ଶୃଣୁ ନାମାନି ରାହୋଶ୍ଚ ସୈଂହିକେୟୋ ଵିଧୁଂତୁଦଃ ।
ସୁରଶତ୍ରୁସ୍ତମଶ୍ଚୈଵ ଫଣୀ ଗାର୍ଗ୍ୟାୟଣସ୍ତଥା ॥ 1 ॥

ସୁରାଗୁର୍ନୀଲଜୀମୂତସଂକାଶଶ୍ଚ ଚତୁର୍ଭୁଜଃ ।
ଖଡ୍ଗଖେଟକଧାରୀ ଚ ଵରଦାୟକହସ୍ତକଃ ॥ 2 ॥

ଶୂଲାୟୁଧୋ ମେଘଵର୍ଣଃ କୃଷ୍ଣଧ୍ଵଜପତାକଵାନ୍ ।
ଦକ୍ଷିଣାଶାମୁଖରତଃ ତୀକ୍ଷ୍ଣଦଂଷ୍ଟ୍ରଧରାୟ ଚ ॥ 3 ॥

ଶୂର୍ପାକାରାସନସ୍ଥଶ୍ଚ ଗୋମେଦାଭରଣପ୍ରିୟଃ ।
ମାଷପ୍ରିୟଃ କଶ୍ୟପର୍ଷିନଂଦନୋ ଭୁଜଗେଶ୍ଵରଃ ॥ 4 ॥

ଉଲ୍କାପାତଜନିଃ ଶୂଲୀ ନିଧିପଃ କୃଷ୍ଣସର୍ପରାଟ୍ ।
ଵିଷଜ୍ଵଲାଵୃତାସ୍ୟୋଽର୍ଧଶରୀରୋ ଜାଦ୍ୟସଂପ୍ରଦଃ ॥ 5 ॥

ରଵୀଂଦୁଭୀକରଶ୍ଛାୟାସ୍ଵରୂପୀ କଠିନାଂଗକଃ ।
ଦ୍ଵିଷଚ୍ଚକ୍ରଚ୍ଛେଦକୋଽଥ କରାଳାସ୍ୟୋ ଭୟଂକରଃ ॥ 6 ॥

କ୍ରୂରକର୍ମା ତମୋରୂପଃ ଶ୍ୟାମାତ୍ମା ନୀଲଲୋହିତଃ ।
କିରୀଟୀ ନୀଲଵସନଃ ଶନିସାମଂତଵର୍ତ୍ମଗଃ ॥ 7 ॥

ଚାଂଡାଲଵର୍ଣୋଽଥାଶ୍ଵ୍ୟର୍କ୍ଷଭଵୋ ମେଷଭଵସ୍ତଥା ।
ଶନିଵତ୍ଫଲଦଃ ଶୂରୋଽପସଵ୍ୟଗତିରେଵ ଚ ॥ 8 ॥

ଉପରାଗକରଃ ସୂର୍ୟହିମାଂଶୁଚ୍ଛଵିହାରକଃ ।
ନୀଲପୁଷ୍ପଵିହାରଶ୍ଚ ଗ୍ରହଶ୍ରେଷ୍ଠୋଽଷ୍ଟମଗ୍ରହଃ ॥ 9 ॥

କବଂଧମାତ୍ରଦେହଶ୍ଚ ୟାତୁଧାନକୁଲୋଦ୍ଭଵଃ ।
ଗୋଵିଂଦଵରପାତ୍ରଂ ଚ ଦେଵଜାତିପ୍ରଵିଷ୍ଟକଃ ॥ 10 ॥

କ୍ରୂରୋ ଘୋରଃ ଶନେର୍ମିତ୍ରଂ ଶୁକ୍ରମିତ୍ରମଗୋଚରଃ ।
ମାନେଗଂଗାସ୍ନାନଦାତା ସ୍ଵଗୃହେପ୍ରବଲାଢ୍ୟକଃ ॥ 11 ॥

ସଦ୍ଗୃହେଽନ୍ୟବଲଧୃଚ୍ଚତୁର୍ଥେ ମାତୃନାଶକଃ ।
ଚଂଦ୍ରୟୁକ୍ତେ ତୁ ଚଂଡାଲଜନ୍ମସୂଚକ ଏଵ ତୁ ॥ 12 ॥

ଜନ୍ମସିଂହେ ରାଜ୍ୟଦାତା ମହାକାୟସ୍ତଥୈଵ ଚ ।
ଜନ୍ମକର୍ତା ଵିଧୁରିପୁ ମତ୍ତକୋ ଜ୍ଞାନଦଶ୍ଚ ସଃ ॥ 13 ॥

ଜନ୍ମକନ୍ୟାରାଜ୍ୟଦାତା ଜନ୍ମହାନିଦ ଏଵ ଚ ।
ନଵମେ ପିତୃହଂତା ଚ ପଂଚମେ ଶୋକଦାୟକଃ ॥ 14 ॥

ଦ୍ୟୂନେ କଳତ୍ରହଂତା ଚ ସପ୍ତମେ କଲହପ୍ରଦଃ ।
ଷଷ୍ଠେ ତୁ ଵିତ୍ତଦାତା ଚ ଚତୁର୍ଥେ ଵୈରଦାୟକଃ ॥ 15 ॥

ନଵମେ ପାପଦାତା ଚ ଦଶମେ ଶୋକଦାୟକଃ ।
ଆଦୌ ୟଶଃ ପ୍ରଦାତା ଚ ଅଂତେ ଵୈରପ୍ରଦାୟକଃ ॥ 16 ॥

କାଲାତ୍ମା ଗୋଚରାଚାରୋ ଧନେ ଚାସ୍ୟ କକୁତ୍ପ୍ରଦଃ ।
ପଂଚମେ ଧିଷଣାଶୃଂଗଦଃ ସ୍ଵର୍ଭାନୁର୍ବଲୀ ତଥା ॥ 17 ॥

ମହାସୌଖ୍ୟପ୍ରଦାୟୀ ଚ ଚଂଦ୍ରଵୈରୀ ଚ ଶାଶ୍ଵତଃ ।
ସୁରଶତ୍ରୁଃ ପାପଗ୍ରହଃ ଶାଂଭଵଃ ପୂଜ୍ୟକସ୍ତଥା ॥ 18 ॥

ପାଟୀରପୂରଣଶ୍ଚାଥ ପୈଠୀନସକୁଲୋଦ୍ଭଵଃ ।
ଦୀର୍ଘକୃଷ୍ଣୋଽତନୁର୍ଵିଷ୍ଣୁନେତ୍ରାରିର୍ଦେଵଦାନଵୌ ॥ 19 ॥

ଭକ୍ତରକ୍ଷୋ ରାହୁମୂର୍ତିଃ ସର୍ଵାଭୀଷ୍ଟଫଲପ୍ରଦଃ ।
ଏତଦ୍ରାହୁଗ୍ରହସ୍ୟୋକ୍ତଂ ନାମ୍ନାମଷ୍ଟୋତ୍ତରଂ ଶତମ୍ ॥ 20 ॥

ଶ୍ରଦ୍ଧୟା ୟୋ ଜପେନ୍ନିତ୍ୟଂ ମୁଚ୍ୟତେ ସର୍ଵସଂକଟାତ୍ ।
ସର୍ଵସଂପତ୍କରସ୍ତସ୍ୟ ରାହୁରିଷ୍ଟପ୍ରଦାୟକଃ ॥ 21 ॥

ଇତି ଶ୍ରୀ ରାହୁ ଅଷ୍ଟୋତ୍ତରଶତନାମ ସ୍ତୋତ୍ରମ୍ ।