𑌾𑌕𑍍𑌰𑌾𑌂𑌤𑌾 𑌭𑌵𑌿𑌷𑍍𑌯𑌂𑌤𑌿 𑌪𑌠𑌤𑌸𑍍𑌤𑌸𑍍𑌯 𑌶𑌤𑍍𑌰𑌵𑌃 ।
𑌸𑍍𑌥𑌿𑌰𑌾𑌂 𑌸𑍁𑌕𑍀𑌰𑍍𑌤𑌿𑌮𑌾𑌰𑍋𑌗𑍍𑌯𑌂 𑌲𑌭𑌤𑍇 𑌶𑌾𑌶𑍍𑌵𑌤𑌂 𑌸𑍁𑌖𑌮𑍍 ॥ 16

𑌇𑌤𑌿 𑌨𑌿𑌗𑌦𑌿𑌤𑌵𑌾𑌕𑍍𑌯𑌵𑍃𑌤𑍍𑌤 𑌤𑍁𑌭𑍍𑌯𑌂
𑌸𑌕𑌲𑌮𑌪𑌿 𑌸𑍍𑌵𑌯𑌮𑌾𑌂𑌜𑌨𑍇𑌯 𑌵𑍃𑌤𑍍𑌤𑌮𑍍 ।
𑌅𑌪𑌿 𑌨𑌿𑌜𑌜𑌨𑌰𑌕𑍍𑌷𑌣𑍈𑌕𑌦𑍀𑌕𑍍𑌷𑍋
𑌵𑌶𑌗 𑌤𑌦𑍀𑌯 𑌮𑌹𑌾𑌮𑌨𑍁𑌪𑍍𑌰𑌭𑌾𑌵𑌃 ॥ 1𑍭

𑌇𑌤𑌿 𑌶𑍍𑌰𑍀 𑌹𑌨𑍁𑌮𑌤𑍍 𑌕𑌵𑌚𑌮𑍍 ॥