ଗୁରୁର୍ଗୁଣଵରୋ ଗୋପ୍ତା ଗୋଚରୋ ଗୋପତିପ୍ରିୟଃ ।
ଗୁଣୀ ଗୁଣଵତାଂ ଶ୍ରେଷ୍ଠୋ ଗୁରୂଣାଂ ଗୁରୁରଵ୍ୟୟଃ ॥ 1 ॥
ଜେତା ଜୟଂତୋ ଜୟଦୋ ଜୀଵୋଽନଂତୋ ଜୟାଵହଃ ।
ଆଂଗୀରସୋଽଧ୍ଵରାସକ୍ତୋ ଵିଵିକ୍ତୋଽଧ୍ଵରକୃତ୍ପରଃ ॥ 2 ॥
ଵାଚସ୍ପତିର୍ଵଶୀ ଵଶ୍ୟୋ ଵରିଷ୍ଠୋ ଵାଗ୍ଵିଚକ୍ଷଣଃ ।
ଚିତ୍ତଶୁଦ୍ଧିକରଃ ଶ୍ରୀମାନ୍ ଚୈତ୍ରଃ ଚିତ୍ରଶିଖଂଡିଜଃ ॥ 3 ॥
ବୃହଦ୍ରଥୋ ବୃହଦ୍ଭାନୁର୍ବୃହସ୍ପତିରଭୀଷ୍ଟଦଃ ।
ସୁରାଚାର୍ୟଃ ସୁରାରାଧ୍ୟଃ ସୁରକାର୍ୟହିତଂକରଃ ॥ 4 ॥
ଗୀର୍ଵାଣପୋଷକୋ ଧନ୍ୟୋ ଗୀଷ୍ପତିର୍ଗିରିଶୋଽନଘଃ ।
ଧୀଵରୋ ଧିଷଣୋ ଦିଵ୍ୟଭୂଷଣୋ ଦେଵପୂଜିତଃ ॥ 5 ॥
ଧନୁର୍ଧରୋ ଦୈତ୍ୟହଂତା ଦୟାସାରୋ ଦୟାକରଃ ।
ଦାରିଦ୍ର୍ୟନାଶକୋ ଧନ୍ୟୋ ଦକ୍ଷିଣାୟନସଂଭଵଃ ॥ 6 ॥
ଧନୁର୍ମୀନାଧିପୋ ଦେଵୋ ଧନୁର୍ବାଣଧରୋ ହରିଃ ।
ଆଂଗୀରସାବ୍ଜସଂଜାତଃ ଆଂଗୀରସକୁଲୋଦ୍ଭଵଃ ॥ 7 ॥
ସିଂଧୁଦେଶାଧିପୋ ଧୀମାନ୍ ସ୍ଵର୍ଣଵର୍ଣଶ୍ଚତୁର୍ଭୁଜଃ ।
ହେମାଂଗଦୋ ହେମଵପୁର୍ହେମଭୂଷଣଭୂଷିତଃ ॥ 8 ॥
ପୁଷ୍ୟନାଥଃ ପୁଷ୍ୟରାଗମଣିମଂଡଲମଂଡିତଃ ।
କାଶପୁଷ୍ପସମାନାଭଃ କଲିଦୋଷନିଵାରକଃ ॥ 9 ॥
ଇଂଦ୍ରାଦିଦେଵୋଦେଵେଶୋ ଦେଵତାଭୀଷ୍ଟଦାୟକଃ ।
ଅସମାନବଲଃ ସତ୍ତ୍ଵଗୁଣସଂପଦ୍ଵିଭାସୁରଃ ॥ 10 ॥
ଭୂସୁରାଭୀଷ୍ଟଦୋ ଭୂରିୟଶଃ ପୁଣ୍ୟଵିଵର୍ଧନଃ ।
ଧର୍ମରୂପୋ ଧନାଧ୍ୟକ୍ଷୋ ଧନଦୋ ଧର୍ମପାଲନଃ ॥ 11 ॥
ସର୍ଵଵେଦାର୍ଥତତ୍ତ୍ଵଜ୍ଞଃ ସର୍ଵାପଦ୍ଵିନିଵାରକଃ ।
ସର୍ଵପାପପ୍ରଶମନଃ ସ୍ଵମତାନୁଗତାମରଃ ॥ 12 ॥
ଋଗ୍ଵେଦପାରଗୋ ଋକ୍ଷରାଶିମାର୍ଗପ୍ରଚାରକଃ ।
ସଦାନଂଦଃ ସତ୍ୟସଂଧଃ ସତ୍ୟସଂକଲ୍ପମାନସଃ ॥ 13 ॥
