কদংববনচারিণীং মুনিকদংবকাদংবিনীং
নিতংবজিতভূধরাং সুরনিতংবিনীসেবিতাম্ ।
নবাংবুরুহলোচনামভিনবাংবুদশ্য়ামলাং
ত্রিলোচনকুটুংবিনীং ত্রিপুরসুংদরীমাশ্রয়ে ॥ 1 ॥
কদংববনবাসিনীং কনকবল্লকীধারিণীং
মহার্হমণিহারিণীং মুখসমুল্লসদ্বারুণীম্ ।
দয়াবিভবকারিণীং বিশদরোচনাচারিণীং
ত্রিলোচনকুটুংবিনীং ত্রিপুরসুংদরীমাশ্রয়ে ॥ 2 ॥
কদংববনশালয়া কুচভরোল্লসন্মালয়া
কুচোপমিতশৈলয়া গুরুকৃপালসদ্বেলয়া ।
মদারুণকপোলয়া মধুরগীতবাচালয়া
কয়াপি ঘননীলয়া কবচিতা বয়ং লীলয়া ॥ 3 ॥
কদংববনমধ্যগাং কনকমংডলোপস্থিতাং
ষডংবুরুহবাসিনীং সততসিদ্ধসৌদামিনীম্ ।
বিডংবিতজপারুচিং বিকচচংদ্রচূডামণিং
ত্রিলোচনকুটুংবিনীং ত্রিপুরসুংদরীমাশ্রয়ে ॥ 4 ॥
কুচাংচিতবিপংচিকাং কুটিলকুংতলালংকৃতাং
কুশেশযনিবাসিনীং কুটিলচিত্তবিদ্বেষিণীম্ ।
মদারুণবিলোচনাং মনসিজারিসম্মোহিনীং
মতংগমুনিকন্যকাং মধুরভাষিণীমাশ্রয়ে ॥ 5 ॥
স্মরেত্প্রথমপুষ্পিণীং রুধিরবিংদুনীলাংবরাং
গৃহীতমধুপাত্রিকাং মদবিঘূর্ণনেত্রাংচলাম্ ।
ঘনস্তনভরোন্নতাং গলিতচূলিকাং শ্য়ামলাং
ত্রিলোচনকুটুংবিনীং ত্রিপুরসুংদরীমাশ্রয়ে ॥ 6 ॥
সকুংকুমবিলেপনামলকচুংবিকস্তূরিকাং
সমংদহসিতেক্ষণাং সশরচাপপাশাংকুশাম্ ।
অশেষজনমোহিনীমরুণমাল্যভূষাংবরাং
জপাকুসুমভাসুরাং জপবিধৌ স্মরাম্য়ংবিকাম্ ॥ 7 ॥
পুরংদরপুরংধ্রিকাচিকুরবংধসৈরংধ্রিকাং
পিতামহপতিব্রতাপটুপটীরচর্চারতাম্ ।
মুকুংদরমণীমণীলসদলংক্রিয়াকারিণীং
ভজামি ভুবনাংবিকাং সুরবধূটিকাচেটিকাম্ ॥ 8 ॥
ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ ত্রিপুরসুংদর্যষ্টকম্ ।
