কলিতকনকচেলং খংডিতাপত্কুচেলং
গলধৃতবনমালং গর্বিতারাতিকালম্ ।
কলিমলহরশীলং কাংতিধূতেংদ্রনীলং
বিনমদবনশীলং বেণুগোপালমীডে ॥ 1 ॥
ব্রজয়ুবতিবিলোলং বংদনানংদলোলং
করধৃতগুরুশৈলং কংজগর্ভাদিপালম্ ।
অভিমতফলদানং শ্রীজিতামর্ত্যসালং
বিনমদবনশীলং বেণুগোপালমীডে ॥ 2 ॥
ঘনতরকরুণাশ্রীকল্পবল্ল্য়ালবালং
কলশজলধিকন্য়ামোদকশ্রীকপোলম্ ।
প্লুষিতবিনতলোকানংতদুষ্কর্মতূলং
বিনমদবনশীলং বেণুগোপালমীডে ॥ 3 ॥
শুভদসুগুণজালং সূরিলোকানুকূলং
দিতিজততিকরালং দিব্যদারায়িতেলম্ ।
মৃদুমধুরবচঃশ্রী দূরিতশ্রীরসালং
বিনমদবনশীলং বেণুগোপালমীডে ॥ 4 ॥
মৃগমদতিলকশ্রীমেদুরস্বীযফালং
জগদুদযলযস্থিত্য়াত্মকাত্মীযখেলম্ ।
সকলমুনিজনালীমানসাংতর্মরালং
বিনমদবনশীলং বেণুগোপালমীডে ॥ 5 ॥
অসুরহরণখেলনং নংদকোত্ক্ষেপলীলং
বিলসিতশরকালং বিশ্বপূর্ণাংতরালম্ ।
শুচিরুচিরযশশ্শ্রীধিক্কৃত শ্রীমৃণালং
বিনমদবনশীলং বেণুগোপালমীডে ॥ 6 ॥
স্বপরিচরণলব্ধ শ্রীধরাশাধিপালং
স্বমহিমলবলীলাজাতবিধ্য়ংডগোলম্ ।
গুরুতরভবদুঃখানীক বাঃপূরকূলং
বিনমদবনশীলং বেণুগোপালমীডে ॥ 7 ॥
চরণকমলশোভাপালিত শ্রীপ্রবালং
সকলসুকৃতিরক্ষাদক্ষকারুণ্য় হেলম্ ।
রুচিবিজিততমালং রুক্মিণীপুণ্যমূলং
বিনমদবনশীলং বেণুগোপালমীডে ॥ 8 ॥
শ্রীবেণুগোপাল কৃপালবালাং
শ্রীরুক্মিণীলোলসুবর্ণচেলাম্ ।
কৃতিং মম ত্বং কৃপয়া গৃহীত্বা
স্রজং যথা মাং কুরু দুঃখদূরম্ ॥ 9 ॥
ইতি শ্রী বেণুগোপালাষ্টকম্ ।
