නමාමීශ්වරං සච්චිදානංදරූපං
ලසත්කුංඩලං ගෝකුලේ භ්රාජමානම් ।
යශෝදාභියෝලූඛලාද්ධාවමානං
පරාමෘෂ්ටමත්යංතතෝ ද්රුත්ය ගෝප්යා ॥ 1 ॥
රුදංතං මුහුර්නේත්රයුග්මං මෘජංතං
කරාංභෝජයුග්මේන සාතංකනේත්රම් ।
මුහුඃ ශ්වාසකංපත්රිරේඛාංකකංඨ-
ස්ථිතග්රෛව-දාමෝදරං භක්තිබද්ධම් ॥ 2 ॥
ඉතීදෘක් ස්වලීලාභිරානංදකුංඩේ
ස්වඝෝෂං නිමජ්ජංතමාඛ්යාපයංතම් ।
තදීයේෂිතාජ්ඤේෂු භක්තෛර්ජිතත්වං
පුනඃ ප්රේමතස්තං ශතාවෘත්ති වංදේ ॥ 3 ॥
වරං දේව මෝක්ෂං න මෝක්ෂාවධිං වා
න චාන්යං වෘණේऽහං වරේෂාදපීහ ।
ඉදං තේ වපුර්නාථ ගෝපාලබාලං
සදා මේ මනස්යාවිරාස්තාං කිමන්යෛඃ ॥ 4 ॥
ඉදං තේ මුඛාංභෝජමත්යංතනීලෛර්-
වෘතං කුංතලෛඃ ස්නිග්ධ-රක්තෛශ්ච ගෝප්යා ।
මුහුශ්චුංබිතං බිංබරක්තධරං මේ
මනස්යාවිරාස්තාං අලං ලක්ෂලාභෛඃ ॥ 5 ॥
නමෝ දේව දාමෝදරානංත විෂ්ණෝ
ප්රසීද ප්රභෝ දුඃඛජාලාබ්ධිමග්නම් ।
කෘපාදෘෂ්ටිවෘෂ්ට්යාතිදීනං බතානු
ගෘහාණේශ මාං අජ්ඤමේධ්යක්ෂිදෘශ්යඃ ॥ 6 ॥
කුවේරාත්මජෞ බද්ධමූර්ත්යෛව යද්වත්
ත්වයා මෝචිතෞ භක්තිභාජෞ කෘතෞ ච ।
තථා ප්රේමභක්තිං ස්වකං මේ ප්රයච්ඡ
න මෝක්ෂේ ග්රහෝ මේऽස්ති දාමෝදරේහ ॥ 7 ॥
නමස්තේऽස්තු දාම්නේ ස්ඵුරද්දීප්තිධාම්නේ
ත්වදීයෝදරායාථ විශ්වස්ය ධාම්නේ ।
නමෝ රාධිකායෛ ත්වදීයප්රියායෛ
නමෝऽනංතලීලාය දේවාය තුභ්යම් ॥ 8 ॥
ඉති ශ්රීමද්පද්මපුරාණේ ශ්රී දාමෝදරාෂ්ටාකං සංපූර්ණම් ॥
