(ඍ.1.10.15.1)

උදී॑රතා॒මව॑ර॒ උත්පරා॑ස॒ උන්ම॑ධ්ය॒මාඃ පි॒තරඃ॑ සෝ॒ම්යාසඃ॑ ।
අසුං॒-යඁ ඊ॒යුර॑වෘ॒කා ඍ॑ත॒ජ්ඤාස්තේ නෝ॑ऽවංතු පි॒තරෝ॒ හවේ॑ෂු ॥ 01

ඉ॒දං පි॒තෘභ්යෝ॒ නමෝ॑ අස්ත්ව॒ද්ය යේ පූර්වා॑සෝ॒ ය උප॑රාස ඊ॒යුඃ ।
යේ පාර්ථි॑වේ॒ රජ॒ස්යා නිෂ॑ත්තා॒ යේ වා॑ නූ॒නං සු॑වෘ॒ජනා॑සු වි॒ක්ෂු ॥ 02

ආහං පි॒තॄන්සු॑වි॒දත්රාං॑ අවිත්සි॒ නපා॑තං ච වි॒ක්රම॑ණං ච॒ විෂ්ණෝඃ॑ ।
බ॒ර්​හි॒ෂදෝ॒ යේ ස්ව॒ධයා॑ සු॒තස්ය॒ භජං॑ත පි॒ත්වස්ත ඉ॒හාග॑මිෂ්ඨාඃ ॥ 03

බර්​හි॑ෂදඃ පිතර ඌ॒ත්ය(1॒॑ )ර්වාගි॒මා වෝ॑ හ॒ව්යා ච॑කෘමා ජු॒ෂධ්ව॑ම් ।
ත ආ ග॒තාව॑සා॒ ශංත॑මේ॒නාථා॑ නඃ॒ ශං-යෝඁර॑ර॒පෝ ද॑ධාත ॥ 04

උප॑හූතාඃ පි॒තරඃ॑ සෝ॒ම්යාසෝ॑ බර්​හි॒ෂ්යේ॑ෂු නි॒ධිෂු॑ ප්රි॒යේෂු॑ ।
ත ආ ග॑මංතු॒ ත ඉ॒හ ශ්රු॑වං॒ත්වධි॑ බ්රුවංතු॒ තේ॑ऽවංත්ව॒ස්මාන් ॥ 05

ආච්යා॒ ජානු॑ දක්ෂිණ॒තෝ නි॒ෂද්යේ॒මං-යඁ॒ජ්ඤම॒භි ගෘ॑ණීත॒ විශ්වේ॑ ।
මා හිං॑සිෂ්ට පිතරඃ॒ කේන॑ චින්නෝ॒ යද්ව॒ ආගඃ॑ පුරු॒ෂතා॒ කරා॑ම ॥ 06

ආසී॑නාසෝ අරු॒ණීනා॑මු॒පස්ථේ॑ ර॒යිං ධ॑ත්ත දා॒ශුෂේ॒ මර්ත්යා॑ය ।
පු॒ත්රේභ්යඃ॑ පිතර॒ස්තස්ය॒ වස්වඃ॒ ප්ර ය॑ච්ඡත॒ ත ඉ॒හෝර්ජං॑ දධාත ॥ 07

යේ නඃ॒ පූර්වේ॑ පි॒තරඃ॑ සෝ॒ම්යාසෝ॑ऽනූහි॒රේ සෝ॑මපී॒ථං-වඁසි॑ෂ්ඨාඃ ।
තේභි॑ර්ය॒මඃ සං॑රරා॒ණෝ හ॒වීං‍ෂ්යු॒ශන්නු॒ශද්භිඃ॑ ප්රතිකා॒මම॑ත්තු ॥ 08

යේ තා॑තෘ॒ෂුර්දේ॑ව॒ත්රා ජේහ॑මානා හෝත්රා॒විදඃ॒ ස්තෝම॑තෂ්ටාසෝ අ॒ර්කෛඃ ।
ආග්නේ॑ යාහි සුවි॒දත්රේ॑භිර॒ර්වාඞ්‍ ස॒ත්යෛඃ ක॒ව්යෛඃ පි॒තෘභි॑ර්ඝර්ම॒සද්භිඃ॑ ॥ 09

යේ ස॒ත්යාසෝ॑ හවි॒රදෝ॑ හවි॒ෂ්පා ඉංද්රේ॑ණ දේ॒වෛඃ ස॒රථං॒ දධා॑නාඃ ।
ආග්නේ॑ යාහි ස॒හස්රං॑ දේවවං॒දෛඃ පරෛඃ॒ පූර්වෛඃ॑ පි॒තෘභි॑ර්ඝර්ම॒සද්භිඃ॑ ॥ 10

අග්නි॑ෂ්වාත්තාඃ පිතර॒ ඒහ ග॑ච්ඡත॒ සදඃ॑සදඃ සදත සුප්රණීතයඃ ।
අ॒ත්තා හ॒වීංෂි॒ ප්රය॑තානි බ॒ර්​හිෂ්යථා॑ ර॒යිං සර්ව॑වීරං දධාතන ॥ 11

ත්වම॑ග්න ඊළි॒තෝ ජා॑තවේ॒දෝऽවා॑ඩ්ඪ॒ව්යානි॑ සුර॒භීණි॑ කෘ॒ත්වී ।
ප්රාදාඃ॑ පි॒තෘභ්යඃ॑ ස්ව॒ධයා॒ තේ අ॑ක්ෂන්න॒ද්ධි ත්වං දේ॑ව॒ ප්රය॑තා හ॒වීංෂි॑ ॥ 12

යේ චේ॒හ පි॒තරෝ॒ යේ ච॒ නේහ යාං‍ශ්ච॑ වි॒ද්ම යාං උ॑ ච॒ න ප්ර॑වි॒ද්ම ।
ත්වං-වේඁ ॑ත්ථ॒ යති॒ තේ ජා॑තවේදඃ ස්ව॒ධාභි॑ර්ය॒ජ්ඤං සුකෘ॑තං ජුෂස්ව ॥ 13

යේ අ॑ග්නිද॒ග්ධා යේ අන॑ග්නිදග්ධා॒ මධ්යේ॑ දි॒වඃ ස්ව॒ධයා॑ මා॒දයං॑තේ ।
තේභිඃ॑ ස්ව॒රාළසු॑නීතිමේ॒තාං-යඁ ॑ථාව॒ශං ත॒න්වං॑ කල්පයස්ව ॥ 14

ඕං ශාංතිඃ॒ ශාංතිඃ॒ ශාංතිඃ॑ ।