ସର୍ଵାଗମଜ୍ଞଃ ସର୍ଵଜ୍ଞଃ ସର୍ଵଵେଦାଂତଵିଦ୍ଵରଃ ।
ବ୍ରହ୍ମପୁତ୍ରୋ ବ୍ରାହ୍ମଣେଶୋ ବ୍ରହ୍ମଵିଦ୍ୟାଵିଶାରଦଃ ॥ 14 ॥
ସମାନାଧିକନିର୍ମୁକ୍ତଃ ସର୍ଵଲୋକଵଶଂଵଦଃ ।
ସସୁରାସୁରଗଂଧର୍ଵଵଂଦିତଃ ସତ୍ୟଭାଷଣଃ ॥ 15 ॥
ନମଃ ସୁରେଂଦ୍ରଵଂଦ୍ୟାୟ ଦେଵାଚାର୍ୟାୟ ତେ ନମଃ ।
ନମସ୍ତେଽନଂତସାମର୍ଥ୍ୟ ଵେଦସିଦ୍ଧାଂତପାରଗଃ ॥ 16 ॥
ସଦାନଂଦ ନମସ୍ତେଽସ୍ତୁ ନମଃ ପୀଡାହରାୟ ଚ ।
ନମୋ ଵାଚସ୍ପତେ ତୁଭ୍ୟଂ ନମସ୍ତେ ପୀତଵାସସେ ॥ 17 ॥
ନମୋଽଦ୍ଵିତୀୟରୂପାୟ ଲଂବକୂର୍ଚାୟ ତେ ନମଃ ।
ନମଃ ପ୍ରହୃଷ୍ଟନେତ୍ରାୟ ଵିପ୍ରାଣାଂ ପତୟେ ନମଃ ॥ 18 ॥
ନମୋ ଭାର୍ଗଵଶିଷ୍ୟାୟ ଵିପନ୍ନହିତକାରିଣେ ।
ନମସ୍ତେ ସୁରସୈନ୍ୟାନାଂ ଵିପତ୍ତିତ୍ରାଣହେତଵେ ॥ 19 ॥
ବୃହସ୍ପତିଃ ସୁରାଚାର୍ୟୋ ଦୟାଵାନ୍ ଶୁଭଲକ୍ଷଣଃ ।
ଲୋକତ୍ରୟଗୁରୁଃ ଶ୍ରୀମାନ୍ ସର୍ଵଗଃ ସର୍ଵତୋଵିଭୁଃ ॥ 20 ॥
ସର୍ଵେଶଃ ସର୍ଵଦାତୁଷ୍ଟଃ ସର୍ଵଦଃ ସର୍ଵପୂଜିତଃ ।
ଅକ୍ରୋଧନୋ ମୁନିଶ୍ରେଷ୍ଠୋ ନୀତିକର୍ତା ଜଗତ୍ପିତା ॥ 21 ॥
ଵିଶ୍ଵାତ୍ମା ଵିଶ୍ଵକର୍ତା ଚ ଵିଶ୍ଵୟୋନିରୟୋନିଜଃ ।
ଭୂର୍ଭୁଵୋଧନଦାତା ଚ ଭର୍ତାଜୀଵୋ ମହାବଲଃ ॥ 22 ॥
ବୃହସ୍ପତିଃ କାଶ୍ୟପେୟୋ ଦୟାଵାନ୍ ଶୁଭଲକ୍ଷଣଃ ।
ଅଭୀଷ୍ଟଫଲଦଃ ଶ୍ରୀମାନ୍ ଶୁଭଗ୍ରହ ନମୋଽସ୍ତୁ ତେ ॥ 23 ॥
ବୃହସ୍ପତିଃ ସୁରାଚାର୍ୟୋ ଦେଵାସୁରସୁପୂଜିତଃ ।
ଆଚାର୍ୟୋଦାନଵାରିଶ୍ଚ ସୁରମଂତ୍ରୀ ପୁରୋହିତଃ ॥ 24 ॥
କାଲଜ୍ଞଃ କାଲୃଗ୍ଵେତ୍ତା ଚିତ୍ତଗଶ୍ଚ ପ୍ରଜାପତିଃ ।
ଵିଷ୍ଣୁଃ କୃଷ୍ଣଃ ସଦାସୂକ୍ଷ୍ମଃ ପ୍ରତିଦେଵୋଜ୍ଜ୍ଵଲଗ୍ରହଃ ॥ 25 ॥
ଇତି ଶ୍ରୀ ବୃହସ୍ପତି ଅଷ୍ଟୋତ୍ତରଶତନାମ ସ୍ତୋତ୍ରମ୍ ।
