𑌶𑌾𑌂𑌤𑌿𑌪𑌾𑌠𑌃
𑌓𑌂 𑌯𑍋 𑌬𑍍𑌰𑌹𑍍𑌮𑌾𑌣𑌂 𑌵𑌿𑌦𑌧𑌾𑌤𑌿 𑌪𑍂𑌰𑍍𑌵𑌂
𑌯𑍋 𑌵𑍈 𑌵𑍇𑌦𑌾𑌂𑌶𑍍𑌚 𑌪𑍍𑌰𑌹𑌿𑌣𑍋𑌤𑌿 𑌤𑌸𑍍𑌮𑍈 ।
𑌤𑌂 𑌹 𑌦𑍇𑌵𑌮𑌾𑌤𑍍𑌮𑌬𑍁𑌦𑍍𑌧𑌿𑌪𑍍𑌰𑌕𑌾𑌶𑌂
𑌮𑍁𑌮𑍁𑌕𑍍𑌷𑍁𑌰𑍍𑌵𑍈 𑌶𑌰𑌣𑌮𑌹𑌂 𑌪𑍍𑌰𑌪𑌦𑍍𑌯𑍇 ॥
𑌧𑍍𑌯𑌾𑌨𑌮𑍍
𑌓𑌂 𑌮𑍌𑌨𑌵𑍍𑌯𑌾𑌖𑍍𑌯𑌾 𑌪𑍍𑌰𑌕𑌟𑌿𑌤 𑌪𑌰𑌬𑍍𑌰𑌹𑍍𑌮𑌤𑌤𑍍𑌤𑍍𑌵𑌂 𑌯𑍁𑌵𑌾𑌨𑌂
𑌵𑌰𑍍𑌷𑌿𑌷𑍍𑌠𑌾𑌂𑌤𑍇 𑌵𑌸𑌦𑍃𑌷𑌿𑌗𑌣𑍈𑌰𑌾𑌵𑍃𑌤𑌂 𑌬𑍍𑌰𑌹𑍍𑌮𑌨𑌿𑌷𑍍𑌠𑍈𑌃 ।
𑌆𑌚𑌾𑌰𑍍𑌯𑍇𑌂𑌦𑍍𑌰𑌂 𑌕𑌰𑌕𑌲𑌿𑌤 𑌚𑌿𑌨𑍍𑌮𑍁𑌦𑍍𑌰𑌮𑌾𑌨𑌂𑌦𑌮𑍂𑌰𑍍𑌤𑌿𑌂
𑌸𑍍𑌵𑌾𑌤𑍍𑌮𑌾𑌰𑌾𑌮𑌂 𑌮𑍁𑌦𑌿𑌤𑌵𑌦𑌨𑌂 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌮𑍀𑌡𑍇 ॥ 1 ॥
𑌵𑌟𑌵𑌿𑌟𑌪𑌿𑌸𑌮𑍀𑌪𑍇𑌭𑍂𑌮𑌿𑌭𑌾𑌗𑍇 𑌨𑌿𑌷𑌣𑍍𑌣𑌂
𑌸𑌕𑌲𑌮𑍁𑌨𑌿𑌜𑌨𑌾𑌨𑌾𑌂 𑌜𑍍𑌞𑌾𑌨𑌦𑌾𑌤𑌾𑌰𑌮𑌾𑌰𑌾𑌤𑍍 ।
𑌤𑍍𑌰𑌿𑌭𑍁𑌵𑌨𑌗𑍁𑌰𑍁𑌮𑍀𑌶𑌂 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌦𑍇𑌵𑌂
𑌜𑌨𑌨𑌮𑌰𑌣𑌦𑍁𑌃𑌖𑌚𑍍𑌛𑍇𑌦𑌦𑌕𑍍𑌷𑌂 𑌨𑌮𑌾𑌮𑌿 ॥ 2 ॥
𑌚𑌿𑌤𑍍𑌰𑌂 𑌵𑌟𑌤𑌰𑍋𑌰𑍍𑌮𑍂𑌲𑍇 𑌵𑍃𑌦𑍍𑌧𑌾𑌃 𑌶𑌿𑌷𑍍𑌯𑌾 𑌗𑍁𑌰𑍁𑌰𑍍𑌯𑍁𑌵𑌾 ।
𑌗𑍁𑌰𑍋𑌸𑍍𑌤𑍁 𑌮𑍌𑌨𑌂 𑌵𑍍𑌯𑌾𑌖𑍍𑌯𑌾𑌨𑌂 𑌶𑌿𑌷𑍍𑌯𑌾𑌸𑍍𑌤𑍁𑌚𑍍𑌛𑌿𑌨𑍍𑌨𑌸𑌂𑌶𑌯𑌾𑌃 ॥ 3 ॥
𑌨𑌿𑌧𑌯𑍇 𑌸𑌰𑍍𑌵𑌵𑌿𑌦𑍍𑌯𑌾𑌨𑌾𑌂 𑌭𑌿𑌷𑌜𑍇 𑌭𑌵𑌰𑍋𑌗𑌿𑌣𑌾𑌮𑍍 ।
𑌗𑍁𑌰𑌵𑍇 𑌸𑌰𑍍𑌵𑌲𑍋𑌕𑌾𑌨𑌾𑌂 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 4 ॥
𑌓𑌂 𑌨𑌮𑌃 𑌪𑍍𑌰𑌣𑌵𑌾𑌰𑍍𑌥𑌾𑌯 𑌶𑍁𑌦𑍍𑌧𑌜𑍍𑌞𑌾𑌨𑍈𑌕𑌮𑍂𑌰𑍍𑌤𑌯𑍇 ।
𑌨𑌿𑌰𑍍𑌮𑌲𑌾𑌯 𑌪𑍍𑌰𑌶𑌾𑌂𑌤𑌾𑌯 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 5 ॥
𑌚𑌿𑌦𑍍𑌘𑌨𑌾𑌯 𑌮𑌹𑍇𑌶𑌾𑌯 𑌵𑌟𑌮𑍂𑌲𑌨𑌿𑌵𑌾𑌸𑌿𑌨𑍇 ।
𑌸𑌚𑍍𑌚𑌿𑌦𑌾𑌨𑌂𑌦𑌰𑍂𑌪𑌾𑌯 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ 6 ॥
𑌈𑌶𑍍𑌵𑌰𑍋 𑌗𑍁𑌰𑍁𑌰𑌾𑌤𑍍𑌮𑍇𑌤𑌿 𑌮𑍂𑌰𑍍𑌤𑌿𑌭𑍇𑌦𑌵𑌿𑌭𑌾𑌗𑌿𑌨𑍇 ।
𑌵𑍍𑌯𑍋𑌮𑌵𑌦𑍍𑌵𑍍𑌯𑌾𑌪𑍍𑌤𑌦𑍇𑌹𑌾𑌯 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥ ॥
𑌅𑌂𑌗𑍁𑌷𑍍𑌠𑌤𑌰𑍍𑌜𑌨𑍀 𑌯𑍋𑌗𑌮𑍁𑌦𑍍𑌰𑌾 𑌵𑍍𑌯𑌾𑌜𑍇𑌨𑌯𑍋𑌗𑌿𑌨𑌾𑌮𑍍 ।
𑌶𑍃𑌤𑍍𑌯𑌰𑍍𑌥𑌂 𑌬𑍍𑌰𑌹𑍍𑌮𑌜𑍀𑌵𑍈𑌕𑍍𑌯𑌂 𑌦𑌰𑍍𑌶𑌯𑌨𑍍𑌯𑍋𑌗𑌤𑌾 𑌶𑌿𑌵𑌃 ॥ ॥
𑌓𑌂 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃 ॥
𑌸𑍍𑌤𑍋𑌤𑍍𑌰𑌮𑍍
𑌵𑌿𑌶𑍍𑌵𑌂 𑌦𑌰𑍍𑌪𑌣-𑌦𑍃𑌶𑍍𑌯𑌮𑌾𑌨-𑌨𑌗𑌰𑍀 𑌤𑍁𑌲𑍍𑌯𑌂 𑌨𑌿𑌜𑌾𑌂𑌤𑌰𑍍𑌗𑌤𑌂
𑌪𑌶𑍍𑌯𑌨𑍍𑌨𑌾𑌤𑍍𑌮𑌨𑌿 𑌮𑌾𑌯𑌯𑌾 𑌬𑌹𑌿𑌰𑌿𑌵𑍋𑌦𑍍𑌭𑍂𑌤𑌂 𑌯𑌥𑌾 𑌨𑌿𑌦𑍍𑌰𑌯𑌾 ।
𑌯𑌸𑍍𑌸𑌾𑌕𑍍𑌷𑌾𑌤𑍍𑌕𑍁𑌰𑍁𑌤𑍇 𑌪𑍍𑌰𑌭𑍋𑌧𑌸𑌮𑌯𑍇 𑌸𑍍𑌵𑌾𑌤𑍍𑌮𑌾𑌨𑌮𑍇 𑌵𑌾𑌦𑍍𑌵𑌯𑌂
𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ 1 ॥
𑌬𑍀𑌜𑌸𑍍𑌯𑌾𑌂𑌤𑌰𑌿-𑌵𑌾𑌂𑌕𑍁𑌰𑍋 𑌜𑌗𑌦𑌿𑌤𑌂 𑌪𑍍𑌰𑌾𑌙𑍍𑌨𑌿𑌰𑍍𑌵𑌿𑌕𑌲𑍍𑌪𑌂 𑌪𑍁𑌨𑌃
𑌮𑌾𑌯𑌾𑌕𑌲𑍍𑌪𑌿𑌤 𑌦𑍇𑌶𑌕𑌾𑌲𑌕𑌲𑌨𑌾 𑌵𑍈𑌚𑌿𑌤𑍍𑌰𑍍𑌯𑌚𑌿𑌤𑍍𑌰𑍀𑌕𑍃𑌤𑌮𑍍 ।
𑌮𑌾𑌯𑌾𑌵𑍀𑌵 𑌵𑌿𑌜𑍃𑌂𑌭𑌯𑌤𑍍𑌯𑌪𑌿 𑌮𑌹𑌾𑌯𑍋𑌗𑍀𑌵 𑌯𑌃 𑌸𑍍𑌵𑍇𑌚𑍍𑌛𑌯𑌾
𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ 2 ॥
𑌯𑌸𑍍𑌯𑍈𑌵 𑌸𑍍𑌫𑍁𑌰𑌣𑌂 𑌸𑌦𑌾𑌤𑍍𑌮𑌕𑌮𑌸𑌤𑍍𑌕𑌲𑍍𑌪𑌾𑌰𑍍𑌥𑌕𑌂 𑌭𑌾𑌸𑌤𑍇
𑌸𑌾𑌕𑍍𑌷𑌾𑌤𑍍𑌤𑌤𑍍𑌵𑌮𑌸𑍀𑌤𑌿 𑌵𑍇𑌦𑌵𑌚𑌸𑌾 𑌯𑍋 𑌬𑍋𑌧𑌯𑌤𑍍𑌯𑌾𑌶𑍍𑌰𑌿𑌤𑌾𑌨𑍍 ।
𑌯𑌸𑍍𑌸𑌾𑌕𑍍𑌷𑌾𑌤𑍍𑌕𑌰𑌣𑌾𑌦𑍍𑌭𑌵𑍇𑌨𑍍𑌨 𑌪𑍁𑌰𑌨𑌾𑌵𑍃𑌤𑍍𑌤𑌿𑌰𑍍𑌭𑌵𑌾𑌂𑌭𑍋𑌨𑌿𑌧𑍌
𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ 3 ॥
𑌨𑌾𑌨𑌾𑌚𑍍𑌛𑌿𑌦𑍍𑌰 𑌘𑌟𑍋𑌦𑌰 𑌸𑍍𑌥𑌿𑌤 𑌮𑌹𑌾𑌦𑍀𑌪 𑌪𑍍𑌰𑌭𑌾𑌭𑌾𑌸𑍍𑌵𑌰𑌂
𑌜𑍍𑌞𑌾𑌨𑌂 𑌯𑌸𑍍𑌯 𑌤𑍁 𑌚𑌕𑍍𑌷𑍁𑌰𑌾𑌦𑌿𑌕𑌰𑌣 𑌦𑍍𑌵𑌾𑌰𑌾 𑌬𑌹𑌿𑌃 𑌸𑍍𑌪𑌂𑌦𑌤𑍇 ।
𑌜𑌾𑌨𑌾𑌮𑍀𑌤𑌿 𑌤𑌮𑍇𑌵 𑌭𑌾𑌂𑌤𑌮𑌨𑍁𑌭𑌾𑌤𑍍𑌯𑍇𑌤𑌤𑍍𑌸𑌮𑌸𑍍𑌤𑌂 𑌜𑌗𑌤𑍍
𑌤𑌸𑍍𑌮𑍈 𑌶𑍍𑌰𑍀 𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ 4 ॥
𑌦𑍇𑌹𑌂 𑌪𑍍𑌰𑌾𑌣𑌮𑌪𑍀𑌂𑌦𑍍𑌰𑌿𑌯𑌾𑌣𑍍𑌯𑌪𑌿 𑌚𑌲𑌾𑌂 𑌬𑍁𑌦𑍍𑌧𑌿𑌂 𑌚 𑌶𑍂𑌨𑍍𑌯𑌂 𑌵𑌿𑌦𑍁𑌃
𑌸𑍍𑌤𑍍𑌰𑍀 𑌬𑌾𑌲𑌾𑌂𑌧 𑌜𑌡𑍋𑌪𑌮𑌾𑌸𑍍𑌤𑍍𑌵𑌹𑌮𑌿𑌤𑌿 𑌭𑍍𑌰𑌾𑌂𑌤𑌾𑌭𑍃𑌶𑌂 𑌵𑌾𑌦𑌿𑌨𑌃 ।
𑌮𑌾𑌯𑌾𑌶𑌕𑍍𑌤𑌿 𑌵𑌿𑌲𑌾𑌸𑌕𑌲𑍍𑌪𑌿𑌤 𑌮𑌹𑌾𑌵𑍍𑌯𑌾𑌮𑍋𑌹 𑌸𑌂𑌹𑌾𑌰𑌿𑌣𑍇
𑌤𑌸𑍍𑌮𑍈 𑌶𑍍𑌰𑍀 𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ 5 ॥
𑌰𑌾𑌹𑍁𑌗𑍍𑌰𑌸𑍍𑌤 𑌦𑌿𑌵𑌾𑌕𑌰𑍇𑌂𑌦𑍁 𑌸𑌦𑍃𑌶𑍋 𑌮𑌾𑌯𑌾 𑌸𑌮𑌾𑌚𑍍𑌛𑌾𑌦𑌨𑌾𑌤𑍍
𑌸𑌨𑍍𑌮𑌾𑌤𑍍𑌰𑌃 𑌕𑌰𑌣𑍋𑌪 𑌸𑌂𑌹𑌰𑌣𑌤𑍋 𑌯𑍋𑌽𑌭𑍂𑌤𑍍𑌸𑍁𑌷𑍁𑌪𑍍𑌤𑌃 𑌪𑍁𑌮𑌾𑌨𑍍 ।
𑌪𑍍𑌰𑌾𑌗𑌸𑍍𑌵𑌾𑌪𑍍𑌸𑌮𑌿𑌤𑌿 𑌪𑍍𑌰𑌭𑍋𑌦𑌸𑌮𑌯𑍇 𑌯𑌃 𑌪𑍍𑌰𑌤𑍍𑌯𑌭𑌿𑌜𑍍𑌞𑌾𑌯𑌤𑍇
𑌤𑌸𑍍𑌮𑍈 𑌶𑍍𑌰𑍀 𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ 6 ॥
𑌬𑌾𑌲𑍍𑌯𑌾𑌦𑌿𑌷𑍍𑌵𑌪𑌿 𑌜𑌾𑌗𑍍𑌰𑌦𑌾𑌦𑌿𑌷𑍁 𑌤𑌥𑌾 𑌸𑌰𑍍𑌵𑌾𑌸𑍍𑌵𑌵𑌸𑍍𑌥𑌾𑌸𑍍𑌵𑌪𑌿
𑌵𑍍𑌯𑌾𑌵𑍃𑌤𑍍𑌤𑌾 𑌸𑍍𑌵𑌨𑍁 𑌵𑌰𑍍𑌤𑌮𑌾𑌨 𑌮𑌹𑌮𑌿𑌤𑍍𑌯𑌂𑌤𑌃 𑌸𑍍𑌫𑍁𑌰𑌂𑌤𑌂 𑌸𑌦𑌾 ।
𑌸𑍍𑌵𑌾𑌤𑍍𑌮𑌾𑌨𑌂 𑌪𑍍𑌰𑌕𑌟𑍀𑌕𑌰𑍋𑌤𑌿 𑌭𑌜𑌤𑌾𑌂 𑌯𑍋 𑌮𑍁𑌦𑍍𑌰𑌯𑌾 𑌭𑌦𑍍𑌰𑌯𑌾
𑌤𑌸𑍍𑌮𑍈 𑌶𑍍𑌰𑍀 𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ ॥
𑌵𑌿𑌶𑍍𑌵𑌂 𑌪𑌶𑍍𑌯𑌤𑌿 𑌕𑌾𑌰𑍍𑌯𑌕𑌾𑌰𑌣𑌤𑌯𑌾 𑌸𑍍𑌵𑌸𑍍𑌵𑌾𑌮𑌿𑌸𑌂𑌬𑌂𑌧𑌤𑌃
𑌶𑌿𑌷𑍍𑌯𑌚𑌾𑌰𑍍𑌯𑌤𑌯𑌾 𑌤𑌥𑍈𑌵 𑌪𑌿𑌤𑍃 𑌪𑍁𑌤𑍍𑌰𑌾𑌦𑍍𑌯𑌾𑌤𑍍𑌮𑌨𑌾 𑌭𑍇𑌦𑌤𑌃 ।
𑌸𑍍𑌵𑌪𑍍𑌨𑍇 𑌜𑌾𑌗𑍍𑌰𑌤𑌿 𑌵𑌾 𑌯 𑌏𑌷 𑌪𑍁𑌰𑍁𑌷𑍋 𑌮𑌾𑌯𑌾 𑌪𑌰𑌿𑌭𑍍𑌰𑌾𑌮𑌿𑌤𑌃
𑌤𑌸𑍍𑌮𑍈 𑌶𑍍𑌰𑍀 𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ ॥
𑌭𑍂𑌰𑌂𑌭𑌾𑌂𑌸𑍍𑌯𑌨𑌲𑍋𑌽𑌨𑌿𑌲𑍋𑌂𑌬𑌰 𑌮𑌹𑌰𑍍𑌨𑌾𑌥𑍋 𑌹𑌿𑌮𑌾𑌂𑌶𑍁𑌃 𑌪𑍁𑌮𑌾𑌨𑍍
𑌇𑌤𑍍𑌯𑌾𑌭𑌾𑌤𑌿 𑌚𑌰𑌾𑌚𑌰𑌾𑌤𑍍𑌮𑌕𑌮𑌿𑌦𑌂 𑌯𑌸𑍍𑌯𑍈𑌵 𑌮𑍂𑌰𑍍𑌤𑍍𑌯𑌷𑍍𑌟𑌕𑌮𑍍 ।
𑌨𑌾𑌨𑍍𑌯𑌤𑍍𑌕𑌿𑌂𑌚𑌨 𑌵𑌿𑌦𑍍𑌯𑌤𑍇 𑌵𑌿𑌮𑍃𑌶𑌤𑌾𑌂 𑌯𑌸𑍍𑌮𑌾𑌤𑍍𑌪𑌰𑌸𑍍𑌮𑌾𑌦𑍍𑌵𑌿𑌭𑍋
𑌤𑌸𑍍𑌮𑍈 𑌶𑍍𑌰𑍀 𑌗𑍁𑌰𑍁𑌮𑍂𑌰𑍍𑌤𑌯𑍇 𑌨𑌮 𑌇𑌦𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 ॥ ॥
𑌸𑌰𑍍𑌵𑌾𑌤𑍍𑌮𑌤𑍍𑌵𑌮𑌿𑌤𑌿 𑌸𑍍𑌫𑍁𑌟𑍀𑌕𑍃𑌤𑌮𑌿𑌦𑌂 𑌯𑌸𑍍𑌮𑌾𑌦𑌮𑍁𑌷𑍍𑌮𑌿𑌨𑍍 𑌸𑍍𑌤𑌵𑍇
𑌤𑍇𑌨𑌾𑌸𑍍𑌵 𑌶𑍍𑌰𑌵𑌣𑌾𑌤𑍍𑌤𑌦𑌰𑍍𑌥 𑌮𑌨𑌨𑌾𑌦𑍍𑌧𑍍𑌯𑌾𑌨𑌾𑌚𑍍𑌚 𑌸𑌂𑌕𑍀𑌰𑍍𑌤𑌨𑌾𑌤𑍍 ।
𑌸𑌰𑍍𑌵𑌾𑌤𑍍𑌮𑌤𑍍𑌵 𑌮𑌹𑌾𑌵𑌿𑌭𑍂𑌤𑌿𑌸𑌹𑌿𑌤𑌂 𑌸𑍍𑌯𑌾𑌦𑍀𑌶𑍍𑌵𑌰𑌤𑍍𑌵𑌂 𑌸𑍍𑌵𑌤𑌃
𑌸𑌿𑌦𑍍𑌧𑍍𑌯𑍇𑌤𑍍𑌤𑌤𑍍𑌪𑍁𑌨𑌰𑌷𑍍𑌟𑌧𑌾 𑌪𑌰𑌿𑌣𑌤𑌂 𑌚𑍈𑌶𑍍𑌵𑌰𑍍𑌯-𑌮𑌵𑍍𑌯𑌾𑌹𑌤𑌮𑍍 ॥ 10 ॥
॥ 𑌇𑌤𑌿 𑌶𑍍𑌰𑍀𑌮𑌚𑍍𑌛𑌂𑌕𑌰𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥
