॥ ද්විතීය මුංඩකේ ප්රථමඃ ඛංඩඃ ॥

තදේතත් සත්යං
යථා සුදීප්තාත් පාවකාද්විස්ඵුලිංගාඃ
සහස්රශඃ ප්රභවංතේ සරූපාඃ ।
තථාऽක්ෂරාද්විවිධාඃ සෝම්ය භාවාඃ
ප්රජායංතේ තත්ර චෛවාපි යංති ॥ 1॥

දිව්යෝ හ්යමූර්තඃ පුරුෂඃ ස බාහ්යාභ්යංතරෝ හ්යජඃ ।
අප්රාණෝ හ්යමනාඃ ශුභ්රෝ හ්යක්ෂරාත් පරතඃ පරඃ ॥ 2॥

ඒතස්මාජ්ජායතේ ප්රාණෝ මනඃ සර්වේංද්රියාණි ච ।
ඛං-වාඁයුර්ජ්යෝතිරාපඃ පෘථිවී විශ්වස්ය ධාරිණී ॥ 3॥

අග්නීර්මූර්ධා චක්ෂුෂී චංද්රසූර්යෞ
දිශඃ ශ්රෝත්රේ වාග් විවෘතාශ්ච වේදාඃ ।
වායුඃ ප්රාණෝ හෘදයං-විඁශ්වමස්ය පද්භ්යාං
පෘථිවී හ්යේෂ සර්වභූතාංතරාත්මා ॥ 4॥

තස්මාදග්නිඃ සමිධෝ යස්ය සූර්යඃ
සෝමාත් පර්ජන්ය ඕෂධයඃ පෘථිව්යාම් ।
පුමාන් රේතඃ සිංචති යෝෂිතායාං
බහ්වීඃ ප්රජාඃ පුරුෂාත් සංප්රසූතාඃ ॥ 5॥

තස්මාදෘචඃ සාම යජූංෂි දීක්ෂා
යජ්ඤාශ්ච සර්වේ ක්රතවෝ දක්ෂිණාශ්ච ।
සං​වඁත්සරශ්ච යජමානශ්ච ලෝකාඃ
සෝමෝ යත්ර පවතේ යත්ර සූර්යඃ ॥ 6॥

තස්මාච්ච දේවා බහුධා සංප්රසූතාඃ
සාධ්යා මනුෂ්යාඃ පශවෝ වයාංසි ।
ප්රාණාපානෞ ව්රීහියවෞ තපශ්ච
ශ්රද්ධා සත්යං බ්රහ්මචර්යං-විඁධිශ්ච ॥ 7॥

සප්ත ප්රාණාඃ ප්රභවංති තස්මාත්
සප්තාර්චිෂඃ සමිධඃ සප්ත හෝමාඃ ।
සප්ත ඉමේ ලෝකා යේෂු චරංති ප්රාණා
ගුහාශයා නිහිතාඃ සප්ත සප්ත ॥ 8॥

අතඃ සමුද්රා ගිරයශ්ච සර්වේऽස්මාත්
ස්යංදංතේ සිංධවඃ සර්වරූපාඃ ।
අතශ්ච සර්වා ඕෂධයෝ රසශ්ච
යේනෛෂ භූතෛස්තිෂ්ඨතේ හ්යංතරාත්මා ॥ 9॥

පුරුෂ ඒවේදං-විඁශ්වං කර්ම තපෝ බ්රහ්ම පරාමෘතම් ।
ඒතද්යෝ වේද නිහිතං ගුහායාං
සෝऽවිද්යාග්රංථිං-විඁකිරතීහ සෝම්ය ॥ 10॥

॥ ඉති මුංඩකෝපනිෂදි ද්විතීයමුංඩකේ ප්රථමඃ ඛංඩඃ ॥