VR 4.40 Kishkindha Kanda - Sarga 40 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

4.40 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌅𑌥 𑌰𑌾𑌜𑌾 𑌸𑌮𑍃𑌦𑍍𑌧𑌾𑌰𑍍𑌥𑌸𑍍𑌸𑍁𑌗𑍍𑌰𑍀𑌵𑌃 𑌪𑍍𑌲𑌵𑌗𑍇𑌶𑍍𑌵𑌰𑌃 ।
𑌉𑌵𑌾𑌚 𑌨𑌰𑌶𑌾𑌰𑍍𑌦𑍂𑌲𑌂 𑌰𑌾𑌮𑌂 𑌪𑌰𑌬𑌲𑌾𑌰𑍍𑌦𑌨𑌮𑍍 ॥ 1 ॥

𑌆𑌗𑌤𑌾 𑌵𑌿𑌨𑌿𑌵𑌿𑌷𑍍𑌟𑌾𑌶𑍍𑌚 𑌬𑌲𑌿𑌨𑌃 𑌕𑌾𑌮𑌰𑍂𑌪𑌿𑌣𑌃 ।
𑌵𑌾𑌨𑌰𑌾 𑌵𑌾𑌰𑌣𑍇𑌂𑌦𑍍𑌰𑌭𑌾𑌃 𑌯𑍇 𑌮𑌦𑍍𑌵𑌿𑌷𑌯𑌵𑌾𑌸𑌿𑌨𑌃 ॥ 2 ॥

𑌤 𑌇𑌮𑍇 𑌬𑌹𑍁𑌵𑌿𑌕𑍍𑌰𑌾𑌂𑌤𑍈𑌰𑍍𑌹𑌰𑌿𑌭𑌿𑌰𑍍𑌭𑍀𑌮𑌵𑌿𑌕𑍍𑌰𑌮𑍈𑌃 ।
𑌆𑌗𑌤𑌾 𑌵𑌾𑌨𑌰𑌾 𑌘𑍋𑌰𑌾 𑌦𑍈𑌤𑍍𑌯𑌦𑌾𑌨𑌵𑌸𑌨𑍍𑌨𑌿𑌭𑌾𑌃 ॥ 3 ॥

𑌖𑍍𑌯𑌾𑌤𑌕𑌰𑍍𑌮𑌾𑌪𑌦𑌾𑌨𑌾𑌶𑍍𑌚 𑌬𑌲𑌵𑌂𑌤𑍋 𑌜𑌿𑌤𑌕𑍍𑌲𑌮𑌾𑌃 ।
𑌪𑌰𑌾𑌕𑍍𑌰𑌮𑍇𑌷𑍁 𑌵𑌿𑌖𑍍𑌯𑌾𑌤𑌾 𑌵𑍍𑌯𑌵𑌸𑌾𑌯𑍇𑌷𑍁 𑌚𑍋𑌤𑍍𑌤𑌮𑌾𑌃 ॥ 4 ॥

𑌪𑍃𑌥𑌿𑌵𑍍𑌯𑌂𑌬𑍁𑌚𑌰𑌾 𑌰𑌾𑌮 𑌨𑌾𑌨𑌾𑌨𑌗𑌨𑌿𑌵𑌾𑌸𑌿𑌨𑌃 ।
𑌕𑍋𑌟𑍍𑌯𑌗𑍍𑌰𑌶 𑌇𑌮𑍇 𑌪𑍍𑌰𑌾𑌪𑍍𑌤𑌾 𑌵𑌾𑌨𑌰𑌾𑌸𑍍𑌤𑌵 𑌕𑌿𑌂𑌕𑌰𑌾𑌃 ॥ 5 ॥

𑌨𑌿𑌦𑍇𑌶𑌵𑌰𑍍𑌤𑌿𑌨𑌸𑍍𑌸𑌰𑍍𑌵𑍇 𑌸𑌰𑍍𑌵𑍇 𑌗𑍁𑌰𑍁𑌹𑌿𑌤𑍇 𑌰𑌤𑌾𑌃 ।
𑌅𑌭𑌿𑌪𑍍𑌰𑍇𑌤𑌮𑌨𑍁𑌷𑍍𑌠𑌾𑌤𑍁𑌂 𑌤𑌵 𑌶𑌕𑍍𑌷𑍍𑌯𑌂𑌤𑍍𑌯𑌰𑌿𑌂𑌦𑌮 ॥ 6 ॥

𑌤 𑌇𑌮𑍇 𑌬𑌹𑍁𑌸𑌾𑌹𑌸𑍍𑌰𑍈𑌰𑌨𑍀𑌕𑍈 𑌭𑍀𑌮𑌵𑌿𑌕𑍍𑌰𑌮𑍈𑌃 ।
𑌆𑌗𑌤𑌾 𑌵𑌾𑌨𑌰𑌾 𑌘𑍋𑌰𑌾 𑌦𑍈𑌤𑍍𑌯𑌦𑌾𑌨𑌵𑌸𑌨𑍍𑌨𑌿𑌭𑌾𑌃 ॥ 𑍭 ॥

𑌯𑌨𑍍𑌮𑌨𑍍𑌯𑌸𑍇 𑌨𑌰𑌵𑍍𑌯𑌾𑌘𑍍𑌰 𑌪𑍍𑌰𑌾𑌪𑍍𑌤𑌕𑌾𑌲𑌂 𑌤𑌦𑍁𑌚𑍍𑌯𑌤𑌾𑌮𑍍 ।
𑌤𑌤𑍍𑌸𑍈𑌨𑍍𑌯𑌂 𑌤𑍍𑌵𑌦𑍍𑌵𑌶𑍇 𑌯𑍁𑌕𑍍𑌤𑌮𑌾𑌜𑍍𑌞𑌾𑌪𑌯𑌿𑌤𑍁𑌮𑌰𑍍𑌹𑌸𑌿 ॥ 𑍮 ॥

𑌕𑌾𑌮𑌮𑍇𑌷𑌾𑌮𑌿𑌦𑌂 𑌕𑌾𑌰𑍍𑌯𑌂 𑌵𑌿𑌦𑌿𑌤𑌂 𑌮𑌮 𑌤𑌤𑍍𑌤𑍍𑌵𑌤𑌃 ।
𑌤𑌥𑌾𑌪𑌿 𑌤𑍁 𑌯𑌥𑌾𑌤𑌤𑍍𑌤𑍍𑌵𑌮𑌾𑌜𑍍𑌞𑌾𑌪𑌯𑌿𑌤𑍁𑌮𑌰𑍍𑌹𑌸𑌿 ॥ 𑍯 ॥

𑌇𑌤𑌿 𑌬𑍍𑌰𑍁𑌵𑌾𑌣𑌂 𑌸𑍁𑌗𑍍𑌰𑍀𑌵𑌂 𑌰𑌾𑌮𑍋 𑌦𑌶𑌰𑌥𑌾𑌤𑍍𑌮𑌜𑌃 ।
𑌬𑌾𑌹𑍁𑌭𑍍𑌯𑌾𑌂 𑌸𑌂𑌪𑌰𑌿𑌷𑍍𑌵𑌜𑍍𑌯 𑌇𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 10 ॥

𑌜𑍍𑌞𑌾𑌯𑌤𑌾𑌂 𑌮𑌮 𑌵𑍈𑌦𑍇𑌹𑍀 𑌯𑌦𑌿 𑌜𑍀𑌵𑌤𑌿 𑌵𑌾 𑌨 𑌵𑌾 ।
𑌸 𑌚 𑌦𑍇𑌶𑍋 𑌮𑌹𑌾𑌪𑍍𑌰𑌾𑌜𑍍𑌞 𑌯𑌸𑍍𑌮𑌿𑌨𑍍𑌵𑌸𑌤𑌿 𑌰𑌾𑌵𑌣𑌃 ॥ 11 ॥

𑌅𑌧𑌿𑌗𑌮𑍍𑌯 𑌤𑍁 𑌵𑍈𑌦𑍇𑌹𑍀𑌂 𑌨𑌿𑌲𑌯𑌂 𑌰𑌾𑌵𑌣𑌸𑍍𑌯 𑌚 ।
𑌪𑍍𑌰𑌾𑌪𑍍𑌤𑌕𑌾𑌲𑌂 𑌵𑌿𑌧𑌾𑌸𑍍𑌯𑌾𑌮𑌿 𑌤𑌸𑍍𑌮𑌿𑌨𑍍𑌕𑌾𑌲𑍇 𑌸𑌹 𑌤𑍍𑌵𑌯𑌾 ॥ 12 ॥

𑌨𑌾𑌹𑌮𑌸𑍍𑌮𑌿𑌨𑍍 𑌪𑍍𑌰𑌭𑍁𑌃 𑌕𑌾𑌰𑍍𑌯𑍇 𑌵𑌾𑌨𑌰𑍇𑌶 𑌨 𑌲𑌕𑍍𑌷𑍍𑌮𑌣𑌃 ।
𑌤𑍍𑌵𑌮𑌸𑍍𑌯 𑌹𑍇𑌤𑍁𑌃 𑌕𑌾𑌰𑍍𑌯𑌸𑍍𑌯 𑌪𑍍𑌰𑌭𑍁𑌶𑍍𑌚 𑌪𑍍𑌲𑌵𑌗𑍇𑌶𑍍𑌵𑌰 ॥ 13 ॥

𑌤𑍍𑌵𑌮𑍇𑌵𑌾𑌽𑌜𑍍𑌞𑌾𑌪𑌯 𑌵𑌿𑌭𑍋 𑌮𑌮 𑌕𑌾𑌰𑍍𑌯𑌵𑌿𑌨𑌿𑌶𑍍𑌚𑌯𑌮𑍍 ।
𑌤𑍍𑌵𑌂 𑌹𑌿 𑌜𑌾𑌨𑌾𑌸𑌿 𑌯𑌤𑍍𑌕𑌾𑌰𑍍𑌯𑌂 𑌮𑌮 𑌵𑍀𑌰 𑌨 𑌸𑌂𑌶𑌯𑌃 ॥ 14 ॥

𑌸𑍁𑌹𑍃𑌦𑍍𑌵𑌿𑌤𑍀𑌯𑍋 𑌵𑌿𑌕𑍍𑌰𑌾𑌂𑌤𑌃 𑌪𑍍𑌰𑌾𑌜𑍍𑌞𑌃 𑌕𑌾𑌲𑌵𑌿𑌶𑍇𑌷𑌵𑌿𑌤𑍍 ।
𑌭𑌵𑌾𑌨𑌸𑍍𑌮𑌧𑍍𑌦𑌿𑌤𑍇 𑌯𑍁𑌕𑍍𑌤 𑌸𑍍𑌸𑍁𑌕𑍃𑌤𑌾𑌰𑍍𑌥𑍋𑌽𑌰𑍍𑌥𑌵𑌿𑌤𑍍𑌤𑌮𑌃 ॥ 15 ॥

𑌏𑌵𑌮𑍁𑌕𑍍𑌤𑌸𑍍𑌤𑍁 𑌸𑍁𑌗𑍍𑌰𑍀𑌵𑍋 𑌵𑌿𑌨𑌤𑌂 𑌨𑌾𑌮 𑌯𑍂𑌥𑌪𑌮𑍍 ।
𑌅𑌬𑍍𑌰𑌵𑍀𑌦𑍍𑌰𑌾𑌮𑌸𑌾𑌨𑍍𑌨𑌿𑌧𑍍𑌯𑍇 𑌲𑌕𑍍𑌷𑍍𑌮𑌣𑌸𑍍𑌯 𑌚 𑌧𑍀𑌮𑌤𑌃 ॥ 16 ॥

𑌶𑍈𑌲𑌾𑌭𑌂 𑌮𑍇𑌘𑌨𑌿𑌰𑍍𑌘𑍋𑌷𑌮𑍂𑌰𑍍𑌜𑌿𑌤𑌂 𑌪𑍍𑌲𑌵𑌗𑍇𑌶𑍍𑌵𑌰𑌃 ।
𑌸𑍋𑌮𑌸𑍂𑌰𑍍𑌯𑌾𑌤𑍍𑌮𑌜𑍈 𑌸𑍍𑌸𑌾𑌰𑍍𑌧𑌂 𑌵𑌾𑌨𑌰𑍈𑌰𑍍𑌵𑌾𑌨𑌰𑍋𑌤𑍍𑌤𑌮 ॥ 1𑍭 ॥

𑌦𑍇𑌶𑌕𑌾𑌲𑌨𑌯𑍈𑌰𑍍𑌯𑍁𑌕𑍍𑌤𑌃 𑌕𑌾𑌰𑍍𑌯𑌾 𑌕𑌾𑌰𑍍𑌯𑌵𑌿𑌨𑌿𑌶𑍍𑌚𑌯𑍇 ।
𑌵𑍃𑌤𑌶𑍍𑌶𑌤𑌸𑌹𑌶𑍍𑌰𑍇𑌣 𑌵𑌾𑌨𑌰𑌾𑌣𑌾𑌂 𑌤𑌰𑌸𑍍𑌵𑌿𑌨𑌾𑌮𑍍 ॥ 1𑍮 ॥

