Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

4.42 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌦𑍍𑌵𑌿𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌅𑌥 𑌪𑍍𑌰𑌸𑍍𑌥𑌾𑌪𑍍𑌯 𑌸𑍁𑌗𑍍𑌰𑍀𑌵𑌸𑍍𑌤𑌾𑌨𑍍𑌹𑌰𑍀𑌂𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ।
𑌅𑌬𑍍𑌰𑌵𑍀𑌨𑍍𑌮𑍇𑌘𑌸𑌂𑌕𑌾𑌶𑌂 𑌸𑍁𑌷𑍇𑌣𑌂 𑌨𑌾𑌮 𑌯𑍂𑌥𑌪𑌮𑍍 ॥ 1 ॥

𑌤𑌾𑌰𑌾𑌯𑌾𑌃 𑌪𑌿𑌤𑌰𑌂 𑌰𑌾𑌜𑌾 𑌶𑍍𑌵𑌶𑍁𑌰𑌂 𑌭𑍀𑌮𑌵𑌿𑌕𑍍𑌰𑌮𑌮𑍍 ।
𑌅𑌬𑍍𑌰𑌵𑍀𑌤𑍍𑌪𑍍𑌰𑌾𑌂𑌜𑌲𑌿𑌰𑍍𑌵𑌾𑌕𑍍𑌯𑌮𑌭𑌿𑌗𑌮𑍍𑌯 𑌪𑍍𑌰𑌣𑌮𑍍𑌯 𑌚 ॥ 2 ॥

𑌮𑌰𑍀𑌚𑌿𑌪𑍁𑌤𑍍𑌰𑌂 𑌮𑌾𑌰𑍀𑌚𑌮𑌰𑍍𑌚𑌿𑌷𑍍𑌮𑌂𑌤𑌂 𑌮𑌹𑌾𑌕𑌪𑌿𑌮𑍍 ।
𑌵𑍃𑌤𑌂 𑌕𑌪𑌿𑌵𑌰𑍈 𑌶𑍍𑌶𑍂𑌰𑍈𑌰𑍍𑌮𑌹𑍇𑌂𑌦𑍍𑌰𑌸𑌦𑍃𑌶𑌦𑍍𑌯𑍁𑌤𑌿𑌮𑍍 ॥ 3 ॥

𑌬𑍁𑌦𑍍𑌧𑌿𑌵𑌿𑌕𑍍𑌰𑌮𑌸𑌂𑌪𑌨𑍍𑌨𑌂 𑌵𑍈𑌨𑌤𑍇𑌯𑌸𑌮𑌦𑍍𑌯𑍁𑌤𑌿𑌮𑍍 ।
𑌮𑌰𑍀𑌚𑌿𑌪𑍁𑌤𑍍𑌰𑌾𑌨𑍍𑌮𑌾𑌰𑍀𑌚𑌾𑌨𑌰𑍍𑌚𑌿𑌰𑍍𑌮𑌾𑌲𑌾𑌨𑍍𑌮𑌹𑌾𑌬𑌲𑌾𑌨𑍍 ॥ 4 ॥

𑌋𑌷𑌿𑌪𑍁𑌤𑍍𑌰𑌾𑌂𑌶𑍍𑌚𑌤𑌾𑌂𑌤𑍍𑌸𑌰𑍍𑌵𑌾𑌨𑍍𑌪𑍍𑌰𑌤𑍀𑌚𑍀𑌮𑌾𑌦𑌿𑌶𑌦𑍍𑌦𑌿𑌶𑌮𑍍 ।
𑌦𑍍𑌵𑌾𑌭𑍍𑌯𑌾𑌂 𑌶𑌤𑌸𑌹𑌸𑍍𑌰𑌾𑌭𑍍𑌯𑌾𑌂 𑌕𑌪𑍀𑌨𑌾𑌂 𑌕𑌪𑌿𑌸𑌤𑍍𑌤𑌮𑌾𑌃 ॥ 5 ॥

𑌸𑍁𑌷𑍇𑌣𑌪𑍍𑌰𑌮𑍁𑌖𑌾 𑌯𑍂𑌯𑌂 𑌵𑍈𑌦𑍇𑌹𑍀𑌂 𑌪𑌰𑌿𑌮𑌾𑌰𑍍𑌗𑌤𑌃 ।
𑌸𑍁𑌰𑌾𑌷𑍍𑌟𑍍𑌰𑌾𑌨𑍍𑌸𑌹𑌬𑌾𑌹𑍍𑌲𑍀𑌕𑌾𑌨𑍍 𑌶𑍍𑌚𑌂𑌦𑍍𑌰𑌚𑌿𑌤𑍍𑌰𑌾𑌂𑌸𑍍𑌤𑌥𑍈𑌵 𑌚 ॥ 6 ॥

𑌸𑍍𑌫𑍀𑌤𑌾𑌂𑌜𑌨𑌪𑌦𑌾𑌨𑍍𑌰𑌮𑍍𑌯𑌾𑌨𑍍𑌵𑌿𑌪𑍁𑌲𑌾𑌨𑌿 𑌪𑍁𑌰𑌾𑌣𑌿 𑌚 ।
𑌪𑍁𑌨𑍍𑌨𑌾𑌗𑌗𑌹𑌨𑌂 𑌕𑍁𑌕𑍍𑌷𑌿𑌂 𑌵𑌕𑍁𑌲𑍋𑌦𑍍𑌦𑌾𑌲𑌕𑌾𑌕𑍁𑌲𑌮𑍍 ॥ 𑍭 ॥

𑌤𑌥𑌾 𑌕𑍇𑌤𑌕𑌷𑌂𑌡𑌾𑌂𑌶𑍍𑌚 𑌮𑌾𑌰𑍍𑌗𑌧𑍍𑌵𑌂 𑌹𑌰𑌿𑌯𑍂𑌥𑌪𑌾𑌃 ।
𑌪𑍍𑌰𑌤𑍍𑌯𑌕𑍍𑌸𑍍𑌰𑍋𑌤𑍋𑌗𑌮𑌾𑌶𑍍𑌚𑍈𑌵 𑌨𑌦𑍍𑌯𑌶𑍍𑌶𑍀𑌤𑌜𑌲𑌾𑌶𑍍𑌶𑌿𑌵𑌾𑌃 ॥ 𑍮 ॥

𑌤𑌾𑌪𑌸𑌾𑌨𑌾𑌮𑌰𑌣𑍍𑌯𑌾𑌨𑌿 𑌕𑌾𑌂𑌤𑌾𑌰𑌾 𑌗𑌿𑌰𑌯𑌶𑍍𑌚 𑌯𑍇 ।
𑌤𑌤𑍍𑌰𑌸𑍍𑌥𑌲𑍀𑌂 𑌮𑌰𑍁𑌪𑍍𑌰𑌾𑌯𑌾𑌮𑌤𑍍𑌯𑍁𑌚𑍍𑌚𑌶𑌿𑌰𑌸𑌶𑍍𑌶𑌿𑌲𑌾𑌃 ॥ 𑍯 ॥

𑌗𑌿𑌰𑌿𑌜𑌾𑌲𑌾𑌵𑍃𑌤𑌾𑌂 𑌦𑍁𑌰𑍍𑌗𑌾𑌂 𑌮𑌾𑌰𑍍𑌗𑌿𑌤𑍍𑌵𑌾 𑌪𑌶𑍍𑌚𑌿𑌮𑌾𑌂 𑌦𑌿𑌶𑌮𑍍 ।
𑌤𑌤𑌃 𑌪𑌶𑍍𑌚𑌿𑌮𑌮𑌾𑌸𑌾𑌦𑍍𑌯 𑌸𑌮𑍁𑌦𑍍𑌰𑌂 𑌦𑍍𑌰𑌷𑍍𑌟𑍁𑌮𑌰𑍍𑌹𑌥 ॥ 10 ॥

𑌤𑌿𑌮𑌿𑌨𑌕𑍍𑌰𑌾𑌯𑍁𑌤𑌜𑌲𑌮𑌕𑍍𑌷𑍋𑌭𑍍𑌯𑌮𑌥 𑌵𑌾𑌨𑌰𑌾𑌃 ।
𑌤𑌤𑌃 𑌕𑍇𑌤𑌕𑌷𑌂𑌡𑍇𑌷𑍁 𑌤𑌮𑌾𑌲𑌗𑌹𑌨𑍇𑌷𑍁 𑌚 ॥ 11 ॥

𑌕𑌪𑌯𑍋 𑌵𑌿𑌹𑌰𑌿𑌷𑍍𑌯𑌂𑌤𑌿 𑌨𑌾𑌰𑌿𑌕𑍇𑌲𑌵𑌨𑍇𑌷𑍁 𑌚 ।
𑌤𑌤𑍍𑌰 𑌸𑍀𑌤𑌾𑌂 𑌚 𑌮𑌾𑌰𑍍𑌗𑌧𑍍𑌵𑌂 𑌨𑌿𑌲𑌯𑌂 𑌰𑌾𑌵𑌣𑌸𑍍𑌯 𑌚 ॥ 12 ॥

𑌵𑍇𑌲𑌾𑌤𑌲𑌨𑌿𑌵𑌿𑌷𑍍𑌟𑍇𑌷𑍁 𑌪𑌰𑍍𑌵𑌤𑍇𑌷𑍁 𑌵𑌨𑍇𑌷𑍁 𑌚 ।
𑌮𑍁𑌰𑌚𑍀𑌪𑌤𑍍𑌤𑌨𑌂 𑌚𑍈𑌵 𑌰𑌮𑍍𑌯𑌂 𑌚𑍈𑌵 𑌜𑌟𑍀𑌪𑍁𑌰𑌮𑍍 ॥ 13 ॥

𑌅𑌵𑌂𑌤𑍀𑌮𑌂𑌗𑌲𑍋𑌪𑌾𑌂 𑌚 𑌤𑌥𑌾 𑌚𑌾𑌲𑌕𑍍𑌷𑌿𑌤𑌂 𑌵𑌨𑌮𑍍 ।
𑌰𑌾𑌷𑍍𑌟𑍍𑌰𑌾𑌣𑌿 𑌚 𑌵𑌿𑌶𑌾𑌲𑌾𑌨𑌿 𑌪𑌤𑍍𑌤𑌨𑌾𑌨𑌿 𑌤𑌤𑌸𑍍𑌤𑌤𑌃 ॥ 14 ॥

𑌸𑌿𑌂𑌧𑍁𑌸𑌾𑌗𑌰𑌯𑍋𑌶𑍍𑌚𑍈𑌵 𑌸𑌂𑌗𑌮𑍇 𑌤𑌤𑍍𑌰 𑌪𑌰𑍍𑌵𑌤𑌃 ।
𑌮𑌹𑌾𑌨𑍍𑌹𑍇𑌮𑌗𑌿𑌰𑌿𑌰𑍍𑌨𑌾𑌮 𑌶𑌤𑌶𑍃𑌂𑌗𑍋 𑌮𑌹𑌾𑌦𑍍𑌰𑍁𑌮𑌃 ॥ 15 ॥

𑌤𑌸𑍍𑌯 𑌪𑍍𑌰𑌸𑍍𑌥𑍇𑌷𑍁 𑌰𑌮𑍍𑌯𑍇𑌷𑍁 𑌸𑌿𑌂𑌹𑌾𑌃 𑌪𑌕𑍍𑌷𑌗𑌮𑌾𑌃 𑌸𑍍𑌥𑌿𑌤𑌾𑌃 ।
𑌤𑌿𑌮𑌿𑌮𑌤𑍍𑌸𑍍𑌯𑌗𑌜𑌾𑌂𑌶𑍍𑌚𑍈𑌵 𑌨𑍀𑌡𑌾𑌨𑍍𑌯𑌾𑌰𑍋𑌪𑌯𑌂𑌤𑌿 𑌤𑍇 ॥ 16 ॥

𑌤𑌾𑌨𑌿 𑌨𑍀𑌡𑌾𑌨𑌿 𑌸𑌿𑌂𑌹𑌾𑌨𑌾𑌂 𑌗𑌿𑌰𑌿𑌶𑍃𑌂𑌗𑌗𑌤𑌾𑌶𑍍𑌚 𑌯𑍇 ।
𑌦𑍃𑌪𑍍𑌤𑌾𑌸𑍍𑌤𑍃𑌪𑍍𑌤𑌾𑌶𑍍𑌚 𑌮𑌾𑌤𑌂𑌗𑌾𑌸𑍍𑌤𑍋𑌯𑌦𑌸𑍍𑌵𑌨𑌨𑌿𑌸𑍍𑌵𑌨𑌾𑌃 ॥ 1𑍭 ॥

𑌵𑌿𑌚𑌰𑌂𑌤𑌿 𑌵𑌿𑌶𑌾𑌲𑍇𑌽𑌸𑍍𑌮𑌿𑌂𑌸𑍍𑌤𑍋𑌯𑌪𑍂𑌰𑍍𑌣𑍇 𑌸𑌮𑌂𑌤𑌤𑌃 ।
𑌤𑌸𑍍𑌯 𑌶𑍃𑌂𑌗𑌂 𑌦𑌿𑌵𑌸𑍍𑌪𑌰𑍍𑌶𑌂 𑌕𑌾𑌂𑌚𑌨𑌂 𑌚𑌿𑌤𑍍𑌰𑌪𑌾𑌦𑌪𑌮𑍍 ॥ 1𑍮 ॥

𑌸𑌰𑍍𑌵𑌮𑌾𑌶𑍁 𑌵𑌿𑌚𑍇𑌤𑌵𑍍𑌯𑌂 𑌕𑌪𑌿𑌭𑌿𑌃 𑌕𑌾𑌮𑌰𑍂𑌪𑌿𑌭𑌿𑌃 ।
𑌕𑍋𑌟𑌿𑌂 𑌤𑌤𑍍𑌰 𑌸𑌮𑍁𑌦𑍍𑌰𑍇 𑌤𑍁 𑌕𑌾𑌂𑌚𑌨𑍀𑌂 𑌶𑌤𑌯𑍋𑌜𑌨𑌾𑌮𑍍 ॥ 1𑍯 ॥

𑌦𑍁𑌰𑍍𑌦𑌰𑍍𑌶𑌾𑌂 𑌪𑌾𑌰𑌿𑌯𑌾𑌤𑍍𑌰𑌸𑍍𑌯 𑌗𑌤𑌾𑌂 𑌦𑍍𑌰𑌕𑍍𑌷𑍍𑌯𑌥 𑌵𑌾𑌨𑌰𑌾𑌃 ।
𑌕𑍋𑌟𑍍𑌯𑌸𑍍𑌤𑌤𑍍𑌰 𑌚𑌤𑍁𑌰𑍍𑌵𑌿𑌂𑌶𑌦𑍍𑌗𑌂𑌧𑌰𑍍𑌵𑌾𑌣𑌾𑌂 𑌤𑌪𑌸𑍍𑌵𑌿𑌨𑌾𑌮𑍍 ॥ 20 ॥

𑌵𑌸𑌂𑌤𑍍𑌯𑌗𑍍𑌨𑌿𑌨𑌿𑌕𑌾𑌶𑌾𑌨𑌾𑌂 𑌘𑍋𑌰𑌾𑌣𑌾𑌂 𑌕𑌾𑌮𑌰𑍂𑌪𑌿𑌣𑌾𑌮𑍍 ।
𑌪𑌾𑌵𑌕𑌾𑌰𑍍𑌚𑌿𑌃 𑌪𑍍𑌰𑌤𑍀𑌕𑌾𑌶𑌾𑌸𑍍𑌸𑌮𑌵𑍇𑌤𑌾𑌸𑍍𑌸𑌹𑌸𑍍𑌰𑌶𑌃 ॥ 21 ॥

𑌨𑌾𑌤𑍍𑌯𑌾𑌸𑌾𑌦𑌯𑌿𑌤𑌵𑍍𑌯𑌾𑌸𑍍𑌤𑍇 𑌵𑌾𑌨𑌰𑍈𑌰𑍍𑌭𑍀𑌮𑌵𑌿𑌕𑍍𑌰𑌮𑍈𑌃 ।
𑌨𑌾𑌦𑍇𑌯𑌂 𑌚 𑌫𑌲𑌂 𑌤𑌸𑍍𑌮𑌾𑌦𑍍𑌦𑍇𑌶𑌾𑌤𑍍𑌕𑌿𑌂𑌚𑌿𑌤𑍍 𑌪𑍍𑌲𑌵𑌂𑌗𑌮𑍈𑌃 ॥ 22 ॥

𑌦𑍁𑌰𑌾𑌸𑌦𑌾 𑌹𑌿 𑌤𑍇 𑌵𑍀𑌰𑌾 𑌸𑍍𑌸𑌤𑍍𑌤𑍍𑌵𑌵𑌂𑌤𑍋 𑌮𑌹𑌾𑌬𑌲𑌾𑌃 ।
𑌫𑌲𑌮𑍂𑌲𑌾𑌨𑌿 𑌤𑍇 𑌤𑌤𑍍𑌰 𑌰𑌕𑍍𑌷𑌂𑌤𑍇 𑌭𑍀𑌮𑌵𑌿𑌕𑍍𑌰𑌮𑌾𑌃 ॥ 23 ॥

𑌤𑌤𑍍𑌰 𑌯𑌤𑍍𑌨𑌶𑍍𑌚 𑌕𑌰𑍍𑌤𑌵𑍍𑌯𑍋 𑌮𑌾𑌰𑍍𑌗𑌿𑌤𑌵𑍍𑌯𑌾 𑌚 𑌜𑌾𑌨𑌕𑍀 ।
𑌨 𑌹𑌿 𑌤𑍇𑌭𑍍𑌯𑍋 𑌭𑌯𑌂 𑌕𑌿𑌂𑌚𑌿𑌤𑍍𑌕𑌪𑌿𑌤𑍍𑌵𑌮𑌨𑍁𑌵𑌰𑍍𑌤𑌤𑌾𑌮𑍍 ॥ 24 ॥

𑌤𑌤𑍍𑌰 𑌵𑍈𑌢𑍂𑌰𑍍𑌯𑌵𑌰𑍍𑌣𑌾𑌭𑍋 𑌵𑌜𑍍𑌰𑌸𑌂𑌸𑍍𑌥𑌾𑌨𑌸𑌂𑌸𑍍𑌥𑌿𑌤𑌃 ।
𑌨𑌾𑌨𑌾𑌦𑍍𑌰𑍁𑌮𑌲𑌤𑌾𑌕𑍀𑌰𑍍𑌣𑍋 𑌵𑌜𑍍𑌰𑍋 𑌨𑌾𑌮 𑌮𑌹𑌾𑌗𑌿𑌰𑌿𑌃 ॥ 25 ॥

𑌶𑍍𑌰𑍀𑌮𑌾𑌨𑍍𑌸𑌮𑍁𑌦𑌿𑌤𑌸𑍍𑌤𑌤𑍍𑌰 𑌯𑍋𑌜𑌨𑌾𑌨𑌾𑌂 𑌶𑌤𑌂 𑌸𑌮𑌮𑍍 ।
𑌗𑍁𑌹𑌾𑌸𑍍𑌤𑌤𑍍𑌰 𑌵𑌿𑌚𑍇𑌤𑌵𑍍𑌯𑌾 𑌪𑍍𑌰𑌯𑌤𑍍𑌨𑍇𑌨 𑌪𑍍𑌲𑌵𑌂𑌗𑌮𑌾𑌃 ॥ 26 ॥

𑌚𑌤𑍁𑌰𑍍𑌭𑌾𑌗𑍇 𑌸𑌮𑍁𑌦𑍍𑌰𑌸𑍍𑌯 𑌚𑌕𑍍𑌰𑌵𑌾𑌨𑍍𑌨𑌾𑌮 𑌪𑌰𑍍𑌵𑌤𑌃 ।
𑌤𑌤𑍍𑌰 𑌚𑌕𑍍𑌰𑌂 𑌸𑌹𑌸𑍍𑌰𑌾𑌰𑌂 𑌨𑌿𑌰𑍍𑌮𑌿𑌤𑌂 𑌵𑌿𑌶𑍍𑌵𑌕𑌰𑍍𑌮𑌣𑌾 ॥ 2𑍭 ॥

𑌤𑌤𑍍𑌰 𑌪𑌂𑌚𑌜𑌨𑌂 𑌹𑌤𑍍𑌵𑌾 𑌹𑌯𑌗𑍍𑌰𑍀𑌵𑌂 𑌚 𑌦𑌾𑌨𑌵𑌮𑍍 ।
𑌆𑌜𑌹𑌾𑌰 𑌤𑌤𑌶𑍍𑌚𑌕𑍍𑌰𑌂 𑌶𑌂𑌖𑌂 𑌚 𑌪𑍁𑌰𑍁𑌷𑍋𑌤𑍍𑌤𑌮𑌃 ॥ 2𑍮 ॥

𑌤𑌸𑍍𑌯 𑌸𑌾𑌨𑍁𑌷𑍁 𑌚𑌿𑌤𑍍𑌰𑍇𑌷𑍁 𑌵𑌿𑌶𑌾𑌲𑌾𑌸𑍁 𑌗𑍁𑌹𑌾𑌸𑍁 𑌚 ।
𑌰𑌾𑌵𑌣 𑌸𑍍𑌸𑌹 𑌵𑍈𑌦𑍇𑌹𑍍𑌯𑌾 𑌮𑌾𑌰𑍍𑌗𑌿𑌤𑌵𑍍𑌯𑌸𑍍𑌤𑌤 𑌸𑍍𑌤𑌤𑌃 ॥ 2𑍯 ॥

𑌯𑍋𑌜𑌨𑌾𑌨𑌾𑌂 𑌚𑌤𑍁𑌷𑍍𑌷𑌷𑍍𑌟𑌿𑌰𑍍𑌵𑌰𑌾𑌹𑍋 𑌨𑌾𑌮 𑌪𑌰𑍍𑌵𑌤𑌃 ।
𑌸𑍁𑌵𑌰𑍍𑌣𑌶𑍃𑌂𑌗𑌸𑍍𑌸𑍁𑌶𑍍𑌰𑍀𑌮𑌾 𑌨𑌗𑌾𑌧𑍇 𑌵𑌰𑍁𑌣𑌾𑌲𑌯𑍇 ॥ 30 ॥

𑌤𑌤𑍍𑌰 𑌪𑍍𑌰𑌾𑌗𑍍𑌜𑍍𑌯𑍋𑌤𑌿𑌷𑌂 𑌨𑌾𑌮 𑌜𑌾𑌤𑌰𑍂𑌪𑌮𑌯𑌂 𑌪𑍁𑌰𑌮𑍍 ।
𑌯𑌸𑍍𑌮𑌿𑌨𑍍𑌵𑌸𑌤𑌿 𑌦𑍁𑌷𑍍𑌟𑌾𑌤𑍍𑌮𑌾 𑌨𑌰𑌕𑍋 𑌨𑌾𑌮 𑌦𑌾𑌨𑌵𑌃 ॥ 31 ॥

𑌤𑌤𑍍𑌰 𑌸𑌾𑌨𑍁𑌷𑍁 𑌚𑌿𑌤𑍍𑌰𑍇𑌷𑍁 𑌵𑌿𑌶𑌾𑌲𑌾𑌸𑍁 𑌗𑍁𑌹𑌾𑌸𑍁 𑌚 ।
𑌰𑌾𑌵𑌣𑌸𑍍𑌸𑌹 𑌵𑍈𑌦𑍇𑌹𑍍𑌯𑌾 𑌮𑌾𑌰𑍍𑌗𑌿𑌤𑌵𑍍𑌯𑌸𑍍𑌤𑌤𑌸𑍍𑌤𑌤𑌃 ॥ 32 ॥

𑌤𑌮𑌤𑌿𑌕𑍍𑌰𑌮𑍍𑌯 𑌶𑍈𑌲𑍇𑌂𑌦𑍍𑌰𑌂 𑌕𑌾𑌂𑌚𑌨𑌾𑌂𑌤𑌰𑌨𑌿𑌰𑍍𑌦𑌰𑌃 ।
𑌪𑌰𑍍𑌵𑌤 𑌸𑍍𑌸𑌰𑍍𑌵𑌸𑍌𑌵𑌰𑍍𑌣𑍋 𑌧𑌾𑌰𑌾𑌪𑍍𑌰𑌸𑍍𑌰𑌵𑌣𑌾𑌯𑍁𑌤𑌃 ॥ 33 ॥

𑌤𑌂 𑌗𑌜𑌾𑌶𑍍𑌚 𑌵𑌰𑌾𑌹𑌾𑌶𑍍𑌚 𑌸𑌿𑌂𑌹 𑌵𑍍𑌯𑌾𑌘𑍍𑌰𑌾𑌶𑍍𑌚 𑌸𑌰𑍍𑌵𑌤𑌃 ।
𑌅𑌭𑌿𑌗𑌰𑍍𑌜𑌂𑌤𑌿 𑌸𑌤𑌤𑌂 𑌤𑍇𑌨 𑌶𑌬𑍍𑌦𑍇𑌨 𑌦𑌰𑍍𑌪𑌿𑌤𑌾𑌃 ॥ 34 ॥

𑌯𑌸𑍍𑌮𑌿𑌨𑍍𑌹𑌰𑌿𑌹𑌯𑍍𑌶𑍀𑌮𑌾𑌨𑍍𑌮𑌹𑍇𑌂𑌦𑍍𑌰𑌃 𑌪𑌾𑌕𑌶𑌾𑌸𑌨𑌃 ।
𑌅𑌭𑌿𑌷𑌿𑌕𑍍𑌤𑌃 𑌸𑍁𑌰𑍈 𑌰𑌾𑌜𑌾 𑌮𑍇𑌘𑌵𑌾𑌨𑍍𑌨𑌾𑌮 𑌪𑌰𑍍𑌵𑌤𑌃 ॥ 35 ॥

𑌤𑌮𑌤𑌿𑌕𑍍𑌰𑌮𑍍𑌯 𑌶𑍈𑌲𑍇𑌂𑌦𑍍𑌰𑌂 𑌮𑌹𑍇𑌂𑌦𑍍𑌰𑌪𑌰𑌿𑌪𑌾𑌲𑌿𑌤𑌮𑍍 ।
𑌷𑌷𑍍𑌟𑌿 𑌰𑍍𑌗𑌿𑌰𑌿𑌸𑌹𑌸𑍍𑌰𑌾𑌣𑌿 𑌕𑌾𑌂𑌚𑌨𑌾𑌨𑌿 𑌗𑌮𑌿𑌷𑍍𑌯𑌥 ॥ 36 ॥

𑌤𑌰𑍁𑌣𑌾𑌦𑌿𑌤𑍍𑌯𑌵𑌰𑍍𑌣𑌾𑌨𑌿 𑌭𑍍𑌰𑌾𑌜𑌮𑌾𑌨𑌾𑌨𑌿 𑌸𑌰𑍍𑌵𑌤𑌃 ।
𑌜𑌾𑌤𑌰𑍂𑌪𑌮𑌯𑍈𑌰𑍍𑌵𑍃𑌕𑍍𑌷𑍈 𑌶𑍋𑌭𑌿𑌤𑌾𑌨𑌿 𑌸𑍁𑌪𑍁𑌷𑍍𑌪𑌿𑌤𑍈𑌃 ॥ 3𑍭 ॥

𑌤𑍇𑌷𑌾𑌂 𑌮𑌧𑍍𑌯𑍇 𑌸𑍍𑌥𑌿𑌤𑍋 𑌰𑌾𑌜𑌾 𑌮𑍇𑌰𑍁𑌰𑍁𑌤𑍍𑌤𑌰𑌪𑌰𑍍𑌵𑌤𑌃 ।
𑌆𑌦𑌿𑌤𑍍𑌯𑍇𑌨 𑌪𑍍𑌰𑌸𑌨𑍍𑌨𑍇𑌨 𑌶𑍈𑌲𑍋 𑌦𑌤𑍍𑌤𑌵𑌰𑌃 𑌪𑍁𑌰𑌾 ॥ 3𑍮 ॥

𑌤𑍇𑌨𑍈𑌵 𑌮𑍁𑌕𑍍𑌤𑌶𑍍𑌶𑍈𑌲𑍇𑌂𑌦𑍍𑌰𑌸𑍍𑌸𑌰𑍍𑌵 𑌏𑌵 𑌤𑍍𑌵𑌦𑌾𑌶𑍍𑌰𑌯𑌾𑌃 ।
𑌮𑌤𑍍𑌪𑍍𑌰𑌸𑌾𑌦𑌾𑌦𑍍𑌭𑌵𑌿𑌷𑍍𑌯𑌂𑌤𑌿 𑌦𑌿𑌵𑌾 𑌰𑌾𑌤𑍍𑌰𑌂 𑌚 𑌕𑌾𑌂𑌚𑌨𑌾𑌃 ॥ 3𑍯 ॥

𑌤𑍍𑌵𑌯𑌿 𑌯𑍇 𑌚𑌾𑌪𑌿 𑌵𑌤𑍍𑌸𑍍𑌯𑌂𑌤𑌿 𑌦𑍇𑌵𑌗𑌂𑌧𑌰𑍍𑌵𑌦𑌾𑌨𑌵𑌾𑌃 ।
𑌤𑍇 𑌭𑌵𑌿𑌷𑍍𑌯𑌂𑌤𑌿 𑌰𑌕𑍍𑌤𑌾𑌶𑍍𑌚 𑌪𑍍𑌰𑌭𑌯𑌾 𑌕𑌾𑌂𑌚𑌨𑌪𑍍𑌰𑌭𑌾𑌃 ॥ 40 ॥

𑌵𑌿𑌶𑍍𑌵𑍇 𑌦𑍇𑌵𑌾𑌶𑍍𑌚 𑌮𑌰𑍂𑌤𑍋 𑌵𑌸𑌵𑌶𑍍𑌚 𑌦𑌿𑌵𑍌𑌕𑌸𑌃 ।
𑌆𑌗𑌮𑍍𑌯 𑌪𑌶𑍍𑌚𑌿𑌮𑌾𑌂 𑌸𑌂𑌧𑍍𑌯𑌾𑌂 𑌮𑍇𑌰𑍁𑌮𑍁𑌤𑍍𑌤𑌮𑌪𑌰𑍍𑌵𑌤𑌮𑍍 ॥ 41 ॥

𑌆𑌦𑌿𑌤𑍍𑌯𑌮𑍁𑌪𑌤𑌿𑌷𑍍𑌠𑌂𑌤𑌿 𑌤𑍈𑌶𑍍𑌚 𑌸𑍂𑌰𑍍𑌯𑍋𑌽𑌭𑌿𑌪𑍂𑌜𑌿𑌤𑌃 ।
𑌅𑌦𑍃𑌶𑍍𑌯𑌸𑍍𑌸𑌰𑍍𑌵𑌭𑍂𑌤𑌾𑌨𑌾𑌮𑌸𑍍𑌤𑌂 𑌗𑌚𑍍𑌛𑌤𑌿𑌪𑌰𑍍𑌵𑌤𑌮𑍍 ॥ 42 ॥

𑌯𑍋𑌜𑌨𑌾𑌨𑌾𑌂 𑌸𑌹𑌸𑍍𑌰𑌾𑌣𑌿 𑌦𑌶 𑌤𑌾𑌨𑌿 𑌦𑌿𑌵𑌾𑌕𑌰𑌃 ।
𑌮𑍁𑌹𑍂𑌰𑍍𑌤𑌾𑌰𑍍𑌧𑍇𑌨 𑌤𑌂 𑌶𑍀𑌘𑍍𑌰𑌮𑌭𑌿𑌯𑌾𑌤𑌿 𑌶𑌿𑌲𑍋𑌚𑍍𑌚𑌯𑌮𑍍 ॥ 43 ॥

𑌶𑍃𑌂𑌗𑍇 𑌤𑌸𑍍𑌯 𑌮𑌹𑌦𑍍𑌦𑌿𑌵𑍍𑌯𑌂 𑌭𑌵𑌨𑌂 𑌸𑍂𑌰𑍍𑌯𑌸𑌨𑍍𑌨𑌿𑌭𑌮𑍍 ।
𑌪𑍍𑌰𑌾𑌸𑌾𑌦𑌗𑌣𑌸𑌂𑌬𑌾𑌧𑌂 𑌵𑌿𑌹𑌿𑌤𑌂 𑌵𑌿𑌶𑍍𑌵𑌕𑌰𑍍𑌮𑌣𑌾 ॥ 44 ॥

𑌶𑍋𑌭𑌿𑌤𑌂 𑌤𑌰𑍁𑌭𑌿𑌶𑍍𑌚𑌿𑌤𑍍𑌰𑍈𑌰𑍍𑌨𑌾𑌨𑌾𑌪𑌕𑍍𑌷𑌿𑌸𑌮𑌾𑌕𑍁𑌲𑍈𑌃 ।
𑌨𑌿𑌕𑍇𑌤𑌂 𑌪𑌾𑌶𑌹𑌸𑍍𑌤𑌸𑍍𑌯 𑌵𑌰𑍁𑌣𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 45 ॥

𑌅𑌂𑌤𑌰𑌾 𑌮𑍇𑌰𑍁𑌮𑌸𑍍𑌤𑌂 𑌚 𑌤𑌾𑌲𑍋 𑌦𑌶𑌶𑌿𑌰𑌾 𑌮𑌹𑌾𑌨𑍍 ।
𑌜𑌾𑌤𑌰𑍂𑌪𑌮𑌯𑍍𑌶𑍀𑌮𑌾𑌨𑍍𑌭𑍍𑌰𑌾𑌜𑌤𑍇 𑌚𑌿𑌤𑍍𑌰𑌵𑍇𑌦𑌿𑌕𑌃 ॥ 46 ॥

𑌤𑍇𑌷𑍁 𑌸𑌰𑍍𑌵𑍇𑌷𑍁 𑌦𑍁𑌰𑍍𑌗𑍇𑌷𑍁 𑌸𑌰𑌸𑍍𑌸𑍁 𑌚 𑌸𑌰𑌿𑌤𑍍𑌸𑍁 𑌚 ।
𑌰𑌾𑌵𑌣𑌸𑍍𑌸𑌹 𑌵𑍈𑌦𑍇𑌹𑍍𑌯𑌾 𑌮𑌾𑌰𑍍𑌗𑌿𑌤𑌵𑍍𑌯𑌸𑍍𑌤𑌤 𑌸𑍍𑌤𑌤𑌃 ॥ 4𑍭 ॥

𑌯𑌤𑍍𑌰 𑌤𑌿𑌷𑍍𑌠𑌤𑌿 𑌧𑌰𑍍𑌮𑌜𑍍𑌞𑌸𑍍𑌤𑌪𑌸𑌾 𑌸𑍍𑌵𑍇𑌨 𑌭𑌾𑌵𑌿𑌤𑌃 ।
𑌮𑍇𑌰𑍁𑌸𑌾𑌵𑌰𑍍𑌣𑌿𑌰𑌿𑌤𑍍𑌯𑍇𑌵 𑌖𑍍𑌯𑌾𑌤𑍋 𑌵𑍈 𑌬𑍍𑌰𑌹𑍍𑌮𑌣𑌾 𑌸𑌮𑌃 ॥ 4𑍮 ॥

𑌪𑍍𑌰𑌷𑍍𑌟𑌵𑍍𑌯𑍋 𑌮𑍇𑌰𑍁𑌸𑌾𑌵𑌰𑍍𑌣𑌿𑌰𑍍𑌮𑌹𑌰𑍍𑌷𑌿𑌃 𑌸𑍂𑌰𑍍𑌯𑌸𑌨𑍍𑌨𑌿𑌭𑌃 ।
𑌪𑍍𑌰𑌣𑌮𑍍𑌯 𑌶𑌿𑌰𑌸𑌾 𑌭𑍂𑌮𑍌 𑌪𑍍𑌰𑌵𑍃𑌤𑍍𑌤𑌿𑌂 𑌮𑍈𑌥𑌿𑌲𑍀𑌂 𑌪𑍍𑌰𑌤𑌿 ॥ 4𑍯 ॥

𑌏𑌤𑌾𑌵 𑌜𑍍𑌜𑍀𑌵𑌲𑍋𑌕𑌸𑍍𑌯 𑌭𑌾𑌸𑍍𑌕𑌰𑍋 𑌰𑌜𑌨𑍀𑌕𑍍𑌷𑍍𑌯𑍇 ।
𑌕𑍃𑌤𑍍𑌵𑌾 𑌵𑌿𑌤𑌿𑌮𑌿𑌰𑌂 𑌸𑌰𑍍𑌵𑌮𑌸𑍍𑌤𑌂 𑌗𑌚𑍍𑌛𑌤𑌿 𑌪𑌰𑍍𑌵𑌤𑌮𑍍 ॥ 50 ॥

𑌏𑌤𑌾𑌵𑌦𑍍𑌵𑌾𑌨𑌰𑍈𑌶𑍍𑌶𑌕𑍍𑌯𑌂 𑌗𑌂𑌤𑍁𑌂 𑌵𑌾𑌨𑌰𑌪𑍁𑌂𑌗𑌵𑌾𑌃 ।
𑌅𑌭𑌾𑌸𑍍𑌕𑌰𑌮𑌮𑌰𑍍𑌯𑌾𑌦𑌂 𑌨 𑌜𑌾𑌨𑍀𑌮𑌸𑍍𑌤𑌤𑌃 𑌪𑌰𑌮𑍍 ॥ 51 ॥

𑌅𑌧𑌿𑌗𑌮𑍍𑌯 𑌤𑍁 𑌵𑍈𑌦𑍇𑌹𑍀𑌂 𑌨𑌿𑌲𑌯𑌂 𑌰𑌾𑌵𑌣𑌸𑍍𑌯 𑌚 ।
𑌅𑌸𑍍𑌤 𑌪𑌰𑍍𑌵𑌤𑌮𑌾𑌸𑌾𑌦𑍍𑌯 𑌪𑍂𑌰𑍍𑌣𑍇 𑌮𑌾𑌸𑍇 𑌨𑌿𑌵𑌰𑍍𑌤𑌤 ॥ 52 ॥

𑌊𑌰𑍍𑌧𑍍𑌵𑌂 𑌮𑌾𑌸𑌾𑌨𑍍𑌨 𑌵𑌸𑍍𑌤𑌵𑍍𑌯𑌂 𑌵𑌸𑌨𑍍 𑌵𑌧𑍍𑌯𑍋 𑌭𑌵𑍇𑌨𑍍𑌮𑌮 ।
𑌸𑌹𑍈𑌵 𑌶𑍂𑌰𑍋 𑌯𑍁𑌷𑍍𑌮𑌾𑌭𑌿𑌶𑍍𑌶𑍍𑌵𑌶𑍁𑌰𑍋 𑌮𑍇 𑌗𑌮𑌿𑌷𑍍𑌯𑌤𑌿 ॥ 53 ॥

𑌶𑍍𑌰𑍋𑌤𑌵𑍍𑌯𑌂 𑌸𑌰𑍍𑌵𑌮𑍇𑌤𑌸𑍍𑌯 𑌭𑌵𑌦𑍍𑌭𑌿𑌰𑍍𑌦𑌿𑌷𑍍𑌟𑌕𑌾𑌰𑌿𑌭𑌿𑌃 ।
𑌗𑍁𑌰𑍁𑌰𑍇𑌷 𑌮𑌹𑌾𑌬𑌾𑌹𑍁𑌶𑍍𑌶𑍍𑌵𑌶𑍁𑌰𑍋 𑌮𑍇 𑌮𑌹𑌾𑌬𑌲𑌃 ॥ 54 ॥

𑌭𑌵𑌂𑌤𑌶𑍍𑌚𑌾𑌪𑌿 𑌵𑌿𑌕𑍍𑌰𑌾𑌂𑌤𑌾𑌃 𑌪𑍍𑌰𑌮𑌾𑌣𑌂 𑌸𑌰𑍍𑌵 𑌕𑌰𑍍𑌮𑌸𑍁 ।
𑌪𑍍𑌰𑌮𑌾𑌣𑌮𑍇𑌨𑌂 𑌸𑌂𑌸𑍍𑌥𑌾𑌪𑍍𑌯 𑌪𑌶𑍍𑌯𑌧𑍍𑌵𑌂 𑌪𑌶𑍍𑌚𑌿𑌮𑌾𑌂 𑌦𑌿𑌶𑌮𑍍 ॥ 55 ॥

𑌦𑍃𑌷𑍍𑌟𑌾𑌯𑌾𑌂 𑌤𑍁 𑌨𑌰𑍇𑌂𑌦𑍍𑌰𑌸𑍍𑌯 𑌪𑌤𑍍𑌨𑍍𑌯𑌾𑌮𑌮𑌿𑌤𑌤𑍇𑌜𑌸𑌃 ।
𑌕𑍃𑌤𑌕𑍃𑌤𑍍𑌯𑌾 𑌭𑌵𑌿𑌷𑍍𑌯𑌾𑌮𑌃 𑌕𑍃𑌤𑌸𑍍𑌯 𑌪𑍍𑌰𑌤𑌿𑌕𑌰𑍍𑌮𑌣𑌾 ॥ 56 ॥

𑌅𑌤𑍋𑌽𑌨𑍍𑌯𑌦𑌪𑌿 𑌯𑌤𑍍𑌕𑌾𑌰𑍍𑌯𑌂 𑌕𑌾𑌰𑍍𑌯𑌸𑍍𑌯𑌾𑌸𑍍𑌯 𑌹𑌿𑌤𑌂 𑌭𑌵𑍇𑌤𑍍 ।
𑌸𑌂𑌪𑍍𑌰𑌧𑌾𑌰𑍍𑌯 𑌭𑌵𑌦𑍍𑌭𑌿𑌶𑍍𑌚 𑌦𑍇𑌶𑌕𑌾𑌲𑌾𑌰𑍍𑌥𑌸𑌂𑌹𑌿𑌤𑌮𑍍 ॥ 5𑍭 ॥

𑌤𑌤𑌃 𑌸𑍁𑌷𑍇𑌣𑌪𑍍𑌰𑌮𑍁𑌖𑌾𑌃 𑌪𑍍𑌲𑌵𑌂𑌗𑌾𑌮𑌾𑌃 𑌸𑍍𑌸𑍁𑌗𑍍𑌰𑍀𑌵 𑌵𑌾𑌕𑍍𑌯𑌂 𑌨𑌿𑌪𑍁𑌣𑌂 𑌨𑌿𑌶𑌮𑍍𑌯 ।
𑌆𑌮𑌂𑌤𑍍𑌯𑍍𑌰 𑌸𑌰𑍍𑌵𑍇 𑌪𑍍𑌲𑌵𑌗𑌾𑌧𑌿𑌪𑌂 𑌤𑍇 𑌜𑌗𑍍𑌮𑍁𑌰𑍍𑌦𑌿𑌶𑌂 𑌤𑌾𑌂 𑌵𑌰𑍁𑌣𑌾𑌭𑌿𑌗𑍁𑌪𑍍𑌤𑌾𑌮𑍍 ॥ 5𑍮 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌦𑍍𑌵𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: