Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.54 𑌸𑍁𑌂𑌦𑌰𑌕𑌾𑌂𑌡 - 𑌚𑌤𑍁𑌃𑌪𑌂𑌚𑌾𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌃𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।

𑌵𑍀𑌕𑍍𑌷𑌮𑌾𑌣𑌸𑍍𑌤𑌤𑍋 𑌲𑌂𑌕𑌾𑌂 𑌕𑌪𑌿𑌃 𑌕𑍃𑌤𑌮𑌨𑍋𑌰𑌥𑌃 ॥ 1 ॥

𑌵𑌰𑍍𑌧𑌮𑌾𑌨𑌸𑌮𑍁𑌤𑍍𑌸𑌾𑌹𑌃 𑌕𑌾𑌰𑍍𑌯𑌶𑍇𑌷𑌮𑌚𑌿𑌂𑌤𑌯𑌤𑍍 ।
𑌕𑌿𑌨𑍍𑌨𑍁 𑌖𑌲𑍍𑌵𑌵𑌶𑌿𑌷𑍍𑌟𑌂 𑌮𑍇 𑌕𑌰𑍍𑌤𑌵𑍍𑌯𑌮𑌿𑌹 𑌸𑌾𑌂𑌪𑍍𑌰𑌤𑌮𑍍 ॥ 2 ॥

𑌯𑌦𑍇𑌷𑌾𑌂 𑌰𑌕𑍍𑌷𑌸𑌾𑌂 𑌭𑍂𑌯𑌃 𑌸𑌂𑌤𑌾𑌪𑌜𑌨𑌨𑌂 𑌭𑌵𑍇𑌤𑍍 ।
𑌵𑌨𑌂 𑌤𑌾𑌵𑌤𑍍𑌪𑍍𑌰𑌮𑌥𑌿𑌤𑌂 𑌪𑍍𑌰𑌕𑍃𑌷𑍍𑌟𑌾 𑌰𑌾𑌕𑍍𑌷𑌸𑌾 𑌹𑌤𑌾𑌃 ॥ 3 ॥

𑌬𑌲𑍈𑌕𑌦𑍇𑌶𑌃 𑌕𑍍𑌷𑌪𑌿𑌤𑌶𑍍𑌶𑍇𑌷𑌂 𑌦𑍁𑌰𑍍𑌗𑌵𑌿𑌨𑌾𑌶𑌨𑌮𑍍 ।
𑌦𑍁𑌰𑍍𑌗𑍇 𑌵𑌿𑌨𑌾𑌶𑌿𑌤𑍇 𑌕𑌰𑍍𑌮 𑌭𑌵𑍇𑌤𑍍𑌸𑍁𑌖𑌪𑌰𑌿𑌶𑍍𑌰𑌮𑌮𑍍 ।
𑌅𑌲𑍍𑌪𑌯𑌤𑍍𑌨𑍇𑌨 𑌕𑌾𑌰𑍍𑌯𑍇𑌽𑌸𑍍𑌮𑌿𑌨𑍍 𑌮𑌮 𑌸𑍍𑌯𑌾𑌤𑍍𑌸𑌫𑌲𑌶𑍍𑌶𑍍𑌰𑌮𑌃 ॥ 4 ॥

𑌯𑍋 𑌹𑍍𑌯𑌯𑌂 𑌮𑌮 𑌲𑌾𑌂𑌗𑍂𑌲𑍇 𑌦𑍀𑌪𑍍𑌯𑌤𑍇 𑌹𑌵𑍍𑌯𑌵𑌾𑌹𑌨𑌃 ।
𑌅𑌸𑍍𑌯 𑌸𑌂𑌤𑌰𑍍𑌪𑌣𑌂 𑌨𑍍𑌯𑌾𑌯𑍍𑌯𑌂 𑌕𑌰𑍍𑌤𑍁𑌮𑍇𑌭𑌿𑌰𑍍𑌗𑍃𑌹𑍋𑌤𑍍𑌤𑌮𑍈𑌃 ॥ 5 ॥

𑌤𑌤𑌃 𑌪𑍍𑌰𑌦𑍀𑌪𑍍𑌤𑌲𑌾𑌂𑌗𑍂𑌲𑌸𑍍𑌸𑌵𑌿𑌦𑍍𑌯𑍁𑌦𑌿𑌵 𑌤𑍋𑌯𑌦𑌃 ।
𑌭𑌵𑌨𑌾𑌗𑍍𑌰𑍇𑌷𑍁 𑌲𑌂𑌕𑌾𑌯𑌾 𑌵𑌿𑌚𑌚𑌾𑌰 𑌮𑌹𑌾𑌕𑌪𑌿𑌃 ॥ 6 ॥

𑌗𑍃𑌹𑌾𑌦𑍍𑌗𑍃𑌹𑌂 𑌰𑌾𑌕𑍍𑌷𑌸𑌾𑌨𑌾𑌮𑍁𑌦𑍍𑌯𑌾𑌨𑌾𑌨𑌿 𑌚 𑌵𑌾𑌨𑌰𑌃 ।
𑌵𑍀𑌕𑍍𑌷𑌮𑌾𑌣𑍋 𑌹𑍍𑌯𑌸𑌂𑌤𑍍𑌰𑌸𑍍𑌤𑌃 𑌪𑍍𑌰𑌾𑌸𑌾𑌦𑌾𑌂𑌶𑍍𑌚 𑌚𑌚𑌾𑌰 𑌸𑌃 ॥ 𑍭 ॥

