॥ দ্বিতীয় মুংডকে প্রথমঃ খংডঃ ॥

তদেতত্ সত্য়ং
যথা সুদীপ্তাত্ পাবকাদ্বিস্ফুলিংগাঃ
সহস্রশঃ প্রভবংতে সরূপাঃ ।
তথাঽক্ষরাদ্বিবিধাঃ সোম্য় ভাবাঃ
প্রজায়ংতে তত্র চৈবাপি যংতি ॥ 1॥

দিব্য়ো হ্যমূর্তঃ পুরুষঃ স বাহ্য়াভ্য়ংতরো হ্যজঃ ।
অপ্রাণো হ্যমনাঃ শুভ্রো হ্যক্ষরাত্ পরতঃ পরঃ ॥ 2॥

এতস্মাজ্জাযতে প্রাণো মনঃ সর্বেংদ্রিয়াণি চ ।
খং-বাঁয়ুর্জ্য়োতিরাপঃ পৃথিবী বিশ্বস্য় ধারিণী ॥ 3॥

অগ্নীর্মূর্ধা চক্ষুষী চংদ্রসূর্য়ৌ
দিশঃ শ্রোত্রে বাগ্ বিবৃতাশ্চ বেদাঃ ।
বায়ুঃ প্রাণো হৃদয়ং-বিঁশ্বমস্য় পদ্ভ্য়াং
পৃথিবী হ্য়েষ সর্বভূতাংতরাত্মা ॥ 4॥

তস্মাদগ্নিঃ সমিধো যস্য় সূর্য়ঃ
সোমাত্ পর্জন্য় ওষধয়ঃ পৃথিব্য়াম্ ।
পুমান্ রেতঃ সিংচতি যোষিতায়াং
বহ্বীঃ প্রজাঃ পুরুষাত্ সংপ্রসূতাঃ ॥ 5॥

তস্মাদৃচঃ সাম যজূংষি দীক্ষা
যজ্ঞাশ্চ সর্বে ক্রতবো দক্ষিণাশ্চ ।
সং​বঁত্সরশ্চ যজমানশ্চ লোকাঃ
সোমো যত্র পবতে যত্র সূর্য়ঃ ॥ 6॥

তস্মাচ্চ দেবা বহুধা সংপ্রসূতাঃ
সাধ্য়া মনুষ্য়াঃ পশবো বয়াংসি ।
প্রাণাপানৌ ব্রীহিযবৌ তপশ্চ
শ্রদ্ধা সত্য়ং ব্রহ্মচর্য়ং-বিঁধিশ্চ ॥ 7॥

সপ্ত প্রাণাঃ প্রভবংতি তস্মাত্
সপ্তার্চিষঃ সমিধঃ সপ্ত হোমাঃ ।
সপ্ত ইমে লোকা যেষু চরংতি প্রাণা
গুহাশয়া নিহিতাঃ সপ্ত সপ্ত ॥ 8॥

অতঃ সমুদ্রা গিরযশ্চ সর্বেঽস্মাত্
স্য়ংদংতে সিংধবঃ সর্বরূপাঃ ।
অতশ্চ সর্বা ওষধয়ো রসশ্চ
যেনৈষ ভূতৈস্তিষ্ঠতে হ্য়ংতরাত্মা ॥ 9॥

পুরুষ এবেদং-বিঁশ্বং কর্ম তপো ব্রহ্ম পরামৃতম্ ।
এতদ্য়ো বেদ নিহিতং গুহায়াং
সোঽবিদ্য়াগ্রংথিং-বিঁকিরতীহ সোম্য় ॥ 10॥

॥ ইতি মুংডকোপনিষদি দ্বিতীযমুংডকে প্রথমঃ খংডঃ ॥