View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

চাণক্য় নীতি - পংচমোঽধ্য়ায়ঃ

গুরুরগ্নির্দ্বিজাতীনাং বর্ণানাং ব্রাহ্মণো গুরুঃ ।
পতিরেব গুরুঃ স্ত্রীণাং সর্বস্য়াভ্য়াগতো গুরুঃ ॥ 01 ॥

যথা চতুর্ভিঃ কনকং পরীক্ষ্যতে
নিঘর্ষণচ্ছেদনতাপতাডনৈঃ ।
তথা চতুর্ভিঃ পুরুষঃ পরীক্ষ্যতে
ত্য়াগেন শীলেন গুণেন কর্মণা ॥ 02 ॥

তাবদ্ভয়েষু ভেতব্য়ং যাবদ্ভযমনাগতম্ ।
আগতং তু ভয়ং বীক্ষ্য় প্রহর্তব্যমশংকয়া ॥ 03 ॥

একোদরসমুদ্ভূতা একনক্ষত্রজাতকাঃ ।
ন ভবংতি সমাঃ শীলে যথা বদরকংটকাঃ ॥ 04 ॥

নিঃস্পৃহো নাধিকারী স্য়ান্ নাকামো মংডনপ্রিয়ঃ ।
নাবিদগ্ধঃ প্রিয়ং ব্রূয়াত্স্পষ্টবক্তা ন বংচকঃ ॥ 05 ॥

মূর্খাণাং পংডিতা দ্বেষ্য়া অধনানাং মহাধনাঃ ।
পরাংগনা কুলস্ত্রীণাং সুভগানাং চ দুর্ভগাঃ ॥ 06 ॥

আলস্য়োপগতা বিদ্য়া পরহস্তগতং ধনম্ ।
অল্পবীজং হতং ক্ষেত্রং হতং সৈন্যমনাযকম্ ॥ 07 ॥

অভ্য়াসাদ্ধার্যতে বিদ্য়া কুলং শীলেন ধার্যতে ।
গুণেন জ্ঞাযতে ত্বার্য়ঃ কোপো নেত্রেণ গম্যতে ॥ 08 ॥

বিত্তেন রক্ষ্যতে ধর্মো বিদ্য়া যোগেন রক্ষ্যতে ।
মৃদুনা রক্ষ্যতে ভূপঃ সত্স্ত্রিয়া রক্ষ্যতে গৃহম্ ॥ 09 ॥

অন্যথা বেদশাস্ত্রাণি জ্ঞানপাংডিত্যমন্যথা ।
অন্যথা তত্পদং শাংতং লোকাঃ ক্লিশ্য়ংতি চাহ্ন্যথা ॥ 10 ॥

দারিদ্র্যনাশনং দানং শীলং দুর্গতিনাশনম্ ।
অজ্ঞাননাশিনী প্রজ্ঞা ভাবনা ভযনাশিনী ॥ 11 ॥

নাস্তি কামসমো ব্য়াধির্নাস্তি মোহসমো রিপুঃ ।
নাস্তি কোপসমো বহ্নির্নাস্তি জ্ঞানাত্পরং সুখম্ ॥ 12 ॥

জন্মমৃত্য়ূ হি যাত্য়েকো ভুনক্ত্য়েকঃ শুভাশুভম্ ।
নরকেষু পতত্য়েক একো যাতি পরাং গতিম্ ॥ 13 ॥

তৃণং ব্রহ্মবিদঃ স্বর্গস্তৃণং শূরস্য় জীবিতম্ ।
জিতাশস্য় তৃণং নারী নিঃস্পৃহস্য় তৃণং জগত্ ॥ 14 ॥

বিদ্য়া মিত্রং প্রবাসে চ ভার্য়া মিত্রং গৃহেষু চ ।
ব্য়াধিতস্য়ৌষধং মিত্রং ধর্মো মিত্রং মৃতস্য় চ ॥ 15 ॥

বৃথা বৃষ্টিঃ সমুদ্রেষু বৃথা তৃপ্তস্য় ভোজনম্ ।
বৃথা দানং সমর্থস্য় বৃথা দীপো দিবাপি চ ॥ 16 ॥

নাস্তি মেঘসমং তোয়ং নাস্তি চাত্মসমং বলম্ ।
নাস্তি চক্ষুঃসমং তেজো নাস্তি ধান্যসমং প্রিযম্ ॥ 17 ॥

অধনা ধনমিচ্ছংতি বাচং চৈব চতুষ্পদাঃ ।
মানবাঃ স্বর্গমিচ্ছংতি মোক্ষমিচ্ছংতি দেবতাঃ ॥ 18 ॥

সত্য়েন ধার্যতে পৃথ্বী সত্য়েন তপতে রবিঃ ।
সত্য়েন বাতি বায়ুশ্চ সর্বং সত্য়ে প্রতিষ্ঠিতম্ ॥ 19 ॥

চলা লক্ষ্মীশ্চলাঃ প্রাণাশ্চলে জীবিতমংদিরে ।
চলাচলে চ সংসারে ধর্ম একো হি নিশ্চলঃ ॥ 20 ॥

নরাণাং নাপিতো ধূর্তঃ পক্ষিণাং চৈব বাযসঃ ।
চতুষ্পাদং শ‍ঋগালস্তু স্ত্রীণাং ধূর্তা চ মালিনী ॥ 21 ॥

জনিতা চোপনেতা চ যস্তু বিদ্য়াং প্রযচ্ছতি ।
অন্নদাতা ভযত্রাতা পংচৈতে পিতরঃ স্মৃতাঃ ॥ 22 ॥

রাজপত্নী গুরোঃ পত্নী মিত্রপত্নী তথৈব চ ।
পত্নীমাতা স্বমাতা চ পংচৈতা মাতরঃ স্মৃতাঃ ॥ 23 ॥




Browse Related Categories: