നാരായണ നാരായണ ജയ ഗോവിംദ ഹരേ ॥
നാരായണ നാരായണ ജയ ഗോപാല ഹരേ ॥
കരുണാപാരാവാര വരുണാലയഗംഭീര നാരായണ ॥ 1 ॥
ഘനനീരദസംകാശ കൃതകലികല്മഷനാശന നാരായണ ॥ 2 ॥
നാരായണ നാരായണ ജയ ഗോവിംദ ഹരേ...
യമുനാതീരവിഹാര ധൃതകൌസ്തുഭമണിഹാര നാരായണ ॥ 3 ॥
പീതാംബരപരിധാന സുരകള്യാണനിധാന നാരായണ ॥ 4 ॥
നാരായണ നാരായണ ജയ ഗോവിംദ ഹരേ...
മംജുലഗുംജാഭൂഷ മായാമാനുഷവേഷ നാരായണ ॥ 5 ॥
രാധാധരമധുരസിക രജനീകരകുലതിലക നാരായണ ॥ 6 ॥
നാരായണ നാരായണ ജയ ഗോവിംദ ഹരേ...
മുരളീഗാനവിനോദ വേദസ്തുതഭൂപാദ നാരായണ ॥ 7 ॥
വാരിജഭൂഷാഭരണ രാജീവരുക്മിണീരമണ നാരായണ ॥ 8 ॥
[ബര്ഹിനിബര്ഹാപീഡ നടനാടകഫണിക്രീഡ നാരായണ]
നാരായണ നാരായണ ജയ ഗോവിംദ ഹരേ...
ജലരുഹദളനിഭനേത്ര ജഗദാരംഭകസൂത്ര നാരായണ ॥ 9॥
പാതകരജനീസംഹാര കരുണാലയ മാമുദ്ധര നാരായണ ॥ 10 ॥
നാരായണ നാരായണ ജയ ഗോവിംദ ഹരേ...
അഘ ബകഹയകംസാരേ കേശവ കൃഷ്ണ മുരാരേ നാരായണ ॥ 11 ॥
ഹാടകനിഭപീതാംബര അഭയം കുരു മേ മാവര നാരായണ ॥ 12 ॥
നാരായണ നാരായണ ജയ ഗോവിംദ ഹരേ...
ദശരഥരാജകുമാര ദാനവമദസംഹാര നാരായണ ॥ 14 ॥
ഗോവര്ധനഗിരി രമണ ഗോപീമാനസഹരണ നാരായണ ॥ 15 ॥
നാരായണ നാരായണ ജയ ഗോവിംദ ഹരേ...
സരയുതീരവിഹാര സജ്ജനഋഷിമംദാര നാരായണ ॥ 16 ॥
വിശ്വാമിത്രമഖത്ര വിവിധവരാനുചരിത്ര നാരായണ ॥ 17 ॥
നാരായണ നാരായണ ജയ ഗോവിംദ ഹരേ...
ധ്വജവജ്രാംകുശപാദ ധരണീസുതസഹമോദ നാരായണ ॥ 18 ॥
ജനകസുതാപ്രതിപാല ജയ ജയ സംസ്മൃതിലീല നാരായണ ॥ 19 ॥
നാരായണ നാരായണ ജയ ഗോവിംദ ഹരേ...
ദശരഥവാഗ്ധൃതിഭാര ദംഡക വനസംചാര നാരായണ ॥ 20 ॥
മുഷ്ടികചാണൂരസംഹാര മുനിമാനസവിഹാര നാരായണ ॥ 21 ॥
നാരായണ നാരായണ ജയ ഗോവിംദ ഹരേ...
വാലിവിനിഗ്രഹശൌര്യ വരസുഗ്രീവഹിതാര്യ നാരായണ ॥ 22 ॥
മാം മുരളീകര ധീവര പാലയ പാലയ ശ്രീധര നാരായണ ॥ 23 ॥
നാരായണ നാരായണ ജയ ഗോവിംദ ഹരേ...
ജലനിധി ബംധന ധീര രാവണകംഠവിദാര നാരായണ ॥ 24 ॥
താടകമര്ദന രാമ നടഗുണവിവിധ സുരാമ നാരായണ ॥ 25 ॥
നാരായണ നാരായണ ജയ ഗോവിംദ ഹരേ...
ഗൌതമപത്നീപൂജന കരുണാഘനാവലോകന നാരായണ ॥ 26 ॥
സംഭ്രമസീതാഹാര സാകേതപുരവിഹാര നാരായണ ॥ 27 ॥
നാരായണ നാരായണ ജയ ഗോവിംദ ഹരേ...
അചലോദ്ധൃതചംചത്കര ഭക്താനുഗ്രഹതത്പര നാരായണ ॥ 28 ॥
നൈഗമഗാനവിനോദ രക്ഷിത സുപ്രഹ്ലാദ നാരായണ ॥ 29 ॥
[ഭാരത യതവരശംകര നാമാമൃതമഖിലാംതര നാരായണ]
നാരായണ നാരായണ ജയ ഗോവിംദ ഹരേ നാരായണ ॥
നാരായണ നാരായണ ജയ ഗോപാല ഹരേ നാരായണ നാരായണ നാരായണ ॥
ഇതി ശ്രിമച്ഛംകരാചാര്യ വിരചിതം നാരായണ സ്തോത്രം സംപൂര്ണമ് ॥
