রামানুজায় মুনয়ে নম উক্তি মাত্রং
কামাতুরোঽপি কুমতিঃ কলযন্নভীক্ষম্ ।
যামামনংতি যমিনাং ভগবজ্জনানাং
তামেব বিংদতি গতিং তমসঃ পরস্তাত্ ॥ 1 ॥

সোমাবচূডসুরশেখরদুষ্করেণ
কামাতিগোঽপি তপসা ক্ষপযন্নঘানি ।
রামানুজায় মুনয়ে নম ইত্যনুক্ত্বা
কোবা মহীসহচরে কুরুতেঽনুরাগম্ ॥ 2 ॥

রামানুজায় নম ইত্যসকৃদ্গৃণীতে
যো মান মাত্সর মদস্মর দূষিতোঽপি ।
প্রেমাতুরঃ প্রিযতমামপহায় পদ্মাং
ভূমা ভুজংগশযনস্তমনুপ্রয়াতি ॥ 3 ॥

বামালকানযনবাগুরিকাগৃহীতং
ক্ষেমায় কিংচিদপি কর্তুমনীহমানম্ ।
রামানুজো যতিপতির্যদি নেক্ষতে মাং
মা মামকোঽযমিতি মুংচতি মাধবোঽপি ॥ 4 ॥

রামানুজেতি যদিতং বিদিতং জগত্য়াং
নামীপি ন শ্রুতিসমীপমুপৈতি যেষাম্ ।
মা মা মদীয় ইতি সদ্ভিরুপেক্ষিতাস্তে
কামানুবিদ্ধমনসো নিপতংত্যধোঽধঃ ॥ 5 ॥

নামানুকীর্ত্য় নরকার্তিহরং যদীয়ং
ব্য়োমাধিরোহতি পদং সকলোঽপি লোকঃ ।
রামানুজো যতিপতির্যদি নাবিরাসীত্
কো মাদৃশঃ প্রভবিতা ভবমুত্তরীতুম্ ॥ 6 ॥

সীমামহীধ্রপরিধিং পৃথিবীমবাপ্তুং
বৈমানিকেশ্বরপুরীমধিবাসিতুং বা ।
ব্য়োমাধিরোঢুমপি ন স্পৃহয়ংতি নিত্য়ং
রামানুজাংঘ্রিয়ুগলং শরণং প্রপন্নাঃ ॥ 7 ॥

মা মা ধুনোতি মনসোঽপি ন গোচরং যত্
ভূমাসখেন পুরুষেণ সহানুভূয় ।
প্রেমানুবিদ্ধহৃদযপ্রিযভক্তলভ্য়ে
রামানুজাংঘ্রিকমলে রমতাং মনো মে ॥ 8 ॥

শ্লোকাষ্টকমিদং পুণ্য়ং যো ভক্ত্য়া প্রত্যহং পঠেত্ ।
আকারত্রযসংপন্নঃ শোকাব্ধিং তরতি দ্রুতম্ ॥