ସୁଵର୍ଣ ଵର୍ଣ ସୁଂଦରଂ ସିତୈକ ଦଂତ-ବଂଧୁରଂ
ଗୃହୀତ ପାଶ-ମଂକୁଶଂ ଵରପ୍ରଦା-ଽଭୟପ୍ରଧମ୍ ।
ଚତୁର୍ଭୁଜଂ ତ୍ରିଲୋଚନଂ ଭୁଜଂଗ-ମୋପଵୀତିନଂ
ପ୍ରଫୁଲ୍ଲ ଵାରିଜାସନଂ ଭଜାମି ସିଂଧୁରାନନମ୍ ॥
କିରୀଟ ହାର କୁଂଡଲଂ ପ୍ରଦୀପ୍ତ ବାହୁ ଭୂଷଣଂ
ପ୍ରଚଂଡ ରତ୍ନ କଂକଣଂ ପ୍ରଶୋଭିତାଂଘ୍ରି-ୟଷ୍ଟିକମ୍ ।
ପ୍ରଭାତ ସୂର୍ୟ ସୁଂଦରାଂବର-ଦ୍ଵୟ ପ୍ରଧାରିଣଂ
ସରତ୍ନ ହେମନୂପୁର ପ୍ରଶୋଭିତାଂଘ୍ରି-ପଂକଜମ୍ ॥
ସୁଵର୍ଣ ଦଂଡ ମଂଡିତ ପ୍ରଚଂଡ ଚାରୁ ଚାମରଂ
ଗୃହ ପ୍ରତୀର୍ଣ ସୁଂଦରଂ ୟୁଗକ୍ଷଣ ପ୍ରମୋଦିତମ୍ ।
କଵୀଂଦ୍ର ଚିତ୍ତରଂଜକଂ ମହା ଵିପତ୍ତି ଭଂଜକଂ
ଷଡକ୍ଷର ସ୍ଵରୂପିଣଂ ଭଜେଦ୍ଗଜେଂଦ୍ର ରୂପିଣମ୍ ॥
ଵିରିଂଚି ଵିଷ୍ଣୁ ଵଂଦିତଂ ଵିରୁପଲୋଚନ ସ୍ତୁତିଂ
ଗିରୀଶ ଦର୍ଶନେଚ୍ଛୟା ସମାର୍ପିତଂ ପରାଶାୟା ।
ନିରଂତରଂ ସୁରାସୁରୈଃ ସୁପୁତ୍ର ଵାମଲୋଚନୈଃ
ମହାମଖେଷ୍ଟ-ମିଷ୍ଟ-କର୍ମନୁ ଭଜାମି ତୁଂଦିଲମ୍ ॥
ମଦୌଘ ଲୁବ୍ଧ ଚଂଚଲାର୍କ ମଂଜୁ ଗୁଂଜିତା ରଵଂ
ପ୍ରବୁଦ୍ଧ ଚିତ୍ତରଂଜକଂ ପ୍ରମୋଦ କର୍ଣଚାଲକମ୍ ।
ଅନନ୍ୟ ଭକ୍ତି ମାନନଂ ପ୍ରଚଂଡ ମୁକ୍ତି ଦାୟକଂ
ନମାମି ନିତ୍ୟ-ମାଦରେଣ ଵକ୍ରତୁଂଡ ନାୟକମ୍ ॥
ଦାରିଦ୍ର୍ୟ ଵିଦ୍ରାଵଣ ମାଶୁ କାମଦଂ
ସ୍ତୋତ୍ରଂ ପଠେଦେତ-ଦଜସ୍ର-ମାଦରାତ୍ ।
ପୁତ୍ରୀ କଳତ୍ର ସ୍ଵଜନେଷୁ ମୈତ୍ରୀ
ପୁମାନ୍-ଭଵେ-ଦେକଦଂତ ଵରପ୍ରାସାଦାତ୍ ॥
ଇତି ଶ୍ରୀମଚ୍ଛଂକରାଚାର୍ୟ ଵିରଚିତଂ ଦାରିଦ୍ର୍ୟ ଦହନ ଗଣପତି ସ୍ତୋତ୍ରଂ ସଂପୂର୍ଣମ୍ ॥
