ଶୁକ୍ରଃ ଶୁଚିଃ ଶୁଭଗୁଣଃ ଶୁଭଦଃ ଶୁଭଲକ୍ଷଣଃ ।
ଶୋଭନାକ୍ଷଃ ଶୁଭ୍ରରୂପଃ ଶୁଦ୍ଧସ୍ଫଟିକଭାସ୍ଵରଃ ॥ 1 ॥

ଦୀନାର୍ତିହାରକୋ ଦୈତ୍ୟଗୁରୁଃ ଦେଵାଭିଵଂଦିତଃ ।
କାଵ୍ୟାସକ୍ତଃ କାମପାଲଃ କଵିଃ କଳ୍ୟାଣଦାୟକଃ ॥ 2 ॥

ଭଦ୍ରମୂର୍ତିର୍ଭଦ୍ରଗୁଣୋ ଭାର୍ଗଵୋ ଭକ୍ତପାଲନଃ ।
ଭୋଗଦୋ ଭୁଵନାଧ୍ୟକ୍ଷୋ ଭୁକ୍ତିମୁକ୍ତିଫଲପ୍ରଦଃ ॥ 3 ॥

ଚାରୁଶୀଲଶ୍ଚାରୁରୂପଶ୍ଚାରୁଚଂଦ୍ରନିଭାନନଃ ।
ନିଧିର୍ନିଖିଲଶାସ୍ତ୍ରଜ୍ଞୋ ନୀତିଵିଦ୍ୟାଧୁରଂଧରଃ ॥ 4 ॥

ସର୍ଵଲକ୍ଷଣସଂପନ୍ନଃ ସର୍ଵାଵଗୁଣଵର୍ଜିତଃ ।
ସମାନାଧିକନିର୍ମୁକ୍ତଃ ସକଲାଗମପାରଗଃ ॥ 5 ॥

ଭୃଗୁର୍ଭୋଗକରୋ ଭୂମିସୁରପାଲନତତ୍ପରଃ ।
ମନସ୍ଵୀ ମାନଦୋ ମାନ୍ୟୋ ମାୟାତୀତୋ ମହାଶୟଃ ॥ 6 ॥

ବଲିପ୍ରସନ୍ନୋଽଭୟଦୋ ବଲୀ ବଲପରାକ୍ରମଃ ।
ଭଵପାଶପରିତ୍ୟାଗୋ ବଲିବଂଧଵିମୋଚକଃ ॥ 7 ॥

ଘନାଶୟୋ ଘନାଧ୍ୟକ୍ଷୋ କଂବୁଗ୍ରୀଵଃ କଳାଧରଃ ।
କାରୁଣ୍ୟରସସଂପୂର୍ଣଃ କଳ୍ୟାଣଗୁଣଵର୍ଧନଃ ॥ 8 ॥

ଶ୍ଵେତାଂବରଃ ଶ୍ଵେତଵପୁଶ୍ଚତୁର୍ଭୁଜସମନ୍ଵିତଃ ।
ଅକ୍ଷମାଲାଧରୋଽଚିଂତ୍ୟୋ ଅକ୍ଷୀଣଗୁଣଭାସୁରଃ ॥ 9 ॥

ନକ୍ଷତ୍ରଗଣସଂଚାରୋ ନୟଦୋ ନୀତିମାର୍ଗଦଃ ।
ଵର୍ଷପ୍ରଦୋ ହୃଷୀକେଶଃ କ୍ଲେଶନାଶକରଃ କଵିଃ ॥ 10 ॥

ଚିଂତିତାର୍ଥପ୍ରଦଃ ଶାଂତମତିଃ ଚିତ୍ତସମାଧିକୃତ୍ ।
ଆଧିଵ୍ୟାଧିହରୋ ଭୂରିଵିକ୍ରମଃ ପୁଣ୍ୟଦାୟକଃ ॥ 11 ॥

ପୁରାଣପୁରୁଷଃ ପୂଜ୍ୟଃ ପୁରୁହୂତାଦିସନ୍ନୁତଃ ।
ଅଜେୟୋ ଵିଜିତାରାତିର୍ଵିଵିଧାଭରଣୋଜ୍ଜ୍ଵଲଃ ॥ 12 ॥

କୁଂଦପୁଷ୍ପପ୍ରତୀକାଶୋ ମଂଦହାସୋ ମହାମତିଃ ।
ମୁକ୍ତାଫଲସମାନାଭୋ ମୁକ୍ତିଦୋ ମୁନିସନ୍ନୁତଃ ॥ 13 ॥

ରତ୍ନସିଂହାସନାରୂଢୋ ରଥସ୍ଥୋ ରଜତପ୍ରଭଃ ।
ସୂର୍ୟପ୍ରାଗ୍ଦେଶସଂଚାରଃ ସୁରଶତ୍ରୁସୁହୃତ୍ କଵିଃ ॥ 14 ॥

ତୁଲାଵୃଷଭରାଶୀଶୋ ଦୁର୍ଧରୋ ଧର୍ମପାଲକଃ ।
ଭାଗ୍ୟଦୋ ଭଵ୍ୟଚାରିତ୍ରୋ ଭଵପାଶଵିମୋଚକଃ ॥ 15 ॥

ଗୌଡଦେଶେଶ୍ଵରୋ ଗୋପ୍ତା ଗୁଣୀ ଗୁଣଵିଭୂଷଣଃ ।
ଜ୍ୟେଷ୍ଠାନକ୍ଷତ୍ରସଂଭୂତୋ ଜ୍ୟେଷ୍ଠଃ ଶ୍ରେଷ୍ଠଃ ଶୁଚିସ୍ମିତଃ ॥ 16 ॥

ଅପଵର୍ଗପ୍ରଦୋଽନଂତଃ ସଂତାନଫଲଦାୟକଃ ।
ସର୍ଵୈଶ୍ଵର୍ୟପ୍ରଦଃ ସର୍ଵଗୀର୍ଵାଣଗଣସନ୍ନୁତଃ ॥ 17 ॥

ଏଵଂ ଶୁକ୍ରଗ୍ରହସ୍ୟୈଵ କ୍ରମାଦଷ୍ଟୋତ୍ତରଂ ଶତମ୍ ।
ସର୍ଵପାପପ୍ରଶମନଂ ସର୍ଵପୁଣ୍ୟଫଲପ୍ରଦମ୍ ।
ୟଃ ପଠେଚ୍ଛୃଣୁୟାଦ୍ଵାପି ସର୍ଵାନ୍ କାମାନଵାପ୍ନୁୟାତ୍ ॥ 18 ॥

ଇତି ଶ୍ରୀ ଶୁକ୍ର ଅଷ୍ଟୋତ୍ତରଶତନାମ ସ୍ତୋତ୍ରମ୍ ।