(প্রহর্ষণীবৃত্তম্ -)
তজ্জ্ঞানং প্রশমকরং যদিংদ্রিয়াণাং
তজ্জ্ঞেয়ং যদুপনিষত্সু নিশ্চিতার্থম্ ।
তে ধন্য়া ভুবি পরমার্থনিশ্চিতেহাঃ
শেষাস্তু ভ্রমনিলয়ে পরিভ্রমংতঃ ॥ 1॥
(বসংততিলকাবৃত্তম্ -)
আদৌ বিজিত্য় বিষয়ান্মদমোহরাগ-
দ্বেষাদিশত্রুগণমাহৃতয়োগরাজ্য়াঃ ।
জ্ঞাত্বা মতং সমনুভূযপরাত্মবিদ্য়া-
কাংতাসুখং বনগৃহে বিচরংতি ধন্য়াঃ ॥ 2॥
ত্যক্ত্বা গৃহে রতিমধোগতিহেতুভূতাম্
আত্মেচ্ছয়োপনিষদর্থরসং পিবংতঃ ।
বীতস্পৃহা বিষযভোগপদে বিরক্তা
ধন্য়াশ্চরংতি বিজনেষু বিরক্তসংগাঃ ॥ 3॥
ত্যক্ত্বা মমাহমিতি বংধকরে পদে দ্বে
মানাবমানসদৃশাঃ সমদর্শিনশ্চ ।
কর্তারমন্যমবগম্য় তদর্পিতানি
কুর্বংতি কর্মপরিপাকফলানি ধন্য়াঃ ॥ 4॥
ত্যক্ত্বীষণাত্রযমবেক্ষিতমোক্ষমর্গা
ভৈক্ষামৃতেন পরিকল্পিতদেহয়াত্রাঃ ।
জ্য়োতিঃ পরাত্পরতরং পরমাত্মসংজ্ঞং
ধন্য়া দ্বিজারহসি হৃদ্যবলোকয়ংতি ॥ 5॥
নাসন্ন সন্ন সদসন্ন মহসন্নচাণু
ন স্ত্রী পুমান্ন চ নপুংসকমেকবীজম্ ।
যৈর্ব্রহ্ম তত্সমমুপাসিতমেকচিত্তৈঃ
ধন্য়া বিরেজুরিত্তরেভবপাশবদ্ধাঃ ॥ 6॥
অজ্ঞানপংকপরিমগ্নমপেতসারং
দুঃখালয়ং মরণজন্মজরাবসক্তম্ ।
সংসারবংধনমনিত্যমবেক্ষ্য় ধন্য়া
জ্ঞানাসিনা তদবশীর্য় বিনিশ্চয়ংতি ॥ 7॥
শাংতৈরনন্যমতিভির্মধুরস্বভাবৈঃ
একত্বনিশ্চিতমনোভিরপেতমোহৈঃ ।
সাকং বনেষু বিজিতাত্মপদস্বরুপং
তদ্বস্তু সম্যগনিশং বিমৃশংতি ধন্য়াঃ ॥ 8॥
(মালিনীবৃত্তম্ -)
অহিমিব জনয়োগং সর্বদা বর্জয়েদ্য়ঃ
কুণপমিব সুনারীং ত্যক্তুকামো বিরাগী ।
বিষমিব বিষয়ান্য়ো মন্যমানো দুরংতান্
জযতি পরমহংসো মুক্তিভাবং সমেতি ॥ 9॥
(শার্দূলবিক্রীডিতবৃত্তম্ -)
সংপূর্ণং জগদেব নংদনবনং সর্বেঽপি কল্পদ্রুমা
গাংগং বরি সমস্তবারিনিবহঃ পুণ্য়াঃ সমস্তাঃ ক্রিয়াঃ ।
বাচঃ প্রাকৃতসংস্কৃতাঃ শ্রুতিশিরোবারাণসী মেদিনী
সর্বাবস্থিতিরস্য় বস্তুবিষয়া দৃষ্টে পরব্রহ্মণি ॥ 10॥
॥ ইতি শ্রীমদ্ শংকরাচার্যবিরচিতং ধন্য়াষ্টকং সমাপ্তম্ ॥