𑌅𑌧𑌿𑌗𑌚𑍍𑌛 𑌦𑌿𑌶𑌂 𑌪𑍂𑌰𑍍𑌵𑌾𑌂 𑌸𑌶𑍈𑌲𑌵𑌨𑌕𑌾𑌨𑌨𑌾𑌮𑍍 ।
𑌤𑌤𑍍𑌰 𑌸𑍀𑌤𑌾𑌂 𑌚 𑌵𑍈𑌦𑍇𑌹𑍀𑌂 𑌨𑌿𑌲𑌯𑌂 𑌰𑌾𑌵𑌣𑌸𑍍𑌯 𑌚 ॥ 1𑍯 ॥

𑌮𑌾𑌰𑍍𑌗𑌧𑍍𑌵𑌂 𑌗𑌿𑌰𑌿𑌶𑍃𑌂𑌗𑍇𑌷𑍁 𑌵𑌨𑍇𑌷𑍁 𑌚 𑌨𑌦𑍀𑌷𑍁 𑌚 ।
𑌨𑌦𑍀𑌂 𑌭𑌾𑌗𑍀𑌰𑌥𑍀𑌂 𑌰𑌮𑍍𑌯𑌾𑌂 𑌸𑌰𑌯𑍂𑌂 𑌕𑍌𑌶𑌿𑌕𑍀𑌂 𑌤𑌥𑌾 ॥ 20 ॥

𑌕𑌾𑌲𑌿𑌂𑌦𑍀𑌂 𑌯𑌮𑍁𑌨𑌾𑌂 𑌰𑌮𑍍𑌯𑌾𑌂 𑌯𑌾𑌮𑍁𑌨𑌂 𑌚 𑌮𑌹𑌾𑌗𑌿𑌰𑌿𑌮𑍍 ।
𑌸𑌰𑌸𑍍𑌵𑌤𑍀𑌂 𑌚 𑌸𑌿𑌂𑌧𑍁𑌂 𑌚 𑌶𑍋𑌣𑌂 𑌮𑌣𑌿𑌨𑌿𑌭𑍋𑌦𑌕𑌮𑍍 ॥ 21 ॥

𑌮𑌹𑍀𑌂 𑌕𑌾𑌲𑌮𑌹𑍀𑌂 𑌚𑍈𑌵 𑌶𑍈𑌲𑌕𑌾𑌨𑌨𑌶𑍋𑌭𑌿𑌤𑌾𑌮𑍍 ।
𑌬𑍍𑌰𑌹𑍍𑌮𑌮𑌾𑌲𑌾𑌨𑍍𑌵𑌿𑌦𑍇𑌹𑌾𑌂𑌶𑍍𑌚 𑌮𑌾𑌲𑌵𑌾𑌨𑍍𑌕𑌾𑌲𑌿𑌕𑍋𑌸𑌲𑌾𑌨𑍍 ॥ 22 ॥

𑌮𑌾𑌗𑌧𑌾𑌂𑌶𑍍𑌚 𑌮𑌹𑌾𑌗𑍍𑌰𑌾𑌮𑌾𑌨𑍍𑌪𑍁𑌂𑌡𑍍𑌰𑌾𑌂𑌨𑍍𑌵𑌂𑌗𑌾𑌂 𑌸𑍍𑌤𑌥𑍈𑌵 𑌚 ।
𑌪𑌤𑍍𑌤𑌨𑌂 𑌕𑍋𑌶𑌕𑌾𑌰𑌾𑌣𑌾𑌂 𑌭𑍂𑌮𑌿𑌂 𑌚 𑌰𑌜𑌤𑌾𑌕𑌰𑌾𑌮𑍍 ॥ 23 ॥

𑌸𑌰𑍍𑌵𑌮𑍇𑌤𑌦𑍍𑌵𑌿𑌚𑍇𑌤𑌵𑍍𑌯𑌂 𑌮𑍃𑌗𑌯𑌦𑍍𑌭𑌿𑌸𑍍𑌤𑌤𑌸𑍍𑌤𑌤𑌃 ।
𑌰𑌾𑌮𑌸𑍍𑌯 𑌦𑌯𑌿𑌤𑌾𑌂 𑌭𑌾𑌰𑍍𑌯𑌾𑌂 𑌸𑍀𑌤𑌾𑌂 𑌦𑌶𑌰𑌥𑌸𑍍𑌨𑍁𑌷𑌾𑌮𑍍 ॥ 24 ॥

𑌸𑌮𑍁𑌦𑍍𑌰𑌮𑌵𑌗𑌾𑌢𑌾𑌂𑌶𑍍𑌚 𑌪𑌰𑍍𑌵𑌤𑌾𑌨𑍍𑌪𑌤𑍍𑌤𑌨𑌾𑌨𑌿 𑌚 ।
𑌮𑌂𑌦𑌰𑌸𑍍𑌯 𑌚 𑌯𑍇 𑌕𑍋𑌟𑌿𑌂 𑌸𑌂𑌶𑍍𑌰𑌿𑌤𑌾𑌃 𑌕𑍇𑌚𑌿𑌦𑌾𑌯𑌤𑌾𑌮𑍍 ॥ 25 ॥

𑌕𑌰𑍍𑌣𑌪𑍍𑌰𑌾𑌵𑌰𑌣𑌾𑌶𑍍𑌚𑍈𑌵 𑌤𑌥𑌾 𑌚𑌾𑌪𑍍𑌯𑍋𑌷𑍍𑌠𑌕𑌰𑍍𑌣𑌕𑌾𑌃 ।
𑌘𑍋𑌰𑌲𑍋𑌹𑌮𑍁𑌖𑌾𑌶𑍍𑌚𑍈𑌵 𑌜𑌵𑌨𑌾𑌶𑍍𑌚𑍈𑌕𑌪𑌾𑌦𑌕𑌾𑌃 ॥ 26 ॥

𑌅𑌕𑍍𑌷𑌯𑌾 𑌬𑌲𑌵𑌂𑌤𑌶𑍍𑌚 𑌪𑍁𑌰𑍁𑌷𑌾𑌃 𑌪𑍁𑌰𑍁𑌷𑌾𑌦𑌕𑌾𑌃 ।
𑌕𑌿𑌰𑌾𑌤𑌾𑌃 𑌕𑌰𑍍𑌣 𑌚𑍂𑌡𑌾𑌶𑍍𑌚 𑌹𑍇𑌮𑌾𑌂𑌗𑌾𑌃 𑌪𑍍𑌰𑌿𑌯𑌦𑌰𑍍𑌶𑌨𑌾𑌃 ॥ 2𑍭 ॥

𑌆𑌮𑌮𑍀𑌨𑌾𑌶𑌨𑌾𑌸𑍍𑌤𑌤𑍍𑌰 𑌕𑌿𑌰𑌾𑌤𑌾 𑌦𑍍𑌵𑍀𑌪𑌵𑌾𑌸𑌿𑌨𑌃 ।
𑌅𑌂𑌤𑌰𑍍𑌜𑌲𑌚𑌰𑌾 𑌘𑍋𑌰𑌾 𑌨𑌰𑌵𑍍𑌯𑌾𑌘𑍍𑌰𑌾 𑌇𑌤𑌿 𑌶𑍃𑌤𑌾𑌃 ॥ 2𑍮 ॥

𑌏𑌤𑍇𑌷𑌾𑌮𑌾𑌶𑍍𑌰𑌯𑌾𑌸𑍍𑌸𑌰𑍍𑌵𑍇 𑌵𑌿𑌚𑍇𑌯𑌾𑌃 𑌕𑌾𑌵𑌨𑍌𑌕𑌸𑌃 ।
𑌗𑌿𑌰𑌿𑌭𑌿𑌰𑍍𑌯𑍇 𑌚 𑌗𑌮𑍍𑌯𑌂𑌤𑍇 𑌪𑍍𑌲𑌵𑌨𑍇𑌨 𑌪𑍍𑌲𑌵𑍇𑌨 𑌚 ॥ 2𑍯 ॥

𑌰𑌤𑍍𑌨𑌵𑌂𑌤𑌂 𑌯𑌵𑌦𑍍𑌵𑍀𑌪𑌂 𑌸𑌪𑍍𑌤𑌰𑌾𑌜𑍍𑌯𑍋𑌪𑌶𑍋𑌭𑌿𑌤𑌮𑍍 ।
𑌸𑍁𑌵𑌰𑍍𑌣𑌰𑍂𑌪𑍍𑌯𑌕𑌂 𑌚𑍈𑌵 𑌸𑍁𑌵𑌰𑍍𑌣𑌾𑌕𑌰𑌮𑌂𑌡𑌿𑌤𑌮𑍍 ॥ 30 ॥

𑌯𑌵𑌦𑍍𑌵𑍀𑌪𑌮𑌤𑌿𑌕𑍍𑌰𑌮𑍍𑌯 𑌶𑌿𑌶𑌿𑌰𑍋 𑌨𑌾𑌮 𑌪𑌰𑍍𑌵𑌤𑌃 ।
𑌦𑌿𑌵𑌂 𑌸𑍍𑌪𑍃𑌶𑌤𑌿 𑌶𑍃𑌂𑌗𑍇𑌣 𑌦𑍇𑌵𑌦𑌾𑌨𑌵𑌸𑍇𑌵𑌿𑌤𑌃 ॥ 31 ॥

𑌏𑌤𑍇𑌷𑌾𑌂 𑌗𑌿𑌰𑌿𑌦𑍁𑌰𑍍𑌗𑍇𑌷𑍁 𑌪𑍍𑌰𑌪𑌾𑌤𑍇𑌷𑍁 𑌵𑌨𑍇𑌷𑍁 𑌚 ।
𑌮𑌾𑌰𑍍𑌗𑌧𑍍𑌵𑌂 𑌸𑌹𑌿𑌤𑌾𑌸𑍍𑌸𑌰𑍍𑌵𑍇 𑌰𑌾𑌮𑌪𑌤𑍍𑌨𑍀𑌂 𑌯𑌶𑌸𑍍𑌵𑌿𑌨𑍀𑌮𑍍 ॥ 32 ॥

𑌤𑌤𑍋 𑌰𑌕𑍍𑌤𑌜𑌲𑌂 𑌶𑍋𑌣𑌮𑌗𑌾𑌧𑌂 𑌶𑍀𑌘𑍍𑌰𑌗𑌾𑌮𑌿𑌨𑌮𑍍 ।
𑌗𑌤𑍍𑌵𑌾 𑌪𑌾𑌰𑌂 𑌸𑌮𑍁𑌦𑍍𑌰𑌸𑍍𑌯 𑌸𑌿𑌦𑍍𑌧𑌚𑌾𑌰𑌣𑌸𑍇𑌵𑌿𑌤𑌮𑍍 ॥ 33 ॥

𑌤𑌸𑍍𑌯 𑌤𑍀𑌰𑍍𑌥𑍇𑌷𑍁 𑌰𑌮𑍍𑌯𑍇𑌷𑍁 𑌵𑌿𑌚𑌿𑌤𑍍𑌰𑍇𑌷𑍁 𑌵𑌨𑍇𑌷𑍁 𑌚 ।
𑌰𑌾𑌵𑌣 𑌸𑍍𑌸𑌹 𑌵𑍈𑌦𑍇𑌹𑍍𑌯𑌾 𑌮𑌾𑌰𑍍𑌗𑌿𑌤𑌵𑍍𑌯𑌸𑍍𑌤𑌤𑌸𑍍𑌤𑌤𑌃 ॥ 34 ॥

𑌤𑌤 𑌸𑍍𑌸𑌮𑍁𑌦𑍍𑌰𑌦𑍍𑌵𑍀𑌪𑌾𑌂𑌶𑍍𑌚 𑌸𑍁𑌭𑍀𑌮𑌾𑌂𑌦𑍍𑌰𑌷𑍍𑌟𑍁𑌮𑌰𑍍𑌹𑌥 ।
𑌊𑌰𑍍𑌮𑌿𑌮𑌂𑌤𑌂 𑌸𑌮𑍁𑌦𑍍𑌰𑌂 𑌚 𑌕𑍍𑌰𑍋𑌶𑌂𑌤𑌮𑌨𑌿𑌲𑍋𑌦𑍍𑌧𑌤𑌮𑍍 ॥ 35 ॥

𑌤𑌤𑍍𑌰𑌾𑌸𑍁𑌰𑌾 𑌮𑌹𑌾𑌕𑌾𑌯𑌾𑌶𑍍𑌛𑌾𑌯𑌾𑌂 𑌗𑍃𑌹𑍍𑌣𑌂𑌤𑌿 𑌨𑌿𑌤𑍍𑌯𑌶𑌃 ।
𑌬𑍍𑌰𑌹𑍍𑌮𑌣𑌾 𑌸𑌮𑌨𑍁𑌜𑍍𑌞𑌾𑌤𑌾 𑌦𑍀𑌰𑍍𑌘𑌕𑌾𑌲𑌂 𑌬𑍁𑌭𑍁𑌕𑍍𑌷𑌿𑌤𑌾𑌃 ॥ 36 ॥

𑌤𑌂 𑌕𑌾𑌲𑌮𑍇𑌘𑌪𑍍𑌰𑌤𑌿𑌮𑌂 𑌮𑌹𑍋𑌰𑌗𑌨𑌿𑌷𑍇𑌵𑌿𑌤𑌮𑍍 ।
𑌅𑌭𑌿𑌗𑌮𑍍𑌯 𑌮𑌹𑌾𑌨𑌾𑌦𑌂 𑌤𑍀𑌰𑍍𑌥𑍇𑌨𑍈𑌵 𑌮𑌹𑍋𑌦𑌧𑌿𑌮𑍍 ॥ 3𑍭 ॥

𑌤𑌤𑍋 𑌰𑌕𑍍𑌤𑌜𑌲𑌂 𑌭𑍀𑌮𑌂 𑌲𑍋𑌹𑌿𑌤𑌂 𑌨𑌾𑌮 𑌸𑌾𑌗𑌰𑌮𑍍 ।
𑌗𑌤𑍍𑌵𑌾 𑌪𑍍𑌰𑍇𑌕𑍍𑌷𑍍𑌯𑌥 𑌤𑌾𑌂 𑌚𑍈𑌵 𑌬𑍃𑌹𑌤𑍀𑌂 𑌕𑍂𑌟𑌶𑌾𑌲𑍍𑌮𑌲𑍀𑌮𑍍 ॥ 3𑍮 ॥

𑌗𑍃𑌹𑌂 𑌚 𑌵𑍈𑌨𑌤𑍇𑌯𑌸𑍍𑌯 𑌨𑌾𑌨𑌾𑌰𑌤𑍍𑌨𑌵𑌿𑌭𑍂𑌷𑌿𑌤𑌮𑍍 ।
𑌤𑌤𑍍𑌰 𑌕𑍈𑌲𑌾𑌸𑌸𑌂𑌕𑌾𑌶𑌂 𑌵𑌿𑌹𑌿𑌤𑌂 𑌵𑌿𑌶𑍍𑌵𑌕𑌰𑍍𑌮𑌣𑌾 ॥ 3𑍯 ॥

𑌤𑌤𑍍𑌰 𑌶𑍈𑌲𑌨𑌿𑌭𑌾 𑌭𑍀𑌮𑌾 𑌮𑌂𑌦𑍇𑌹𑌾 𑌨𑌾𑌮 𑌰𑌾𑌕𑍍𑌷𑌸𑌾𑌃 ।
𑌶𑍈𑌲𑌶𑍃𑌂𑌗𑍇𑌷𑍁 𑌲𑌂𑌬𑌂𑌤𑍇 𑌨𑌾𑌨𑌾𑌰𑍂𑌪𑌾 𑌭𑌯𑌾𑌵𑌹𑌾𑌃 ॥ 40 ॥

𑌤𑍇 𑌪𑌤𑌂𑌤𑌿 𑌜𑌲𑍇 𑌨𑌿𑌤𑍍𑌯𑌂 𑌸𑍂𑌰𑍍𑌯𑌸𑍍𑌯𑍋𑌦𑌯𑌨𑌂 𑌪𑍍𑌰𑌤𑌿 ।
𑌨𑌿𑌹𑌤𑌾 𑌬𑍍𑌰𑌹𑍍𑌮𑌤𑍇𑌜𑍋𑌭𑌿𑌰𑌹𑌨𑍍𑌯𑌹𑌨𑌿 𑌰𑌾𑌕𑍍𑌷𑌸𑌾𑌃 ॥ 41 ॥

𑌅𑌭𑌿𑌤𑌪𑍍𑌤𑌾𑌶𑍍𑌚 𑌸𑍂𑌰𑍍𑌯𑍇𑌣 𑌲𑌂𑌬𑌂𑌤𑍇 𑌸𑍍𑌮 𑌪𑍁𑌨𑌃 𑌪𑍁𑌨𑌃 ।
𑌤𑌤𑌃 𑌪𑌾𑌂𑌡𑍁𑌰𑌮𑍇𑌘𑌾𑌭𑌂 𑌕𑍍𑌷𑍀𑌰𑍋𑌦𑌂 𑌨𑌾𑌮 𑌸𑌾𑌗𑌰𑌮𑍍 ॥ 42 ॥

𑌗𑌤𑍍𑌵𑌾 𑌦𑍍𑌰𑌕𑍍𑌷𑍍𑌯𑌥 𑌦𑍁𑌰𑍍𑌧𑌰𑍍𑌷𑌾 𑌮𑍁𑌕𑍍𑌤𑌾𑌹𑌾𑌰𑌮𑌿𑌵𑍋𑌰𑍍𑌮𑌿𑌭𑌿𑌃 ।
𑌤𑌸𑍍𑌯 𑌮𑌧𑍍𑌯𑍇 𑌮𑌹𑌾𑌨𑍍 𑌶𑍍𑌵𑍇𑌤𑍋 𑌋𑌷𑌭𑍋 𑌨𑌾𑌮 𑌪𑌰𑍍𑌵𑌤𑌃 ॥ 43 ॥

𑌦𑌿𑌵𑍍𑌯𑌗𑌂𑌧𑍈𑌃 𑌕𑍁𑌸𑍁𑌮𑌿𑌤𑍈 𑌰𑌾𑌜𑌿𑌤𑍈𑌶𑍍𑌚 𑌨𑌗𑍈𑌰𑍍𑌵𑍃𑌤𑌃 ।
𑌸𑌰𑌶𑍍𑌚 𑌰𑌾𑌜𑌤𑍈𑌃 𑌪𑌦𑍍𑌮𑍈𑌰𑍍𑌜𑍍𑌵𑌲𑌿𑌤𑍈𑌰𑍍𑌹𑍇𑌮𑌕𑍇𑌸𑌰𑍈𑌃 ॥ 44 ॥

𑌨𑌾𑌮𑍍𑌨𑌾 𑌸𑍁𑌦𑌰𑍍𑌶𑌨𑌂 𑌨𑌾𑌮 𑌰𑌾𑌜𑌹𑌂𑌸𑍈𑌸𑍍𑌸𑌮𑌾𑌕𑍁𑌲𑌮𑍍 ।
𑌵𑌿𑌬𑍁𑌧𑌾𑌶𑍍𑌚𑌾𑌰𑌣𑌾 𑌯𑌕𑍍𑌷𑌾𑌃 𑌕𑌿𑌨𑍍𑌨𑌰𑌾𑌶𑍍𑌚𑌾𑌪𑍍𑌸𑌰𑍋𑌗𑌣𑌾𑌃 ॥ 45 ॥

𑌹𑍃𑌷𑍍𑌟𑌾𑌸𑍍𑌸𑌮𑌭𑌿𑌗𑌚𑍍𑌛𑌂𑌤𑌿 𑌨𑌲𑌿𑌨𑍀𑌂 𑌤𑌾𑌂 𑌰𑌿𑌰𑌂𑌸𑌵𑌃 ।
𑌕𑍍𑌷𑍀𑌰𑍋𑌦𑌂 𑌸𑌮𑌤𑌿𑌕𑍍𑌰𑌮𑍍𑌯 𑌤𑌦𑌾 𑌦𑍍𑌰𑌕𑍍𑌷𑍍𑌯𑌥 𑌵𑌾𑌨𑌰𑌾𑌃 ॥ 46 ॥

𑌜𑌲𑍋𑌦𑌂 𑌸𑌾𑌗𑌰𑌂 𑌶𑍀𑌘𑍍𑌰𑌂 𑌸𑌰𑍍𑌵𑌭𑍂𑌤𑌭𑌯𑌾𑌵𑌹𑌮𑍍 ।
𑌤𑌤𑍍𑌰 𑌤𑌤𑍍𑌕𑍋𑌪𑌜𑌂 𑌤𑍇𑌜𑌃 𑌕𑍃𑌤𑌂 𑌹𑌯𑌮𑍁𑌖𑌂 𑌮𑌹𑌤𑍍 ॥ 4𑍭 ॥

𑌅𑌸𑍍𑌯𑌾𑌹𑍁𑌸𑍍𑌤𑌨𑍍𑌮𑌹𑌾𑌵𑍇𑌗𑌮𑍋𑌦𑌨𑌂 𑌸𑌚𑌰𑌾𑌚𑌰𑌮𑍍 ।
𑌤𑌤𑍍𑌰 𑌵𑌿𑌕𑍍𑌰𑍋𑌶𑌤𑌾𑌂 𑌨𑌾𑌦𑍋 𑌭𑍂𑌤𑌾𑌨𑌾𑌂 𑌸𑌾𑌗𑌰𑍌𑌕𑌸𑌾𑌮𑍍 ॥ 4𑍮 ॥

𑌶𑍍𑌰𑍂𑌯𑌤𑍇 𑌚 𑌸𑌮𑌰𑍍𑌥𑌾𑌨𑌾𑌂 𑌦𑍃𑌷𑍍𑌟𑍍𑌵𑌾 𑌤𑌦𑍍𑌬𑌡𑌬𑌾𑌮𑍁𑌖𑌮𑍍 ।
𑌸𑍍𑌵𑌾𑌦𑍂𑌦𑌸𑍍𑌯𑍋𑌤𑍍𑌤𑌰𑍇 𑌦𑍇𑌶𑍇 𑌯𑍋𑌜𑌨𑌾𑌨𑌿 𑌤𑍍𑌰𑌯𑍋𑌦𑌶 ॥ 4𑍯 ॥

𑌜𑌾𑌤𑌰𑍂𑌪𑌶𑌿𑌲𑍋 𑌨𑌾𑌮 𑌮𑌹𑌾𑌨𑍍𑌕𑌨𑌕𑌪𑌰𑍍𑌵𑌤𑌃 ।
𑌤𑌤𑍍𑌰 𑌚𑌂𑌦𑍍𑌰𑌪𑍍𑌰𑌤𑍀𑌕𑌾𑌶𑌂 𑌪𑌨𑍍𑌨𑌗𑌂 𑌧𑌰𑌣𑍀𑌧𑌰𑌮𑍍 ॥ 50 ॥

𑌪𑌦𑍍𑌮𑌪𑌤𑍍𑌰𑌵𑌿𑌶𑌾𑌲𑌾𑌕𑍍𑌷𑌂 𑌤𑌤𑍋 𑌦𑍍𑌰𑌕𑍍𑌷𑍍𑌯𑌥 𑌵𑌾𑌨𑌰𑌾𑌃 ।
𑌆𑌸𑍀𑌨𑌂 𑌪𑌰𑍍𑌵𑌤𑌸𑍍𑌯𑌾𑌗𑍍𑌰𑍇 𑌸𑌰𑍍𑌵𑌭𑍂𑌤𑌨𑌮𑌸𑍍𑌕𑍃𑌤𑌮𑍍 ॥ 51 ॥

𑌸𑌹𑌸𑍍𑌰𑌶𑌿𑌰𑌸𑌂 𑌦𑍇𑌵𑌮𑌨𑌂𑌤𑌂 𑌨𑍀𑌲𑌵𑌾𑌸𑌸𑌮𑍍 ।
𑌤𑍍𑌰𑌿𑌶𑌿𑌰𑌾𑌃 𑌕𑌾𑌂𑌚𑌨𑌃 𑌕𑍇𑌤𑍁𑌸𑍍𑌤𑌾𑌲𑌸𑍍𑌤𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 52 ॥

𑌸𑍍𑌥𑌾𑌪𑌿𑌤𑌃 𑌪𑌰𑍍𑌵𑌤𑌸𑍍𑌯𑌾𑌗𑍍𑌰𑍇 𑌵𑌿𑌰𑌾𑌜𑌤𑌿 𑌸𑌵𑍇𑌦𑌿𑌕𑌃 ।
𑌪𑍂𑌰𑍍𑌵𑌸𑍍𑌯𑌾𑌂 𑌦𑌿𑌶𑌿 𑌨𑌿𑌰𑍍𑌮𑌾𑌣𑌂 𑌕𑍃𑌤𑌂 𑌤𑌤𑍍 𑌤𑍍𑌰𑌿𑌦𑌶𑍇𑌶𑍍𑌵𑌰𑍈𑌃 ॥ 53 ॥

𑌤𑌤𑌃 𑌪𑌰𑌂 𑌹𑍇𑌮𑌮𑌯 𑌶𑍍𑌶𑍍𑌰𑍀𑌮𑌾𑌨𑍁𑌦𑌯𑌪𑌰𑍍𑌵𑌤𑌃 ।
𑌤𑌸𑍍𑌯 𑌕𑍋𑌟𑌿𑌰𑍍𑌦𑌿𑌵𑌂 𑌸𑍍𑌪𑍃𑌷𑍍𑌟𑍍𑌵𑌾 𑌶𑌤𑌯𑍋𑌜𑌨𑌮𑌾𑌯𑌤𑌾 ॥ 54 ॥

𑌜𑌾𑌤𑌰𑍂𑌪𑌮𑌯𑍀 𑌦𑌿𑌵𑍍𑌯𑌾 𑌵𑌿𑌰𑌾𑌜𑌤𑌿 𑌸𑌵𑍇𑌦𑌿𑌕𑌾 ।
𑌸𑌾𑌲𑍈𑌸𑍍𑌤𑌾𑌲𑍈𑌸𑍍𑌤𑌮𑌾𑌲𑍈𑌶𑍍𑌚 𑌕𑌰𑍍𑌣𑌿𑌕𑌾𑌰𑍈𑌶𑍍𑌚 𑌪𑍁𑌷𑍍𑌪𑌿𑌤𑍈𑌃 ॥ 55 ॥

𑌜𑌾𑌤𑌰𑍂𑌪𑌮𑌯𑍈𑌰𑍍𑌦𑌿𑌵𑍍𑌯𑍈 𑌶𑍍𑌶𑍋𑌭𑌤𑍇 𑌸𑍂𑌰𑍍𑌯𑌸𑌨𑍍𑌨𑌿𑌭𑍈𑌃 ।
𑌤𑌤𑍍𑌰 𑌯𑍋𑌜𑌨𑌵𑌿𑌸𑍍𑌤𑌾𑌰𑌮𑍁𑌚𑍍𑌛𑍍𑌰𑌿𑌤𑌂 𑌦𑌶𑌯𑍋𑌜𑌨𑌮𑍍 ॥ 56 ॥

𑌶𑍃𑌂𑌗𑌂 𑌸𑍌𑌮𑌨𑌸𑌂 𑌨𑌾𑌮 𑌜𑌾𑌤𑌰𑍂𑌪𑌮𑌯𑌂 𑌧𑍍𑌰𑍁𑌵𑌮𑍍 ।
𑌤𑌤𑍍𑌰𑌪𑍂𑌰𑍍𑌵𑌂 𑌪𑌦𑌂 𑌕𑍃𑌤𑍍𑌵𑌾 𑌪𑍁𑌰𑌾 𑌵𑌿𑌷𑍍𑌣𑍁𑌸𑍍𑌤𑍍𑌰𑌿𑌵𑌿𑌕𑍍𑌰𑌮𑍇 ॥ 5𑍭 ॥

𑌦𑍍𑌵𑌿𑌤𑍀𑌯𑌂 𑌶𑌿𑌖𑌰𑍇 𑌮𑍇𑌰𑍋𑌶𑍍𑌚𑌕𑌾𑌰 𑌪𑍁𑌰𑍁𑌷𑍋𑌤𑍍𑌤𑌮𑌃 ।
𑌤𑍍𑌤𑌰𑍇𑌣 𑌪𑌰𑌿𑌕𑍍𑌰𑌮𑍍𑌯 𑌜𑌂𑌬𑍂𑌦𑍍𑌵𑍀𑌪𑌂 𑌦𑌿𑌵𑌾𑌕𑌰𑌃 ॥ 5𑍮 ॥

𑌦𑍃𑌶𑍍𑌯𑍋 𑌭𑌵𑌤𑌿 𑌭𑍂𑌯𑌿𑌷𑍍𑌠𑌂 𑌶𑌿𑌖𑌰𑌂 𑌤𑌨𑍍𑌮𑌹𑍋𑌚𑍍𑌛𑍍𑌰𑌯𑌮𑍍 ।
𑌤𑌤𑍍𑌰 𑌵𑍈𑌖𑌾𑌨𑌸𑌾 𑌨𑌾𑌮 𑌵𑌾𑌲𑌖𑌿𑌲𑍍𑌯𑌾 𑌮𑌹𑌰𑍍𑌷𑌯𑌃 ॥ 5𑍯 ॥

𑌪𑍍𑌰𑌕𑌾𑌶𑌮𑌾𑌨𑌾 𑌦𑍃𑌶𑍍𑌯𑌂𑌤𑍇 𑌸𑍂𑌰𑍍𑌯𑌵𑌰𑍍𑌣𑌾𑌸𑍍𑌤𑌪𑌸𑍍𑌵𑌿𑌨𑌃 ।
𑌅𑌯𑌂 𑌸𑍁𑌦𑌰𑍍𑌶𑌨𑍋 𑌦𑍍𑌵𑍀𑌪𑌃 𑌪𑍁𑌰𑍋 𑌯𑌸𑍍𑌯 𑌪𑍍𑌰𑌕𑌾𑌶𑌤𑍇 ॥ 60 ॥

𑌯𑌸𑍍𑌮𑌿𑌂 𑌸𑍍𑌤𑍇𑌜𑌶𑍍𑌚 𑌚𑌕𑍍𑌷𑍁𑌶𑍍𑌚 𑌸𑌰𑍍𑌵𑌪𑍍𑌰𑌾𑌣𑌭𑍃𑌤𑌾𑌮𑌪𑌿 ।
𑌶𑍈𑌲𑌸𑍍𑌯 𑌤𑌸𑍍𑌯 𑌶𑍃𑌂𑌗𑍇𑌷𑍁 𑌕𑌂𑌦𑌰𑍇𑌷𑍁 𑌵𑌨𑍇𑌷𑍁 𑌚 ॥ 61 ॥

𑌰𑌾𑌵𑌣𑌸𑍍𑌸𑌹 𑌵𑍈𑌦𑍇𑌹𑍍𑌯𑌾 𑌮𑌾𑌰𑍍𑌗𑌿𑌤𑌵𑍍𑌯𑌸𑍍𑌤𑌤𑌸𑍍𑌤𑌤𑌃 ।
𑌕𑌾𑌂𑌚𑌨𑌸𑍍𑌯 𑌚 𑌶𑍈𑌲𑌸𑍍𑌯 𑌸𑍂𑌰𑍍𑌯𑌸𑍍𑌯 𑌚 𑌮𑌹𑌾𑌤𑍍𑌮𑌨𑌃 ॥ 62 ॥