𑌅𑌵𑌪𑍍𑌲𑍁𑌤𑍍𑌯 𑌮𑌹𑌾𑌵𑍇𑌗𑌃 𑌪𑍍𑌰𑌹𑌸𑍍𑌤𑌸𑍍𑌯 𑌨𑌿𑌵𑍇𑌶𑌨𑌮𑍍 ।
𑌅𑌗𑍍𑌨𑌿𑌂 𑌤𑌤𑍍𑌰 𑌸 𑌨𑌿𑌕𑍍𑌷𑌿𑌪𑍍𑌯 𑌶𑍍𑌵𑌸𑌨𑍇𑌨 𑌸𑌮𑍋 𑌬𑌲𑍀 ॥ 𑍮 ॥

𑌤𑌤𑍋𑌽𑌨𑍍𑌯𑌤𑍍𑌪𑍁𑌪𑍍𑌲𑍁𑌵𑍇 𑌵𑍇𑌶𑍍𑌮 𑌮𑌹𑌾𑌪𑌾𑌰𑍍𑌶𑍍𑌵𑌸𑍍𑌯 𑌵𑍀𑌰𑍍𑌯𑌵𑌾𑌨𑍍 ।
𑌮𑍁𑌮𑍋𑌚 𑌹𑌨𑍁𑌮𑌾𑌨𑌗𑍍𑌨𑌿𑌂 𑌕𑌾𑌲𑌾𑌨𑌲𑌶𑌿𑌖𑍋𑌪𑌮𑌮𑍍 ॥ 𑍯 ॥

𑌵𑌜𑍍𑌰𑌦𑌂𑌷𑍍𑌟𑍍𑌰𑌸𑍍𑌯 𑌚 𑌤𑌦𑌾 𑌪𑍁𑌪𑍍𑌲𑍁𑌵𑍇 𑌸 𑌮𑌹𑌾𑌕𑌪𑌿𑌃 ।
𑌶𑍁𑌕𑌸𑍍𑌯 𑌚 𑌮𑌹𑌾𑌤𑍇𑌜𑌾𑌸𑍍𑌸𑌾𑌰𑌣𑌸𑍍𑌯 𑌚 𑌧𑍀𑌮𑌤𑌃 ॥ 10 ॥

𑌤𑌥𑌾 𑌚𑍇𑌂𑌦𑍍𑌰𑌜𑌿𑌤𑍋 𑌵𑍇𑌶𑍍𑌮 𑌦𑌦𑌾𑌹 𑌹𑌰𑌿𑌯𑍂𑌥𑌪𑌃 ।
𑌜𑌂𑌬𑍁𑌮𑌾𑌲𑍇 𑌸𑍍𑌸𑍁𑌮𑌾𑌲𑍇𑌶𑍍𑌚 𑌦𑌦𑌾𑌹 𑌭𑌵𑌨𑌂 𑌤𑌤𑌃 ॥ 11 ॥

𑌰𑌶𑍍𑌮𑌿𑌕𑍇𑌤𑍋𑌶𑍍𑌚 𑌭𑌵𑌨𑌂 𑌸𑍂𑌰𑍍𑌯𑌶𑌤𑍍𑌰𑍋𑌸𑍍𑌤𑌥𑍈𑌵 𑌚 ।
𑌹𑍍𑌰𑌸𑍍𑌵𑌕𑌰𑍍𑌣𑌸𑍍𑌯 𑌦𑌂𑌷𑍍𑌟𑍍𑌰𑌸𑍍𑌯 𑌰𑍋𑌮𑌶𑌸𑍍𑌯 𑌚 𑌰𑌕𑍍𑌷𑌸𑌃 ॥ 12 ॥

𑌯𑍁𑌦𑍍𑌧𑍋𑌨𑍍𑌮𑌤𑍍𑌤𑌸𑍍𑌯 𑌮𑌤𑍍𑌤𑌸𑍍𑌯 𑌧𑍍𑌵𑌜𑌗𑍍𑌰𑍀𑌵𑌸𑍍𑌯 𑌰𑌕𑍍𑌷𑌸𑌃 ।
𑌵𑌿𑌦𑍍𑌯𑍁𑌜𑍍𑌜𑌿𑌹𑍍𑌵𑌸𑍍𑌯 𑌘𑍋𑌰𑌸𑍍𑌯 𑌤𑌥𑌾 𑌹𑌸𑍍𑌤𑌿𑌮𑍁𑌖𑌸𑍍𑌯 𑌚 ॥ 13 ॥

𑌕𑌰𑌾𑌲𑌸𑍍𑌯 𑌪𑌿𑌶𑌾𑌚𑌸𑍍𑌯 𑌶𑍋𑌣𑌿𑌤𑌾𑌕𑍍𑌷𑌸𑍍𑌯 𑌚𑍈𑌵 𑌹𑌿 ।
𑌕𑍁𑌂𑌭𑌕𑌰𑍍𑌣𑌸𑍍𑌯 𑌭𑌵𑌨𑌂 𑌮𑌕𑌰𑌾𑌕𑍍𑌷𑌸𑍍𑌯 𑌚𑍈𑌵 𑌹𑌿 ॥ 14 ॥

𑌯𑌜𑍍𑌞𑌶𑌤𑍍𑌰𑍋𑌶𑍍𑌚 𑌭𑌵𑌨𑌂 𑌬𑍍𑌰𑌹𑍍𑌮𑌶𑌤𑍍𑌰𑍋𑌸𑍍𑌤𑌥𑍈𑌵 𑌚 ।
𑌨𑌰𑌾𑌂𑌤𑌕𑌸𑍍𑌯 𑌕𑍁𑌂𑌭𑌸𑍍𑌯 𑌨𑌿𑌕𑍁𑌂𑌭𑌸𑍍𑌯 𑌦𑍁𑌰𑌾𑌤𑍍𑌮𑌨𑌃 ॥ 15 ॥

𑌵𑌰𑍍𑌜𑌯𑌿𑌤𑍍𑌵𑌾 𑌮𑌹𑌾𑌤𑍇𑌜𑌾 𑌵𑌿𑌭𑍀𑌷𑌣𑌗𑍃𑌹𑌂 𑌪𑍍𑌰𑌤𑌿 ।
𑌕𑍍𑌰𑌮𑌮𑌾𑌣𑌃 𑌕𑍍𑌰𑌮𑍇𑌣𑍈𑌵 𑌦𑌦𑌾𑌹 𑌹𑌰𑌿𑌪𑍁𑌂𑌗𑌵𑌃 ॥ 16 ॥

𑌤𑍇𑌷𑍁 𑌤𑍇𑌷𑍁 𑌮𑌹𑌾𑌰𑍍𑌹𑍇𑌷𑍁 𑌭𑌵𑌨𑍇𑌷𑍁 𑌮𑌹𑌾𑌯𑌶𑌾𑌃 ।
𑌗𑍃𑌹𑍇𑌷𑍍𑌵𑍃𑌦𑍍𑌧𑌿𑌮𑌤𑌾𑌮𑍃𑌦𑍍𑌧𑌿𑌂 𑌦𑌦𑌾𑌹 𑌸 𑌮𑌹𑌾𑌕𑌪𑌿𑌃 ॥ 1𑍭 ॥

𑌸𑌰𑍍𑌵𑍇𑌷𑌾𑌂 𑌸𑌮𑌤𑌿𑌕𑍍𑌰𑌮𑍍𑌯 𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯 𑌵𑍀𑌰𑍍𑌯𑌵𑌾𑌨𑍍 ।
𑌆𑌸𑌸𑌾𑌦𑌾𑌥 𑌲𑌕𑍍𑌷𑍍𑌮𑍀𑌵𑌾𑌨𑍍 𑌰𑌾𑌵𑌣𑌸𑍍𑌯 𑌨𑌿𑌵𑍇𑌶𑌨𑌮𑍍 ॥ 1𑍮 ॥

𑌤𑌤𑌸𑍍𑌤𑌸𑍍𑌮𑌿𑌨𑍍 𑌗𑍃𑌹𑍇 𑌮𑍁𑌖𑍍𑌯𑍇 𑌨𑌾𑌨𑌾𑌰𑌤𑍍𑌨𑌵𑌿𑌭𑍂𑌷𑌿𑌤𑍇 ।
𑌮𑍇𑌰𑍁𑌮𑌂𑌦𑌰𑌸𑌂𑌕𑌾𑌶𑍇 𑌸𑌰𑍍𑌵𑌮𑌂𑌗𑌳𑌶𑍋𑌭𑌿𑌤𑍇 ॥ 1𑍯 ॥

𑌪𑍍𑌰𑌦𑍀𑌪𑍍𑌤𑌮𑌗𑍍𑌨𑌿𑌮𑍁𑌤𑍍𑌸𑍃𑌜𑍍𑌯 𑌲𑌾𑌂𑌗𑍂𑌲𑌾𑌗𑍍𑌰𑍇 𑌪𑍍𑌰𑌤𑌿𑌷𑍍𑌠𑌿𑌤𑌮𑍍 ।
𑌨𑌨𑌾𑌦 𑌹𑌨𑍁𑌮𑌾𑌨𑍍𑌵𑍀𑌰𑍋 𑌯𑍁𑌗𑌾𑌂𑌤𑌜𑌲𑌦𑍋 𑌯𑌥𑌾 ॥ 20 ॥

