𑌗𑍁𑌰𑍁𑌰𑌗𑍍𑌨𑌿𑌰𑍍𑌦𑍍𑌵𑌿𑌜𑌾𑌤𑍀𑌨𑌾𑌂 𑌵𑌰𑍍𑌣𑌾𑌨𑌾𑌂 𑌬𑍍𑌰𑌾𑌹𑍍𑌮𑌣𑍋 𑌗𑍁𑌰𑍁𑌃 ।
𑌪𑌤𑌿𑌰𑍇𑌵 𑌗𑍁𑌰𑍁𑌃 𑌸𑍍𑌤𑍍𑌰𑍀𑌣𑌾𑌂 𑌸𑌰𑍍𑌵𑌸𑍍𑌯𑌾𑌭𑍍𑌯𑌾𑌗𑌤𑍋 𑌗𑍁𑌰𑍁𑌃 ॥ 01 ॥
𑌯𑌥𑌾 𑌚𑌤𑍁𑌰𑍍𑌭𑌿𑌃 𑌕𑌨𑌕𑌂 𑌪𑌰𑍀𑌕𑍍𑌷𑍍𑌯𑌤𑍇
𑌨𑌿𑌘𑌰𑍍𑌷𑌣𑌚𑍍𑌛𑍇𑌦𑌨𑌤𑌾𑌪𑌤𑌾𑌡𑌨𑍈𑌃 ।
𑌤𑌥𑌾 𑌚𑌤𑍁𑌰𑍍𑌭𑌿𑌃 𑌪𑍁𑌰𑍁𑌷𑌃 𑌪𑌰𑍀𑌕𑍍𑌷𑍍𑌯𑌤𑍇
𑌤𑍍𑌯𑌾𑌗𑍇𑌨 𑌶𑍀𑌲𑍇𑌨 𑌗𑍁𑌣𑍇𑌨 𑌕𑌰𑍍𑌮𑌣𑌾 ॥ 02 ॥
𑌤𑌾𑌵𑌦𑍍𑌭𑌯𑍇𑌷𑍁 𑌭𑍇𑌤𑌵𑍍𑌯𑌂 𑌯𑌾𑌵𑌦𑍍𑌭𑌯𑌮𑌨𑌾𑌗𑌤𑌮𑍍 ।
𑌆𑌗𑌤𑌂 𑌤𑍁 𑌭𑌯𑌂 𑌵𑍀𑌕𑍍𑌷𑍍𑌯 𑌪𑍍𑌰𑌹𑌰𑍍𑌤𑌵𑍍𑌯𑌮𑌶𑌂𑌕𑌯𑌾 ॥ 03 ॥
𑌏𑌕𑍋𑌦𑌰𑌸𑌮𑍁𑌦𑍍𑌭𑍂𑌤𑌾 𑌏𑌕𑌨𑌕𑍍𑌷𑌤𑍍𑌰𑌜𑌾𑌤𑌕𑌾𑌃 ।
𑌨 𑌭𑌵𑌂𑌤𑌿 𑌸𑌮𑌾𑌃 𑌶𑍀𑌲𑍇 𑌯𑌥𑌾 𑌬𑌦𑌰𑌕𑌂𑌟𑌕𑌾𑌃 ॥ 04 ॥
𑌨𑌿𑌃𑌸𑍍𑌪𑍃𑌹𑍋 𑌨𑌾𑌧𑌿𑌕𑌾𑌰𑍀 𑌸𑍍𑌯𑌾𑌨𑍍 𑌨𑌾𑌕𑌾𑌮𑍋 𑌮𑌂𑌡𑌨𑌪𑍍𑌰𑌿𑌯𑌃 ।
𑌨𑌾𑌵𑌿𑌦𑌗𑍍𑌧𑌃 𑌪𑍍𑌰𑌿𑌯𑌂 𑌬𑍍𑌰𑍂𑌯𑌾𑌤𑍍𑌸𑍍𑌪𑌷𑍍𑌟𑌵𑌕𑍍𑌤𑌾 𑌨 𑌵𑌂𑌚𑌕𑌃 ॥ 05 ॥
𑌮𑍂𑌰𑍍𑌖𑌾𑌣𑌾𑌂 𑌪𑌂𑌡𑌿𑌤𑌾 𑌦𑍍𑌵𑍇𑌷𑍍𑌯𑌾 𑌅𑌧𑌨𑌾𑌨𑌾𑌂 𑌮𑌹𑌾𑌧𑌨𑌾𑌃 ।
𑌪𑌰𑌾𑌂𑌗𑌨𑌾 𑌕𑍁𑌲𑌸𑍍𑌤𑍍𑌰𑍀𑌣𑌾𑌂 𑌸𑍁𑌭𑌗𑌾𑌨𑌾𑌂 𑌚 𑌦𑍁𑌰𑍍𑌭𑌗𑌾𑌃 ॥ 06 ॥
𑌆𑌲𑌸𑍍𑌯𑍋𑌪𑌗𑌤𑌾 𑌵𑌿𑌦𑍍𑌯𑌾 𑌪𑌰𑌹𑌸𑍍𑌤𑌗𑌤𑌂 𑌧𑌨𑌮𑍍 ।
𑌅𑌲𑍍𑌪𑌬𑍀𑌜𑌂 𑌹𑌤𑌂 𑌕𑍍𑌷𑍇𑌤𑍍𑌰𑌂 𑌹𑌤𑌂 𑌸𑍈𑌨𑍍𑌯𑌮𑌨𑌾𑌯𑌕𑌮𑍍 ॥ 0 ॥
𑌅𑌭𑍍𑌯𑌾𑌸𑌾𑌦𑍍𑌧𑌾𑌰𑍍𑌯𑌤𑍇 𑌵𑌿𑌦𑍍𑌯𑌾 𑌕𑍁𑌲𑌂 𑌶𑍀𑌲𑍇𑌨 𑌧𑌾𑌰𑍍𑌯𑌤𑍇 ।
𑌗𑍁𑌣𑍇𑌨 𑌜𑍍𑌞𑌾𑌯𑌤𑍇 𑌤𑍍𑌵𑌾𑌰𑍍𑌯𑌃 𑌕𑍋𑌪𑍋 𑌨𑍇𑌤𑍍𑌰𑍇𑌣 𑌗𑌮𑍍𑌯𑌤𑍇 ॥ 0 ॥
𑌵𑌿𑌤𑍍𑌤𑍇𑌨 𑌰𑌕𑍍𑌷𑍍𑌯𑌤𑍇 𑌧𑌰𑍍𑌮𑍋 𑌵𑌿𑌦𑍍𑌯𑌾 𑌯𑍋𑌗𑍇𑌨 𑌰𑌕𑍍𑌷𑍍𑌯𑌤𑍇 ।
𑌮𑍃𑌦𑍁𑌨𑌾 𑌰𑌕𑍍𑌷𑍍𑌯𑌤𑍇 𑌭𑍂𑌪𑌃 𑌸𑌤𑍍𑌸𑍍𑌤𑍍𑌰𑌿𑌯𑌾 𑌰𑌕𑍍𑌷𑍍𑌯𑌤𑍇 𑌗𑍃𑌹𑌮𑍍 ॥ 0 ॥
𑌅𑌨𑍍𑌯𑌥𑌾 𑌵𑍇𑌦𑌶𑌾𑌸𑍍𑌤𑍍𑌰𑌾𑌣𑌿 𑌜𑍍𑌞𑌾𑌨𑌪𑌾𑌂𑌡𑌿𑌤𑍍𑌯𑌮𑌨𑍍𑌯𑌥𑌾 ।
𑌅𑌨𑍍𑌯𑌥𑌾 𑌤𑌤𑍍𑌪𑌦𑌂 𑌶𑌾𑌂𑌤𑌂 𑌲𑍋𑌕𑌾𑌃 𑌕𑍍𑌲𑌿𑌶𑍍𑌯𑌂𑌤𑌿 𑌚𑌾𑌹𑍍𑌨𑍍𑌯𑌥𑌾 ॥ 10 ॥
𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌨𑌂 𑌦𑌾𑌨𑌂 𑌶𑍀𑌲𑌂 𑌦𑍁𑌰𑍍𑌗𑌤𑌿𑌨𑌾𑌶𑌨𑌮𑍍 ।
𑌅𑌜𑍍𑌞𑌾𑌨𑌨𑌾𑌶𑌿𑌨𑍀 𑌪𑍍𑌰𑌜𑍍𑌞𑌾 𑌭𑌾𑌵𑌨𑌾 𑌭𑌯𑌨𑌾𑌶𑌿𑌨𑍀 ॥ 11 ॥
𑌨𑌾𑌸𑍍𑌤𑌿 𑌕𑌾𑌮𑌸𑌮𑍋 𑌵𑍍𑌯𑌾𑌧𑌿𑌰𑍍𑌨𑌾𑌸𑍍𑌤𑌿 𑌮𑍋𑌹𑌸𑌮𑍋 𑌰𑌿𑌪𑍁𑌃 ।
𑌨𑌾𑌸𑍍𑌤𑌿 𑌕𑍋𑌪𑌸𑌮𑍋 𑌵𑌹𑍍𑌨𑌿𑌰𑍍𑌨𑌾𑌸𑍍𑌤𑌿 𑌜𑍍𑌞𑌾𑌨𑌾𑌤𑍍𑌪𑌰𑌂 𑌸𑍁𑌖𑌮𑍍 ॥ 12 ॥
𑌜𑌨𑍍𑌮𑌮𑍃𑌤𑍍𑌯𑍂 𑌹𑌿 𑌯𑌾𑌤𑍍𑌯𑍇𑌕𑍋 𑌭𑍁𑌨𑌕𑍍𑌤𑍍𑌯𑍇𑌕𑌃 𑌶𑍁𑌭𑌾𑌶𑍁𑌭𑌮𑍍 ।
𑌨𑌰𑌕𑍇𑌷𑍁 𑌪𑌤𑌤𑍍𑌯𑍇𑌕 𑌏𑌕𑍋 𑌯𑌾𑌤𑌿 𑌪𑌰𑌾𑌂 𑌗𑌤𑌿𑌮𑍍 ॥ 13 ॥
𑌤𑍃𑌣𑌂 𑌬𑍍𑌰𑌹𑍍𑌮𑌵𑌿𑌦𑌃 𑌸𑍍𑌵𑌰𑍍𑌗𑌸𑍍𑌤𑍃𑌣𑌂 𑌶𑍂𑌰𑌸𑍍𑌯 𑌜𑍀𑌵𑌿𑌤𑌮𑍍 ।
𑌜𑌿𑌤𑌾𑌶𑌸𑍍𑌯 𑌤𑍃𑌣𑌂 𑌨𑌾𑌰𑍀 𑌨𑌿𑌃𑌸𑍍𑌪𑍃𑌹𑌸𑍍𑌯 𑌤𑍃𑌣𑌂 𑌜𑌗𑌤𑍍 ॥ 14 ॥
𑌵𑌿𑌦𑍍𑌯𑌾 𑌮𑌿𑌤𑍍𑌰𑌂 𑌪𑍍𑌰𑌵𑌾𑌸𑍇 𑌚 𑌭𑌾𑌰𑍍𑌯𑌾 𑌮𑌿𑌤𑍍𑌰𑌂 𑌗𑍃𑌹𑍇𑌷𑍁 𑌚 ।
𑌵𑍍𑌯𑌾𑌧𑌿𑌤𑌸𑍍𑌯𑍌𑌷𑌧𑌂 𑌮𑌿𑌤𑍍𑌰𑌂 𑌧𑌰𑍍𑌮𑍋 𑌮𑌿𑌤𑍍𑌰𑌂 𑌮𑍃𑌤𑌸𑍍𑌯 𑌚 ॥ 15 ॥
𑌵𑍃𑌥𑌾 𑌵𑍃𑌷𑍍𑌟𑌿𑌃 𑌸𑌮𑍁𑌦𑍍𑌰𑍇𑌷𑍁 𑌵𑍃𑌥𑌾 𑌤𑍃𑌪𑍍𑌤𑌸𑍍𑌯 𑌭𑍋𑌜𑌨𑌮𑍍 ।
𑌵𑍃𑌥𑌾 𑌦𑌾𑌨𑌂 𑌸𑌮𑌰𑍍𑌥𑌸𑍍𑌯 𑌵𑍃𑌥𑌾 𑌦𑍀𑌪𑍋 𑌦𑌿𑌵𑌾𑌪𑌿 𑌚 ॥ 16 ॥
𑌨𑌾𑌸𑍍𑌤𑌿 𑌮𑍇𑌘𑌸𑌮𑌂 𑌤𑍋𑌯𑌂 𑌨𑌾𑌸𑍍𑌤𑌿 𑌚𑌾𑌤𑍍𑌮𑌸𑌮𑌂 𑌬𑌲𑌮𑍍 ।
𑌨𑌾𑌸𑍍𑌤𑌿 𑌚𑌕𑍍𑌷𑍁𑌃𑌸𑌮𑌂 𑌤𑍇𑌜𑍋 𑌨𑌾𑌸𑍍𑌤𑌿 𑌧𑌾𑌨𑍍𑌯𑌸𑌮𑌂 𑌪𑍍𑌰𑌿𑌯𑌮𑍍 ॥ 1 ॥
𑌅𑌧𑌨𑌾 𑌧𑌨𑌮𑌿𑌚𑍍𑌛𑌂𑌤𑌿 𑌵𑌾𑌚𑌂 𑌚𑍈𑌵 𑌚𑌤𑍁𑌷𑍍𑌪𑌦𑌾𑌃 ।
𑌮𑌾𑌨𑌵𑌾𑌃 𑌸𑍍𑌵𑌰𑍍𑌗𑌮𑌿𑌚𑍍𑌛𑌂𑌤𑌿 𑌮𑍋𑌕𑍍𑌷𑌮𑌿𑌚𑍍𑌛𑌂𑌤𑌿 𑌦𑍇𑌵𑌤𑌾𑌃 ॥ 1 ॥
𑌸𑌤𑍍𑌯𑍇𑌨 𑌧𑌾𑌰𑍍𑌯𑌤𑍇 𑌪𑍃𑌥𑍍𑌵𑍀 𑌸𑌤𑍍𑌯𑍇𑌨 𑌤𑌪𑌤𑍇 𑌰𑌵𑌿𑌃 ।
𑌸𑌤𑍍𑌯𑍇𑌨 𑌵𑌾𑌤𑌿 𑌵𑌾𑌯𑍁𑌶𑍍𑌚 𑌸𑌰𑍍𑌵𑌂 𑌸𑌤𑍍𑌯𑍇 𑌪𑍍𑌰𑌤𑌿𑌷𑍍𑌠𑌿𑌤𑌮𑍍 ॥ 1 ॥
𑌚𑌲𑌾 𑌲𑌕𑍍𑌷𑍍𑌮𑍀𑌶𑍍𑌚𑌲𑌾𑌃 𑌪𑍍𑌰𑌾𑌣𑌾𑌶𑍍𑌚𑌲𑍇 𑌜𑍀𑌵𑌿𑌤𑌮𑌂𑌦𑌿𑌰𑍇 ।
𑌚𑌲𑌾𑌚𑌲𑍇 𑌚 𑌸𑌂𑌸𑌾𑌰𑍇 𑌧𑌰𑍍𑌮 𑌏𑌕𑍋 𑌹𑌿 𑌨𑌿𑌶𑍍𑌚𑌲𑌃 ॥ 20 ॥
𑌨𑌰𑌾𑌣𑌾𑌂 𑌨𑌾𑌪𑌿𑌤𑍋 𑌧𑍂𑌰𑍍𑌤𑌃 𑌪𑌕𑍍𑌷𑌿𑌣𑌾𑌂 𑌚𑍈𑌵 𑌵𑌾𑌯𑌸𑌃 ।
𑌚𑌤𑍁𑌷𑍍𑌪𑌾𑌦𑌂 𑌶𑌋𑌗𑌾𑌲𑌸𑍍𑌤𑍁 𑌸𑍍𑌤𑍍𑌰𑍀𑌣𑌾𑌂 𑌧𑍂𑌰𑍍𑌤𑌾 𑌚 𑌮𑌾𑌲𑌿𑌨𑍀 ॥ 21 ॥
𑌜𑌨𑌿𑌤𑌾 𑌚𑍋𑌪𑌨𑍇𑌤𑌾 𑌚 𑌯𑌸𑍍𑌤𑍁 𑌵𑌿𑌦𑍍𑌯𑌾𑌂 𑌪𑍍𑌰𑌯𑌚𑍍𑌛𑌤𑌿 ।
𑌅𑌨𑍍𑌨𑌦𑌾𑌤𑌾 𑌭𑌯𑌤𑍍𑌰𑌾𑌤𑌾 𑌪𑌂𑌚𑍈𑌤𑍇 𑌪𑌿𑌤𑌰𑌃 𑌸𑍍𑌮𑍃𑌤𑌾𑌃 ॥ 22 ॥
𑌰𑌾𑌜𑌪𑌤𑍍𑌨𑍀 𑌗𑍁𑌰𑍋𑌃 𑌪𑌤𑍍𑌨𑍀 𑌮𑌿𑌤𑍍𑌰𑌪𑌤𑍍𑌨𑍀 𑌤𑌥𑍈𑌵 𑌚 ।
𑌪𑌤𑍍𑌨𑍀𑌮𑌾𑌤𑌾 𑌸𑍍𑌵𑌮𑌾𑌤𑌾 𑌚 𑌪𑌂𑌚𑍈𑌤𑌾 𑌮𑌾𑌤𑌰𑌃 𑌸𑍍𑌮𑍃𑌤𑌾𑌃 ॥ 23 ॥