𑌆𑌵𑌿𑌷𑍍𑌟𑌾 𑌤𑍇𑌜𑌸𑌾 𑌸𑌂𑌧𑍍𑌯𑌾 𑌪𑍂𑌰𑍍𑌵𑌾 𑌰𑌕𑍍𑌤𑌾 𑌪𑍍𑌰𑌕𑌾𑌶𑌤𑍇 ।
𑌪𑍂𑌰𑍍𑌵𑌮𑍇𑌤𑌤𑍍𑌕𑍃𑌤𑌂 𑌦𑍍𑌵𑌾𑌰𑌂 𑌪𑍃𑌥𑌿𑌵𑍍𑌯𑌾 𑌭𑍁𑌵𑌨𑌸𑍍𑌯 𑌚 ॥ 63 ॥

𑌸𑍂𑌰𑍍𑌯𑌸𑍍𑌯𑍋𑌦𑌯𑌨𑌂 𑌚𑍈𑌵 𑌪𑌰𑍍𑌵𑌾 𑌹𑍍𑌯𑍇𑌷𑌾 𑌦𑌿𑌗𑍁𑌚𑍍𑌯𑌤𑍇 ।
𑌤𑌸𑍍𑌯 𑌶𑍈𑌲𑌸𑍍𑌯 𑌪𑍃𑌷𑍍𑌠𑍇𑌷𑍁 𑌨𑌿𑌰𑍍𑌝𑌰𑍇𑌷𑍁 𑌗𑍁𑌹𑌾𑌸𑍁 𑌚 ॥ 64 ॥

𑌰𑌾𑌵𑌣 𑌸𑍍𑌸𑌹 𑌵𑍈𑌦𑍇𑌹𑍍𑌯𑌾 𑌮𑌾𑌰𑍍𑌗𑌿𑌤𑌵𑍍𑌯𑌸𑍍𑌤𑌤𑌸𑍍𑌤𑌤𑌃 ।
𑌤𑌤𑌃 𑌪𑌰𑌮𑌗𑌮𑍍𑌯𑌾 𑌸𑍍𑌯𑌾𑌦𑍍𑌦𑌿𑌕𑍍𑌪𑍂𑌰𑍍𑌵𑌾 𑌤𑍍𑌰𑌿𑌦𑌶𑌾𑌵𑍃𑌤𑌾 ॥ 65 ॥

𑌰𑌹𑌿𑌤𑌾 𑌚𑌂𑌦𑍍𑌰𑌸𑍂𑌰𑍍𑌯𑌾𑌭𑍍𑌯𑌾𑌮𑌦𑍃𑌶𑍍𑌯𑌾 𑌤𑌿𑌮𑌿𑌰𑌾𑌵𑍃𑌤𑌾 ।
𑌶𑍈𑌲𑍇𑌷𑍁 𑌤𑍇𑌷𑍁 𑌸𑌰𑍍𑌵𑍇𑌷𑍁 𑌕𑌂𑌦𑌰𑍇𑌷𑍁 𑌵𑌨𑍇𑌷𑍁 𑌚 ॥ 66 ॥

𑌯𑍇 𑌚 𑌨𑍋𑌕𑍍𑌤𑌾 𑌮𑌯𑌾 𑌦𑍇𑌶𑌾 𑌵𑌿𑌚𑍇𑌯𑌾 𑌤𑍇𑌷𑍁 𑌜𑌾𑌨𑌕𑍀 ।
𑌏𑌤𑌾𑌵𑌦𑍍𑌵𑌾𑌨𑌰𑍈𑌶𑍍𑌶𑌕𑍍𑌯𑌂 𑌗𑌂𑌤𑍁𑌂 𑌵𑌾𑌨𑌰𑌪𑍁𑌂𑌗𑌵𑌾𑌃 ॥ 6𑍭 ॥

𑌅𑌭𑌾𑌸𑍍𑌕𑌰𑌮𑌮𑌰𑍍𑌯𑌾𑌦𑌂 𑌨 𑌜𑌾𑌨𑍀𑌮𑌸𑍍𑌤𑌤𑌃 𑌪𑌰𑌮𑍍 ।
𑌅𑌧𑌿𑌗𑌮𑍍𑌯 𑌤𑍁 𑌵𑍈𑌦𑍇𑌹𑍀𑌂 𑌨𑌿𑌲𑌯𑌂 𑌰𑌾𑌵𑌣𑌸𑍍𑌯 𑌚 ॥ 6𑍮 ॥

𑌮𑌾𑌸𑍇 𑌪𑍂𑌰𑍍𑌣𑍇 𑌨𑌿𑌵𑌰𑍍𑌤𑌧𑍍𑌵𑌮𑍁𑌦𑌯𑌂 𑌪𑍍𑌰𑌾𑌪𑍍𑌯 𑌪𑌰𑍍𑌵𑌤𑌮𑍍 ।
𑌊𑌰𑍍𑌧𑍍𑌵𑌂 𑌮𑌾𑌸𑌾𑌨𑍍𑌨 𑌵𑌸𑍍𑌤𑌵𑍍𑌯𑌂 𑌵𑌸𑌨𑍍𑌵𑌧𑍍𑌯𑍋 𑌭𑌵𑍇𑌨𑍍𑌮𑌮 ॥ 6𑍯 ॥

𑌸𑌿𑌦𑍍𑌧𑌾𑌰𑍍𑌥𑌾𑌸𑍍𑌸𑌨𑍍𑌨𑌿𑌵𑌰𑍍𑌤𑌧𑍍𑌵𑌮𑌧𑌿𑌗𑌮𑍍𑌯 𑌤𑍁 𑌮𑍈𑌥𑌿𑌲𑍀𑌮𑍍 ।
𑌮𑌹𑍇𑌂𑌦𑍍𑌰𑌕𑌾𑌂𑌤𑌾𑌂 𑌵𑌨𑌷𑌂𑌡𑌮𑌂𑌡𑌿𑌤𑌾𑌂 𑌦𑌿𑌶𑌂 𑌚𑌰𑌿𑌤𑍍𑌵𑌾 𑌨𑌿𑌪𑍁𑌣𑍇𑌨 𑌵𑌾𑌨𑌰𑌾𑌃 ।
𑌅𑌵𑌾𑌪𑍍𑌯 𑌸𑍀𑌤𑌾𑌂 𑌰𑌘𑍁𑌵𑌂𑌶𑌜𑌪𑍍𑌰𑌿𑌯𑌾𑌂 𑌤𑌤𑍋 𑌨𑌿𑌵𑍃𑌤𑍍𑌤𑌾𑌸𑍍𑌸𑍁𑌖𑌿𑌨𑍋 𑌭𑌵𑌿𑌷𑍍𑌯𑌥 ॥ 𑍭0 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: