দর্শনাদভ্রসদসি জননাত্কমলালয়ে ।
কাশ্য়াং তু মরণান্মুক্তিঃ স্মরণাদরুণাচলে ॥ 1 ॥
করুণাপূরিতাপাংগং শরণাগতবত্সলম্ ।
তরুণেংদুজটামৌলিং স্মরণাদরুণাচলম্ ॥ 2 ॥
সমস্তজগদাধারং সচ্চিদানংদবিগ্রহম্ ।
সহস্ররথসোপেতং স্মরণাদরুণাচলম্ ॥ 3 ॥
কাংচনপ্রতিমাভাসং বাংছিতার্থফলপ্রদম্ ।
মাং চ রক্ষ সুরাধ্যক্ষং স্মরণাদরুণাচলম্ ॥ 4 ॥
বদ্ধচংদ্রজটাজূটমর্ধনারীকলেবরম্ ।
বর্ধমানদয়াংভোধিং স্মরণাদরুণাচলম্ ॥ 5 ॥
কাংচনপ্রতিমাভাসং সূর্যকোটিসমপ্রভম্ ।
বদ্ধব্য়াঘ্রপুরীধ্য়ানং স্মরণাদরুণাচলম্ ॥ 6 ॥
শিক্ষয়াখিলদেবারি ভক্ষিতক্ষ্বেলকংধরম্ ।
রক্ষয়াখিলভক্তানাং স্মরণাদরুণাচলম্ ॥ 7 ॥
অষ্টভূতিসমায়ুক্তমিষ্টকামফলপ্রদম্ ।
শিষ্টভক্তিসমায়ুক্তান্ স্মরণাদরুণাচলম্ ॥ 8 ॥
বিনাযকসুরাধ্যক্ষং বিষ্ণুব্রহ্মেংদ্রসেবিতম্ ।
বিমলারুণপাদাব্জং স্মরণাদরুণাচলম্ ॥ 9 ॥
মংদারমল্লিকাজাতিকুংদচংপকপংকজৈঃ ।
ইংদ্রাদিপূজিতাং দেবীং স্মরণাদরুণাচলম্ ॥ 10 ॥
সংপত্করং পার্বতীশং সূর্যচংদ্রাগ্নিলোচনম্ ।
মংদস্মিতমুখাংভোজং স্মরণাদরুণাচলম্ ॥ 11 ॥
ইতি শ্রীঅরুণাচলাষ্টকম্ ॥
