ବୁଧୋ ବୁଧାର୍ଚିତଃ ସୌମ୍ୟଃ ସୌମ୍ୟଚିତ୍ତଃ ଶୁଭପ୍ରଦଃ ।
ଦୃଢଵ୍ରତୋ ଦୃଢଫଲଃ ଶ୍ରୁତିଜାଲପ୍ରବୋଧକଃ ॥ 1 ॥

ସତ୍ୟଵାସଃ ସତ୍ୟଵଚାଃ ଶ୍ରେୟସାଂ ପତିରଵ୍ୟୟଃ ।
ସୋମଜଃ ସୁଖଦଃ ଶ୍ରୀମାନ୍ ସୋମଵଂଶପ୍ରଦୀପକଃ ॥ 2 ॥

ଵେଦଵିଦ୍ଵେଦତତ୍ତ୍ଵଜ୍ଞୋ ଵେଦାଂତଜ୍ଞାନଭାସ୍ଵରଃ ।
ଵିଦ୍ୟାଵିଚକ୍ଷଣ ଵିଭୁର୍ଵିଦ୍ଵତ୍ପ୍ରୀତିକରୋ ଋଜଃ ॥ 3 ॥

ଵିଶ୍ଵାନୁକୂଲସଂଚାରୋ ଵିଶେଷଵିନୟାନ୍ଵିତଃ ।
ଵିଵିଧାଗମସାରଜ୍ଞୋ ଵୀର୍ୟଵାନ୍ ଵିଗତଜ୍ଵରଃ ॥ 4 ॥

ତ୍ରିଵର୍ଗଫଲଦୋଽନଂତଃ ତ୍ରିଦଶାଧିପପୂଜିତଃ ।
ବୁଦ୍ଧିମାନ୍ ବହୁଶାସ୍ତ୍ରଜ୍ଞୋ ବଲୀ ବଂଧଵିମୋଚକଃ ॥ 5 ॥

ଵକ୍ରାତିଵକ୍ରଗମନୋ ଵାସଵୋ ଵସୁଧାଧିପଃ ।
ପ୍ରସନ୍ନଵଦନୋ ଵଂଦ୍ୟୋ ଵରେଣ୍ୟୋ ଵାଗ୍ଵିଲକ୍ଷଣଃ ॥ 6 ॥

ସତ୍ୟଵାନ୍ ସତ୍ୟସଂକଲ୍ପଃ ସତ୍ୟବଂଧୁଃ ସଦାଦରଃ ।
ସର୍ଵରୋଗପ୍ରଶମନଃ ସର୍ଵମୃତ୍ୟୁନିଵାରକଃ ॥ 7 ॥

ଵାଣିଜ୍ୟନିପୁଣୋ ଵଶ୍ୟୋ ଵାତାଂଗୋ ଵାତରୋଗହୃତ୍ ।
ସ୍ଥୂଲଃ ସ୍ଥୈର୍ୟଗୁଣାଧ୍ୟକ୍ଷଃ ସ୍ଥୂଲସୂକ୍ଷ୍ମାଦିକାରଣଃ ॥ 8 ॥

ଅପ୍ରକାଶଃ ପ୍ରକାଶାତ୍ମା ଘନୋ ଗଗନଭୂଷଣଃ ।
ଵିଧିସ୍ତୁତ୍ୟୋ ଵିଶାଲାକ୍ଷୋ ଵିଦ୍ଵଜ୍ଜନମନୋହରଃ ॥ 9 ॥

ଚାରୁଶୀଲଃ ସ୍ଵପ୍ରକାଶଃ ଚପଲଶ୍ଚ ଜିତେଂଦ୍ରିୟଃ ।
ଉଦଙ୍ମୁଖୋ ମଖାସକ୍ତୋ ମଗଧାଧିପତିର୍ହରଃ ॥ 10 ॥

ସୌମ୍ୟଵତ୍ସରସଂଜାତଃ ସୋମପ୍ରିୟକରଃ ସୁଖୀ ।
ସିଂହାଧିରୂଢଃ ସର୍ଵଜ୍ଞଃ ଶିଖିଵର୍ଣଃ ଶିଵଂକରଃ ॥ 11 ॥

ପୀତାଂବରୋ ପୀତଵପୁଃ ପୀତଚ୍ଛତ୍ରଧ୍ଵଜାଂକିତଃ ।
ଖଡ୍ଗଚର୍ମଧରଃ କାର୍ୟକର୍ତା କଲୁଷହାରକଃ ॥ 12 ॥

ଆତ୍ରେୟଗୋତ୍ରଜୋଽତ୍ୟଂତଵିନୟୋ ଵିଶ୍ଵପାଵନଃ ।
ଚାଂପେୟପୁଷ୍ପସଂକାଶଃ ଚାରଣଃ ଚାରୁଭୂଷଣଃ ॥ 13 ॥

ଵୀତରାଗୋ ଵୀତଭୟୋ ଵିଶୁଦ୍ଧକନକପ୍ରଭଃ ।
ବଂଧୁପ୍ରିୟୋ ବଂଧମୁକ୍ତୋ ବାଣମଂଡଲସଂଶ୍ରିତଃ ॥ 14 ॥

ଅର୍କେଶାନପ୍ରଦେଶସ୍ଥଃ ତର୍କଶାସ୍ତ୍ରଵିଶାରଦଃ ।
ପ୍ରଶାଂତଃ ପ୍ରୀତିସଂୟୁକ୍ତଃ ପ୍ରିୟକୃତ୍ ପ୍ରିୟଭାଷଣଃ ॥ 15 ॥

ମେଧାଵୀ ମାଧଵାସକ୍ତୋ ମିଥୁନାଧିପତିଃ ସୁଧୀଃ ।
କନ୍ୟାରାଶିପ୍ରିୟଃ କାମପ୍ରଦୋ ଘନଫଲାଶ୍ରୟଃ ॥ 16 ॥

ବୁଧସ୍ୟୈଵଂ ପ୍ରକାରେଣ ନାମ୍ନାମଷ୍ଟୋତ୍ତରଂ ଶତମ୍ ।
ସଂପୂଜ୍ୟ ଵିଧିଵତ୍କର୍ତା ସର୍ଵାନ୍କାମାନଵାପ୍ନୁୟାତ୍ ॥ 17 ॥

ଇତି ଶ୍ରୀ ବୁଧ ଅଷ୍ଟୋତ୍ତରଶତନାମ ସ୍ତୋତ୍ରମ୍ ।