ନମାମୀଶ୍ଵରଂ ସଚ୍ଚିଦାନଂଦରୂପଂ
ଲସତ୍କୁଂଡଲଂ ଗୋକୁଲେ ଭ୍ରାଜମାନମ୍ ।
ୟଶୋଦାଭିୟୋଲୂଖଲାଦ୍ଧାଵମାନଂ
ପରାମୃଷ୍ଟମତ୍ୟଂତତୋ ଦ୍ରୁତ୍ୟ ଗୋପ୍ୟା ॥ 1 ॥
ରୁଦଂତଂ ମୁହୁର୍ନେତ୍ରୟୁଗ୍ମଂ ମୃଜଂତଂ
କରାଂଭୋଜୟୁଗ୍ମେନ ସାତଂକନେତ୍ରମ୍ ।
ମୁହୁଃ ଶ୍ଵାସକଂପତ୍ରିରେଖାଂକକଂଠ-
ସ୍ଥିତଗ୍ରୈଵ-ଦାମୋଦରଂ ଭକ୍ତିବଦ୍ଧମ୍ ॥ 2 ॥
ଇତୀଦୃକ୍ ସ୍ଵଲୀଲାଭିରାନଂଦକୁଂଡେ
ସ୍ଵଘୋଷଂ ନିମଜ୍ଜଂତମାଖ୍ୟାପୟଂତମ୍ ।
ତଦୀୟେଷିତାଜ୍ଞେଷୁ ଭକ୍ତୈର୍ଜିତତ୍ଵଂ
ପୁନଃ ପ୍ରେମତସ୍ତଂ ଶତାଵୃତ୍ତି ଵଂଦେ ॥ 3 ॥
ଵରଂ ଦେଵ ମୋକ୍ଷଂ ନ ମୋକ୍ଷାଵଧିଂ ଵା
ନ ଚାନ୍ୟଂ ଵୃଣେଽହଂ ଵରେଷାଦପୀହ ।
ଇଦଂ ତେ ଵପୁର୍ନାଥ ଗୋପାଲବାଲଂ
ସଦା ମେ ମନସ୍ୟାଵିରାସ୍ତାଂ କିମନ୍ୟୈଃ ॥ 4 ॥
ଇଦଂ ତେ ମୁଖାଂଭୋଜମତ୍ୟଂତନୀଲୈର୍-
ଵୃତଂ କୁଂତଲୈଃ ସ୍ନିଗ୍ଧ-ରକ୍ତୈଶ୍ଚ ଗୋପ୍ୟା ।
ମୁହୁଶ୍ଚୁଂବିତଂ ବିଂବରକ୍ତଧରଂ ମେ
ମନସ୍ୟାଵିରାସ୍ତାଂ ଅଲଂ ଲକ୍ଷଲାଭୈଃ ॥ 5 ॥
ନମୋ ଦେଵ ଦାମୋଦରାନଂତ ଵିଷ୍ଣୋ
ପ୍ରସୀଦ ପ୍ରଭୋ ଦୁଃଖଜାଲାବ୍ଧିମଗ୍ନମ୍ ।
କୃପାଦୃଷ୍ଟିଵୃଷ୍ଟ୍ୟାତିଦୀନଂ ବତାନୁ
ଗୃହାଣେଶ ମାଂ ଅଜ୍ଞମେଧ୍ୟକ୍ଷିଦୃଶ୍ୟଃ ॥ 6 ॥
କୁଵେରାତ୍ମଜୌ ବଦ୍ଧମୂର୍ତ୍ୟୈଵ ୟଦ୍ଵତ୍
ତ୍ଵୟା ମୋଚିତୌ ଭକ୍ତିଭାଜୌ କୃତୌ ଚ ।
ତଥା ପ୍ରେମଭକ୍ତିଂ ସ୍ଵକଂ ମେ ପ୍ରୟଚ୍ଛ
ନ ମୋକ୍ଷେ ଗ୍ରହୋ ମେଽସ୍ତି ଦାମୋଦରେହ ॥ 7 ॥
ନମସ୍ତେଽସ୍ତୁ ଦାମ୍ନେ ସ୍ଫୁରଦ୍ଦୀପ୍ତିଧାମ୍ନେ
ତ୍ଵଦୀୟୋଦରାୟାଥ ଵିଶ୍ଵସ୍ୟ ଧାମ୍ନେ ।
ନମୋ ରାଧିକାୟୈ ତ୍ଵଦୀୟପ୍ରିୟାୟୈ
ନମୋଽନଂତଲୀଲାୟ ଦେଵାୟ ତୁଭ୍ୟମ୍ ॥ 8 ॥
ଇତି ଶ୍ରୀମଦ୍ପଦ୍ମପୁରାଣେ ଶ୍ରୀ ଦାମୋଦରାଷ୍ଟାକଂ ସଂପୂର୍ଣମ୍ ॥
