॥ શ્રી રામ અષ્ટોત્તર શતનામસ્તોત્રમ્ ॥
શ્રીરામો રામભદ્રશ્ચ રામચંદ્રશ્ચ શાશ્વતઃ ।
રાજીવલોચનઃ શ્રીમાન્ રાજેંદ્રો રઘુપુંગવઃ ॥ 1 ॥
જાનકીવલ્લભો જૈત્રો જિતામિત્રો જનાર્દનઃ ।
વિશ્વામિત્રપ્રિયો દાંતઃ શરણત્રાણતત્પરઃ ॥ 2 ॥
વાલિપ્રમથનો વાગ્મી સત્યવાક્ સત્યવિક્રમઃ ।
સત્યવ્રતો વ્રતધરઃ સદા હનુમદાશ્રિત: ॥ 3 ॥
કૌસલ્યેયઃ ખરધ્વંસી વિરાધવધપંડિતઃ ।
વિભીષણપરિત્રાતા હરકોદંડખંડનઃ ॥ 4 ॥
સપ્તતાલપ્રભેત્તા ચ દશગ્રીવશિરોહરઃ ।
જામદગ્વ્યમહાદર્પદલનસ્તાટકાંતકઃ ॥ 5 ॥
વેદાંતસારો વેદાત્મા ભવરોગસ્ય ભેષજમ્ ।
દૂષણત્રિશિરોહંતા ત્રિમૂર્તિસ્ત્રિગુણાત્મકઃ ॥ 6 ॥
ત્રિવિક્રમસ્ત્રિલોકાત્મા પુણ્યચારિત્રકીર્તનઃ ।
ત્રિલોકરક્ષકો ધન્વી દંડકારણ્યકર્ષણઃ ॥ 7 ॥
અહલ્યાશાપશમનઃ પિતૃભક્તો વરપ્રદઃ ।
જિતેંદ્રિયો જિતક્રોધો જિતાવદ્યો જગદ્ગુરુઃ ॥ 8 ॥
ઋક્ષવાનરસંઘાતી ચિત્રકૂટસમાશ્રયઃ ।
જયંતત્રાણવરદઃ સુમિત્રાપુત્રસેવિતઃ ॥ 9 ॥
સર્વદેવાધિદેવશ્ચમૃતવાનરજીવનઃ ।
માયામારીચહંતા ચ મહાદેવો મહાભુજઃ ॥ 10 ॥
સર્વદેવસ્તુતઃ સૌમ્યો બ્રહ્મણ્યો મુનિસંસ્તુતઃ ।
મહાયોગી મહોદારઃ સુગ્રીવેપ્સિતરાજ્યદઃ ॥ 11 ॥
સર્વપુણ્યાધિકફલઃ સ્મૃતસર્વાઘનાશનઃ ।
આદિપુરુષઃ પરમપુરુષો મહાપુરુષ એવ ચ ॥ 12 ॥
પુણ્યોદયો દયાસારઃ પુરાણપુરુષોત્તમઃ ।
સ્મિતવક્ત્રો મિતાભાષી પૂર્વભાષી ચ રાઘવઃ ॥ 13 ॥
અનંતગુણગંભીરો ધીરોદાત્તગુણોત્તમઃ ।
માયામાનુષચારિત્રો મહાદેવાદિપૂજિતઃ ॥ 14 ॥
સેતુકૃજ્જિતવારાશિઃ સર્વતીર્થમયો હરિઃ ।
શ્યામાંગઃ સુંદરઃ શૂરઃ પીતવાસા ધનુર્ધરઃ ॥ 15 ॥
સર્વયજ્ઞાધિપો યજ્વા જરામરણવર્જિતઃ ।
વિભીષણપ્રતિષ્ઠાતા સર્વાપગુણવર્જિતઃ ॥ 16 ॥
પરમાત્મા પરં બ્રહ્મ સચ્ચિદાનંદવિગ્રહઃ ।
પરંજ્યોતિઃ પરંધામ પરાકાશઃ પરાત્પરઃ ।
પરેશઃ પારગઃ પારઃ સર્વદેવાત્મકઃ પરઃ ॥ 17 ॥
શ્રીરામાષ્ટોત્તરશતં ભવતાપનિવારકમ્ ।
સંપત્કરં ત્રિસંધ્યાસુ પઠતાં ભક્તિપૂર્વકમ્ ॥ 18 ॥
રામાય રામભદ્રાય રામચંદ્રાય વેધસે ।
રઘુનાથાય નાથાય સીતાયાઃપતયે નમઃ ॥ 19 ॥
॥ ઇતિ શ્રીસ્કંદપુાણે શ્રીરામ અષ્ટોત્તર શતનામસ્તોત્રમ્ ॥
