Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

4.3𑍯 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌇𑌤𑌿 𑌬𑍍𑌰𑍁𑌵𑌾𑌣𑌂 𑌸𑍁𑌗𑍍𑌰𑍀𑌵𑌂 𑌰𑌾𑌮𑍋 𑌧𑌰𑍍𑌮𑌭𑍃𑌤𑌾𑌂 𑌵𑌰𑌃 ।
𑌬𑌾𑌹𑍁𑌭𑍍𑌯𑌾𑌂 𑌸𑌂𑌪𑌰𑌿𑌷𑍍𑌵𑌜𑍍𑌯 𑌪𑍍𑌰𑌤𑍍𑌯𑍁𑌵𑌾𑌚 𑌕𑍃𑌤𑌾𑌂𑌜𑌲𑌿𑌮𑍍 ॥ 1 ॥

𑌯𑌦𑌿𑌂𑌦𑍍𑌰𑍋 𑌵𑌰𑍍𑌷𑌤𑍇 𑌵𑌰𑍍𑌷𑌂 𑌨 𑌤𑌚𑍍𑌚𑌿𑌤𑍍𑌰𑌂 𑌭𑌵𑍇𑌤𑍍𑌕𑍍𑌵𑌚𑌿𑌤𑍍 ।
𑌆𑌦𑌿𑌤𑍍𑌯𑍋 𑌵𑌾 𑌸𑌹𑌸𑍍𑌰𑌾𑌂𑌶𑍁𑌃 𑌕𑍁𑌰𑍍𑌯𑌾𑌦𑍍𑌵𑌿𑌤𑌿𑌮𑌿𑌰𑌂 𑌨𑌭𑌃 ॥ 2 ॥

𑌚𑌂𑌦𑍍𑌰𑌮𑌾 𑌰𑌶𑍍𑌮𑌿𑌭𑌿𑌃 𑌕𑍁𑌰𑍍𑌯𑌾𑌤𑍍𑌪𑍃𑌥𑌿𑌵𑍀𑌂 𑌸𑍌𑌮𑍍𑌯 𑌨𑌿𑌰𑍍𑌮𑌲𑌾𑌮𑍍 ।
𑌤𑍍𑌵𑌦𑍍𑌵𑌿𑌧𑍋 𑌵𑌾𑌽𑌪𑌿 𑌮𑌿𑌤𑍍𑌰𑌾𑌣𑌾𑌂 𑌪𑍍𑌰𑌤𑌿𑌕𑍁𑌰𑍍𑌯𑌾𑌤𑍍𑌪𑌰𑌂𑌤𑌪 ॥ 3 ॥

𑌏𑌵𑌂 𑌤𑍍𑌵𑌯𑌿 𑌨 𑌤𑌚𑍍𑌚𑌿𑌤𑍍𑌰𑌂 𑌭𑌵𑍇𑌦𑍍𑌯𑌤𑍍𑌸𑍌𑌮𑍍𑌯 𑌶𑍋𑌭𑌨𑌮𑍍 ।
𑌜𑌾𑌨𑌾𑌮𑍍𑌯𑌹𑌂 𑌤𑍍𑌵𑌾𑌂 𑌸𑍁𑌗𑍍𑌰𑍀𑌵 𑌸𑌤𑌤𑌂 𑌪𑍍𑌰𑌿𑌯𑌵𑌾𑌦𑌿𑌨𑌮𑍍 ॥ 4 ॥

𑌤𑍍𑌵𑌤𑍍𑌸𑌨𑌾𑌥𑌃 𑌸𑌖𑍇 𑌸𑌂𑌖𑍍𑌯𑍇 𑌜𑍇𑌤𑌾𑌽𑌸𑍍𑌮𑌿 𑌸𑌕𑌲𑌾𑌨𑌰𑍀𑌨𑍍 ।
𑌤𑍍𑌵𑌮𑍇𑌵 𑌮𑍇 𑌸𑍁𑌹𑍃𑌤𑌨𑍍𑌮𑌿𑌤𑍍𑌰𑌂 𑌸𑌾𑌹𑌾𑌯𑍍𑌯𑌂 𑌕𑌰𑍍𑌤𑍁𑌮𑌰𑍍𑌹𑌸𑌿 ॥ 5 ॥

𑌜𑌹𑌾𑌰𑌾𑌤𑍍𑌮𑌵𑌿𑌨𑌾𑌶𑌾𑌯 𑌵𑍈𑌦𑍇𑌹𑍀𑌂 𑌰𑌾𑌕𑍍𑌷𑌸𑌾𑌧𑌮𑌃 ।
𑌵𑌂𑌚𑌯𑌿𑌤𑍍𑌵𑌾 𑌤𑍁 𑌪𑍌𑌲𑍋𑌮𑍀𑌮𑌨𑍁𑌹𑍍𑌲𑌾𑌦𑍋 𑌯𑌥𑌾 𑌶𑌚𑍀𑌮𑍍 ॥ 6 ॥

𑌨 𑌚𑌿𑌰𑌾𑌤𑍍𑌤𑌂 𑌹𑌨𑌿𑌷𑍍𑌯𑌾𑌮𑌿 𑌰𑌾𑌵𑌣𑌂 𑌨𑌿𑌶𑌿𑌤𑍈𑌶𑍍𑌶𑌰𑍈𑌃 ।
𑌪𑍌𑌲𑍋𑌮𑍍𑌯𑌾𑌃 𑌪𑌿𑌤𑌰𑌂 𑌦𑍃𑌪𑍍𑌤𑌂 𑌶𑌤𑌕𑍍𑌰𑌤𑍁𑌰𑌿𑌵𑌾𑌽𑌹𑌵𑍇 ॥ 𑍭 ॥

𑌏𑌤𑌸𑍍𑌮𑌿𑌨𑍍𑌨𑌂𑌤𑌰𑍇 𑌚𑍈𑌵 𑌰𑌜𑌸𑍍𑌸𑌮𑌭𑌿𑌵𑌰𑍍𑌤𑌤 ।
𑌉𑌷𑍍𑌣𑌾𑌂 𑌤𑍀𑌵𑍍𑌰𑌾𑌂 𑌸𑌹𑌸𑍍𑌰𑌾𑌂𑌶𑍋𑌶𑍍𑌛𑌾𑌦𑌯𑌦𑍍𑌗𑌗𑌨𑍇 𑌪𑍍𑌰𑌭𑌾𑌮𑍍 ॥ 𑍮 ॥

𑌦𑌿𑌶𑌃 𑌪𑌰𑍍𑌯𑌾𑌕𑍁𑌲𑌾𑌶𑍍𑌚𑌾𑌸𑌨𑍍𑌰𑌜𑌸𑌾 𑌤𑍇𑌨 𑌮𑍂𑌰𑍍𑌛𑌤𑌾 ।
𑌚𑌚𑌾𑌲 𑌚 𑌮𑌹𑍀 𑌸𑌰𑍍𑌵𑌾 𑌸𑌶𑍈𑌲𑌵𑌨𑌕𑌾𑌨𑌨𑌾 ॥ 𑍯 ॥

𑌤𑌤𑍋 𑌨𑌗𑍇𑌂𑌦𑍍𑌰𑌸𑌂𑌕𑌾𑌶𑍈𑌸𑍍𑌤𑍀𑌕𑍍𑌷𑍍𑌣𑌦𑌂𑌷𑍍𑌟𑍍𑌰𑍈𑌰𑍍𑌮𑌹𑌾𑌬𑌲𑍈𑌃 ।
𑌕𑍃𑌤𑍍𑌸𑍍𑌨𑌾 𑌸𑌂𑌛𑌾𑌦𑌿𑌤𑌾 𑌭𑍂𑌮𑌿𑌰𑌸𑌂𑌖𑍍𑌯𑍇𑌯𑍈𑌃 𑌪𑍍𑌲𑌵𑌂𑌗𑌮𑍈𑌃 ॥ 10 ॥

𑌨𑌿𑌮𑍇𑌷𑌾𑌂𑌤𑌰𑌮𑌾𑌤𑍍𑌰𑍇𑌣 𑌤𑌤𑌸𑍍𑌤𑍈𑌰𑍍𑌹𑌰𑌿𑌯𑍂𑌥𑌪𑍈𑌃 ।
𑌕𑍋𑌟𑍀𑌶𑌤𑌪𑌰𑍀𑌵𑌾𑌰𑍈𑌃 𑌕𑌾𑌮𑌰𑍂𑌪𑌿𑌭𑌿𑌰𑌾𑌵𑍃𑌤𑌾 ॥ 11 ॥

𑌨𑌾𑌦𑍇𑌯𑍈𑌃 𑌪𑌾𑌰𑍍𑌵𑌤𑍀𑌯𑍈𑌶𑍍𑌚 𑌸𑌾𑌮𑍁𑌦𑍍𑌰𑍈𑌶𑍍𑌚 𑌮𑌹𑌾𑌬𑌲𑍈𑌃 ।
𑌹𑌰𑌿𑌭𑌿𑌰𑍍𑌮𑍇𑌘𑌨𑌿𑌰𑍍𑌹𑍍𑌰𑌾𑌦𑍈𑌰𑌨𑍍𑌯𑍈𑌶𑍍𑌚 𑌵𑌨𑌚𑌾𑌰𑌿𑌭𑌿𑌃 ॥ 12 ॥

𑌤𑌰𑍁𑌣𑌾𑌦𑌿𑌤𑍍𑌯𑌵𑌰𑍍𑌣𑍈𑌶𑍍𑌚 𑌶𑌶𑌿𑌗𑍌𑌰𑍈𑌶𑍍𑌚 𑌵𑌾𑌨𑌰𑍈𑌃 ।
𑌪𑌦𑍍𑌮𑌕𑍇𑌸𑌰𑌵𑌰𑍍𑌣𑍈𑌶𑍍𑌚 𑌶𑍍𑌵𑍇𑌤𑍈𑌰𑍍𑌮𑍇𑌰𑍁𑌕𑍃𑌤𑌾𑌲𑌯𑍈𑌃 ॥ 13 ॥

𑌕𑍋𑌟𑍀𑌸𑌹𑌸𑍍𑌰𑍈𑌰𑍍𑌦𑌶𑌭𑌿𑌃 𑌶𑍍𑌰𑍀𑌮𑌾𑌨𑍍𑌪𑌰𑌿𑌵𑍃𑌤𑌸𑍍𑌤𑌦𑌾 ।
𑌵𑍀𑌰𑌶𑍍𑌶𑌤𑌵𑌲𑌿𑌰𑍍𑌨𑌾𑌮 𑌵𑌾𑌨𑌰𑌃 𑌪𑍍𑌰𑌤𑍍𑌯𑌦𑍃𑌶𑍍𑌯𑌤 ॥ 14 ॥

𑌤𑌤𑌃 𑌕𑌾𑌂𑌚𑌨𑌶𑍈𑌲𑌾𑌭𑌸𑍍𑌤𑌾𑌰𑌾𑌯𑌾 𑌵𑍀𑌰𑍍𑌯𑌵𑌾𑌨𑍍𑌪𑌿𑌤𑌾 ।
𑌅𑌨𑍇𑌕𑍈𑌰𑍍𑌦𑌶𑌸𑌾𑌹𑌸𑍍𑌰𑍈𑌃 𑌕𑍋𑌟𑌿𑌭𑌿𑌃 𑌪𑍍𑌰𑌤𑍍𑌯𑌦𑍃𑌶𑍍𑌯𑌤 ॥ 15 ॥

𑌤𑌥𑌾𑌽𑌪𑌰𑍇𑌣 𑌕𑍋𑌟𑍀𑌨𑌾𑌂 𑌸𑌹𑌸𑍍𑌰𑍇𑌣 𑌸𑌮𑌨𑍍𑌵𑌿𑌤𑌃 ।
𑌪𑌿𑌤𑌾 𑌰𑍁𑌮𑌾𑌯𑌾 𑌸𑌂𑌪𑍍𑌰𑌾𑌪𑍍𑌤𑌸𑍍𑌸𑍁𑌗𑍍𑌰𑍀𑌵𑌶𑍍𑌵𑌶𑍁𑌰𑍋 𑌵𑌿𑌭𑍁𑌃 ॥ 16 ॥

𑌪𑌦𑍍𑌮𑌕𑍇𑌸𑌰𑌸𑌂𑌕𑌾𑌶𑌸𑍍𑌤𑌰𑍁𑌣𑌾𑌰𑍍𑌕𑌨𑌿𑌭𑌾𑌨𑌨𑌃 ।
𑌬𑍁𑌦𑍍𑌧𑌿𑌮𑌾𑌨𑍍𑌵𑌾𑌨𑌰𑌶𑍍𑌰𑍇𑌷𑍍𑌠𑌸𑍍𑌸𑌰𑍍𑌵𑌵𑌾𑌨𑌰𑌸𑌤𑍍𑌤𑌮𑌃 ॥ 1𑍭 ॥

𑌅𑌨𑍇𑌕𑍈𑌰𑍍𑌬𑌹𑍁𑌸𑌾𑌹𑌸𑍍𑌰𑍈𑌰𑍍𑌵𑌾𑌨𑌰𑌾𑌣𑌾𑌂 𑌸𑌮𑌨𑍍𑌵𑌿𑌤𑌃 ।
𑌪𑌿𑌤𑌾 𑌹𑌨𑍁𑌮𑌤𑌶𑍍𑌰𑌶𑍀𑌮𑌾𑌨𑍍𑌕𑍇𑌸𑌰𑍀 𑌪𑍍𑌰𑌤𑍍𑌯𑌦𑍃𑌶𑍍𑌯𑌤 ॥ 1𑍮 ॥

𑌗𑍋𑌲𑌾𑌂𑌗𑍂𑌲𑌮𑌹𑌾𑌰𑌾𑌜𑍋 𑌗𑌵𑌾𑌕𑍍𑌷𑍋 𑌭𑍀𑌮𑌵𑌿𑌕𑍍𑌰𑌮𑌃 ।
𑌵𑍃𑌤𑌃 𑌕𑍋𑌟𑌿𑌸𑌹𑌸𑍍𑌰𑍇𑌣 𑌵𑌾𑌨𑌰𑌾𑌣𑌾𑌮𑌦𑍃𑌶𑍍𑌯𑌤 ॥ 1𑍯 ॥

𑌋𑌕𑍍𑌷𑌾𑌣𑌾𑌂 𑌭𑍀𑌮𑌵𑍇𑌗𑌾𑌨𑌾𑌂 𑌧𑍂𑌮𑍍𑌰𑌶𑍍𑌶𑌤𑍍𑌰𑍁𑌨𑌿𑌬𑌰𑍍𑌹𑌣𑌃 ।
𑌵𑍃𑌤𑌃 𑌕𑍋𑌟𑌿𑌸𑌹𑌸𑍍𑌰𑌾𑌭𑍍𑌯𑌾𑌂 𑌦𑍍𑌵𑌾𑌭𑍍𑌯𑌾𑌂 𑌸𑌮𑌭𑌿𑌵𑌰𑍍𑌤𑌤 ॥ 20 ॥

𑌮𑌹𑌾𑌚𑌲𑌨𑌿𑌭𑍈𑌰𑍍𑌘𑍋𑌰𑍈𑌃 𑌪𑌨𑌸𑍋 𑌨𑌾𑌮 𑌯𑍂𑌥𑌪𑌃 ।
𑌆𑌜𑌗𑌾𑌮 𑌮𑌹𑌾𑌵𑍀𑌰𑍍𑌯𑌸𑍍𑌤𑌿𑌸𑍃𑌭𑌿𑌃 𑌕𑍋𑌟𑌿𑌭𑌿𑌰𑍍𑌵𑍃𑌤𑌃 ॥ 21 ॥

𑌨𑍀𑌲𑌾𑌂𑌜𑌨𑌚𑌯𑌾𑌕𑌾𑌰𑍋 𑌨𑍀𑌲𑍋 𑌨𑌾𑌮𑌾𑌽𑌥 𑌯𑍂𑌥𑌪𑌃 ।
𑌅𑌦𑍃𑌶𑍍𑌯𑌤 𑌮𑌹𑌾𑌕𑌾𑌯𑌃 𑌕𑍋𑌟𑌿𑌭𑌿𑌰𑍍𑌦𑌶𑌭𑌿𑌰𑍍𑌵𑍃𑌤𑌃 ॥ 22 ॥

𑌤𑌤𑌃 𑌕𑌾𑌂𑌚𑌨𑌶𑍈𑌲𑌾𑌭𑍋 𑌗𑌵𑌯𑍋 𑌨𑌾𑌮 𑌯𑍂𑌥𑌪𑌃 ।
𑌆𑌜𑌗𑌾𑌮 𑌮𑌹𑌾𑌵𑍀𑌰𑍍𑌯𑌃 𑌪𑌂𑌚𑌭𑌿𑌃 𑌕𑍋𑌟𑌿𑌭𑌿𑌰𑍍𑌵𑍃𑌤𑌃 ॥ 23 ॥

𑌦𑌰𑍀𑌮𑍁𑌖𑌶𑍍𑌚 𑌬𑌲𑌵𑌾𑌨𑍍𑌯𑍂𑌥𑌪𑍋𑌽𑌭𑍍𑌯𑌾𑌯𑌯𑍌 𑌤𑌦𑌾 ।
𑌵𑍃𑌤𑌃 𑌕𑍋𑌟𑌿𑌸𑌹𑌸𑍍𑌰𑍇𑌣 𑌸𑍁𑌗𑍍𑌰𑍀𑌵𑌂 𑌸𑌮𑍁𑌪𑌸𑍍𑌥𑌿𑌤𑌃 ॥ 24 ॥

𑌮𑍈𑌂𑌦𑌶𑍍𑌚 𑌦𑍍𑌵𑌿𑌵𑌿𑌦𑌶𑍍𑌚𑍋𑌭𑌾𑌵𑌶𑍍𑌵𑌿𑌪𑍁𑌤𑍍𑌰𑍌 𑌮𑌹𑌾𑌬𑌲𑍌 ।
𑌕𑍋𑌟𑌿𑌕𑍋𑌟𑌿𑌸𑌹𑌸𑍍𑌰𑍇𑌣 𑌵𑌾𑌨𑌰𑌾𑌣𑌾𑌮𑌦𑍃𑌶𑍍𑌯𑌤𑌾𑌮𑍍 ॥ 25 ॥

𑌗𑌜𑌶𑍍𑌚 𑌬𑌲𑌵𑌾𑌨𑍍 𑌵𑍀𑌰𑌃 𑌕𑍋𑌟𑌿𑌭𑌿𑌸𑍍𑌤𑌿𑌸𑍃𑌭𑌿𑌰𑍍𑌵𑍃𑌤𑌃 ।
𑌆𑌜𑌗𑌾𑌮 𑌮𑌹𑌾𑌤𑍇𑌜𑌾 𑌸𑍁𑌗𑍍𑌰𑍀𑌵𑌸𑍍𑌯 𑌸𑌮𑍀𑌪𑌤𑌃 ॥ 26 ॥

𑌋𑌕𑍍𑌷𑌰𑌾𑌜𑍋 𑌮𑌹𑌾𑌤𑍇𑌜𑌾 𑌜𑌾𑌂𑌬𑌵𑌾𑌨𑍍𑌨𑌾𑌮 𑌨𑌾𑌮𑌤𑌃 ।
𑌕𑍋𑌟𑌿𑌭𑌿𑌰𑍍𑌦𑌶𑌭𑌿𑌃 𑌪𑍍𑌰𑌾𑌪𑍍𑌤𑌃 𑌸𑍁𑌗𑍍𑌰𑍀𑌵𑌸𑍍𑌯 𑌵𑌶𑍇 𑌸𑍍𑌥𑌿𑌤𑌃 ॥ 2𑍭 ॥

𑌰𑍁𑌮𑌣𑍍𑌵𑌾𑌨𑍍𑌨𑌾𑌮 𑌵𑌿𑌕𑍍𑌰𑌾𑌂𑌤𑍋 𑌵𑌾𑌨𑌰𑍋 𑌵𑌾𑌨𑌰𑍇𑌶𑍍𑌵𑌰𑌮𑍍 ।
𑌆𑌯𑌯𑍌 𑌬𑌲𑌵𑌾𑌂𑌸𑍍𑌤𑍂𑌰𑍍𑌣𑌂 𑌕𑍋𑌟𑍀𑌶𑌤𑌸𑌮𑌾𑌵𑍃𑌤𑌃 ॥ 2𑍮 ॥

𑌤𑌤𑌃 𑌕𑍋𑌟𑌿𑌸𑌹𑌸𑍍𑌰𑌾𑌣𑌾𑌂 𑌸𑌹𑌸𑍍𑌰𑍇𑌣 𑌶𑌤𑍇𑌨 𑌚 ।
𑌪𑍃𑌷𑍍𑌠𑌤𑍋𑌽𑌨𑍁𑌗𑌤𑌃 𑌪𑍍𑌰𑌾𑌪𑍍𑌤𑍋 𑌹𑌰𑌿𑌭𑌿𑌰𑍍𑌗𑌂𑌧𑌮𑌾𑌦𑌨𑌃 ॥ 2𑍯 ॥

𑌤𑌤𑌃 𑌪𑌦𑍍𑌮𑌸𑌹𑌸𑍍𑌰𑍇𑌣 𑌵𑍃𑌤𑌶𑍍𑌶𑌂𑌕𑍁𑌶𑌤𑍇𑌨 𑌚 ।
𑌯𑍁𑌵𑌰𑌾𑌜𑍋𑌽𑌂𑌗𑌦𑌃 𑌪𑍍𑌰𑌾𑌪𑍍𑌤𑌃 𑌪𑌿𑌤𑍃𑌤𑍁𑌲𑍍𑌯𑌪𑌰𑌾𑌕𑍍𑌰𑌮𑌃 ॥ 30 ॥

𑌤𑌤𑌸𑍍𑌤𑌾𑌰𑌾𑌦𑍍𑌯𑍁𑌤𑌿𑌸𑍍𑌤𑌾𑌰𑍋 𑌹𑌰𑌿𑌰𑍍𑌭𑍀𑌮𑌪𑌰𑌾𑌕𑍍𑌰𑌮𑌃 ।
𑌪𑌂𑌚𑌭𑌿𑌰𑍍𑌹𑌰𑌿𑌕𑍋𑌟𑍀𑌭𑌿𑌰𑍍𑌦𑍂𑌰𑌤𑌃 𑌪𑍍𑌰𑌤𑍍𑌯𑌦𑍃𑌶𑍍𑌯𑌤 ॥ 31 ॥

𑌇𑌂𑌦𑍍𑌰𑌜𑌾𑌨𑍁𑌃 𑌕𑌪𑌿𑌰𑍍𑌵𑍀𑌰𑍋 𑌯𑍂𑌥𑌪𑌃 𑌪𑍍𑌰𑌤𑍍𑌯𑌦𑍃𑌶𑍍𑌯𑌤 ।
𑌏𑌕𑌾𑌦𑌶𑌾𑌨𑌾𑌂 𑌕𑍋𑌟𑍀𑌨𑌾𑌮𑍀𑌶𑍍𑌵𑌰𑌸𑍍𑌤𑍈𑌸𑍍𑌸𑌮𑌾𑌵𑍃𑌤𑌃 ॥ 32 ॥

𑌤𑌤𑍋 𑌰𑌂𑌭𑌸𑍍𑌤𑍍𑌵𑌨𑍁𑌪𑍍𑌰𑌾𑌪𑍍𑌤𑌸𑍍𑌤𑌰𑍁𑌣𑌾𑌦𑌿𑌤𑍍𑌯𑌸𑌨𑍍𑌨𑌿𑌭𑌃 ।
𑌅𑌯𑍁𑌤𑍇𑌨𑌾𑌵𑍃𑌤𑌶𑍍𑌚𑍈𑌵 𑌸𑌹𑌸𑍍𑌰𑍇𑌣 𑌶𑌤𑍇𑌨 𑌚 ॥ 33 ॥

𑌤𑌤𑍋 𑌯𑍂𑌥𑌪𑌤𑌿𑌰𑍍𑌵𑍀𑌰𑍋 𑌦𑍁𑌰𑍍𑌮𑍁𑌖𑍋 𑌨𑌾𑌮 𑌵𑌾𑌨𑌰𑌃 ।
𑌪𑍍𑌰𑌤𑍍𑌯𑌦𑍃𑌶𑍍𑌯𑌤 𑌕𑍋𑌟𑍀𑌭𑍍𑌯𑌾𑌂 𑌦𑍍𑌵𑌾𑌭𑍍𑌯𑌾𑌂 𑌪𑌰𑌿𑌵𑍃𑌤𑍋 𑌬𑌲𑍀 ॥ 34 ॥

𑌕𑍈𑌲𑌾𑌸𑌶𑌿𑌖𑌰𑌾𑌕𑌾𑌰𑍈𑌰𑍍𑌵𑌾𑌨𑌰𑍈𑌰𑍍𑌭𑍀𑌮𑌵𑌿𑌕𑍍𑌰𑌮𑍈𑌃 ।
𑌵𑍃𑌤𑌃 𑌕𑍋𑌟𑌿𑌸𑌹𑌸𑍍𑌰𑍇𑌣 𑌹𑌨𑍁𑌮𑌾𑌨𑍍𑌪𑍍𑌰𑌤𑍍𑌯𑌦𑍃𑌶𑍍𑌯𑌤 ॥ 35 ॥

𑌨𑌲𑌶𑍍𑌚𑌾𑌪𑌿 𑌮𑌹𑌾𑌵𑍀𑌰𑍍𑌯𑌸𑍍𑌸𑌂𑌵𑍃𑌤𑍋 𑌦𑍍𑌰𑍁𑌮𑌵𑌾𑌸𑌿𑌭𑌿𑌃 ।
𑌕𑍋𑌟𑍀𑌶𑌤𑍇𑌨 𑌸𑌂𑌪𑍍𑌰𑌾𑌪𑍍𑌤𑌸𑍍𑌸𑌹𑌸𑍍𑌰𑍇𑌣 𑌶𑌤𑍇𑌨 𑌚 ॥ 36 ॥

𑌤𑌤𑍋 𑌦𑌧𑌿𑌮𑍁𑌖𑌶𑍍𑌰𑍀𑌮𑌾𑌨𑍍𑌕𑍋𑌟𑌿𑌭𑌿𑌰𑍍𑌦𑌶𑌭𑌿𑌰𑍍𑌵𑍃𑌤𑌃 ।
𑌸𑌂𑌪𑍍𑌰𑌾𑌪𑍍𑌤𑍋𑌽𑌭𑌿𑌮𑌤𑌸𑍍𑌤𑌸𑍍𑌯 𑌸𑍁𑌗𑍍𑌰𑍀𑌵𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 3𑍭 ॥

𑌶𑌰𑌭𑌃 𑌕𑍁𑌮𑍁𑌦𑍋 𑌵𑌹𑍍𑌨𑌿𑌰𑍍𑌵𑌾𑌨𑌰𑍋 𑌰𑌂𑌹 𑌏𑌵 𑌚 ।
𑌏𑌤𑍇 𑌚𑌾𑌨𑍍𑌯𑍇 𑌚 𑌬𑌹𑌵𑍋 𑌵𑌾𑌨𑌰𑌾𑌃 𑌕𑌾𑌮𑌰𑍂𑌪𑌿𑌣𑌃 ॥ 3𑍮 ॥

𑌆𑌵𑍃𑌤𑍍𑌯 𑌪𑍃𑌥𑌿𑌵𑍀𑌂 𑌸𑌰𑍍𑌵𑌾𑌂 𑌪𑌰𑍍𑌵𑌤𑌾𑌂𑌶𑍍𑌚 𑌵𑌨𑌾𑌨𑌿 𑌚 ।
𑌯𑍂𑌥𑌪𑌾 𑌸𑍍𑌸𑌮𑌨𑍁𑌪𑍍𑌰𑌾𑌪𑍍𑌤𑌾 𑌸𑍍𑌤𑍇𑌷𑌾𑌂 𑌸𑌂𑌖𑍍𑌯𑌾 𑌨 𑌵𑌿𑌦𑍍𑌯𑌤𑍇 ॥ 3𑍯 ॥

𑌆𑌗𑌤𑌾𑌶𑍍𑌚 𑌵𑌿𑌶𑌿𑌷𑍍𑌟𑌾𑌶𑍍𑌚 𑌪𑍃𑌥𑌿𑌵𑍍𑌯𑌾𑌂 𑌸𑌰𑍍𑌵𑌵𑌾𑌨𑌰𑌾𑌃 ।
𑌆𑌪𑍍𑌲𑌵𑌂𑌤𑌃 𑌪𑍍𑌲𑌵𑌂𑌤𑌶𑍍𑌚 𑌗𑌰𑍍𑌜𑌂𑌤𑌶𑍍𑌚 𑌪𑍍𑌲𑌵𑌂𑌗𑌮𑌾𑌃 ।
𑌅𑌭𑍍𑌯𑌵𑌰𑍍𑌤𑌂𑌤 𑌸𑍁𑌗𑍍𑌰𑍀𑌵𑌂 𑌸𑍂𑌰𑍍𑌯𑌮𑌭𑍍𑌰𑌗𑌣𑌾 𑌇𑌵 ॥ 40 ॥

𑌕𑍁𑌰𑍍𑌵𑌾𑌣𑌾 𑌬𑌹𑍁𑌶𑌬𑍍𑌦𑌾𑌂𑌶𑍍𑌚 𑌪𑍍𑌰𑌹𑍃𑌷𑍍𑌟𑌾 𑌬𑌾𑌹𑍁𑌶𑌾𑌲𑌿𑌨𑌃 ।
𑌶𑌿𑌰𑍋𑌭𑌿𑌰𑍍𑌵𑌾𑌨𑌰𑍇𑌂𑌦𑍍𑌰𑌾𑌯 𑌸𑍁𑌗𑍍𑌰𑍀𑌵𑌾𑌯 𑌨𑍍𑌯𑌵𑍇𑌦𑌯𑌨𑍍 ॥ 41 ॥

𑌅𑌪𑌰𑍇 𑌵𑌾𑌨𑌰𑌶𑍍𑌰𑍇𑌷𑍍𑌠𑌾𑌸𑍍𑌸𑌂𑌗𑌮𑍍𑌯 𑌚 𑌯𑌥𑍋𑌚𑌿𑌤𑌮𑍍 ।
𑌸𑍁𑌗𑍍𑌰𑍀𑌵𑍇𑌣 𑌸𑌮𑌾𑌗𑌮𑍍𑌯 𑌸𑍍𑌥𑌿𑌤𑌾𑌃 𑌪𑍍𑌰𑌾𑌂𑌜𑌲𑌯 𑌸𑍍𑌤𑌦𑌾 ॥ 42 ॥

𑌸𑍁𑌗𑍍𑌰𑍀𑌵𑌸𑍍𑌤𑍍𑌵𑌰𑌿𑌤𑍋 𑌰𑌾𑌮𑍇 𑌸𑌰𑍍𑌵𑌾𑌂𑌸𑍍𑌤𑌾𑌂 𑌵𑌾𑌨𑌰𑌰𑌰𑍍𑌷𑌭𑌾𑌨𑍍 ।
𑌨𑌿𑌵𑍇𑌦𑌯𑌿𑌤𑍍𑌵𑌾 𑌧𑌰𑍍𑌮𑌜𑍍𑌞𑌃 𑌸𑍍𑌥𑌿𑌤𑌃 𑌪𑍍𑌰𑌾𑌂𑌜𑌲𑌿𑌰𑌬𑍍𑌰𑌵𑍀𑌤𑍍 ॥ 43 ॥

𑌯𑌥𑌾𑌸𑍁𑌖𑌂 𑌪𑌰𑍍𑌵𑌤𑌨𑌿𑌝𑌰𑍇𑌷𑍁 𑌵𑌨𑍇𑌷𑍁 𑌸𑌰𑍍𑌵𑍇𑌷𑍁 𑌚 𑌵𑌾𑌨𑌰𑍇𑌂𑌦𑍍𑌰𑌾𑌃 ।
𑌨𑌿𑌵𑍇𑌶𑌯𑌿𑌤𑍍𑌵𑌾 𑌵𑌿𑌧𑌿𑌵𑌦𑍍𑌬𑌲𑌾𑌨𑌿 𑌬𑌲𑌂 𑌬𑌲𑌜𑍍𑌞𑌃 𑌪𑍍𑌰𑌤𑌿𑌪𑌤𑍍𑌤𑍁𑌮𑍀𑌷𑍍𑌟𑍇 ॥ 44 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: