মুরারিকাযকালিমাললামবারিধারিণী
তৃণীকৃতত্রিবিষ্টপা ত্রিলোকশোকহারিণী ।
মনোঽনুকূলকূলকুংজপুংজধূতদুর্মদা
ধুনোতু মে মনোমলং কলিংদনংদিনী সদা ॥ 1 ॥

মলাপহারিবারিপূরভূরিমংডিতামৃতা
ভৃশং প্রপাতকপ্রবংচনাতিপংডিতানিশম্ ।
সুনংদনংদনাংগসংগরাগরংজিতা হিতা
ধুনোতু মে মনোমলং কলিংদনংদিনী সদা ॥ 2 ॥

লসত্তরংগসংগধূতভূতজাতপাতকা
নবীনমাধুরীধুরীণভক্তিজাতচাতকা ।
তটাংতবাসদাসহংসসংসৃতা হি কামদা
ধুনোতু মে মনোমলং কলিংদনংদিনী সদা ॥ 3 ॥

বিহাররাসখেদভেদধীরতীরমারুতা
গতা গিরামগোচরে যদীযনীরচারুতা ।
প্রবাহসাহচর্যপূতমেদিনীনদীনদা
ধুনোতু মে মনোমলং কলিংদনংদিনী সদা ॥ 4 ॥

তরংগসংগসৈকতাংচিতাংতরা সদাসিতা
শরন্নিশাকরাংশুমংজুমংজরীসভাজিতা ।
ভবার্চনায় চারুণাংবুনাধুনা বিশারদা
ধুনোতু মে মনোমলং কলিংদনংদিনী সদা ॥ 5 ॥

জলাংতকেলিকারিচারুরাধিকাংগরাগিণী
স্বভর্তুরন্যদুর্লভাংগসংগতাংশভাগিনী ।
স্বদত্তসুপ্তসপ্তসিংধুভেদনাতিকোবিদা
ধুনোতু মে মনোমলং কলিংদনংদিনী সদা ॥ 6 ॥

জলচ্য়ুতাচ্য়ুতাংগরাগলংপটালিশালিনী
বিলোলরাধিকাকচাংতচংপকালিমালিনী ।
সদাবগাহনাবতীর্ণভর্তৃভৃত্যনারদা
ধুনোতু মে মনোমলং কলিংদনংদিনী সদা ॥ 7 ॥

সদৈব নংদনংদকেলিশালিকুংজমংজুলা
তটোত্থফুল্লমল্লিকাকদংবরেণুসূজ্জ্বলা ।
জলাবগাহিনাং নৃণাং ভবাব্ধিসিংধুপারদা
ধুনোতু মে মনোমলং কলিংদনংদিনী সদা ॥ 8 ॥