Ashtavakra Gita Chapter 9 - Grantha

Collection of Spiritual and Devotional Literature in Various Indian Languages

View this in:

𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌨𑌵𑌮𑍋𑌽𑌧𑍍𑌯𑌾𑌯𑌃

𑌅𑌷𑍍𑌟𑌾𑌵𑌕𑍍𑌰 𑌉𑌵𑌾𑌚 ॥

𑌕𑍃𑌤𑌾𑌕𑍃𑌤𑍇 𑌚 𑌦𑍍𑌵𑌂𑌦𑍍𑌵𑌾𑌨𑌿 𑌕𑌦𑌾 𑌶𑌾𑌂𑌤𑌾𑌨𑌿 𑌕𑌸𑍍𑌯 𑌵𑌾 ।
𑌏𑌵𑌂 𑌜𑍍𑌞𑌾𑌤𑍍𑌵𑍇𑌹 𑌨𑌿𑌰𑍍𑌵𑍇𑌦𑌾𑌦𑍍 𑌭𑌵 𑌤𑍍𑌯𑌾𑌗𑌪𑌰𑍋𑌽𑌵𑍍𑌰𑌤𑍀 ॥ 𑍯-1॥

𑌕𑌸𑍍𑌯𑌾𑌪𑌿 𑌤𑌾𑌤 𑌧𑌨𑍍𑌯𑌸𑍍𑌯 𑌲𑍋𑌕𑌚𑍇𑌷𑍍𑌟𑌾𑌵𑌲𑍋𑌕𑌨𑌾𑌤𑍍 ।
𑌜𑍀𑌵𑌿𑌤𑍇𑌚𑍍𑌛𑌾 𑌬𑍁𑌭𑍁𑌕𑍍𑌷𑌾 𑌚 𑌬𑍁𑌭𑍁𑌤𑍍𑌸𑍋𑌪𑌶𑌮𑌂 𑌗𑌤𑌾𑌃 ॥ 𑍯-2॥

𑌅𑌨𑌿𑌤𑍍𑌯𑌂 𑌸𑌰𑍍𑌵𑌮𑍇𑌵𑍇𑌦𑌂 𑌤𑌾𑌪𑌤𑍍𑌰𑌿𑌤𑌯𑌦𑍂𑌷𑌿𑌤𑌮𑍍 ।
𑌅𑌸𑌾𑌰𑌂 𑌨𑌿𑌂𑌦𑌿𑌤𑌂 𑌹𑍇𑌯𑌮𑌿𑌤𑌿 𑌨𑌿𑌶𑍍𑌚𑌿𑌤𑍍𑌯 𑌶𑌾𑌮𑍍𑌯𑌤𑌿 ॥ 𑍯-3॥

𑌕𑍋𑌽𑌸𑍌 𑌕𑌾𑌲𑍋 𑌵𑌯𑌃 𑌕𑌿𑌂 𑌵𑌾 𑌯𑌤𑍍𑌰 𑌦𑍍𑌵𑌂𑌦𑍍𑌵𑌾𑌨𑌿 𑌨𑍋 𑌨𑍃𑌣𑌾𑌮𑍍 ।
𑌤𑌾𑌨𑍍𑌯𑍁𑌪𑍇𑌕𑍍𑌷𑍍𑌯 𑌯𑌥𑌾𑌪𑍍𑌰𑌾𑌪𑍍𑌤𑌵𑌰𑍍𑌤𑍀 𑌸𑌿𑌦𑍍𑌧𑌿𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 𑍯-4॥

𑌨𑌾𑌨𑌾 𑌮𑌤𑌂 𑌮𑌹𑌰𑍍𑌷𑍀𑌣𑌾𑌂 𑌸𑌾𑌧𑍂𑌨𑌾𑌂 𑌯𑍋𑌗𑌿𑌨𑌾𑌂 𑌤𑌥𑌾 ।
𑌦𑍃𑌷𑍍𑌟𑍍𑌵𑌾 𑌨𑌿𑌰𑍍𑌵𑍇𑌦𑌮𑌾𑌪𑌨𑍍𑌨𑌃 𑌕𑍋 𑌨 𑌶𑌾𑌮𑍍𑌯𑌤𑌿 𑌮𑌾𑌨𑌵𑌃 ॥ 𑍯-5॥

𑌕𑍃𑌤𑍍𑌵𑌾 𑌮𑍂𑌰𑍍𑌤𑌿𑌪𑌰𑌿𑌜𑍍𑌞𑌾𑌨𑌂 𑌚𑍈𑌤𑌨𑍍𑌯𑌸𑍍𑌯 𑌨 𑌕𑌿𑌂 𑌗𑍁𑌰𑍁𑌃 ।
𑌨𑌿𑌰𑍍𑌵𑍇𑌦𑌸𑌮𑌤𑌾𑌯𑍁𑌕𑍍𑌤𑍍𑌯𑌾 𑌯𑌸𑍍𑌤𑌾𑌰𑌯𑌤𑌿 𑌸𑌂𑌸𑍃𑌤𑍇𑌃 ॥ 𑍯-6॥

𑌪𑌶𑍍𑌯 𑌭𑍂𑌤𑌵𑌿𑌕𑌾𑌰𑌾𑌂𑌸𑍍𑌤𑍍𑌵𑌂 𑌭𑍂𑌤𑌮𑌾𑌤𑍍𑌰𑌾𑌨𑍍 𑌯𑌥𑌾𑌰𑍍𑌥𑌤𑌃 ।
𑌤𑌤𑍍𑌕𑍍𑌷𑌣𑌾𑌦𑍍 𑌬𑌂𑌧𑌨𑌿𑌰𑍍𑌮𑍁𑌕𑍍𑌤𑌃 𑌸𑍍𑌵𑌰𑍂𑌪𑌸𑍍𑌥𑍋 𑌭𑌵𑌿𑌷𑍍𑌯𑌸𑌿 ॥ 𑍯-𑍭॥

𑌵𑌾𑌸𑌨𑌾 𑌏𑌵 𑌸𑌂𑌸𑌾𑌰 𑌇𑌤𑌿 𑌸𑌰𑍍𑌵𑌾 𑌵𑌿𑌮𑍁𑌂𑌚 𑌤𑌾𑌃 ।
𑌤𑌤𑍍𑌤𑍍𑌯𑌾𑌗𑍋 𑌵𑌾𑌸𑌨𑌾𑌤𑍍𑌯𑌾𑌗𑌾𑌤𑍍𑌸𑍍𑌥𑌿𑌤𑌿𑌰𑌦𑍍𑌯 𑌯𑌥𑌾 𑌤𑌥𑌾 ॥ 𑍯-𑍮॥

Browse Related Categories: