ගුරුරග්නිර්ද්විජාතීනාං වර්ණානාං බ්රාහ්මණෝ ගුරුඃ ।
පතිරේව ගුරුඃ ස්ත්රීණාං සර්වස්යාභ්යාගතෝ ගුරුඃ ॥ 01 ॥

යථා චතුර්භිඃ කනකං පරීක්ෂ්යතේ
නිඝර්ෂණච්ඡේදනතාපතාඩනෛඃ ।
තථා චතුර්භිඃ පුරුෂඃ පරීක්ෂ්යතේ
ත්යාගේන ශීලේන ගුණේන කර්මණා ॥ 02 ॥

තාවද්භයේෂු භේතව්යං යාවද්භයමනාගතම් ।
ආගතං තු භයං වීක්ෂ්ය ප්රහර්තව්යමශංකයා ॥ 03 ॥

ඒකෝදරසමුද්භූතා ඒකනක්ෂත්රජාතකාඃ ।
න භවංති සමාඃ ශීලේ යථා බදරකංටකාඃ ॥ 04 ॥

නිඃස්පෘහෝ නාධිකාරී ස්යාන් නාකාමෝ මංඩනප්රියඃ ।
නාවිදග්ධඃ ප්රියං බ්රූයාත්ස්පෂ්ටවක්තා න වංචකඃ ॥ 05 ॥

මූර්ඛාණාං පංඩිතා ද්වේෂ්යා අධනානාං මහාධනාඃ ।
පරාංගනා කුලස්ත්රීණාං සුභගානාං ච දුර්භගාඃ ॥ 06 ॥

ආලස්යෝපගතා විද්යා පරහස්තගතං ධනම් ।
අල්පබීජං හතං ක්ෂේත්රං හතං සෛන්යමනායකම් ॥ 07 ॥

අභ්යාසාද්ධාර්යතේ විද්යා කුලං ශීලේන ධාර්යතේ ।
ගුණේන ජ්ඤායතේ ත්වාර්යඃ කෝපෝ නේත්රේණ ගම්යතේ ॥ 08 ॥

විත්තේන රක්ෂ්යතේ ධර්මෝ විද්යා යෝගේන රක්ෂ්යතේ ।
මෘදුනා රක්ෂ්යතේ භූපඃ සත්ස්ත්රියා රක්ෂ්යතේ ගෘහම් ॥ 09 ॥

අන්යථා වේදශාස්ත්රාණි ජ්ඤානපාංඩිත්යමන්යථා ।
අන්යථා තත්පදං ශාංතං ලෝකාඃ ක්ලිශ්යංති චාහ්න්යථා ॥ 10 ॥

දාරිද්ර්යනාශනං දානං ශීලං දුර්ගතිනාශනම් ।
අජ්ඤානනාශිනී ප්රජ්ඤා භාවනා භයනාශිනී ॥ 11 ॥

නාස්ති කාමසමෝ ව්යාධිර්නාස්ති මෝහසමෝ රිපුඃ ।
නාස්ති කෝපසමෝ වහ්නිර්නාස්ති ජ්ඤානාත්පරං සුඛම් ॥ 12 ॥

ජන්මමෘත්යූ හි යාත්යේකෝ භුනක්ත්යේකඃ ශුභාශුභම් ।
නරකේෂු පතත්යේක ඒකෝ යාති පරාං ගතිම් ॥ 13 ॥

තෘණං බ්රහ්මවිදඃ ස්වර්ගස්තෘණං ශූරස්ය ජීවිතම් ।
ජිතාශස්ය තෘණං නාරී නිඃස්පෘහස්ය තෘණං ජගත් ॥ 14 ॥

විද්යා මිත්රං ප්රවාසේ ච භාර්යා මිත්රං ගෘහේෂු ච ।
ව්යාධිතස්යෞෂධං මිත්රං ධර්මෝ මිත්රං මෘතස්ය ච ॥ 15 ॥

වෘථා වෘෂ්ටිඃ සමුද්රේෂු වෘථා තෘප්තස්ය භෝජනම් ।
වෘථා දානං සමර්ථස්ය වෘථා දීපෝ දිවාපි ච ॥ 16 ॥

නාස්ති මේඝසමං තෝයං නාස්ති චාත්මසමං බලම් ।
නාස්ති චක්ෂුඃසමං තේජෝ නාස්ති ධාන්යසමං ප්රියම් ॥ 17 ॥

අධනා ධනමිච්ඡංති වාචං චෛව චතුෂ්පදාඃ ।
මානවාඃ ස්වර්ගමිච්ඡංති මෝක්ෂමිච්ඡංති දේවතාඃ ॥ 18 ॥

සත්යේන ධාර්යතේ පෘථ්වී සත්යේන තපතේ රවිඃ ।
සත්යේන වාති වායුශ්ච සර්වං සත්යේ ප්රතිෂ්ඨිතම් ॥ 19 ॥

චලා ලක්ෂ්මීශ්චලාඃ ප්රාණාශ්චලේ ජීවිතමංදිරේ ।
චලාචලේ ච සංසාරේ ධර්ම ඒකෝ හි නිශ්චලඃ ॥ 20 ॥

නරාණාං නාපිතෝ ධූර්තඃ පක්ෂිණාං චෛව වායසඃ ।
චතුෂ්පාදං ශ‍ඍගාලස්තු ස්ත්රීණාං ධූර්තා ච මාලිනී ॥ 21 ॥

ජනිතා චෝපනේතා ච යස්තු විද්යාං ප්රයච්ඡති ।
අන්නදාතා භයත්රාතා පංචෛතේ පිතරඃ ස්මෘතාඃ ॥ 22 ॥

රාජපත්නී ගුරෝඃ පත්නී මිත්රපත්නී තථෛව ච ।
පත්නීමාතා ස්වමාතා ච පංචෛතා මාතරඃ ස්මෘතාඃ ॥ 23 ॥