Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

4.41 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌏𑌕𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌏𑌕𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌤𑌃 𑌪𑍍𑌰𑌸𑍍𑌥𑌾𑌪𑍍𑌯 𑌸𑍁𑌗𑍍𑌰𑍀𑌵𑌸𑍍𑌤𑌨𑍍𑌮𑌹𑌦𑍍𑌵𑌾𑌨𑌰𑌂 𑌬𑌲𑌮𑍍 ।
𑌦𑌕𑍍𑌷𑌿𑌣𑌾𑌂 𑌪𑍍𑌰𑍇𑌷𑌯𑌾𑌮𑌾𑌸 𑌵𑌾𑌨𑌰𑌾𑌨𑌭𑌿𑌲𑌕𑍍𑌷𑌿𑌤𑌾𑌨𑍍 ॥ 1 ॥

𑌨𑍀𑌲 𑌮𑌗𑍍𑌨𑌿𑌸𑍁𑌤𑌂 𑌚𑍈𑌵 𑌹𑌨𑍁𑌮𑌂𑌤𑌂 𑌚 𑌵𑌾𑌨𑌰𑌮𑍍 ।
𑌪𑌿𑌤𑌾𑌮𑌹𑌸𑍁𑌤𑌂 𑌚𑍈𑌵 𑌜𑌾𑌂𑌬𑌵𑌂𑌤𑌂 𑌮𑌹𑌾𑌬𑌲𑌮𑍍 ॥ 2 ॥

𑌸𑍁𑌹𑍋𑌤𑍍𑌰𑌂 𑌚 𑌶𑌰𑌾𑌰𑌿𑌂 𑌚 𑌶𑌰𑌗𑍁𑌲𑍍𑌮𑌂 𑌤𑌥𑍈𑌵 𑌚 ।
𑌗𑌜𑌂 𑌗𑌵𑌾𑌕𑍍𑌷𑌂 𑌗𑌵𑌯𑌂 𑌸𑍁𑌷𑍇𑌣𑌮𑍃𑌷𑌭𑌂 𑌤𑌥𑌾 ॥ 3 ॥

𑌮𑍈𑌂𑌦𑌂 𑌚 𑌦𑍍𑌵𑌿𑌵𑌿𑌦𑌂 𑌚𑍈𑌵 𑌵𑌿𑌜𑌯𑌂 𑌗𑌂𑌧𑌮𑌾𑌦𑌨𑌮𑍍 ।
𑌉𑌲𑍍𑌕𑌾𑌮𑍁𑌖𑌮𑌸𑌂𑌗𑌂 𑌚 𑌹𑍁𑌤𑌾𑌶𑌨𑌸𑍁𑌤𑌾𑌵𑍁𑌭𑍌 ॥ 4 ॥

𑌅𑌂𑌗𑌦𑌪𑍍𑌰𑌮𑍁𑌖𑌾𑌨𑍍𑌵𑍀𑌰𑌾𑌨𑍍𑌵𑍀𑌰𑌃 𑌕𑌪𑌿𑌗𑌣𑍇𑌶𑍍𑌵𑌰𑌃 ।
𑌵𑍇𑌗𑌵𑌿𑌕𑍍𑌰𑌮𑌸𑌂𑌪𑌨𑍍𑌨𑌾𑌨𑍍𑌸𑌂𑌦𑌿𑌦𑍇𑌶 𑌵𑌿𑌶𑍇𑌷𑌵𑌿𑌤𑍍 ॥ 5 ॥

𑌤𑍇𑌷𑌾𑌮𑌗𑍍𑌰𑍇𑌸𑌰𑌂 𑌚𑍈𑌵 𑌮𑌹𑌾𑌬𑌲𑌮𑌥𑌾𑌂𑌗𑌦𑌮𑍍 ।
𑌵𑌿𑌧𑌾𑌯 𑌹𑌰𑌿𑌵𑍀𑌰𑌾𑌣𑌾𑌮𑌾𑌦𑌿𑌶𑌦𑍍𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ॥ 6 ॥

𑌯𑍇 𑌕𑍇𑌚𑌨 𑌸𑌮𑍁𑌦𑍍𑌦𑍇𑌶𑌾𑌸𑍍𑌤𑌸𑍍𑌯𑌾𑌂 𑌦𑌿𑌶𑌿 𑌸𑍁𑌦𑍁𑌰𑍍𑌗𑌮𑌾𑌃 ।
𑌕𑌪𑍀𑌶𑌃 𑌕𑌪𑌿𑌮𑍁𑌖𑍍𑌯𑌾𑌨𑌾𑌂 𑌸 𑌤𑍇𑌷𑌾𑌂 𑌤𑌾𑌨𑍁𑌦𑌾𑌹𑌰𑌤𑍍 ॥ 𑍭 ॥

𑌸𑌹𑌸𑍍𑌰𑌶𑌿𑌰𑌸𑌂 𑌵𑌿𑌂𑌧𑍍𑌯𑌂 𑌨𑌾𑌨𑌾𑌦𑍍𑌰𑍁𑌮𑌲𑌤𑌾𑌯𑍁𑌤𑌮𑍍 ।
𑌨𑌰𑍍𑌮𑌦𑌾𑌂 𑌚 𑌨𑌦𑍀𑌂 𑌰𑌮𑍍𑌯𑌾𑌂 𑌮𑌹𑍋𑌰𑌗𑌨𑌿𑌷𑍇𑌵𑌿𑌤𑌾𑌮𑍍 ॥ 𑍮 ॥

𑌤𑌤𑍋 𑌗𑍋𑌦𑌾𑌵𑌰𑍀𑌂 𑌰𑌮𑍍𑌯𑌾𑌂 𑌕𑍃𑌷𑍍𑌣𑌵𑍇𑌣𑍀𑌂 𑌮𑌹𑌾𑌨𑌦𑍀𑌮𑍍 ।
𑌵𑌰𑌦𑌾𑌂 𑌚 𑌮𑌹𑌾𑌭𑌾𑌗𑌾𑌂 𑌮𑌹𑍋𑌰𑌗𑌨𑌿𑌷𑍇𑌵𑌿𑌤𑌾𑌮𑍍 ॥ 𑍯 ॥

𑌮𑍇𑌖𑌲𑌾𑌮𑍁𑌤𑍍𑌕𑌲𑌾𑌂 𑌚𑍈𑌵 𑌦𑌶𑌾𑌰𑍍𑌣𑌨𑌗𑌰𑌾𑌣𑍍𑌯𑌪𑌿 ।
𑌆𑌶𑍍𑌵𑌵𑌂𑌤𑍀𑌮𑌵𑌂𑌤𑍀𑌂 𑌚 𑌸𑌰𑍍𑌵𑌾𑌮𑍇𑌵𑌾𑌨𑍁𑌪𑌶𑍍𑌯𑌤 ॥ 10 ॥

𑌵𑌿𑌦𑌰𑍍𑌭𑌾𑌨𑍃𑌷𑌿𑌕𑌾𑌂𑌶𑍍𑌚𑍈𑌵 𑌰𑌮𑍍𑌯𑌾𑌨𑍍𑌮𑌾𑌹𑌿𑌷𑌕𑌾𑌨𑌪𑌿 ।
𑌤𑌥𑌾 𑌵𑌂𑌗𑌾𑌨𑍍𑌕𑌲𑌿𑌂𑌗𑌾𑌂𑌶𑍍𑌚 𑌕𑍌𑌶𑌿𑌕𑌾𑌂𑌶𑍍𑌚 𑌸𑌮𑌂𑌤𑌤𑌃 ॥ 11 ॥

𑌅𑌨𑍍𑌵𑍀𑌕𑍍𑌷𑍍𑌯 𑌦𑌂𑌡𑌕𑌾𑌰𑌣𑍍𑌯𑌂 𑌸𑌪𑌰𑍍𑌵𑌤𑌨𑌦𑍀𑌗𑍁𑌹𑌾𑌮𑍍 ।
𑌨𑌦𑍀𑌂 𑌗𑍋𑌦𑌾𑌵𑌰𑍀𑌂 𑌚𑍈𑌵 𑌸𑌰𑍍𑌵𑌮𑍇𑌵𑌾𑌨𑍁𑌪𑌶𑍍𑌯𑌤 ॥ 12 ॥

𑌤𑌥𑍈𑌵𑌾𑌂𑌧𑍍𑌰𑌾𑌂𑌶𑍍𑌚 𑌪𑍁𑌂𑌡𑍍𑌰𑌾𑌂𑌶𑍍𑌚 𑌚𑍋𑌲𑌾𑌨𑍍𑌪𑌾𑌂𑌡𑍍𑌯𑌾𑌂𑌤𑍍𑌸 𑌕𑍇𑌰𑌲𑌾𑌨𑍍 ।
𑌅𑌯𑍋𑌮𑍁𑌖𑌶𑍍𑌚 𑌗𑌂𑌤𑌵𑍍𑌯𑌃 𑌪𑌰𑍍𑌵𑌤𑍋 𑌧𑌾𑌤𑍁𑌮𑌂𑌡𑌿𑌤𑌃 ॥ 13 ॥

𑌵𑌿𑌚𑌿𑌤𑍍𑌰𑌶𑌿𑌖𑌰 𑌶𑍍𑌶𑍍𑌰𑍀𑌮𑌾𑌂𑌶𑍍𑌚𑌿𑌤𑍍𑌰𑌪𑍁𑌷𑍍𑌪𑌿𑌤𑌕𑌾𑌨𑌨𑌃 ।
𑌸𑌚𑌂𑌦𑌨𑌵𑌨𑍋𑌦𑍍𑌦𑍇𑌶𑍋 𑌮𑌾𑌰𑍍𑌗𑌿𑌤𑌵𑍍𑌯𑍋 𑌮𑌹𑌾𑌗𑌿𑌰𑌿𑌃 ॥ 14 ॥

𑌤𑌤𑌸𑍍𑌤𑌾𑌮𑌾𑌪𑌗𑌾𑌂 𑌦𑌿𑌵𑍍𑌯𑌾𑌂 𑌪𑍍𑌰𑌸𑌨𑍍𑌨𑌸𑌲𑌿𑌲𑌾𑌂 𑌶𑌿𑌵𑌾𑌮𑍍 ।
𑌤𑌤𑍍𑌰 𑌦𑍍𑌰𑌕𑍍𑌷𑍍𑌯𑌥 𑌕𑌾𑌵𑍇𑌰𑍀𑌂 𑌵𑌿𑌹𑌿𑌤𑌾𑌮𑌪𑍍𑌸𑌰𑍋𑌗𑌣𑍈𑌃 ॥ 15 ॥

𑌤𑌸𑍍𑌯𑌾𑌸𑍀𑌨𑌂 𑌨𑌗𑌸𑍍𑌯𑌾𑌗𑍍𑌰𑍇 𑌮𑌲𑌯𑌸𑍍𑌯 𑌮𑌹𑍌𑌜𑌸𑌮𑍍 ।
𑌦𑍍𑌰𑌕𑍍𑌷𑍍𑌯𑌥𑌾𑌽𑌦𑌿𑌤𑍍𑌯𑌸𑌂𑌕𑌾𑌶𑌮𑌗𑌸𑍍𑌤𑍍𑌯𑌮𑍃𑌷𑌿𑌸𑌤𑍍𑌤𑌮𑌮𑍍 ॥ 16 ॥

𑌤𑌤𑌸𑍍𑌤𑍇𑌨𑌾𑌭𑍍𑌯𑌨𑍁𑌜𑍍𑌞𑌾𑌤𑌾𑌃 𑌪𑍍𑌰𑌸𑌨𑍍𑌨𑍇𑌨 𑌮𑌹𑌾𑌤𑍍𑌮𑌨𑌾 ।
𑌤𑌾𑌮𑍍𑌰𑌪𑌰𑍍𑌣𑍀𑌂 𑌗𑍍𑌰𑌾𑌹𑌜𑍁𑌷𑍍𑌟𑌾𑌂 𑌤𑌰𑌿𑌷𑍍𑌯𑌥 𑌮𑌹𑌾𑌨𑌦𑍀𑌮𑍍 ॥ 1𑍭 ॥

𑌸𑌾 𑌚𑌂𑌦𑌨𑌵𑌨𑍈𑌰𑍍𑌦𑌿𑌵𑍍𑌯𑍈 𑌪𑍍𑌰𑌚𑍍𑌛𑌨𑍍𑌨𑌾 𑌦𑍍𑌵𑍀𑌪𑌶𑌾𑌲𑌿𑌨𑍀 ।
𑌕𑌾𑌂𑌤𑍇𑌵 𑌯𑍁𑌵𑌤𑌿𑌃 𑌕𑌾𑌂𑌤𑌾𑌂 𑌸𑌮𑍁𑌦𑍍𑌰𑌮𑌵𑌗𑌾𑌹𑌤𑍇 ॥ 1𑍮 ॥

𑌤𑌤𑍋 𑌹𑍇𑌮𑌮𑌯𑌂 𑌦𑌿𑌵𑍍𑌯𑌂 𑌮𑍁𑌕𑍍𑌤𑌾𑌮𑌣𑌿𑌵𑌿𑌭𑍂𑌷𑌿𑌤𑌮𑍍 ।
𑌯𑍁𑌕𑍍𑌤𑌂 𑌕𑌵𑌾𑌟𑌂 𑌪𑌾𑌂𑌡𑍍𑌯𑌾𑌨𑌾𑌂 𑌗𑌤𑌾 𑌦𑍍𑌰𑌕𑍍𑌷𑍍𑌯𑌥 𑌵𑌾𑌨𑌰𑌾𑌃 ॥ 1𑍯 ॥

𑌤𑌤𑌸𑍍𑌸𑌮𑍁𑌦𑍍𑌰𑌮𑌾𑌸𑌾𑌦𑍍𑌯 𑌸𑌂𑌪𑍍𑌰𑌧𑌾𑌰𑍍𑌯𑌾𑌰𑍍𑌥𑌨𑌿𑌶𑍍𑌚𑌯𑌮𑍍 ।
𑌅𑌗𑌸𑍍𑌤𑍍𑌯𑍇𑌨𑌾𑌂𑌤𑌰𑍇 𑌤𑌤𑍍𑌰 𑌸𑌾𑌗𑌰𑍇 𑌵𑌿𑌨𑌿𑌵𑍇𑌶𑌿𑌤𑌃 ॥ 20 ॥

𑌚𑌿𑌤𑍍𑌰𑌨𑌾𑌨𑌾𑌨𑌗𑌃 𑌶𑍍𑌰𑍀𑌮𑌾𑌨𑍍𑌮𑌹𑍇𑌂𑌦𑍍𑌰𑌃 𑌪𑌰𑍍𑌵𑌤𑍋𑌤𑍍𑌤𑌮𑌃 ।
𑌜𑌾𑌤𑌰𑍂𑌪𑌮𑌯𑌃 𑌶𑍍𑌰𑍀𑌮𑌾𑌨𑌵𑌗𑌾𑌢𑍋 𑌮𑌹𑌾𑌰𑍍𑌣𑌵𑌮𑍍 ॥ 21 ॥

𑌨𑌾𑌨𑌾𑌵𑌿𑌧𑍈𑌰𑍍𑌨𑌗𑍈 𑌸𑍍𑌸𑌰𑍍𑌵𑍈𑌲𑌤𑌾𑌭𑌿𑌶𑍍𑌚𑍋𑌪𑌶𑍋𑌭𑌿𑌤𑌮𑍍 ।
𑌦𑍇𑌵𑌰𑍍𑌷𑌿𑌯𑌕𑍍𑌷𑌪𑍍𑌰𑌵𑌰𑍈𑌰𑌪𑍍𑌸𑌰𑍋𑌭𑌿𑌶𑍍𑌚 𑌸𑍇𑌵𑌿𑌤𑌮𑍍 ॥ 22 ॥

𑌸𑌿𑌦𑍍𑌧𑌚𑌾𑌰𑌣𑌸𑌂𑌘𑍈𑌶𑍍𑌚 𑌪𑍍𑌰𑌕𑍀𑌰𑍍𑌣𑌂 𑌸𑌮𑌨𑍋𑌰𑌮𑌮𑍍 ।
𑌤𑌮𑍁𑌪𑍈𑌤𑌿 𑌸𑌹𑌸𑍍𑌰𑌾𑌕𑍍𑌷𑌃 𑌸𑌦𑌾 𑌪𑌰𑍍𑌵𑌸𑍁 𑌪𑌰𑍍𑌵𑌸𑍁 ॥ 23 ॥

𑌦𑍍𑌵𑍀𑌪𑌸𑍍𑌤𑌸𑍍𑌯𑌾𑌪𑌰𑍇 𑌪𑌾𑌰𑍇 𑌶𑌤𑌯𑍋𑌜𑌨𑌮𑌾𑌯𑌤𑌃 ।
𑌅𑌗𑌮𑍍𑌯𑍋 𑌮𑌾𑌨𑍁𑌷𑍈𑌰𑍍𑌦𑍀𑌪𑍍𑌤𑌸𑍍𑌤𑌂 𑌮𑌾𑌰𑍍𑌗𑌧𑍍𑌵𑌂 𑌸𑌮𑌂𑌤𑌤𑌃 ॥ 24 ॥

𑌤𑌤𑍍𑌰 𑌸𑌰𑍍𑌵𑌾𑌤𑍍𑌮𑌨𑌾 𑌸𑍀𑌤𑌾 𑌮𑌾𑌰𑍍𑌗𑌿𑌤𑌵𑍍𑌯𑌾 𑌵𑌿𑌶𑍇𑌷𑌤𑌃 ।
𑌸 𑌹𑌿 𑌦𑍇𑌶𑌸𑍍𑌤𑍁 𑌵𑌧𑍍𑌯𑌸𑍍𑌯 𑌰𑌾𑌵𑌣𑌸𑍍𑌯 𑌦𑍁𑌰𑌾𑌤𑍍𑌮𑌨𑌃 ॥ 25 ॥

𑌰𑌾𑌕𑍍𑌷𑌸𑌾𑌧𑌿𑌪𑌤𑍇𑌰𑍍𑌵𑌾𑌸𑌸𑍍𑌸𑌹𑌸𑍍𑌰𑌾𑌕𑍍𑌷𑌸𑌮𑌦𑍍𑌯𑍁𑌤𑍇𑌃 ।
𑌦𑌕𑍍𑌷𑌿𑌣𑌸𑍍𑌯 𑌸𑌮𑍁𑌦𑍍𑌰𑌸𑍍𑌯 𑌮𑌧𑍍𑌯𑍇 𑌤𑌸𑍍𑌯 𑌤𑍁 𑌰𑌾𑌕𑍍𑌷𑌸𑍀 ॥ 26 ॥

𑌅𑌂𑌗𑌾𑌰𑌕𑍇𑌤𑌿 𑌵𑌿𑌖𑍍𑌯𑌾𑌤𑌾 𑌛𑌾𑌯𑌾𑌮𑌾𑌕𑍃𑌷𑍍𑌯 𑌭𑍋𑌜𑌿𑌨𑍀 ।
𑌏𑌵𑌂 𑌨𑌿𑌸𑍍𑌸𑌂𑌶𑌯𑌾𑌨𑍍𑌕𑍃𑌤𑍍𑌵𑌾 𑌸𑌂𑌶𑌯𑌾𑌨𑍍𑌨𑌷𑍍𑌟𑌸𑌂𑌶𑌯𑌾𑌃 ॥ 2𑍭 ॥

𑌮𑍃𑌗𑌯𑌧𑍍𑌵𑌂 𑌨𑌰𑍇𑌂𑌦𑍍𑌰𑌸𑍍𑌯 𑌪𑌤𑍍𑌨𑍀𑌮𑌮𑌿𑌤𑌤𑍇𑌜𑌸𑌃 ।
𑌤𑌮𑌤𑌿𑌕𑍍𑌰𑌮𑍍𑌯 𑌲𑌕𑍍𑌷𑍍𑌮𑍀𑌵𑌾𑌨𑍍𑌸𑌮𑍁𑌦𑍍𑌰𑍇 𑌶𑌤𑌯𑍋𑌜𑌨𑍇 ॥ 2𑍮 ॥

𑌗𑌿𑌰𑌿𑌃 𑌪𑍁𑌷𑍍𑌪𑌿𑌤𑌕𑍋 𑌨𑌾𑌮 𑌸𑌿𑌦𑍍𑌧𑌚𑌾𑌰𑌣𑌸𑍇𑌵𑌿𑌤𑌃 ।
𑌚𑌂𑌦𑍍𑌰𑌸𑍂𑌰𑍍𑌯𑌾𑌂𑌶𑍁𑌸𑌂𑌕𑌾𑌶𑌸𑍍𑌸𑌾𑌗𑌰𑌾𑌂𑌬𑍁𑌸𑌮𑌾𑌵𑍃𑌤𑌃 ॥ 2𑍯 ॥

𑌭𑍍𑌰𑌾𑌜𑌤𑍇 𑌵𑌿𑌪𑍁𑌲𑍈𑌶𑍍𑌶𑍃𑌂𑌗𑍈𑌰𑌂𑌬𑌰𑌂 𑌵𑌿𑌲𑌿𑌖𑌨𑍍𑌨𑌿𑌵 ।
𑌤𑌸𑍍𑌯𑍈𑌕𑌂 𑌕𑌾𑌂𑌚𑌨𑌂 𑌶𑍃𑌂𑌗𑌂 𑌸𑍇𑌵𑌤𑍇𑌽𑌯𑌂 𑌦𑌿𑌵𑌾𑌕𑌰𑌃 ॥ 30 ॥

𑌶𑍍𑌵𑍇𑌤𑌂 𑌰𑌾𑌜𑌤𑌮𑍇𑌕𑌂 𑌚 𑌸𑍇𑌵𑌤𑍇𑌽𑌯𑌂 𑌨𑌿𑌶𑌾𑌕𑌰𑌃 ।
𑌨 𑌤𑌂 𑌕𑍃𑌤𑌘𑍍𑌨𑌾𑌃 𑌪𑌶𑍍𑌯𑌂𑌤𑌿 𑌨 𑌨𑍃𑌶𑌂𑌸𑌾 𑌨 𑌨𑌾𑌸𑍍𑌤𑌿𑌕𑌾𑌃 ॥ 31 ॥

𑌪𑍍𑌰𑌣𑌮𑍍𑌯 𑌶𑌿𑌰𑌸𑌾 𑌶𑍈𑌲𑌂 𑌤𑌂 𑌵𑌿𑌮𑌾𑌰𑍍𑌗𑌤 𑌵𑌾𑌨𑌰𑌾𑌃 ।
𑌤𑌮𑌤𑌿𑌕𑍍𑌰𑌮𑍍𑌯 𑌦𑍁𑌰𑍍𑌧𑌰𑍍𑌷 𑌸𑍍𑌸𑍂𑌰𑍍𑌯𑌵𑌾𑌨𑍍𑌨𑌾𑌮 𑌪𑌰𑍍𑌵𑌤𑌃 ॥ 32 ॥

𑌅𑌧𑍍𑌵𑌨𑌾 𑌦𑍁𑌰𑍍𑌵𑌿𑌗𑌾𑌹𑍇𑌨 𑌯𑍋𑌜𑌨𑌾𑌨𑌿 𑌚𑌤𑍁𑌰𑍍𑌦𑌶 ।
𑌤𑌤𑌸𑍍𑌤𑌮𑌪𑍍𑌯𑌤𑌿𑌕𑍍𑌰𑌮𑍍𑌯 𑌵𑍈𑌦𑍍𑌯𑍁𑌤𑍋 𑌨𑌾𑌮 𑌪𑌰𑍍𑌵𑌤𑌃 ॥ 33 ॥

𑌸𑌰𑍍𑌵𑌕𑌾𑌮𑌫𑌲𑍈𑌰𑍍𑌵𑍃𑌕𑍍𑌷𑍈 𑌸𑍍𑌸𑌰𑍍𑌵𑌕𑌾𑌲𑌮𑌨𑍋𑌹𑌰𑍈𑌃 ।
𑌤𑌤𑍍𑌰 𑌭𑍁𑌕𑍍𑌤𑍍𑌵𑌾 𑌵𑌰𑌾𑌰𑍍𑌹𑌾𑌣𑌿 𑌮𑍂𑌲𑌾𑌨𑌿 𑌚 𑌫𑌲𑌾𑌨𑌿 𑌚 ॥ 34 ॥

𑌮𑌧𑍂𑌨𑌿 𑌪𑍀𑌤𑍍𑌵𑌾 𑌮𑍁𑌖𑍍𑌯𑌾𑌨𑌿 𑌪𑌰𑌂 𑌗𑌚𑍍𑌛𑌤 𑌵𑌾𑌨𑌰𑌾𑌃 ।
𑌤𑌤𑍍𑌰 𑌨𑍇𑌤𑍍𑌰𑌮𑌨𑌃𑌕𑌾𑌂𑌤𑌃 𑌕𑍁𑌂𑌜𑌰𑍋 𑌨𑌾𑌮 𑌪𑌰𑍍𑌵𑌤𑌃 ॥ 35 ॥

𑌅𑌗𑌸𑍍𑌤𑍍𑌯𑌭𑌵𑌨𑌂 𑌯𑌤𑍍𑌰 𑌨𑌿𑌰𑍍𑌮𑌿𑌤𑌂 𑌵𑌿𑌶𑍍𑌵𑌕𑌰𑍍𑌮𑌣𑌾 ।
𑌤𑌤𑍍𑌰 𑌯𑍋𑌜𑌨𑌵𑌿𑌸𑍍𑌤𑌾𑌰𑌮𑍁𑌚𑍍𑌛𑍍𑌰𑌿𑌤𑌂 𑌦𑌶𑌯𑍋𑌜𑌨𑌮𑍍 ॥ 36 ॥

𑌶𑌰𑌣𑌂 𑌕𑌾𑌂𑌚𑌨𑌂 𑌦𑌿𑌵𑍍𑌯𑌂 𑌨𑌾𑌨𑌾𑌰𑌤𑍍𑌨𑌵𑌿𑌭𑍂𑌷𑌿𑌤𑌮𑍍 ।
𑌤𑌤𑍍𑌰 𑌭𑍋𑌗𑌵𑌤𑍀 𑌨𑌾𑌮 𑌸𑌰𑍍𑌪𑌾𑌣𑌾𑌮𑌾𑌲𑌯𑌃 𑌪𑍁𑌰𑍀 ॥ 3𑍭 ॥

𑌵𑌿𑌶𑌾𑌲𑌕𑌕𑍍𑌷𑍍𑌯𑌾 𑌦𑍁𑌰𑍍𑌧𑌰𑍍𑌷𑌾 𑌸𑌰𑍍𑌵𑌤𑌃 𑌪𑌰𑌿𑌰𑌕𑍍𑌷𑌿𑌤𑌾 ।
𑌰𑌕𑍍𑌷𑌿𑌤𑌾 𑌪𑌨𑍍𑌨𑌗𑍈𑌰𑍍𑌘𑍋𑌰𑍈𑌸𑍍𑌤𑍀𑌕𑍍𑌷𑍍𑌣𑌦𑌷𑍍𑌟𑍍𑌰𑍈𑌰𑍈𑌰𑍍𑌮𑌹𑌾𑌵𑌿𑌷𑍈𑌃 ॥ 3𑍮 ॥

𑌸𑌰𑍍𑌪𑌰𑌾𑌜𑍋 𑌮𑌹𑌾𑌪𑍍𑌰𑌾𑌜𑍍𑌞𑍋 𑌯𑌸𑍍𑌯𑌾𑌂 𑌵𑌸𑌤𑌿 𑌵𑌾𑌸𑍁𑌕𑌿𑌃 ।
𑌨𑌿𑌰𑍍𑌯𑌾𑌯 𑌮𑌾𑌰𑍍𑌗𑌿𑌤𑌵𑍍𑌯𑌾 𑌚 𑌸𑌾 𑌚 𑌭𑍋𑌗𑌵𑌤𑍀 𑌪𑍁𑌰𑍀 ॥ 3𑍯 ॥

𑌤𑌤𑍍𑌰 𑌚𑌾𑌨𑌂𑌤𑌰𑌾 𑌦𑍇𑌶𑌾 𑌯𑍇 𑌕𑍇𑌚𑌨 𑌸𑍁𑌸𑌮𑍍𑌵𑍃𑌤𑌾𑌃 ।
𑌤𑌂 𑌚 𑌦𑍇𑌶𑌮𑌤𑌿𑌕𑍍𑌰𑌮𑍍𑌯 𑌮𑌹𑌾𑌨𑍃𑌷𑌭𑌸𑌂𑌸𑍍𑌥𑌿𑌤𑌃 ॥ 40 ॥

𑌸𑌰𑍍𑌵𑌰𑌤𑍍𑌨𑌮𑌯𑌃 𑌶𑍍𑌰𑍀𑌮𑌾𑌨𑍍 𑌋𑌷𑌭𑍋 𑌨𑌾𑌮 𑌪𑌰𑍍𑌵𑌤𑌃 ।
𑌗𑍋𑌶𑍀𑌰𑍍𑌷𑌕𑌂 𑌪𑌦𑍍𑌮𑌕𑌂 𑌚 𑌹𑌰𑌿𑌶𑍍𑌯𑌾𑌮𑌂 𑌚 𑌚𑌂𑌦𑌨𑌮𑍍 ॥ 41 ॥

𑌦𑌿𑌵𑍍𑌯𑌮𑍁𑌤𑍍𑌪𑌦𑍍𑌯𑌤𑍇 𑌯𑌤𑍍𑌰 𑌤𑌚𑍍𑌚𑍈𑌵𑌾𑌗𑍍𑌨𑌿𑌸𑌮𑌪𑍍𑌰𑌭𑌮𑍍 ।
𑌨 𑌤𑍁 𑌤𑌚𑍍𑌚𑌂𑌦𑌨𑌂 𑌦𑍃𑌷𑍍𑌟𑌵𑌾 𑌸𑍍𑌪𑍍𑌰𑌷𑍍𑌟𑌵𑍍𑌯𑌂 𑌚 𑌕𑌦𑌾𑌚𑌨 ॥ 42 ॥

𑌰𑍋𑌹𑌿𑌤𑌾 𑌨𑌾𑌮 𑌗𑌂𑌧𑌰𑍍𑌵𑌾 𑌘𑍋𑌰𑌾 𑌰𑌕𑍍𑌷𑌂𑌤𑌿 𑌤𑌦𑍍𑌵𑌨𑌮𑍍 ।
𑌤𑌤𑍍𑌰 𑌗𑌂𑌧𑌰𑍍𑌵𑌪𑌤𑌯𑌃 𑌪𑌂𑌚 𑌸𑍂𑌰𑍍𑌯𑌸𑌮𑌪𑍍𑌰𑌭𑌾𑌃 ॥ 43 ॥

𑌶𑍈𑌲𑍂𑌷𑍋 𑌗𑍍𑌰𑌾𑌮𑌣𑍀 𑌶𑍍𑌶𑌿𑌗𑍍𑌰𑍁 𑌶𑍍𑌶𑍁𑌭𑍍𑌰𑍋 𑌬𑌭𑍍𑌰𑍁𑌸𑍍𑌤𑌥𑍈𑌵 𑌚 ।
𑌰𑌵𑌿𑌸𑍋𑌮𑌾𑌗𑍍𑌨𑌿𑌵𑌪𑍁𑌷𑌾𑌂 𑌨𑌿𑌵𑌾𑌸𑌃 𑌪𑍁𑌣𑍍𑌯𑌕𑌰𑍍𑌮𑌣𑌾𑌮𑍍 ॥ 44 ॥

𑌅𑌂𑌤𑍇 𑌪𑍃𑌥𑌿𑌵𑍍𑌯𑌾 𑌦𑍁𑌰𑍍𑌧𑌰𑍍𑌷𑌾𑌸𑍍𑌤𑌤𑍍𑌰 𑌸𑍍𑌵𑌰𑍍𑌗𑌜𑌿𑌤𑌃 𑌸𑍍𑌥𑌿𑌤𑌾𑌃 ।
𑌤𑌤𑌃 𑌪𑌰𑌂 𑌨 𑌵𑌸𑍍𑌸𑍇𑌵𑍍𑌯𑌃 𑌪𑌿𑌤𑍃𑌲𑍋𑌕 𑌸𑍍𑌸𑍁𑌦𑌾𑌰𑍁𑌣𑌃 ॥ 45 ॥

𑌰𑌾𑌜𑌧𑌾𑌨𑍀 𑌯𑌮𑌸𑍍𑌯𑍈𑌷𑌾 𑌕𑌷𑍍𑌟𑍇𑌨 𑌤𑌮𑌸𑌾 𑌵𑍃𑌤𑌾 ।
𑌏𑌤𑌾𑌵𑌦𑍇𑌵 𑌯𑍁𑌷𑍍𑌮𑌾𑌭𑌿𑌰𑍍𑌵𑍀𑌰𑌾 𑌵𑌾𑌨𑌰𑌪𑍁𑌂𑌗𑌵𑌾𑌃 ॥ 46 ॥

𑌶𑌕𑍍𑌯𑌂 𑌵𑌿𑌚𑍇𑌤𑍁𑌂 𑌗𑌂𑌤𑍁𑌂 𑌵𑌾 𑌨𑌾𑌤𑍋 𑌗𑌤𑌿𑌮𑌤𑌾𑌂 𑌗𑌤𑌿𑌃 ।
𑌸𑌰𑍍𑌵𑌮𑍇𑌤𑌤𑍍𑌸𑌮𑌾𑌲𑍋𑌕𑍍𑌯 𑌯𑌚𑍍𑌚𑌾𑌨𑍍𑌯𑌦𑌪𑌿 𑌦𑍃𑌶𑍍𑌯𑌤𑍇 ॥ 4𑍭 ॥

𑌗𑌤𑌿𑌂 𑌵𑌿𑌦𑌿𑌤𑍍𑌵𑌾 𑌵𑍈𑌦𑍇𑌹𑍍𑌯𑌾 𑌸𑍍𑌸𑌨𑍍𑌨𑌿𑌵𑌰𑍍𑌤𑌿𑌤𑍁𑌮𑌰𑍍𑌹𑌥 ।
𑌯𑌸𑍍𑌤𑍁 𑌮𑌾𑌸𑌾𑌨𑍍𑌨𑌿𑌵𑍃𑌤𑍍𑌤𑍋𑌽𑌗𑍍𑌰𑍇 𑌦𑍃𑌷𑍍𑌟𑌾 𑌸𑍀𑌤𑍇𑌤𑌿 𑌵𑌕𑍍𑌷𑍍𑌯𑌤𑌿 ॥ 4𑍮 ॥

𑌮𑌤𑍍𑌤𑍁𑌲𑍍𑌯𑌵𑌿𑌭𑌵𑍋 𑌭𑍋𑌗𑍈 𑌸𑍍𑌸𑍁𑌖𑌂 𑌸 𑌵𑌿𑌹𑌰𑌿𑌷𑍍𑌯𑌤𑌿 ।
𑌤𑌤𑌃 𑌪𑍍𑌰𑌿𑌯𑌤𑌰𑍋 𑌨𑌾𑌸𑍍𑌤𑌿 𑌮𑌮 𑌪𑍍𑌰𑌾𑌣𑌾𑌦𑍍𑌵𑌿𑌶𑍇𑌷𑌤𑌃 ॥ 4𑍯 ॥

𑌕𑍃𑌤𑌾𑌪𑌰𑌾𑌧𑍋 𑌬𑌹𑍁𑌶𑍋 𑌮𑌮 𑌬𑌂𑌧𑍁𑌰𑍍𑌭𑌵𑌿𑌷𑍍𑌯𑌤𑌿 ।
𑌅𑌮𑌿𑌤𑌬𑌲𑌪𑌰𑌾𑌕𑍍𑌰𑌮𑌾 𑌭𑌵𑌂𑌤𑍋 𑌵𑌿𑌪𑍁𑌲𑌗𑍁𑌣𑍇𑌷𑍁 𑌕𑍁𑌲𑍇𑌷𑍁 𑌚 𑌪𑍍𑌰𑌸𑍂𑌤𑌾𑌃 ।
𑌮𑌨𑍁𑌜𑌪𑌤𑌿𑌸𑍁𑌤𑌾𑌂 𑌯𑌥𑌾 𑌲𑌭𑌧𑍍𑌵𑌂 𑌤𑌦𑌧𑌿𑌗𑍁𑌣𑌂 𑌪𑍁𑌰𑍁𑌷𑌾𑌰𑍍𑌥𑌮𑌾𑌰𑌭𑌧𑍍𑌵𑌮𑍍 ॥ 50 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌏𑌕𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: