ଧ୍ୟାନଂ
ମାଧଵୋମାଧଵାଵୀଶୌ ସର୍ଵସିଦ୍ଧିଵିହାୟିନୌ ।
ଵଂଦେ ପରସ୍ପରାତ୍ମାନୌ ପରସ୍ପରନୁତିପ୍ରିୟୌ ॥
ସ୍ତୋତ୍ରଂ
ଗୋଵିଂଦ ମାଧଵ ମୁକୁଂଦ ହରେ ମୁରାରେ
ଶଂଭୋ ଶିଵେଶ ଶଶିଶେଖର ଶୂଲପାଣେ ।
ଦାମୋଦରାଽଚ୍ୟୁତ ଜନାର୍ଦନ ଵାସୁଦେଵ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 1
ଗଂଗାଧରାଂଧକରିପୋ ହର ନୀଲକଂଠ
ଵୈକୁଂଠକୈଟଭରିପୋ କମଠାବ୍ଜପାଣେ ।
ଭୂତେଶ ଖଂଡପରଶୋ ମୃଡ ଚଂଡିକେଶ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 2
ଵିଷ୍ଣୋ ନୃସିଂହ ମଧୁସୂଦନ ଚକ୍ରପାଣେ
ଗୌରୀପତେ ଗିରିଶ ଶଂକର ଚଂଦ୍ରଚୂଡ ।
ନାରାୟଣାଽସୁରନିବର୍ହଣ ଶାର୍ଙ୍ଗପାଣେ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 3
ମୃତ୍ୟୁଂଜୟୋଗ୍ର ଵିଷମେକ୍ଷଣ କାମଶତ୍ରୋ
ଶ୍ରୀକଂଠ ପୀତଵସନାଂବୁଦନୀଲଶୌରେ ।
ଈଶାନ କୃତ୍ତିଵସନ ତ୍ରିଦଶୈକନାଥ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 4
ଲକ୍ଷ୍ମୀପତେ ମଧୁରିପୋ ପୁରୁଷୋତ୍ତମାଦ୍ୟ
ଶ୍ରୀକଂଠ ଦିଗ୍ଵସନ ଶାଂତ ପିନାକପାଣେ ।
ଆନଂଦକଂଦ ଧରଣୀଧର ପଦ୍ମନାଭ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 5
ସର୍ଵେଶ୍ଵର ତ୍ରିପୁରସୂଦନ ଦେଵଦେଵ
ବ୍ରହ୍ମଣ୍ୟଦେଵ ଗରୁଡଧ୍ଵଜ ଶଂଖପାଣେ ।
ତ୍ର୍ୟକ୍ଷୋରଗାଭରଣ ବାଲମୃଗାଂକମୌଳେ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 6
ଶ୍ରୀରାମ ରାଘଵ ରମେଶ୍ଵର ରାଵଣାରେ
ଭୂତେଶ ମନ୍ମଥରିପୋ ପ୍ରମଥାଧିନାଥ ।
ଚାଣୂରମର୍ଦନ ହୃଷୀକପତେ ମୁରାରେ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 7
ଶୂଲିନ୍ ଗିରୀଶ ରଜନୀଶକଳାଵତଂସ
କଂସପ୍ରଣାଶନ ସନାତନ କେଶିନାଶ ।
ଭର୍ଗ ତ୍ରିନେତ୍ର ଭଵ ଭୂତପତେ ପୁରାରେ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 8
ଗୋପୀପତେ ୟଦୁପତେ ଵସୁଦେଵସୂନୋ
କର୍ପୂରଗୌର ଵୃଷଭଧ୍ଵଜ ଫାଲନେତ୍ର ।
ଗୋଵର୍ଧନୋଦ୍ଧରଣ ଧର୍ମଧୁରୀଣ ଗୋପ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 9
ସ୍ଥାଣୋ ତ୍ରିଲୋଚନ ପିନାକଧର ସ୍ମରାରେ
କୃଷ୍ଣାଽନିରୁଦ୍ଧ କମଲାକର କଲ୍ମଷାରେ ।
ଵିଶ୍ଵେଶ୍ଵର ତ୍ରିପଥଗାର୍ଦ୍ରଜଟାକଲାପ
ତ୍ୟାଜ୍ୟାଭଟାୟ ଇତି ସଂତତମାମନଂତି ॥ 10
ଅଷ୍ଟୋତ୍ତରାଧିକଶତେନ ସୁଚାରୁନାମ୍ନାଂ
ସଂଧର୍ଭିତାଂ ଲଲିତରତ୍ନକଦଂବକେନ ।
ସନ୍ନାମକାଂ ଦୃଢଗୁଣାଂ ଦ୍ଵିଜକଂଠଗାଂ ୟଃ
କୁର୍ୟାଦିମାଂ ସ୍ରଜମହୋ ସ ୟମଂ ନ ପଶ୍ୟେତ୍ ॥ 11
ଇତି ୟମକୃତ ଶ୍ରୀ ଶିଵକେଶଵ ସ୍ତୁତିଃ ।