𑌶𑍍𑌵𑌸𑌨𑍇𑌨 𑌚 𑌸𑌂𑌯𑍋𑌗𑌾𑌦𑌤𑌿𑌵𑍇𑌗𑍋 𑌮𑌹𑌾𑌬𑌲𑌃 ।
𑌕𑌾𑌲𑌾𑌗𑍍𑌨𑌿𑌰𑌿𑌵 𑌜𑌜𑍍𑌵𑌾𑌲 𑌪𑍍𑌰𑌾𑌵𑌰𑍍𑌧𑌤 𑌹𑍁𑌤𑌾𑌶𑌨𑌃 ॥ 21 ॥

𑌪𑍍𑌰𑌦𑍀𑌪𑍍𑌤𑌮𑌗𑍍𑌨𑌿𑌂 𑌪𑌵𑌨𑌸𑍍𑌤𑍇𑌷𑍁 𑌵𑍇𑌶𑍍𑌮𑌸𑍍𑌵𑌚𑌾𑌰𑌯𑌤𑍍 ।
𑌅𑌭𑍂𑌚𑍍𑌛𑍍𑌵𑌸𑌨𑌸𑌂𑌯𑍋𑌗𑌾𑌦𑌤𑌿𑌵𑍇𑌗𑍋 𑌹𑍁𑌤𑌾𑌶𑌨𑌃 ॥ 22 ॥

𑌤𑌾𑌨𑌿 𑌕𑌾𑌂𑌚𑌨𑌜𑌾𑌲𑌾𑌨𑌿 𑌮𑍁𑌕𑍍𑌤𑌾𑌮𑌣𑌿𑌮𑌯𑌾𑌨𑌿 𑌚 ।
𑌭𑌵𑌨𑌾𑌨𑍍𑌯𑌵𑌶𑍀𑌰𑍍𑌯𑌂𑌤 𑌰𑌤𑍍𑌨𑌵𑌂𑌤𑌿 𑌮𑌹𑌾𑌂𑌤𑌿 𑌚 ॥ 23 ॥

𑌸𑌂𑌜𑌜𑍍𑌞𑍇 𑌤𑍁𑌮𑍁𑌲𑌶𑍍𑌶𑌬𑍍𑌦𑍋 𑌰𑌾𑌕𑍍𑌷𑌸𑌾𑌨𑌾𑌂 𑌪𑍍𑌰𑌧𑌾𑌵𑌤𑌾𑌮𑍍 ।
𑌸𑍍𑌵𑌗𑍃𑌹𑌸𑍍𑌯 𑌪𑌰𑌿𑌤𑍍𑌰𑌾𑌣𑍇 𑌭𑌗𑍍𑌨𑍋𑌤𑍍𑌸𑌾𑌹𑍋𑌰𑍍𑌜𑌿𑌤𑌶𑍍𑌰𑌿𑌯𑌾𑌮𑍍 ॥ 24 ॥

𑌨𑍂𑌨𑌮𑍇𑌷𑍋𑌽𑌗𑍍𑌨𑌿𑌰𑌾𑌯𑌾𑌤𑌃 𑌕𑌪𑌿𑌰𑍂𑌪𑍇𑌣 𑌹𑌾 𑌇𑌤𑌿 ।
𑌕𑍍𑌰𑌂𑌦𑌂𑌤𑍍𑌯𑌸𑍍𑌸𑌹𑌸𑌾 𑌪𑍇𑌤𑍁𑌃 𑌸𑍍𑌤𑌨𑌂𑌧𑌯𑌧𑌰𑌾𑌃 𑌸𑍍𑌤𑍍𑌰𑌿𑌯𑌃 ॥ 25 ॥

𑌕𑌾𑌶𑍍𑌚𑌿𑌦𑌗𑍍𑌨𑌿𑌪𑌰𑍀𑌤𑍇𑌭𑍍𑌯𑍋 𑌹𑌰𑍍𑌮𑍇𑌭𑍍𑌯𑍋 𑌮𑍁𑌕𑍍𑌤𑌮𑍂𑌰𑍍𑌧𑌜𑌾𑌃 ।
𑌪𑌤𑌂𑌤𑍍𑌯𑍋 𑌰𑍇𑌜𑌿𑌰𑍇𑌽𑌭𑍍𑌰𑍇𑌭𑍍𑌯𑌸𑍍𑌸𑍌𑌦𑌾𑌮𑌨𑍍𑌯 𑌇𑌵𑌾𑌂𑌬𑌰𑌾𑌤𑍍 ॥ 26 ॥

𑌵𑌜𑍍𑌰𑌵𑌿𑌦𑍍𑌰𑍁𑌮𑌵𑍈𑌦𑍂𑌰𑍍𑌯𑌮𑍁𑌕𑍍𑌤𑌾𑌰𑌜𑌤𑌸𑌂𑌹𑌿𑌤𑌾𑌨𑍍 ।
𑌵𑌿𑌚𑌿𑌤𑍍𑌰𑌾𑌨𑍍𑌭𑌵𑌨𑌾𑌦𑍍𑌧𑌾𑌤𑍂𑌨𑍍 𑌸𑍍𑌯𑌂𑌦𑌮𑌾𑌨𑌾𑌂𑌦𑌦𑌰𑍍𑌶 𑌸𑌃 ॥ 2𑍭 ॥

𑌨𑌾𑌗𑍍𑌨𑌿𑌸𑍍𑌤𑍃𑌪𑍍𑌯𑌤𑌿 𑌕𑌾𑌷𑍍𑌠𑌾𑌨𑌾𑌂 𑌤𑍃𑌣𑌾𑌨𑌾𑌂 𑌚 𑌯𑌥𑌾 𑌤𑌥𑌾 ।
𑌹𑌨𑍂𑌮𑌾𑌨𑍍 𑌰𑌾𑌕𑍍𑌷𑌸𑍇𑌂𑌦𑌾𑌣𑌾𑌂 𑌵𑌿𑌶𑌸𑍍𑌤𑌾𑌨𑌾𑌂 𑌨 𑌤𑍃𑌪𑍍𑌯𑌤𑌿 ॥ 2𑍮 ॥

𑌕𑍍𑌵𑌚𑌿𑌤𑍍𑌕𑌿𑌂𑌶𑍁𑌕𑌸𑌂𑌕𑌾𑌶𑌾𑌃 𑌕𑍍𑌵𑌚𑌿𑌚𑍍𑌛𑌾𑌲𑍍𑌮𑌲𑌿𑌸𑌨𑍍𑌨𑌿𑌭𑌾𑌃 ॥ 2𑍯 ॥

𑌕𑍍𑌵𑌚𑌿𑌤𑍍𑌕𑍁𑌂𑌕𑍁𑌮𑌸𑌂𑌕𑌾𑌶𑌾𑌶𑍍𑌶𑌿𑌖𑌾 𑌵𑌹𑍍𑌨𑍇𑌶𑍍𑌚𑌕𑌾𑌶𑌿𑌰𑍇 ।
𑌹𑌨𑍂𑌮𑌤𑌾 𑌵𑍇𑌗𑌵𑌤𑌾 𑌵𑌾𑌨𑌰𑍇𑌣 𑌮𑌹𑌾𑌤𑍍𑌮𑌨𑌾 ।
𑌲𑌂𑌕𑌾𑌪𑍁𑌰𑌂 𑌪𑍍𑌰𑌦𑌗𑍍𑌧𑌂 𑌤𑌦𑍍𑌰𑍁𑌦𑍍𑌰𑍇𑌣 𑌤𑍍𑌰𑌿𑌪𑍁𑌰𑌂 𑌯𑌥𑌾 ॥ 30 ॥

𑌤𑌤𑌸𑍍𑌤𑍁 𑌲𑌂𑌕𑌾𑌪𑍁𑌰𑌪𑌰𑍍𑌵𑌤𑌾𑌗𑍍𑌰𑍇 𑌸𑌮𑍁𑌤𑍍𑌥𑌿𑌤𑍋 𑌭𑍀𑌮𑌪𑌰𑌾𑌕𑍍𑌰𑌮𑍋𑌽𑌗𑍍𑌨𑌿𑌃 ।
𑌪𑍍𑌰𑌸𑌾𑌰𑍍𑌯 𑌚𑍂𑌡𑌾𑌵𑌲𑌯𑌂 𑌪𑍍𑌰𑌦𑍀𑌪𑍍𑌤𑍋 𑌹𑌨𑍂𑌮𑌤𑌾 𑌵𑍇𑌗𑌵𑌤𑌾 𑌵𑌿𑌸𑍃𑌷𑍍𑌟𑌃 ॥ 31 ॥

𑌯𑍁𑌗𑌾𑌂𑌤𑌕𑌾𑌲𑌾𑌨𑌲𑌤𑍁𑌲𑍍𑌯𑌵𑍇𑌗 𑌸𑍍𑌸𑌮𑌾𑌰𑍁𑌤𑍋𑌽𑌗𑍍𑌨𑌿𑌰𑍍𑌵𑌵𑍃𑌧𑍇 𑌦𑌿𑌵𑌿𑌸𑍍𑌪𑍃𑌕𑍍 ।
𑌵𑌿𑌧𑍂𑌮𑌰𑌶𑍍𑌮𑌿𑌰𑍍𑌭𑌵𑌨𑍇𑌷𑍁 𑌸𑌕𑍍𑌤𑍋 𑌰𑌕𑍍𑌷𑌶𑍍𑌶𑌰𑍀𑌰𑌾𑌜𑍍𑌯𑌸𑌮𑌰𑍍𑌪𑌤𑌾𑌰𑍍𑌚𑌿𑌃 ॥ 32 ॥

𑌆𑌦𑌿𑌤𑍍𑌯𑌕𑍋𑌟𑍀𑌸𑌦𑍃𑌶𑌸𑍍𑌸𑍁𑌤𑍇𑌜𑌾 𑌲𑌂𑌕𑌾𑌂 𑌸𑌮𑌸𑍍𑌤𑌾𑌂 𑌪𑌰𑌿𑌵𑌾𑌰𑍍𑌯 𑌤𑌿𑌷𑍍𑌠𑌨𑍍 ।
𑌶𑌬𑍍𑌦𑍈𑌰𑌨𑍇𑌕𑍈𑌰𑌶𑌨𑌿𑌪𑍍𑌰𑌰𑍂𑌢𑍈𑌰𑍍𑌭𑌿𑌂𑌦𑌨𑍍𑌨𑌿𑌵𑌾𑌂𑌡𑌂 𑌪𑍍𑌰𑌬𑌭𑍌 𑌮𑌹𑌾𑌗𑍍𑌨𑌿𑌃 ॥ 33 ॥

𑌤𑌤𑍍𑌰𑌾𑌂𑌬𑌰𑌾𑌦𑌗𑍍𑌨𑌿𑌰𑌤𑌿𑌪𑍍𑌰𑌵𑍃𑌦𑍍𑌧𑍋 𑌰𑍂𑌕𑍍𑌷𑌪𑍍𑌰𑌭𑌃 𑌕𑌿𑌂𑌶𑍁𑌕𑌪𑍁𑌷𑍍𑌪𑌚𑍂𑌡𑌃 ।
𑌨𑌿𑌰𑍍𑌵𑌾𑌣𑌧𑍂𑌮𑌾𑌕𑍁𑌲𑌰𑌾𑌜𑌯𑌶𑍍𑌚 𑌨𑍀𑌲𑍋𑌤𑍍𑌪𑌲𑌾𑌭𑌾𑌃 𑌪𑍍𑌰𑌚𑌕𑌾𑌶𑌿𑌰𑍇𑌽𑌭𑍍𑌰𑌾𑌃 ॥ 34 ॥

𑌵𑌜𑍍𑌰𑍀 𑌮𑌹𑍇𑌂𑌦𑍍𑌰𑌸𑍍𑌤𑍍𑌰𑌿𑌦𑌶𑍇𑌶𑍍𑌵𑌰𑍋 𑌵𑌾 𑌸𑌾𑌕𑍍𑌷𑌾𑌦𑍍𑌯𑌮𑍋 𑌵𑌾 𑌵𑌰𑍁𑌣𑍋𑌽𑌨𑌿𑌲𑍋 𑌵𑌾 ।
𑌰𑍁𑌦𑍍𑌰𑍋𑌽𑌗𑍍𑌨𑌿𑌰𑌰𑍍𑌕𑍋 𑌧𑌨𑌦𑌶𑍍𑌚 𑌸𑍋𑌮𑍋 𑌨 𑌵𑌾𑌨𑌰𑍋𑌽𑌯𑌂 𑌸𑍍𑌵𑌯𑌮𑍇𑌵 𑌕𑌾𑌲𑌃 ॥ 35 ॥

𑌕𑌿𑌂 𑌬𑍍𑌰𑌹𑍍𑌮𑌣𑌸𑍍𑌸𑌰𑍍𑌵𑌪𑌿𑌤𑌾𑌮𑌹𑌸𑍍𑌯 𑌸𑌰𑍍𑌵𑌸𑍍𑌯 𑌧𑌾𑌤𑍁𑌶𑍍𑌚𑌤𑍁𑌰𑌾𑌨𑌨𑌸𑍍𑌯 ।
𑌇𑌹𑌾𑌽𑌽𑌗𑌤𑍋 𑌵𑌾𑌨𑌰𑌰𑍂𑌪𑌧𑌾𑌰𑍀 𑌰𑌕𑍍𑌷𑍋𑌪𑌸𑌂𑌹𑌾𑌰𑌕𑌰𑌃 𑌪𑍍𑌰𑌕𑍋𑌪𑌃 ॥ 36 ॥

𑌕𑌿𑌂 𑌵𑍈𑌷𑍍𑌣𑌵𑌂 𑌵𑌾 𑌕𑌪𑌿𑌰𑍂𑌪𑌮𑍇𑌤𑍍𑌯 𑌰𑌕𑍍𑌷𑍋𑌵𑌿𑌨𑌾𑌶𑌾𑌯 𑌪𑌰𑌂 𑌸𑍁𑌤𑍇𑌜𑌃 ।
𑌅𑌨𑌂𑌤𑌮𑌵𑍍𑌯𑌕𑍍𑌤𑌮𑌚𑌿𑌂𑌤𑍍𑌯𑌮𑍇𑌕𑌂 𑌸𑍍𑌵𑌮𑌾𑌯𑌯𑌾 𑌸𑌾𑌂𑌪𑍍𑌰𑌤𑌮𑌾𑌗𑌤𑌂 𑌵𑌾 ॥ 3𑍭 ॥

𑌇𑌤𑍍𑌯𑍇𑌵𑌮𑍂𑌚𑍁𑌰𑍍𑌬𑌹𑌵𑍋 𑌵𑌿𑌶𑌿𑌷𑍍𑌟𑌾 𑌰𑌕𑍍𑌷𑍋𑌗𑌣𑌾𑌸𑍍𑌤𑌤𑍍𑌰 𑌸𑌮𑍇𑌤𑍍𑌯 𑌸𑌰𑍍𑌵𑍇 ।
𑌸𑌪𑍍𑌰𑌾𑌣𑌿𑌸𑌂𑌘𑌾𑌂 𑌸𑌗𑍃𑌹𑌾𑌂 𑌸𑌵𑍃𑌕𑍍𑌷𑌾𑌂 𑌦𑌗𑍍𑌧𑌾𑌂 𑌪𑍁𑌰𑍀𑌂 𑌤𑌾𑌂 𑌸𑌹𑌸𑌾 𑌸𑌮𑍀𑌕𑍍𑌷𑍍𑌯 ॥ 3𑍮 ॥

𑌤𑌤𑌸𑍍𑌤𑍁 𑌲𑌂𑌕𑌾 𑌸𑌹𑌸𑌾 𑌪𑍍𑌰𑌦𑌗𑍍𑌧𑌾 𑌸𑌰𑌾𑌕𑍍𑌷𑌸𑌾 𑌸𑌾𑌶𑍍𑌵𑌰𑌥𑌾 𑌸𑌨𑌾𑌗𑌾 ।
𑌸𑌪𑌕𑍍𑌷𑌿𑌸𑌂𑌘𑌾 𑌸𑌮𑍃𑌗𑌾 𑌸𑌵𑍃𑌕𑍍𑌷𑌾 𑌰𑍁𑌰𑍋𑌦 𑌦𑍀𑌨𑌾 𑌤𑍁𑌮𑍁𑌲𑌂 𑌸𑌶𑌬𑍍𑌦𑌮𑍍 ॥ 3𑍯 ॥

𑌹𑌾 𑌤𑌾𑌤 𑌹𑌾 𑌪𑍁𑌤𑍍𑌰𑌕 𑌕𑌾𑌂𑌤 𑌮𑌿𑌤𑍍𑌰 𑌹𑌾 𑌜𑍀𑌵𑌿𑌤𑌂 𑌭𑍋𑌗𑌯𑍁𑌤𑌂 𑌸𑍁𑌪𑍁𑌣𑍍𑌯𑌮𑍍 ।
𑌰𑌕𑍍𑌷𑍋𑌭𑌿𑌰𑍇𑌵𑌂 𑌬𑌹𑍁𑌧𑌾 𑌬𑍍𑌰𑍁𑌵𑌦𑍍𑌭𑌿 𑌶𑍍𑌶𑌬𑍍𑌦𑌃 𑌕𑍃𑌤𑍋 𑌘𑍋𑌰𑌤𑌰𑌸𑍍𑌸𑍁𑌭𑍀𑌮𑌃 ॥ 40 ॥

𑌹𑍁𑌤𑌾𑌶𑌨𑌜𑍍𑌵𑌾𑌲𑌸𑌮𑌾𑌵𑍃𑌤𑌾 𑌸𑌾 𑌹𑌤𑌪𑍍𑌰𑌵𑍀𑌰𑌾 𑌪𑌰𑌿𑌵𑍃𑌤𑍍𑌤𑌯𑍋𑌧𑌾 𑌹𑌨𑍂𑌮𑌤𑌃 𑌕𑍍𑌰𑍋𑌧𑌬𑌲𑌾𑌭𑌿𑌭𑍂𑌤𑌾 𑌬𑌭𑍂𑌵 𑌶𑌾𑌪𑍋𑌪𑌹𑌤𑍇𑌵 𑌲𑌂𑌕𑌾 ॥ 41 ॥

𑌸 𑌸𑌂𑌭𑍍𑌰𑌮𑌤𑍍𑌰𑌸𑍍𑌤𑌵𑌿𑌷𑌣𑍍𑌣𑌰𑌾𑌕𑍍𑌷𑌸𑌾𑌂 𑌸𑌮𑍁𑌜𑍍𑌜𑍍𑌵𑌲𑌜𑍍𑌜𑍍𑌵𑌾𑌲𑌹𑍁𑌤𑌾𑌶𑌨𑌾𑌂𑌕𑌿𑌤𑌾𑌮𑍍 ।
𑌦𑌦𑌰𑍍𑌶 𑌲𑌂𑌕𑌾𑌂 𑌹𑌨𑍁𑌮𑌾𑌨𑍍𑌮𑌹𑌾𑌮𑌨𑌾𑌃 𑌸𑍍𑌵𑌯𑌂𑌭𑍂𑌕𑍋𑌪𑍋𑌪𑌹𑌤𑌾𑌮𑌿𑌵𑌾𑌵𑌨𑌿𑌮𑍍 ॥ 42 ॥

𑌭𑌂𑌕𑍍𑌤𑍍𑌵𑌾 𑌵𑌨𑌂 𑌪𑌾𑌦𑌪𑌰𑌤𑍍𑌨𑌸𑌂𑌕𑍁𑌲𑌂 𑌹𑌤𑍍𑌵𑌾 𑌤𑍁 𑌰𑌕𑍍𑌷𑌾𑌂𑌸𑌿 𑌮𑌹𑌾𑌂𑌤𑌿 𑌸𑌂𑌯𑍁𑌗𑍇 ।
𑌦𑌗𑍍𑌧𑍍𑌵𑌾 𑌪𑍁𑌰𑍀𑌂 𑌤𑌾𑌂 𑌗𑍃𑌹𑌰𑌤𑍍𑌨𑌮𑌾𑌲𑌿𑌨𑍀𑌂 𑌤𑌸𑍍𑌥𑍌 𑌹𑌨𑍂𑌮𑌾𑌨𑍍𑌪𑌵𑌨𑌾𑌤𑍍𑌮𑌜𑌃 𑌕𑌪𑌿𑌃 ॥ 43 ॥

𑌤𑍍𑌰𑌿𑌕𑍂𑌟𑌶𑍃𑌂𑌗𑌾𑌗𑍍𑌰𑌤𑌲𑍇 𑌵𑌿𑌚𑌿𑌤𑍍𑌰𑍇 𑌪𑍍𑌰𑌤𑌿𑌷𑍍𑌠𑌿𑌤𑍋 𑌵𑌾𑌨𑌰𑌰𑌾𑌜𑌸𑌿𑌂𑌹𑌃 ।
𑌪𑍍𑌰𑌦𑍀𑌪𑍍𑌤𑌲𑌾𑌂𑌗𑍂𑌲𑌕𑍃𑌤𑌾𑌰𑍍𑌚𑌿𑌮𑌾𑌲𑍀 𑌵𑍍𑌯𑌰𑌾𑌜𑌤𑌾𑌽𑌽𑌦𑌿𑌤𑍍𑌯 𑌇𑌵𑌾𑌂𑌶𑍁𑌮𑌾𑌲𑍀 ॥ 44 ॥

𑌸 𑌰𑌾𑌕𑍍𑌷𑌸𑌾𑌂𑌸𑍍𑌤𑌾𑌨𑍍𑌸𑍁𑌬𑌹𑍂𑌂𑌶𑍍𑌚 𑌹𑌤𑍍𑌵𑌾 𑌵𑌨𑌂 𑌚 𑌭𑌂𑌕𑍍𑌤𑍍𑌵𑌾 𑌬𑌹𑍁𑌪𑌾𑌦𑌪𑌂 𑌤𑌤𑍍 ।
𑌵𑌿𑌸𑍃𑌜𑍍𑌯 𑌰𑌕𑍍𑌷𑍋𑌭𑌵𑌨𑍇𑌷𑍁 𑌚𑌾𑌗𑍍𑌨𑌿𑌂 𑌜𑌗𑌾𑌮 𑌰𑌾𑌮𑌂 𑌮𑌨𑌸𑌾 𑌮𑌹𑌾𑌤𑍍𑌮𑌾 ॥ 45 ॥

𑌤𑌤𑌸𑍍𑌤𑍁 𑌤𑌂 𑌵𑌾𑌨𑌰𑌵𑍀𑌰𑌮𑍁𑌖𑍍𑌯𑌂 𑌮𑌹𑌾𑌬𑌲𑌂 𑌮𑌾𑌰𑍁𑌤𑌤𑍁𑌲𑍍𑌯𑌵𑍇𑌗𑌮𑍍 ।
𑌮𑌹𑌾𑌮𑌤𑌿𑌂 𑌵𑌾𑌯𑍁𑌸𑍁𑌤𑌂 𑌵𑌰𑌿𑌷𑍍𑌠𑌂 𑌪𑍍𑌰𑌤𑍁𑌷𑍍𑌟𑍁𑌵𑍁𑌰𑍍𑌦𑍇𑌵𑌗𑌣𑌾𑌶𑍍𑌚 𑌸𑌰𑍍𑌵𑍇 ॥ 46 ॥

𑌭𑌂𑌕𑍍𑌤𑍍𑌵𑌾 𑌵𑌨𑌂 𑌮𑌹𑌾𑌤𑍇𑌜𑌾 𑌹𑌤𑍍𑌵𑌾 𑌰𑌕𑍍𑌷𑌾𑌂𑌸𑌿 𑌸𑌂𑌯𑍁𑌗𑍇 ।
𑌦𑌗𑍍𑌧𑍍𑌵𑌾 𑌲𑌂𑌕𑌾𑌪𑍁𑌰𑍀𑌂 𑌰𑌮𑍍𑌯𑌾𑌂 𑌰𑌰𑌾𑌜 𑌸 𑌮𑌹𑌾𑌕𑌪𑌿𑌃 ॥ 4𑍭 ॥

𑌤𑌤𑍍𑌰 𑌦𑍇𑌵𑌾𑌸𑍍𑌸𑌗𑌂𑌧𑌰𑍍𑌵𑌾𑌸𑍍𑌸𑌿𑌦𑍍𑌧𑌾𑌶𑍍𑌚 𑌪𑌰𑌮𑌰𑍍𑌷𑌯𑌃 ।
𑌦𑍃𑌷𑍍𑌟𑍍𑌵𑌾 𑌲𑌂𑌕𑌾𑌂 𑌪𑍍𑌰𑌦𑌗𑍍𑌧𑌾𑌂 𑌤𑌾𑌂 𑌵𑌿𑌸𑍍𑌮𑌯𑌂 𑌪𑌰𑌮𑌂 𑌗𑌤𑌾𑌃 ॥ 4𑍮 ॥

𑌤𑌂 𑌦𑍃𑌷𑍍𑌟𑍍𑌵𑌾 𑌵𑌾𑌨𑌰𑌶𑍍𑌰𑍇𑌷𑍍𑌠𑌂 𑌹𑌨𑍁𑌮𑌂𑌤𑌂 𑌮𑌹𑌾𑌕𑌪𑌿𑌮𑍍 ।
𑌕𑌾𑌲𑌾𑌗𑍍𑌨𑌿𑌰𑌿𑌤𑌿 𑌸𑌂𑌚𑌿𑌂𑌤𑍍𑌯 𑌸𑌰𑍍𑌵𑌭𑍂𑌤𑌾𑌨𑌿 𑌤𑌤𑍍𑌰𑌸𑍁𑌃 ॥ 4𑍯 ॥

𑌦𑍇𑌵𑌾𑌶𑍍𑌚 𑌸𑌰𑍍𑌵𑍇 𑌮𑍁𑌨𑌿𑌪𑍁𑌂𑌗𑌵𑌾𑌶𑍍𑌚 𑌗𑌂𑌧𑌰𑍍𑌵𑌵𑌿𑌦𑍍𑌯𑌾𑌧𑌰𑌨𑌾𑌗𑌯𑌕𑍍𑌷𑌾𑌃 ।
𑌭𑍂𑌤𑌾𑌨𑌿 𑌸𑌰𑍍𑌵𑌾𑌣𑌿 𑌮𑌹𑌾𑌂𑌤𑌿 𑌤𑌤𑍍𑌰 𑌜𑌗𑍍𑌮𑍁𑌃 𑌪𑌰𑌾𑌂 𑌪𑍍𑌰𑍀𑌤𑌿𑌮𑌤𑍁𑌲𑍍𑌯𑌰𑍂𑌪𑌾𑌮𑍍 ॥ 50 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌚𑌤𑍁𑌃𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥


Browse Related Categories: