𑌹𑌨𑍁𑌮𑌾𑌨𑍍 (𑌆𑌂𑌜𑌨𑍇𑌯) 𑌅𑌷𑍍𑌟𑍋𑌤𑍍𑌤𑌰 𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

Collection of Spiritual and Devotional Literature in Various Indian Languages

View this in:

𑌆𑌂𑌜𑌨𑍇𑌯𑍋 𑌮𑌹𑌾𑌵𑍀𑌰𑍋 𑌹𑌨𑍁𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌤𑌤𑍍𑌵𑌜𑍍𑌞𑌾𑌨𑌪𑍍𑌰𑌦𑌃 𑌸𑍀𑌤𑌾𑌦𑍇𑌵𑍀𑌮𑍁𑌦𑍍𑌰𑌾𑌪𑍍𑌰𑌦𑌾𑌯𑌕𑌃 ॥ 1 ॥

𑌅𑌶𑍋𑌕𑌵𑌨𑌿𑌕𑌾𑌚𑍍𑌛𑍇𑌤𑍍𑌤𑌾 𑌸𑌰𑍍𑌵𑌮𑌾𑌯𑌾𑌵𑌿𑌭𑌂𑌜𑌨𑌃 ।
𑌸𑌰𑍍𑌵𑌬𑌂𑌧𑌵𑌿𑌮𑍋𑌕𑍍𑌤𑌾 𑌚 𑌰𑌕𑍍𑌷𑍋𑌵𑌿𑌧𑍍𑌵𑌂𑌸𑌕𑌾𑌰𑌕𑌃 ॥ 2 ॥

𑌪𑌰𑌵𑌿𑌦𑍍𑌯𑌾𑌪𑌰𑍀𑌹𑌾𑌰𑌃 𑌪𑌰𑌶𑍌𑌰𑍍𑌯𑌵𑌿𑌨𑌾𑌶𑌨𑌃 ।
𑌪𑌰𑌮𑌂𑌤𑍍𑌰𑌨𑌿𑌰𑌾𑌕𑌰𑍍𑌤𑌾 𑌪𑌰𑌯𑌂𑌤𑍍𑌰𑌪𑍍𑌰𑌭𑍇𑌦𑌕𑌃 ॥ 3 ॥

𑌸𑌰𑍍𑌵𑌗𑍍𑌰𑌹𑌵𑌿𑌨𑌾𑌶𑍀 𑌚 𑌭𑍀𑌮𑌸𑍇𑌨𑌸𑌹𑌾𑌯𑌕𑍃𑌤𑍍 ।
𑌸𑌰𑍍𑌵𑌦𑍁𑌃𑌖𑌹𑌰𑌃 𑌸𑌰𑍍𑌵𑌲𑍋𑌕𑌚𑌾𑌰𑍀 𑌮𑌨𑍋𑌜𑌵𑌃 ॥ 4 ॥

𑌪𑌾𑌰𑌿𑌜𑌾𑌤𑌦𑍍𑌰𑍁𑌮𑍂𑌲𑌸𑍍𑌥𑌃 𑌸𑌰𑍍𑌵𑌮𑌂𑌤𑍍𑌰𑌸𑍍𑌵𑌰𑍂𑌪𑌵𑌾𑌨𑍍 ।
𑌸𑌰𑍍𑌵𑌤𑌂𑌤𑍍𑌰𑌸𑍍𑌵𑌰𑍂𑌪𑍀 𑌚 𑌸𑌰𑍍𑌵𑌯𑌂𑌤𑍍𑌰𑌾𑌤𑍍𑌮𑌕𑌸𑍍𑌤𑌥𑌾 ॥ 5 ॥

𑌕𑌪𑍀𑌶𑍍𑌵𑌰𑍋 𑌮𑌹𑌾𑌕𑌾𑌯𑌃 𑌸𑌰𑍍𑌵𑌰𑍋𑌗𑌹𑌰𑌃 𑌪𑍍𑌰𑌭𑍁𑌃 ।
𑌬𑌲𑌸𑌿𑌦𑍍𑌧𑌿𑌕𑌰𑌃 𑌸𑌰𑍍𑌵𑌵𑌿𑌦𑍍𑌯𑌾𑌸𑌂𑌪𑌤𑍍𑌪𑍍𑌰𑌦𑌾𑌯𑌕𑌃 ॥ 6 ॥

𑌕𑌪𑌿𑌸𑍇𑌨𑌾𑌨𑌾𑌯𑌕𑌶𑍍𑌚 𑌭𑌵𑌿𑌷𑍍𑌯𑌚𑍍𑌚𑌤𑍁𑌰𑌾𑌨𑌨𑌃 ।
𑌕𑍁𑌮𑌾𑌰𑌬𑍍𑌰𑌹𑍍𑌮𑌚𑌾𑌰𑍀 𑌚 𑌰𑌤𑍍𑌨𑌕𑍁𑌂𑌡𑌲𑌦𑍀𑌪𑍍𑌤𑌿𑌮𑌾𑌨𑍍 ॥ 𑍭 ॥

𑌸𑌂𑌚𑌲𑌦𑍍𑌵𑌾𑌲𑌸𑌨𑍍𑌨𑌦𑍍𑌧𑌲𑌂𑌬𑌮𑌾𑌨𑌶𑌿𑌖𑍋𑌜𑍍𑌜𑍍𑌵𑌲𑌃 ।
𑌗𑌂𑌧𑌰𑍍𑌵𑌵𑌿𑌦𑍍𑌯𑌾𑌤𑌤𑍍𑌤𑍍𑌵𑌜𑍍𑌞𑍋 𑌮𑌹𑌾𑌬𑌲𑌪𑌰𑌾𑌕𑍍𑌰𑌮𑌃 ॥ 𑍮 ॥

𑌕𑌾𑌰𑌾𑌗𑍃𑌹𑌵𑌿𑌮𑍋𑌕𑍍𑌤𑌾 𑌚 𑌶𑍃𑌂𑌖𑌲𑌾𑌬𑌂𑌧𑌮𑍋𑌚𑌕𑌃 ।
𑌸𑌾𑌗𑌰𑍋𑌤𑍍𑌤𑌾𑌰𑌕𑌃 𑌪𑍍𑌰𑌾𑌜𑍍𑌞𑍋 𑌰𑌾𑌮𑌦𑍂𑌤𑌃 𑌪𑍍𑌰𑌤𑌾𑌪𑌵𑌾𑌨𑍍 ॥ 𑍯 ॥

𑌵𑌾𑌨𑌰𑌃 𑌕𑍇𑌸𑌰𑌿𑌸𑍁𑌤𑌃 𑌸𑍀𑌤𑌾𑌶𑍋𑌕𑌨𑌿𑌵𑌾𑌰𑌕𑌃 ।
𑌅𑌂𑌜𑌨𑌾𑌗𑌰𑍍𑌭𑌸𑌂𑌭𑍂𑌤𑍋 𑌬𑌾𑌲𑌾𑌰𑍍𑌕𑌸𑌦𑍃𑌶𑌾𑌨𑌨𑌃 ॥ 10 ॥

𑌵𑌿𑌭𑍀𑌷𑌣𑌪𑍍𑌰𑌿𑌯𑌕𑌰𑍋 𑌦𑌶𑌗𑍍𑌰𑍀𑌵𑌕𑍁𑌲𑌾𑌂𑌤𑌕𑌃 ।
𑌲𑌕𑍍𑌷𑍍𑌮𑌣𑌪𑍍𑌰𑌾𑌣𑌦𑌾𑌤𑌾 𑌚 𑌵𑌜𑍍𑌰𑌕𑌾𑌯𑍋 𑌮𑌹𑌾𑌦𑍍𑌯𑍁𑌤𑌿𑌃 ॥ 11 ॥

𑌚𑌿𑌰𑌂𑌜𑍀𑌵𑍀 𑌰𑌾𑌮𑌭𑌕𑍍𑌤𑍋 𑌦𑍈𑌤𑍍𑌯𑌕𑌾𑌰𑍍𑌯𑌵𑌿𑌘𑌾𑌤𑌕𑌃 ।
𑌅𑌕𑍍𑌷𑌹𑌂𑌤𑌾 𑌕𑌾𑌂𑌚𑌨𑌾𑌭𑌃 𑌪𑌂𑌚𑌵𑌕𑍍𑌤𑍍𑌰𑍋 𑌮𑌹𑌾𑌤𑌪𑌾𑌃 ॥ 12 ॥

𑌲𑌂𑌕𑌿𑌣𑍀𑌭𑌂𑌜𑌨𑌃 𑌶𑍍𑌰𑍀𑌮𑌾𑌨𑍍 𑌸𑌿𑌂𑌹𑌿𑌕𑌾𑌪𑍍𑌰𑌾𑌣𑌭𑌂𑌜𑌨𑌃 ।
𑌗𑌂𑌧𑌮𑌾𑌦𑌨𑌶𑍈𑌲𑌸𑍍𑌥𑍋 𑌲𑌂𑌕𑌾𑌪𑍁𑌰𑌵𑌿𑌦𑌾𑌹𑌕𑌃 ॥ 13 ॥

𑌸𑍁𑌗𑍍𑌰𑍀𑌵𑌸𑌚𑌿𑌵𑍋 𑌧𑍀𑌰𑌃 𑌶𑍂𑌰𑍋 𑌦𑍈𑌤𑍍𑌯𑌕𑍁𑌲𑌾𑌂𑌤𑌕𑌃 ।
𑌸𑍁𑌰𑌾𑌰𑍍𑌚𑌿𑌤𑍋 𑌮𑌹𑌾𑌤𑍇𑌜𑌾 𑌰𑌾𑌮𑌚𑍂𑌡𑌾𑌮𑌣𑌿𑌪𑍍𑌰𑌦𑌃 ॥ 14 ॥

𑌕𑌾𑌮𑌰𑍂𑌪𑍀 𑌪𑌿𑌂𑌗𑌲𑌾𑌕𑍍𑌷𑍋 𑌵𑌾𑌰𑍍𑌧𑌿𑌮𑍈𑌨𑌾𑌕𑌪𑍂𑌜𑌿𑌤𑌃 ।
𑌕𑌬𑌳𑍀𑌕𑍃𑌤𑌮𑌾𑌰𑍍𑌤𑌾𑌂𑌡𑌮𑌂𑌡𑌲𑍋 𑌵𑌿𑌜𑌿𑌤𑍇𑌂𑌦𑌿𑌰𑍍𑌯𑌃 ॥ 15 ॥

𑌰𑌾𑌮𑌸𑍁𑌗𑍍𑌰𑍀𑌵𑌸𑌂𑌧𑌾𑌤𑌾 𑌮𑌹𑌿𑌰𑌾𑌵𑌣𑌮𑌰𑍍𑌦𑌨𑌃 ।
𑌸𑍍𑌫𑌟𑌿𑌕𑌾𑌭𑍋 𑌵𑌾𑌗𑌧𑍀𑌶𑍋 𑌨𑌵𑌵𑍍𑌯𑌾𑌕𑍃𑌤𑌿𑌪𑌂𑌡𑌿𑌤𑌃 ॥ 16 ॥

𑌚𑌤𑍁𑌰𑍍𑌬𑌾𑌹𑍁𑌰𑍍𑌦𑍀𑌨𑌬𑌂𑌧𑍁𑌰𑍍𑌮𑌹𑌾𑌤𑍍𑌮𑌾 𑌭𑌕𑍍𑌤𑌵𑌤𑍍𑌸𑌲𑌃 ।
𑌸𑌂𑌜𑍀𑌵𑌨𑌨𑌗𑌾𑌹𑌰𑍍𑌤𑌾 𑌶𑍁𑌚𑌿𑌰𑍍𑌵𑌾𑌗𑍍𑌮𑍀 𑌦𑍃𑌢𑌵𑍍𑌰𑌤𑌃 ॥ 1𑍭 ॥

𑌕𑌾𑌲𑌨𑍇𑌮𑌿𑌪𑍍𑌰𑌮𑌥𑌨𑍋 𑌹𑌰𑌿𑌮𑌰𑍍𑌕𑌟𑌮𑌰𑍍𑌕𑌟𑌃 ।
𑌦𑌾𑌂𑌤𑌃 𑌶𑌾𑌂𑌤𑌃 𑌪𑍍𑌰𑌸𑌨𑍍𑌨𑌾𑌤𑍍𑌮𑌾 𑌶𑌤𑌕𑌂𑌠𑌮𑌦𑌾𑌪𑌹𑍃𑌤𑍍 ॥ 1𑍮 ॥

𑌯𑍋𑌗𑍀 𑌰𑌾𑌮𑌕𑌥𑌾𑌲𑍋𑌲𑌃 𑌸𑍀𑌤𑌾𑌨𑍍𑌵𑍇𑌷𑌣𑌪𑌂𑌡𑌿𑌤𑌃 ।
𑌵𑌜𑍍𑌰𑌦𑌂𑌷𑍍𑌟𑍍𑌰𑍋 𑌵𑌜𑍍𑌰𑌨𑌖𑍋 𑌰𑍁𑌦𑍍𑌰𑌵𑍀𑌰𑍍𑌯𑌸𑌮𑍁𑌦𑍍𑌭𑌵𑌃 ॥ 1𑍯 ॥

𑌇𑌂𑌦𑍍𑌰𑌜𑌿𑌤𑍍𑌪𑍍𑌰𑌹𑌿𑌤𑌾𑌮𑍋𑌘𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌵𑌿𑌨𑌿𑌵𑌾𑌰𑌕𑌃 ।
𑌪𑌾𑌰𑍍𑌥𑌧𑍍𑌵𑌜𑌾𑌗𑍍𑌰𑌸𑌂𑌵𑌾𑌸𑍀 𑌶𑌰𑌪𑌂𑌜𑌰𑌭𑍇𑌦𑌕𑌃 ॥ 20 ॥

𑌦𑌶𑌬𑌾𑌹𑍁𑌰𑍍𑌲𑍋𑌰𑍍𑌕𑌪𑍂𑌜𑍍𑌯𑍋 𑌜𑌾𑌂𑌬𑌵𑌤𑍍𑌪𑍍𑌰𑍀𑌤𑌿𑌵𑌰𑍍𑌧𑌨𑌃 ।
𑌸𑍀𑌤𑌾𑌸𑌮𑍇𑌤𑌶𑍍𑌰𑍀𑌰𑌾𑌮𑌪𑌾𑌦𑌸𑍇𑌵𑌾𑌧𑍁𑌰𑌂𑌧𑌰𑌃 ॥ 21 ॥

𑌇𑌤𑍍𑌯𑍇𑌵𑌂 𑌶𑍍𑌰𑍀𑌹𑌨𑍁𑌮𑌤𑍋 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ।
𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑌵𑌾𑌪𑍍𑌨𑍁𑌯𑌾𑌤𑍍 ॥ 22 ॥

Browse Related Categories: