নমামীশ্বরং সচ্চিদানংদরূপং
লসত্কুংডলং গোকুলে ভ্রাজমানম্ ।
যশোদাভিয়োলূখলাদ্ধাবমানং
পরামৃষ্টমত্য়ংততো দ্রুত্য় গোপ্য়া ॥ 1 ॥
রুদংতং মুহুর্নেত্রয়ুগ্মং মৃজংতং
করাংভোজয়ুগ্মেন সাতংকনেত্রম্ ।
মুহুঃ শ্বাসকংপত্রিরেখাংককংঠ-
স্থিতগ্রৈব-দামোদরং ভক্তিবদ্ধম্ ॥ 2 ॥
ইতীদৃক্ স্বলীলাভিরানংদকুংডে
স্বঘোষং নিমজ্জংতমাখ্য়াপয়ংতম্ ।
তদীয়েষিতাজ্ঞেষু ভক্তৈর্জিতত্বং
পুনঃ প্রেমতস্তং শতাবৃত্তি বংদে ॥ 3 ॥
বরং দেব মোক্ষং ন মোক্ষাবধিং বা
ন চান্য়ং বৃণেঽহং বরেষাদপীহ ।
ইদং তে বপুর্নাথ গোপালবালং
সদা মে মনস্য়াবিরাস্তাং কিমন্য়ৈঃ ॥ 4 ॥
ইদং তে মুখাংভোজমত্য়ংতনীলৈর্-
বৃতং কুংতলৈঃ স্নিগ্ধ-রক্তৈশ্চ গোপ্য়া ।
মুহুশ্চুংবিতং বিংবরক্তধরং মে
মনস্য়াবিরাস্তাং অলং লক্ষলাভৈঃ ॥ 5 ॥
নমো দেব দামোদরানংত বিষ্ণো
প্রসীদ প্রভো দুঃখজালাব্ধিমগ্নম্ ।
কৃপাদৃষ্টিবৃষ্ট্য়াতিদীনং বতানু
গৃহাণেশ মাং অজ্ঞমেধ্যক্ষিদৃশ্য়ঃ ॥ 6 ॥
কুবেরাত্মজৌ বদ্ধমূর্ত্য়ৈব যদ্বত্
ত্বয়া মোচিতৌ ভক্তিভাজৌ কৃতৌ চ ।
তথা প্রেমভক্তিং স্বকং মে প্রযচ্ছ
ন মোক্ষে গ্রহো মেঽস্তি দামোদরেহ ॥ 7 ॥
নমস্তেঽস্তু দাম্নে স্ফুরদ্দীপ্তিধাম্নে
ত্বদীয়োদরায়াথ বিশ্বস্য় ধাম্নে ।
নমো রাধিকায়ৈ ত্বদীযপ্রিয়ায়ৈ
নমোঽনংতলীলায় দেবায় তুভ্যম্ ॥ 8 ॥
ইতি শ্রীমদ্পদ্মপুরাণে শ্রী দামোদরাষ্টাকং সংপূর্ণম্ ॥
